LA NOZA DI UCÌE - Scuola Ladina di Fassa
Transcrição
LA NOZA DI UCÌE - Scuola Ladina di Fassa
LA NOZA DI UCÌE L merlo à binà adum la besties del bosch e di pre e l li à envié a noza: “Vegnì duc a scutèr: anché gé me maride; la sposa la é enjignèda de bianch la é regolèda!” Ai sposc se cogn ben ge portèr zeche, coscita duc à pissà a n don. I flinches i é jic a comprèr na gran torta, la schieràtola à binà de bela noujes, i gardelins à volù portèr n maz de fiores, ma l cuch no l’à nia da dèr... L pìcol spoz l’é zis malà e i l’à menà a noza te na portantina. L dotor de la besties l’à vijità delvers e l ge à conseà de tor jù trei pìroles, coscita l spoz l’é revegnù e l’à podù fèr festa desche i etres. La ràdola, endèna che i sposc passèa, l’à ciantà na bela melodìa e duc chenc à batù la mans. Te gejia l saùch à ciantà tant adaut che l becalegn, scecà, ge à dat na sgonfonèda! I sposc à envià ence l dui, ma chest l’é desturbà dal luster de la dì. L crot l fèsc da capelan, ma l perdicia mìngol massa pian e duc se strenc entorn utère. Canche te gejia l’é dut fenì, duc i é envié a bèst. Dapodò duc à fat cater sauc menan la couda più che i à podù. Al dui ge à sapù tant bel, l’era tanta legreza aló entorn... Ma prest la dì la é passèda e l devertiment l’é en prescia fenì. Duc chenc à cognù se saludèr e chela sera i é jic a dormir bie contenc.