2016/1 - Evangelical Brotherhood Church of Papua New Guinea

Gutpela
Wasman
No 1/2016
Jisas Krais i tok,
“Mi gutpela wasman
bilong sipsip.”
Jon 10.11
Holim strong Jisas na soim lait
Stap lait long famili
Stori bilong wanpela Sandeskul gel long
Komperi. Em i kam long wanpela haiden
famili. Long olgeta Sande moning em i
save go long Sandeskul. Wanem tok tisa i
skulim ol pikinini long Sandeskul em i no
save harim nating tasol. Nogat. Em i save
bihainim na mekim taim em i kam bek long
haus, olsem Baibel ves, song na stori. Planti
tok bilas i save kamap long em tasol em i no
save bekim tok. Aiwara tasol i save pundaun
na em i save pasim maus tasol.
Wanpela taim bilong dikim
na planim yam i kamap. Long
moning taim tru olgeta lain
long hauslain ol i go long
gaden bilong ol na famili
bilong em tu ol i go long
gaden. Ol i kisim sit kaikai
olsem asbin, kon, kukamba
na planti ol arapela sit
wantaim i go long gaden.
Sampela i dikim yam, brukim graun, wokim
baret na sampela i stretim sit long planim.
Ol dispela wok i pinis na nau em i taim
bilong planim. Papa na mama bilong em
ol i go katim skin bilong diwai na ol rabim
long yam bilong ol na tokim ol olsem yu
rabim dispela skin diwai, kaikai b’long em
bai kamap draipela. Olgeta famili i amamas.
Tasol dispela Sandeskul gel i tok nogat. Mi
bai prea long Jisas na tokim em blesim sit
kaikai bilong mi. We, wanem kain Kristen
meri, "ol i lap na krosim em." Mipela olgeta
wanbel na yu olsem wanem. Em inap, ol sit
kaikai bilong mi kam. Yumi planim na bai
yumi lukim long taim bilong kisim kaikai
long gaden. Na ol i go na liklik gel i
sanap long wanem tok em i mekim,
kisim sit kam putim long hap we em
bai planim na i prea na tenkyu. Bihain
em i planim ol kaikai long gaden.
Taim i kamap na ol kaikai long
gaden i gro na i luk narakain. Ol
i yusim skin diwai na planim long
em kaikai i no gro gut, tasol gaden bilong
dispela Sandeskul gel i gro gut tru. Olgeta
samting i kamap i dak grin na karim bilong
em tu i narakain long ol famili i planim. So
nau ol i no gat tok, na em i amamas na tok
tenkyu long Jisas i bin helpim em na nau ol
i lukim strong bilong God long laip bilong
dispela gel. Wanem samting gel i bin lainim
long Sandeskul em i no haitim. Nogat. Em i
putim ples klia olsem tok i stap long Matyu
5.15-16. Kainkain taim i kamap long em
tasol em i no les long bihainim Jisas (Gutnius
Song 94). Bihain long sampela yia i go pinis
na ol famili bilong em i kam bihainim Jisas.
Papamama, brata na susa bilong dispela gel
nau ol i bihainim Jisas. Papa bilong em i kamap
lotu brata na i helpim long mekim lotu.
em i go bek long arapela leson tasol tisa i
rausim em na em i krai na go long haus bilong
em. Mama i lukim boi i kam long haus na em
i tok, “Bilong wanem yu no pinisim skul na
kam hariap long haus?” Na boi i tokim mama
long wanem samting i bin kamap long skul.
Olsem wanem long yu na mi? Yumi stap
olsem dispela gel na tokaut long nem bilong
Jisas o yumi sem i stap. Luk 12.8-9 na Matyu
10.33 i tokaut olsem, "Tasol man i tokim
ol manmeri olsem em i no man bilong lain
bilong mi, mi tu bai mi tokim Papa bilong
mi long heven olsem dispela man em i no
bilong mi.” Bikpela King Jisas i ken helpim
yumi long stap wanpela lait long wanem hap
yumi stap long em.
Na liklik boi i go on na tok sapos mi danis
em bai mi no inap go long heven. Em i tok,
“Sandeskul tisa i bin skulim mi long stori
bilong Daniel. Insait long dispela stori mi
lainim olsem taim king Nebukatnesa i putim
wanpela strongpela lo long ol manmeri long
Babilon long brukim skru na lotuim giaman
god, ol tripela brata bilong Daniel, em Satrak,
Mesak na Abetnego i no bin brukim skru na
lotu long dispela god giaman. Na ol soldia i
tromoi ol i go insait long bikpela hatpela paia
tasol paia i no bin kukim wanpela hap skin
gras bilong ol. Papa God i bin helpim ol na ol
i stap laip. Olsem na mi mas pret long God
wanpela tasol I Gat Olgeta Strong. Maski tisa
i givim mi siro, mi no wari. Bikpela bai givim
mi laip i stap gut oltaim oltaim. Narapela de
em i go bek long klas na olgeta sumatin i
tokim tisa olsem ol i les long danis na tisa i
givim ol arapela wok long At leson. Na bihain
tisa tu i tok sori na wanbel i bin kamap.
Holim tok bilong God strong
Dispela em i stori bilong wanpela Sandeskul
pikinini boi long Kassam. Em i gat 10-pela
krismas na em i wokim gret 4. Wanpela taim
dispela liklik boi i go long skul na long taim
bilong At (arts) lesen long klas, tisa bilong
em i tokim olgeta pikinini long danis na bai
ol i kisim mak olsem asainmen.
Orait olgeta pikinini i harim tok long tisa na
danis tasol dispela liklik boi i no laik danis na
em tok dispela em i sin na em i kirap isi na
lusim klas na go ausait. Bihain leson i pinis
"Mipela i mas bihainim tok bilong God tasol.
Mipela i no ken bihainim tok bilong ol man."
Aposel 5.29
Gutpela bebi sita i soim lait bilong Jisas long ol pikinini
Long kantri Amerika i gat wanpela
sios ol i kolim Marimari Sios
(Grace Church). Long dispela
sios ol i save lukautim ol
yangpela meri i winim 13
krismas na i go antap. Sios
i save skulim ol gut long
lukautim ol pikinini.
Wanpela taim meri
bilong Brant i tokim
meri bilong Grey olsem, "Asde nait mipela i
kism namba tri bebi sita na ol i gutpela tru."
Ol i husat? Meri bilong Grey i askim. "O em
ol liklik yangpela gel i kisim skul pinis long
kamap bebi sita long sios bilong ol. Na ol i
save mekim gut tru dispela wok olsem ol
i laik wok i go long God. Ol i gat gutpela
pasin na ol i save pilai wantaim ol pikinini.
Ol i save mekim Baibel stori tu wantaim ol.
Na ol i save lainim ol pikinini long prea na
mekim ol gutpela pasin."
Meri bilong Grey i tok olsem, "Bikpela i save
ol pikinini bilong mi i nidim ol gutpela pasin
tu." Nau meri bilong Brant i tok olsem, "Ol
pikinini bilong mipela i save laikim ol tru,
olsem na bai mi no inap kisim ol arapela gel.
Dispela ol gel long Marimari Sios i gutpela
tru. Yu ken save olsem ol i laikim God long
wok na pasin bilong ol. Ol i no save tingting
tumas long kisim mani.”
Meri bilong Grey i tok olsem, "Ol i save larim
bilip bilong ol i save sain aut gut." "Yes em
tru," meri bilong Brant i tok. "Mi amamas
ol pikinini bilong mi tu i ken gro wantaim
gutpela pasin bilong God long bel bilong ol.
Papa God i save mekim gutpela pasin long
olgeta man i save laikim Jisas."
Dispela tupela mama i litimapim nem bilong
God long ol gutpela pasin bilong ol bebi
sita. Jisas tu i laikim yumi long mekim
gutpela pasin long ol arapela manmeri
inap, ol i ken luksave olsem God
i gutpela tru. Olsem na em i tok,
“Larim Lait bilong yumi i sain
inap ol manmeri i ken lukim
gutpela wok bilong yumi na ol
bai i givim biknem long Papa
God long Heven."
Sapos yumi mekim gutpela pasin long ol
arapela manmeri, ol i ken lukim gutpela
pasin bilong Papa God long laip bilong yumi
na dispela inap senisim ol manmeri na ol tu
bai lukim dispela laikim i stap long Papa God.
Dispela i ken mekim ol tu bai laikim Jisas
long bel bilong ol, na ol i ken stap pikinini
bilong God.
Olsem Na Yumi Mas Larim Dispela Lait
Bilong Yumi I Sain Aut.
Memori ves
"Olsem tasol, lait bilong
yupela i mas lait long ai bilong
ol manmeri, bai ol i lukim ol
gutpela pasin yupela i mekim,
na bai ol i litimapim nem bilong
Papa bilong yupela i
stap long heven."
Matyu 5.16
Pasel Taim
Aninit i gat sampela tok i stap nabaut. Skelim ol gut na putim ol long Grup A na B.
Tudak, litimapim, Lait, Gutpela, Daunim, nogut, Sin, Dai, Bihainim, Pret, Amamas, Sakim,
Pulim nus, Skin, Lap, Sampela, Mit, Jisas, Famili, Jerusalem
Grup A
Wanem ol tok antap i no bin stap long
stori raitim hia.
Grup B
Raitim hia wanem ol tok antap i bin stap
long stori.
__________________________________
__________________________________
_________________________________
__________________________________
__________________________________
__________________________________
Nau sampela tok namel long stori aninit i lus na spes i stap nating. yu lukluk gut long ol
tok long grup B tasol, na raitim wanem tok yu ting em bilong dispela spes. (Olgeta tok
long grup B i mas inapim olgeta spes).
1. Ol liklik yangpela meri long Marimari Sios i mekim _______________ pasin long
wok na larim __________ bilong ol i sain aut gut. Tupela mama i lukim na
_______________ nem bilong God long gutpela pasin bilong ol.
2. Liklik gred 4 boi long Kassam i no laikim ________, olsem na em i sakim tok bilong
tisa. Em ______ long God I Gat Olgeta Strong na ________________ tok bilong em.
3. Liklik Sandeskul gel i no surik long ol i ________ long em. Em i lukim _________
diwai i olsem samting nating, na i kolim nem bilong ______________ long ai bilong
olgeta famili. Bihain olgeta ______________ i tanim bel na bihainim Jisas.
Gutpela Wasman Tim i tok tenkyu long tripela bratasusa i bin raitim stori i kam.
Nehemiah Dengen (EBC Kassam Seket) na EBC Komperi na Guwa Tim buk “More Little Visit With
God. Tenkyu long husat i bin rait i kam. God i ken blesim ol.
Published and printed by:
Publications Department
Evangelical Brotherhood Church (Inc.)
P.O. Box 996, Lae 411, Papua New Guinea
No 1/2016