KOMUNIKADO DI PRENSA

KOMUNIKADO DI PRENSA
WEB SU OFISINA PRINSIPAL TA MUDA TEMPORALMENTE
Kralendijk, 24 di mart 2015 – E ofisina prinsipal di Kompania di Awa i
Elektrisidat (WEB) ta muda pa un otro lokalidat nobo. Den simannan ku
a pasa diferente departamentu a muda pa un ofisina nobo situa na Kaya
Gresia sin number (z/n).
Entrante 25 di mart gerensia i departamentu di resepshonista a muda pa un
ofisina nobo. E ofisina nobo ta situa na Kaya Gresia z/n banda di e ofisina
principal di RCN situa na Kaya International.
E kaha i balinan di departamentu di servisio di kliente pa hasi pago di awa i
koriente i pa hasi petishon i deskonekta awa i lus, ta keda situa ainda na Kaya
Carlos A. Nicolaas 3.
Na momentu ku trabounan ta kla pa e departamentu di kobransa muda nos lo
komunika esaki na e pueblo di Boneiru.