April 12, 2011 Nyob zoo cov xwbfwb, Tso sab has tas tug Tswv yuav

April 12, 2011
Nyob zoo cov xwbfwb,
Tso sab has tas tug Tswv yuav tsokwm mej suavdlawg, noj qaab, nyob zoo nrug mej tsev tuabneeg hab cov
ntseeg. Yog tag, kuv tsimnyog hu xuvtooj nrug mej thaam, tabsis xaav tau los ua tsi tau vim dlejnum ntau le
ntau hab fuas tsi yeej. Mej leejtwg muaj dlaabtsi ua email rua kuv zoo dlua le kaw suab ca rua huv kuv lub
phone. Yog muaj dlejnum ceev yuav tau ntsib kuv hu DS los yog kuv lub cell phone 303-518-0075.
Nubnua kuv muaj peb yaam num xaav nrug mej thaam kws yog annual conference registration, xwbfwb rooj
cobqha registration hab Moob Mission Fund. Hotel has rua peb has tas cov rooms kws peb reserve ca rua peb
moog nyob saablaaj xyoo nuav, nyob Tulsa, puv taag le lawm los yeej tseem muaj tuabneeg hu tuaj reserve
ntxiv, tabsis peb cov ntawv kws suavdlawg xaa tuaj rua peb tsi tau puv. Suav tau has tas cov pawgntseeg
reserve cov rooms ca ntau, tabsis tsi xaa cov tuabneeg tuaj rua peb le tau reserve cov chaw. Qhov nuav ua rua
peb cov chaw taag, tabsis cov tuabneeg kws yuav tuaj tsawg. Thov mej double check mej cov hotel reservation
kuas dlho mej cov tuabneeg kws tuaj, tsi txhob reserve hotel ca, tabsis tsi muaj tug tuabneeg tuaj. Ua le ntawd
thaus kawg, yog peb tuaj tsi puv lub chaw, HKM yuav raug teg tug nqe dlawb rua tej chaw kws suavdlawg
reserve tabsis tsi xaa tuabneeg hab tseem tau them tej chaw saablaaj nrug.
Nqai ob yog has txug kev registration koom xwbfwb rooj cobqha. Peb reserve 60 lub rooms, yog suavdlawg
tuaj tsi txug 60 nkawm xwbfwb, peb yuav tau has rua luas uantej 5 hlis tim 3, 2011. Mej tshuav 20 nub lawm
xwb. Thov mej register sai le sai tau hab ua uantej 5 hlis tim 3, 2011 rua ntawm www.keystoneresort.com rua
lub npe CN9HMG. Rooj cobqha xwbfwb zag nuav tseemceeb rua mej heev vim peb yuav update the C&MA
kevcai lijchoj hab num tshab. Dlua le ntawd yog tuaj nrhav kev rua peb ua num huv HKM 10 xyoo tomntej nuav
saib mej xaav kuas ua tau dlaabtsi tav, luaj le caag, los yog zoo npaum le caag.
Nqai peb, mej ncuntsoov saw ib zag nyaj tuaj ua peev rua Moob Mission Fund vim cov GCF yuav xaa moog rua
HKQS hab puab siv le puab teg num lawm, cov nyaj nuav yuav moog tsi txug Moob. Moob Mission Fund yog
coj lug ua num ntawm HKM moog rua Moob xwb. Ncuntsoov muab mej cov Moob Mission Fund tso rua huv ib
lub naab ntawv, sau npe meej has tas yog pawgntseeg twg le, hab coj tuaj tso rua mo peb ua mission
conference kws yog mo Thursday.
Ntawm Vaajtswv lub luag num,
Kx. Xeev Neeb
Thawj Tsaavxwm HKM