Trata ho Pézames - the Southern Health and Social Care Trust
Transcrição
Trata ho Pézames - the Southern Health and Social Care Trust
Trata ho Pézames Informasaun atu apoia Ita-Boot no Ita-Boot nia família bainhira maluk doben ida mate Ami hakarak hato‟o ami-nia simpatia kle‟an tebetebes ba ItaBoot no Ita-nia família tanba Ita-nia doben ne‟ebé mate tiha. Ami espera katak broxura ida-ne‟e sei sai nu‟udar banati ba ItaBoot liuhosi formalidade prátika no nesesária balun ne‟ebé presiza atu hala‟o iha tempu laran-susar no todan ne‟e. 2 Broxura ida-ne’e kontein informasaun kona-ba: Seksaun 1: Asuntu Pratikál Hola tempu Pájina no 4 Hafila sasán sira 4 Doasaun Orgaun no Tesidu nian 5 Arranju bainhira ema mate tiha ona 5 Sertidaun Médika kona-ba kauza mate nian 6 Ezame Depoizde Mate 6 Rejista Ita-Boot nia parente nia mate 7 Arranju Hakoi-mate nian 7-9 Repatria Ema mate 9 Ema sira atu fó-hatene 10 Sasán atu haruka fail 11 Kolesaun ekipamentu atu kura no trata 11 Seksaun 2: Trata ho Pézames Fuan-dodok 12 Tulun oan sira-ne‟ebé fuan-dodok 13 Seksaun 3: Informasaun no apoiu lokál Servisu Apoiu Trust Parte Súl 15-16 Eskritóriu Konsíliu Lokál sira 17 Eskritóriu Serbisu Seguransa Sosiál no Benefísiu 18 Organizasaun Apoiu Pézames nian 19-23 Kontakta Ami 24 3 Hola tempu Iha momentu susar ne‟e, importante atu hola tempu hodi hanoin filafali, tanis, ko‟alia ka haliu tempu ruma mesak de‟it. Karik ItaBoot tenke halo desizaun balun be importante no ida-ne‟e parase sei bele tulun Ita-Boot no Ita-Boot nia família, agora no orasida, atu hatene katak Ita-Boot soi biban hodi babera ItaBoot nia opsaun sira. Beibeik sei ajuda barak se Ita-Boot hetan apoiu hosi membru família no belun sira iha tempu ida-ne‟e. Se Ita hakarak, pesoál sira bele bolu Ita-Boot nia Amlulik, Na‟i-ulun Espirituál ka Padre Ospitál nian. Maibé, karik Ita-Boot hakarak hela mesak de‟it. Pesoál sira-ne‟ebé trata Ita-Boot nia maluk doben sei halo buat hotu-hotu be sira bele hodi tulun no apoia Ita-Boot iha momentu ida-ne‟e. Se, iha loron ka semana oin mai Ita-Boot hakarak ko‟alia ho profisionál médiku sira-ne‟ebé trata Ita-Boot nia maluk doben iha momentu sira mate, favór ida kontakta diretór enfermaria/enfermeiru komunidade pikete nian hodi arranja enkontru. Ita mós bele kontakta pesoál Apoiu Patiente nian hodi husu konsellu, tulun no apoiu. Telefone: 028 3861 2395 ka 028 3861 4285 hosi segunda to‟o sesta tuku 9 dadeer – 5 lokraik. Hafila sasán sira (bainhira Ita-Boot nia maluk doben la mate iha sira-nia uma rasik) Pesoál sira sei husu Ita-Boot nia hakarak bainhira Ita prepara atu halibur Ita-Boot nia maluk nia sasán sira. Ita-Boot bele lori kedas sasán sira-ne‟e ka sei hakarak, hafoin maka sei sei bele foti. Favór ida konfirma ho pesoál ne‟e saida maka ita hakarak. Trust soi polítika ruma kona-ba hafila murak sira. Pesoál sei diskute ho Ita-Boot kona-ba arranju ida-ne‟e, no sei fó Ita konsellu se presiza fila hodi halibur murak sira ka osan. Dala 4 ruma iha ezijénsia legál ne‟ebé halo hafila murak ne‟e la la‟o lailais, maibé Ita-Boot sei hetan nafatin informasaun durante prosesu ida-ne‟e. Pesoál sira sei serbisu lailais de‟it, no sira sei apresia Ita-Boot nia pasiénsia. Doasaun Organun no Tesidu nian Ema balu hili atu tuir rejistu doadór ka lori kartaun doadór orgaun/tesidu nian. Se ida-ne‟e la iha, membru família besik liu bele konsente ho orgaun/tesidu sira-ne‟ebé atu fó nu‟udar doasaun bainhira ema ida mate. Se Ita-Boot hatene katak Itania maluk doben ne‟e hakarak tiha atu fó ninia orgaun ka tesidu sira, ka se ida-ne‟e asuntu be Ita-Boot hakarak konsidera hodi ninia naran, favór ida hateten pesoál enfermeria nian, Médiku Jerál ka enfermeiru distritu nian. Dala ruma kondisaun médika ka kauza/fatin mate nian halo ema la bele sai doadór. Iha área balun iha ospitál, porezemplu Unidade Kuidadu Intensivu nian, ema bele hasoru Ita-Boot espesifikamente atu husu kona-ba doasaun orgaun ka tesidu nian. Arranju bainhira ema mate tiha ona Depende hosi sirkunstánsia no fatin mate nian, iha momentu nato‟on, ema mate ne‟e ita bele lori ho respeitu ba nekrotériu ka kuartu-deskansa. Ida-ne‟e fasilidade espesiál, iha-ne‟ebé ema mate bele hela to‟o arranju formál atu lori ba diretór funerál ka ezame depoizde mate ne‟e ramata. Pesoál nekrotériu nian sei ajuda Ita-Boot haree no haliu tempu ho ema be mate tiha. Bainhira Trust ne‟e tuir lei bele halo nune‟e, porezemplu , bainhira sertidaun médika ba kauza mate nian kompletu iha ona, ema mate ne‟e ita sei bele lori ba diretór hakoi-mate nian be Ita-Boot hili. 5 Sertidaun Médika kona-ba kauza mate nian Sertidaun Médika ida kona-ba kauza mate nian sei presiza hodi rejista Ita-Boot nia parente nia mate. Sertidaun ne‟e sei kompleta hosi doutór, ne‟ebé trata tiha ema mate ne‟e durante loron 28 molok nia mate. Sertidaun ida-ne‟e doutór sempre fó ba ema ne‟ebé maka ema mate nia “membru família besik”, ema ne‟ebé ho responsabilidade família nian ka nu‟udar mahein. Se doutór la hetan ema mate ne‟e durante loron 28 molok ema ne‟e mate, ka iha sirkunstánsia hanesan hanesan mate tekitekir de‟it, sei la fó-sai sertidaun médika kona-ba kauza mate nian. Mate hanesan ne‟e, tuir lei, sei informa ba Majistradu, ofisiál independente iha tribunál ne‟ebé investiga kona-ba mate tekitekir, mate ho violénsia ka lahó esplikasaun ruma. Pesoál sira sei hafó Ita informasaun kona-ba sertidaun ne‟e. Ezame Depoizde Mate Autópsia katak ezame ida-ne‟ebé hala‟o hosi patolojista ida depoizde mate, bainhira presiza hametin kauza mate nian. Iha razaun ruma tanbasá autópsia bele hala‟o: 1. Autópsia Majistradu nian Se Majistradu ne‟e deside atu investiga mate ne‟e, nia bele haruka atu hala‟o autópsia. Majistradu ne‟e la presiza ema mate ne‟e nia família atu korkorda ho hahusuk autópsia, ne’ebé sei hala’o hosi Servisu Patolojia Estadu nian iha Belfast. Bainhira autópsia ramata, Servisu Majistradu nian bele hafó sertidaun ida hodi fó lisensa atu hala’o hakoi-mate. Doutór ka Médiku Jerál ne’ebé tau matan ba Ita-Boot nia parente be mate ne’e sei diskute ho kuidadu ho Ita-Boot no hafó informasaun hakerek nian kona-ba prosesu ida-ne’e se ItaBoot presiza. 6 2. Autópsia hosi konsentimentu ospitál nian Karik doutór ida sei husu Ita-Boot nia konsentimentu hodi hala‟o autópsia. Ida-ne‟e ezame ne‟ebé hala‟o ho konsentimentu hosi parente sira, atubele hatene tebetebes mora ne‟ebé kona sira-nia maluk, kauza mate nian no hadi‟ak kuidadu médiku iha aban-bairua. Ne‟e Ita-Boot nia desizaun atu fó konsentimentu ba ida-ne‟e. Doutór ka Médiku Jerál ne’ebé tau matan ba Ita-Boot nia parente be mate ne’e sei diskute ho kuidadu ho Ita-Boot no hafó informasaun hakerek nian kona-ba prosesu ida-ne’e se Ita-Boot presiza. Rejista Ita-Boot nia parente nia mate Bainhira sertidaun médika kona-ba kauza mate nian kompletu one, ema mate ne‟e sei presiza rejista ho Rejistu Moris-mai no Mate nian. Ema sira be mate iha Irlanda Norte tenke tama rejistu iha konsíliu distritu nian, iha fatin ne‟ebé ema mate ka iha fatin ne‟ebé ema mate ne‟e hela baibain. Ita-Boot nia diretór enterru nian sei fó konsellu se Ita-Boot la sertu. Rejistu tenke halo iha loron 5. Ita-Boot nia diretór enterru sei presiza GRO forma 21 ne‟ebé Ita-Boot sei simu hosi ofisiál be rejista Ita-Boot nia parente nia mate; ka orden hosi Majistradu molok hala‟o kremasaun ka rate iha distritu bele loke. Lista ida hosi eskritóriu konsíliu lokál sira ita sei hetan iha broxura idane‟e nian rohan. Arranju Hakoi-mate nian Se la iha razaun espesiál ka relijioza atu lailais hakoi mate, ItaBoot bele hola tempu ruma hodi arranja Ita-Boot nia parente nia enterru. Parese katak Ita-Boot nian, Amlulik, Padre, ka Na‟i-ulun Espirituál bele tulun Ita-Boot ho desizaun no planeamentu. 7 Desizaun atu halo •Karik Ita-Boot nia maluk doben ne‟e halo tiha ona planu konaba ninia enterru ka hateten tiha ona saida maka nia hakarak atu inklui ka saida maka sei akontese ba ninia isin. Menon hakerek karik hetan iha ninia testamentu, ka ka buat sira-ne‟e diskute tiha one ho parente ka belun ida. Karik nato‟on atu konsidera hakarak sira-ne‟e bainhira Ita-Boot halo planu. •Karik Ita-Boot nia parente selu tiha ona arranju hakoi-mate nian, no ne‟e-duni sei ajuda boot se sai laran-moris kona-ba dokumentu be nakait ba asuntu ida-ne‟e. • Momentu Ita-Boot bele halo arranju sira-ne‟e rasik, Ita-Boot bele hetan apoiu hosi diretór enterru be sei tulun barak tanba nia hatene asuntu hotu-hotu be ita presiza atu konsidera. Karik Ita-Boot nia belun, família ka na‟i-ulun espirituál bele tulun hili diretór enterru ida. • Konsellu kona-ba opsaun hakoi-mate nian sei bele hetan hosi Ita-Boot nia diretór enterru, se Ita-Boot planeia servisu enterru ida be formál. Nia mós sei tulun Ita-Boot organiza atu sosa rate ida se nesesáriu. Ita-Boot nia Amlulik/Padre ka Na‟i-ulun Espirituál se bele tulun Ita-Boot kona-ba hakoi-fatin sira-ne‟ebé Igreja nian. Informasaun kona-ba hakoi-fatin sirane‟ebé konsília nian sei bele hetan hosi Ita-Boot nian konsíliu distritu. • Kremasaun iha Irlanda Norte hala‟o iha Roselawn Crematorium iha elfast. Informasaun barak liután kona-ba kremasaun, sei lebe hetan hosi Ita-Boot nia diretór enterru ka kontakta kedas ba Telefone: 028 9044 8288. Diretór enterru nian sei bele tulun Ita-Boot ho forma adisionál sira be presiza hodi husik kremasaun akontese. Kremasau sei la bele hala‟o molok kauza mate nian harii tiha. 8 •Hakoi-mate bele folin-todan. Diretór enterru sira bele sai membru hodi asosisaun sira tuirmai: • The National Association of Funeral Directors (NAFD) • The Funeral Association of Northern Ireland • The Society of Allied and Independent Funeral Directors (SAIFD) • The Irish Association of Funeral Directors (IAFD) Membru sira hosi asosiasaun sira-ne‟e prátika tuir padraun ne‟ebé ema konkorda. Sira sei prepara ba Ita-Boot lista folin nian sei ita hosu ho estimativa, ne‟ebé sei la hala‟o liu lahó ItaBoot nia konsentimentu. •Se Ita-Boot presiza ajuda finansiál atu selu hakoi-mate no simu hela benefísiu, Ita nia Eskritóriu Serbisu Seguransa Sosiál no Benefísiu sei bele fó konsellu. Lista ida ho eskritóriu lokál sira-ne‟e inklui one iha broxura ne‟e nia rohan. Repatriasaun Ema mate nian Karik Ita-Boot hakarak atu Ita-Boot nia parente nia isi ka restu ninia kremasaun haruka ba rain seluk. Atu lori mate-isin sai hosi Irlanda Norte, sei presiza lisensa hosi Majistradu. Arranju ba resepsaun no hakoi-mate/kremasaun mate-isin iha rain seluk ne‟e tenke halo molok atu halo viajen. Diretór enterru nian be Ita-Boot hili sei hatudu durante Ita-Boot halu arranju sira-ne‟e. Se Ita-Boot nia parente mate iha-ne‟e durante feriadu, selu repatriasaun nian karik inklui one iha apólise-seguru viajen nian. Selae, sei nato‟on husu lai kona-ba selu repatriasaun nian molok atu hili opsaun ida-ne‟e. Konsuladu ka embaixada hosi rain ne‟ebé sei simu mate-isin ne‟e mós bele hafó konsellu no informasaun. Pesoál nekrotériu soi esperiénsia repatriasaun nian iha sirkunstánsia sira-ne‟e no sira mós sei apoia Ita-Boot iha momentu ne‟e. 9 Ema sira atu fó-hatene Iha organizasaun no ema hirak be ita sei fó-hatene bainhira ema mate. Ita-Boot nia Doutór Família sei hetan kontaktu bainhira Ita nia parente mate iha ospitál. Iha sirkunstánsia, sei iha dalan barak atu kansela enkontru ospitál aban-bairua nian. Lista ida ho ajénsia ne‟ebé karik Ita-Boot presiza atu kontakta hafó iha okos. Ne‟e la komprensivu, no karik iha tan sira seluk be Ita-Boot presiza atu kontakta. Karik Ita-Boot la presiza vizita kedas departamentu sira-ne‟e, maibé sei tulun boot se rai lista ida atu Ita-Boot hatene sé maka Ita konktakta tiha ona. Eskritóriu importante sira hatama: • Advogadu • Ospitál seluk, iha-ne‟ebé ema ne‟e hetan tiha tratamentu • Eskritóriu Seguransa Sosiál (atu kansela selu diretu hanesan benefísiu ka selu tanba prezensa) • Uma tratamentu nian porezemplu klínika distritál, uma tulun nian, sentru tratamentu loroloron, no seluseuk tan • Banku/edifísiu sosiedade/kompañia kartaun-kréditu/uma korreiu nian • Kompañia seguru nian, ajénsia pensau nian no/ka asesór finasiál • Renda rai-laran • Kompañia karreta nian /seguru uma nian • Telefone (uma-laran no mobile) • Patraun • Kompañia sasán nian (gás no eletrisidade) • Ezekutivu hela-fatin nian • Kansela surat eletróniku sira hosi lista-diskusaun ka bazedadus liuhosi kontaktu ba rejistu pézames iha: www.the-bereavement-register.org.uk 10 Sasán atu haruka fali • Rejistu dokumentu karreta nian (se iha mudansa mahihak be presiza tama ba rejistu) • Lisensa kaer karreta • Pasaporte • Livru sira hosi biblioteka no billete Kolesaun ekipamentu atu kura no trata Ita-Boot nia parente karik hetan tratamentu iha distritu ka servisu komunidade sira seluk molok nia mate. Parese katak enfermeira iha distritu sei kontakta família ne‟e atu hato‟o ninia simpatia. Karik enfermeira distritál ne‟e sei arranja tempu nato‟on ida atu halibur ekipamentu sira iha uma laran. Ita-Boot mós bele kontakta ema lokál ka servisu ne‟ebé hafó ekipamentu sira-ne‟e ka Ita-Boot nia Departamentu Armazén hosi Servisu Saúde no Sosiál lokál nian. Favór ida kantakta: Newry and Mourne Stores Daisy Hill Hospital, Newry Telefone: 028 3083 5000 Armagh and Dungannon Stores St Luke‟s Hospital, Armagh Telefone: 028 3752 2381 Craigavon and Banbridge Stores Manor Drive, Lurgan Telefone: 028 3834 1316 11 Seksaun 2: Trata ho Pézames Fuan-dodok Ema ida-idak sei hasoru pézames iha tempu ruma iha ninia moris. Fuan-dodok ne‟e saida maka ita sente tanba lakon. Maibé beibeik ne‟e momentu ida-ne‟ebé hamoras lahalimar no emosionál, ne‟e prosesu ida be naturál tebes. Ema ida-idak nia resposta ba lakon ne‟e individuál, maibé eziste esperiénsia komún ne‟ebé ema sira fahe: • Ema barak deskreve xoke lalais depois sira-nia maluk doben mate, liuliu se mate ne‟e akontese tekitekir; • Sentimentu isin-matek, pániku, la fiar, hirus, sente-sala, tanis ka sente la bele tanis, sente mamuk, laran-lametin, dadokok, depresaun no dala ruma isin-hakmaan; • Ba ema balun, karik sei susar atu toba no han. Ema ida-idak hatudu fuan-dodok oin-ketak no la iha dalan ida be metin atu liuhosi momentu ida-ne‟e. Sei bele todan atu simu katak ema ne‟ebé Ita hadomi mate tiha one no normál se Ita hanoin katak Ita hetan ka rona nia. Reasaun sira-ne‟e hotu naturál. Emosaun kahur no sentimentu sira be komplikadu ita bele komprende iha momentu todan ne‟e. Iha loron, semana, ka fulan depoizde pézames Pézames ne‟e sempre momentu susar maibé iha buat hirak ne‟ebé Ita-Boot bele halo hodi tulun Ita-nia an. Buka dalan ne‟ebé sei bele tulun Ita-Boot trata lakon ne‟e. Porezemplu: • Ko‟alia ho ema kona-ba Ita-Boot nia sentimentu. Lalik subar buat sira-ne‟e. Husu ajuda se Ita-Boot sente la bele trata buat sira-ne‟e; • Asegura katak Ita-Boot bele tau matan ba Ita-nia saúde rasik. Ne‟e fulan be Ita-Boot bele lailais kona moras. Han di‟ak, deskansa nato‟on, no tau kuidadu estra; 12 • Dala ruma família, belun, na‟i-ulun espirituál sira ka komunidade lokál bele fó apoiu be Ita-Boot presiza. Ba ema seluk, ko‟alia ho ema ida iha família li‟ur bele ajuda barak karik. Ita-Boot nia Doutór Família sei bele sai ema ida-ne‟ebé atu kontakta primeiru, ka Ita-Boot hakarak liu kontakta organizasaun sira-ne‟ebé hetan iha lista, iha broxura ne‟e nia kotuk, atau fó konsellu ka apiou; • Se Ita-Boot nia saúde la di‟ak, konsulta Ita-Boot nia doutór; • Keta ansi atu halo desizaun boot, hanesan muda uma ka soe sasán sira, to‟o momentu ne‟ebé Ita-Boot bele adapta ba mate ne‟e; • Data espesiál hanesan halo-tinan no aniversáriu bele sai momentu ne‟ebé liuliu emosionál. Deside nanis oinsá Ita-Boot sei marka okaziaun sei tulun barak. Tulun Oan sira-ne’ebé Fuan-dodok Nunka fasíl atu hahú hateten kona-ba mate ba labarik. Adultu sira dala ruma sente katak presiza proteje labarik sira hosi faktu kona-ba mate. Karik sira sente katak labarik sira sei la komprende, ka sira sei laran-nakali resik. Maibé, dala ruma ita ladún fó valór ba labarik ida nia kbiit atu trata asuntu hanesan ne‟e. Labarik sira beibeik hetan susar atu trata bainhira sira la hatene saida maka akontese daudaun. Sira bele imajina buat ida aat liu duké hatene lia-loos. Hahú fó-hatene • Inan-aman ka ema ruma be labarik koñese ka fiar bele hahú fó-hatene kona-ba mate ne‟e depois akontese, buka fó-solok ho dalan di‟ak tebes ne‟ebé nia. • Uza liafuan simples no faktuál hanesan „mate‟ ka „mate tiha one‟ sei bele haseen konfuzaun iha labarik nia neon. 13 • Hatán labarik nia hahusuk tebetebes ne‟e dalan di‟ak liuhotu. Ita-Boot sei bele sai emosionál maibé matan-been suli ne‟e normál no hatudu ba labarik oinsá ema mate ne‟e nia signifikadu ba Ita-Boot. • Labarik ida-idak sei responde oin-ketak bainhira ema ida mate; sira-nia komprensaun kona-ba mate no pergunta sirane‟ebé sira husu nakait ba sira nia tinan. Informasaun barak liután kona-ba oinsá Ita-Boot sei ajuda sira iha momentu difísil ne‟e bele hetan liuhosi kontaktu ho organizasaun sira-ne‟ebé naktemi iha broxura ne‟e nia kotuk; • Fó-hatene labarik nia eskola kona-ba mate ne‟e sei tulun mestre apoia labarik bainhira nia fila ba eskola. Haree ema mate no tuir enterru Hanesan adultu sira, labarik sira, mezmu nurak sira, ita bele ajuda sira hodi hili kona-ba haree ema mate no tuir enterru; • Ho preparasaun maus no se sira sente konfortavel, adultu ida tenke akompaña nia. Ne‟e sei fó biban ba labarik ne‟e atu dehan adeus ka rai ai-funan, surat ka brinkedu iha kaixa-mate. • Karik sei tulun barak se halo labarik tuir iha preparasaun ba funerál, hanesan hili leitura ka poezia. 14 Seksaun 3: Informasaun no Apoiu Lokál Durante fulan-Novembru kada tinan, Trust ne‟e halo servisu espesiál ida hodi hanoin fali pasiente sira-ne‟ebé mate ona. Servisu ida-ne‟e mosu nu‟udar reklame iha jornál lokál. Ita-Boot mós bele kontakta Koordenadór Pézames ka Eskritóriu Apoiu Pasiente nian hodi hetan informasaun kona-ba servisu ida-ne‟e. Servisu Apoiu SHSCT nian Patient Support Services Craigavon Area Hospital 68 Lurgan Road, Portadown BT63 5QQ Tel: 028 3861 2395 or 028 3861 4285 Email: [email protected] Serbisu-fatin loke segunda to kinta: 9.00 dadeer - 5.00 lokraik sesta: 9.00 dadeer - 2.00 lokraik Apoiu Pasiente ne‟e servisu konfidensiál no saugati. Ita-Boot bele husu membru pesoál sira atu kontakta ami hodi Ita-Boot nia naran ka Ita-Boot bele vizita rasik serbisu-fatin iha varanda ospitál nian durante serbisu-fatin ne‟e loke. Ita-Boot mós sei bele hakerek surat ida ba Servisu Apoiu Pasiente nian (diresaun iha leten). 15 Servisu Apoiu SHSCT nian Ulster Cancer Foundation Counsellor Craigavon Area Hospital 68 Lurgan Road, Portadown BT63 5QQ Tel: 028 3861 3645 Serbisu-fatin loke segunda to kuarta (Servisu Hatán Telefone disponível) Fó-konsellu disponível ba ema hotu-hotu ne‟ebé hetan tiha ona diagnoze kankru nian. Bereavement Co-ordinator Office The Rowans Craigavon Area Hospital 68 Lurgan Road, Portadown BT63 5QQ Tel: 028 3861 3861 Email: [email protected] Koordenadór Pézames nian sei haruka Ita-Boot ba apoiu pézames nian be nato‟on. NI Direct – Sítiu internet www.nidirect.gov.uk Sítiu Internet Ofisiál Governu Irlanda Norte nian ba informasaun kona-ba Servisu Governu Irlanda Norte nian inklui mate no pézames. 16 Eskritóriu Konsíliu Lokál sira Armagh City and District Council The Council Offices The Palace Demesne Armagh BT60 4EL Tel: 028 3752 9600 Banbridge District Council Civic Building Downshire Road Banbridge BT32 3JY Tel: 028 4066 0600 Craigavon Borough Council Civic Centre PO Box 66 Lakeview Road Craigavon BT64 1AL Tel: 028 3832 1400 Dungannon and South Tyrone Borough Council Circular Road Dungannon BT71 6DT Tel: 028 8772 0300 Newry and Mourne District Council District Council Offices Monaghan Row Newry BT35 8DJ Tel: 028 3031 3031 17 Seguransa Sosiál/Eskritóriu ba Serbisu no Benefísiu Armagh Alexander Road Armagh BT61 7JL Tel: 028 3752 9777 Banbridge 18 Castlewellan Road Banbridge BT32 4AZ Tel: 028 4062 0800 Dungannon Crown Buildings 36 Thomas Street Dungannon BT70 1EN Tel: 028 8775 4754 Kilkeel Newry Street Kilkeel BT34 4DN Tel: 028 4161 1433 Lurgan Alexander Crescent Lurgan BT66 6BB Tel: 028 3831 5600 Newry 40 Bridge Street Newry BT35 8AJ Tel: 028 3026 5522 Portadown 140 Jervis Street Portadown BT62 1HA Tel: 028 3839 7200 18 Organizasaun Apoiu Pézames nian Care in Crisis 39 Union Street, Lurgan BT66 8DY Tel: 028 3832 9900 Sítiu: www.careincrisis.org.uk Servisu sira-ne’ebé iha Servisu konsellu konfidensiál ba pézames, isin-rua nakait ba asuntu hanesan hamonu-oan, moris-mai mate, stres, kaben no problema relasaun sira. Cruse Bereavement Care Northern Ireland Regional Office Graham House, Knockbracken Healthcare Park, Saintfield Road, Belfast BT8 8BH Tel: 028 9079 2419 Sítiu: www.cruse.org.uk Cruse young people‟s information: www.RD4U.org.uk Eskritóriu Lokál sira Merrion House, 46 The Square, Moy BT71 7SG Tel: 028 8778 4004 Office 9, Enterprise House WIN Business Park, Canal Quay, Newry BT35 6PH Tel: 028 3025 2322 Servisu sira-ne’ebé iha Cruse Bereavement Care hafó servisu konsellu no apoiu ba adultu, joven no labarik. Sira mós fó informasaun, konsellu, servisu edukasaun no treinu. 19 Organizasaun Apoiu Pézames nian Compassionate Friends NI c/o 46 Derrymagowan Road, Dungannon BT71 6SY Local Help line Tel: 028 8778 8016 National Help line Tel: 0845 123 2304 Sítiu: www.tcf.org.uk Servisu sira-ne’ebé iha: Organizasaun ida, iha-ne‟ebé inanaman ho sira-nia família sira-ne‟ebé hasoru pézames fó komprensaun no apoiu ba malu depoizde labarik ida ka labarik balun mate. Nia fó apiou, konsellu no informasaun ba parente sira seluk, belun sira no profisionál sira-ne‟ebé ajuda família ne‟e. Iha mós Grupu Apoiu Lokál. Meningitis Trust 3 Wellington Park, Belfast BT9 6OJ Tel: 0845 1204 680 Sítiu: www.meningitis-trust.org Servisu sira-ne’ebé iha: Hafó servisu espesífiku ba sirane‟ebé hasoru pézames tanba meninjite. Remember Our Child Graham House, Knockbracken Healthcare Park, Belfast BT8 8BH Tel: 028 9079 7975 Servisu sira-ne’ebé iha: Asosiasaun Irlanda Norte nian ba Grupo Apoiu Labarik Lakon nian. The Samaritans Craigavon: Tel: 028 3833 3555 Newry: Tel: 028 3026 6366 National Helpline Tel: 08457 909 090 Email: [email protected] Servisu sira-ne’ebé iha: Apoiu emosionál be konfidensiál durante oras 24 loroloron. Sira prontu atu simu Ita-Boot se ItaBoot neon-lametin kona-ba buat ida, sente laran-nakali, ka hakarak ko‟alia de‟it ho ema ruma. 20 Organizasaun Apoiu Pézames nian Southern Area Hospice Services Courtenay Hill, Newry BT34 2EB Tel: 028 3026 7711 Servisu ne’ebé iha: Hafó apoiu pézames ba sira-ne‟ebé nia maluk doben simu tratemantu iha ospitál. The Springwell Centre Edward Street, Lurgan Tel: 028 3834 7222 Email: [email protected] Sítiu: www.springwellcentre.com Servisu sira-ne’ebé iha: Konsellu konfidensiál ba adultu, labarik, joven, pár no família sira. Springwell mós hala‟o programa rainbows hodi apoia labarik no joven sira-ne‟ebé hasoru pézames tanba maluk doben ida mate, fahe malu ka haketak malu. STEP South Tyrone Empowerment Programme Unit T7, 2 Coalisland Road, Dungannon BT71 6JT Tel: 028 8772 9002 or 028 8775 0211 Sítiu: www.stepni.org Servisu sira-ne’ebé iha: STEP ne‟e dezenvolvimentu komunidade no organizasaun treinamentu nian. Nia fó Apiou Migrante, hatama mós konsellu no matadalan liuhosu enkontru oin-ho-oin ho pesoál ne‟ebé ko‟alia lian rua. Lifeline 0808 808 8000 Konselleiru sira prontu iha fatin oras 24 loroloron, loron 7 durante semana ida nia laran no sira-ne‟e soi esperiénsia barak nakait ba asuntu hanesan depresaun, laran-lametin, nsst atu fó Ita-Boot ajuda no apoiu, ho segredu. 21 Apoia Ema sira ho Invalidés atu Aprende ka Deménsia – Sítiu sira be Serve Mencap: www.mencap,org.uk Alzheimer’s Society: www.alzheimers.org.uk Apoia Labarik sira Barnardo’s Child Bereavement Support Service 23 Windsor Avenue, Belfast BT9 6GE Tel: 028 9069 4000 Advice line Tel: 028 9064 5899 Sítiu: www.barnardos.org.uk/childbereavementservice Barnardos hafó: • Liña konsellu nian ba adultu sira-ne‟ebé preokupa kona-ba labarik sira-ne‟ebé hasoru pézames. • Apoiu individuál no grupu ba labarik no joven sira to‟o tinan 18 ne‟ebé daudaun hasoru pézames. • Treinu no informasaun tempu kalan nian ba inan-aman no profisionál sira hodi ajuda iha dezenvolvimentu métodu ajuda nian ba labarik sira-ne‟ebé hasoru pézames. Nova Trauma Support 10 Church Street, Banbridge BT32 4AA Tel: 028 4062 8758 Email: [email protected] Sítiu: www.barnardos.org.uk/nova Services offered: Nova ne‟e Barnardos NI nia servisu apoiu trauma nian. Nova hafó apoiu oioin ba labarik, famíllia no komunidade sira. Sítiu Internet sira be serve Child Bereavement Network www.childhoodbereavementnetwork.org.uk Winston’s Wish: www.winstonswish.org.uk Child Bereavement Trust: www.childbereavement.org.uk 22 Grupu Apoiu Area nian ba sira-ne’ebé hasoru pézames tanba Oho-an Sentru Rekursu sira iha okos ne‟e fatin ba kontaktu iha área lokál ne‟ebé hafó informasaun kona-ba saúde no moris-di‟ak, apoiu no hatudu-dalan ba asuntu sira-ne‟ebé nakait ba prevensaun oho-an no halo aat ba aan rasik. REACT Ltd 30a Ardery‟s Lane, Banbridge Tel: 028 4062 8829 Email: [email protected] The Niamh Louise Foundation Western House, Coalisland Tel: 028 8774 0354 Email: [email protected] Website: www.niamhlouisefoundation.com REACT Ltd The Nautilus Centre, Rooney Road, Kilkeel BT34 4AX Tel/Fax: 028 4176 9344 Email: [email protected] PIPS Upper Bann Flat 17, Mount Zion House, Edward Street, Lurgan BT66 6DB Tel: 028 3831 0151 PIPS Newry and Mourne 22 Kilmorey Street, Newry BT34 2DE Tel: 028 3026 6195 or 07707 039 799 Email: [email protected] Action Mental Health MensSana 13 Church Street, Portadown BT62 3LN Tel: 028 3839 2314 Email: [email protected] Website: www.menssanaproject.org.uk 23 Kontakta Ami Ami simu ho liman rua komentáriu, sujestaun, kumprimentu ka lia-kesar no ami sei uza sira hodi tulun ami hadi‟ak ami-nia servisu sira. Atu hato‟o Ita-Boot nia hanoin sira, favór ida kontakta: Central Reporting Point Southern Health and Social Care Trust Beechfield House Craigavon Area Hospital 68 Lurgan Road Portadown BT63 5QQ Tel: 028 3861 4150 Email: [email protected] Fó sai tiha iha Dezembru 2007 Hetan revizaun ba Tradusaun iha Jullu 2008 Hafoun tiha iha Janeiru 2011 24
Documentos relacionados
Ezame Depois-mate Ospitál nian ba bebé
se amostra sira-ne’e ema bele ka lae uza ba edukasaun no treinu ka peskiza. Ezame DM ida be hala’o tomak sei fó Ita-Boot informasaun barak liuhotu. Ezame DM be limitadu kombina ezame esternu ho eza...
Leia mais