O LE TULAFONO ATOATOA ONA LELEI O LE SA`OLOTOGA

Lesona 12
O LE TULAFONO ATOATOA ONA LELEI
O LE SA’OLOTOGA
O se vaega-faapātī i totonu o Amerika na latou faia se tete’e ona o le tulafono
na tuuina atu ina ia totogi e tagata Amerika se lafoga faaopoopo i le tau o le ti,
o se mea lenei na tupu na faamauina i talaaga na mafua ai ona tula’i mai le taua
o le tutoatasi i le va o kolone o Amerika ma Egelani. O tulafono lē fetaui na
fesootai ma le totogiina o lafoga o le fefaataua’iga o le ti, na mafua ai le tete’e a
ulua’i tagata o Amerika o ē na faapea atu, “Aumai ia te a’u le saolotoga, pe
Aumai ia te a’u le oti”. A aunoa ma le saolotoga moni, ona avea ai lea o le ola,
o se oti o loo ola. A’o loo i ai lava se naunautaiga ina ia teena aiaiga uma lava i
lalo o le alofaga o le saolotoga, ae o le mea moni, o le tetee lea i le tulafono, i le
mana’o atu lea i le ola lē pulea. O le lagolagoina o tulafono o loo puipuia ai a
tatou aiā tatau, meatotino ma se olaga mamā i le amio, o le ola moni lava lea i
lalo o tulafono o le saolotoga.
O le loto gatasi o meaola uma lava na foafoaina, e faalagolago atu lea i le usitai
i le tulafono a le Atua o Lē na foafoaina mea uma. Na faatuina e le Atua
tulafono mo le sologa lelei ma le pulega lelei, e lē gata mo mea ola uma lava,
ae faapena ai foi i gaioiga uma a mea uma lava e lē o gaioi, ma paneta. O le
tulafono a le Atua e atoatoa ona lelei ma paia e faapei o Lē na foa’iina mai le
Tulafono. O le tulafono o se faaaliga lea o Lona finagalo, o se ata tusia lea o
Lana amio, o le faaaliga lea o Lona alofa ma Lona poto. O mea uma lava o loo
pulea e tulafono, tulafono ia e lē mafai ona lafoaia e aunoa ma le saoloto mai i
fa’asalaga. Peitai, a’o pulea mea uma lava o le natura, e tulafono o le natura, ua
sili atu le tele o matāfaioi o tagata, ona ua latou i lalo o le tulafono o le amio a
le Atua. Ua foai mai e le Alii ia i tatou le malosi ma le poto tatou te
malamalama ai i Ona manaoga ma le tonu o Lana tulafono ma malamalama ai i
manaoga paia o Lana tulafono.
E leai se malo e mafai ona tula’i mai e aunoa ma ni tulafono, ma o soo se mea
lava e pule ai le lē faatulagaina lelei ma le leai o ni tulafono, e i ai foi le
malepelepe, lē malamalama ma mafatiaga. Ua tatou iloa lelei lava le lē
faatulafonoina o le olaga i o tatou taimi nei. I lona tulai mai ua sosoo mai ai ma
le sauā, ma le faaumatiaina o le ola ma meatotino, o loo aumaia uma lava i le
alaga o le “Saolotoga”. Peitai o le a le mea e aofia i le saolotoga moni?
O LE TULAFONO A LE ATUA – E LĒ MASUIA MA
ATOATOA ONA LELEI
1
O le vateatea atoa uma lava e faalagolago atu i le Atua, o Lē o loo taofia ma
faatumauina mea uma o loo i ai e ala i Ana tulafono lē-masuia o le natura. Afai
na mafai ona suia nei tulafono, semanu ua nunumi mea uma, semanu ua leai se
uiga o a’oa’oga faasaienitisi, ma semanu tatou te lē mafaia ona talitonu foi i le
Atua poo Lana Upu. Peitai o nei tulafono e tumau e fa’avavau, ma e lē masuia
e faapei ona lē-maliliu o Ia.
“O meaalofa lelei uma e foa’ifuaina mai, atoa ma meaalofa uma e atoatoa
ona lelei, e mai i lugā lava ia, e alu ifo mai i le Tamā o malamalama, e lē o ia
te Ia se mea faaletumau, poo sina liliu itiiti.” – Iakopo 1:17.
“O lea ia atoatoa ai ona lelei o la outou amio, e faapei o lo outou Tamā oi le
lagi e atoatoa ona lelei o Ia.” – Mataio 5:48.
Ana mafai ona liliu le Atua, semanu ua muta Lona lelei atoatoa. E ui lava ina e
i’u ina liliu ma suia mea uma o loo siomia maia i tatou, a’o lo tatou Tamā oi le
lagi o se Atua Ia o le alofa, e soifua o Ia e faavavau ma e lē maliliu lava Ia.
“O lē e lē alofa, ua lē iloa e ia le Atua; auā o le Atua o le alofa lava Ia.” – 1
Ioane 4:8.
E matagofie lava lo tatou iloaina, o Ia o le Alofa, ua Ia foai mai ia i tatou
tulafono, mo lo tatou olaga fiafia, ma le loto malie i lo tatou ola faatasi ai ma Ia.
Ua foa’iina mai le avanoa ina ia ola ai i le atoaga o le olaga e aunoa ma mea e
fefe ai a’o tatou nonofo i luma o le Atua.
O LE TULAFONO O LE AMIO A LE ATUA E ATOATOA
ONA LELEI
“E atoatoa ona lelei le tulafono a Ieova, e faafoisia mai ai le agaga:…” –
Salamo 19:7.
E faapei lava ona lē masuia tulafono o le natura, e faapena foi ona lē mafai ona
suia tulafono o le amio. I le Salamo 119, o loo faamatala mai ai le tulafono o le
amio a le Atua fai mai e “mamā”, “o le upu moni” ma “faamaoni”. Talu ai ona
o le faamatalaga lenei o le natura o le Atua lava Ia, o lea ua faailoa mai ai, o le
tulafono o le amio, o upu tusia ia o Lona natura.
“O le galuega a Ona aao e moni ia ma le tonu; e faamaoni ana feau uma
lava. E faatumauina ia e faavavau faavavau lava; ua faia i le faamaoni ma le
tonu.” – Salamo 111:7, 8.
“A’o lē e matuā matamata i le tulafono atoatoa ona lelei o le saolotoga, ma
ua tumau i ai o ia, e lē se faalogologo ma le faagalogalo lena tagata, a’o lē
anaana i le galuega, e manuia o ia i lona lava anaana.” – Iakopo 1:25.
2
O LE SAOLOTOGA MONI E MAUA LEA I LE USITAI
O se faaupuga uiga ese lea o loo fai mai e le tele o Kerisiano i ta’utinoga i lo
latou fai mai, ua faalēaogaina le tulafono a le Atua. O le tulafono a le Atua, o
loo masani lava ona ta’ufaatauva’aina, i le faaigoaina o se amo o le pologa. Ae
o le tagata talepe tulafono, lea na te lē o maua le saolotoga. E moni lenei
faamatalaga e faatatau i tulafono o le puleaina o tagatā nuu ma e faapena foi
ona moni e faatatau i le tulafono o le amio. O le mea lea o loo tautala ai Iakopo
e faatatau i le tulafono a le Atua fai mai o le tulafono lea o le saolotoga.
“A’o lē matuā matamata i le tulafono atoatoa ona lelei o le saolotoga, ma ua
tumau i ai o ia, e lē se faalogologo ma le faagalogalo lena tagata, a’o le
anaana i le galuega, e manuia o ia i lona lava anaana.” – Iakopo 1:25.
“Afai foi ua atoatoa ona anaana o outou i le tulafono silisili, e tusa ma le
Tusi, Ia e alofa atu i lē lua te tuaoi, ia pei o oe lava ia te oe, tou te amio lelei
ai; Ae afai tou te faailogaina tagata, ua outou agasala ai, ua faailoaina ai i le
tulafono o solitulafono outou; Auā o sē tausi le tulafono uma, ae agasala i se
mea e tasi, ua nofo sala ia i mea uma. Auā o ia na fetalai mai, Aua le mulilua,
ua fetalai mai foi o ia, Aua le fasioti tagata; afai e te lē mulimua, a ua ē
fasioti tagata, ua fai oe ma solitulafono. Ia faapea ona outou tautala, ia
faapea foi ona outou faia, pei o ē a faamasinoina i le tulafono o le
sa’olotoga.” – Iakopo 2:8-12.
SA I AI LE TULAFONO A LE ATUA A’O LE’I I AI MOSE
I le foafoaga, na atoatoa ona lelei le tagata, e le’i i ai ma se agasala ia te ia, ma
na foa’i atu e le Atua ia te ia le malosi o le filifiliga saoloto e usitai ai. Na pau
lava le tapu na tuuina atu, o le faasāina lea o le aina ma le pa’i atu i le laau e
iloa ai le lelei ma le leaga. Ina ua lē usitai le ulugalii muamua i le Atua, na
aveesea mai loa ia te i la’ua lo la saolotoga atoatoa lava ma lo la fiafia lea sa la
olioli ai e o’o mai i le taimi lena. Ua lā i lalo o le puleaga a Satani. Sa aveesea
mai ia te i la’ua le amio atoatoa ona lelei lea sa iā te i la’ua a’o le’i agasala i
la’ua. E ui lava ina la faanaunau ina ia fa’aauau pea ona la nonofo i totonu o le
faatoaga, ae na lē mafai ona la nonofo ai. Ua i ai nei i la’ua i lalo o lo la natura
pa’ū, ua lē mafai ona lā usitai i poloaiga a le Atua ma ua lē mafai ona la
faatumauina lo latou loto gatasi ma le Atua.
“Tou te le’i iloa ea, o lē tou te tuuina atu i ai outou e fai ma auuana e
anaana i ai, o ana auauna outou tou te anaana i ai, poo le agasala e o’o ai le
oti, poo le anaana e o’o ai le amiotonu? – Roma 6:16.
Ana lē seanoa le fuafuaga o le faaolataga lea na tuuina atu le feitaga’i i le loto e
tete’e atu ai i lo laua lava natura pa’ū (Kenese 3:15), semanu e leai se
faamoemoe mo le aigā tagata. O le saolotoga moni e faalagolago lea i le usitai
ma le naunau atoatoa lava i le tulafono a le Atua. Ina ua lē usitai tagata i le
3
Atua, na latou “…faamaualuluga faalialiavale i o latou manatunatuga, ma
ua faapouliuligia o latou loto valea.” – Roma 1:21.
O le iloa e faatatau i le tulafono a le Atua na tu’ufaasolo mai iā Atamu ma Eva i
augātupulaga na mulimuli atu. O Aperaamo, o lē na ola ina ua mavae le lolo,
peitai na ia ola a’o le’i taitai i ai le tulafono i lona foliga tusia, sa ia iloa lelei
lava poloaiga a le Atua.
“Auā na faalogo Aperaamo i a’u upu, ma na tausi i a’u sauniga, ma a’u
poloaiga, ma a’u faatonuga, ma a’u tulafono.” – Kenese 26:5.
O Iesu, lo tatou Faaola, sa tu’ua’iina o Ia i le tele o taimi e ta’ita’i faalelotu o
Ona taimi, i Lona suia o le tulafono a le Atua. O le a lana tali i nei tu’ua’iga?
“Aua ne’i outou manatu ua ou sau e faaumatia le tulafono poo le au
perofeta; Ou te le’i sau e faaumatia, a ia faataunuuina. Auā e moni, ou te fai
atu ia te outou, e mavae atu le lagi ma le lalolagi, ae lē mavae atu lava se iota
poo sina fasi mataitusi o le tulafono, seia taunuu mea uma. O lenei, o sē na
te talepeina se poloaiga e tasi e aupito itiiti o nei poloaiga, ma faapea ona
a’oa’o i tagata, e ta’ua ia e aupito itiiti i le malo o le lagi; a’o sē anaana ma
a’oa’o ai, e taua o ia e sili i le malo o le lagi.” – Mataio 5:17-19.
O le faataunuuina o le tulafono na faamanino atili mai ina ua faamatalaina e
Paulo le tāua tele o Poloaiga e Sefulu. Roma 13:8 – “Aua ne’i outou aitalafu i
se mea e tasi a se tasi tagata, ae tau lava o le alofa o le tasi i le tasi: auā ai sē
alofa atu i se tasi tagata, ua atoatoa ona faia e ia o le tulafono.”
O AI NA FOA’IINA MAI LE TULAFONO?
O le faamaumauga tusitusia muamua lava e faatatau i le Tulafono a le Atua na
tuuina atu lea ia Mose i luga o le Mauga o Sinai. Na matuā paia lava i le Atua
Lana tulafono o lea na Ia lē tuuina mai ai i tusiupu faaletagata le tusiaina o
Lana tulafono, e pei ona Ia faatagaina i isi Ana upu uma lava (2 Peteru 1:21).
Na Ia fetalaiina mai e Ia lava le tulafono ma tusia ai i luga o papa ma’a e Lona
lava tamatama’i lima. (Esoto 20:1; 32:16).
a)
Na faailoa mai e Ieova Ia lava o le Faaola lea o Ona tagata: “O A’u o
Ieova lou Atua, o Lē na aumaia oe nai le nuu o Aikupito, o le mea sa nofo
pologa ai.” – Esoto 20:2.
O loo faatasi pea Iesu ma sa faatasi lava o Ia ma ona tagata auā o Lona
naunautaiga o loo fusia faatasi atu i o latou faanaunauga.
“O o latou puapuaga uma lava, na puapuagatia ai foi o ia, ma na faaolaina i
latou e le agelu o lona faatasi mai: na ia toe faatauina i latou i lona alofa na
4
lona agalelei; na ia siitia i latou; ma tauave ia i latou i aso uma anamua.” –
Isaia 63:9.
“Ma feinu uma i le vai e tasi faaleagaga; auā na latou feinu i lena Papa
faaleagaga sa mulimuli atu ia te i latou, o lena Papa foi o Keriso lea.” – 1
Korinito 10:4.
e)
I le ogatotonu tonu lava o le tulafono, o loo Ia faaalia ai o Ia lava o
Lē na foafoaina mea uma:
“Auā na faia e Ieova i aso e ono le lagi ma le lalolagi, ma le sami, ma mea
uma lava o i ai, ona malolo ai lea o ia i le aso lona fitu: o le mea lea na
faamanuia ai e Ieova le aso sapati, ma faapaiaina ai.” – Esoto 20:11.
Tatou te faitau atili foi e faatatau ia te Ia i le Ioane 1: “Na ia faia mea uma
lava; e leai foi se mea e tasi na faia e le’i faia e ia.” – Ioane 1:3. O Keriso o
loo faaalia iinei o Ia o Lē na foafoaina mea uma. Na fai mai le tusi a le
aposetolo o Paulo: “Auā na faia e ia o mea uma lava, o mea i le lagi ma mea i
le lalolagi, o mea o vaaia ma mea e lē o vaaia, o nofoalii, ma alii, ma alii sili,
ma faipule; na faia e ia mea uma lava, na faia foi mo ia” – Kolose 1:16.
O ai lo tatou Faaola (lea na faatusalia i le lavea’iga mai i Aikupito) poo lē na
toe faatauina mai i tatou nai le agasala? “O le a fanau mai e ia le tama tane, e
te faaigoa foi ia te ia o Iesu; auā e faaola e ia lona nu’u ai a latou agasala.”
– Mataio 1:21.
E faapei lava ona ta’ita’iina e Iesu Ona tagata, o Isaraelu, mai i le laueleele o le
nofo pologa, e faapena foi ona Ia lavea’i ma faaola ia i latou o loo saili ina ia
faasaolotoina mai i le nofo pologa o le agasala.
Ua matuā faamaonia atili mai lava la, o Iesu o ia lea na tuuina mai le Tulafono.
E FAAPEFEA ONA MAFAI ONA TAUSIA LE TULAFONO?
Ua tatou vaaia nei, na afio mai Iesu ina ia lavea’i ma faaola i tatou mai i le nofo
pologa i le agasala. O le a le agasala?
“O i latou uma lava o ē fai le agasala, ua latou soli foi i tulafono; o le
agasala o le solia lea o le tulafono.” – 1 Ioane 3:4.
Afai o le agasala o le solia lea o le tulafono, o le tausia la o le tulafono o lona
uiga o le faafeagai lelei lava lea o le agasala. O le igoa o loo faaaoga i le Tusi
Paia, o le “amiotonu”. O loo tautala le aposetolo o Paulo i le tulafono a le Atua
fai mai e “paia, tonu, ma lelei” (Roma 7:12). O lenei tulafono paia o le tapulaa
lea o le a faamasinoina ai tagata uma lava: “Ia faapea ona outou tautala, ia
5
faapea foi ona outou faia, pei o ē a faamasinoina i le tulafono o le
saolotoga.” – Iakopo 2:12.
O le faamatalaga a Paulo e faatatau i lo tatou natura pa’ū, o loo ia tauaofa’iina
mai ai le faafitauli o le tagata agasala: “Auā ua tatou iloa o le tulafono e
faaleagaga: a’o a’u o loo i la le tino, ua faatauina i lalo o le agasala.” –
Roma 7:14.
Afai la o loo tatou i la le tino, ma o i tatou o pologa o o tatou natura agasala, e
leai so tatou faamoemoe o lo tatou tutū atu i le faamasinoga.
“O le totogi o le agasala, o le oti;…” – Roma 6:23.
E faapefea la ona tausia e se tagata lē atoatoa ma le lē paia, le tulafono atoatoa
ona lelei ma paia? E lē mafai. “Auā o le mafaufau faaletino o le ita lea i le
Atua; auā e lē usiusitai i le tulafono a le Atua, e lē mafai foi ona usiusitai i
ai.” – Roma 8:7.
O iinei e ofi mai ai i totonu Iesu! Ua ia folafola mai na te aveesea mai ia i tatou
o tatou natura faaletino ma suitulaga ai lona lava natura faaleagaga.
“O le a ou tuuina a’u tulafono i o latou mafaufau, ma ou tusia i o latou loto:
o le a fai foi a’u mo latou Atua, o le a fai foi i latou mo’u nuu:” – Eperu 8:10.
E mafai e i tatou e ala i le faatuatua, ona gaua’iina atu o tatou loto ia te Ia, ma
taofi mau atu i lana amiotonu. O lenei suiga tele lava i le olaga o se tagata, e
faaigoaina “o le fanaufouina”. Ua faatumuina o tatou loto i le faafetai, ma le
alofa mo lo tatou Faaola, ma tapulaa a le Atua e faapei ona aumaia ai i totonu o
le tulafono-faatupu o le saolotoga.
“O le mea lava lenei ua tatou iloa ai e alolofa i tatou i le fanau a le Atua, pe a
tatou alolofa i le Atua, ma tausi i ana poloaiga. Auā o lenei lava le alofa i le
Atua, ia tatou tausi i ana poloaiga: e lē mamafa foi ana poloaiga. Auā o i
latou uma e fanau mai i le Atua, e manumalo i latou i le lalolagi; o lenei foi
le manumalo e manumalo ai i le lalolagi, o lo tatou faatuatua lava.” – 1
Ioane 5:2-4.
Saolotoga! O se saolotoga e maua moni pe a tatou alolofa moni lava i le Atua
ma tatou iloa ai o ana poloaiga e lē mamafa ia.
“E lē agaleaga atu le alofa i lē la te tuaoi; o lea, o le alofa, o le faataunuuina
lea o le tulafono.” – Roma 13:10.
O LE TULAFONO A LE ATUA
Alofa i le Atua
6
“Aua ne’i ē fai mo oe ni atua ese i O’u luma.”
“Aua e te fai mo oe se tupua ua ta, poo se faatusa lava o se mea oi le
lagi i luga, poo i le fanua i lalo, poo i le sami oi lalo o le fanua; Aua e te ifo i
ai, aua foi e te auauna i ai; auā o a’u o Ieova lou Atua, o le Atua fuā, o lē
taui atu i fanau le amioletonu a o latou matua, e o’o i le tupulaga e tolu ma
le fa o ē inoino mai ia te a’u; ae ou te alofa i afe o tupulaga o ē alofa mai ia
te a’u, ma tausi mai i a’u poloaiga.”
“Aua e te ta’u faatauvaaina le suafa o Ieova lou Atua; auā e lē
faasaoina e Ieova o lē ta’u faatauvaaina lona suafa.”
“Manatua le aso Sapati ia ē tausi faapaiaina. O aso e ono e te galue ai,
ma fai ai au galuega uma lava; a’o le aso lona fitu o le Sapati lea o Ieova lou
Atua; aua e te fai ai se galuega e tasi, o oe, ma lou atalii, ma lou afafine, o
lau auauna tane, ma lau auauna fafine, o au manu foi, ma le tagata ese o loo
mau ma oe. Auā na faia e Ieova i aso e ono le lagi ma le lalolagi, atoa ma le
sami, ma mea uma lava o i ai, ona malolo ai lea o Ia i le aso lona fitu; o le
mea foi lea na faamanuia ai e Ieova le aso Sapati ma na faapaiaina ai.”
Alofa i le Tagata
“Ia ē ava i lou tamā ma lou tinā: ina ia faalevalevaina ai ou aso i le
nuu ua foa’iina mai e Ieova lou Atua ia te oe.”
“Aua e te fasioti.”
“Aua e te mulilua.”
“Aua e te gaoi.”
“Aua e te molimau pepelo i lē lua te tuaoi.”
“Aua e te mana’o i le fale o lē lua te tuaoi, aua e te mana’o i le avā a
lē lua te tuaoi, poo lana auauna tane, poo lana auauna fafine, poo lana povi,
poo lana asini, poo se tasi mea a lē lua te tuaoi.” – Esoto 20:3-17.
Uo e, o fea o loo ē tu ai, o le a ē mulimuli ea i le lalolagi, pe o le a ē filifilia ea
le Tulafono o le Saolotoga a le Atua ma ē ola ai loa i lou olaga mo Ia?
Lomia e le: Upu Moni Mo Le Taimi Lenei
PO Box 6458 Apia WESTERN SAMOA
7
O LE TULAFONO ATOATOA ONA LELEI O LE
SA’OLOTOGA
1.
O le a le auga o soo se tulafono lava?
______________________________________________________
_
_______________________________________________________
2.
Ta’u mai se mea e lē o puleaina e se tulafono.
_______________________________________________________
3.
Togi  le faamatalaga sa’o.
i) ..... O tulafono a le Atua ua na o ni tulafono, ma o tulafono ia e
mafai ona suia.
ii) ..... Talu ai ona o le atoatoa o le lelei o le tulafono a le Atua, o
lea e lē’i manaomiaina ai lava le suia fua o Lana tulafono.
iii) ..... Ua faailoa mai e le Atua e lē liliu lava Ia, ana faapea la na te
finagalo Na te liliu (ina ia lavea’iina ai Lona lava Alo) na lē
mafai lava ona Ia suia Lana tulafono.
iv) ..... E mafai e le Atua ona Ia faia mea uma Na te finagalo i ai auā
e leai se pule e sili a’e nai lo Ia.
4.
O anafea na amata ai ona i ai le tulafono a le Atua?
(Togi  le tali sa’o).
..... Na ulua’i faaalia mai i le Mauga o Sinai.
..... A’o le’i i ai Mose ma a’o le’i o’o foi i le Mauga o Sinai.
..... A’o le’i i ai Atamu ma Eva.
..... Ina ua avea Iesu o se tagata.
5.
Sa’o pe Sese. (Tusi le Sa’o poo le Sese).
..... O Mose o ia lea na tuuina mai le tulafono.
..... O Keriso o Ia lea na tuuina mai le tulafono.
..... Na afio mai Keriso ina ia faatumauina le tulafono i totonu o
loto o Ona tagata.
..... Na afio mai Keriso i le lalolagi lenei ina ia faaumatia le
Tulafono.
..... Na faataunuuina e Keriso le tulafono e ala i Lona soifuaga.
6.
O le a le mea lilo i le tausiaina o poloaiga a le Atua?
_______________________________________________________
_______________________________________________________
8
_______________________________________________________
7.
O a vaega e lua o loo vaevaeina i ai le tulafono a le Atua?
i) ________________________________________________
ii) ________________________________________________
8.
le
O le a le fetalaiga a Iesu o loo faailoa mai ai e lua vaega i
Tulafono a le Atua? (Mataio 22:36-40).
__________________________________________________
__________________________________________________
__________________________________________________
Auala & Numera ______________________
Nuu/Taulaga/Aai______________________
Setete _______ Numera Itumalō ________
Atunuu _____________________________
Faamolemole faafo’i lenei Ta’iala Toe Iloiloina i le Tuatusi lenei:
SU’ESU’EGA FETUSIA’I o le UPU MONI MO LE TAIMI LENEI
P O Box 6458, Apia, Western Samoa
TA’IALA TOE ILOILOINA - LESONA 12
9