Keti Biblia Ke Landa Kusoba Luzingu na Nge? Baka
Transcrição
34567 M AY I 2 0 1 6 Yuli 18-24 Keti Biblia Ke Landa Kusoba Luzingu na Nge? LUTITI 3 Yuli 25-31 Baka Mambote ya Mingi na Malongi ya Yehowa LUTITI 18 Nzozulu ya Nkengi KITINI 2 34567 MAY 2016 Vol. 137, No. 8 KONGO MASOLO YA KULONGUKA ˝ Keti Biblia Ke Landa Kusoba Luzingu na Nge? Nge me salaka bansoba ya nene na ntwala ya kubaka mbotika. Keti nge ke mona nde nge ke kuka diaka ve kusala bansoba ya fioti-fioti sambu na kulanda mbandu ya Yehowa mpi ya Yezu mbote-mbote? Disolo yai ta tendula mambu yina ke kangaka beto nzila ya kusala bansoba yai mpi mutindu Biblia lenda sadisa beto. ˝ Baka Mambote ya Mingi na Malongi ya Yehowa Na disolo yai, beto ta tubila kigonsa mosi yina beto fwete tina, beto ta mona mpi mutindu beto lenda baka kibeni mambote na malongi yonso ya Yehowa. Mukanda yai kele ve ya kuteka. Kubasika na yo kele mosi ya mitindu ya kisalu ya kulonga bantu Biblia na ntoto ya mvimba ya me simbama na makabu ya luzolo ya mbote. Sambu na kupesa makabu, kota na www.jw.org. Kana beto me zabisa yo ve, mikapu ya Biblia me katuka na Biblia —Mbalula ya Nsi-Ntoto ya Mpa ya Kikongo ya bilumbu yai. The Watchtower (ISSN 0043-1087) Issue 8 May 2016 is published monthly with an additional issue published in January, March, May, July, September, and November by Watchtower Bible and Tract Society of New York, Inc.; L. Weaver, Jr., President; G. F. Simonis, SecretaryTreasurer; 1000 Red Mills Road, Wallkill, NY 12589-3299, and printed by Watch Tower Bible and Tract Society of South Africa NPC, 1 Robert Broom Drive East, Rangeview, Krugersdorp, 1739. 5 2016 Watch Tower Bible and Tract Society of Pennsylvania. Printed in South Africa. Keti Biblia Ke Landa Kusoba Luzingu na Nge? “Beno kumisa mabanza na beno ya mpa.” —BAROMA 12:2. BANKUNGA: 61, 52 INKI MVUTU NGE TA PESA? Sambu na nki beto fwete landa kusoba bikalulu na beto na nima ya mbotika? Sambu na nki Nzambi ke zolaka nde beto sala bikesa sambu na kuyambula bifu na beto? Inki beto fwete sala sambu Ndinga ya Nzambi landa kusoba bikalulu na beto? NA NSUNGI ya bamvula mingi, Kevin vandaka kusala bansaka ya mbongo, kunwa malafu mingi, makaya mpi bima ya nkaka ya ke lawusaka.[1] (Tala noti na nsuka ya disolo.) Na nima, yandi longukaka mambu ya Yehowa mpi zolaka 1-3. (a) Inki bansoba beto lenda mona mpasi na kusala na nima ya mbotika? (b) Inki bangiufula beto lenda kudiyula kana beto ke kuka ve kuyambula bifu ya nkaka? (Tala kifwanisu ya luyantiku ya nzozulu ya bisono ya fioti.) MAYI 2016 KITINI 2 3 kukuma nduku na yandi. Yo lombaka nde yandi soba kibeni bikalulu na yandi. Yehowa mpi Ndinga na yandi Biblia sadisaka Kevin na kusoba. —Baebreo 4:12. 2 Na nima ya mbotika, Kevin landaka kusoba bikalulu na yandi sambu na kukuma Mukristu ya mbote kibeni. (Baefezo 4:31, 32) Mu mbandu, yandi vandaka kuwa makasi nswalu. Yandi yitukaka na kumona nde kuyambula kifu yina vandaka pete ve. Kevin ke tuba nde kuyambula kifu yina vandaka mpasi kuluta kuyambula mambu yina yandi vandaka kusala na ntwala ya kubaka mbotika! Kansi kusamba Yehowa mpi kulonguka mbote Biblia sadisaka yandi na kununga. 3 Na ntwala ya kubaka mbotika, bampangi mingi salaka bansoba ya nene sambu na kukuma ti bikalulu ya mbote yina Biblia ke lombaka Bakristu. Kansi bubu yai beto lenda mona nde beto fwete soba mwa bikalulu ya nkaka sambu na kulanda mbote mbandu ya Yehowa ti ya Yezu. (Bae4 KITINI 2 NZOZULU YA NKENGI fezo 5:1, 2; 1 Piere 2:21) Mu mbandu, beto lenda mona nde beto ke bokutaka mingi, ke tongaka bampangi to ke tubaka mambu ya mbi sambu na bo. Bantangu ya nkaka, kudiyangisa mingi sambu na mambu yina bantu ya nkaka lenda yindula to kutuba sambu na beto ke kangaka beto nzila ya kusala mambu ya mbote. Ziku, beto me mekaka bamvula mingi kuyambula bikalulu yai, kansi beto ke kukaka ve. Yo yina beto lenda kudiyula nde: ‘Sambu na nki mono ke kuka ve kusala mwa bansoba yai? Inki mono lenda sala sambu na kusadila bandongisila ya Biblia mpi kukuma ti bikalulu ya mbote?’ NGE LENDA SEPEDISA YEHOWA 4 Beto ke zolaka Yehowa mpi nzala na beto ya ngolo kele ya kusepedisa yandi. Kansi sambu beto kele bantu ya kukonda kukuka, beto lenda sepedisa yandi ve konso ntangu. Mbala 4. Sambu na nki beto ke kukaka ve kusepedisa Yehowa na mambu yonso? MAYI 2016 KITINI 2 5 mingi beto ke kudiwaka bonso ntumwa Polo, yina tubaka nde: “Mono kele ti nzala ya kusala mambu ya mbote kansi mono ke kukaka ve kusala yo.”—Baroma 7:18; Yakobo 3:2. 5 Na ntwala ya kukuma Bambangi ya Yehowa, beto yambulaka mambu yina Yehowa ke zolaka ve. (1 Bakorinto 6:9, 10) Kansi beto kele kaka bantu ya kukonda kukuka. (Bakolosai 3:9, 10) Beto ke landa kusala bifu ata beto me bakaka mbotika banda ntama. Bangindu ya mbi lenda kwisila beto mbala na mbala na mabanza, to ziku beto ke kukaka ve kuyambula kifu mosi buna. Ya kieleka, beto lenda nwana ti kifu mosi bamvula mingi. 6 Ata beto kele bantu ya kukonda kukuka, beto lenda landa kuvanda banduku ya Yehowa mpi kusadila yandi. Yibukaka ntangu yonso mu5. Inki bansoba beto salaka na ntwala ya kubaka mbotika, kansi nki bifu beto lenda vanda ti yo kaka? 6, 7. (a) Inki me sadisaka beto na kukuma banduku ya Yehowa ata beto kele bantu ya kukonda kukuka? (b) Sambu na nki beto fwete yambula ve kulomba Yehowa ndolula? 6 KITINI 2 NZOZULU YA NKENGI tindu nge kumaka nduku ya Yehowa. Yandi muntu monaka mambu ya mbote yina nge kele ti yo mpi zolaka nde nge zaba yandi. (Yoane 6:44) Yehowa zabaka bifu na nge. Yandi zabaka mpi nde nge ta salaka bifu. Kansi yandi zolaka kaka nde nge kuma nduku na yandi. 7 Yehowa ke zolaka beto mingi, yo yina yandi me pesaka beto dikabu mosi ya mbalu mingi. Yandi tindaka Mwana na yandi Yezu na ntoto sambu na kutambika luzingu na yandi bonso kimenga sambu na masumu na beto. (Yoane 3:16) Kana beto me sala disumu, beto lenda lomba Yehowa ndolula. Beto lenda tula ntima nde Yehowa ta lolula beto na nsadisa ya kimenga ya Yezu mpi beto ta vanda kaka banduku na yandi. (Baroma 7:24, 25; 1 Yoane 2:1, 2) Kuvila ve nde Yezu fwaka sambu na bantu ya masumu yina ke balulaka ntima. Yo yina, ata beto me salaka mambu ya mbi kibeni, beto fwete yambula ve ata fioti kulomba Yehowa ndolula. Kubuya kulomba MAYI 2016 KITINI 2 7 Yehowa ndolula kele bonso kubuya kuyobisa maboko kana yo me kuma mvindu. Beto ke tonda Yehowa mingi mutindu yandi me sadisaka beto na kukuma banduku na yandi ata beto kele bantu ya kukonda kukuka!—Tanga 1 Timoteo 1:15. 8 Ya kieleka, beto fwete kanga ve meso na bifu na beto to kupesa-pesa bikuma. Yehowa me zabisaka beto bikalulu yina yandi ke zolaka nde banduku na yandi kuvanda ti yo. (Nkunga 15:1-5) Yo yina, kana beto ke zola kukuma banduku na yandi ya ngolo, beto fwete landa mbandu na yandi ti Mwana na yandi. Beto fwete sala mpi bikesa ya kuyala banzala na beto ya mbi; nkutu beto lenda kuka kuyambula ya nkaka. Yo vanda beto me bakaka mbotika ntama to ve, beto fwete landa kutomisa bikalulu na beto.—2 Bakorinto 13:11. 9 Ntumwa Polo zabisaka Bakristu nde: “Bo longaka beno na kukatula kimuntu ya ntama, yina 8. Sambu na nki beto fwete tula dikebi na bifu na beto? 9. Inki mutindu beto me zaba nde beto lenda landa kulwata kimuntu ya mpa? 8 KITINI 2 NZOZULU YA NKENGI ke wakana ti bikalulu na beno ya ntama mpi yina ke beba na kulanda banzala na yo ya ke kusaka. Mpi beno fwete landa kukuma ya mpa na ngolo yina ke twadisaka mabanza na beno, mpi beno fwete lwata kimuntu ya mpa yina bo gangaka na kuwakana ti luzolo ya Nzambi na lunungu mpi na kwikama ya kieleka.” (Baefezo 4:22-24) Yo ke tendula nde beto fwete landa kusala bikesa sambu na kusoba mpi ‘kulwata kimuntu ya mpa.’ Yo yina, ata beto ke sadilaka Yehowa banda ntama to ve, beto fwete landa na kulonguka bikalulu na yandi. Biblia lenda sadisa beto mpi na kusoba bikalulu na beto sambu na kukuma bonso Yehowa. SAMBU NA NKI YO KE VANDAKA MPASI MINGI? 10 Beto yonso ke zolaka kusala mambu yina Biblia ke tubaka. Kansi beto fwete sala ngolo kana beto ke zola kulanda na kusoba. Keti 10. Inki beto fwete sala sambu Ndinga ya Nzambi kulanda kusoba kimuntu na beto, mpi nki bangiufula beto lenda kudiyula? MAYI 2016 KITINI 2 9 kusala mpidina kele mfunu? Keti Yehowa lenda kumisa ve mambu pete sambu beto kuka kusala mambu ya mbote? 11 Kana beto tala bima yonso yina Yehowa me gangaka, beto ke ndima nde yandi kele ti ngolo ya kusala konso kima. Mu mbandu, yandi me salaka ntangu, kima mosi ya ngolo mingi kibeni. Na konso sekondi, ntangu ke basisaka nsemo mpi tiya ya mingi mpenza; kansi ndambu mpamba ke kumaka awa na ntoto mpi ke sadisaka bigangwa yonso na kuzinga. (Nkunga 74:16; Yezaya 40:26) Yehowa ke pesaka mpi bansadi na yandi awa na ntoto ngolo yina bo kele na yo mfunu. (Yezaya 40:29) Yo kele pwelele nde, kana Yehowa me zola, yandi lenda kumisa mambu pete kibeni sambu beto yambula bifu na beto mpi beto wa diaka ve nzala ya kusala mbi. Kansi sambu na nki yandi ke salaka ve mpidina? 11-13. Sambu na nki Yehowa ke zolaka nde beto sala bikesa mingi sambu na kuyambula bifu na beto? 10 KITINI 2 NZOZULU YA NKENGI 12 Yehowa me pesaka beto kimpwanza ya kupona beto mosi kana beto ta lemfukila yandi to ve. Ntangu beto ke bakaka lukanu ya kulemfukila yandi mpi ke salaka bikesa ya kusala luzolo na yandi, beto ke monisaka nde beto ke zolaka yandi mpi ke zolaka kupesa yandi kiese. Satana ke tubaka nde Yehowa kele ve ti nswa ya kuyala. Yo yina, ntangu beto ke lemfukilaka Yehowa, beto ke monisaka nde beto ke zolaka nde yandi yala beto. Beto tula ntima nde Tata na beto ya zola ke bakaka na mbalu bikesa yina beto ke salaka sambu na kulemfukila yandi. (Yobi 2:3-5; Bingana 27:11) Kana beto ke sala bikesa sambu na kuyala bifu na beto, ata yo kele ve pete, beto ke monisaka kwikama na beto na Yehowa mpi ke zolaka nde yandi yala beto. 13 Yehowa ke lombaka beto na kusala ngolo sambu na kulanda mbandu na yandi. (Bakolosai 3:12; tanga 2 Piere 1:5-7.) Yandi ke zolaka mpi nde beto yala bangindu mpi mawi na beto. MAYI 2016 KITINI 2 11 (Baroma 8:5; 12:9) Beto ke waka kiese mingi kana beto me sala bikesa sambu na kununga mpi kusoba kifu mosi. BIKA NDINGA YA NZAMBI LANDA KUSOBA NGE 14 Inki beto fwete sala sambu na kukuma ti bikalulu yina Yehowa ke zolaka? Beto fwete bika Ndinga ya Nzambi kusonga beto mambu yina beto fwete soba, na kisika ya kuyindula yo beto mosi. Baroma 12:2 ke tuba nde: “Beno yambula kulanda ngidika yai ya bima, kansi beno soba kimuntu na beno mpi beno kumisa mabanza na beno ya mpa, sambu beno kudindimisa luzolo ya Nzambi yina kele ya mbote, yina yandi lenda ndima, mpi yina kele ya kukuka.” Yo yina, sambu na kuzaba luzolo ya Yehowa, beto fwete tula ntima na lusadisu yina yandi ke pesaka beto. Beto fwete tangaka Biblia konso kilumbu, kuyindula 14, 15. Inki mutindu beto lenda kuma ti bikalulu yina ke sepedisaka Yehowa? (Tala lupangu “Biblia mpi Kisambu Sobaka Luzingu na B o.”) 12 KITINI 2 NZOZULU YA NKENGI Biblia mpi Kisambu Sobaka Luzingu na Bo Mbala mingi Russell vandaka kubokuta sambu na bampangi, mpi kumona nde bo ke sala ve mambu ya mbote. Maria Victoria vandaka ti kikalulu ya kutonga. Linda vandaka kuwa boma ya mambu yina bantu lenda yindula to kutubila yandi ntangu yandi ke samuna. Ata bampangi yai tatu vandaka me baka dezia mbotika, bo yindulaka nde bo ta kuka ve ata fioti kusoba bifu na bo yina. Kansi bo sobaka yo. Inki sadisaka bo? Russell: “Kisambu mpi kutanga Biblia konso kilumbu sadisaka mono. Kuyindulula 2 Piere 2:11 mpi bandongisila ya bankuluntu sadisaka mono na kusala bansoba ya nene.” Maria Victoria: “Mono bondilaka Yehowa na kusadisa mono na kuyala ludimi na mono. Mono bakisaka mpi nde mono fwete kangama ve ti bantu yina ke tongaka. Nkunga 64:1-4 sadisaka mono na kubakisa nde kifu na mono vandaka kukanga mono nzila ya kuvanda na kati ya bantu yina ke sambaka sambu Nzambi kutanina bo! Mono bakisaka mpi nde kana mono bika ve kutonga, mono ta vanda mbandu ya mbi mpi ta fingisa zina ya Yehowa.” Linda: “Mono kumaka kuyidika mutindu ya kukabula batrakiti mpi mono yikanaka ti yo. Kusamuna ti bampangi yina ke sadilaka bametode ya kuswaswana sadisaka mono mingi. Mono landaka kusamba Yehowa mpi kutudila yandi ntima.” MAYI 2016 KITINI 2 13 mambu ya beto ke tanga mpi kulomba Yehowa mpeve santu. (Luka 11:13; Bagalatia 5:22, 23) Kana beto sala mpidina, Yehowa lenda sadisa beto na kuzaba mambu yina ke pesaka yandi kiese, mpi beto lenda kuma kuyindula bonso yandi. Nsuka-nsuka, bangindu na beto, mambu ya beto ke tuba mpi ke sala ta sepedisa Yehowa, mpi beto ta zaba mutindu ya kuyambula bifu na beto. Ata mpidina, yo ta lomba kaka nde beto landa kunwana ti bifu na beto.—Bingana 4:23. 15 Katula kutanga Biblia konso kilumbu, beto fwete longukaka yo na nsadisa ya mikanda na ´ beto, mu mbandu Nzozulu ya Nkengi mpi R eveillez-vous ! Masolo mingi ya mikanda yai ke sadisaka beto na kulanda mbandu ya Yehowa mpi kuzaba mutindu ya kununga bifu na beto. Beto lenda kuta mpi masolo to baverse yina ta sadisa beto mingi. Beto lenda tula baverse ti masolo yina kisika mosi sambu na kutangaka yo mbala na mbala. 14 KITINI 2 NZOZULU YA NKENGI 16 Yo ke lombaka ntangu mingi sambu na kukuka kulanda mbandu ya Yehowa. Yo yina, kana nge mona nde nge me sala ve bansoba yina nge ke zolaka kusala, kulemba ve nitu. Ziku yo ke lomba nde nge sala bikesa sambu na kusala mambu yina Biblia ke tuba. Kuyindula mpi kusala mambu yina Yehowa ke lomba nge ta sadisa nge na kukuma kuyindula bonso yandi mpi kusala mambu ya mbote.—Nkunga 37:31; Bingana 23:12; Bagalatia 5:16, 17. YINDULA MAMBU YA KITOKO YINA KE VINGILA BETO NA BILUMBU KE KWISA 17 Beto ke vingila na kiese ntangu yina beto ta kuma bantu ya kukuka mpi ta sadila Yehowa mvula na mvula. Na ntangu yina, beto ta vanda diaka ve ti bikalulu ya mbi, mpi beto ta landaka mbandu ya Yehowa kukonda mpasi. Kansi 16. Sambu na nki beto fwete lemba ve kana beto ke kuka ve kusala bansoba nswalu? 17. Inki mambote beto ta baka kana beto me bikala ya kwikama na Yehowa? MAYI 2016 KITINI 2 15 ata bubu yai, beto lenda sambila mpi Yehowa sambu yandi me pesaka beto dikabu ya nkudulu. Ata beto kele bantu ya kukonda kukuka, beto lenda sepedisa Yehowa kana beto ke landa kusala ngolo sambu na kusoba mpi kuzitisa mambu yina yandi ke longa beto na Biblia. 18 Kevin salaka bikesa sambu na kuyambula kikalulu na yandi ya makasi. Yandi yindululaka mambu yina yandi tangaka na Biblia mpi salaka bikesa sambu na kusoba bikalulu na yandi. Yandi sadilaka mpi bandongisila yina bampangi pesaka yandi. Kevin yambulaka kikalulu yina, ata yo bakaka yandi mwa bamvula. Na nima, yandi kumaka nsadi ya kisalu. Bubu yai yandi kele nkuluntu banda bamvula 20. Kansi ata bubu yai, yandi me zaba nde yandi fwete landa kunwana ti bifu na yandi. 19 Beto lenda landa kutomisa mpi bikalulu na 18, 19. Inki ke ndimisa beto nde Biblia kele ti ngolo ya kulanda kusoba luzingu na beto? 16 KITINI 2 NZOZULU YA NKENGI beto bonso Kevin. Kana beto sala yo, beto ta landa kuvanda banduku ya ngolo ya Yehowa. (Nkunga 25:14) Kana beto ke sala bikesa sambu na kusoba mpi kusepedisa Yehowa, yandi ta sadisa beto na kununga. Beto lenda tula ntima nde Biblia ta sadisa beto na kulanda kusoba kimuntu na beto.—Nkunga 34:8. NOTI NA NSUKA YA DIS OLO: [1] (paragrafe 1) Beto me soba zina. NTENDULA YA BANGOGO YA NKAKA Kuyambula bifu na beto ya fioti-fioti: Beto lenda vanda ti bifu ya fioti-fioti yina beto ke kukaka ve kuyambula, to beto lenda vutukila kifu mosi mbala na mbala. Mu mbandu, beto lenda vanda ntima zulu-zulu, kuwa makasi nswalu, to kubokutabokuta. Beto fwete sala bikesa sambu na kuyambula bikalulu yai ya mbi sambu Yehowa kuzola beto mingi. Kusala bikesa ya mutindu yai kele bonso kunwana mvita MAYI 2016 KITINI 2 17 Baka Mambote ya Mingi na Malongi ya Yehowa “Mono, Yehowa, mono kele Nzambi na nge, Muntu yina ke longa nge sambu na mambote na nge mosi.” —YEZAYA 48:17. BANKUNGA: 117, 114 INKI MVUTU NGE TA PESA? Inki lenda sala nde beto baka ve mambote na malongi ya nkaka ya Yehowa? Inki mambu beto lenda sala sambu na kubaka mambote ya Biblia ya mvimba? Inki mambote beto lenda baka kana beto ke tanga mikanda yina bo ke basisaka sambu nabatoko mpi sambu na bantu yonso? BETO Bambangi ya Yehowa, beto ke zolaka Biblia. Yo ke lembikaka beto, ke pesaka beto kivuvu mpi malongi ya me fwana. (Baroma 15:4) Yo kele ve bangindu ya bantu, kansi “ndinga ya Nzambi.” —1 Batesalonika 2:13. 1, 2. (a) Inki mutindu Bambangi ya Yehowa ke tadilaka Biblia? (b) Inki mukanda ya Biblia nge ke zolaka mingi? 18 KITINI 2 NZOZULU YA NKENGI 2 Ya kieleka, konso muntu na kati na beto ke vandaka ti mukanda mosi ya Biblia yina yandi ke zolaka mingi. Bantu ya nkaka ke zolaka Baevanzile sambu yo ke monisaka mutindu Yezu monisaka bikalulu ya kitoko ya Yehowa. (Yoane 14:9) Bankaka ke sepelaka ti mikanda ya bambikudulu, mu mbandu Kusonga, yina ke monisaka “mambu yina fwete salama ntama mingi ve.” (Kusonga 1:1) Bankaka diaka ke bakaka kikesa ntangu bo ke tangaka mukanda ya Bankunga, mpi bankaka ke sepelaka na bandongisila ya mbote yina kele na Bingana. Yo kele pwelele nde, Biblia kele mukanda ya bantu yonso. 3 Sambu beto ke zolaka Biblia, beto ke zolaka mpi mikanda na beto sambu yo ke tendulaka Ndinga ya Nzambi. Mikanda yonso, disongidila mikanda, tumikanda, bazulunalu mpi mikanda ya nkaka kele makabu yina Yehowa ke pesaka beto. Yo ke 3, 4. (a) Inki mutindu beto ke tadilaka mikanda na beto? (b) Inki mikanda ya nkaka ke basisaka sambu na bantu ya mutindu mosi buna? MAYI 2016 KITINI 2 19 sadisaka beto na kutanina kinduku na beto ti yandi mpi kuvanda ti lukwikilu ya ngolo.—Tito 2:2. 4 Bo ke sonikaka mikanda na beto mingi sambu na beto mosi Bambangi ya Yehowa. Kansi bo ke sonikaka ya nkaka sambu na batoko to bibuti. Masolo mpi bavideo mingi yina kele na site Internet na beto, bo me tulaka yo mingi-mingi sambu na bantu yina kele ve Bambangi ya Yehowa. Mikanda yai yonso ke monisa nde Yehowa ke lungisa lusilu na yandi ya kulonga kibeni bantu yonso.—Yezaya 25:6. 5 Bampangi mingi ke bakaka ntangu mingi ya kutanga Biblia mpi mikanda na beto. Bantangu ya nkaka beto lenda baka ntangu mingi sambu na kulonguka mukanda mosi kuluta mukanda ya nkaka. Ata mpidina, Yehowa ke sepelaka kana beto ke bumba ntangu sambu na kutanga mpi kulonguka Biblia mpi mikanda na beto. (Baefezo 5:15, 16) Kansi beto fwete keba na kigonsa mosi. Inki kigonsa? 5. Inki ke sepedisaka Yehowa? 20 KITINI 2 NZOZULU YA NKENGI 6 Kana beto keba ve, beto lenda yindula nde mikanda ya nkaka ya Biblia to mikanda na beto ya nkaka kele ve ti malongi yina lenda sadisa beto. Mu mbandu, nki beto ta sala kana beto ke mona nde mukanda mosi ya Biblia ke tubila ve mambu ya luzingu na beto? Inki beto ke salaka kana mukanda mosi ke tadila beto mpenza ve? Keti beto ke tangaka yo nswalu-nswalu to nkutu kubuya kibeni kutanga yo? Kana mpidina, beto ta baka ve mambote ya malongi ya mfunu yina kele na kati. Inki beto lenda sala sambu na kubwa ve na mutambu yai? Beto fwete vila ve nde Yehowa muntu ke pesaka beto malongi yina yonso. Yandi ke tuba nde: “Mono, Yehowa, mono kele Nzambi na nge, Muntu yina ke longa nge sambu na mambote na nge mosi.” (Yezaya 48:17) Na disolo yai, beto ta tubila mambu tatu yina ta sadisa beto na kubaka mambote na malongi yonso yina Yehowa ke pesaka beto. 6. Inki lenda sala nde beto baka ve mambote ya malongi ya Yehowa? MAYI 2016 KITINI 2 21 MAMBU YA KUSALA SAMBU NA KUBAKA MAMBOTE YA LUTANGU YA BIBLIA 7 Tanga ti mabanza ya mbote. Ya kieleka, bo sonikaka mikanda ya nkaka ya Biblia sambu na bantu ya mutindu mosi buna. Ata mpidina, Biblia ke tuba nde “Masonuku yonso kele ya kupemama na Nzambi mpi yo kele mfunu.” (2 Timoteo 3:16) Yo yina beto fwete vanda ti mabanza ya mbote ntangu beto ke tanga Biblia. Mpangi-bakala mosi ke tuba nde yandi lenda baka malongi mingi na disolo mosi ya Biblia, ata disolo yango me tubila ve pwelele malongi yango. Yo yina, na ntwala ya kutanga Biblia, beto fwete lomba Yehowa na kupesa beto mabanza ya mbote mpi mayele sambu na kubakisa malongi yina yandi ke zola nde beto baka.—Esdrasi 7:10; tanga Yakobo 1:5. 8 Kudiyula bangiufula. Ntangu nge ke tanga Bi7. S ambu na nki beto fwete tanga Biblia ti mabanza ya mbote? 8, 9. (a) Inki bangiufula beto fwete kudiyula ntangu beto ke tanga Biblia? (b) Mambu yina Yehowa ke lombaka bankuluntu ke longa beto nki sambu na Yehowa? 22 KITINI 2 NZOZULU YA NKENGI blia, pema mpi kudiyula bangiufula yai: ‘Mambu yai ke longa mono nki sambu na Yehowa? Inki mutindu mono lenda sadila dilongi yai na luzingu na mono? Inki mutindu mono lenda sadila yo sambu na kusadisa bantu ya nkaka?’ Kana beto ke yindulula mutindu yai, beto ta baka mambote mingi ntangu beto ke tanga Biblia. Mu mbandu, Biblia ke monisa bikalulu yina bankuluntu fwete vanda ti yo. (Tanga 1 Timoteo 3:2-7.) Kansi bampangi mingi kele ve bankuluntu, yo yina bo lenda yindula nde mambu yina lenda sadisa bo ve ata fioti. Bika beto tadila bangiufula tatu yina beto me tubila sambu na kumona mutindu mambu yina bo ke lombaka bankuluntu lenda sadisa beto yonso. 9 “Mambu yai ke longa mono nki sambu na Yehowa?” Yehowa me songaka beto bikalulu yina bankuluntu fwete vanda ti yo. Yandi ke lombaka bampangi yina ke twadisaka dibundu na kuvanda ti bikalulu ya kuluta mbote. Yo ke monisa nde Yehowa MAYI 2016 KITINI 2 23 ke bakaka dibundu na mbalu. Biblia ke tuba nde yandi sumbaka dibundu ti “menga ya Mwana na yandi mosi.” (Bisalu 20:28) Yo yina Yehowa ke zolaka nde bankuluntu kupesa mbandu ya mbote, mpi yandi ta sambisa bo na mutindu bo ke sadila bampangi mambu. Yandi ke zolaka nde beto kudiwa mbote na nsi ya lutaninu na bo. (Yezaya 32:1, 2) Ntangu beto ke tanga mambu yina Yehowa ke lombaka bankuluntu, beto ke bakisa nde yandi ke zolaka beto mingi. “Inki mutindu mono lenda sadila dilongi yai na luzingu na mono?” Kana nge kele nkuluntu, tadilaka mbala na mbala mambu yina Biblia ke lombaka bankuluntu mpi sala bikesa sambu na kutomisa diaka bikalulu na nge. Kana nge ke zola kukuma nkuluntu, sala bikesa ya kulungisa mambu yina bo ke lombaka. 10 10, 11. (a) Na luzingu na beto, nki mutindu beto lenda sadila mambu yina Biblia ke lombaka bankuluntu? (b) Inki mutindu beto lenda sadila yo sambu na kusadisa bantu ya nkaka? 24 KITINI 2 NZOZULU YA NKENGI (1 Timoteo 3:1) Kansi Bakristu yonso lenda vanda mpi ti bikalulu yango. Mu mbandu, Yehowa ke zolaka nde beto yonso kuvanda ti bukati-kati mpi mabanza ya mbote. (Bafilipi 4:5; 1 Piere 4:7) Kana bankuluntu kele “bambandu sambu na mameme,” beto lenda “landa mbandu ya lukwikilu na bo.”—1 Piere 5:3; Baebreo 13:7. 11 “Inki mutindu mono lenda sadila dilongi yai sambu na kusadisa bantu ya nkaka?” Beto lenda monisa balongoki ya Biblia mpi bantu yina ke sepelaka na kieleka mambu yina Biblia ke lombaka bankuluntu sambu bo bakisa nde bankuluntu me swaswana ti bantwadisi ya mabundu. Mambu yango lenda sadisa beto mpi na kuyibuka kisalu ya ngolo yina bankuluntu ke salaka na dibundu. Kuyindula yo ta sadisa beto na kuzitisa bankuluntu. (1 Batesalonika 5:12) Kana beto ke zitisa bo, bo ta landa kusala kisalu na bo ti kiese.—Baebreo 13:17. MAYI 2016 KITINI 2 25 12 Sala bansosa. Ntangu beto ke longuka Biblia, beto lenda sosa bamvutu na bangiufula yai: ˇ Nani sonikaka mukanda yai? ˇ Inki ntangu mpi nki kisika bo sonikaka yo? ˇ Inki mambu ya mfunu vandaka kusalama ntangu bo sonikaka mukanda yai? Bansangu ya mutindu yai lenda sadisa beto na kubaka malongi yina ke monana ve pwelele na mukanda yina beto ke tanga. 13 Beto baka mbandu. Ezekiele 14:13, 14 ke tuba nde: “Kana insi mosi kusala disumu na meso na mono mpi kusala mambu kukonda kwikama, mono ta tandula diboko na mono sambu na kunwanisa yo mpi ta bebisa kima na yo yina ke pesaka yo madia, ebuna mono ta tinda nzala na insi yina mpi ta fwa muntu ti mbisi na kati na yo. ‘Ata kana babakala yai tatu—Noa, 12, 13. (a) Inki bansosa beto lenda sala na mikanda na beto? (b) Pesa mbandu ya ke monisa mutindu bansangu ya nkaka lenda sadisa beto na kumona malongi yina kele ve pwelele na disolo mosi ya beto ke tanga? 26 KITINI 2 NZOZULU YA NKENGI Daniele, mpi Yobi—vandaka na kati na yo, bo zolaka kudigulusa kaka bo mosi sambu na lunungu na bo,’ Yehowa Mfumu ya Kuluta Nene muntu me tuba.” Kana nge sala bansosa, nge ta mona nde Ezekiele sonikaka mambu yai bamvula kiteso ya 612 na ntwala ya Kristu. Noa mpi Yobi vandaka dezia me fwa bamvula mingi me luta, kansi Yehowa vilaka ve kwikama na bo. Kansi Daniele vandaka na luzingu. Ziku, yandi vandaka ti bamvula 20 ntangu Yehowa bingaka yandi muntu ya lunungu bonso Noa mpi Yobi. Yo ke longa beto nki? Yehowa ke monaka mpi ke bakaka na mbalu bansadi na yandi ya kwikama, baleke mpi bambuta.—Nkunga 148:12-14. BAKA MAMBOTE YA MIKANDA MINGI YINA BETO KELE TI YO 14 Mikanda ya batoko. Beto me mona nde 14. Masolo ya bo ke sonikaka sambu na batoko ke sadisaka bo na nki mambu, mpi nki mutindu bantu ya nkaka lenda bakila yo mambote? (Tala kifwanisu ya luyantiku ya nzozulu ya bisono ya fioti.) MAYI 2016 KITINI 2 27 mikanda yonso ya Biblia lenda longa beto mambu mingi. Mutindu mosi mpi, mikanda na beto yonso lenda longa beto mambu mingi. Beto tadila mwa bambandu. Na bamvula ya me katuka kuluta, Yehowa me longa batoko mambu mingi.[1] (Tala noti na nsuka ya disolo.) Malongi yango ke sadisaka bo na kununga mambu ya mbi na banzo-nkanda mpi mambu ya mpasi yina bo ke kutanaka ti yo ntangu bo ke yela. Kansi nki mutindu beto yonso lenda baka mambote na masolo mpi mikanda ya batoko? Kutanga yo ta sadisa beto na kubakisa mambu yina batoko ke kutanaka ti yo, mpi beto ta zaba mutindu ya kusadisa bo mpi kupesa bo kikesa. 15 Bambuta fwete tuba ve na lulendo yonso nde bo lenda tanga ve masolo yina ke tubila batoko. Masolo yango ke tubilaka mambu mingi ya ke tadila Bakristu yonso. Mu mbandu, beto yonso fwete tendudila bantu balukwikilu na beto, kuyala mawi na beto, kulanda ve bangindu ya mbi ya bantu, kubu15. S ambu na nki bambuta fwete tangaka masolo yina bo ke sonikaka sambu na batoko? 28 KITINI 2 NZOZULU YA NKENGI ya banduku ya mbi mpi bansaka ya mbi. Yo yina ata mikanda yina kele ya batoko, malongi na yo ke katukaka na Biblia mpi Bakristu yonso lenda bakila yo mambote. 16 Mikanda ya batoko ke sadisaka bo mpi na kukumisa kinduku na bo ti Yehowa ngolo. (Tanga Longi 12:1, 13.) Bambuta mpi lenda bakila yo ´ mambote. Mu mbandu, R eveillez-vous ! ya Aprili 2009 vandaka ti disolo “Baleke ke kudiyula . . . Inki Mono Lenda Sala Sambu Kutanga Biblia Kupesa Mono Kiese?” (na Kifalansa.) Disolo yai vandaka ti bandongisila ya mfunu mpi bo tulaka lupangu na lutiti mosi, yina muntu lenda zenga sambu na kusadila ntangu yandi ke longuka Biblia. Keti bambuta mpi bakaka mambote na disolo yai? Mama mosi ke tuba nde, yandi vandaka kutanga Biblia na mpasi. Kansi yandi sadilaka bandongisila ya disolo yango mpi bubu yai kutanga Biblia ke sepedisaka yandi mingi. Yandi ke tuba nde, kumona kuwakana 16. Mikanda na beto ke sadisaka batoko na nki mambu ya nkaka? MAYI 2016 KITINI 2 29 yina kele na kati ya mikanda ya Biblia mpi mutindu yo ke monisaka mambu pwelele ke pesaka yandi kiese. Yandi ke yika nde: “Bubu yai, kutanga Biblia me kumaka kupesa mono kiese mingi kuluta.” 17 Mikanda sambu na bantu yonso. Banda na 2008, beto me kumaka ti Nzozulu ya Nkengi nimero ya kulonguka. Bo ke basisaka yo sambu na Bambangi ya Yehowa, kansi beto kele mpi ti bazulunalu sambu na bantu yonso. Inki mutindu beto lenda bakila yo mambote? Beto tadila mbandu mosi. Nge kele na kiese sambu muntu mosi ya nge bingisaka na lukutakanu me kwisa. Ntangu mutubi ke sala diskure, nge ke yindula mpi ke kudiyula mutindu muntu yango ke kudiwa sambu na malongi yina yandi ke wa mpi mutindu yo lenda soba luzingu na yandi. Inki mambote nge ta baka? Diskure yango ta simba mpi ntima na nge, nkutu nge ta sepela ti yo mingi. 17, 18. Inki mambote beto lenda baka kana beto ke tanga masolo yina bo ke sonikaka sambu na bantu yonso? Pesa mbandu. 30 KITINI 2 NZOZULU YA NKENGI 18 Beto lenda kudiwa mpi mutindu yai ntangu beto ke tanga mikanda yina bo ke basisaka sambu na bantu yonso. Mu mbandu, Nzozulu ya Nkengi nimero ya bantu yonso mpi masolo yina kele na site jw.org ke tendulaka malongi ya Biblia na bangogo ya pete yina bantu lenda bakisa. Kutanga yo ta sadisa beto na kubakisa diaka Biblia mbote-mbote mpi kuzola diaka mingi bakieleka ya Biblia yina beto ke zabaka dezia. Yo lenda sadisa beto mpi na kutendudila bantu pwelele balukwikilu na beto na kisalu ya ´ kusamuna. Mutindu mosi, R eveillez-vous ! ke landaka kundimisa beto nde kele ti Nzambi yina gangaka bima yonso. Yo ke sadisaka beto mpi na kutendudila bantu balukwikilu na beto.—Tanga 1 Piere 3:15. 19 Ya kieleka, Yehowa ke pesaka beto bandongisila mpi malongi mingi sambu na mambote na beto mosi. (Matayo 5:3) Bika beto landa kutanga mpi kusadila yo. Kana beto sala mpidina, beto ta baka 19. Inki mutindu beto lenda tonda Yehowa sambu na mambu yina yandi ke longaka beto? MAYI 2016 KITINI 2 31 mambote mpi beto ta monisa Yehowa nde beto kele na ntonda sambu na mambu yonso yina yandi ke longaka beto.—Yezaya 48:17. NOTI NA NSUKA YA DIS OLO: [1] (paragrafe 14) Malongi yango kele na mikanda bonso ´ Les jeunes s’interrogent—R eponses pratiques, Volime 1 mpi 2, mpi masolo ya kulandana ya ke basikaka kaka na site Internet na beto, na ntu-diambu “Les jeunes s’interrogent.” NTENDULA YA BANGOGO YA NKAKA Yehowa ke pesaka beto bandongisila mpi malongi sambu na mambote na beto mosi. Biblia, mikanda mpi masolo yina ke basikaka na jw.org kele na kati ya malongi yina Yehowa ke pesaka beto. Beto ke bakilaka yo mambote, ntangu beto ke tangaka mpi ke longukaka yo na dikebi yonso Kota na www.jw.org, to scanner kidimbu yai 5 32 NZOZULU YA NKENGI wlp16.05-MK-2 160128 Kuvanda ti mabanza ya mbote ke tendula kundima na luzolo yonso mambu ya mpa mpi yina beto zabaka ve. Ntangu beto ke tanga Biblia mpi mikanda na beto, beto fwete yindulula mutindu beto lenda bakila yo mambote
Documentos relacionados
YUNI 27–YULI 31, 2016
fwete binga muntu yina me zaba diambu yango mbote to yina lenda bakisa kana kele ti diambu ya mbi yina yandi me sala. Kana nge yidika dikambu yango ti yandi, pana nge me “vutula mpangi na nge na nz...
Leia mais1 MAYITA « Bika ndinga ya Kristu kuzinga na
Mono ke zodila beno ngamba ya Kristu, beno ya ke sadila mukanda yayi sambu na lukumu ya Nzambi. Mono ke vutudila beno matondo sambu na luzolo na beno ya mbote ti ngindu na beno ya kuyidika mpila ya...
Leia maisaprili 4–mayi 1, 2016
nge muntu yina mono me solaka, bana ya Abrahami nduku na mono.”—YEZAYA 41:8. BANDA na lubutuku tii na lufwa, beto ke sosaka nde bantu kuzola beto. Bantu ke zolaka kuvanda ti banduku ya ngolo, yina ...
Leia mais1 BETO BAKWIKIDI KELE NA KIYEKA NA ZULU YA BAMPEVE YA
Kana nge sala ti yhindula kaka mbote, luzingu kele kwenda nzila mosi ti mabanza ya Nzambi. Kansi, kana nge sala to yhindula to nola imbi, nge me kota territoire ya Satana Mabanna ke kwenda nzila mo...
Leia maisHomélie du Dimanche de Pâques 2013, prononcée par
Kana beto me landa Yezo, kana beto me sala ngolo na kulungisa luzolo ya Nzambi na luzingu na beto, nzambi lenda bika beto ata fioti vé. Yandi ke futumuna beto na Kristo. Bakristu na munu ya nzolua,...
Leia maiskm15 02-FF Gh - Akamaihd.net
ana se’em ti la bna Isaiah 9:7 ti: “Pntnreba Na’ayen la ninm’r n wan tom wana wa.” Bala mea n ti Naayin Daya la yuun m’ nini la yelemr pu’useg la ea n yuun boi teg wa zuo ...
Leia mais