san tome ku ie - tela di bon nge - ku toka folo: nofokng aflika

Share
0
More
Next Blog»
Create Blog Sign In
SAN TOME KU IE - TELA DI BON NGE - KU TOKA FOLO
SEJALOVADU, INEN KE MU! Ya xitu di Jykiti Wakongo, ni lungwa folo, di SANTOME KU IE, dinen donu de.
SANTOME KU IE sa tela di bon nge, pletu, di AFLIKA y e toka folo ku inen nge de tan! Iyemanja zuda non!!
S
A
T
U
R
D
A
Y
,
M
A
R
C
H
0 1 YA, NGENBU!
2
O KAKA...
0
0
8
NOFOKNG AFLIKA
NOFOKNG AFLIKA – Nen Ome FOlo
Kontledo NGandu (*) ni AFLIKA
Xi non te kwa di fla di AFLIKA (TELA PLETU) ku sa
TELA ku toka pletu ku nen nge ku ka-manda ni
TELA PLETU, non ka-po fla kuma TELA se na saji
non fa! Kolonba so ka-xina non tudu kwa bila lentla
TELA ku pingada manda non fe kwaxi ku nen
mese. Y ola demanda (ku nen me ka-kya pa pletu kontle pletu) ka-da
son ku pletu ka-sa ka-da manu de ku bala a ka-klaga tudu kwa ku a be
ku e, tudu LIKEZA ku a ka-po klaga di bende, ante kwa ku a fada ku
saji non be ku e TELA dinen.
Nen NGANDU (nge ku sa PODE y ixi ku tava nala za) ku ska-manda,
mulatu ku pletu, nna ska-mese sebe di povo fa. Kwa di papelu pa a xa
jibela tan so a mese xina djandjan. A ka-ngana povo ku plomesa di
xtlada, di landja xtluvisu da nen pe ku men non, fe xkola ku livlu, ku
kadela ku meza ku ke-banyu, nge di xina kwa ku toka nge di TELA
NON, fe xipitali pe dottolo ku mindjan di kula dwentxi. Tudu kwa
TELA PLETU ka-ko kwa ku non na sebe vive fa; ku non na sebe fe
nadaxi fa y ne mwala ku pletu ka-sa ku e ni ke sela kolonba so ka-fla
xi pletu ka-po dumini mwala, ke dja y xi e ka-po o e na ka-po te mina
montxi fa, punda pletu na sebe fa (a ka-da mwala bega tan pa e pali
mo kaso o latu, sososo sela non gwada kolonba bi pya xi non sebe fe
kwa o).
Kolonba ka-fe kwa de ni TELA de, pletu fyadu kasende mon se vlegonya piji kolonba kwa. A ka-ko
nge ku ka-vive ni mixidaji, maji xi a pya gletu a
ka-be kuma kwa sa NGANDU ku futa vapo kakai,
djelu povo, loso ku sukli ku fanya di fe kume da
nen anzu ku sa ke pobli ka-pasa mali, so ska-fe
kwase. Nen mina se ka-flima ku leva ni kloson,
punda pe ku men nen na dinen kwa ku toka fa y a
ka-bila nglatu, nge se xintxidu ni vida, se kwa ni kabesa y tudu kwa
ku nen maxibin ka-pensa sa pa a be djelu di kopla unwa seleveja,
kume di pe meza tan y xi a be modu a ka-bluguna ba TELA pa a ba
golo di bila “liku”. Punda kwa ku a xina inen sa TELA NON sa mali y
sela a fe pa a xe, lega amole ku a te nay.
Xi non kole kabesa pensa ni kwa ku nen NGANDU fe jina tenpu di pe
non y yo di pletu ku sa PODE en ni AFLIKA sa nen ka-fla kuma a ta
matu ka-luta pa a “tom” TELA PLETU ni mon kolonba y POVO me na
sebe kwa ku nen pasa fa. Sososo tudu pletu ta ka-be inen mo nge ku
te kabesa, pletu blabu ku fe non sa ni paji, nge ku mese luge ku e sa
ne tasondu, nge ku ka-po fla ni nomi di POVO.
Myonle sa punda inen elemanda ku non te pletu
ka-manda ni AFLIKA ku te djelu y e na ska-mese
djelu maxi di futa povo fa. Akese kuma kolonba
soku fe tudu kwa da nen blutu se y ne kwa di
guvenu di zuxi, di xina, ku otlo-otlo kwa tem.
Ante ubwa di TELA NON sa kolonba soku fee, a
tason da tudu xitu nomi ku bwadinen, pe
mlakason ni xitu ku kabesa manda so, golo
demanda ku otlo pletu vijan. Punda TELA dinen kolonba sa ku meka di
kamya ku toka kada nge y a na ka-po buli ku e fa, axi fa demanda kada son. Maji ni AFLIKA, kwa ku tava ku ubwa jina tenpu di nen nge
Ngenbu se soku sa soba en! E sa ku
unwa po limadu!... Kidale! E ka-po
ku e me?
OTLO-OTLO XITU
NEN MIGU MU FOLO
LETLATU DI SANTOME KU IE
EUROBRASILEIROS
Xitu ku ka-fla ni lungwa Ngola
(maji mali xinadu...!)
Vungu di SanTome ku Ie (unwa)
Vungu di SanTome ku Ie (dosu)
Xitu “FORUM-STP”
NEN NGE KE
(Contributor): Dra. Belinda
Wakongo»»
Soba (Admin): Jykiti
Wakongo»»
Zuxi (Moderator): P. Camblé»»
KWA GWADADU
► 2009 (1)
▼ 2008 (31)
► December (1)
► November (1)
► October (1)
► September (1)
► August (5)
► July (3)
► June (2)
► May (6)
► April (6)
▼ March (1)
NOFOKNG AFLIKA
► February (3)
► January (1)
converted by Web2PDFConvert.com
tamen, nen kolonba txila buta, kota-kota, patxi dinen ola atava nala
ka-manda, soku ola “axe”, a musa nen NGANDU se ku gabon ke
kamya ku toka kada nge. Soku myonle e te TELA k usa ni demanda
antawo plovya di kwa mali ku nen kolonba fika pe ay. Kwa nen ta mese
me sa pa a kya kwa pa non sa ni demanda so, anu lentla anu, pa non
ka-sa ka-kupa ku ubwa ku kwa di pe bega tan, pa ni omme di kwase
pa nen ka-sa ka-nganya djelu nen ku non, ka-kya kwa nen pa a vive
bwaso y non ka-sa non ka-vive mo makaku ni liba di po.
Xi a te we a ka-be kuma yo pletu te nomi di kolonba, maji a na ka-be
kolonba ku nomi di pletu di AFLIKA fa. Zo maxi pyolo, ne Mugabi se,
Kabral, Mondlani, Pintu, Samora, Lumunba, Mobutu, Neto, ku otlootlo gabon, na sebe kwa ku a tava ka-fe da inen. Ante oze a na sebe
kenge xi ku fe kwa fa, pa nen sa we TELA PLETU o kwa k usa xkelidu
di fla da povo. A ta ka-kunda kuma nen so txila kwa ni kabesa nen o.
Kwa tava ka-ko kwa ku nen nge se ku ka-bili boka fla di kwa di TELA
PLETU, ku tava ni PODE sa nge ku fe kwa muntu. Kwa sa axi, ola se
apega inen maxibin, mo a ka-pega mina pikina txoko ni kinte be ku e
otlo xitu pa e ba xina fisu, xa nen kwa di pulitika ni lwngua ku a na
tava ka-tende me fa, zo a ka-fla kuma a tende y a sebe kwa ku a fe.
So nen gabon se ku a be ni TELA kolonba ka-xtuda soku a xtlivi ku
inen di fe kwa di pulitika di Ale di kolonba tan, sebe di nogoxo dinen
so.
Nen NGANDU ku fla kuma nen “tom” TELA ni mon
kolonba pa a tanda povo, a ngana kabesa nen y
maxi-maxi kabesa POVO. Punda ola nen kolonba
bluguna ba TELA ku tokinen, nen NGANDU se bende
yo dinen manu non, zo bila bende TELA ku toka
non, lenda plesu di kitxiba, da nen nge se ku a fla
kuma a tava numigu non. Ni we POVO nen NGANDU
se mufinu tava ka-volo kolonba, ka-da mali nen
punda sufli ku povo sofli ni mon nen, y plovya dinen paji ku lentla
AFLIKA. Maji ni tlaxi, nge ku nen tava ka-tason ni meza pa a fe
"nogoxo" di patxi LIKEZA POVO sa kolonba. Yo dinen gabon tanda
LIKEZA non pa a kopla pingada pa a da manu non ku bala, punda
kolonba tava ka-mese bende pingada dinen tan o. Non soku fika kaximya kwa mata nge ni son ni luge di koko, mim, loso ku tumatu. Nen
kolonba ku sa blabu pe non ka-mata non me y nen ka-bila maxi liku
so. Gabon ku tava ni PODE ta ka-txila patxi de ka-be ku e TELA
kolonba, zo POVO so ta ka-pasa mixidaji, bila de pobli. Oze kwa ku sa
supe di AFLIKA tan sa kwase.
► 2007 (16)
AFLIKA NI LETLATU
AFLIKA ni letlatu. Kwa ku letlatu di
nge pletu, ku toka tela de
KLONVESA KU NGE, DESA LEKADU
DA NGE
abg superman: cara nak tahu hp clone atau ori
abang gadget: mari singgah abg jual powerbank murah2 ni
epol rider: hai tuan blog
Jom layan video-video menarik dari saya unt
miss airin: hai tuan blog;)sy ada menda best tuk awk jemput la
sdgdfgfd: O kaka ia nguêmbu
sdgdfgfd: weafgwaghrrrrrrrrrrrrrrrrrrrrrrrrr
sdgdfgfd: tweatr yer yre yeyey
[Get a Cbox]
Nge ku te we ni tesa ka-be kuma e na te folo fa, e na te gabon fa,
tudaxi ku fla kuma a faji fe pa a kaba ku pulitika di kolonba ni AFLIKA
a mintxila. Nadaxi so! Ante oze a na sebe kwa ku a ska-fe fa! A ka-sa
ka-txila kwa ni papelu ku kolonba fe da TELA de ka-fe ni AFLIKA. Zo a
tava ka-fla di pulitika, di kwa ku a fe di txila TELA PLETU ni mon
kolonba, maji tudu nen maxibin se, NGANDU, gabon, tom mina mwala
kolonba. A fla kuma a ska-txila numigu ni kinte, maji nen manu di
mwala ku nen ka-sa ku e ni koboke tava TELA PLETU ka-mata mina di
AFLIKA, ka-futa LIKEZA ku toka non pletu manda ba TELA di pe dinen.
Zo andeji me sa nen pletu se so xa banku di kolonba ku LIKEZA di
AFLIKA. Yo di vapo ku tava ka-mundja ni AFLIKA tava (maji oze
antawo e ka-sa) ka-xe xadu, klagadu ku LIKEZA ku ka-ba bila nen nge
se maxi liku y non maxi pobli.
A na ka-po fla kuma a ta ka-da vida ku sangi
plovya di AFLIKA, punda a tava ka-fe nogoxo di
pingada ku TELA NON. Y maxi pligu antawo, ku a
na ka-kele ninen fa, sa a ta ka-dumini ku numigu
ni kama, te mina ku nge ku a tava ka-sama
numigu. A ta ka-ba paxa y vive me ni TELA di
kolonba, tlega mina nen tanda kolonba ku ope ni
son. Yo dinen pletu ku sa PODE en ni AFLIKA kafuta djelu ku toka povo ba pe ni banku ni TELA kolonba pa inen mina
ku mwala vajin ba vive mo soba. A ka-sa TELA kolonba ka-legela ku
djelu povo, zo a ka-sa ka-da mali nge pletu.
Ola a ka-da djelu se ni uku bluguna ba TELA kolonba, a ka-xina nen
anzu nen kuma pletu na bwa fa, punda pletu na mese pa nen vive nala
fa, punda nen ta mese fe kwa di zuda povo day, a ta ku kwa ni kabesa
pa a lanta TELA, txile ni mixidaji, maji nglatu di pletu kole ku inen ni
converted by Web2PDFConvert.com
pode soko manda. Zo nen maxibin se k usa mina vajin se dinen
NGANDU ka-komesa ka-kontle manu nen pletu ku sa nglentu koboke,
ixi ku ka-bi fo AFLIKA, tudu kaxta pletu ku ka-plase a ka-zeta, kole ba
klaga unwa kolonba blutu se plosede pa a pe ni ke y pa a sa ka-musa
pletu.
A ka-be nen pletu se nglatu ku bega godo ni
TELA kolonba ku odjo di kloson, ka-konde ola a
ka-be nge ke ku sa pletu mo dinen. A ka-golo di
fe migu ku kolonba ante ola ku a ka-zetinen
soku a ka-ba lele pletu. Yo dinen nglantu se
mufinu, mo nen mina mwala ku ka-ba TELA
kolonba pikina o nanse nala ku kala mo vajin,
ka-ko fitxiselu, bosali, ka-mese fe tudu kwa
mo kolonba. Fla ni boka ka-xa sun! Nen kwase
na ka-ko kwa ku inen nge se tava ku donu ni TELA PLETU, pletu mo
dinen ku golo kwa pa inen bila nge ku a sa oze fa. E ka-da sun leva
pasa!
Zo xi a fla kwa bwadu di TELA se, kamya ku nen xe kole de, a ka-fla
kuma a sa dala. A ka-be pletu ku kolonba ka-fla lwngua kolonba
(putugeji ngleji, flanseji, xpanyol) ni boka, mo nge ku na bi fo AFLIKA
fa. Xi a fla kuma "TELA nen" te LIKEZA montxi, a ka-mete boka ni
klonvesa fla kuma a vive nala yo danu, a nanse nala, a sa dala, a
mese ba ala punda a te yo migu k unge ke nala. A ka-be kolonba
blanku fenene ka-fla kuma e sa "mina di Ngola", mina di AFLIKA ten.
A na ka-te vlegonya fa, punda kwa ku a ka-gogo ku e tan sa djelu. Xi
djelu sen, a sa ala o! Xi a be modu di txila djelu ni mon di manu nen
ku leda LIKEZA ku inen a na ka-pota fa, a ka-klage klopo ku alima be
dinen y a na ka-bila sebe ke kamya ku nen sa ne fa.
Oze a ka-be nen NGANDU se pletu ku nen mina
nen ni poson di TELA kolonba ka-paxa ku poji,
ka-nda ni nen vende se di lwa, di nge pobli, kakopla kwa mo ome xinboto. A ka-sa ku bega
nglandji mo ola kolonba tava ni TELA PLETU ni
fazenda. A ka-be kala nen NGANDU se ka-ko
fitxiselu o bluku ku fe mindjan ni matu pa kula
we xa y fe “nogoxo” ku djabu pa a po bila liku.
Ola a ka-mole, mo tudu djelu ku a futa non kasa gwadadu ni ke di kolonba ku sa "migu" nen (maji mo a ka-fee ni
xtlegedu), e ka-fika da nen kolonba se. A ka-futa djelu nay ni AFLIKA
be ku e TELA kolonba, pe ni unwa ke – ku a ka-sama banku – pa a kasa ka-kopla kwa ku te yo plesu pa a bi musa nge nay kuma a te PODE;
kuma a ka-po kopla NGE; y kuma a kapo kopla tudu kwa ku sen ni
MUNDU se. Maji a kese kuma oze a ka-po kopla yo kwa, ante ZUXI,
maji a na ka-po kopla XINTXIDU ku sa ni POVO fa; y a na ka-po kopla
VIDA nen fa, punda ola djabu ka-sama inen ba NFENU, a na te modu
di kole fa, sela a be me.
Maji mo kwa na ka-be so fa, tudu kwa te ola de. Onte, kolonba so
tava ni TELA PLETU ka-da povo sotxi ni kadela, ka-bende non da otlo
nge pa a ba tlaba da inen, ka-va nen sange kadela ka-pe anzu
"mulatu" ni son se da nomi. Oze, sa nen NGANDU se ku “tom” PODE
ni mon di nen kolonba, “ka-ba” ku kapataji ni matu, “ka-ba” ku
mendu gabon ni xtlada notxi, soku say ka-kume non ubwe ku “po”.
Oze antawo, yo di mina fika se pe ku pe dinen; yo dinen sa dwentxi
ka-mole; yo di maxibin ku fosa di tlaba fika se unwa o do-dosu ope;
zo e te ku fika se mon se ope plovya di mindjan ku nen NGANDU
PLETU kopla ni mon kolonba ximya pe son pa a mata POVO. Yo dinen
pingada se sa son TELA PLETU antawo ska-mata POVO. A "tom" TELA
maji a na ximya kwa kume da POVO fa. Kwa mata nge so sa son en ni
son di AFLIKA. Amanya, xi kwa ba we y xi non bila luta ku npenyu pa
non txila nen NGANDU se ni PODE, POVO di AFLIKA ka-po bila te TELA
de ku toke.
Tudu nen kwase ka-da dolo! Antawo, POVO skapadise ku fomi ni bega plovya di sentensa ku sa ni
kabesa dinen "nge godo". A na te kwa ni kabesa
fa, kwa a mese tan sa pa a subli ba liba po mo
nganya pa a po kanta. Jina a xiga PODE se ku a na
ka-be kwaxi ku a ska-fe fa. A ka-nda ba liba ba
converted by Web2PDFConvert.com
basu ka-dukunu LIKEZA POVO tan, ka-da mina
bega, anzu antawo; klaga vajin ni karu di guvenu
pa a ba va kadela so, klaga dwentxi be ku e
koboke, ne mina ku a te ni kinte a na ka-sebe kwaxi ku nen ka-fe
xina plaman ka-bili ante notxi ka-kubli. Ola a ka-ba di sebe di djelu
ku a ka-ba nganya ni “nogoxo” ku a xina, a ka-nda tlaxi nen bokaawa se ante notxi ka-kubli. Nen mwala ku nen mina mwala nen tem
ka-sa ka-va kadela ten mo dodo. Tudu nen ka-xiga ke kansadu ku
sono mo nge ku tlaba muntu. E sa xtluvisu!!
AFLIKA, TELA NON, bila de wixiwaxa so!
Mina TELA PLETU mese kole tlaxi gabon, kolonba, mulatu, blutu se
plosede tan, ku dwentxi ni ubwe. Nen mwala ku ba xkola ten ku kanda, DESU so sebe, vungunu-vangana, ka-dumini nay koda nala, kalentla unwa potto ka-xe ni otlo mo vajin. A ka-tason ni kwatu di
xtluvisu pa a ba tlaba, maji kwa ku sa nen kabesa sa po tan. A ka-sa
ka-kole kabesa pa abe xi a ka-be pinby so. A na sebe fe kwa ku a ba
xina ni TELA (xkola ku a tava ne ka fe kursu) fa! Kwa ku nen bosali
plejida se ku ka-ba PODE sebe fe tan sa dumini ome.
Ni koboke, mina pikina na ka-sebe kenge ku e sa
fa! E na ka-te men ne pe ni ke fa. E te yo dinen ku
ka-sa koboke di dona dinen jina men nen pali nen
zeta da dona. A na ka-be kala di ome (pe dinen)
ku toka sa zuntu dinen maxibin se, ku ka-bi bila
ome tamen. Maxi montxi dinen na ka-te pe fa, y e
te ku na ka-te ne men fa, punda modu ku TELA
bila. TELA PLETU sa de danadu koto-koto. Xi DESU
na lentla ni omme fa, non na sebe ke kamya ku non ka-be fa!
Kwa ku apo te disetu sa klupadu di tudu nen kwase ku ska-pasa sa nen
NGANDU ku “tom” TELA NON tanda kolonba pa nen manda ne.
Kolonba ka-sa ni TELA nen ka-manda ni nen NGANDU nay o. Non say
ku PODE sa ni mon di kolonba antawo y pletu so ska-fe zopo de nay.
Punda nge mo FDIKI, PINTU, TLOVWADA, ku otlo-otlo pletu ku sa PODE
ni SANTOME ku IE ku otlo TELA di AFLIKA, na sebe fe nadaxi fa.
Sososo a sebe za kuma xi a na fada inen nadaxi fa, kada nge ka-fe
kwa ku bwade so y maxi-montxi dinen sa nen nge se ku a ka-sama di
"nge godo". Nen na ka-kuji mali ku a ka-fe fa.
Zo e te otlo kwa ten ku nmese fla dinen “nge
godo”. Ola a ka-dwentxi, xipitali non na ka-kula
inen fa (nayen a ka-bluguna ba Putuga), xkola di
xina sela ise ku kolonba ka-pe nen mina nen ne
(nayen kwa sa IDF - xkola ku te nen nge ku kakontle pletu, ku te odjo ni SANTOME)! Ola a kamese kopla lopa o kwa floga da anzu nen, a kapega avyon be ante NFENU di TELA kolonba pa aba
kople, punda nay non na tee fa! Y yo dinen gabon se ku sen myonle ni
AFLIKA ka-fe kwase ten, pa nna fla tudaxi fa. A ka-pensa ni inen so. E
te dinen ku ola ku a ka-da djelu se nuku ni AFLIKA bluguna ba TELA
kolonba, a ka-pe ope nala tan so, a ka-bili boka da kolonba volo
AFLIKA ku kya inen, laza plaga da non ku fika nay, piji DESU o Djabu
pa xi nen ka-be modu, pa vonte ku sa nen ni kloson, pa a ka-da
AFLIKA se fogo ku TUDU KWA ku sa ne.
Nkonveta zentxi se! Djabu ka-levinen!
Unwa dja me, xi DESU zuda non, kwa tlubuladu ka-xe ni OSE kye ni
omme di vida nen djabu se, pa a po ba lele “nge” xi ku toka inen,
desa POVO non ku TELA ku toka non ni paji ku sosegu.
Tenpu, ola nen donu di pe non ta ka-vive nay, ku kolonba na ta xiga
antawo fa, nen tava ka-vive bwaso! Vida nen ta ka-kole gletu y tudu
maxkalenxa ku lentla TELA NON na tava sen fa.
TELA PLETU, AFLIKA, tava de glavi ku yo kwa kume, kani, pixi, bana,
fluta y a na ta ka-tende kwa ku a ka-tende myonle en fa. Zalima nen
donu se tudaxi toka bi lele non en, pa azuda txila non di NFENU di
vida se ku non sa ne.
Ola DJA SE ka-xiga soku non ka-po fla, WOLA WO!!
converted by Web2PDFConvert.com
Inen mina ku inen mosu, DESU manse non!
Jykiti Wakongo
El Azizia, Feb. 28
(*): NGANDU – nge godo ku ska-manda ni TelaNon y ixi ku manda ten
za.
By Soba (Admin): Jykiti Wakongo»» OLA 4:28:00 pm
No comments:
Post a Comment
Newer
Post
Home
Older
Post
Subscribe to: Post Comments (Atom)
VUNGU DI SANTOME KU IE - XI NOMI MU /KA-SA LOPA/ (GAPA)
VUNGU DI SANTOME KU IE - MAMARY (JUKA)
VUNGU DI SANTOME KU IE - BETODO
converted by Web2PDFConvert.com
VUNGU DI SANTOME KU IE - TUDU DJA, POPOPO (GALIDU)
VUNGU - "unwa" (HAYLTON DIAS) - KU LETLATU DI TLAXA KU SANTA KATXINA
VUNGU - "dosu" (HAYLTON DIAS) - KU LETLATU DI SANTOME KU IE
converted by Web2PDFConvert.com
VUNGU DI SANTOME KU IE - AGEDE (XINYA)
TLUNDU - NI IE (SANTANTONI)
Platu ku nga gogo ku e maxi:
converted by Web2PDFConvert.com
1. Muzonge di pixi
2. Kalu ku angu
3. Kitxiba flentadu ku pixi xlagadu/flesku flentadu
4. Zekentxi di zete
5. Soo di koko
6. Fluta sadu ku pixi xlagadu/flesku flentadu
Votes so far: 0
Poll closed
Ke kwa ku ka-da bo leva pasa?
1. SanTome ku Ie - Tela Non
2. Nen nge ku ska-manda ni Tela Non en... (ku futa za y ixi ku ska-futa)
3. Tudu nge ku sa mina di SanTome ku Ie - Povo
4. Nge xi ku manda ni Tela Non y xe de ku jibela xadu di djelu di Povo
Votes so far: 0
Poll closed
Pyolo nge ku manda ni STP (O pior presidente são-tomense de sempre):
Manuel Pinto da Costa
Miguel Lisboa Trovoada
Fradique Melo de Menezes
Votes so far: 9
Poll closed
BO GOGO KU KWA KU BO PYA NAY?
YO, MUNTU
YOXI
AXI-AXI
POKO
20 (74%)
4 (14%)
2 (7%)
1 (3%)
Votes so far: 27
Poll closed
Ke folo ku ska-kanta vungu doxi myonle en (Qual o melhor cantor da
actualidade em STP)?
Juka
Garrido
Haylton Dias
Xinha
Gapa
Ybaguay
Kalu Mendes
1 (5%)
7 (41%)
4 (23%)
0 (0%)
3 (17%)
0 (0%)
2 (11%)
Votes so far: 17
Poll closed
OLA NBE XITU SE SUN (Quando visitei o seu blog):
converted by Web2PDFConvert.com
npya y ntende tudu kwa ku a xkleve (li e percebi tudo o que está escrito)
npya kwa ni putugeji tan (apenas li o que está emportuguês)
npya nen letlatu tan (apenas vi as fotos do seu blog)
ndunda kuma e na toka te kwa ni putugeji fa (achei que não deveria conter artigos emportuguês)
npya nen vungu tan (apenas visualizei os vídeos de músicas)
npya tudu kwa ku npoji; e na sen ku ka-ko ku e fa... (vi tudo o que pude; não existe outro igual...)
Votes so far: 22
Poll closed
"SENPLU vs VESU!"
- "Sela bo kele pa bo po tende, zo sela bo tende pa bo po kele wo".
- "Tudu nge kya Desu de, maji jimu sa folo y pletu mo di ami".
KONPA O KUMA MU, NA FADA NYUNWA NGE KWA KU BO BE NAY FA! DESU
PAGA BO...
VUNGU DI SANTOME KU IE: Pwita - "Luneta"
Pwita - "Luneta" - Pwita -> Sangazuza Released by Jykiti Wakongo
XITU DI FOLO JYKITI WAKONGO
Este blogue é propriedade do cidadão são-tomense Jykiti Wakongo, que o dedica a todas as crianças, mulheres, aos
jovens, idosos, pobres, que são maltratados, oprimidos, excluídos e injustiçados em São Tomé e Príncipe.
RDSTP - República Democrática de São Tomé e Príncipe, o Oásis Africano, duas ilhas maravilhosas na linha do Equador,
no Golfo da Guiné, terra de gente bonita e condescendente, o país mais lindo do mundo.
" Luge se sa pa folo Jykiti Wakongo po munsa modu ku e ka-be nge di San Tome ku Ie ku kwa ku ka-pasa. Non sebe
kuma falasetu ka-da kontaji, elemanda ku a sebe za: kwa ska-bi... non na mese awa we fa e!..."
MINDA VE KU A BILI XITU SE
Jones Act Counter
converted by Web2PDFConvert.com