2002 Pastoral Letter in Pidjin on the the Day of

BISHOP CESARE BONIVENTO PIME
LONG RESPEKTIM DE BILONG BIKPELA
PASTORAL LETA
I GO LONG OLGETA BILIPMANMERI
BILONG VANIMO DAISIS
Dia ol Bratasusa,
Mi gat wanpela bikpela wari long serim wantaim yupela. Dispela wari em i olsem: Planti katolik
I no save bihainim namba tri mandato bilong respektim De bilong Bikpela. Long tingting
bilong ol, de bilong Bikpela em i wankain long wanpela de bilong market. I gat planti kain pipel
olsem long Vanimo nau. Long last Krismas tu mi lukim sampela katolik manmeri i stap long
market long mekim money long de Mama Maria i karim Jisas, pikinini bilong God. Taim mi
lukim dispela samting, mi pilim sem nogut tru. Ol dispela pipel i wari tasol long bodi bilong ol,
na ol i lus tingting long sol bilong ol. Mi tok stret: sapos ol i no senisim pasin bilong ol, ol bai i
lusim laip bilong oltaim.
Long makim maus bilong God mi mas tok strong long ol bilipmanmeri bilong Daisis bilong
yumi olsem:
A.
B.
C.
Yumi nidim moa long kaikai long stap long graun. Jisas i tok olsem: “Ol manmeri i no inap
kisim laip long kaikai tasol” (Mt 4:4). God em i winim kaikai, bikos em i as bilong kaikai
bilong mipela, na bilong ol arapela samting mipela i nidim. Yumi no gat bodi tasol; yumi gat
sol tu. Na sapos yumi lusim sol, yumi lus olgeta. Mipela I nidim God, na mipela i mas givim
spes long em. Sapos God i no sambai long mipela, laip bilong mipela long graun bai em i
hevipela tumas.
Laip bilong mipela bai i pinis harriap, na indai inap kam wantu. Long dispela man i redim
planti samting i stap na i no wari long sol bilong em, Jisas i tok olsem: “Yu longlong man tru.
Nau long dispela nait tasol yu dai. Na olgeta samting yu bin redim I stap, em husat bai I
kisim? (Lk 12: 20). Em i isi long lusim tingting long God, taim mipela I orait, na mipela i
amamas. Tasol yumi inap lusim quiktaim helt, na famili bilong mipela, na wok, na moni, na
namba etc., olsem long taim bilong bikpela taidwara bilong Sisano. Yumi no ken abrusim
taim bilong krai. Sapos yumi stap longwe tru long God, husat bai i givim strong long mipela
long karim ol hevi bilong graun, na husat bai i givim long yumi laip bilong oltaim?
Yumi mas givim bikpela tok tenkiu long God long ol presen bilong em. Yumi no ken
bihainim pasin bilong ol nainpela lepaman. Jisas i tok long ol: "Mi ting 10-pela man i kamap
klin. Tasol ol arapela 9-pela man ol i stap we?Ating i no gat man bilong i kam bek na
litimapim nem bilong God, a? Dispela man bilong narapela lain, em wanpela tasol?" Lk 17:
17-18) Mipela i kisim olgeta samting long God Papa: laip bilong graun, na laip bilong oltaim.
Yumi mas tenkim em. Mining bilong tok “Eukaristia” em i: “bikpela tok tenkiu”. Long De
bilong Bikpela Santu Eukaristia em i rot tru long givim bikpela tok tenkyu long God Papa.
Long helpim yupela long respektim De bilong Bikpela, mi askim yupela long tingim olsem:
1. Long lotuim God long De bilong Bikpela, em i bikpela samting tru. Long Olpela Testamen
God i tok olsem: “Namba seven de bilong wik i bilong God.… Yupela i mas mekim wok
inap long 6-pela de tasol. Na de namba 7 …em i de bilong malolo. Em i de bilong mi. Long
dispela de ….yupela olgeta i mas tambu long wok.” (Lo 5:12-14) Sapos yumi i no respektim
dispela mandato yumi bai i mekim bikpela pekato.
2. Yumi mas lotuim God long De bilong Bikpela (=Sande), bikos em i de we Jisas I kirap bek
gen. Ol Aposel i lainim mipela long lotuim Jisas long namba wan de bilong wik:” (Act. 20:7;
Rev. 1:10; Col. 2:16). Ol namba wan kristian ol i kolim dispela de: “De bilong Bikpela”, na
ol i save lotuim Jisas long em.
3. Long Sande na tu long ol arapela De bilong Bikpela, yumi mas lotuim God Papa olsem:
§ Long Santu Misa, na Katekismo
§ Long helpim ol tarangu.
§ Long malolo.
4. Olgeta bilipmanmeri i mas respektim De bilong Bikpela. Ol sikmanmeri tasol na ol helpim
bilong ol inap long stap long haus bilong ol. Tasol ol i no ken lus tingting long pre.
5. Ol manmeri, husat i no go long lotu bilong mekim wok bilong mekim moni long De bilong
Bikpela, ol i mekim bikpela pekato: long inglis ol i kolim “mortal sin.” Tasol, sapos
wanpela manmeri i wok long helpim ol tarangu, em i no mekim pekato. Ol tu i no mekim
pekato husat i save wok long sift long ol kain istitujen bilong helpim komunity olsem:
Hospital, Police, Elkom, Telikon. Tasol ol tu i mas go long Santu Misa, sapos ol inap.
6. Ol manmeri husat i go long Santu Misa leit tumas (=bihain long ol rit) bikos ol i les, ol i
mekim pekato, na ol i no ken kisim Santu Komunio. Yupela mas wet long narapela Santu
Misa. Sapos i no gat arapela Santu Misa, yu mas confessim dispela pekato.
7. Ol papamama husat i go long Santu Misa, tasol ol i no kea long bringim ol pikinini bilong
ol i kam long Santu Misa, ol i no ken kisim Santu Komunio. Wok aposel bilong ol
papamama em i long bringim ol pikinini bilong ol i kam long Santu Misa long de bilong
Bikpela.
8. Ol boss bilong ol wokmanmeri ol i no ken mekim ol i wok long olgeta sevenpela de bilong
wik. Dispela em i agensim Lo bilong God na Lo bilong PNG. Malolo em i rait i stap insait tu
long Konstitujen bilong PNG.
9. Ol boss bilong ol wokmanmeri ol i no ken stopim ol long go long lotu long De bilong
Bikpela. Sapos sampela bilong ol i mekim olsem, ol i agensim ol human rait. Leba
Departmen, na tu Justis&Pis ol inap long givim gutpela toksave long ol wokmanmeri. Na mi
askim ol boss long respektim ol rait bilong ol wokamanmeri bilong ol.
Dia ol Bratasusa, yupela givim spes long God insait long bel bilong yupela, na insait long famili
bilong yupela. De bilong Bikpela em i bikpela samting tru. We God i stap, i gat bikpela amamas,
maski i gat sampela hevi. We God i no stap i no gat trupela amamas, maski yupela i gat planti
samting bilong graun. God i strong olgeta i ken blesim yupela.
+ Cesare Bonivento PIME
Bisop bilong Vanimo
30 Jan. 2002