Pumuckl - Museum - Der Bartlmäschreiner Armin Krattenmacher

WWW.PDFMAILER.DE
www.BARTLMAESCHREINER.de Armin Krattenmacher Ohlstadt/GAP
Pumuckl - Museum
Seit dem 15. Oktober 2005 gibt es in der Bartlmämühle 824 41 Ohlstadt
ein Pumuckl-Museum. Gründer Armin Krattenmacher wollte dem
kleinen rotharigen Kobold wieder ein Zuhause geben und richtete
ihm zu Ehren eine Schreinerwerkstatt ein wo Kinder auch werkeln können.
WWW.PDFMAILER.DE
www.BARTLMAESCHREINER.de Armin Krattenmacher Ohlstadt/GAP
Da gibts Informationen üba de Gschichten, und de Schauspieler,
es ham alle bayrischen Schauspieler mitgspuit von Rang und Namen,
z.B. Gustl Bayrhammer, Hans Clarin, Toni Berger, Helmut Fischer,
Erni Singerl, Monika Baumgartner, Ludwig Schmid-Wildy, Willi Harlander,
Werner Zeussel, Ilse Neubauer, Wolfgang Völz, Towje Kleiner, Christine Neubauer,
Karl-Heinz Wildmoser, Katharina de Bruyn, Maria Singer, Lisa Fitz, Iris Berben,
Fritz Staßner, Patrik Lindner, Rosl Mayr, und viele viele andere.
Des Aufgebot von Schauspielern gibts m.E. nirgens mehr.
Mit dene Gschichten konnst was lernen, so wead z.B. in da Gschicht vom Pumuckl und das Schloßgespenst
erklärt war a Intarsie is.
An Pumuckl wean trotzdem seine Grenzen aufzoagt –
oiso is des aa fiad Erziehung guat, wenn de Kinder de Sendungen oschaung.
WWW.PDFMAILER.DE
www.BARTLMAESCHREINER.de Armin Krattenmacher Ohlstadt/GAP
De Gschichten san immer nett, ma konn vui lacha,
san nia brutal.
und vor allem - es gibt koane Altersgrenzen.
Es wead oane der wenigen Sendungen fia de ganze Familie- vom Baby bis zum Greis.
Was da de Frau Kaut aus da Schreibmaschin raus lassen hat,
da deaf ma Ihra ewig dankbar sei.
Bei uns im Museum konn ma basteln, werkeln, lesen, schauen, riechen,
nageln, hobeln, lachen, überlegen, sitzen, stehen, gehen, informieren,
ratschen, zuhören, reden,
an Pumuckl siegt ma hoit grad net, - siegt hoit grad da Meister Eder.
a so, ja - Eintritt kosts koan.
WWW.PDFMAILER.DE
www.BARTLMAESCHREINER.de Armin Krattenmacher Ohlstadt/GAP
wenn ma vom Pumuckl redt –dann lächelt a jeda, a jeda gfreit si
da Pumuckl kennt koane schlechtn Wörter –mit wenigen ausnahmen
1962 erste Hörspiel
da Pumuckl kann boshaft sei, aba net böse
d Frau Kaut hat scho bayrisch gesellfähig gmacht
langweilen ist verbrecherisch
Pumuckl - Museum
www.BARTLMAESCHREINER.de Armin Krattenmacher Ohlstadt/GAP
WWW.PDFMAILER.DE
im Juni 2005 :
Scho länger hab i den Gedanken ghabt daß i bei uns a Museum macha wui,
vor 3 Wochen war i in München, da is a Kundschaft net ans Telefon ganga,
dann hab i mia denkt da gibts a Landesstelle fia nichtstaatliche Museen, da fahrst hi, - aba was sagst denen - Museen hamma gnua in Bayern, - Hobel sammeln
gwiß scho meahra dann is´s ma eigfoin :
i
mach
a Pumuckl - Museum.
da am oidn Hof ham de a Informationszentrum, da bin i neiganga, - und hab gfragt ob s scho
a Pumuckl - Museum gibt,
des Fräulein hab mi ogschaugt, - naa hats gsagt, - jetzt hamma üba 13oo Museen in
Bayern, - aba no koa Pumuckl-Museum. - oiso hab i gsagt - dann mach i oans, ois leidenschaftlicher Sammler, leidenschaftlicher Schreiner und leidenschaftlicher PumucklFan - des passt doch.
wia i da raus bin, - is mia eigfoin daß i scho seit 7 Jahr de Telefonnummer vo da Frau Ellis
Kaut spaziern fahr, de hab i sofort ogruaffa, - und hab hifahrn deaffa. Des war nett, - i hab mi gfreit daß i de Frau
Kaut kennalerna deaffa hab,
si hat gsagt - des mitn Museum is doch a guade Sach - des gfoit ihra.
dann hab i no bei da Frau von Johnson ogruaffa, de hat aba grad koa Zeit ghabt, - bei deara
war i dann in zwoa Wochen später, - oiso hab i de zwoa wichtigsten Personen um den
Pumuckl wo einverstanden san.
Seitdem schaug i daß i da vorwärts kimm - es is aba mit Gemeinde und Landratsamt net
einfach.
i sag : da Pumuckl braucht doch a Hoamat, - und wo dad des bessa passen ois wia bei ana
Schreinerei.
Wenns Eahna interessiert, und i Eahna da informiern deaf wias weitergeht, wär des fia mi des Höchste wenn i vo Eahna de Telefon Nummer oda e-mail-Adress oda Faxoder PostAdress ham deaffad.
De ersten Informationen , Werdegang usw. wea ma so nach und nach auf unsana
Homepage
www.bartlmaeschreiner.de und dann auf da www.Pumuckl-Museum.de
veröffentlichen.
Ois Guade,
und i dank Eahna scho amoi.
WWW.PDFMAILER.DE
www.BARTLMAESCHREINER.de Armin Krattenmacher Ohlstadt/GAP
des war de EntwurfsZeichnung.
wems scho aufgfoin is, - da Pumuckl is grad unsichtbar.
warum und wiaso –und was da grad so los is –
des erzähl i Eich gern in an Gespräch.
Kemmts vorbei,
Mo bis Sa 9-12oo Uhr, 13 –18oo Uhr,
und dann hamma 8 bis 10 Veranstaltungen im Jahr –da hamma aa am Sonntag offen.
Termine unter www.bartlmaeschreiner.de
und schaugts aa beim www.Pumuckl-Verein.de vorbei.
Griaß vom
Armin Krattenmacher, Bartlmämühle, 824 41 Ohlstadt,
08841-7244, Fax 08841 –79094
[email protected]