PDF

PROJECT RESULT / CASE STUDY
Bringim benk long ol pipel long Papua
Niugini husat i no save putim mani long
benk.
June 2015
Project
Microfinance and
Employment
Wanpela nupela lain i kamap insait long Papua Niugini nau i wok long kisim gutpela
samting long taim ol i kisim moa save long fainensol literesi na wok bilong ol
maikrobenk.
Kamapim benk long ol
Papua Niugini pipel
husat i no save putim
mani long benk.
Mobail benking save strongim ol liklik bisnis man na meri long Papua Niugini. Long Papua Niugini ol meri
I save kisim helpim long wanpela maikrofainens projek.Bipo em ol liklik laki lain tasol i save putim mani
long benk insait long Papua Niugini (PNG). Long 1999, i gat olsem, wanpela man insait long 20 sitisen i
save gat rot bilong kisim sampela kain helpim i kam long ol fainens bisnis. Ol benk i no gat bilip long ol
pipel olsem ol bai inap long bekim ol dinau, olsem na ol i no save givim ol dinau mani. Liklik ol seving
akaun i no bin planti – bikos ol pipel i ting em i bikplea tumas long holim.
Pasin bilong ol pipel i no gat mani i bin bikpela, tasol ol kain liklik fainens we bai helpim long sapotim ol
pipel olsem smolholda egrikalsa na maikroenteprais i no gat stret long helpim ol. – Long planti hap
bilong kantri ol pipel i wok long yusim yet bata sistem o pasin bilong senis basket. I no gat benk i laik
opim akaun bilong ol, olsem na ol pipel i haitim mani bilong ol long gaden bilong ol.
Ol wok fainens bilong ol lain i no save kisim bikpela pe
Bikpela senis tru i kamap long taim Maikrofainens na Emploimen Projek, em i wanpela wok we ADB i
sapotim na Gavman bilong Australia i bung wantaim. Wantaim sampela wok kamap bilong em,dispela
projek i helpim long kamapim as bilong maikrofainens sekta long gro insait long kantri.
“Mi ken nau putim mani bilong mi lo benk taim mi stap lo kumi gaden bilong mi”
Maino Trudi, wanpela meri gat 66 krismas husat i save salim pis na kumu long Pot Mosbi i tok.
Maino Trudi, wanpela meri husat man bilong em i dai pinis na i gt 5-pela pikinini na 8-pela tumbuna, em
i wanpela bilong ol lain i kisim helpim long dispela projek. Maino, i save wok na stap long wanpela ples
insait long Kepital siti, Pot Mosbi. Em i salim pis na i save planim tomato na kon na em i save kisim kar
na ran i go longpela hap tru i go long taun na em i save lusim taim bilong wok long yusim wanpela han
bilong Nesenwaid Maikrobenk (MiBank), em i wanpela benk we i kamap aninit long dispela projek.
Tasol tude em i ken lukim akaun bilong em wantaim mobail fon. Em i bin hat liklik long namba wan taim
tasol nau em i gat bikpela amamas tru. Maino i tok, “Em i minim olsem mi ken wokim benking bilong mi
na mi ken wok long gaden bilong mi yet tu long wankain taim.”
Projek i bin ran long 8-pela yia inap long 2010 na mani bilong sapotim dispela em i kam long wanpela
$9.6 milien ADB konsesenol dinau mani i go long gavman na wanpela $909,000 gren i kam long
Australia. Bihain long em i kisim tok orait, ADB na lokol benk opisal i traim nupela sevings na ol dinau
prodak long save tru olsem ol inapim tru ol laik bilong ol lain i no save kisim bikpela pe. Ol dispela
samting bilong fainens em ol i wokim long helpim ol man na meri ol yet wan wan. ADB gen i helpim ol
maikrofainens institusen long traim ol nupela we bilong wokim samting.
Nesen-waid Maikrobenk em namba wan benk ol i bin kolim pastaim tru olsem, Wau Maikrobenk, wanpela
nupela kain projek we ol i givim namba wan mani long ol mama olsem Maino. Em i gro hariap na ol i
givim ful benk laisens na nupela nem bilong em i kamap aninit long PNG sentral benk long yia 2008. Em
i gat 12-pela han benk nau long kantri PNG.
Mobail benking
Ol meri i bin kisim ol gutpela samting long dispela. Ol wok painimaut i soim olsem ol pipel i laikim
“Micash,” em i wanpela prodak bilong Nesenwaid Maikrobenn kamapim long larim ol kastoma long
mekim wok long akaun bilong ol wantaim mobail fon. Ol kastoma bilong benk i ken yusim long sevim
mani bilong ol long kamapim win mani, Ol kastoma bilong benk i ken sevim, kisim win mani, na mekim
peimen i go long olgeta kain hap.
“Mipela i luksave olsem mipela i no gat inap mani long wokim ol brens bilong mipela i go moa olsem na
mipela yusim teknoloji olsem brensles benk long inapim tingting bilong mipela,” Nesenwaid Maikrobenk
Sif Ekseketiv Opisa Tony Westaway i tok.
Ol meri i holim 30 pesen bilong ol benk akaun insait long PNG, na 80 pesen bilong Nesen-waid
Maikrobenk mobail walet – em nem bilong ol selfon akaun – em i bilong ol rurel pipel husat i no save
putim mani long benk pastaim.
Em i wok bilong Sentral benk bilong PNG long wok bilong projek. Sentral benk gavana, Loi Bakani, em i
siaman bilong projek stia komiti. “Pastaim long dispela projek, 95 pesen bilong pipel bilong PNG i no ben
gat fainensol sevis,” em i tok. “Bihain, namba bilong ol pipel husat i no save putim mani long benk i go
daun long 80 pesen, na em i wanpela gutpela wok kamap stret.”
Dispela projek i helpim makrofainens institusen bilong kantri i kamapim ol samting we ol pipel i laikim na
long disainim gen wanpela i stap pinis long mekim ol long stap longpela taim na long mekim isi long ol
kastoma. Long namba wan 6-pela yia bilong projek wok, 30 nupela seving na ol dinau prodak i kamap
na ol i traim, na 7-pela ol i disainim gen.
Fainensol literesi trening
Bihainim dispela, long yia 2010, bihainim wanpela singaut i kam long Gavman bilong PNG, ADB na
Gavman bilong Australia wanpela nupela kofainens projek i kamap long helpim long kirapim moa
fainensol sevis long ol rurel komyuniti.
ADB Maikrofainens Ekspanson Projek long mani mak bilong $24.06 milien we i bin kamap long 2012 em
i sanap antap long wanem samting ol i lainim long pastaim narapela projek. Em i gat wanpela 7-pela yia
program long bringim fainensol literesi trening i go long moa long 120,000 pipel long ol ples long
kantri we em i hat tumas long go, na 40 pesen bilong ol lain i kisim trening em ol meri.
Namba wan benk bilong ol meri long Pasifik
Long wankain taim ekspiriens bilong namba wan projek i mekim wanpela Maikrobenk bilong ol Meri
kamap. Em i kisim laisens long Ogas 2014, na em i namba wan benk insait long Pasifik ol kamapim long
helpim ol meri. Wantaim lidasip bilong CEO bilong en, Thushari Hewapathirana, em i save givim ol
sevings prodak na dinau fasilti, na em i save givim ol fainensol literesi trening. Em i bin kamap long
wanpela non-gavman institusen, PNG Women in Business, na em i bin givim klostu long 10,000 kastoma,
na em i wok long opim planti nupela akaun.
Sourced from https://www.adb.org/node/172447