Func nr y sipyii: We sm we ya Func nr yft ri na sicuum

Func nr y sipyii: We sm we ya Func nr yft ri na sicuum

AMERICAN
BIBLE SOCIETY
Funcɔnrɔyɔ sipyii : We sɛmɛ
we ya Funcɔnrɔyɔ fɛɛ tɛri
na sicuumɔ kaan pu mu
We sɛmɛ we ya labye pyi
shiizhan « funŋɔ yama wa
sipyii piikɛ na ge, pee
wo juuŋɔ wuu na. Lekɛ
egilizi ya já pyi ge », wù
ba pinnɛ na kalaatɔɔgɔ
nigin kalaa na xɔ. Wèe
na já guri kee kalaatɔɔgɔ
ki na, na kagbɔhɔɔ kii wii
na fara Kilɛ kafila wu na,
wekɛ w’a ka wee xuu wu
nɔhɔdaan ge. Lee ya yee
tɛgɛ ni yeeyɛ funŋɔ kɔn
ni Kilɛ kafila wu ni na
xhɔ, na Kilɛ ɲɛri.
Zaburuu 119:28
Kalaatɔɔgɔ 1 : Ni wèe kaa ya dan Kilɛ ni,
ɲaha na wèe d’a kanha wɛ ?
Kanhama tɛɛ ni, ɲaha wo kalaa Kilɛ kafila w’a gaan,
Kilɛ shiizha na wɛ ?
1
Oromɛ Shɛɛn 8:35-39 Kilɛ wo taanra t’a se
ɲaha na wèe shizhaa na.
Lekɛ li da já wèe waa laha Kirisa wo taanɲɛɛgɛ ke na wɛ?
Ɲakpaan gɛ, kelee fyaara, kelee kanhama, kelee xuugbɔhɔ,
kelee funmɔ fɛɛrɛ, kelee farati, kelee gbuuro gɛ ? Le la shishiin
wa da já wèe laha Kirisa na wɛ. 36 Ma na jo ba lʼa ka Kilɛ Kafila
wu ni wɛ na :
35
« Kilɛ, mu wuu na
pʼa wèe shaa tuun bɛɛri ni di gbo;
pʼa wèe wii ba dubyaa ɲɛ wɛ,
piimu ya yaha gbo kaa na ge. »*
Ga, pee kanhama pu bɛɛri funŋɔ ni, wèe pu ɲɛ can can
na se tavɛɛ pee, wù taanrafɔɔ Kilɛ gbɔɔrɔ ni. 38 Nɛ dà li na
jo wèe ya xu yoo, wèe ya pye ɲìi na yoo, yafiin da ga já
wèe waa laha Kilɛ wo taanɲɛɛgɛ ki na wɛ: Mɛlɛkɛɛ yoo,
jinaa yoo, sefɛɛrɛ tatii bɛ yoo, nimɛ wo yaŋmuyɔ ye yoo,
cabaya woyo ye yoo, 39 fugba yaŋmuyɔ fanha woyo ye
yoo, ɲiŋɛ yaŋmuyɔ fanha woyo ye yoo, Kilɛ wo yayaaga
ka shishiin wa da já wèe waa laha Kilɛ wo taanɲɛɛgɛ ki na
wɛ. Wù Kafɔɔ Yesu Kirisa keŋɛ kurogo Kilɛ ya kee
taanɲɛɛgɛ ke shɛ wèe na.
37
2 Pyɛɛri 3:9 Kilɛ wa fanha bɛɛri foo.
Pii wa yu na Kafɔɔ ya go wu wu ɲɔmɛɛ li koo ɲaari wɛ, na wʼa
mɔ toro. Lee bɛ wɛ ! Kilɛ ya luu gbo yee tàan. Wu la ɲɛ wa
shishiin bɛ wu kyɛɛgi wɛ; wu funŋɔ ki ɲɛ sipyii pu bɛɛri di
daajeŋɛ jo pu jurumu wu na, pʼi ba Kilɛ mu.
9
Zaburuu 34:19 Kilɛ ya dɔɔri ni wèe ni , na wèe wo
kanhama pu bɛ cɛ.
Zhenɛzi 6:5-6 Tiibaara ni kakuuŋɔɔ ya pɛn Kilɛ mu.
Ɲaha na kanhama di ɲɛ koŋɔ na wɛ?
Oromɛ Shɛɛn 5:12 A jurumu di xu leŋɛ koŋɔ puga ni.
2
Shɛn nigin yɛ keŋɛ kurogo jurumu yʼa jé koŋɔ puga ni, wee ɲɛ
Adama. A jurumu bɛ di xu leŋɛ koŋɔ puga ni. Lee lʼa li pye sipya
wa shishiin da ga xu li wɛ, bani pu bɛɛri ya jurumu pye.
12
1 Pyɛɛri 5:8-9 Shitaanni w’a gazhiire le wuyɛ ni Kilɛ na,
na giin wu wèe bɛ faanna di wèe bɛ gaɲa shii Kilɛ na.
Yi kasɛɛgɛ ta yi gori yaha ɲìi na, bani yi pɛn Shitaanni wu ɲɛ
ba cɛnri ɲɛ wɛ, na guuri, na ɲaari na yeree na yaaga shaa di
joo. 9 Yi ganha bu sɔɔ wu mu wɛ, yi yi logoo waha nʼa daa wu
fɛni. Yi li cɛ na yi cebooloo Kiricɛɛn pii pu wa caraga koŋɔ ke
na ge, na pe kanhama pe shi wa pee bɛ taa.
8
Macoo 7:13 Kilɛ ya ɲidaan kan wèe mu na sɔɔ na wee ɲɔmɛ
co kelee na she.
« Yʼa jin kuɲɔɔ nifɛnhɛfɛnhɛnɛ li ni. Bani koo lemu lʼa kari
kakara ti wo xuu wu ni ge, lee ya pɛlɛ, li tajege ki bɛ dʼa pɛlɛ.
Sipyiɲɛhɛmɛɛ pʼa se lee koo le ni. »
13
Dii Kilɛ di labye pyi ni wèe wo kanhama pu ni wɛ ?
1 Pyɛɛri 1:6-7 Kilɛ ya ba wèe wo n’a daa wu jé na wu
ɲaha ɲɔ ni wèe wo kanhama pu ni.
Lee wuu na yee wa fundanga pyi, na li ta ali kanhama tuugo
bɛɛri na ba ɲatanhaŋa nɔ yi na nimɛ jɛɛrɛ la yɛ funŋɔ ni. 7 Pee
kanhama pu na ba yi nʼa daa wu nɔhɔ wolo wii. Sanni ɲɛ
yaxɔgɔ, ga pʼa ba wu nɔhɔ wolo na ni. Yee nʼa daa wu wʼa ye
sanni na fo xuuni ge, wu bɛ nɔhɔ na ba wolo lee wologana li
na, kɔnhɔ Yesu Kirisa ga ba wuyɛ shɛ, yʼi masɔŋɔ, ni nɔɔrɔ ni
pɛɛŋɛ ta wu funŋɔ ni.
6
Zhenɛzi 50:20 Kilɛ ya kakuunɔ ɲɛri na byi kacenɛ
2 Korɛnte Shɛɛn 1:3-5 Kilɛ ya wèe logoo ɲiŋɛni wèe wo
kanhama tɛɛ ni, kɔnhɔ wèe bɛ di já pii bɛ wo logoo ɲiŋɛ.
Wʼà wù Kafɔɔ Yesu Kirisa wo To Kilɛ wu sɔni. Wee wu ɲɛ
ɲiɲaara fɔɔ Kilɛ, ni loɲinɛ kanvɔɔ keree bɛɛri ni. 4 Wee wʼa
loɲinɛ kaan wèe mu wù kanhama keree ki bɛɛri ni, kɔnhɔ wèe
bɛ di já wʼà wù sipyiɲii logoo ɲiŋɛɛ pu kanhama keree tuun ni,
3
3
ni lee loɲinɛ le ni, wʼà lemu ta Kilɛ mu ge. 5 Ba Kirisa wo
kanhama pe tuugo niɲɛhɛmɛ ya nɔni wèe na wɛ, mu Kilɛ ya
loɲinɛ kaan wèe mu na ɲɛhɛŋi Kirisa baraga ni.
Ɲaha k’a li waha wèe mu wèe pu dà Kilɛ wo cemɛ
pu na na wèe yaha kanhama ni wɛ?
Ni wèe ya taanra ɲa wù to mu wɛ, l’a waha nago wèe pu dà
li na, na taanra wa Kilɛ ni.
1 Yohana 3:1 Ba to nijemɛ nagoo kaa ya dan wu ni wɛ,
mu na wèe kaa ya dan Kilɛ ni.
Wèe kaa ya dan To Kilɛ ni fo xuuni, fo wʼa wèe pye wu
nagoo. Can wu ɲɛ wii, wèe ya pye wu nagoo. Koŋɔ sipyii
ya ta Kilɛ cɛ wɛ, lee lʼa pu pye pu ya cɛ nago Kilɛ nagoo
wèe ɲɛ wɛ.
1
Kilɛ Kafila wekɛ bɛɛri wèe ya nuri ge, wee bɛɛri bu da w’a
Kilɛ wo kiiri wu yɛ kaa yu wèe mu, l’a waha wèe pu já dà li
na, na wèe kaa ya dan Kilɛ ni.
1 Yohana 4:9 Kilɛ ya wu wo taanra ti shɛ wèe na,
na wu ja wu tun wèe mu, kɔnhɔ wèe já ɲìi sicuumɔ ta.
To Kilɛ ya wu taanɲɛɛgɛ ki shɛ shɛgana lemu na ge, lee li wa
mɛ. Wʼa wu Ja nigin pe wu tun na pa koŋɔ na, kɔnhɔ wu ɲìi
sicuumɔ kan wèe mu.
9
Li bu da wèe funŋɔ ni na wèe wo kapyegee ki baraga ni
wèe wo mazhɔ w’a ta, wèe ya já li kɔn wùyɛ funŋɔ ni na
wèe sanha kapyegee nizaaŋaa niɲɛhɛŋɛɛ pyi geemu na wèe
kaa taan Kilɛ mu wɛ.
Efɛsi Shɛɛn 2:8-9 Wèe ya mazhɔ ta wù wo n’a daa
wu fanha ni Kilɛ na, lee ya ta pyi wèe wo kapyegee ki
wuu na wɛ.
Bani Kilɛ wo niimɛ wu yɛ nigin pe gbɔɔrɔ ni yee ya shɔ nʼa
daa baraga ni. Lee ya ta yìri yeeyɛ pyaa yíri wɛ, Kilɛ wo
8
4
loolodaa lʼa pye lere. 9 Lee ya ta pye yee wa shishiin wo
kapyegee baraga ni wɛ, kɔnhɔ wa shishiin ganha bu tabaara le
wuyɛ ni wɛ.
Wèe bu kadugo le kapyegee ni geemu k’a wèe tɛri di Kilɛ cɛ
xuuni ge, wèe wo n’a daa wu fanha ki na já xhɔ Kilɛ wo
taanra ti shizhaa na.
Yohana 8:31-32 Wèe bu Kilɛ kafila wu ɲɔmɛɛ co,
wèe na can wu cɛ, na bye bɛ wùyɛ wuu.
Yawutuu piimu pʼa dà Yesu na ge, a Yesu di pee pye: « Jomɔ
pe nʼa da jo yi mu ge, yi bu pee logo, na pu koro ɲaari, yi na ba
bye nɛ kalaapiire can na. 32 Lee na yee da ba can cɛ. Wee can
wu jɛ na ba yee shɔ bulooro na. »
31
Egilisi wu bi pyi wu ya kakuuŋɔɔ ni tiibaara ti yogo yu wɛ,
Kilɛ Kafila w’a Kilɛ wo ɲiɲaara ti kaa yu jogana lemu na ge,
sipyiire ti na já nakaara le lee ni.
Luka 4:18-19
18
« Kafɔɔ Munaa wa nɛ na,
bani wʼa nɛ tìre,
kɔnhɔ nɛ Kilɛ Jozaama jo la baa fɛɛ mu.
Wʼa nɛ tun na nɛ wu buloo ni kasolemɛɛ faha,
di fyɛnmɛɛ ɲɛmugunɔ yɛrɛ pye,
di cɔnrɔmɔ fɛɛ wolo pu kanhama ni,
19
di Kafɔɔ wo fɛrɛmɛ yee li yɛrɛ pye. »
Kalaatɔɔgɔ 2 : Na wèe wo zɔ wu yama pu cuuŋɔ.
Zɔyama ni cepuuro nɔɔgɔ yama pu ɲɛ nigin, pu yama pu
fanha k’a ɲɛhɛ p’a yaa na pu wɛrɛ pyi ni niɲaara ni.
Pu ya ɲaa ɲii na wɛ, ga pu ya puyɛ shɛɛ yama fɔɔ wu wo
kapyegee ki bɛɛri ni. Ni kasɛɛgɛ ɲɛ yaha zɔ wu wo yama
pu na wɛ, pusama na já da danri na se ɲaha na.
5
Wèe na já zɔ wu wo yama pu wɛrɛ pyi wèe bu sɔ na wèe
wo funjɔnrɔgɔ keree ki bɛɛri jo wèe sipyiɲii ni Kilɛ mu na
yere wèe wo kakuuyɔ yi na, sicuumɔ kanvɔɔ wu wa Kilɛ, ga
tuun wa bɛni w’a ba doro sipyii yíri cɛ, na wee labye wu
pyi. Zɔyama pu cuuŋɔ wa já tɛɛ tuunnɔ lɔ na fara bɛ lee na,
pu fɛ naha já gori yaha.
Taleŋɛɛ 4:23 Keree kimu k’a pyi wèe zɔ wu na ge, kee ya ki
yɛ shɛɛ wèe wo ɲìi sicuumɔ pu ni.
Sipya bɛɛri ni wu wo pyegana waha tuun ni, ga pu bɛɛri
keree na já bye nigin cogo wa na
•
•
•
•
•
Na kori yaha na mayɛ funŋɔ shaa tuun bɛɛri ni kaa
nigin na, na ŋmunɔyɔ niguuyo ŋmunɔɔ, na pye ma
ya já sɛɛgɛ taan labye wa shishiin na wɛ; na ma
funŋɔ tirigi kakuuŋɔɔ nibyitorogoo na.
Na luu yirige na ma ɲaha tanha ɲuŋɔ ba, na ciriŋɛ;
Na ma zɔ wu kooni tɔvuyo na, na ma fanha xɔ kelee
na ɲawɔhɔ wuu ma na.
Keree kiimu bɛɛri k’a ma funŋɔ tirige wee waha wu
na ge, na kee bɛɛri yaha.
Na dɔrɔgi luu kelee singbaara kelee na mayɛ kan
labye mu na toro taashiinɛ li tàan, kɔnhɔ ma funŋɔ
di wɔ ma wo waha wu na.
Na koŋɔ tiinnɛ la xɔ ma ni, na ɲatanhaŋa nɔ ma na,
na ma fanha xɔ.
Tee ɲɔshɔɔrɔ te ya yaa ni sipya ni, wu bu wa na toroo waha
ni tuun wekɛ ni.
Zaburuu 55:5-7 Yocɛmɛ w’a funŋɔ yama cɛ.
Ma bu jo m’a funyaŋa sipya tɛgɛ, cogo kan wufɔɔ mu wu di
wu fungɔngɔ ki pari, na tɛɛ lɔ na logo wu ɲɔ na xuuni. Ye
wu da jo ma mu ge, ma ganha bu foro da yee yu kpɛɛngɛ
na wɛ.
6
Kɔnhɔ ma di logo niɲɛhɛmɛ pyi, yegeye ya ye:
1. Ɲaha k’a pyi wɛ ?
2. Dii ma wa wɛ?
3. Ɲaha k’a waha na toro keree kisaŋaa bɛɛri tàan wɛ?
Galasi Shɛɛn 6:2 Wèe ba sipyii pusamaa tɛri pu na pu wo
tuguro ti luu, lee funŋɔ ni wèe ya wù wo taanra ti shɛɛ
pu shizhaa na.
Yʼa yiyɛ ɲuŋɔ tuguro luu! Yi ba lee pyi wee tuun wu ni yi na
da Kirisa wo saliya wu wo ɲɔmɛhɛɛ ki koo ɲaari.
2
Taleŋɛɛ 18:13 Na nuri ma sipyiɲii wu ɲɔ na, fɔ wu bu shɛ
wu wo funjɔnrɔgɔ keree ki bɛɛri paari xɔ.
Taleŋɛɛ 11:13 Sipya wa bu wu wo waha ɲaha jo ma mu,
ma ganha bu sɔɔ ma yee jo kpɛɛngɛ na watii mu wɛ.
Zaburuu 62:9 Wèe na já wù wo waha wu bɛɛri ɲaha jo
Kilɛ mu.
Kilɛ kafila wu ya sipyii niɲɛhɛmɛɛ kaa jo wèe mu piimu p’a
pu wo yama keree ɲaha jo ge, Yesu yɛpyaa ya wu wo
funjɔnrɔgɔ ki kaa jo na wu yaha korikoritige ki na.
Macoo 27:46 Kilɛ kafila wu funŋɔ ni, tataara ciire t’a ɲɛhɛ
na toro ciire ti sara bɛɛri tàan, lee wuu na wèe bɛ na já
wù wo niɲaara ciire ti cee. Wù jo wù wo yama pu keree na
Kilɛ ɲaha tàan.
Yakoŋɔ wo tuunɔ ɲii taanri wu shizhaa na, a Yesu di ba
mujuugbɔɔ wá na: «Eli, Eli, lama sabakatani?» Lee kɔ́ri ɲɛ:
«Na Kilɛ, na Kilɛ, ɲaha na ma dʼa na yaha wɛ?»
46
Zaburuu 13 Tataara ciire
Kalaatɔɔgɔ 3 : Ɲaha k’a pyi foŋɔ tuun ni wɛ ?
Na mii suu ma bɔɔngɔ na keŋɛ yaaya, kelee ma sipya wuu
na, lee li ɲɛ foŋɔ ke. Lee ya wèe yari kulogoo taanri ɲara
7
na. Nizhiini, wèe ma doro n’a she, ni loyire kulo ni, na nɔ
tadaŋa baa kulo ni. Na shɛ ɲara li ɲuŋɔ koli kovɔnɔ kulo ni.
Lee koo li ya tii tuun wa shishiin ni wɛ, kaa lemu li wa li
ya ɲɔ wɛ-ɛ ge, lee li wa mɛ: na kori yaha koo nizhiini le,
kelee shuun wuu li ni.
Tuun wa ni wèe wo kalɛgɛɛ kii, kelee egilizii pu ma ba jo
na wèe ya yaa na luu yirige, kelee na ɲaha tanha wɛ. Pee
jomɔ pu na já wèe ɲah—a kɔn wèe wo funjɔnrɔgɔ keree ki
bɛɛri wo jo na, lee ma bye kaɲuŋɔ wèe da sicuumɔ ta wɛ.
I Tesaloniki Shɛɛn 4:13 Kiricɛn ya mɛhɛɛ suu pu wo bɔɔngɔ
wuu na, ga lee bɛ na tadaŋa di ɲɛ pu mu.
Ayiwa, nʼa daa fɛɛ piimu pʼa xu ge, wèe funŋɔ ki wa jo yʼi can
cɛ pee shizhaa na, kɔnhɔ pee wo keree ganha bu yi ɲahaya
tanha ba tadaŋa baa sipyii ɲɛ wɛ.
13
Ekileziyasi 3:1-4 Tɛɛ wa mɛsulo kaa na.
Kashee 21:4 Ɲɛsinmɛ ɲɛ Alijinɛ ni wɛ.
4
« Wu na ba pu ɲɛsinmɛ tuu. Xu da bye nige wɛ, yamɛhɛɛ
bɛ da bye nige wɛ, kelee mɛsuu kelee yama wɛ. Bani
kalɛgɛɛ kʼa toro. »
8
Zhɛrɛmi 8:23 Ɲɛsinmɛ p’a wèe tɛri na wèe wo zɔ mɛsuu
li shɛɛ.
Kalaatɔɔgɔ 4 : Funjɔnrɔgɔ keree ya nɔhɔpiire
temu ta ge, na tee tɛgɛ.
Nɔhɔpiire ti zɔlɔɔ pu bi ɲɛni, ti kɛzhɛgɛ ki bɛ ma ɲɛri. Ti na
já da fyagi na luu yirige ɲuŋɔ baa keree na, kelee na ɲɛni
kaɲuŋɔ ba. M’a ti ɲatanhaŋa wuu ta tuun bɛɛri ni, p’a
laraga kɔn pu wo kapyelɛgɛɛ ki bɛɛri na. Pu naha já da
doroo ɲɔhɔpitiire torogana na tuun bɛɛri ni, na fiiri kajaŋa
na, na ti kabɛɛ nigbɔhɔɔ ki shɔɔn. Tuun wa ni nɔhɔpiire t’a
ba giin na kaa lekɛ l’a pyi ge, na tee fɛ pu ɲɛ lere.
Nɔhɔpiire temu wo zɔlɔɔ p’a ɲɛni ge, ti sefɛɛ pu na já
pu tɛgɛ cogo niɲɛhɛmɛ na.
•
•
•
•
Na kpɔɔn li bɛɛri pinnɛ, na caŋa caŋa wo kapyelɛgɛɛ
ki ɲɔ kɔn na pyi.
Na nɔhɔpiire ti paara wu nuri, kelee na ti yaha ti da
jaalaa yari piimu p’a pu fungɔngɔ keree shɛɛ ge. Na
baari pyi ni pu ni.
Na can yu ti wo keree shizhaa na.
Na Kilɛ ɲɛɛri, na Kilɛ Kafila wu kalaa caŋa caŋa
kpɔɔn li na.
Marika 10:13-16 Yesu ya tɛɛ lɔ ni nɔhɔpiire ni ali ma li ta
bɛ lee bye lee tɛɛ li shɛɛn wo kalɛɛ bɛ wɛ.
Lee kadugo na sipyii pii ya pa Yesu mu ni nɔhɔpiire ta ni,
kɔnhɔ wu gbɔn ti na; ga, a kalaapiire tʼi yogo jo ni pu ni. 14 Yesu
ya lee ɲa ge, a wu luu di yìri, a wu wu kalaapiire ti pye: «Yi
nɔhɔpiire ti yaha ti da ma na mu, yi ganha ba ti ɲaha kɔɔn wɛ!
Bani pee shi tuugo wuuro ti ɲɛ Kilɛ wo saanra te. 15 Can na nʼa
da yi jo yi mu, sipya wemu ya Kilɛ wo saanra ti co ba nɔhɔcɛrɛɛ
ɲɛ-ɛ wɛ, wee da ga ba jé ti ni bada wɛ.» 16 Lee kadugo na a wu
nɔhɔpiire ti lɔ, na wu keye taha ti na, na duba ti mu.
13
9
Dutɛrɛnɔmɛ 6:4-7 Sefɛɛ ya yaa na Kilɛ Kafila wu kalaa pi
nɔhɔpiire mu.
Zaburuu 103:13 Nɔhɔpiire ya Kilɛ wo taanra ti ɲaha cɛni na
saha ni pu wo sefɛɛ pu wo taanɲɛɛgɛ ki ni na ɲaha tee pu na.
Macoo 18:6 Kilɛ ya bɔngɔ nigbɔhɔ gbegele na sipyii sigee
piimu p’a kanhama nɔni nɔhɔpiire na ge.
« Te nɔhɔpiire te tʼa dà nɛ na ge, sipyaa sipya wʼa le la ɲuŋɔ
kyɛɛgi ge, li bi da bɔrɔ weefɔɔ mu na faatabaaga pɔ wu katige
ni, na wu wá suumɔ lɔhɔ nɔhɔdaan. »
6
Kalaatɔɔgɔ 5 : P’a cèe piimu shan ge,
na pee tɛgɛ.
Na cee shan, lee kɔ̀ri ɲɛ na dɔdɔrɔ pye ni wu ni na ta li ya
taan wu mu wɛ.
P’a cee wemu shan ge:
• Shiige na já bye wu na fo xuuni, wu na já li kɔn
wuyɛ funŋɔ ni, na wee wo ɲiifɛɛrɛ
t’a kyɛɛgi, na kuduun watii ɲɛ nige wee ni wɛ.
• Koŋɔ namaa pu bɛɛri tɔn na já bɛn wu mu, na fara
Kilɛ bɛ na.
• Wu na já wuyɛ jaagi, na li kɔn wuyɛ funŋɔ ni na Kilɛ
w’a wee kpɔn ni biin ni kaa la wuu na, wu ya lemu
cɛ wɛ.
• Na wu zhan wu yu sipyii mu, lee wo fyaara na já
bye wu ni.
• Wu na já bana, kelee na yama niguumɔ ta.
• Wu na já bye wu ya daa nige Kilɛ na nago wu na já
wee mara wɛ.
• Wu na já bye namaa kaa ya wu taa nige wɛ, kelee
w’a ɲɔ kɔn na sinnɛɛ ni namaa niɲɛhɛmɛɛ ni.
10
P’a cee wekɛ shan ge, wee wo poo wu na já li kɔn wuyɛ
funŋɔ ni na wee shɔ w’a ɲɔhɔ, li na já cee wu la wuu wu
na, w’a zhe wu ni.
P’a cee wemu shan ge, wee mago ɲɛ:
• Dɔgɔtɔɔlɔɔ wɛrɛ na kee cabyaa shuun wu na ni l’a já
pyi
• Sipya na, w’a já jo ni wekɛ ni, ni funfahaŋa ni ge. Na
tataara yogo ka, lee na já wu tɛgɛ.
• Na li cɛ na wee kaa ya dan sipyii pu ni.
• Na wu wo cɔnrɔmɔ pu shɛ Kilɛ na, wu ba gbegele xɔ
lee bye na tuun wemu ni.
• Na yafa wu shanvɔɔ wu mu wu ba gbegele xɔ lee
bye na tuun wemu ni. Ga yee niɲɛhɛŋɛɛ ya já toro
yani lee li pyi ge;
Zaburuu 116:3 Yoyo yi kavɔɔ wu bi fyagi
wu munaa wuu na.
Zaburuu 22:2,3 Yoyo yi kavɔɔ wu bi li ta
na Kilɛ w’a wee yaha.
Marika 14:34b Yesu zɔ w’a tɔɔri fɔ w’a zhaa di xhuu.
34
A lʼi sii wu funŋɔ cɔnri fo xuuni, na wu ɲaha bɛ tanha.
Zaburuu 6:8-9 Yoyo yi kavɔɔ w’a li cɛ na Kilɛ ɲaha
wa wee ɲɛsinmɛ pu ni.
Zaburuu 142 Yocɛmɛ w’a tataara yogo cee.
Efɛzi Shɛɛn 5:11 Keree kiimu k’a pyi ŋmɔhɔrɔ ni ge,
kee naha ba yeege kpɛɛngɛ na.
Yi ganha ba womɔ keree pyi wɛ, kuduun ɲɛ kee ni wɛ.
Ga yʼa kee yeege bɛ yɛrɛ kpɛɛngɛ na.
11
Zaburuu 35:26 Yocɛmɛ w’a Kilɛ ɲɛɛri tiimɛ wuu na.
2 Korɛnte Shɛɛn 1:8-10 Kilɛ ya tudunmɔɔ Pɔli shɔ
kanhama nigbɔ pa na.
11
Na cebooloo, wèe ya kanhama pemu ɲa Azi fiige ki ni ge, wèe
funŋɔ ki wa yʼi pee cɛ. Pee kanhama pʼa bi sii pɛlɛ wèe na fo na
shɛ doro wù fanhaya ɲuŋɔ kana bɛ tàan, ali fo na shɛ wù pye
wù ya daa bɛ nige nago kanna wù na ɲiifɛɛrɛ pye sanha wɛ.
9
Wèe kunni bi sii li yaha jo wèe da xhuu. Ga lee ya pye mu,
kɔnhɔ wèe ganha ba wùyɛ pyaa kii pyi wù tadaŋa wɛ, fo Kilɛ,
wee wemu wʼa xuu ɲɛni na yeege xu ni ge. 10 Wee Kilɛ wʼa wèe
shɔ ke xu tuugo ke na, wee shiin wu da da wèe ɲuŋɔ wo. Wʼa
pye wèe tadaŋa, wu na ba wù ɲuŋɔ wolo sanha.
8
Zaburuu 1:20-21 Kilɛ na já kanhama koo kan kɔnhɔ pu nɔ
wèe na, ga wu na já ɲìi fɛɛrɛ nivɔrɔ koo bɛ kan wèe mu.
Nɔhɔpiire temu t’a ta ti nii wo zhan funŋɔ ni ge, tee mago ɲɛ:
• Sipyii pu sɔɔ ti na, p’i da pu taanra shɛɛ ti na;
• Na li cɛ na pee wo ɲìi fɛɛrɛ ti ya ta pyi kakara wɛ;
• Ni can cɛ pu tosege ki wo keree na, pu bu yìri na wu shaa
tuun wekɛ ni.
Zaburuu 139: 13-16 Kilɛ w’a nɔhɔpiire ti yàa.
Ezayi 49:15 Kilɛ funŋɔ da ga wɔ wu nɔhɔpiire ti na bada wɛ.
Zaburuu 68:6-7 Kilɛ ya cirimɛɛ ni naxhugoshaa kasɛri
xuuni.
Kalaatɔɔgɔ 6 : Egilisi ni wu wo labye we sipyii
niŋɛ ni sipyii piimu pu wa ni sida yama pu cii
li ni ge VIH
VIH ɲɛ yama pa wo cii lemu l’a cepuuro ti wo yotunmɔɔ
pu fanha xuu ge, fɔ pu ya já yama pa shishiin yogo tun ni
yiigi ceesɛɛgɛ ki ni wɛ. Yama cegee ki bu jaaga sipya wemu
wo ceepuuro ti ni, p’a jo na sida wu wa weefɔɔ ni. Tagaŋaa
taanri ki wa sida yama pu cii li na: Lawa lɔhɔ ke k’a daa
cɛɛrɛ ni nara ni ge, tɔn pa bu jé tɔn pa ni, na fara lee na,
cee na já wu kan wu pya mu jirɛmɛ ni.
12
Cɛgana nigin pe wemu yɛ na p’a sida yama fɔɔ cɛni ge, lee
ɲɛ na shɛ ma shishan pu suguri dɔgɔtɔɔlɔɔ mu.
Yama cegee kee, kelee sida yama pu wa sipyii piimu ni ge,
wèe na já pu tɛgɛ tɛgɛgaŋaa niɲɛhɛŋɛɛ na :
• Na Yesu ni Kilɛ Kafila wu kaa jo pu mu;
• Na pu tɛgɛ puyɛ pyaa di já da pu wo yama pu kaa yu
sipyii mu;
• Na pu bɛ niŋɛ le kpɔɔn li sipyii ni, na pu niŋɛ le
kpɛɛngɛ shɛɛn pu bɛ ni;
• Sipyaa ba bɔn yaaga ka ni wa já toro koo lekɛ ni ge,
na pu tɛgɛ kɔnhɔ pu lee koo li cɛ;
• Na pu tɛgɛ ni pu wo ceepuuro mago ɲɔ yaaya ni.
Wèe ya yaa na lɛvɛɛ pu tɛgɛ p’i VIH yama cii tagana cɛ. P’i
yama cii le ni sida wu bɛ wo kakara ti bɛ cɛ. Pu na já
pusamaa tɛgɛ, na kalaa kaan pu mu, na se na fàro bɛ yama
fɛɛ pu na na tɛgɛ niɲɛhɛmɛɛ kaan pu mu.
Zaburuu 88 Tataara yoyo
Macoo 25:34-36 Wèe ba funmɔɔ fɛɛ tɛri Yesu wèe ya tɛri.
«Ayiwa, saan wu na ba wu kanige cɛ wuu pu pye: ‹Yi pa, na
To wu wo duba nagoo pee. Saanra temu tʼa gbegele na yaha
yee ɲaha na fo koŋɔ ki yaaduun wu ni ge, yi pa jé tee ni, yʼi ti
pye yi wuuro. 35 Bani xuugo ya nɛ ta, a yee di nɛ kan nɛ li.
Waga ya nɛ ta, a yee di nɛ kan nɛ gba. Nɛ bi bye nabun, a yee
di nɛ tirige yi kaban. 36 Fafunmɔ bye nɛ na, a yee di nɛ fafunmɔ
pu xɔ. Nɛ bi bye yama fɔɔ, a yee di nɛ keree yàa. Nɛ bi bye kaso
ni, a yee di shɛ foro nɛ na.›
34
I Korɛnte Shɛɛn 6:18-20 Wèe ya yaa na pɛɛŋɛ tɛri Kilɛ na,
na wùyɛ kasɛri kakaama ni dɔdɔɔrɔ wo jurumu wu na.
Yʼa fe dɔdɔɔrɔ ɲaha na. Jurumu wemu sama sipya ya byi ge,
wee ya dani wu ceepuuro ti kpɛɛngɛ ke na. Ga sipyaa sipya wʼa
dɔdɔɔrɔ pye ge, jurumu wʼa pye wuyɛ pyaa ceepuuro ti na.
19
Ta yee ya li cɛ na jo yee ceepuuro ti ɲɛ Fɛfɛɛrɛ Munaa li
18
13
wo Kilɛ-pɛɛŋɛ pugbɔhɔ wɛ? Lee Fɛfɛɛrɛ Munaa le wa yee funyɔ
ni. Kilɛ wʼa li kan yee mu. Yee ɲɛ nige yiyɛ wuu wɛ. 20 Bani
pɛɛwa na Kilɛ ya yee shɔ. Lee wuu na yʼa baraga tɛri Kilɛ na
ni yi ceepuuro ti ni.
Yakuba 1:27 Na cirimɛɛ ni naxhugoshaa tɛri,
lee ya dan Kilɛ ni.
Koo le To Kilɛ ya wii Kilɛ koro nizaana na ɲɛ fɛɛfɛɛ ge, lee li
wa mɛ. Cirimɛɛ ni naxhugoshaa piimu bɛɛri pu ɲɛ kanhama ni
ge, na wèe pu kasɛɛgɛ yaha pee na; wù wùyɛ tánha ke koŋɔ ke
wo fɔɔnrɔ keree tuugo bɛɛri na.
27
Kalaatɔɔgɔ 7 : Wèe na já labye pyi ɲɔ pyegana
lekɛ na, na ma yaha na sipyii pusama tɛri wɛ ?
Na wèe yaha sipyii pusama tɛgɛ wu na labye wu na já ɲɛhɛ
wèe na. Lee wuu na wèeyɛ pyaa ya yaa na kasɛɛgɛ yaha
wùyɛ na. Wù na já:
• Sipyii piitiilee bɛ gbegele,
na labye wu taa ni pee ni.
• Wù da ŋmɔni wù da li da ɲɔgi.
• Wèe sipya ta wekɛ na já wèe
wo tuguro ti taa ni wù ni ge.
• Wèe tɛɛ lɔ Kilɛ-ɲɛrɛgɛ ni Kilɛ Kafila wu kalaa wu na.
I Saannaa 19:3-8 Kilɛ ya yaligee ni ŋmɔnɔ kaan wu
kapyebyee pu mu.
Marika 6:30-32 Yesu bi ŋmɔnɔ kaan wu wo kalaapiire
ti mu.
Ayiwa, Yesu bi Tudunmɔɔ piimu tun ge, a pee di guri pa wu
yíri. Pʼa sipyii pu kalaa na keree kiimu pye ge, a pʼi ki bɛɛri paari
wu mu. 31 Sipyiɲɛhɛmɛɛ pu bi se Yesu yɛ yíri na ma, fo na wu ni
wu kalaapiire ti pye tɛrɛ ya já ta pu mu pʼi li wɛ. Lee wuu na wʼa
30
14
pu pye: « Yi pa wù shɛ sige ki ni xuu wa ni, wù yɛ na, kɔnhɔ yʼi
ŋmɔ jɛri. »
A pʼi jé kɔrɔgɔ ka ni, na laha sipyiire ti tàan na kari sipoŋɔ ki
xuu wa ni.
32
Zaburuu 103:13-14 Kilɛ ya fanha pyi wèe na wɛ,
w’i ɲɛ bɛ ɲiɲaara baa fɔɔ wɛ.
2 Timote 2:2 Wèe ya yaa na sipyii pee bɛ taanni,
pu bɛ di ta lɔ tuguro ti ni.
Kalaa we mʼa ta na mu sipyiɲɛhɛmɛɛ pu ɲii na ge, sipyii piimu
na mʼa daa na jo pu bɛ na já wee kalaa wu kan pii bɛ mu ge, ta
pee kalaa wu ni.
2
Macoo 11:28-30 Kilɛ ya ŋmɔnɔ kaan.
« Yʼa ma na mu, yee piimu bɛɛri pʼa kanha, tuguro di ɲɛ yi
ɲuyɔ ni ge; nɛ na ŋmɔnɔ kan yi mu. 29 Yi na wo zhu wu taha yi
katiye ni, yʼi yere nɛ di da yi kalaa, yi zɔlɔɔ pu na tifahama ta.
Bani nɛ ɲuŋɔ kʼa peŋi, nɛ luu bɛ dʼa taan. 30 Nɛ wo zhu wu ya
dugo wɛ, fanha bɛ di ɲɛ nɛ wo
tuguro ti ni wɛ. »
28
Kalaatɔɔgɔ 8 : Na shɛɛ ni wèe wo tugoro ti ni
korikori tige ki na.
Yesu Kirisa ya xu korikoritige ki na kɔnhɔ wu wèe wo jurumu
wu ni wèe wo yama pu bɛɛri lɔ. Wèe ya yaa ma shɛ ni wèe wo
yama pu ni Kirisa korikoritige ki na wèe shɛ sicuumɔ sha wu mu.
Ezayi 53:3-6 Yesu Kirisa ya wèe wo kanhama pu lɔ
korikoritige ki na.
Ezayi 61:1-3 Kilɛ ya sicuumɔ kaan sipyii mu
piimu wo zɔlɔɔ p’a tanha ke.
1 Pyɛɛri 2:24 Yesu wo kanhama pu wuu na
wèe ya sicuumɔ taa.
15
Wuyɛ pyaa kʼa wèe wo jurumu wu lɔ wu ceepuuro ti ni
korikoritige ki na, kɔnhɔ wù bye xuu jurumu kabaŋa na, wù
bye ɲiifɛɛrɛ ni, tiimɛ kaa na. « Wu kpɔɔnrɔ nɔɔyɔ funŋɔ ni yee
ya sicuumɔ ta. »
24
I Yohana 4:10 Kilɛ ya wu wo taanra ti shɛ wèe na,
wu na wu wo ja wu tun na ba gan wèe mu.
Lemu lʼa Kilɛ wo taanɲɛɛgɛ ki shɛɛ wù na ge, lee li wa mɛ : Li
wa nago wèe yíri taanɲɛɛgɛ kʼa fɛnhɛ yìri na ɲaha tii Kilɛ na-ɛ
dɛ! Ga wèe pʼa fɛnhɛ taan Kilɛ mu, a wu wu Ja nigin pe wu kan
na pye saraga, kɔnhɔ wù jurumu wu yafa wù mu wee gbɔɔrɔ ni.
10
Kalaatɔɔgɔ 9 : Dii n’a da já yafa na sipyiɲii mu mɛ ?
Na yafa ma sipyiɲii mu lee ya ta na li shɛɛ na :
Kakuunɔ lekɛ l’a pyi ma na ge, na lee ya ta kolo wɛ;
Kaa lekɛ l’a pyi ma na ge, na lee ya ta ma tɔɔri wɛ;
• Ma pyi kanna yafiin bɛ ya ta pyi wɛ;
• Ma li pyevɔɔ wu sige fo wu bu ba yafa sha ma mu,
kelee na wu torogana li ɲɛri wɛ;
• Ma cogo bɛɛri pyi kɔnhɔ kakuunɔ li pyevɔɔ wu ganha
bi kanhama ta kakuunɔ li fɔtɔnɔ wɛ;
• Ma weefɔɔ yaha fɔ wu ba kakuunɔ latii bɛ pyi ma na,
kelee sipya watii bɛ na wɛ;
• Ma da weefɔɔ na sanha taapile ni wɛ;
Yafa ya li shaa wèe mu na ma ma cɔnrɔmɔ pu cɛ, m’a
shɛ ni pu ni Kirisa mu, caŋaɲii nigin kaa bɛ wɛ ga li na
já tɛɛtuunnɔ lɔ. Lee di ya ta pwɔ kakuubye wu wo nibyi
li na wɛ. Lee da já kakuubye wu ɲaha kɔn wu ganha bu
wu wo kanhama taa ta wɛ.
16
Oromɛ Shɛɛn 12:17-21 Kilɛ w’a sipya loyire kɔri.
Wa bu kakuunɔ pye wa na yi ni, yi ganha bu kakuunɔ la taga
lee kakuunɔ le foo tɔ wɛ ! Yi la le yiyɛ ni yi da kasaaŋaa pyi
sipyii pu bɛɛri ɲaha tàan ! 18 Yi la le yiyɛ ni yʼi da yi se bɛɛri pyi,
kɔnhɔ ɲaɲiŋɛ di bye yi ni sipyii pusamaa bɛɛri tɛ ni, lee bu da
li na da já bye! 19 Na taanɲiinɛɛ, yi ganha ba yi loyirigee niinɛ
wɛ, ga yi lee yaha Kilɛ keŋɛ ni! Bani lʼa ka Kilɛ Kafila wu ni na :
17
« Nɛ wʼa da ba yee wo loyirigee ki kɔri,
na pu wo jurumu wu foo tɔ pu mu.
Kafɔɔ Kilɛ wʼa jo mu. »
20
Kilɛ Kafila wʼa li shɛ sanha na:
« Ma bu ma pɛn kuugo wo ɲa,
wu kan wu li, ma bu wu waga wo ɲa,
wu kan wu gba. Ma ba lee pyi,
lʼa bye kanna naganhaa mʼa dɛri wu ɲuŋɔ ni. »
Ma ganha bu kakuuyo yaha yi ma tɛhɛnɛ ta wɛ, ga la le mayɛ
ni mʼa se ta kakuuyo yi na kasaaŋaa wo bye funŋɔ ni.
21
Efɛzi Shɛɛn 4:25-27 Wèe wo loyire l’a koo kan shitaanni mu
na jin wèe zɔlɔo pu ni .
Lee wuu na yi kafinɛyɛ yaha, yi da can yu yiyɛ mu, bani wèe
bɛɛri pʼa pinnɛ na bye ceepuunuuro wo yatɛnyɛ. 26 Yi logoo bu
yìri, yi ganha bu da jurumu pye wɛ ! Yi ganha bu caŋa yaha ki
to kee loyirigee ki ta yi ni wɛ ! 27 Yi ganha bu da tajege kan
Shitaanni mu wɛ !
25
2 Korɛnte Shɛɛn 2:10-11 Na yafa ma sipyiɲii mu,
lee ya wèe tɛri na fɛnri ni na toroo shitaanni
ni wu wo tifuuyo yi bɛɛri tàan.
17
Yee bu kaa la yafa sipya wa mu, nɛ bɛ na lee yafa weefɔɔ mu.
Nɛ bu da nɛ yaa nɛ wu kaa la yafa sipya wa mu, yee wuu na nɛ
ma li yafa wufɔɔ mu, Kirisa ɲii na, 11 kɔnhɔ Shitaanni ganha bu
da se ta wù na wɛ, bani wʼà wu fungɔngɔ ki cɛ na xɔ.
10
Oromɛ Shɛɛn 5:8 Kilɛ ya yafa wèe mu yani
wèe pu wèe wo nahama pu cɛ ge.
Ga na wèe yaha wù jurumu wu ni, wèe tɛgɛ Kirisa ya xu.
Ta lee ya li shɛɛ na wèe kaa ya dan Kilɛ ni fo xuuni wɛ?
8
Macoo 6:14-15 Na yafani lee ya Kilɛ tɛri na yafani
wèe bɛ mu.
« Yi ba sipyii pusamaa wo kakuuyo yi yafani pu mu, yi fugba
To wu na ba yi bɛ wo kakuuyo yi yafa yi mu. 15 Ga yi bu bye yi
ya sipyii pusamaa wo kakuuyo yi yafani pu mu wɛ, yi To Kilɛ
wu da ba yi bɛ wo kakuuyo yi yafa yi mu wɛ. »
14
Efɛzi Shɛɛn 4:31-32 Na yafa
lee ya li shɛɛ na wèe ya
Yesu wo saraga ke ni wèe
wo mazhɔ wu kɔri cɛ.
Yi funguuŋɔ yaha, yi ganha ba
loyirigee kɔni wɛ, yi ganha ba yi
logoo yirige wɛ, yi kafilaɲɛhɛrɛ
te yaha, yi ganha ba sipyii mɛyɛ
kyɛɛgi wɛ, yi kuumɔ tuugo bɛɛri
yaha! 32 Yʼa kasaaŋaa pyi yiyɛ
na, yʼi da ɲuŋɔ ɲaari yiyɛ na.
Yʼa yi jurumu wu yafani yiyɛ
mu, ba Kilɛ bɛ ya yi wo jurumu
wu yafa yi mu Kirisa wo
kariɲɛɛgɛ ki ni wɛ.
31
Taleŋɛɛ 28:13 Wèe bu da
jurumu pye, wèe ya yaa na
yere wèe wo kakuuŋɔɔ ki na.
Yafa wu mu ma weè shɔ ye
shɔnhɔyɔ ɲakpaan we na
18
2 Korɛnte Shɛɛn 7:10 Ɲahatanhaŋa kekɛ k’a dan Kilɛ ni ge,
kee ya ɲɛri leni wèe wo zɔ wu ni.
Bani zɔ mɛsuu lemu ya sipya taa na saha ni Kilɛ yɛ pyaa
wo ɲidaan wu ni ge, lee ma sipya pye mʼa ma torogana li faa,
na ɲuwuuro ta. Lee zɔ mɛsuu le tuugo ya sipyii pyi pu na
daajeŋɛ yu Kilɛ ɲaha tàan. Ga koŋɔ ya zɔ mɛsuu lemu nɔni
sipya na ge, lee lʼa ma ni xu ni.
10
1 Yohana 1:8-9 Wèe bu sɔɔ na yere wèe wo jurumu wu na,
Kilɛ na wu yafa wèe mu.
Wù bu jo na wù ya jurumu pyi wɛ, wuyɛ wʼa biinŋɛ can ɲɛ
wù funyɔ ni wɛ. 9 Ga wù bu yere wù jurumu wu na, Kilɛ ya
tii na ɲɛ ɲɔmɛɛ fɔɔ. Lee funŋɔ ni wu na wù jurumu wu yafa
wù mu. Wʼà kakuuŋɔɔ tuuyo yemu bɛɛri pye ge, wu na wù
pye fɛɛfɛɛ na yeege kee bɛɛri ni.
8
Kalaatɔɔgɔ 10 : Kilɛ koo li ɲaarigana
kashɛn tuun ni.
Kashɛn tuun ni ma shɛ li ta na wèe ya gilee yaaga ka fɛni
na gbegele, kɔnhɔ wù kashɛn ŋmɔ kee yaaga ke wo da kaa
na. Na kaa kɔn mayɛ funŋɔ ni, lee bɛ na já kashɛn yirige.
Yakuba 4:1-2 Ta zha pyi Kilɛ mu, yani ma da yogo tunni
ni ma sipyiɲii ni ge.
Ayiwa, yoyo ye ni nakaara te ti wa yee tɛ ni ge, ɲaha kʼa ma
ni yee ni wɛ? Lakuuŋɔ ke kʼa yee fungɔnyɔ yi figi ge, ta kee bɛ
wɛ? 2 Yaaga ka kaa ma bye yee na, ga yee di da ki ta wɛ, wee
tuun wu ni yee na gbuuro pye. Yaaga ka ɲɛpɛɛn ma bye yee ni
yee di da ki ta wɛ, ayiwa yee ma ganha na yogo kɔɔn, na
nakaara pyi. Yaŋmuyɔ yemu la ki ɲɛ yee na ge, yee ya yee taa
wɛ, bani yee ya yi ɲɛɛri Kilɛ mu wɛ.
1
Kapyegee 10:34-35 Yaxhutuu pu bi giin na pee ya pɔrɔ
sipyii pusamaa na, ga Kilɛ ya li shɛ Pyɛɛri na,
na li wa wee cogo wu na wɛ.
19
Wee tuun wu ni, a Pyɛɛri di jomɔ pu lɔ na jo:
« Can na, nɛ li cɛ nimɛ jo Kilɛ ya zhɔnrɔgɔ pyi wɛ.
35
Ga shi bɛɛri sipya wʼa ta wemu ya fyagi Kilɛ na ge,
na tiimɛ koro ɲaari ge, weefɔɔ kaa lʼa dan Kilɛ ni. »
34
Wèe na já da Kilɛ koo li ɲaari kashɛn tuun ni.
Macoo 10:28-31 Na dà Kilɛ na wù ɲiifɛɛrɛ ti keree ki
bɛɛri ni.
Piimu na já sipya gbo, na ta pʼi da já yafiin bɛ pye wu munaa
na-ɛ ge, yi ganha ba fyagi pee na wɛ ! Ga, wemu wu da já sipya
gbo, na ma munaa bɛ le Jahanɛmɛ ni ge, yʼa fyagi wee na!
29
Ta cɔnrilɔɔ shuun bɛ pʼa bɛrɛɛ wari pile wɛ ? Ga lee bɛ na,
ali wee wa nigin bɛ, wu ya dun ɲiŋɛ na yee To Kilɛ wu gaɲa
ni wɛ. 30 Ga yee kunni, Kilɛ ya ali yee ɲuzhiire teyɛ pyaa bɛɛri
ɲɔ cɛ. 31 Lee wuu na yi ganha ba fyagi wɛ; yʼa ye cɔnrilɔɔ
niɲɛhɛmɛɛ na !
28
1 Pyɛɛri 1:3-6 Na li cɛ na yaaga kemu wo kaɲuu l’a pɛlɛ
wèe mu fo xuuni ge, na sipya da já kee yu wɛ.
Wʼà Kilɛ sɔni wù Kafɔɔ Yesu Kirisa To we! Bani, wu ɲiɲaara
ti funŋɔ ni, wʼa wèe pye wèe ya sevonɔ se, na Yesu Kirisa ɲɛ
na yeege xu ni, kɔnhɔ wèe di tadaŋa ɲìi wogo ta. 4 Wù bye cɛn
lɔvɛɛ. Wee cɛn we ya fɔnri wɛ, wu ya nɔrɔgɔ wɛ, wʼi ya fanhaŋa
wɛ, wʼa kemɛ yaha yee ɲaha na fugba wu ni, 5 Kilɛ wo sefɛɛrɛ
tʼa yee piimu mara nʼa daa fanha ni, ɲuwuuro ti kaa na ge.
Tee ɲuwuuro ti tʼa gbegele tʼi ba tiyɛ shɛ taaxɔɔ li ni. 6 Lee wuu
na yee wa fundanga pyi, na li ta ali kanhama tuugo bɛɛri na ba
ɲatanhaŋa nɔ yi na nimɛ jɛɛrɛ la yɛ funŋɔ ni.
3
Filipe Shɛɛn 3:7-9 Na sɔɔ ma bɔɔn yaŋmɔyɔ yisaya bɛɛri ni,
kɔnhɔ ma Kirisa ta.
Ga kee keree kiimu bɛɛri ki bye nɛ na ki wii kuduun wogoo
ge, nɛ kee bɛɛri ta nimɛ ɲuŋɔ baa keree Kirisa wuu na. 8 Lee na
laha wà, nɛyɛ pyaa kii wa yaŋmuyɔ ye bɛɛri wii ɲuŋɔ baa woyo
le kagbɔɔ le wuu na. Na Kafɔɔ Yesu Kirisa cɛ, lee ɲɔhɔ ɲɛ wɛ.
7
20
Wee wuu na nɛ sɔɔ na na keŋɛ wolo keree bɛɛri ni, na ganha na
keree bɛɛri wii yakokaya wiimɛ ni, kɔnhɔ di já Kirisa wo
kariɲɛɛgɛ ki ta, 9 di gori yaha kee kariɲɛɛgɛ ke ni. Na saliya wo
koo ɲaari li ɲaarigana na, pee tiimɛ pe wa lee kaan wɛ. Ga na
dà Yesu Kirisa na, pee tiimɛ pe pʼa lee kaan. Ma bu dà Kirisa
na lee funŋɔ ni Kilɛ da ma jate sipyitiimɛ.
2 Korɛnte Shɛɛn 5:16-18 Keree kiimu wèe ya gɔɔn wùyɛ
funŋɔ ni na saha ni wù wo kalɛgɛɛ ki ni ge, na she kee ni.
Ayiwa, nimɛ kunni wèe da ga sipya wa shishiin wii nige na
saha ni sipyii wo wiigana ni wɛ. Ali wèe ɲɛhɛ da wèe na bi
Kirisa wii na saha ni sipyii wo wiigana ni, wèe da ga wu wii
mu nige nimɛ wɛ. 17 Sipya wemu bu jé Kirisa wo kariɲɛɛgɛ ki
ni, weefɔɔ na ɲɛri sipyifomɔ. Keree kiimu ki ɲɛ nilɛgɛɛ ge,
kee bɛɛri na doro, keree kiimu ki ɲɛ nivoŋɔɔ ge, kee na ɲɔ kɔn.
18
Lee bɛɛri ya foro Kilɛ ni. Wee wʼa bɛ le wèe ni wuyɛ pyaa tɛ
ni Kirisa baraga ni. Wʼa wee labye we kaa le wèe keŋɛ ni,
kɔnhɔ wèe di bye kaɲuŋɔ bɛ di jé wu ni sipyii pu tɛ ni.
16
Oromɛ Shɛɛn 12:1-2 Na sɔɔ Kilɛ di ɲɛri leŋɛ
wù wo fungɔnyɔ yi ni.
Lee wuu na na cebooloo, Kilɛ ya ɲiɲaara temu ta wèe na ge,
tee wuu na nʼa yi ɲɛɛri jo yi yiyɛ bɛɛri kan Kilɛ mu ba saraga
ɲìi wogo ɲɛ wɛ, kemu ki ɲɛ fɛɛfɛɛ ge. Lee lʼa dan Kilɛ ni,
lee li ɲɛ bɛ sanha Kilɛ-pɛɛŋɛ ki see see wogo. 2 Yi ganha bu
yi kapyegee yaha ki pinnɛ nige ni ke koŋɔ ke wogoo ni wɛ.
Ga yi yi yahagana li ɲɛri na saha ni yi fungɔngɔ fɛɛrɛ nivɔrɔ
ti ni, kɔnhɔ Kilɛ ɲidaan nijemɛ wemu wʼa taan, wemu ɲɔ
kʼa fa ge, yʼi wee cɛ shɔɔnri.
1
1 Pyɛɛri 2:21-23 Na Kirisa wo kanhama pu fɛ taanni.
Lee wuu na Kilɛ ya yi yiri, bani Kirisa bɛ ya kanhama ɲa
yee wuu na, koo wʼa le yi tàan, kɔnhɔ yi da se wu fɛlɛ ni.
21
« Wu ya jurumu wa shishiin pye wɛ,
nafaanra ta shishiin di ya ta wu ɲɔ ni wɛ. »
22
21
Pu bi wu shɛhɛlɛ tuun wemu ni ge, wu ya ta shɛhɛɛ
tɛrɛŋɛ wa na wɛ. Pu bi wu kana tuun wemu ni ge,
wu ya ta wa fuguri wɛ. Ga wʼa wu keree bɛɛri yaha
Kilɛ kacɛ na, wee wemu wʼa kiiri kɔɔn ni tiimɛ ni ge.
23
Wèe na já tɛgɛ le susuro ti pyeduun wu ni.
Macoo 5:13-16 Na pye koŋɔ ki suumɔ ni ki kpɛɛngɛ.
« Yee pu ɲɛ ke koŋɔ ke wo suumɔ. Ga suumɔ tipoomɔ bu foro
pu ni, ɲaha na pu taan sanha wɛ ? Pee suumɔ pe da já yaaga bɛ
ɲɔ nige wɛ, fo na pu wá kpɛɛngɛ na sipyii tɔɔyɔ ni pʼa danhana.
14
Yee pu ɲɛ ke koŋɔ ke wo kpɛɛngɛ. Kulo lemu lʼa teŋɛ
faaboboŋɔ ɲuŋɔ ni ge, lee ya já ŋmɔhɔ wɛ. 15 Wa shishiin ya
sokinna leni mʼa yaaga shigile wu ɲuŋɔ ni wɛ. Ga yaaga ka
ɲuŋɔ ni ma ma wu taha, kɔnhɔ wu da kpɛɛngɛ yeege puga ki
jevɛɛ pu bɛɛri mu. 16 Mu yee bɛ wo kpɛɛngɛ kʼa yaa na fòro
lee forogana li na sipyii pu mu, kɔnhɔ pu da yi wo kapyegee
nizaaŋaa ki ɲaa, pu da baraga tɛri yi fugba To Kilɛ wu na. »
13
Macoo 5:43-48 Na taan ni wèe pɛɛn ni na Kilɛ ɲɛri pu mu.
« Yee ya tee yi logo na lʼa shɛ na: ‹Ma ɲii wu taan ma
mu,› mʼa ma pɛn kɔ. 44 Ga nɛ kunni wʼa da yi jo yi mu, yi pɛɛn
pu taan yi mu! Piimu pʼa taha yaha yi na na gana ge, yʼa Kilɛ
ɲɛɛri pee mu. 45 Yi To Kilɛ we wu wa fugba we ni ge, kɔnhɔ
yi ba bye wee wo nagoo. Bani wee ya wu wo caŋa ki yeege
sipyikuuŋɔ ni sipyisaama bɛɛri mu. Wʼa zanha shaan sipyitiimɛ
ni sipyitiibaaga bɛɛri mu. 46 Yee ya taan sipyii piimu mu ge,
yee bu daan ni pee yɛ ni, kuduun wekɛ yʼi da da lee ni wɛ ?
Ali ta lee ninunɔ bɛ fanhafɛɛ wari shɔvɛɛ pu bɛ wa byi wɛ ?
47
Yee ba yi cebooloo pu yɛ nigin shaari, kagbɔɔ li wa lere ya ?
Ta lee ninunɔ bɛ Kilɛ cɛbaalaa pu bɛ wa byi wɛ? 48 Yee kunni
pu pye sipyii piimu ɲɔ ya fa ge, ma na jo ba yi fugba To Kilɛ
wu ɲɔ ya fa fagana lemu na wɛ.
43
1 Pyɛɛri 4:8 Na taan ni wù sipyiɲii pusamaa ni,
fo na funŋɔ wɔ pu jurumu wu na.
22
Yee ya ta wu ɲa wɛ, ga lee bɛ na wu kaa di dan yee ni.
Ali yee sanha wu ɲa nimɛ bɛ wɛ, ga lee bɛ na yee wa daa
wu na. Lee wuu na yee ya ɲi fundangbɔhɔ na, fundanga nɔɔrɔ
wogo kemu ki ɲɛ wa da já ki jomɔ jo-e ge.
8
1 Korɛnte Shɛɛn 15:18-20 Na sipyii pusamaa tɛgɛ,
p’i ɲɛri Kirisa wo naɲiinɛɛ.
Na fara lee na nʼa daa fɛɛ piimu bɛɛri pʼa xu, na pu yaha
Kirisa nɔhɔ ni ge, pee bɛɛri ya piin fo wà. 19 Wèe bi ta wèe ya
Kirisa pye wù tadaŋa ke koŋɔ ke wo ɲiifɛɛrɛ te yɛ nigin wuu na,
wee tuun wu ni wèe pu ɲɛ ke koŋɔ ke wo sipyii pu bɛɛri wo
ɲaa fɛɛ.
18
Ga li can koo ni Kirisa ya sii ɲɛ na foro xu ni. Kilɛ ya wu ɲɛ,
piimu pʼa xu ge, na wu pye pee wo shɛnshiimɛ, na li shɛɛ na
pee bɛ na ba ɲɛ na foro xu ni.
20
Kalaatɔɔgɔ 11 : Na wii ɲahagbaa na.
Wù bu dà li na na waha w’a ma wù mu, Na gbegele wu
sige, lee ɲɛ fungɔngɔ fɛɛrɛ. Wù na já pe gbegemɛ pe pye :
•
•
•
Wù na ba fɛ ni wù mago yɛrɛyɛ yemu ni ge, na yee
le kashaya ni na yaha.
Yagboyo yemu na já wù tɛgɛ wù da wuyɛ jomɔ nuri
waha tuun ni ge.
Munaa li wo shizhaa na, Kilɛ Kafila ya yemu yu
waha keree na ge, na wùyɛ funŋɔ kɔɔn ni yee ni.
Taleŋɛɛ 22:3 Yee ba waha ɲa wu na ma, yee gbegele.
Shishinmɛfɔ bi kakuunɔ ɲa na ma wa wuyɛ ŋmɔhɔ li na.
Ga nahanahaŋa ya se ɲaha na na kanhama ta.
Ɛkizode 20:13 Li waha l’i waha, wù ganha bu sipya gbo wɛ.
Filipe Shɛɛn 1:21 Kawagaa kiimu na já sipya ta ge,
li wa nago kanna xu wu ɲɛ ki bɛɛri wo niguunɔ wɛ.
23
Bani nɛ wo koŋɔ ki katiinnɛ ɲuŋɔ ki wa mɛ, na taha Kirisa
fɛni. Xu bɛ di ɲɛ nɛ mu kuduun wa.
21
Macoo 6:31-33 Wèe mɛ bu bɔɔn yaŋmuyɔ bɛɛri ni,
wù na já wùyɛ kan Kilɛ mu, kɔnhɔ wu di wèe wo
mago yaŋmuyɔ yi kan wu mu.
Lee wuu na yi ganha ba yi funyɔ shaa na: ‹Ɲaha wèe da da
li wɛ?› kelee ‹Ɲaha wèe da da gbuu wɛ?› kelee ‹Ɲaha wèe di
da da leni wù fàya wɛ ?› 32 Kilɛ cɛbaalaa pʼa ye yaŋmuyɔ ye
bɛɛri shaa. Yee fugba To wu kunni ya li cɛ na yee mago wa
ye yaŋmuyɔ ye na. 33 Yi fɛnhɛ ya Kilɛ wo saanra te ni wu wo
tiimɛ pe shaa. Lee kadugo na Kilɛ na ye yaŋmuyɔ ye bɛɛri
kan yi mu, na la taha yi na.
31
Kapyegee 4:18-20 Wèe ya yaa na yatanya waha,
na Kilɛ ɲɔmɛɛ co tuun bɛɛri ni.
Lee kadugo na a pʼi Pyɛɛri ni Yohana yiri leŋɛ, na yi jo waha
pu mu na pu ganha bu Yesu kaa jo sipya wa shishiin ɲii na wɛ,
pu ganha bu wa shishiin kalaa Yesu mɛgɛ ni wɛ. 19 Ga Pyɛɛri ni
Yohana di pu pye: « Na yee ɲɔmɛɛ co kelee na Kilɛ ɲɔmɛɛ co,
lekɛ lʼa tii Kilɛ mu ge, yi lee shɛ wù na. 20 Wèe ya lemu ɲa
Yesu mu, na lemu logo wu mu ge, wèe kunni da já bye
yee jo baa wɛ. »
18
Marika 8:34-37 Wèe ya yaa na gbegele na bɔɔn
wù munaa li ni Kirisa kaa na.
Lee kadugo na a Yesu di sipyii pee ni wu kalaapiire ti yiri,
na pu pye: « Wa funŋɔ bi ɲɛ wu binnɛ ni na ni, wu she wuyɛ ni,
wu wu korikoritige ki lɔ taha na fɛni. 35 Bani sipya we wʼa giin
wu wuyɛ pile munaa ɲuŋɔ wolo niɲaa ge, wee na ba buun wu
munaa ni ɲiga na. Ga we wʼa bɔnri wu munaa ni niɲaa nɛ ni
Jozaama pu wuu na ge, wee wu da ba wu munaa ɲuŋɔ wolo
ɲiga na. 36 Lʼa ɲaha ɲɔ sipya na wu koŋɔ yaŋmuyɔ bɛɛri ta,
wu ba buun wuyɛ pile munaa ni wɛ ? 37 Yaaga kekɛ sipya di da
já daga wu munaa ɲuŋɔ wolo wɛ ?»
34
Zaburuu 146:6-10
Livret guerirSansATa53
24