Minister Plasterk ta papia tokante di reakshon gabinete riba rapòrt

Minister Plasterk ta papia tokante di reakshon gabinete riba rapòrt Spies
Ta mas ku 5 aña despues di 10-10-10 i nos a wak bèk i evaluá kon e asuntunan ta pará. Tin
algun konklushon. Na promé lugá nos no ta bai kambia nada na e struktura estatal den
liñanan grandi aworakí, pasobra niun hende no ta bira mihó di esaki si kada sinku aña
kambia kos. Si algun mehorashon chikí organisatorio, por ehèmpel sòru pa
departamentonan traha mas riba e mesun liña dor ku e Representante di Reino tin un ròl di
kordinadó den esaki.
Na di dos lugá, e 5 añanan ku a pasa ta tin hopi kos ku a keda hasí hopi bon; a subi
enseñansa pa un nivel mas haltu, kuido (médiko) a bira mihó. I na terser lugá, ainda nos no
ta kaminda nos mester ta, e ekonomia lo mester por krese mihó, e úniko manera pa saka
hendenan for di pobresa ta dor di rekuperá e ekonomia. Nos a proponé algun medida pa
sòru pa e konkurensia ta bai bon, ku e gastunan pa hasi negoshi baha, pa e gastunan di
transporte baha i asina tur por aportá pa e ekonomia ta krese mihó. I asina mes si e
ekonomia drecha, ta keda un grupo ku ta keda tras, p’esei e gabinete a disidí di definí un
mínimo di eksistensia kual ta relatá na e suèldu mínimo i ku nos lo konektá e ònderstant na
e mínimo di eksistensia aki i asina laga e ònderstant krese yega ei den algun stap. Esei den
kombinashon ku algun otro medidanan, por ehèmpel riba tereno di sosten, nos a introdusí
kompensashon pa yu (kinderbijslag) kaba, ademas un pakete di medida pa sostené
muchanan den pobresa ku lo tin ku kondusí ku bida ta bira mihó nèt pa e hendenan ku tin e
pèrta paso finalmente mester ta ku niun kaminda na Hulanda muchanan ta lanta den
pobresa. Ta nifiká ku esaki ta un tema importante pa e gabinete pa par di aña benidero.
Mi lo por sigui papia basta tokante di esaki pero nos no mester papia muchu i
prinsipalmente traha nos tur huntu pa sòru ku bida ta bira mihó pa e hendenan. E parti
karibense di Hulanda porta ta e lugá di mas bunita na mundu ku hopi posibilidat pa futuro i
mi ta spera ku huntu ku e gobernantenan, e habitantenan, empresarionan (hopi importante
einan) i e hendenan akinan por pone mannan huntu i sòru pa hasi e bida di hendenan na
Hulanda Karibense aun mas mihó.