FAKTU KONA-BA Monitorizasaun ba Sertifikadu Investidór

 MECAE
ECONOMIC
REFORM FAKTU KONA-BA
Monitorizasaun ba Sertifikadu Investidór
Saida mak monitorizasaun ba Sertifikadu Investidór ne’e?
Nu’udar parte ida husi Governu-nia programa reforma fiskál, TradeInvest planea
ona atu monitoriza empreza hotu-hotu ne’ebé hetan ona Sertifikadu Investidór (SI)
bazeia ba Lei Investimentu Privadu (5/2005 no 14/2011).
Tanba sa mak ha’u-nia empreza hetan monitorizasaun?
Razaun prinsípal ba atividade monitorizasaun mak atu halibur dadus atuál kona-ba
investidór sira iha Timor-Leste.
Atividade monitorizasaun ne’e fó biban ba TradeInvest ho oportunidade diák hodi
hatene-liu tan investidór sira no espesialmente sira-nia reprezentante sira. Ida ne’e
sei tulun hatuur fundasaun ida ba relasaun di’ak ba tempu naruk entre investidór
sira no governu.
Saida mak ha’u tenke halo?
Karik ita mak investidór ida ne’ebe iha sertifikadu investidor, ita sei presija atu
partisipa iha atividade monitorizasaun ida ne’e.
Iha buat rua mak ita presiza atu halo:
1. Priénxe kestionáriu
2. Partisipa iha inspesaun fíziku husi ofisiál TradeInvest ba ita-nia empreza
Ofisiál TradeInvest sei ba iha kada investidór hodi rekolla kestionáriu, fó tulun hodi
responde ba pergunta sira, no halo inspesaun fíziku ba empreza.
Ha’u bele hetan kestionáriu iha ne’ebé?
Ita bele ba foti kestionáriu direitamente husi edifisiu TradeInvest, ne’ebé lokalizadu
entre BNU no Banku Mandiri Kolmera, Díli husi loron 15 - 26 Agostu.
Ita mós bele hare husi website TradeInvest nian iha www.investtimor-leste.com
MECAE
ECONOMIC
REFORM Saida mak akontese hafoin ha’u priénxe tiha kestionáriu?
Bain-hira ita finaliza tiha kestionáriu, rai kestionáriu ne’e to’o ita hetan vizita husi
Ofisiál TradeInvest nian. Ofisiál sira sei rekolla kestionáriu husi ita-boot durante
inspesaun fíziku nian.
Saida mak ha’u halo karik ha’u la kumpriende kestionáriu hirak ne’e?
Lalika laran-taridu. Ofisiál TradeInvest sira iha atu bele tulun ita. Ita bele husu sira
kualker pergunta durante halo inspesaun fíziku no sira mós bele tulun priénxe
kestionáriu ne’e.
Bain-hira mak halo ne’e?
15 - 19
Agostu
Anúnsiu sei fo sai iha TVTL nomós publika iha jornal Timor Post no
Suara Timor Lorosea kona-ba atividade monitoriazasaun ne’ebé
planea-ona.
16 Ago
- 9 Set
TradeInvest sei telefone ba ema sira ne’ebe iha SI no kordena
tempu hodi ba vizita iha ita-nia empreza.
15 - 26 Ago
Rekolla kestionáriu monitozasaun husi sira ne’ebe hetan ona SI.
29 Aug
- 9 Set
TradeInvest sei halo inspesaun fíziku ba kada SI nia na’in iha Díli.
12 - 16 Set
TradeInvest sei halo inspesaun fíziku ba iha kada SI nia na’in iha
munisipiu sira.
Sé mak ha’u bele telefone hodi husu-tan informasaun?
Ita bele telefone ba ofisiál TradeInvest nian iha telemóvel: (+670) 7770 8354.