Gerard Van Den Tweel ta entregá chèk di 15 mil florin na SILOAM
Transcrição
Gerard Van Den Tweel ta entregá chèk di 15 mil florin na SILOAM
KOMUNIKADO / PRESS RELEASE: Pa informashon adishonal: [email protected] ...den nòmber di DITO Child Foundation... Gerard Van Den Tweel ta entregá chèk di 15 mil florin na SILOAM WILLEMSTAD, CURACAO – YÜLI, 2008; Ayera dia di bandera tabata tin un nifikashon èkstra serka e muchanan i tambe dirigentenan di Christelijk Kinderhersteloord SILOAM; nan a risibí un donashon di 15 mil florin for di mannan di Sr. Gerard Van Den Tweel (propietario di Albert Heijn Supermarket Zeelandia) ku a hasi esaki den nòmber di DITO Child Foundation. E donashon ku a keda realisá ayera ta danki na rekoudashon di fondo ku a keda hasi aña pasá Novèmber durante di un Gala Dinner na Ulanda. Ta asina ku ehekutivonan, invershonistanan i otro personahenan di sosiedat ta keda invitá pa partisipá na e sena aki, ku e solo meta di por aportá na e bunita kousa di DITO Child Foundation. Ta interesante hasi menshon ku e Gala Dinner di e aña aki lo keda hasí dia 13 di Novèmber próksimo na e sentro di evento Hart van Holland ku ta keda na Nijkerk. Pa e sena aki, e mesanan ta repartí pa 10 persona na un mesa, i kada mesa ta kosta 5 mil Euro. Tur loke ku wòrdu rekoudá for di e benta pa e sena aki ta wòrdu duná na diferente instansianan karitativo ku ta wòrdu sostené pa DITO Child Foundation. Ta bunita pa mira kon un organisashon totalmente non-profit establesé na Kòrsou por benefisiá di un fundashon internashonal. Riba kombinashon di foto por apresiá momentu ku Sr. Gerard Van Den Tweel ta hasi entrega di e chek balorá na 15 mil florin den nòmber di DITO Child Foundation na Broeder Herman di SILOAM. -FIN-
Documentos relacionados
parlamento di korsou - Parlamento di Kòrsou
Tel.: (599-9) 461-3355 • Fax : (599-9) 461-4491
Leia maisFiansa Duradero
rayonan di solo. Solo ta sali tur dia pòrnada i nos por hasi bon probecho di e regalo aki. Gobièrnu di Kòrsou a tuma e desishon pa stimulá uso di energia solar na Kòrsou. For di yanüari 2012 por at...
Leia mais