Voaroaka ny mpivarotra amoron-dàlana - Madagascar

Voaroaka ny mpivarotra amoron-dàlana
Extrait du Madagascar-Tribune.com
https://www.madagascar-tribune.com/Voaroaka-ny-mpivarotra-amoron,5081.html
Soarano
Voaroaka ny mpivarotra
amoron-dàlana
- Malagasy -
Date de mise en ligne : jeudi 28 février 2008
Madagascar-Tribune.com
Copyright © Madagascar-Tribune.com
Page 1/2
Voaroaka ny mpivarotra amoron-dàlana
Miparitaka manerana ny renivohitra indray ireo mpivarotra amoron-dalana amin'izao fotoana izao. Manomboka
manala azy ireny ny kaominina, araka ny efa nampiomanany. Mbola tsy mivantana ny fanesorana fa mandeha
tsikelikely. Ny etsy Soarano no voaendaka voalohany. Kitihina indray mantsy ireo tranom-barotra fivarotan'ny sinoa
taloha, ilay miankina amin'ny EPP Soarano. Maro ny mpivarotra teo amin'ny antoandro, izay saika akanjo mihaja sy
kojakoja madinidinika no betsaka. Amin'ny hariva, manomboka amin'ny 5 ora kosa, dia an'ny mpivarotra irery ny
lalana. Tonga indray eo ny « friperie » sy ireo entana sinoa isankarazany. Nanomboka omaly dia manamboatra io
trano fivarotana io ny kaominina. Teo no nanomboka ny varotra mandehandeha ka tsikaritra tokoa fa olona miady
amin'ny fiainana izy ireny. Ao no bevohoka sy mareforefo, nefa dia mifanenjika amin'ny mpiasan'ny kaominina.
Raha hiverenana ny tantaran'ity trano eo Soarano ity, dia niantohan'ny sinoa ny nanamboarana azy. Nisy ny
fifanarahana tamin'ny FRAM ao amin'ny EPP Soarano, nahafahany nanavao ny trano. Afaka volana vitsy dia
nalain'ny kaominina ny trano ka tapaka teo koa ny fifanarahana. Hihitatra tsikelikely amin'ireo amoron-dàlan'i
Behorirka ny fanadiovana arak'izao fandehany izao.
Rahoviana kosa ny eny Anosibe ? Tompon'ny lalana marain-tsy hariva ny mpivarotra, efa taona vitsivitsy izay. Ny
karazan'entana rehetra no hita eny. Ao ny lamba tonta, ny sakafo, ny finday amoron-dalana, ny
kojakojan-tokan-trano ary ireo entana efa niasa.
Copyright © Madagascar-Tribune.com
Page 2/2