Zunbilthuana interview na.pmd

Zunbilthuan Interview na
Kan VITA lak ih (OB - menber) Salai LaLRem Lian in Pu Zun Bil Thuan cu
Malaysia ih a ra tlawn tum ah 6.6.2012 ni ah Interveiw nak a rak nei.
1. LRL; Zangfahten Interveiw nak in neihsak thei kei maw?
ZBT:
Interview nak in tuahtu parah ka lung a awi.
2.LRL; Na nu le pa'h hmin le na pian kum in sim thei maw?
ZBT:
Ka pa hmin Mang Ci, Ka nu Mang Kai, Ka suah kum, 12.9.1956 a si.
3. LRL: In sang Nu bik hmin le nan neih-awk kum le Pathian hnenih siih fanau
roco mi pawl in sim thei maw?
ZBT;
Ka inn sang nu hmin- Khuang Lam Thuam, Kan neih-awk kum 5.5.1979.
Pathian hnen ih siih Fanau malsawm kan dawnmi pawl;
1. Salai; Cal Hnging Lo.2.Mai; Lal Biak Dik.3.Mai; Kawl Cuan Thang. 4.Mai; Lal
Din Par. 5. Salai; Ngun Siang Lian 6. Salai; Lal Bik Lian. Mipa pathum le Nunau
pathum an si.
4. LRL; Zirnak lam ah vangva tefa pawl lak-ah phunhra thleng hmaisa pawl na
siin kan thei ih a dik maw? Zozo ha nan kai laiah Vangva mi nan rak si? Ziang
tik kum ah ha nan rak kai?
ZBT; Run Sawi Lai, Khuang Bual Sang le thawn ( 1975-76 ) kum ah phunhra
(10th Standard) kan rak kai ih a hmaisabik kan si.
5. LRL; Party Council san lai ah tuan na rak nei maw?
ZBT; Party, Council san laiah a voithum hril-awk nak (Third Council) ah
Myone Kusale ka rak tuanih tlunlam Upa duhsaknak in, rorel hruaitu ( ?????? ) hna ka rak co.
6. LRL; Cozah hna tuan lai mi na nei maw tu dinhmun ah?
ZBT;
Pathian in kei mai ban tawk Tlawng (Piata) Tlawng thuithui luk taa)
hnatuan in thlawsuah in pe.
7.LRL; Vangva khawmi damlo pawl si suuntu hmaisabik na siin kan lo thei ih a
dik maw?
ZBT; Aw dik e, ( 1978 ) kum ah Falam zato ah hrahdamnak lam training(
????????7????
??????????) thlakhat ka rak kai ih siin tui ni tiang ka tuan rero lai.
8.LRL; UPa Ordience na ngah kum in sim thei maw?
ZBT ; 1995 kumah khaw thlir Presbytery khawmpi ah PCM Falam Synod Upa si
ding in Rev; Khaw Tin Ling in in Ordience.
9. LRL; Vangva khaw Lal na tuan kum in sim thei maw?
ZBT: 1999-2000 kum tiang a si.
10.LRL; Vangva mi Malaysia ih umpawl dinhmun na hmun dan in sim thei thei
maw?
ZBT; Malaysia ih Fanau pawl an mah tawk ciarin tan an la nasa zul in ka hmu.
11. LRL; Vangva khawtlang huapih thingthei cin dingah ziang thingthei pawl ha
cin tha ih na ruah mi pawl?
ZBT;
Serthlum, Tangphaza, Tawphat, Zawng ttah pawl an si.
12. LRL : Ram na tlawh zo mi ah khawi ram ha mawi na ti bik?
ZBT: Singapure
13. LRL: Bible Cangah ziang cang ha na duh bik?
ZBT: 1Peter 5:6-8
14.LRL: Vangva khaw Tlang in cu mi nei thei sehla ti ih na duh mi a um maw?
ZBT: Siatni that ni hman ding Inn tumpi ( Hall ) nei thei sehla tha ka ti.
15. LRL: Vangva khaw tlang in Meisa vang zik sehla, khaw tawk hmun ih van ha
na duh bik?
ZBT. Ti phei va in Thahniar ah tuahthei sehla a lungawi um bik ding..
16.LRL ;Pathian hnen ih siih kohnak na dawndan in sim thei maw? Na pian thar
tum ih na thinlung sungih um hmaisa bik hla kha kristian hla bu number 403 nak
hla a siin kan thei ih a dik maw? Ziang hla ha a si?
ZBT; Pathian zangfahnak in 1991 november 27 ah Pathian kawhnak ka co ih, ka
hla duhbik cu kristian hlabu pi number 403 "Ka chandamtu min vengin a hnai
reng" tih hi ka duh bik.
17. LRL? Kan Lai mi lak ih hla sak thiam na ti mi ah zo ha a si?
ZBT; Far Men Par a si.
18. LRL: Kohhran lamah tuanvo na nei dah zo maw?
ZBT; Pathian le a kohhran duhsaknak in Falam Synod Secretary hna hi kumhnih
ka rak tuan.
19. LRL: Vangva in Silver Jubilee le kan rak hmang lo, Dimond Jubilee le kan rak
hmang cuang lo. Ziang ruangih hmang thei lo le ziangruangih tlinlo ha kan rak
si. Khaw tlang lam kan cah lo ruangah maw siih, rawtnak a rak um dah lo sawn
ha, na ngai dan le na hmuhtawnmi in sim thei maw?
ZBT: Khaw Jubilee hi cangsuak
ko dingih ruahnak le ( rawttu) a um hrih lo ruangah a si.
20. LRL: Vangva mi hi a hlanlai deuh lai kan nun dinhmun le tulai nun dinhmun ruah
ah, zirnak lam ah ziang kan bang na ti.
ZBT: Kan khua hi zirnak lamah hma kan sawn nasa lawk nan tu-ah cun kan
niamsal in ka hmu. Kan Fanau pawl zirnak ah zuamnak ngaingai an neih a tul.
21. LRL; Khaw tlang thansonak ding hrangah cahduhmi le relduhmi na nei lai
maw?
ZBT. Khawi hmun, khawi ram ih kan um le kan tlawn ah siseh, zirthiamnak nak
kan neihmi ah siseh, kan thlennak cincin ah kan suaknak khua le ram hi
theihhngilhlo ten kan ban tawkte ciarin kan khua thansohnak ding thinlung nei
cio uhsi. Culawngah kan khua le ram a thangso in a mawi ding.
22. LRL: Hi vek ih kan Interviewnak famkimzet ih in san thei ruangah VITA hmin
in na thlunah lungawinak tampi kan nei a si.
ZBT. Kei khal ka lungawi.