Zviyitiko zvo muchadho Vazinji vanorangarira kuti zvikuru ku
Transcrição
Zviyitiko zvo muchadho Vazinji vanorangarira kuti zvikuru ku
Zviyitiko zvo muchadho Vazinji vanorangarira kuti zvikuru ku kuzivisa pambhene muchadho, kana vandhu vakayita muchadho avacharangariri kuti zvinobudirira zvimweni ngo kuti zvikuro kuzivisa muchadho. Zvikuro kuziva kuti no muchadho zvinobuda zviro zvakawanda kana zviyitiko zvowushoni kana zvakashata zvinobudirira pakugara po vandhu vaviri vakachadha. Mutemo wakatonga zviyitiko zviviri zvo muchadho zvatinoda kunanga: Zviyitiko zvociwudhu Zviyitiko zvokusihwa Zviyitiko zvociwundhu Zviro zvonoyitika kuti mwanarume no mwanakaji vana nderemejo yakayezana pa mutemo ngo maponero ese pa zviyito zvopulitika pa wufumi yo pamuzi kana wo maponero wowugariro ngo magariro wo mutemo wo munyika, kana wo mavakiro wo munyika. Mayitiro aya anonanga kuti akuna no mumwe arikumbeji kupindirija wumweni. Mutemo wo wukama unonanga kuti zviyito zvociwundho, citendeho co mwanakaji kana no mwanarume vanazvo umwe kuna wumweni ngo ndava yazvo wutendewo zvinangwa kuti wutendeho wo vese: Mukoja Kuzwanana Kubesana Kubesa Kupona mese 1. Mukoja Zvinodikana kuti mwanarume kana mwanakaji vanodikana kureremejana kuda kuyitira kuti vatame kuva no kutakana no kutukana, no kureremeja mayitiro wokupona pamuzi. Wutendeho wunenda mberi kana vakananga kuti vagari vopamuzi vana wuteho wokurangarira, kunanga zvavanorangarira, kunanga zvanoda pamutundhu, kwenda ku gerejha ranoda, pomwepo no kusana basa ranoda, etc. wutendeho uwu wunorambisa kumudoni kuphiningija zvo muhana, mo umweni, kunangira, kubatabata zvitengerebwe zvo wumweni kufunyungura samba, pa njhiku jo nyamasi zvinorambiswa kubata bote ro mudavijano ro munyara ro wumweni muno wayo acikayizivi, etc. Wutendehwano uwu wunoyitihwa kuti kana pa mucadho panodikana kuva no kuzwanana kana mukaji no mamuna vanodikana kureremejana. 2. kuzwanana Kutendehwa ko kuzwanana kunoyitisa kuti mwanakaji no mwanarume panodikana kuva no nderemejo, mumwe kana mwanarume no mwanakaji anodikana kuva no kuyita zviya zvakanangwa pa nguva yo kucadha. Kana mugari mwanarume no mwanakaji anoyenda koyita bonde kunja anosiya kuzwanana, no kudaro mucadho wunova wakaremba kudaro panova no wuhwambi. 3. Kubesana Zvinoyita kuti mwanarume no mwanakaji vanodikana kubesana mumwe no mwumwe vanodikana kubesana ngo zvese pamaponero, vanodikana kuva varivese, kubesena ngo maponero wo pawukama, kubesa wumweni anoda kubeswa ngo ndava yo ndhenda, kana pakushupheka. 4. kubesa Wutendeho wo mwanarume no mwanakaji anodikana kubudirira no kuwana kwake aciviyisa pamuzi kuda kubesa wukama, izvo zvinoti kubesa pa muzi, ku cikora, ngo zvokuha kana no wungumi. No kudaro kuda kubesa wutendero uwu mutemo wunoti kuti panodikana kuva no konta yo mubhanko yokuda kubesa no zvopamuzi. 5. kupona mese Izvo zvinonangwa kuti wutendeho wo mese mwanakaji no mwanarume muna umwe no umwe kuyitira kuti mubesane, kunangira kuti kupona pamuzi pondhopo, muciha mese, mucivata pa muzi wondhowo kana kucitoyita bonde. Pa nguva yimweni zvinotendehwa kuti mucipona mese pa muzi wondhowo kunangira, kana mumwe wenyu anobata kunja ko nyumba kana umwe wenyu anoda kupona ndhambo ko wumweni ngo ndava wokutama kuzwanana kana kucida kurambana, kana kudeya mutendehwa kupona mese. Kana mayitiro wociwundhu zvinoyitisa kuti wuve no mutendere wo kusana zina rawunoda kudayijwa ndi rona kupera komuchadho, no kudaro azvivangijihwi kubatisa zina ro mamuna. Zviyitiko zvociwundhu kana wutendeho watabhuyaya nyazuru azvidikani kubhusiyana ngo kuti zvo ciwundhu. Zviyitiko zvokusihwa Muchadho wunoyitisa zviyitiko zvinoyitisa kuti magariro wo zviro zvanazvo mukaji no mamuna pa nguva yo kuyita muchadho kana zviya zvokuti mundhu anova nazvona pakupera kuyita muchadho. Mutemo wakananga zviyito zvitatu zvo zviro zvavazvo mukaji no mamuna vanotendehwa kusana ngo yapi yayo yavanoda kusana pakuyita muchadho. Mutemo wunosanazve kuti kusana ko zviro zvinoyitwa awucikato wachadha ngo kuyitwa ngo kuzwanana amucikato magara mese ( cimenengo 1 civaringo 128 pa mutemo wo wukama) kana izvo zviro zvimweni zvinoti kuti azviviri kupera ngo kuti zvinoyitwa ngo manera wo mukaji no mwanarume vanosa kubatisa ko zviro kana zviro zviya zvinotendehwa ngo mutemo. Kuna mayitiro matatu wo zviro kunangira: Mayitiro wo kukashirana zvakawanika Mayitiro wo kukashirana ko zvese Mayitiro wo kukashirana zviro Kuda kuziva wushoni zvawushoni kuziva kuti zviripo zviro zvako kana zviro zvo vese: Zviro zvako ndizvona zviya kuti wakawana wega mwanarume kana mwanakaji. Zviro zvo mese ngo zviya zvenu mese vovaviri mese. 1. Mayitiro wo kukashirana zvakawanika Ngo aya mayitiro anoyitisa kuti zviro zvimweni ko zvese zvinoyitika kupera kuyitwa ko muchadho no pomwepo no basa no vese mukaji no mamuna kana zviro zvese zvakawanika kupera ko muchadho zviro zvo mese, kana azvicikaripi zvakawanika ngo kusiyihwa kana kupuwa kana zviro tenga zviro zvokubatabasa nazvona ngo kuti izvo zvinonangwa kuti zviro zvako. Zvidobudaro kana mucero ngo zviro zvako i zviro zvo mwese. 2. Mayitiro wo kukashirana ko zvese Mayitiro wo muchadho wo kuti anonanga kuti zvese zvo mukaji no mamuna zvese dzvavo vese kana zviro zvakawanika kare, kana wari, kana zviro zvinozowanika pamberi, kana kukasha zviro zvakapekejwa, kana zvakasiyiwa ngo mumwe wo mukaji no mwanarume no kunangira kuti izvo zviro zvitame kupuwa mwanakaji kana mwanarume, kana zviro zvimweni tenga nguvo, kana zvibatiro zvokubatisa ega, samba jo ciwundhu, ndangarijo jo wukama, mupfupo, etc. 3. Mayitiro wo kukashirana zviro Mayitiro aya mumwe no mumwe anovonera zviro zvakawanika kare, zviri zviya zvakawanika kupera ko kuyitwa ko muchadho. Kana kuva zviro zvakawanika vari vaviri izvo zvinonangwa kuti zviro zvo vese, kana mumwe wakabudirira kuda kuwana zviro izvo. Pa mayitiro awo mumwe no mumwe anoyita zvanoda. Muchadho Zvini muchadho? kazinji tinozvizwa kuti mumweni wachadha, kana takavhujisa kuti dzvini zvoyunovona kuti mumweni wachadha tayida kuzwa mudaviro muzinji: Ngo kuti anogara na ngana makore akawanda, Ngo kuti anohwiru maningi kana anozvicengeta kana nokucengetavo wukama wese; Ngo kuti yana mwana na ngana; Ngo kuti vandhu vakananga kuti venga vakachadha; Ngo kuti,… Mudaviro iji jinotandijira kuti vandhu vanomaziviro maziji ngo ndava yo muchadho, kuti zvinozivika ngo kuti mutemo muzinji ajibudiswi kuna vandhu kunangira wukama zvina kumavhiro zviro zvakawanda ngo kumweni kuna mavereketero acikazwanani no mutemo jo Musambiki. Kuna civaringo cocipiri kuna mutemo wowukama menengo 10/2004, pa njhiku 25 wo Katutu Mukuru, mutemo wokuma yo Musambiki yinonanga kuti: Muchadho Wubatano wokutenderana kuna mwanarume no mwanakaji, kucizwirano co mubatana kuna kuyita wukama wo kwenda no kwenda. Ngativone zviro zvinobudirira pa kunanga muchadho: Kubatana ngo kuda — zvinoda kunanga kuti kuzwanana ko vandhu, manangiro awo anoda kutandijira kuti kuna muchadho jakasiyanasiyana kuti kaziji jinoyitwa ngo wukama, tingabhuya ngo muchadho jokupsvanga kuti kusana ko mwanakaji no mwanarume jo kuyitwa ngo hama javo, ngo kudaro zvinoyitwa ngo musikane no murimbhawne kana vakazivana kana avazivani kuti ngo kuvangijihwa ngo wukama wo mumwe wavo kana wo wavo vese vanoyitiswa kuti vachadhe, ngo kudaro kubatana kwavo asipi kokuda, no kudaro azvidikani kuvoneka tenga mucadho ngo kuti panocota kuzwanana. (…) wega— muchadho kuti yizivike kuti ghokwadi pa mutemo wunodikana kuti wuyite wubatano wo mwanakaji no mwanarume, ngo kuti mutemo wo Musambiki wunoyendesa mberi muchadho wo mwanarume no mwanakaji, kana muchadho wo vandhu vaviri (mwanakaji wumwe no mwanarume wumwe) kana asipi kuna mundhu wumwe no vanakaji vazinji zvinoyitikaya no vanarume vanofuma vanakaji vazinji zviya zvinotendehwaya kuti mundhu wumwe atendehwe mucadha no vanakaji vazinji. (…) kuna mwanakaji wumwe no mwanarume wumwe- zvinoda kunanga kuti muchadho wunodikana kuyitwa ngo mwanakaji wumwe no mwanarume wumwe, izvo zviyita kuti muchadho wutambe kutendehwa ku vandhu vaviri vakayezana. Jiripo nyika jinotendera muchadho wo vandhu vakayezana kudaro Musambiki ayina mutemowo. (…) No zviyito zvo kuyita wukama- kana vandhu vaviri vakarovorana vanovha pa hwiru kuti vanoda kupona vese kana kudaro kubatana kwavo kuna zviyitiko zvo kuyita wukama izvo zvinoda kunanga kuti, vakarovorana avo vanozoyita wukama kana avacikana mwana vona wukama, kubatana wuko kunodandha kugumira ku wukama wo mwanarume no mwanakaji. Pa kuvha po muchadho mumwe ngo mumwe anova aciyita wukama wo mwanarume kana wo mwanakaji. (…) Ngo wobatano wo kwenda no kwenda pa maponero- zvinozivika kuti ngo mucadho zvinobuda zviro zvakabatana ngo kuti muchadho ngho kwenda no kwenda kana wo vandhu vaviri. Pa kuvira pa vandhu vanochadha vona vanodikana kuyita wutenderano kana kubatisa vese pa kupona vese vovaviri, nokudaro ngo ndava yo muchadho zvinobuda zviro zvavo vese kuna mwanakaji no mwanarume, no kudaro zvinangwihwa ku nderemejo kugondana, kudesana, kubesa, kupona mwese kana kutamba kuyita bonde no mundhu kunja. a) kwenda no kwenda- kana zvakanangwa kuti kwenda no kwenda azvidi kunanga kuti kupera ko muchadho kana mumwe pa muzi wakafa, ngo kudaro zvinozivika kuti muchadho wunoyitwa kuti yugare kwenda no kwenda no kudaro zvintendehwa kuti njhiku yimweni wunopera muchadho kana mumwe kana vese vakazwanana kuti varambane, izvo zvinovha pakuti mucadho wunovha pa kuda, zvayidepi kuyita swiro kunanga kuti kuda kuyita muchadho kwayida kupsvanga kuziva kuda kana no kudaro kuda kupekeja kuda kupera no muchadho kana vona vakada. b) Jho vandhu vaviri- izvi zviro zvina ziviso ro kuti muchadho wunodikana kuyitwa no vandhu vaviri vakayezana kana muchadho wunodina kuyitwa ngo mwanarume no mwanakaji. Aripo mayitiro amweni wo muchadho jinoyitwa ngo cicete kana cimweni jinoyitwa ngo mayitiro wo wuwutendi vatendera kuti vayite muchadho kuti mwanarume acadhe vanakaji vazinji, muchadho ijo jinotendehwa pamweni ngo wucete kana no wutendi no kudaro ajitendehwi kuwutongi ngo kuti ajizivi kutendehwa kuna mwanakaji no mwanarume basi. Mayitiro wo muchadho Mutemo wo wukama wunozivisa mayitiro matatu wo muchadho: 1. Yowutongi 2. Yowutendi 3. Yowucete Yowutongi- muchadho wumweni wunoyitwa ngo mutemo wo wutongi wo munyika yo Musambiki. Yowutendi- Muchadho wumweni wunoyitwa ngo mutemo wo wutendi kana uwo wakasiyanasiyana ngo wutendi no wutendi kana wutendi wondhowo wunozivika ku bawuko rowutongi. Yuwucete- Muchadho wumweni wunoyitwa ngo mayitiro wo mutundhu, mayitiro awo muchadho akavhira kare acizivika ngo wutongi wo munyika yo Musambiki pa cimenengo cocirongomuna pa civaringo cocirongomuna pa kubatisa no wutongi wo 1996, izvo zvayiziva kuti muchadho awucikazivi wo kuchadha vakaji vaviri wunoyitwa ngo mayitiro wo mutundhu kana wakazivika ngo humambo. Kana muchadho wo wutendi no wocucete kana wuzivike wunodikana kuti wuzivike ngo wumamdo kana wuzivike ngo mayitiro wo muchadho wo wowutongi. 1. Muchadho wowutongi. Ngo api mayitiro wokuda kuyita mucadho wowutongi? Kuda kuyita muchadho wowutongi kana kuna zviro zvinovha mucivaringo co 50 kana 189 pa civaringo co wutongi wo wumambo zvinodikana kuvona zviri zvakadari: Vandhu vaviri vanoda kuchadhana; Vandhu vokubesera kana mundhu wo kuvonerera kana umwe wavo anozivika kuti abudirire pa muchadho kana kubudirira pa mundhu acikapo; Mubati wobasi wo wutongi anodikana kuva aripo. 2. Muchadho wo wucutendi Kuti wuyitike muchadho wo wutendi wunodikana kuyita zvese zvinova pa civaringo co 50 pa mutemo wo wukama kana wunoda kuti ave aripo: Vandhu vanoda kuyita muchadho, kana umwe wavo kana kupsvangi wo mumweni; Panodikana kuva no mutungamiriri wo kuda kuyita muchadho wo wutendi wo kuda kuyita muchadho; Vabudiriri vaviri (wari vanodayijwa vabeseri) Vonayi kana apa panodikana kuva no mundhu wo wutendi madayijihro ake anova pa wutendi kuna wutendi, ngo kunangira vo katorika anova mupiri, kana vo bawuko wo amweni anova mufundisi, etc. 3. Muchadho wo wucucete Pokuda kuyita muchadho uwo wunowanika pa civaringo co 51 pa mutemo wo wukama kana panodikana kuva no: Vayiti vo muchadho (mwanakaji no mwanarume); Muvonereri vo mutundhu; Vabudiriri vaviri; Muvonereri wo mutundhu anodikana kuyita wiya anozivika ngo vatongi vo mutundhu kana anodikana kuzivika ngo vandhu vo mutundhu, ngo kunangira anoyita sekeretariyo, regulo, etc. kana wakayitwa muchadho wowutendi kana wucucete zvinoyitwa ndi mubudiriri wocutendi kana vabudiriri vo muthundu kupindisa maphaso wo mbhamba yo cutendi kana kufamba ko basa ro mbhamba yo cucete kuti zviyitwe mabasa yese wokutara pa bhuku ro muchadho pa wutongi. Zviro zvo kuphiningijira kuyita muchadho Asipi nguva jese kuti muchadho wunoyitika kana kuda ko mwanarume no mwanakaji. Pa zviphiningijo izvo zvinodayinjwa zviphiningijo zvo muchadho. Zviphiningijo zvo muchadho Muchadho wunoyitwa kuna wiya anokwanisa kuchadha, kuna wiya acikana muphinganiso kuna mutemo, ngo kudaro muphinganiso awuna ndava no kuda ko vandhu kana muphinganiso jinowanika pa mutemo. Zvinowanika zviphinganiso zviziji zvatinoda kuvona kwatinendari: a) zviriyo zviphinganiso kuti zvakayitika zvinophinga kuyitika ko muchadho wese. Akuna mazano wokuda kuyita mucadho no magariro wondhowo, vandhu vondhovo vanorambiswa ngo mumeso kuyita muchadho no mundhu ari wese, kana muchadho wakayitika no magariro wondhowo wunopfujuhwa: Vandhu kana mwanakaji no mwanarume avacikana 18 wo makore wo kubahwa; mutemo wunofungunyura kuna varimbwane vana makore 16 kana 18 wokubahwa kuti avo vachadhe kana zvinodika vanodika kuti vave no kutendehwa ngo majibaba avo; kana no vavonereri vavo kana ku wutongi wo vanadoko. Vandhu vanopenga vanoyitisa kuti vona avakwanisi kutonga hwiru hwavo kana no kupona kwavo, kuvepo vona pa nguva imweni vanogara wushoni. Pa kuva no muchadho wakayitika kare wunozivika ngo mutemo, kuti awuto wakapera (kana azvivhiri kuchadha mundhu wacakacadha). Mutemo wunonanga kuti wunodikana kupinda jiku 180 kutungamira ngo njhiku wakapera muchadho wo kutanga, kana kudaro mutemo wunotendera kuyita muchadho wumweni. Kuda kuphiningijira kuyimira azvicikashandi mutemo wakafunyungura musuvo pa muphinungijiro uwo vacitendesa muchadho wo vandhu venga no muchadho wo kare kuti vayite muchadho wumweni apacikato papera 180 ro njhiku zvatanangaya nyazuru kuti mwanakaji atandijire kuti ana mimba kana kuramba kuyita no mwanarume wumweni wapera kupinda 180 ro njhiku. b) Zviripo zviphinganijo zvimweni zvinophinga kuyitiwa ko muchadho asipi zvatanangaya nyazuru kana zvinorambisa kuyita muchadho no vandhu vamweni kana vakawanika ku magariro wondhowo: Muchadho wo baba no mwana wo kaji, kana mayi no mwana izvo zvinonghwinisira vana vo kutenga; Muchadho wo baba mudoko no muzukuru, kana mayi mudoko no muzukuru; Muchadho wo vatezvara no nyamwana, mukwambo no vambiya, kana no majimwaramu; Po kurambiswa ko vandhu vanoda kuchadha tenga vandhu vakayita zviro zvakashata ngo kuwuraya vandhu kana zvinozivika ngo mwanarume kana mwanarume wo wumweni. Izvo zviphiningijo zvina masoko wokuda kurembesa mayitiro wo muchadho varambisi vo kudisisa ko moyo kuti kaziji kunesesa maponero wo wukama no kudaro vona vanova vandhu vakabatana. Mufanikijo wumwe wunonangwa ngo kuti kunangira mayitiro wo madani wo kuti baba vanenda pa bonde no mwana wavo. c) Zvimweni zviphiningijo ngo zviya zvo kuti muchadho wunoyitiwa kuve no ndhango uwu wunotendehwa: Pakupera njhiku jo muchadho kana njhiku wawakapera mucadho no njhiku yakayitwa muchadho wumweni, kana njhiku iji jinodikana kuyita jo mweji mutandhatu. Mutemo wunoda kuti njhiku iji jireremejwe kuyitira kuti kutame kuva no ndhangu jo kuvha kumajibaba kana kureremeje njhiku jo rufu kana mucadho wakapera ngo kufa ko mundhu. Muchadho wo hama no hama, kana uwu muyitiko wunova zviro zvimweni zvinovoneka mu afirika kuti vese vakabahwa pa jinja rondhoro vanonangwa kuti hama no hama. Muchadho wo wiya anovonerera kana anovonera zviro zvo mwana mudoko, zvinodika kuti atambe kucadwa kuyitira kuti vamweni asambe kubatira zviro zvakubudirira. Magariro anobudirira pa mundhu anocengetwa ngo mwanakaji no mwanarume pa wukama wo kucengetwa; Kunanga ko vandhu vanochadha ngo cishayisho cikuru kuda azvito zvakazivika ngo mwanakaji ngo mwanarume wo wumweni kana azvikato zvazivika zvitopezwa kana kupfujura, ngo mavonero wo wutongi zvinova kuti zvimweni zvinorambiswa kana zvina mayitiro wo kuti mwanakaji no mwanarume vayite ngo kukasika muchadha kuyitira kuti vatambe kugogehwa wiya wakanesesa kupona ko wumweni; Pa kugara ko majibaba kana viya vanoda kuchadha vana makore mashoma, kana kuramba ko majibaba kuramba kuyitisa muchadho wo wiya ana makore acikagumi 18 wo makore. Kana pa ndhango iji mutemo wunopsvanga kuphiningijira kuti vandhu vana makore mashoma vayite muchadho ngo kuti avana hwiru wo kuyita muzi. Izvi zviphinganiso zvinorambisa kuyita muchadho majhi azviyitisi kuti mucadho wupfujuhwe kana vanopuwa wushupho. Zvini wukama? Po kuziva wushoni kana ngo wutengo kana ngo civaringo co 1 pa mutemo wo 10/2004 wo njhiku 25 pa mweji wa Katutu Mukuru pa mutemo wo wukama, wukama ciro cikuru co kupona izvo zvivha pa kupona no vamweni, no kudeya vese vakabatana ngo jinja, muchadho, kuzwanana, zvinobara gukumuso kana vanokhwija kupona kwavo. Kana, Kubata ko vandhu vese wumwe no mumwe ngo pamusoro po muchadho, ngo wubariho, ngo kuzwanana. Kana tizive wushoni kunangwa ko muchadho tinova ticinanga kuti: Muchadho- pa mweni inobuda ko kuzwanana ko wukama, pa kubatana ngo kuda kwake mundhu kana mwanarume no mwanakaji pokuda kuvaka muzi po kuda kupashurirana kupona. Kuzwanana uko kunopera kana wumwe wakafa ko wumwe wavo kana vese kana ngo kukuda kurambana. Wukama- mayitiro amweni wo kuyita wukama izvo zvinonanga kuti mundhu anoyita wukama ngo ndava yokugara no ngazi yondhoyo kana inowanika kuna vese, kana zvimweni vokubwahwza ngo vamwebi kana kubahwa ngo vamweni, kana zvimweni vandhu vakabatana ngo kuzwanana ngo mwanarume no mwanakaji kana vana ngazi yondhoyo (wukama) yo mwanakaji no mwanarume wumweni. Kuzwanana ko wukama kunowanika ngo ndava yo kuyita vana kana vayitewo mwanarume kana wo mwanakaji. Kubatana- kuzwanana ko wukama kana zvinobatana ngo vandhu vanobatana ngo ndava yo mwanakaji no mwanarume kana vojinja rondhoro vo wumweni, kana no wukama vo mwanakaji kana no mwanarume wo wumweni, kuzwanana uwu wunotanga no mbhamba yo muchadho. Wuzwanano uwo awuna kupera kana mucadho wakapera. Kutenga mwana-Mayitiro amweni wo kuyita wukama zvinova pa mayitiro wo wokuzwanana zvakayezana no kubara mwana (vana vokutenga kana vokubara) kana kuyita ngo kuziva kuti zviripo kubatana ko wukama kana wucizviziva kuti akuna wukama wo kubata. Zvakagara tenga mundhu wumwe kuva mayi wo vana vo mamuna wavakachadha na vona kana asipi iwewe wakabara. Mutemo wo wukama wunotendera kuzwanana ko wukama kuyitira kuti zviro zvo majibaba zvive zvenu (kubatana ko wumwe, zvakagarika, wegawega kana zvinovoneka pa mwanarume no mwanakaji). Pa mayitiro amweni wukama wunotendera zvito zvimweni zvokusiyanasiyana no zvimweni azviwaniki pa mutemo wo wukama tenga vandabahwa vana vadoko vanocengetwa ngo wukama awucikapi wake, murekhi wo pamuzi, kana vamweni no zvivaringo zvo pa 20/2002 pa 30 mweji wa Peta (zvinonangwa ngo mutemo wunonanga ngo desima wo kuwana ko vandhu wegawega -IRPS).
Documentos relacionados
Nayo nya Ngamu Muchado GINANI MUCHADHO? – Texto 2 – O
wunapindruge khu gikhati gya tshavbo, aholu gungu tudwa ndzila nyagu moyo wakona mwendro vatshavbo vagu dzina vabune va tshipisa muchadho. Silo Sesi, sagu girega khu mahungu nyagu muchadho wagu gi...
Leia mais