Nayo nya Ngamu Muchado GINANI MUCHADHO? – Texto 2 – O

Transcrição

Nayo nya Ngamu
Muchado
GINANI MUCHADHO? – Texto 2 – O que é o casamento
Sikhati nya singi hingupwa gupwani muthu nyagu kari chadhide, aholu, naringakhatshi hidigu
wudzisa khu ginani higanelago gukhethu muthu nyagu kari chadhide na higupwa mixamulu
nyanga eyi:

Kholu agu vbanya ni muthu nyagu kari gikhati nya gulaphe;

Kholu anani mavbanyelo nya yadi, nyagu thavisege ni ngamu yaye;

Kholu anani sanana ni muthu nyagu kari;

Kholu vathu vaganede gupwani awo vachadhide

Kholu,...
Mixamulu yeyi, yagu nonedza gupwani vathu vanani mapimisu nyagu hambane mayelano khu
muchadho, esi si nonedzago gupwani wumwalo wupasuli nya wadi nya nayo nya ngamu, khu
mahungu nya sivangelo nyagu hambane- hambane, gimbe gilo khigyo nyagu wutorokeli
wugirwago nya nayo nya ngamu khawu gimbilelani ni nayo nya ngamu wa Moçambique.
Khugu landra muthetho nya livbandre na wuvili nya nayo nya nombora nya likhumi nya mwaga
nya 2004, nya 25 nya Agosto, nayo nya ngamu wa Moçambique wagu tshamusela gu khuwo.
Muchadho
Ipatanu nya mwama moyo ni nyamayi moyo, moyo ni moyo khu gudzina gwaye,
vanagudwanela guwumba ngamu kala gupindruga.
Hongoneli hi wona tshamuselo nya malito yaya magenelago khu mucthadhu:
Patanu khu gudzina vabune- Sagu tshamusela gupwani, patanu wu giregago khu ligolo nya
moyo ni moyo nya vale va chadhago, muchadhu nyanga owu wagu nonedza gu hambana
guwonegago ni mimbe michadho yigiregago khu gigurumedza nya gilongo, khanga gipimaniso,
Tradução de: Nelson Guilossa
Página 1
yomo michadhu yi giregago, avba gilongo gya mwama mwendro gya nyamayi, gihathago mbiri
mwendro lidzaha gasi gucthadha khu gigurumedza simbari awo vava vili vabwetago gu chadha
vana sitivani.Owu khawu ranwi muchado kholu khawa girega khu ligolo nya moyo ni moyo,
wudi girega khu gigurumedza.
Muchadho gasi gu wudzumedziswa khu nayo gu bwetega guri patano nya mwama moyo ni
nyamayi moyo, kholu nayo wa Moçambique wagu dzumedzisa basi muchadhu nya mathu vavili
mwama moyo ni nyamayi moyo, khawu dzumedzise gu muthu moyo a chadha ni vathu nya
vangi, khanga esi sitshukago siwonega nyagu muthu moyo a chadha ni vathu nyagutale, ga
michadho yile nya malowodwa.
Muchadhu wu dzumedziswago khuwo nya mwama moyo ni nyamayi moyo – Nayo wa
tigoni gwathu, khawu dzumedzise muchadho nya vathu nya lifumbu limwedo nyanga mwama
guchadha ni mwama kwawe, mwendro nyamayi gu tchadha ni nyamayi. Momo mayigo
sidzumedziswago, aholu tigoni ga Moçambique kha sidzumedziswe.
Vathu vagu chadha gasi gu wumba ngamu- Gikhati vathu vachadhago gunga pimiswa
gupwani vagu chadha basi gasi guvbanya vatshavbo, aholu lisine limwedo, patano nya vathu
vale wagu dwanela guwumba ngamu, iso sitshamuselago gupwani vathu vanga kala vachadha
vagu dwanela guwumba gilongo simbari vagubana varimwalo sanana awo valongo, wulongo wa
kone wagu andza kala ga valongo va mwama mwendro va nyamayi.
Vale vachadhago vagu sambanya guvbanya vatshavbo kala gupindrunga- Gu khugela
gikhati gile vathu vachadhago, vagu hengela satshavbo sithukamedzo nya guvbanye, khu
kharato, vathu vagubana vana guchadhide,moyo ni moyo dzomo dzifanelo dzi bwetegago
gudzilandrisa, dzifanelo dzedzi
khandri dza mwama basi, khandri dza nyamayi basi, dza
gulumba vava vili.Dzifanelo dza kone khedzi: githawo, guthembana, thavelelo, wuhengeli,ni
lisine.
a) Muchadhu wagu girwa gasi gupindruga- Gagu regerwa gupwani muchadhu wagu girwa
kala gupindrunga, khasi tshamuseli gupwani guvbela nya muchadhu khu gufa nya moyo wa
kone, sagu tshamusa gupwani, wagu girega muchadhu guna gu viredwa gupwani uwo
Página 2
wunapindruge khu gikhati gya tshavbo, aholu gungu tudwa ndzila nyagu moyo wakona
mwendro vatshavbo vagu dzina vabune va tshipisa muchadho. Silo Sesi, sagu girega khu
mahungu nyagu muchadho wagu girega khu ligolo nya moyo ni moyo khigyo gilo gi girago gu
vathu vagubana va sidzini gambe guvbanya vatshavbo vangu sikodza guhambana vagudzina.
b) Muchadho khwa vathu vavili basi- Sagu tshamusela gupwani ,muchadhu wagu girwa khu
mwama moyo ni nyamayi moyo. Yomo mimbe michadhu nya tumbunuko, ya omu nya
mabandza nya wukhongeli yi dzumedzisago gu muthu moyo achadha ni vathu nyagu tale,
michadhu nyagu mwama moyo achadha ni vanyamayi nya vangi agu malowodwe, aholu
michadhu nyanga eyi yagu dzumedziswa basi omu nya mabandza nya wukhongeli, aholu khayi
dzumedziswe khu nayo wa tigoni wathu ga Moçambique, kholu khandri mutchadhu nya mwama
moyo ni nyamayi moyo basi.
Michadhu yi dzumedziswago khu nayo nya ngamu
Dzi khayina dzitharu nya michadhu mi dzumedziswago khu nayo nya ngamu wa tigoni gwathu.
1. Muchadho wa gikanekisotunu nya mufumu;
2. Muchadho wugiregago omu nya mabandza nya wukhongeli;
3. Muchadho wule nya tumbunuko;
Muchadho wa gikanekisotunu- muchadho wu giregago khugu landrisa mithetho nya mufumu
wa Moçambique.
Muchadho wugiregago omu nya mabandza nya wukhongeli- muchadho wugiregago khugu
landrisa mithetho ya omu nya mabandza nya wukhongeli. Mithetho yagu hambana khu libandza
ni libandza nya wukhongeli, ganga bana basi libandza lolo linagu lovedwe gikanekisotuno nya
wulamule nya mahungu.
Muchadho nya tumbunuko- muchadho wule wu giregago khu gu landrisa tumbunuku nya
mighanga nyagu kari. Michadho nya tumbunuko gu khugela matshigu ya gale yina gu
dzumedziswa khu mufumu wa tigoni wathu, khavbo nya nombora nya wuna nya muthetho nya
wuna nya Código nya Registo Civil nya mwaga nya 1996, iyo khu gale ni gale yinga bana yi
Página 3
dzumedzisa michadho nya tumbunuko nya mwama moyo ni nyamayi moyo basi, yanga bana
yina gu lovedwe omu nya mabhuku.
Michadho yile yi giregago omu nya mabandza nya wukhongeli, gasi gu yi manega ni lisima nya
gu fane ni iyo yi giregago gi kanekisotunu gu bwetaga gu yi lowa omu nya mabhuku.
1. Muchadho wa gikanekisotuno.
Khu yevbi malungelo gasi gu girega muchadho wa gikanekisotuno?
Gasi gu girega muchadho wa gikanekisotuno khu gu landra esi sivegisedwego avbo nya mithetho
nya dzi nombora nya 50 ni 189 nya Codigo nya Registo Civil gu bwetega gu landrisa malungelo
yaya:

Gu manega nya vathu vavili va bwetago gu chadha;

Vafakazi vavili mwendro prokuradori nya moyo wa kona nya vale va chadhago ni
lidangalila lifakazago gu khilo muthu nya gu kari aguta tshikedza moyo wa kone agu
mwalo nya vale va chadhago.

Gu bwetega a manega muthumegeli moyo wa gikanekisotuno gu sayinwago michadho.
2- Muchadho wa omu nya mabandza nya wukhongeli
Gasi gu girega muchadho wule nya gu thangedwe khu mabandza nya wukhongeli gu bwetega
gu landrisa sileletelo sitago avba nya muthetho nya nombora nya 50 nya nayo nya ngamu sigu
esi:

Gumanega nya vale va chadhago ( dzi noivha), mwendro moyo wa kone, ni prokuradori
wa mumbe;

Gu manega nya moyo nya muthangeli nya libandza nya wukhongeli gasi gu thangela
muchadho;

Vafakazi vavili ( vale va talago gu ranwa gu pwani va padrinyu)
Wona gu khuye avba nya muchadho yoyu gagu lombega gumanega nya moyo nya muthangeli
nya libandza nya gu kari nya wu khongeli, avba maranelo ya kone nya lidhota leli mahambanago
Página 4
khu libandza ni libandza,kholu ga libandza lana Catolica agu ranwa paderi, aholu ga mambe
mabandza nya wukhongeli agu ranwa murisi.
3-Muchadho nya tumbunuko
Malungelo mabwetegago gasi gu girega muchadho wowu malovidwe avbo nya muthetho nya 51
nya nayo nya ngamu, avba gu lombegago gu manega nya vathu vava.

Vale va bwetago gu chadha ( dzi noivha);

Vathangeli vavili va omu nya mughanga;

Vafakazi vavili;
Muthangeili wa omu nya mughanga, gu bwetega gunari wule a tidwago ni gu dzumedwa khu
gitshungu gya gi pandre gyogyo, singu kodzega gu bana guri Secretani nya baro mwendro
regulo. Wunagu giregide muchadho nya gu thangedwe khu libandza nya wu khongeli mwendro
wule nya thumbunuko, gu bwetega muthangeli nya libandza nya wukhongeli mwendro
muthangeli nya mughanga a lova omu nya libhuku nagu fakaza gu khuye ku lisine muchadho wu
giregide, adzega likhuku lile ahongola aya liningela gi kanekisotunu gu sayinwago umo
mitchadhu gasi wuthangeli wa gikanekisotuno wu kodza gu lovela avba nya libhuku nya
likhongolo la Registo Civil.
Silo si himbedzelago gu girega muchadho
Khandri sikhati sa tshavbo muchadho wu giregago, somo sihimbedzo nya gu kari si tshukago
siwonega. Sihimbedzo sesi, silovidwe omu nya nayo wa tigoni gwathu nigu sihambanide khu
makhalelo yaso.
a) Somo sihimbedzo nyagu sagu wonega gu mwalo kamwe malungelo nyagu girege
muchadho. Aholu, muthu agu sindzisa agira muchadho wuna tshipiswa khu nayo wa
tigoni gwathu.
Sihimbedzo nya muchadho khesi:
Página 5

Mwama ni nyamayi nya gubana navari ni myaga nya gumba vboha likhumi na livbandre
na miraru, aholu nayo wungu tula malungelo nyagu vathu vaphya vale va gunani myaga
nya gu khugele likhumi na livbandre na moyo ni likhumi na livbandre na miraru singu
kodzega gu vachadha vanga dzumedziswa basi khu vavelegi va kona, mwendro khu
wuthangeli nya ndranga nya wulamule nya mahungu nya sanana.

Vathu nya guhandruge simbari gagu khu simbe sikhati vathu vava vayeyedza
wutshukwana.

Khagu dzumedziswe guchadha muthu wule nya gubana anagu chadhide ni mumbe muthu
aholu muchadho wa kone nawu sigu vbeli. Nayo wa gulomba gu khuwo gu bwetega gu
nagu vbindride likhume na livbandre na mararu magume matshigu khu gu khugela
litshigu lile wunga vbela muchadho nya guphele, gagu vbindra matshigu yaya khavbo
sikodzegago gu chadha gambe.
Gasi gu gira gu muthu asi vireli vatshigu nya mangi, nayo wutude mambe malungelo ga
gihimbedzo gegi, wungu dzumedzisa gu muthu wule nya gu bana ana gu chadhide
matshigu mhwane, asi kodza gu chadha manasi gu vbindri likhumi na livbandre na
mararu magume matshigu hinga maganelago anga fakaza gu khuye amwalo mimba agu
bana ari nyamayi, mwendro gu fakaza gu khuye muchadho wunga vbindra wungu gira gu
vbindra likhumi na livbandre na mararu magume matshigu wuna gu vbede.
a) Somo gambe simbe silo sihimbedzago gu girega muchadho, silo si himbedzago gu
chadha ni vathu nya gukari:

Guchadha vbavbe ni gyanana gyaye nya gyagadzyana mwendro mayi ni gyanana gyaye
nya gikhwatana, gagu khumbwa gambe sanana sile hi khalago naso na sisi lumbi gilongo;

Muchadho nya vbavbe dugwana ni tugulo mwendro nya mayi dugwana ni tugulo;

Muchadho nya nasale nya mwama ni ngadzamwane, mwendro mwane ni nasale nya
nyamayi mwendro gambe kunyadhu ni kunyadha;
Página 6

Gu bana moyo wa kone nya vale va bwetago gu chadha ana gu giride wughegengi nya gu
kari,mwendro gubana ana gu zamide gu hengela malahu ni ngadza vani simbari nasa
dzikodza gu hengela naye.
Sihimbedzo sesi ,sagu dwanela gu vathu va chadha nava gu tshakedwa khu vatshavbo, navari
mwalo mahungu, kholu somo silo si resago mayunga omu nya dzingamo. Gipimaniso nya silo si
resago mayunga omu nya dzi ngamo khu gu babe a hengela malaho ni gyanana gyaye nya
gyagadzyana.
b) Gimbe gi himbedzo nya muchadho khigyo nya michadho yile yi giregago simbari
gagu bana gu nagu romo sithukamedzo nyagu kari, aholu iyo yi dzumedziswa.

Pimo nya matshigu mavegiswidego mhwane nyagu wuna gu vbedhe muchadho nya
guphele.
Nayo wagu lomba gu khuwo guna landriswe livbandre na moyo migima mhwane nyagu
wuna guvbede muchadho nya guphele, gasi gu lumukela mayunga, yangu pwani khama
landriswa matshigu nyagu ambale gilendra ,gagu bana muchadho nari wudi vbela khu
gufa nya moyo wa kone.

Muchadho wa vale nyagu moyo wa kone agu sayisa mwendro gu thangela dzi thomba
nya gyanana, gasi gagu lumukedwa sithukamedzo nyagu muchadho wunga girega khu gu
dwanela gu muthu wule a wonelelago dzi thomba dzile asi hengudwe dzi kota nya
dzithomba dzile nya gyanana adzithangelago.

Gu moyo wa kone nya vale va bwetago gu chadha ana gu ketsharidwe gupwani giride
mhangu nyagu kari,mwendro gu pwani zamide gu hengela malahu ni ngadza vani simbari
nasadzikodza gu gira, ga gumba manega mambe magana matshamuselago gu pwani silo
sesi khasa girega mwendro matshipisago mahungu yaya, muchadho kawu giregi.Gagu
vhikedwa gupwani vathu vanga tutumela guchadha khugu thava guya thethiswa mwendro
gutsayiswa khu wughevengi wule vanga wugira.
Página 7

Gagu va babe nya sanana va bomba gu sanana sawe sigu nani likhumi na livbandre na
miraru myaga sichadha, ga silo nyanga esi nayo nuyo khawu gurumedzi, khu mahungu
nyagu sanana singari mwalo mapimiso nya wugulu gasi gu hindza lipangu.
Sihimbedzo sesi khasi giri gu muthu agu tchadha , muchadho wutshipiswa, aholu sagu gira gu
muthu a mana mitsayiso nya gukari.
Página 8
SILO SIDUGELELAGO KHAVBO NYA MUCHADHO – Texto 3 – Efeitos do Casamento
Vathu nya vangi vagu pimisa gu khawo egi gigu gya lisima basi khu gu lovela muchadho
gikanekisotuno,va nga kala va chadha gimwalo gambe gimbe gilo gasi gu gilandrisa.
Gu nani lisima gudziti gu khuye wanga kala u chadha somo simbe silo sidugelelago sina gu
tshanganisago vathu vale nya vavili va chadhidego. Nayo wuvegide silo sivili sidugelegago
khavbo nya muchadho sibwetegago gu landriswa:
 Silo si bwetegago gu landriswa khu muthu moyo ni moyo nya vale vanga chadha;
 Silo sigimbilelanago ni dzithomba;
Silo sa moyo ni moyo
Silo si gimbilelanago ni guti gu mwama ni nyamayi vani dzifanelo dzi mwedzo khu gu landra
nayo, khu ga satshavbo silo, nya wufumegeli, nya mabhindzu ni tumbunuku, khu gu landra esi
singa lowa avbo nya nayo nya wukhongolo wa tigoni wathu ga Moçambique agu Constituição da
Republica. Khu magirela yaya sagu nonedza gupwani ,mwalo avbindrago mungana.
Nayo nya ngamu wagu vega dzi fanelo dza mwama ni dzi fanelo dza nyamayi gasi gu dzi
landrisa mhwane nya gu bana ana gu chadhide .
Dzifanelo dza kone khedzi:

Githawo;

Guthembana;

Thavelelo;

Gu sayisana;

Wuhengeli
1.Githawo
Sagu tshamusela gu pwani mwama mwendro nyamayi gu bwetega va ningana githawo, ga sile
asi pimisago moyo ni moyo, gasi gu si manegi mayunga vbakari nya ngamu. Gubwetega gu
Página 9
ninga githawo gambe ga livbandza nya wukhongeli moyo ni moyo aligolago, gu ninga lisima ga
thumu muthu awu golago gu thuma. Singu himbedzwa gu moyo wa kone nya vale va
chadhidego, a phara phara sombo sa mungana nya mba dzumedziswa khu nune wa kona, gu
tulatula madangalila ya mungana, matshigu ya muhunu dzi gu mogo dzi celular singu
himbedzwa gambe gu hevbula mahungu mabelago omu nya celular ya mungana nya mba
dzumedziswa khu mune wa kona.
Satshavbo sesi gagu dwanedwa gu pwani vale va tchadhago ,gubwetega va vbanya khu githawo.
2. Guthembana
Guthembana gagu thudwa gu pwani, mwama ni nyamayi gu bwetega va landrisa sile vanga si
thembisa litshigu nya mutchadhu. Moyo wa kone nya vale vanga chadha anga kala aya hengela
malahu ni mumbe muthu vbavbandze, avbovbo gu mwalo guthembana.
3.Thavelelo
Sagu tshamusela gu pwani ga vale va chadhidego mwama mwendro nyamayi gu bwetega va
phasana sa wutshigu ni mihani, mwendro sigaradzo, mwendro madwali ndrani nya ngamu yawe.
4.Gusayisana
Dzi fanelo nya moyo ni moyo nya vale va tchadhidego, gu dusa esi agu naso gasi gu phasedzela
ndrandani khu gu renga silo nya gu hodze,bwetega gambe gu phasedzela wuhevbudzi nya
sanana ni madwali ndrangani. Gasi gu tshukwatisa wulandrise nya dzi fanelo dzedzi, nayo wa
tigoni wathu wungu vega malungelo nya gu muthu a tula kota bhaku gasi gu vega dzi tshapawu,
nya gu renge silo sa ndrangani.
5.Wuhengli
Ga gu manega gu nari dzi fanelo nyagu moyo ni moyo nya vale va chadhidego, va hengela
satshavbo, nyanga gu vbanya vatshavbo ndranga mweyo, guhodza vatshavbo, gulala vatshavbo
avbo nya yumba mweyo ni gu landra ma dadahu vatshavbo: Khu simbe sikhati vambe khava
vbanyi vatshavbo ndranga mweyo khu gu bana moyo wa kone ana gu thumela mhwindzo ni
gaya, mwendro gambe khugu moyo wa kona a hatha yabune guvbanya waye wulanga khu
mahungu nyagu gaya guri mwalo pwanano nya wadi, mwendro gambe vagu bana vana gu romo
Página 10
ndzilani nya gu bwete gu hambana, simbari khu kharato, khasi himbedzedwi gu vbanya khu wu
hengeli.
Yimbe fazelo yi dzumedziswago khiyo nyagu mhwane nya muchadho, singu kodzega gu hatha
lisaho muthu alibwetago gu lithumisa, aholu khandri gigurumedza gu muthu a hatha lisaho la
moyo wa kone nya awo va chadhidego, lisaho la mwama mwendro la nyamayi.
Dzi fanelo dzedzi hinga dzi regera kya gigurumedza.
Silo nya gu gimbilelane ni dzithomba
Muchadho wa gu gimbilelana gambe, ni guti fanelo nya dzi thomba moyo ni moyo agu nadzo
mwendro a manegago nadzo mhwane nya mutchadhu.
Nayo wungu vega malungelo mararu nya wu thumise nya dzi thomba dza mwama ni ngadzi.
Nayo wungu vega gambe gu muthu a hatha mathumiselo ga ayo nya mararu mavegisedwego khu
nayo nawu sigu giregi muchadho, khu gu landra nayo nya nombora nya gu phele nya muthetho
nya nombora nya 128 nya nayo nya ngamu, gagu sayinwa mukwepa nya gu kari khu vale va
bwetago gu chadha vana gu hatha malungelo nya mathumiselo nya dzi thomba ndrani nya esi si
vegisedwego khu nayo.
Momo malungelo mararu nya gulumbwe ni guthumisa dzithomba makasidwego khu
sighava sesi:

Gighava nya wuhengeli nya dzimbe dzithomba

Gighava nya wu hengeli nya dzatshavbo dzithomba

Gighava nya gumba hengela dzi thomba
1.Gighava nya wuhengeli nya dzimbe dzithomba
Momo malungelo nyagu dzithomba nya gu kari khu tengo nya wungi mhwane nya muchadho
dza gulumba vana mwana ni ngadzi, ganga bana dzi thomba dzedzi dzi siri dzile nya gu tshidwe
khu gilongo mwendro nya gu ningwe.
Página 11
2.Gighava nya wuhengeli nya dzatshavbo dzithomba
Mambe malungelo khayo nyagu dzi thomba dza tshavbo dza vana mwama ni ngadzi, dza gu
lumba vava vili, simbari agu bana dziri dzi thomba dza gale, dza muhunu ni edzi vana dzi girago
khu matshigu matago, gu diga basi dzi thomba dzile nya gu ningwe mwendro dzile nya gu
tshidwe nadzisi lumbe gu ningedwa mumbe muthu, ni simbe silo nyanga sombo nyagu ambale,
ni simbe gambe nyanga madangalila ni simbe silo si hidundrusisago sigiro nyagukari nya
gilongo nyanga makoridawu nya dzi oru.
3. Gighava nya gumba hengela dzi thomba
Mambe malungelo nya gu lumbwe khu dzi thomba khayo ngagu muthu ni muthu ni dzi thomba
dzaye edzi anga dzi thuma matshigu mhwane, edzi anga dzithuma mhwane nya mushadho.Gagu
bana dzi romo dzi thomba vanga dzi thuma vava vili vana mwama ni ngadzi idzodzo dzagu
lumba vava vili. Moyo ni moyo angu dzi kodza gu gira esi asi bwetago khu dzithomba dzaye.
Página 12
GINANI NGAMU? – Texto 1 – O que é Família
Khu gulandra muthetho nya nombora nya gu phele nya nayo nya nombora nya likhumi nya
mwaga nya 2004 nya 25 nya Agosto nya nayo nya ngamu, ngamu patanu nya vatshavbo vathu
khavbo nya wuhengeli, tombano nya vathu nyagu hambane-hambane avba vambe va yinganago
khu wulongo, khu gu bana vana tchadhide , vanagu wumba wu tshunguhedzi ni gu ningana
lisima magu vbanyani gwawe.
Mwendro gambe gu khetu ngamu tshawa nya vathu va yinganago moyo ni moyo khavbo nya
muchadho, khu wulongo mwendro khu gu olovelana.
Muchadho- khavbo nya muchadho singu khodzega gu wumba ngamu, khavbo nyagu mwama
moyo ni nyamayi moyo vana gu chadhide vanagu dwanela gu wumba ngamu. Wulongo wowu
wagu vbela khu gufa nya moyo wa kona mwendro khu gufa nya vatshavbo, mwendro gambe khu
gu lomba gu hambana.
Vathu vangu sikodza gu wumba wulongo vagu bana vana gu lumba lihundzu limwedho.
Womo wulongo wu thumbunukago khavbo nya gu yingane nya gilongo gya mwama negi gya
nyamayi mhwane nya gu bana vana gu chadhide. Wulongo wowu kha wuvbeli simbari vagu
hambana.
Womo wulongo gu tumbunugago khu gu bana mamayi nya gu kari mwendro babe nya gu kari
ana gu dandriside sanana nyagu khandruye anga sivelega, sanana sile ni vababe vale vanga si
dandrisa, vagu khala valongo nyagu fane ni valongo vale nya lihundzu limwedo.
Khu ga simbe sikhati ,wulongo wungu tshuka wu khumba ni vambe vathu hi hengelago nawo
ndrangani mwendro gu vbanya nawo, nyanga sanana sile hi vbanyago naso nasisi lumbe gilongo
gyathu, sithumi ni vambe ni vambe khanga gu landra muthetho nya nombora nya magumavili
nya mwaga nya 2002 nya 30 nya Junho ( gagu manega gunari muthetho wu ganelago khu
mikhupo nya mabhindzu nya muthu ni muthu agu – IRPS khu gitshungu).
Página 13
Página 14

Nayo nya Ngamu Muchado GINANI MUCHADHO? – Texto 2 – O

Transcrição

Documentos relacionados

Zviyitiko zvo muchadho Vazinji vanorangarira kuti zvikuru ku

Southern Africa