Banco di Caribe ta hasi donashon di 35 mil florin na sinku diferente

PRESS RELEASE:
...durante selebrashon 35 aniversario...
Banco di Caribe ta hasi donashon di 35 mil florin
na sinku diferente organisashon non-profit
MEI, 2008 - WILLEMSTAD: Ayera atardi durante di un selebrashon tur afó na edifisio prinsipal di Banco di
Caribe gerensia di e banko a hasi entrega di 35 mil florin repartí, na sinku diferente organisashon non-profit.
Ta un kustumber ku Banco di Caribe ta aportá grandemente na organisashonnan i/òf fundashonnan den
nos komunidat ku ta dediká tempu na hubentut.
E aña aki esnan ku a risibí e aporte speshal aki ta; Bos di
Hubentut pa nan proyekto ‘Hóben Empresario’, Skol Vista del
Mar tambe a risibí un donashon pa nan proyekto ‘Adoptá un
klas’, Stichting Penshonadonan di Kòrsou pa nan proyekto
‘Kurso di kòmpiuter pa penshonadonan’, Fundashon FUPHAFI
pa nan proyekto di Bus, i Community Development Foundation
pa nan proyekto ‘Kompetensia di debate pa hóbennan
profeshonal’
“Nos kompromiso ku programanan edukativo na benefisio di e
generashon hóben ta konstante. Ku ayudo y empuhe di tantu
organisashonnan públiko y institushonnan priva, inkluyendo,
Fundashon Ansary, nos ta partisipá den ehekushon di diferente
proyektonan riba tur nos islanan.
Na Kòrsou, nos a duna diferente skolnan material pa deporte pa
medio di Sedreko. Kaminda tabata nesesario y posibel, nos a
drecha diferente fasilidatnan deportivo na skolnan y diferente
kanchanan di deporte. E proyektonan aki a ekspandé su alanan
na Aruba, kaminda skolnan básiko tambe ta haña e
donashonnan aki pa medio di Idefre. E esfuersonan aki lo sigui ekspandé nan mes riba e komunidatnan di
nos otro islanan. Tambe ta nos intenshon firme pa ekspandé nos partisipashon den e arena edukashonal
atraves di e kreashon di programanan kultural y bekanan tantu aki na
Kòrsou y den eksterior. Ku awe nos por duna bek na komunidat, loke
durante 35 aña nan a brinda nos, ta un satisfakshon enorme!” asina
Sr. Fons Simon, CEO Banco di Caribe a komentá durante
entregamentu di e donashonnan na e respektivo organisashonnan.
Riba kombinashon di foto por apresiá momentu ku e
organisashonnan a risibí nan donashon for di gerensia di Banco di
Caribe ayera tardi durante di un selebrashon speshal na edifisio
prinsipal di Banco di Caribe, Saliña.
“Mi ke yama un danki na tur nos empleadonan ku a kontribuí durante
e 35 añanan aki na e kresementu di nos banko.Nos ta premirá un kapítulo aún mas eksitante den e futuro
historia di nos banko ku un kompromiso di kurason di parti di nos direktiva y tur nos empleadonan den
servisio di nos fiel klientenan y nos komunidat” di e forma aki Sr. Fons Simon, CEO Banco di Caribe a
klousura su diskurso durante e selebrashon 35 aniversario Banco di Caribe.
FINAL