Fasnachtssamsti, 03. März 2012, Huttu

Сomentários

Transcrição

Fasnachtssamsti, 03. März 2012, Huttu
Fasnachtssamsti, 03. März 2012, Huttu
Jo dr erscht Morge nachem erschte Obe ar Fasnachts z Huttu isch no gange. Mir si uf, ga
Gipfeli hole id Landi. I Ü-Ruum hei mir gmüetlch Zmörgelet. Und scho gli drufabe si die
erschte cho für zum Schminke. Das isch egentlich gange wie immer. Chli Musig derzue, afe es
Bierli näh oder es Minerau je nach däm. Oder natürlich o eine vo üsne Monster Energy
drinks. Nachem Schminke hets no es paar Infos gäh und när si mir richti Coop ufe wo am
14:30 üse erscht Uftritt vorem Umzug het statt gfunge. Zyt heimer do 15 min. gha. Die hei
mir du o usgnützt und es paar Liedli und Schlagstück zum beschte gä. Es richtig guets
Warmup für e Umzug nächär. Jo zwüsche Uftritt u Umzug hei mir mit bekannt no chli
gschnuret und när si mir o scho gli igstange für e Umzug!!
HE HUERE GEIL MIR HEI ES OUTO MIT RIISE FAHNE UND ES ISCH HUERE GRÜEN!!! ABARTIG
GEIL!!! (Wie das das ganze het usgseh chöit dir unger de Fotos vor Huttu-Fasnacht ga luege)
Es hat auso niemer gwüsst dases ize glich no so äs Gfährt hei… So geil!!! DANKE ÜSEM
ORGANISATOR!!! Es het würklich Wäutklass usgseh… Und dir chöit euch gar nid vorsteue,
was das für ne Magnetischi Aziehigschraft het gha. Plötzlich het me vom Outo nüme viu gseh
und e schar schüudliträgendi Ching si drumum gstange. Darfi o es Bängeli ha?? Dafi o es
Energy Dring ha… hets dönt. Jo am 15:15 isch du när dr Umzug los gange. Wie immer si mir s
Nr. 2 gsi grad hinger de Treichler. Nach dene isch s Outo gfahre und hinger dra mir… Dr
Umzug isch super glüffe. Het me doch wider es paar bekannti Gsichter gseh wome scho lang
nüme atroffe het. Ufem Brunneplatz isch dr Umzug du när düre gsi. Ize hei mir dr Umzug
säuber no chönne luege. Nachem Umzug isch du när s Monsterkonzärt bir Chile. Jedi Gugge
het abwächsligswiis immer eis Lied dörfe spile. Bi üs isch du nach üsem Lied no d Toufi ufem
Programm gstange. Dasmou sis auso 8 Neueli gsi… Huere guet het das usgseh mit dene
Konfetti. Muess do derzue säge das me aus Gotte oder Götti o nid ganz verschont blibt mit
de Konfetti. I ha ömu o ganz doll müesse ga läre… Nach dr Toufi simer du ga föttele.
Gruppefotos hets gäh… Und o no Einzuföteli die wo hei wöue… När hets scho gli gheisse ga
ässe is Rössli… Mmmmhhh es isch eifach immer wider fein. Zersch gits Salat und när immer
es feins Rahmschnitzel alias Schamritzel… ☺ Suuuper sach isch das immer. DANKE am
VEREIN für das feine ZNACHT!!! Nachem Znacht isch de d Beizefasnacht wider los gange. Die
erschti Beiz isch isch d Chrone gsi… När isches witer is Stadthuus und z letsch no ufem
Brunneplatz mit de Autsumper zäme… Aber e chli es Highlight isch natürlich dr Uftritt am
23:00 gsi zäme mit de Fleigutätscher vo Visp vorem Stadthaus. Es isch eifach gwautig wie das
dönt wenn me aus Tampi so viu lüt vordranne het. Es isch eifach WOW…. Jo mir hei gloub
öppe 8 lieder zäme gspiut und när isch das o scho wider verbi gsi. Jo und de isch üses
Pflichtprogramm für dä samschti obe düre gsi.
Es paari si no witers chli ga feschte und näh. Es paari si äuä o früecher oder spöter hei. Und
nachere churze nacht isches du am Sunndi no witer gange aber das isch e angere Bricht.
09.03.2012, Stefanie Schär

Documentos relacionados