Singsing Long Jehova -OL TOK TASOL

Transcrição

Singsing
Long Jehova
O L TO K TA S O L
sny-MP
Singsing
Long Jehova
O L TO K TA S O L
“Taim mi stap laip, bai mi singim ol song long Bikpela.
Bai mi singim ol song bilong litimapim nem bilong God
bilong mi inap long taim mi dai.” —SONG 104:33
NEM KONGRIGESEN ˘ 2011
WATCH TOWER BIBLE AND TRACT SOCIETY OF PENNSYLVANIA
All Rights Reserved
Lain Bilong Wokim
WATCHTOWER BIBLE AND TRACT SOCIETY OF NEW YORK, INC.
Brooklyn, New York, U.S.A.
Prinim Long 2011
Mipela i no save salim dispela buk. Em i bilong helpim ol man bilong olgeta hap long kisim save
long Baibel, na ol man i save givim mani long laik bilong ol yet bilong helpim dispela wok.
Sing to Jehovah—Lyrics Only
Tok Pisin (sny-MP)
Made in Japan
Wokim Long Japan
Amamasim Bel
Bilong Jehova 11
Amamas Long
Bungim Kaikai 44
Amamas Long Fesbon
Bilong Ja! 109
Amamas Long Jehova 74
Amamas Long Jehova,
God Bilong Yumi! 9
Amamas Long
Ol Brata 118
Amamas Long
Ol Gutpela Presen
God i Givim 94
Askim God Long Kisim
Bek Yu 133
Autim Gutnius 47
“Autim Tok
Bilong Em” 92
Baibel—Spirit Bilong God
i Kamapim 37
Bel Isi Bilong Yumi 39
Beten Bilong Man
i Bel Hevi 68
Beten Bilong
Tok Tenkyu 13
Beten Bilong Wokboi
Bilong God 6
Beten Long Jehova Long
Olgeta De 67
Bihainim Pasin Daun
Bilong Krais 82
Bihainim Pasin Laikim
Bilong God 50
Bikpela God, Jehova 112
Bikpela Lain
Bratasista 122
Blesim Miting
Bilong Mipela 20
Buk Bilong God—Gutpela
Samting Tru 114
Dediket Beten
Bilong Mi 58
Dediket Bilong Kristen 7
Dispela Em i Rot 65
Em Bai Singaut 111
Em Bai Strongim Yu 60
Fogivim Narapela 77
Givim Biknem
Long Jehova
Long Kingdom 108
Givim Biknem
Long Nupela King
Bilong Graun 99
“God Em i
Pasin Laikim” 3
God i Tok Promis Long
Kamapim Paradais 19
Gutpela Pasin 80
Harim, Bihainim,
na Kisim Blesing 120
“Helpim Ol Man
i No Gat Strong” 42
Holimpas Bilip na Wetim
Gutpela Samting 129
Holi Spirit—Presen
Bilong God 71
Jehova Bai Givim Gutpela
Pe Tru 85
Jehova Bai Karim Hevi
Bilong Yu 38
Jehova Bai
Lukautim Yumi 131
Jehova Em i King
Bilong Yumi! 46
Jehova Em i Ples Hait
Bilong Yumi 49
“Jehova Em i Wasman
Bilong Mi” 22
Jehova, God Bilong
Bel Isi 76
Jehova i Kirap Mekim
Wok King 30
Jehova i Mas
Skulim Yumi 117
Jehova i Strongim Mi 23
Jehova i Tok:
‘Pikinini, Kisim
Gutpela Tingting’ 89
Jehova, Mi Tenkyu
Long Yu 2
Kaikai Bilong Bikpela 8
Kamapim Tok i Tru
Bilong Kingdom 101
Kamap Pren
Bilong Jehova 106
Kamap Strong! 45
Kam! Kisim
Nupela Strong 119
Kam Long Maunten
Bilong Jehova 107
Kam Mekim Singsing
Bilong Kingdom! 102
Kam, Yumi Amamas
Long Jehova 104
Kirap, Yupela Witnes! 17
Kirap, Yupela Wokman
Bilong Kingdom! 97
Kisim Gutnem Long Ai
Bilong God 4
Kisim Laip Oltaim! 55
Kisim Pasin Laikim 72
Krais Em Gutpela Piksa
Bilong Yumi 5
Laikim Tru Nem
Bilong Yumi 34
Laikim Tru Ol Arapela
Long Bel Olgeta 73
“Lait Bilong Yupela i Mas
Stap Ples Klia” 93
Lait i Kamap
Strong Moa 116
“Long Ol Haus” 103
Lotuim Jehova Taim Yu
Yangpela Yet 41
Lukluk Yet
Long Prais! 24
Mak Bilong
Disaipel Tru 25
“Mekim Bilip Bilong
Mipela i Kamap
Bikpela Moa” 81
Mekim Gut Long Man
i Kam Long Haus
Bilong Yu 124
Mekim Wok
Bilong Jehova
Long Bel Olgeta 66
‘Mi Laik Mekim’ 84
Mi Mas i Stap Wanem
Kain Man 61
Mirakel Bilong Laip 130
“Mi Stap! Salim Mi” 10
Narapela i Mas
Strongim Bel
Bilong Narapela 121
Nau Yumi
Wanpela Bodi 87
No Ken Les Kwik 78
No Ken Pret Long Ol! 33
Nupela Singsing 28
Olgeta Samting Bai
Kamap Nupela 14
Ol Gutpela Meri,
Ol Sista Kristen 86
Ol Gutpela Pasin
Bilong Jehova 1
Ol Gutpela Wok
Bilong God 110
Ol Man Bilong Marimari,
Ol i Amamas! 21
Ol Pikinini
—Gutpela Samting
God i Givim 88
Ol Samting i Kamapim
Glori Bilong Jehova 15
Ol Samting Yumi
Amamas Long En 75
Ol Wasman—Ol Man
Olsem Presen 123
Painim Kingdom
Pastaim 40
Painim Ol
Gutpela Man 96
Papa na God na Pren
Bilong Mi 91
Pasin Helpim
i Gat Strong 79
Pasin Laikim
Bilong God 18
Pasin Laikim i Kirapim
Mipela Long Wok 126
Piksaim Yu Yet Long
Nupela Taim 134
Planim Sid
Bilong Kingdom 98
Ples Antap i Tokaut Long
Glori Bilong God 105
Plis Harim Beten
Bilong Mi 56
Ranawe i Go
Long Kingdom
Bilong God! 16
Rot Bilong Stap Gut 115
“Samting God
i Pasim Pinis, Man
i No Ken Katim” 36
Sanap Strong i Go Inap
Long Pinis 135
Sanap Strong,
No Ken Surik! 32
Sindaun Bilong Graun i
Wok Long Senis 128
Singsing Bilong
Winim Pait 132
‘Skelim Gut
Ol Bikpela Samting’ 70
Skulim Mi Long Pasin
Bilong Yu 69
Stap Daun
Long God 125
Stap Gut Long God 29
Stap Gut Long Lain
Bilong Jehova! 27
Tenkyu Long God i No
Les Kwik 35
Tenkyu Long Tok
Bilong God 113
Tingting i Stap Long Bel
Bilong Mi 57
Tok Promis Bilong
Laip Oltaim 12
“Traim na Lukim
Olsem Jehova
i Gutpela Tru” 95
Waitpela Gras i Gutpela
Samting Tru 90
Wanpela Haus i Holim
Nem Bilong Yu 127
Was Gut Long Bel
Bilong Yu 52
Was i Stap, Stap Strong,
Stap Man Tru 43
Wokabaut
Wantaim God! 26
Wokabaut Wantaim
Jehova Long
Olgeta De 48
Wok Gut Wantaim Long
Pasin Wanbel 53
Yu Mas Pilim Tok
i Tru 64
Yumi Ami
Bilong Jehova! 100
Yumi Bilong Husat? 62
Yumi Dediket
Long God! 59
Yumi Mas Bosim Bel 83
Yumi Mas i Gat Bilip 54
Yumi Pas Gut
Long Jehova 51
Yumi Stap Gut
Long Jehova 63
Yumi Witnes
Bilong Jehova! 31
1
Ol Gutpela Pasin Bilong Jehova
(Revelesen 4:11)
1. Jehova, yu stap bikpela God,
Yu as blong laip na yu as bilong lait.
Ol wok blong yu na bikpla de blong yu
I tokaut long strong bilong yu.
2. Stretpela kot yu mekim oltaim;
Yu kamapim olgeta lo blong yu.
Long buk blong yu, mipela i lukim
Save blong yu i lait tumas.
3. Laikim blong yu i nambawan tru.
Presen blong yu ol i gutpela tru.
Pasin blong yu na gutnem bilong yu,
Mi autim long olgeta taim.
(Lukim tu Sng. 36:9; 145:6-13; Jems 1:17.)
2
Jehova, Mi Tenkyu Long Yu
(1 Tesalonaika 5:18)
1. Mi tenkyu Jehova long san na long nait,
Long yu givim lait bilong yu long mi.
Mi tenkyu mi nap salim beten long yu,
Na mi ken kamapim ol hevi tu.
2. Mi tenkyu long yu salim Jisas i kam;
Em i daunim strong blong dispela graun.
Mi tenkyu long mi ken mekim laik blong yu;
Mi truim tok promis bilong mi tu.
3. Mi tenkyu long mi autim nem bilong yu
Na mi skulim ol man long tok i tru.
Mi tenkyu long hevi bai pinis long graun,
Na blesing blong Kingdom bai stap oltaim.
(Lukim tu Sng. 50:14; 95:2; 147:7; Kol. 3:15.)
3
“God Em i Pasin Laikim”
(1 Jon 4:7, 8)
1. God i singautim yumi long
Wokabaut long rot blong em.
Yumi laikim God na ol man;
Yumi mekim gut long ol.
Dispela em as bilong laip;
Em pasin yumi mekim.
Pasin laikim bai stap oltaim.
Oltaim bai yumi mekim.
2. Pasin laikim i kirapim
Yumi long laikim ol man.
God em i laik helpim yumi
Taim yumi yet no gat strong.
Pasin laikim i no jeles;
Em i mekim gut long man.
Yumi mas laikim ol brata.
Yumi bai kisim blesing.
3. No ken bel nogut long ol man;
Lusim dispela pasin.
Larim God i soim yu rot;
Em bai skulim yu olsem:
Laikim God na laikim ol man;
Pasin laikim em olsem.
Oltaim yumi mas kamapim
Pasin laikim bilong God.
(Lukim tu Mak 12:30, 31; 1 Kor. 12:31–13:8; 1 Jon 3:23.)
4
Kisim Gutnem Long Ai Bilong God
(Saveman 7:1)
1. Yumi laik yusim olgeta wan wan de
Blong kisim gutnem, bihainim lo blong God.
Sapos yumi mekim pasin i stret tasol,
Bai God Jehova i amamas.
2. Long kisim biknem long ai blong ol lain man
Bambai ol i ken amamas long yumi,
Em no gat as blong en. Yumi stap pren blong graun,
Nau God Jehova i no wanbel.
3. Yumi gat laik tru long nem bilong yumi
I mas i stap long buk bilong laip oltaim.
Yumi bilip long God, sambai long tok blong em
Na holim gutnem inap oltaim.
(Lukim tu Stt. 11:4; Snd. 22:1; Mal. 3:16; Rev. 20:15.)
5 Krais Em Gutpela Piksa Bilong Yumi
(Rom 5:8)
1. Jehova em i Man
Bilong pasin laikim.
Em givim Jisas long yumi ol man.
Gutpela skin blong em
I helpim ol lain man
Long stap bel isi na kisim laip tru.
2. Krais i skulim yumi
Long prea olgeta de,
Blong litimapim tru nem Jehova.
Prea long Kingdom i kam
Na laik blong God wantaim.
Beten long kisim kaikai blong tude.
3. Krais Jisas i wok strong
Long skulim gut ol man
I laik bihainim ol tok bilong em.
Yumi laik autim tok
Long Kingdom bilong God;
Bai yumi belgut na stap amamas.
(Lukim tu Mat. 6:9-11; Jon 3:16; 6:31-51; Efe. 5:2.)
6
Beten Bilong Wokboi Bilong God
(Efesus 6:18)
1. Papa long heven, Bikpela King,
Mipela litimapim nem blong yu.
Yu no les long sori long ol man,
Yu no les long helpim ol lain man.
Yu no les long helpim man,
Oltaim yu sori long man.
2. Helpim mipela long laikim tru
Tok bilong yu na mekim laik blong yu.
Mipela bihainim tok blong yu,
Lukautim ol sipsip bilong yu.
Lukautim sipsip blong yu,
Bihainim ol tok blong yu.
3. Plis givim savetingting blong yu
Na pasin laikim long mipela tu.
Helpim mipla long marimari,
Helpim ol man long save long yu.
Helpim ol long save tru;
Mipla mas marimari.
(Lukim tu Sng. 143:10; Jon 21:15-17; Jems 1:5.)
7
Dediket Bilong Kristen
(Hibru 10:7, 9)
1. Jehova em i kamapim
Gutpela skai na graun;
Em wokim stret long han blong em,
Em papa bilong en.
Em givim laip long ol samting,
Na soim yumi man,
I stret yumi apim nem blong em
Na lotu long em oltaim.
2. Long wara Jisas i baptais
Blong mekim laik blong God.
Em beten long Papa blong em:
‘Mi mekim laik blong yu.’
Taim em lusim wara Jordan,
Jehova makim em.
Em bai stap gut long wok bilong God
Na bihainim tok blong em.
3. Mi kam long yu God Jehova,
Blong apim nem blong yu.
Nau mi mas daunim laik blong mi
Na dediket long yu.
Yu salim Jisas i kam daun;
Em baim mipela.
Mi tingim yu na mi wokabaut,
Mi bilong yu wan tasol.
(Lukim tu Mat. 16:24; Mak 8:34; Luk 9:23.)
8
Kaikai Bilong Bikpela
(Matyu 26:26-30)
1. Jehova, Papa bilong heven,
Nau em nait we i holi tru!
Em Nisan fotin, em taim yu bin kamapim
Ol strongpela wok bilong yu.
Ol redim sipsip na ol kaikai,
Na nau Israel wokabaut.
Long bihain Krais i kapsaitim blut bilong em
Blong truim tok profet bilong yu.
2. Mipela em lain sipsip blong yu.
Nau nait mipela bung wantaim
Na tenkyu long pasin laikim yu kamapim,
Na givim biknem tru long yu.
Memorial nau yumi mekim,
Yumi mas tingim tru long bel.
Bai yumi ken bihainim gut lek bilong Krais,
Na yumi ken kisim laip oltaim.
(Lukim tu Luk 22:14-20; 1 Kor. 11:23-26.)
9 Amamas Long Jehova, God Bilong Yumi!
(Song 145:12)
1. Amamas long Jehova God!
Autim nem blong em long ol man!
Tok lukaut, de blong em klostu,
Na olgeta i mas harim gut.
God bilong yumi em tok nau em taim
Blong Jisas long mekim wok King.
Go tokim ol man long gutpela nius,
Tokaut long ol blesing blong God!
(SINGSING GEN)
Amamas long Jehova God!
Tokaut long em long olgeta man!
2. Amamas, singsing klia na strong!
Litimapim nem bilong em!
Tokaut strong long glori blong em,
No ken pret long autim long ol man.
Jehova i gutpela olgeta,
Em i God bilong pasin daun.
Em kamapim sori, laikim blong em
Na em harim ol beten tu.
(Singsing Gen)
(Lukim tu Sng. 89:27; 105:1; Jer. 33:11.)
10
“Mi Stap! Salim Mi”
(Aisaia 6:8)
1. God em i gat gutpela nem,
Tasol ol man i semim em.
Ol i tok God i no gat strong.
Sampela i tok, “No gat God!”
Husat bai go na stretim tok?
Na litimapim nem blong God?
“Bikpela, mi stap! Salim mi.
Bai mi tokaut, em wok blong mi.
(SINGSING GEN)
Mi laikim tumas dispela wok.
Salim mi long wok blong yu.”
2. Ol i tok God i wok isi;
Ol i no save pret long em.
Ol i lotuim God giaman;
Na tok Sisar i namba wan.
Husat bai tokim man nogut?
Tokim em long pait bilong God?
Mi no ken pret long toksave.
(Singsing Gen)
3. Gutpela man i krai i stap
Long pasin nogut i pulap.
Ol i laik painim tok i tru
I mekim man i belgut tru.
Husat bai mekim gut long ol?
Lainim ol long stretpela lo?
Bai mi ken lainim ol isi.
(Singsing Gen)
(Lukim tu Sng. 10:4; Ese. 9:4.)
11
Amamasim Bel Bilong Jehova
(Sindaun 27:11)
1. O God, mi bin mekim promis
Long inapim ol wok blong yu.
Bai mi ken wok wantaim ol man
Long amamasim yu oltaim.
2. Wokboi bilong yu hia long graun
Em autim biknem bilong yu,
Na givim kaikai long taim stret,
So mi nap mekim laik blong yu.
3. Salim holi spirit blong yu,
Bai mi bihainim lo blong yu,
Na litimapim nem blong yu,
Na oltaim amamasim yu.
(Lukim tu Mat. 24:45-47; Luk 11:13; 22:42.)
12
Tok Promis Bilong Laip Oltaim
(Song 37:29)
1. God i tok promis long givim
Laip i stap oltaim long graun.
Ol man i daun long Jehova,
Ol bai stap gut oltaim.
(SINGSING GEN)
Bai yumi stap oltaim
Sapos yumi wok strong.
God i save truim
Tok promis blong em.
2. Paradais em nambawan tru;
Lain bilong God bai stap fri.
Jehova bai bosim gut graun,
Na bel isi bai stap.
(Singsing Gen)
3. Taim ol daiman i kirap bek,
Bel sori bai pinis tru.
God i sori tru long ol man,
Pinisim aiwara.
(Singsing Gen)
(Lukim tu Ais. 25:8; Luk 23:43; Jon 11:25; Rev. 21:4.)
13
Beten Bilong Tok Tenkyu
(Song 95:2)
1. O God Jehova, yu gutpela tru,
Mi amamas long nem holi blong yu.
Mi kam long yu, Man blong harim beten,
Mi laik i stap gut long han bilong yu.
Olgeta de mi mekim popaia;
Plis yu ken lusim ol rong bilong mi.
Long blut bilong Krais yu bin baim mi.
Nau mi laik tru bai yu skulim mi gut.
2. Ol man yu kisim blong skulim gut ol,
Ol i stap amamas long haus blong yu.
Skulim mi long save long Tok blong yu.
Mi laik i stap oltaim long haus blong yu.
Bikpela strong i stap long han blong yu,
Helpim wokboi blong yu long sanap strong.
Mi amamas long Kingdom bilong yu.
Mi mas autim tok blong en long oltaim.
3. Mi amamas tru long yu Jehova;
Olgeta lain i mas lotu long yu.
Kingdom bai kamapim sori blong yu,
Pinisim sik, indai, na hevi tu.
Jisas bai rausim manmeri nogut
Na mekim gut long ol stretpela man.
Singaut na amamas na tok tenkyu
Long God Jehova, em Bikpela King!
(Lukim tu Sng. 65:2, 4, 11; Fili. 4:6.)
14 Olgeta Samting Bai Kamap Nupela
(Revelesen 21:1-5)
1. Ol mak bilong nau makim Kingdom i stap.
Nau Krais i sindaun long sia King antap.
Em pait long heven na i winim pait.
Long graun tu bai laik bilong God i stap.
(SINGSING GEN)
Nau God i stap wantaim ol man;
Yumi mas amamas long en.
Ol man bai no ken krai na hevi,
Bai no gat pen na no gat indai;
God tok: ‘Bai mi wokim nupela tru.’
Yes, tok bilong mi em tru.
2. Nupela Jerusalem nau em i stap,
Em klinpela meri blong Jisas Krais.
Em putim gutpela bilas blong en;
Jehova tasol givim lait long en.
(Singsing Gen)
3. Dispela taun em i gutpela tumas.
Na ol dua bai op long san na long nait.
Ol lain man bai raun long lait bilong en;
Ol wokman blong God i mas lait i stap.
(Singsing Gen)
(Lukim tu Mat. 16:3; Rev. 12:7-9; 21:23-25.)
15
Ol Samting i Kamapim
Glori Bilong Jehova
(Song 19)
1. Jehova God, ol sta bilong antap
Litimapim nem bilong yu i stap.
Long san na nait ol i tokaut wantaim
Na givim skul long ol stretpela man.
Long san na nait ol i tokaut wantaim
Na givim skul long ol stretpela man.
2. Yu bin wokim ol sta na mun na san,
Na solwara yu putim mak blong en.
Mi lukim skai na ol wok bilong yu.
Mi man nating, tasol yu tingim mi.
Mi lukim skai na ol wok bilong yu.
Mi man nating, tasol yu tingim mi.
3. Ol lo na tok blong yu i stret na tru.
Olgeta de skultok i kam long yu.
Yu skulim mi na givim tingting tu.
Oltaim mi mas bihainim tok blong yu.
Yu skulim mi na givim tingting tu.
Oltaim mi mas bihainim tok blong yu.
(Lukim tu Sng. 12:6; 89:7; 144:3; Rom 1:20.)
16
Ranawe i Go Long
Kingdom Bilong God!
(Sefanaia 2:3)
1. Painim Jehova na stretpela pasin;
Mekim pasin daun long olgeta taim.
So long de blong em bai yu ken i stap gut,
Em long taim blong kros bilong em.
(CHORUS)
Painim kwik Kingdom na yu no ken lus;
Stap strong long lo bilong God.
Em bai lukautim yu na givim blesing;
Harim kwik tok bilong em.
2. Sapos yu laikim tru stretpela pasin,
Orait yu no ken krai na bel hevi.
Wok king blong Krais em bai stretim ol samting.
Mas daun long wok king bilong em.
(Singsing Gen)
3. Yu mas stap amamas na tingim Kingdom;
Ol mak bilong en i kamap long graun.
Kisim ol tok nau Jehova i givim,
Na pret long em wanpla tasol!
(Singsing Gen)
(Lukim tu Sng. 59:16; Snd. 18:10; 1 Kor. 16:13.)
17
Kirap, Yupela Witnes!
(Luk 16:16)
1. Nau em i las taim, yumi mas sanap strong.
Ol lain bilong God mas autim gutpela tok.
Tru, Satan i birua long ol,
Tasol strong bilong God em i stap long ol.
(SINGSING GEN)
Kirap, yupela Witnes, sanap strong tasol!
Stap belgut long wok God i givim yupela!
Go tokim ol man, Paradais i klostu nau,
Na God bai givim blesing long ol man.
2. Soldia blong Ja i no les long wok blong em;
Na yumi no laik amamasim man blong graun.
Ol wok bilong graun yumi sakim.
Yumi strong long stap gut long God Jehova.
(Singsing Gen)
3. Ol man i tok bilas long Kingdom Blong God;
Ol i toknogutim nem holi bilong em.
Yumi mas stretim nem bilong em,
Na autim long olgeta lain manmeri.
(Singsing Gen)
(Lukim tu Fili. 1:7; 2 Tim. 2:3, 4; Jems 1:27.)
18
Pasin Laikim Bilong God
(Aisaia 55:1-3)
1. Laikim blong God Antap,
Em i gutpela tumas.
God i salim Krais i kam
Bilong helpim yumi man
Long kamap stretpela man,
Stap oltaim na amamas.
(SINGSING GEN)
Ol man nek blong ol i drai,
Kam dring wara bilong laip.
Kam dring bai yu lukim tru
Pasin laikim blong God.
2. Laikim blong God Antap,
Stap ples klia long wok blong em.
Em i laikim yumi man,
Na mekim Krais i stap king
Bilong truim tok blong God.
Kingdom i kamap pinis!
(Singsing Gen)
3. Laikim blong God Antap;
Yumi laik bihainim em.
Laikim tru olgeta man,
Helpim ol long painim Em.
Yumi go long haus blong ol,
Mekim gut bel bilong ol.
(Singsing Gen)
(Lukim tu Sng. 33:5; 57:10; Efe. 1:7.)
19
God i Tok Promis
Long Kamapim Paradais
(Luk 23:43)
1. Long Paradais God bai kamapim,
Taim Jisas Krais i bosim graun,
Olgeta sin na rong bai pinis;
Em rausim dai na krai na pen.
(SINGSING GEN)
Bai Paradais i kamap tru.
Long bilip yu ken lukim tu.
Promis blong God em bai kamap;
Krais i truim laik bilong God.
2. Na hia long graun, Krais bai singautim
Ol daiman ol i kirap bek.
Em promis Krais em i bin mekim:
‘Yu bai i stap long Paradais.’
(Singsing Gen)
3. Yes Paradais, Krais promis long en.
Nau em i King i bosim graun.
Yumi tenkyu long God Jehova,
Litimapim nem bilong em.
(Singsing Gen)
(Lukim tu Mat. 5:5; 6:10; Jon 5:28, 29.)
20
Blesim Miting Bilong Mipela
(Hibru 10:24, 25)
1. O Jehova, blesim miting;
Mipela beten long yu.
Tenkyu long dispela miting,
Plis yu salim spirit tu.
2. Helpim mipela long lotu,
Na tingim tru Tok blong yu.
Lainim mipela long rot blong
Autim tok na laikim man.
3. Papa, plis yu blesim miting;
Bai mipela wanbel tru.
Tok na pasin blong mipela
Bai givim biknem long yu.
(Lukim tu Sng. 22:22; 34:3; Ais. 50:4.)
21 Ol Man Bilong Marimari, Ol i Amamas!
(Matyu 5:7)
1. God em i save laikim tru
Ol man bilong marimari.
Long ol lain man ol i tokaut
Long marimari bilong God.
Em givim Jisas long ol man,
Em pe blong baim bek ol man.
Em sori long stretpela man;
Em save yumi no gat strong.
2. Ol man bilong marimari
Bai kisim blesing bilong God.
Krais i kamap long ai blong God,
Na God i lusim sin blong ol.
Nau ol i wok long autim tok
Long marimari bilong God,
Tokim ol man long amamas;
Kingdom nau em i stap pinis.
3. Taim God i skelim ol lain man,
Em bai soim pasin laikim.
Ol bai lukim sori blong em;
Ol tu i sori long ol man.
Yumi mas sori long ol man,
Kamapim dispela pasin.
Jisas na God i soim rot;
Yumi mas sori long ol man.
(Lukim tu Luk 6:36; Rom 12:8; Jems 2:13.)
22 “Jehova Em i Wasman Bilong Mi”
(Song 23, NW)
1. God em i Wasman bilong mi,
So mi no ken pret nabaut.
Em tingim tru ol sipsip blong em;
No gat wanpela nap lus.
Em bringim mi go long wara,
Mi dring na mi kisim strong.
Em bosim wokabaut bilong mi
I go long gutpela rot.
Em bosim wokabaut bilong mi
I go long gutpela rot.
2. Long taim blong bikpela tudak,
Mi no save pret nabaut.
Bikpela Wasman blong mi em stap,
Em was gut long mi oltaim.
Em i welim het bilong mi,
Em pulapim kap blong mi.
Em i mekim gut long mi oltaim,
Bai mi stap long haus blong em.
Em i mekim gut long mi oltaim,
Bai mi stap long haus blong em.
3. Wasman blong mi em gat save!
Mi laik singim song long em,
Na tokim olgeta manmeri
Long gutpela tok blong em.
Ol tok blong em mi mas harim,
Na wokabaut stret oltaim.
Long olgeta de mi givim bel
Long mekim ol wok blong em.
Long olgeta de mi givim bel
Long mekim ol wok blong em.
(Lukim tu Sng. 28:9; 80:1.)
23
Jehova i Strongim Mi
(Aisaia 12:2)
1. O God Jehova, yu strongpela man,
Yu save strongim mipela oltaim.
Mipela autim tok blong yu long graun,
Ol i ken harim tok o sakim tok.
(SINGSING GEN)
Yu bikpela Ston, yu strongim mi tru,
Mi litimapim nem bilong yu.
Gutpela Helpim na Strongpela Haus,
Mi ron i go long yu na hait i stap.
2. Mipela amamas long lait blong yu;
Mipela save long trupela tok.
Mipela kisim skul long Tok blong yu,
Na stap gut oltaim long Kingdom blong yu.
(Singsing Gen)
3. Mi amamas long mekim wok blong yu.
Satan i kros, tasol mi no ken pret.
Mi ken i dai, tasol strongim mi tru,
Na bai mi stap gut long wok bilong yu.
(Singsing Gen)
(Lukim tu 2 Sml. 22:3; Sng. 18:2; Ais. 43:12.)
24
Lukluk Yet Long Prais!
(2 Korin 4:18)
1. Taim ol aipas i lukluk gen,
Na ol yaupas i harim gen,
Ol plaua bai kamap long graun,
Na long ples drai bai wara ron,
Ol lek nogut bai kalap gen,
Na famli bai pas gut wantaim,
Bai yu lukim gutaim long graun,
Sapos yu lukluk yet long prais.
2. Taim ol mauspas i toktok gen,
Na lapun bai yangpela gen,
Na kaikai kamap planti tru,
Na sindaun bai gutpela tru,
Ol pikinini bai singsing,
Ol man bai stap wanbel oltaim,
Bai yu lukim stret kirap bek,
3. Weldok na liklik sipsip tu
Bai stap wantaim na pren gut tru,
Na mangi em bai bosim ol,
Na ol bai harim tok blong em.
Ol man i no bel hevi gen,
Na no gat pret na sik na pen,
Bai yu lukim ol wok blong God,
(Lukim tu Ais. 11:6-9; 35:5-7; Jon 11:24.)
25
Mak Bilong Disaipel Tru
(Jon 13:34, 35)
1. Wanpela lo yumi mas holim
Sapos yumi stap Kristen tru.
Dispela lo i kam long antap;
Yes, em pasin laikim Kristen.
Laikim bilong Jisas i olsem.
Em givim laip blong helpim man.
Yumi mas bihainim rot bilong em;
Bai yumi stap disaipel tru.
2. Pasin laikim em bai stap oltaim,
Em helpim man i no gat strong.
Yumi mas laikim tru ol lain man,
Mekim gut wok olgeta de.
Lain bilong God tasol i soim
Pasin laikim bilong Jisas.
Dispela pasin em bai stap oltaim;
Em i pasin tru blong yumi.
(Lukim tu Rom 13:8; 1 Kor. 13:8; Jems 2:8; 1 Jon 4:10, 11.)
26
Wokabaut Wantaim God!
(Maika 6:8)
1. Mas wokabaut long pasin daun;
Mekim gut long ol man.
Stap gut oltaim long lo blong God,
Na em bai strongim yu.
Mas holimpas ol tok i tru,
Na sakim tok giaman.
Na larim God i soim rot,
Na yu go wantaim em.
2. Mas wokabaut long pasin klin,
Na no ken mekim rong.
Mas kamap strongpela Kristen,
Na God bai laikim yu.
Mas tingim ol klinpela wok
Na pasin em i stret.
Bilip long God bai helpim yu,
Na bai yu strong moa yet.
3. Mas wokabaut gut wantaim God,
Na bilip tru long em.
Oltaim bai yu stap belgut tru,
Em gutpela blesing.
Mas wokabaut gut wantaim God
Na apim nem blong em.
Na laikim wok blong autim tok
Long Kingdom Bilong God.
(Lukim tu Stt. 5:24; 6:9; Fili. 4:8; 1 Tim. 6:6-8.)
27 Stap Gut Long Lain Bilong Jehova!
(Kisim Bek 32:26)
1. Bipo yumi no bin stap bel isi,
Ol lotu giaman i paulim yumi;
Tasol yumi harim tok blong Kingdom
Na yumi stap amamas.
(SINGSING GEN)
Stap gut long Jehova,
Long lain bilong em.
Bai em i was long yu;
Stap klostu long em.
Go tokaut long ol man
Long kingdom blong Krais
Bai kamapim gutaim
Long olgeta hap.
2. Nau yumi laik mekim wok bilong God,
Autim tok blong em long olgeta hap,
Helpim olgeta brata blong yumi
Long givim biknem long God.
(Singsing Gen)
3. Satan i no inap pretim yumi;
Oltaim Jehova i was long yumi.
Maski ol birua i planti tru,
Yumi kisim strong long God.
(Singsing Gen)
(Lukim tu Sng. 94:14; Snd. 3:5, 6; Hib. 13:5.)
28
Nupela Singsing
(Song 98)
1. Amamas long God na mekim nupela singsing.
Tokaut long ol samting em bai mekim bihain.
Apim nem blong God; em bai i strong na winim pait.
Em bai skelim ol man long stretpela pasin.
(SINGSING GEN)
Singsing strong!
Long nupela singsing!
Singsing strong!
Jehova em i King.
2. Singaut amamas long King Jehova, ol lain man!
Givim ona long em, singsing na amamas.
Joinim ol lain man na singsing strong long ai blong
God.
Ol gita na biugel ol i krai gut wantaim.
(Singsing Gen)
3. Yes, solwara tu na samting i stap laip long en.
Olgeta manmeri mas singsing strong wantaim.
Graun na wara tu, ol maunten long olgeta hap,
Ol i ken paitim han na singsing amamas.
(Singsing Gen)
(Lukim tu Sng. 96:1; 149:1; Ais. 42:10.)
29
Stap Gut Long God
(Song 26)
1. Plis skelim mi, Bikpela God blong mi,
Lukim pasin blong mi long stap gut tru long yu.
Yu traim bel na tingting bilong mi,
Na yu ken stretim mi
Na mekim gut long mi.
(SINGSING GEN)
Mi laik tumas bai mi ken holimpas
Stretpela lo blong yu, stap gut oltaim long yu.
2. Mi no ken bung wantaim ol man nogut.
Mi no laik tru long man i sakim tok blong yu.
No ken rausim laip bilong mi wantaim
Ol man blong stil na pait,
Em ol i bikhetman.
(Singsing Gen)
3. Long haus blong yu mi laik i stap oltaim.
Long san na nait bai mi lotuim yu long en.
Mi wokabaut, raunim alta blong yu,
Na tenkyu bilong mi
Ol man bai harim gut.
(Singsing Gen)
(Lukim tu Sng. 25:2.)
30
Jehova i Kirap Mekim Wok King
(Revelesen 11:15)
1. Nau em i gutpela taim; wok king blong God i kirap,
Long Saion em putim Ston bilong em.
Yes, yumi tenkyu long God na singsing na amamas.
Krais Jisas i stap pinis long sia king blong Em.
(SINGSING GEN)
Kingdom bai bringim wanem samting?
Pasin i stret na tok i tru.
Na wanem samting moa bai bringim?
Em laip oltaim na amamas.
Givim biknem long Jehova,
Em i gat pasin laikim.
2. Nau Krais i stap King antap, Amagedon i klostu,
Graun bilong Satan bai no ken i stap.
Nau em taim blong autim tok, ol man i mas harim tok.
Helpim gutpela man bihainim tok blong God.
(Singsing Gen)
3. Yumi stap belgut long Krais, Yes em i gutpela King,
Em mekim wok king long nem bilong God.
Go long bikpela tempel na beten long Jehova.
Klostu nau em bai bosim olgeta samting.
(Singsing Gen)
(Lukim tu 2 Sml. 7:22; Dan. 2:44; Rev. 7:15.)
31
Yumi Witnes Bilong Jehova!
(Aisaia 43:10-12)
1. Ol man wokim god blong ol,
Wokim long diwai na ston.
Ol i no gat save
Long trupela God.
Em i gat bikpela strong,
Ol god giaman i no gat.
Ol i no save long taim bihain.
I no gat witnes bilong ol.
(SINGSING GEN)
Yumi witnes bilong God,
Yumi no pret long tokaut.
Tok profet bilong God em i tru,
Tok bilong em no nap lus.
2. Yumi autim nem blong God,
Tokaut long pasin blong em.
Yumi autim tok long
Kingdom bilong em.
Ol man inap luksave,
Tok tru mekim ol i fri.
Taim ol i strong, ol bai apim nek
Na litimapim nem blong God.
(Singsing Gen)
3. Yumi wok long autim tok,
Litimapim nem blong God.
Tokim ol man nogut,
Ol bai kisim kot.
God bai lusim rong blong ol
Sapos ol i tanim bel.
Mekim wok witnes na amamas,
Tingting long kisim laip oltaim.
(Singsing Gen)
(Lukim tu Ais. 37:19; 55:11; Ese. 3:19.)
32
Sanap Strong, No Ken Surik!
(1 Korin 15:58)
1. Long nau ol lain man i tingting planti,
Ol save pret long samting bai kamap.
Yumi sanap strong na no ken surik,
Stap gut long wok bilong God.
(SINGSING GEN)
Nau yumi mas sanap strong;
Stap longwe long displa graun.
Stadi long tok i tr u,
Stap gut long God oltaim.
2. Planti samting i laik traim yumi.
Yumi nap sakim taim tingting i stret.
Sapos yumi holim tok bilong God,
Em bai lukautim yumi.
(Singsing Gen)
3. Givim bel tru long wok lotu blong God,
Yumi mas insait long wok bilong em.
Autim gutnius, holim strong displa tok.
Klostu las de bai pinis.
(Singsing Gen)
(Lukim tu Luk 21:9; 1 Pita 4:7.)
33
No Ken Pret Long Ol!
(Matyu 10:28)
1. Wok long autim tok blong Kingdom,
Ol manmeri bilong mi.
No ken pret long birua,
Ol man i mas harim tok.
King Krais Jisas i bin rausim
Satan i kam daun long graun.
Krais bai kalabusim Satan,
Pinisim wok bos blong em.
(SINGSING GEN)
No ken guria long ol man
Maski ol i pretim yu.
Mi bai lukautim yu oltaim,
Gutpela wokboi blong mi.
2. Maski birua i planti
Na ol i tok nogut tu
Na ol i tok gris long yu,
Em bilong giamanim yu.
No ken pret, ol soldia blong mi,
Long pasin nogut blong ol.
Mi bai lukautim yupela
I go nap mi winim pait.
(Singsing Gen)
3. Mi bai sambai long yu oltaim,
Mi no nap long lusim yu.
Maski dai i painim yu,
Dai mi nap long daunim tu.
No ken pret long ol birua
Maski ol i kilim yu.
Stap gut yet inap long pinis
Na bai yu ken winim prais!
(Singsing Gen)
(Lukim tu Lo 32:10; Neh. 4:14; Sng. 59:1; 83:2, 3.)
34
Laikim Tru Nem Bilong Yumi
(Aisaia 43:10-12)
1. O God Jehova, yu God bilong oltaim,
Strongpela man na yu stretpela Jas.
God bilong laikim na bikpela save,
Yu mekim wok King long heven antap.
Mipela i laik mekim wok bilong yu;
Autim tok tru long Kingdom bilong yu.
(SINGSING GEN)
Mipela Witnes blong yu, God Jehova.
Mipela laikim tru dispela nem!
2. Mipela wok wantaim long wok bilong yu,
Mipela wanbel na pas gut wantaim.
Wok blong skulim man long tok tru bilong yu
I givim amamas long mipela.
Mipela holim gutpela nem blong yu,
Na litimapim nem holi blong yu.
(Singsing Gen)
(Lukim tu Lo 32:4; Sng. 43:3; Dan. 2:20, 21.)
35
Tenkyu Long God i No Les Kwik
(2 Pita 3:15)
1. O Jehova, yu strongpela God,
Yu laikim tru pasin i stret.
Pasin nogut pulap long graun
Na mekim yu bel hevi tru.
Tasol yu no wok isi isi;
Bai yu pinisim pasin nogut.
Mipela bilip tru na wet,
Tenkyu long yu no les kwik long man.
2. Wan tausen yia long ai bilong yu
Em kain olsem wanpela de.
Nau de blong yu i kam klostu;
Em bai kamap, em no nap leit.
Yu les long olkain pasin nogut.
Yu amamas taim man tanim bel.
Mipela wet nau long gutaim,
Na litimapim nem bilong yu.
(Lukim tu Luk 15:7; 2 Pita 3:8, 9.)
36
“Samting God i Pasim Pinis,
Man i No Ken Katim”
(Matyu 19:5, 6)
1. Long pasin amamas,
Tripela string i pas.
God na ol man i lukim
Tok promis i kamap.
Man i tok promis long God
Long laikim tru meri.
(SINGSING GEN)
‘Samting em God i pasim,
Man i no ken katim.’
2. Long Baibel ol i skul
Long mekim laik blong God.
Ol i laik em helpim ol
Long inapim promis.
Meri tok promis long God
Long laikim man moa yet.
(Singsing Gen)
(Lukim tu Stt. 2:24; Sav. 4:12; Efe. 5:22-33.)
37 Baibel—Spirit Bilong God i Kamapim
(2 Timoti 3:16, 17)
1. Tok Blong God i olsem lait,
Soim rot long taim tudak.
Yumi mas bihainim ol tok,
Em bai mekim yumi stap fri.
2. Tok blong Baibel em i stret,
Skulim man long lo blong God.
Na em i helpim gut ol man,
Na em stretim pasin blong ol.
3. Yumi kisim save long
Pasin laikim bilong God.
Yumi mas ritim tok blong em
Na bai yumi kisim laip tru.
(Lukim tu Sng. 119:105; Snd. 4:13.)
38 Jehova Bai Karim Hevi Bilong Yu
(Song 55)
1. Beten bilong mi, Jehova,
Plis yu putim yau long en.
Harim gut na yu ken bekim;
Helpim mi long lusim pret.
(SINGSING GEN)
God Jehova em bai karim
Hevi bilong yu oltaim.
Em bai was na sambai long yu,
Helpim yu long sanap strong.
2. Sapos mi stap olsem pisin,
Bai mi flai i go na hait.
Man nogut no nap painim mi
Na tromoi ol tok nogut.
(Singsing Gen)
3. Bai mi singaut long Jehova,
Askim em sambai long mi.
Na bai mi ken stap bel isi
Namel long ol birua.
(Singsing Gen)
(Lukim tu Sng. 22:5; 31:1-24.)
39
Bel Isi Bilong Yumi
(Jon 14:27)
1. Litimapim nem blong God,
God blong bel isi.
Em bai mekim dai ol pait,
Kamapim gutaim.
King bilong gutaim em Krais,
Em stap bel isi.
Taim em winim bikpla pait,
Bel isi bai stap.
2. Yumi lusim kros na pait,
Daunim ol tok pait.
Yumi brukim spia na naip,
Bringim bel isi.
Bilong stap bel isi tru,
Mas fogivim rong.
Olsem sipsip bilong Krais,
Yumi kisim skul.
3. Yumi mas stap stret oltaim,
Stap bel isi tru.
Beten askim God long en,
Bai yumi kisim.
Yumi bai stap bel isi
Na pas gut wantaim.
Kingdom bringim bel isi
Long olgeta hap.
(Lukim tu Sng. 46:9; Ais. 2:4; Jems 3:17, 18.)
40
Painim Kingdom Pastaim
(Matyu 6:33)
1. Nau i gat wanpela samting
Amamasim Jehova;
Kingdom long han blong Krais Jisas,
Em bai stretim ol hevi.
(SINGSING GEN)
Wok long painim Kingdom pastaim
Na stretpela pasin tu.
Litimapim nem bilong God
Na stap gut long wok blong em.
2. No ken wari long tumora,
Bai gat kaikai na wara.
God bai lukautim gut yumi
Taim yumi painim Kingdom.
(Singsing Gen)
3. Autim gutnius bilong Kingdom;
Helpim ol gutpela man
Long bilip long God Jehova
Na long Kingdom bilong em.
(Singsing Gen)
(Lukim tu Sng. 27:14; Mat. 6:34; 10:11, 13; 1 Pita 1:21.)
41 Lotuim Jehova Taim Yu Yangpela Yet
(Saveman 12:1)
1. Yangpela man na yangpela meri,
Jehova i save laikim yu tru.
Em i tingim na i lukautim yu
Long rot blong famili na ol pren tu.
2. Givim ona long papa na mama,
No ken resis na tok pait wantaim ol.
Sapos God na ol man i laikim yu,
Taim yu yangpela yu amamas tru.
3. Taim yu yangpela, yu mas tingim God;
Laikim tumas tok i tru bilong em.
Taim yu givim bel long wok bilong God,
Jehova amamas oltaim long yu.
(Lukim tu Sng. 71:17; Kra. 3:27; Efe. 6:1-3.)
42 “Helpim Ol Man i No Gat Strong”
(Aposel 20:35)
1. Planti sin i pulap tru
Long yumi ol man.
Tasol God i tingim tru,
Na laikim yumi.
Em marimari tu;
Laikim blong em i strong.
Yumi tu i mas laikim
Ol taranguman.
2. Yumi man i no gat strong,
Pol i tok olsem.
Krais i baim bek yumi,
Givim laip oltaim.
Ol man i no gat strong,
God inap helpim ol.
Yumi pilim pen blong ol,
Rausim aiwara.
3. Yumi no ken daunim ol
Man i no gat strong.
Yumi inap strongim ol,
Mekim gut long ol.
Yumi mas taitim bun,
Strongim bel bilong ol.
Taim yumi helpim ol man,
Ol bai stap belgut.
(Lukim tu 2 Kor. 11:29; Ais. 35:3, 4; Gal. 6:2.)
43 Was i Stap, Stap Strong, Stap Man Tru
(1 Korin 16:13)
1. Was i stap, stap strong, stap man tru,
Sanap strong nap long pinis.
No ken pret long ol birua,
Yumi bai win tru long pait.
Yumi harim tok bilong Jisas,
Yumi sanap strong na no surik.
(SINGSING GEN)
Was i stap, stap strong, na stap man tru!
Sanap strong nap long pinis!
2. Was i stap, tingting gut oltaim,
Redi long bihainim tok.
Harim tok bilong Krais Jisas,
Yumi kisim long wokboi.
Tingim gut tok bilong ol elda,
Ol i sambai long sipsip blong Krais.
(Singsing Gen)
3. Was i stap, stap wanbel wantaim,
Yumi sambai long gutnius.
Maski ol man i birua,
Yumi no nap lusim wok.
Yumi singaut wantaim ol lain man.
Lukim! De blong Jehova i kam!
(Singsing Gen)
(Lukim tu Mat. 24:13; Hib. 13:7, 17; 1 Pita 5:8.)
44
Amamas Long Bungim Kaikai
(Matyu 13:1-23)
1. Long dispela taim bilong yumi,
Em taim bilong amamas tru.
Ol ensel i bungim ol kaikai,
Na em wok bilong yumi tu.
Krais Jisas i gutpela piksa,
Em go pas long wok autim tok.
Dispela wok em i gutpela tru,
Yumi amamas long mekim.
2. Yumi laikim God na ol lain man,
Olsem na yumi laik wok strong.
Autim tok em bikpela samting,
Klostu nau bai pinis kamap.
Yumi ol wanwok blong Jehova,
Stap belgut na amamas tru.
Wok strong yet long mekim wok blong Kingdom,
Na yumi bai kisim blesing.
(Lukim tu Mat. 24:13; 1 Kor. 3:9; 2 Tim. 4:2.)
45
Kamap Strong!
(Hibru 6:1)
1. Kamap strong, kamap strong, yumi lain blong God!
Em laik bilong God yumi gat gutpela save.
Givim bel tru na lain gut long autim tok.
God bai blesim wok blong yu.
I gat sampela wok bilong yu
Bipo Krais Jisas i mekim tu.
Tingim God na bai yu sanap strong oltaim,
Mekim stretpela pasin.
2. Kamap strong, kamap strong, mekim wok witnes!
Autim gutnius long ol man bilong olgeta lain.
Givim biknem long Jehova God em King,
Taim yu autim tok long man.
Ol man nogut inap pretim yu;
No ken pret, autim yet tok i tru.
Tokim ol, Kingdom nau em i kam pinis.
Autim tok, mekim moa yet.
3. Kamap strong, kamap strong, na yu no ken les.
Mekim gut wok blong yu, i gat planti wok i stap.
Larim spirit blong God i kirapim yu,
Na bai yu amamas tru.
Laikim lain yu autim tok long ol.
Na go bek, bai ol i pilim tok.
Helpim ol man husat i laik kamap strong,
Na tok tru bai lait oltaim.
(Lukim tu Fili. 1:27; 3:16; Hib. 10:39.)
46
Jehova Em i King Bilong Yumi!
(Song 97:1)
1. Givim glori long God Jehova;
Stretpla pasin blong em, heven i tokaut.
Yumi singim ol song blong apim nem blong em
Na tingim bikpela wok blong em.
(SINGSING GEN)
Amamas yu
Jehova em
Amamas yu
Jehova em
heven,
i King
heven,
i King
yu tu
blong
yu tu
blong
graun amamas,
yumi!
graun amamas,
yumi!
2. Autim glori blong em long ol man;
Tokaut long pasin blong em long helpim man.
Jehova em i King; apim nem bilong em.
Brukim skru long sia king bilong em.
(Singsing Gen)
3. Stretpela gavman i stap pinis.
Pikinini blong em i stap king blong en.
Na ol god bilong graun ol bai lus na pinis.
Givim biknem long God wan tasol.
(Singsing Gen)
(Lukim tu 1 Sto. 16:9; Sng. 68:20; 97:6, 7.)
47
Autim Gutnius
(Revelesen 14:6, 7)
1. Tok tru blong Kingdom i stap hait longpela taim.
Tok tru long Krais Jisas kamap ples klia long nau.
Jehova em i gat pasin marimari,
Olsem na em i tingim hevi bilong man.
Em laik bilong em long Jisas mas bosim graun.
Wok bos blong Kingdom bai kamap
Taim God i makim.
Na em bai givim meri long Pikinini,
Em liklik lain i stap long heven wantaim em.
2. Bipo yet ol man save long Kingdom gutnius.
God i laik bai nau ol man i kliagut long en.
Ol ensel bilong em i wok wantaim yumi
Blong helpim yumi long autim tok blong Kingdom.
Yumi gat gutpela wok bilong mekim nau
Long litimapim gutpela nem tru bilong God.
Yumi amamas long stap Witnes bilong em
Na telimautim gutnius long olgeta lain.
(Lukim tu Mak 4:11; Apo. 5:31; 1 Kor. 2:1, 7.)
48
Wokabaut Wantaim Jehova
Long Olgeta De
(Maika 6:8)
1. Wokabaut wantaim Jehova,
Na oltaim mas mekim pasin daun.
Em i soim pasin sori
Long ol man i mekim laik blong em!
God i wokim rot blong yumi
Bilong holim han blong em.
Yumi mas dediket long em;
Stap gut long em inap oltaim.
2. God bai kotim ol manmeri;
Pasin nogut klostu bai pinis.
Ol man birua long yumi,
Dispela em nap pretim yumi.
Tasol God sambai long yumi;
Yumi stap klostu long em
Na bai yumi lotu long em,
Laikim em na stap gut long em.
3. God i salim holi spirit,
Em i givim Tok bilong em tu.
Em i givim kongrigesen,
Na i harim beten blong yumi.
Wokabaut wantaim Jehova,
Na mekim pasin i stret,
Bihainim pasin bilong em,
Na wokabaut long pasin daun.
(Lukim tu Stt. 5:24; 6:9; 1 Kin. 2:3, 4.)
49 Jehova Em i Ples Hait Bilong Yumi
(Song 91)
1. Jehova em i ples hait,
Yumi bilip long em.
Em man blong helpim yumi,
Yumi mas wet long en.
Em bai sambai long lain blong em,
Yumi bilip long strong blong em.
Jehova em i banis
Bilong haitim stretpela man.
2. Bikpela lain bai pundaun
I dai klostu long yu.
Ol man i stap gut long God,
Em bai sambai long ol.
Yu no ken pret na guria,
O ting nau bai yu bagarap.
Long ai bai yu nap lukim
Tasol God bai haitim yu tru.
3. God yet bai lukautim yu
Na bai yu no pundaun.
Bel hevi, pasin blong pret,
I no nap daunim yu.
Long laion tu bai yu no pret;
Na yu inap krungutim snek.
Jehova em i ples hait,
Oltaim em i was long yumi.
(Lukim tu Sng. 97:10; 121:3, 5; Ais. 52:12.)
50 Bihainim Pasin Laikim Bilong God
(1 Jon 4:19)
1. Oltaim Jehova em i save laikim
Yumi man,
Olgeta.
Em i makim rot blong yumi bihainim
Na bai yumi
No ken pundaun.
Kam bihainim rot em God yet i makim,
Em dispela rot i stret long bihainim,
Em rot blong mekim ol man i stap wanbel.
Laikim blong God,
Yes, laikim blong God.
2. Pasin bilong God bai kirapim yumi
Long laikim
Ol brata.
Bai yumi redi long givim ol helpim
Olgeta taim,
Olgeta hap.
Bai yumi lusim rong blong narapela,
Na givim bel tru long laikim olgeta;
Bihainim gut tru pasin blong Jehova
Long laikim tru,
Yes, long laikim tru.
3. Yumi laik mekim wok bilong Jehova
Long oltaim,
Mekim yet.
Yumi amamas long harim tok blong God,
Givim biknem
Long Jehova.
Olsem na yumi laik autim nem blong em,
Bai ol man inap save long tok blong em.
Yumi amamas long mekim wok blong em;
Pasin laikim,
Em pasin laikim.
(Lukim tu Rom 12:10; Efe. 4:3; 2 Pita 1:7.)
51
Yumi Pas Gut Long Jehova
(Josua 23:8)
1. I stret yumi lotu long God Jehova oltaim.
Em mekim ol samting long stretpela pasin tru.
Ol tok em i mekim i no nap lus nating.
Yumi pas gut long God na stap klostu long em.
Yumi daun long em bai yumi stap gut oltaim.
2. Em mekim wok king long stretpela pasin tasol.
Olgeta long heven i givim biknem long em.
Em singautim ol man long kam klostu long em.
Yumi pas gut long God, em i nambawan tru.
I stret yumi givim bel long lotuim em.
3. God em bikpela, heven tu i no nap long em.
Ol birua no nap long sakim o pasim em.
Olgeta promis bilong em bai kamap tru.
Yumi pas gut long God; mekim laik bilong em,
Na yumi laik givim bel tru long em oltaim.
(Lukim tu Lo 4:4; 30:20; 2 Kin. 18:6; Sng. 89:14.)
52
Was Gut Long Bel Bilong Yu
(Sindaun 4:23)
1. Yu mas was gut long bel blong yu
Na bai yu kisim laip.
God i save long bel blong man
Na pasin tru blong em.
Bel inap long giamanim yu
Na inap paulim yu.
So yu mas stiaim bel blong yu,
Na mekim laik blong God.
2. Redim yu yet long painim God
Long rot bilong beten.
Tok tenkyu tru long em oltaim;
Tokaut long hevi tu.
Ol tok God i skulim yumi,
Mas bihainim oltaim.
So yu mas skulim bel blong yu,
Na amamasim God.
3. Mas sakim ol tingting nogut;
Tingim samting i stret.
Larim Baibel i stiaim yu,
Blong strongim bel blong yu.
God i laikim stretpela man;
Yumi save long en,
So lotu tru long em tasol
Na stap pren bilong em.
(Lukim tu Sng. 34:1; Fili. 4:8; 1 Pita 3:4.)
53 Wok Gut Wantaim Long Pasin Wanbel
(Efesus 4:3)
1. Yumi stap long lain bilong God;
Kisim planti blesing long em.
Yumi wanbel na pas wantaim
Na i stap amamas.
Wanbel em i swit moa;
Yumi laikim tru.
Yumi mekim wok bilong God.
Krais i soim rot long yumi.
Yumi harim tok bilong em,
Wanbel na mekim wok.
2. Yumi prea long yumi wanbel
Na mekim gutpela pasin,
Pasin laikim bai kamap strong,
Kamapim amamas.
Wanbel i gutpela,
Em i blesing tru.
Taim yumi laikim ol brata,
God bai kamapim bel isi.
Em helpim yumi long wanbel
Na mekim wok blong em.
(Lukim tu Mai. 2:12; Sef. 3:9; 1 Kor. 1:10.)
54
Yumi Mas i Gat Bilip
(Hibru 10:38, 39)
1. Long rot bilong profet bilong bipo,
God i salim tok long ol man.
Long nau em i tok, ‘Man mas tanim bel,’
Jisas yet i tok olsem.
(SINGSING GEN)
Yumi gat strongpela bilip?
Yumi mas kisim kain bilip.
Em kirapim yumi long wok?
Kain bilip helpim yumi kisim laip.
2. Yumi amamas long bihainim tok
Long autim tok bilong Kingdom.
Yumi no ken pret long autim tok tru;
Yumi no nap haitim tok.
(Singsing Gen)
3. Bilip bilong yumi olsem anka;
Yumi no nap pret na surik.
Maski birua i pait long yumi,
God bai kisim bek yumi.
(Singsing Gen)
(Lukim tu Rom 10:10; Efe. 3:12; Hib. 11:6; 1 Jon 5:4.)
55
Kisim Laip Oltaim!
(Jon 3:16)
1. Long tingting yu ken lukim
Ol lain man i stap wanbel.
Gutaim i stap; Amamas!
I no gat krai na pen.
(SINGSING GEN)
Singaut na belgut tru!
Yu nap long wetim tu.
De i kamap, bai yu nap,
Kisim laip oltaim tru!
2. Ol lapun bai kamap strong,
Skin blong ol bai yangpela.
Hevi blong nau, no gat moa,
Yu no ken krai o pret.
(Singsing Gen)
3. Bai yu stap long Paradais,
Singsing amamas long God.
Olgeta de bai yumi
Tok tenkyu tru long em.
(Singsing Gen)
(Lukim tu Jop 33:25; Sng. 72:7; Rev. 21:4.)
56
Plis Harim Beten Bilong Mi
(Song 54)
1. Papa blong mi, harim song blong mi.
Yu God blong mi, mi wokboi blong yu.
Nem bilong yu i bikpela tru.
(SINGSING GEN)
Jehova, harim beten blong mi.
2. Tenkyu tru God, long dispela de.
Yu givim laip na soim mi rot.
Mi amamas long lukaut blong yu.
(Singsing Gen)
3. Mi laik mekim stretpela pasin!
Plis helpim mi wokabaut long lait.
Givim mi strong long karim hevi.
(Singsing Gen)
(Lukim tu Kis. 22:27; Sng. 106:4; Jems 5:11.)
57 Tingting i Stap Long Bel Bilong Mi
(Song 19:14)
1. Tingting i stap long bel blong mi,
Samting mi tingting tru long en,
Mas gutpela long ai blong yu.
Helpim mi stap long rot i stret.
Taim wari em daunim mi tru
Na mi no stap isi long nait,
Bai mi tingting oltaim long yu
Na long ol samting i stret tru.
2. Samting i tru na klinpela,
Na ol samting i gutpela,
Ol samting i gat gutnem tru,
Bai givim bel isi long mi.
Tingting blong yu i gutpela
Na pulap tru, hat long kaunim!
So mi laik tingim tok blong yu
Na putim gut long bel blong mi.
(Lukim tu Sng. 49:3; 63:6; 139:17, 23; Fili. 4:7, 8; 1 Tim. 4:15.)
58
Dediket Beten Bilong Mi
(Matyu 22:37)
1. Mi givim yu bel blong mi,
Mi laikim tok tru blong yu.
Mi givim tingting blong mi
Bilong mekim wok blong yu.
2. Mi givim hanlek blong mi
Bilong mekim wok blong yu.
Maus bilong mi bai singsing
Bilong litimapim yu.
3. Mi givim laip bilong mi
Long bihainim laik blong yu.
Wokabaut bilong mi mas
Gutpela long ai blong yu.
(Lukim tu Sng. 40:8; Jon 8:29; 2 Kor. 10:5.)
59
Yumi Dediket Long God!
(Matyu 16:24)
1. Jehova em i bringim yumi go long Krais
Bilong stap disaipel bilong em.
Long sia king blong em antap,
Em i salim lait i kam.
Bilip tu i kamap strong;
Yumi daunim laik blong yumi.
(SINGSING GEN)
Yumi dediket long God long laik blong yumi.
Yumi amamas long em na long Krais.
2. Yumi kam long Jehova na prea tokim em,
Yumi bai lotu long em oltaim.
Yumi amamas moa yet,
Amamas long wok wantaim,
Karim nem blong Jehova,
Na autim gutnius blong Kingdom.
(Singsing Gen)
(Lukim tu Sng. 43:3; 107:22; Jon 6:44.)
60
Em Bai Strongim Yu
(1 Pita 5:10)
1. God i bringim yu long rot bilong tok i tru,
Na singautim yu long lait bilong em.
Long bel bilong yu em i lukim laik i stap
Long painim em na long wokabaut stret.
Yu bin promis long mekim laik blong em;
Em helpim yu, na em bai helpim yet.
(SINGSING GEN)
God i baim yu pinis
Long blut bilong Jisas.
Em bai sambai long yu
Em stiaim rot bilong yu
Olsem long bipo yet.
Em bai sambai long yu
2. God i givim Jisas, em bilong helpim yu
Long wanem em i laik bai yu stap gut.
Em amamas, givim ol dispela presen,
So bilip olsem em bai strongim yu.
Em bai tingim pasin laikim blong yu;
Em bai lukautim gut lain bilong Em.
(Singsing Gen)
(Lukim tu Rom 8:32; 14:8, 9; Hib. 6:10; 1 Pita 2:9.)
61
Mi Mas i Stap Wanem Kain Man
(2 Pita 3:11)
1. Hau bai mi ken baim yu long laip yu givim;
Givim wanem presen bilong tenkyu long yu?
Mi lukim mi yet taim mi glasim Tok blong yu.
Plis helpim mi long lukim gut pasin blong mi.
Mi promis long givim laip blong mi long yu.
Bai mi mekim olsem, em long laik blong mi yet.
Mi mekim wok blong yu long bel olgeta;
Mi laik mekim yu i stap belgut tru.
2. Helpim mi long skelim bai mi ken save,
Yu laik stret long mi mas
Stap wanem kain man tru.
Yu laikim tumas ol man i stap gut long yu.
Mi tu mi laik tru long mekim yu stap belgut.
(Lukim tu Sng. 18:25; 116:12; 119:37; Snd. 11:20.)
62
Yumi Bilong Husat?
(Rom 14:8)
1. Nau yu bilong husat?
Na husat em God blong yu?
Em man yu bihainim tok blong em,
Em god blong yu, na yu blong em.
Yu no ken lotuim
Tupela god long seim taim.
Givim bel tru long wanpela tasol
Na mekim wok bilong em.
2. Yes yu bilong husat?
Na husat em God blong yu?
Wanpela tasol em i God tru;
Mas tingting gut, yu mas makim.
Bai yu bihainim yet
Ol bikpela man blong graun?
O bai yu bihainim trupela God
Na mekim laik bilong em?
3. Na mi bilong husat?
Mi blong Jehova tasol.
Papa long heven, mi lotuim;
Mi no ken lusim wok blong em.
Em i bin baim mi;
Bai mi stap gut yet long em.
Krais i bin i dai bilong baim mi;
Nem blong God, mi laik apim.
(Lukim tu Jos. 24:15; Sng. 116:14, 18; 2 Tim. 2:19.)
63
Yumi Stap Gut Long Jehova
(Song 18:25)
1. Yumi stap gut long Jehova,
Laikim em inap oltaim.
Yumi mekim promis long em,
Yumi bilong em tasol.
Tok blong em bai helpim yumi,
Na yumi laik bihainim.
Oltaim yumi bilip long em;
Yumi no laik lusim em.
2. Yumi stap gut long ol brata
Long ol taim bilong hevi.
Tingim gut ol, bilip long ol,
Mekim gutpela pasin.
Yumi onarim ol brata
Na soim rispek long ol.
Tok blong Baibel stiaim yumi
Na yumi pas gut wantaim.
3. Yumi stap gut long ol wasman
I go pas long mekim wok.
Yumi harim tok bilong ol
Taim ol i skulim yumi.
Na blesing bilong Jehova
Mekim yumi sanap strong.
Yumi stap gut long Jehova,
Yumi bilong em tasol.
(Lukim tu Sng. 149:1; 1 Tim. 2:8; Hib. 13:17.)
64
Yu Mas Pilim Tok i Tru
(Sindaun 3:1, 2)
1. Rot bilong tok tru, em tasol nambawan rot.
Tasol em rot yu yet mas makim.
So bihainim tok em Jehova i givim;
Bilip olsem tok blong em tru.
(SINGSING GEN)
Pilim tok i tru.
Pilim tru long bel blong yu.
Kisim amamas
Jehova givim
Taim yu pilim tok i tru.
2. Ol wok yu mekim, na tu hap taim yu lusim
Long mekim wok blong God na Kingdom,
Bai karim kaikai, kamapim planti blesing,
Na laip i stap oltaim bihain.
(Singsing Gen)
3. Yumi liklik tru, God em i winim yumi,
Na tok blong em mas stiaim yumi.
Oltaim wokabaut wantaim Papa long heven;
Kisim gutpela blesing tru.
(Singsing Gen)
(Lukim tu Sng. 26:3; Snd. 8:35; 15:31; Jon 8:31, 32.)
65
Dispela Em i Rot
(Aisaia 30:20, 21)
1. Rot bilong bel isi,
Yu save gut long en.
Em rot bipo
Ol man i wokabaut long en.
Em i rot Jisas i bin
Skulim yu long en.
Em rot blong bel isi,
I stap long Tok Blong God.
(SINGSING GEN)
Em Rot blong laip, dispela em i rot.
No ken lusim, no ken lukluk nabaut!
God em i singaut: ‘Rot em stap hia;
Bihainim Rot, na bai yu kisim laip.’
2. Rot blong pasin laikim,
Yumi laik bihainim.
God yet i soim rot,
Yumi nap painim em.
Pasin laikim blong em
I gutpela tumas.
Rot blong pasin laikim
I stiaim yumi tu.
(Singsing Gen)
3. Rot bilong laip i stap,
Mas lukluk stret long en.
God promis long yumi:
Em nambawan rot tru,
Em rot blong bel isi,
Na pasin laikim tu.
Em rot blong kisim laip;
Yumi tenkyu long God.
(Singsing Gen)
(Lukim tu Sng. 32:8; 139:24; Snd. 6:23.)
66
Mekim Wok Bilong Jehova
Long Bel Olgeta
(Matyu 22:37)
1. O Jehova, King blong oltaim,
Mi laikim yu na bihainim tok.
Mi laik givim bel olgeta
Na stap gut long yu inap oltaim.
Mi bihainim ol lo bilong yu;
Amamas long mekim olsem.
(SINGSING GEN)
O Jehova, God bilong mi,
Mi givim bel olgeta long yu.
2. Graun na mun wantaim ol lain sta
I litimapim nem bilong yu.
Mi laik givim laip bilong mi
Blong mekim wok holi bilong yu.
Mi dediketim mi yet long yu,
Mi laik truim dispela tok.
(Singsing Gen)
(Lukim tu Lo 6:15; Sng. 40:8; 113:1-3; Sav. 5:4; Jon 4:34.)
67 Beten Long Jehova Long Olgeta De
(1 Tesalonaika 5:17)
1. Beten long Jehova, em bai harim.
Dispela em i bikpela blesing.
Toktok long em olsem pren bilong yu,
Putim ol wari long han bilong em.
Beten long olgeta de.
2. Beten long Jehova, tenkyu long laip,
Askim em long lusim sin bilong yu.
Yumi mas autim ol rong blong yumi;
Em save olsem yumi das tasol.
3. Beten long Jehova long taim nogut;
Em Papa i stap klostu long yumi.
Askim em long sambai na helpim yu.
Oltaim bilip long em na no ken pret.
(Lukim tu Mat. 6:9-13; 26:41; Luk 18:1.)
68
Beten Bilong Man i Bel Hevi
(Song 4:1)
1. Jehova, mi askim yu long harim beten blong mi.
Bel hevi i daunim mi tru, tingting i bagarap.
Mi wari na tingting planti na daunim het blong mi.
O God blong mekim isi bel,
Plis sambai nau long mi.
(SINGSING GEN)
Plis helpim mi long sanap strong
Na long oltaim lukluk long prais.
Taim mi wari, mi kam long yu.
Jehova God, plis strongim mi.
2. Tok bilong yu i tekewe bel hevi bilong mi.
Em kamapim ol tingting mi yet hatwok long autim.
Plis strongim mi long bilip long ol tok bilong Baibel.
Helpim mi long pilim bikpela laikim bilong yu.
(Singsing Gen)
(Lukim tu Sng. 42:6; 119:28; 2 Kor. 4:16; 1 Jon 3:20.)
69
Skulim Mi Long Pasin Bilong Yu
(Song 25:4)
1. O God Jehova, mipela bung wantaim;
Yu yet bin singautim mipela.
Baibel i olsem lam bilong soim rot,
Em as bilong skul i kam long yu.
(SINGSING GEN)
Skulim mi gut long pasin bilong yu;
Oltaim mi laik harim tok bilong yu.
Helpim mi long mekim pasin i stret,
Na kisim amamas long lo blong yu.
2. Savetingting blong yu i nambawan tru;
Kot bilong yu mekim gut long man.
Baibel i pulap long planti savetok,
Mipela inap bilip long en.
(Singsing Gen)
(Lukim tu Kis. 33:13; Sng. 1:2; 119:27, 35, 73, 105.)
70
‘Skelim Gut Ol Bikpela Samting’
(Filipai 1:10)
1. Long nau yumi nidim savetingting
Blong tingim samting i tru,
Na save long ol bikpela samting,
Ol wok yumi mas mekim!
Yumi mekim pasin i stret,
God i belgut;
Yumi amamas long en. Na oltaim
Beten, stadi.
Yes, em ol bikpela samting tru.
2. Em bikpela samting long autim tok
Long gutnius bilong Kingdom,
Long painim ol sipsip bilong God,
Helpim ol kam long rot blong em.
Ol mas harim; ol mas save.
Yumi soim
Pasin blong laikim ol na helpim ol
Long kamap fri!
Em wok i bikpela samting tru.
3. Taim yumi mekim bikpela samting,
Bilip bai strongim yumi.
Bai yumi kisim bel isi tru
Na wetim gutpela taim tu.
Yumi pilim pasin laikim
Bilong ol pren.
Na kisim ol gutpela blesing tru
Long taim yumi
Mekim ol bikpela samting tru!
(Lukim tu Sng. 97:10; Mat. 22:37; Jon 21:15-17; Apo. 10:42.)
71
Holi Spirit—Presen Bilong God
(Luk 11:13)
1. Papa long heven, God bilong sori,
Yu winim tru bel blong mipela.
Daunim ol hevi mipela karim,
Spirit blong yu ken givim bel isi.
2. Mipela sot long gutpela pasin;
Sampela taim mipela i paul.
Mipela askim: Inap yu givim
Spirit blong yu long stiaim mipela?
3. Taim bel hevi i daunim mipela,
Spirit blong yu em bai strongim bel.
Bai mipela flai olsem tarangau;
Mipela laik kisim spirit blong yu.
(Lukim tu Sng. 51:11; Jon 14:26; Apo. 9:31.)
72
Kisim Pasin Laikim
(1 Korin 13:1-8)
1. Ol gutpela pasin bilong God,
Yumi laik bihainim gut oltaim.
Namel long ol dispela pasin,
Pasin laikim em nambawan tru.
Gutpela save bai lus nating
Sapos i no gat pasin laikim.
Yumi mas kisim pasin laikim
Na God bai amamas long yumi.
2. Taim yumi skulim ol manmeri,
Save tasol no nap helpim ol.
Yumi mas soim pasin laikim
Long tok na pasin yumi mekim.
Pasin laikim i helpim yumi
Long karim olgeta kain hevi.
So taim hevi i painim yumi,
Pasin laikim bai strongim yumi.
(Lukim tu Jon 21:17; 1 Kor. 13:13; Gal. 6:2.)
73 Laikim Tru Ol Arapela Long Bel Olgeta
(1 Pita 1:22)
1. Bel i mas kirapim yumi
Long kamapim pasin laikim;
Pilim tru tingting bilong ol
Brata bilong yumi.
Yumi gat rot long kamapim
Gutpela pasin blong yumi.
Bihainim pasin bilong God
Long laikim tru ol man.
Yumi toktok gut long ol,
Givim samting ol i sot long en,
Na ol gutpela tingting
I stiaim yumi oltaim.
Yumi soim rispek long ol,
Na oltaim mekim gut long ol.
Yumi stap gut long ol brata,
No tingim rong bilong ol,
Lukautim pasin wanbel.
2. Yumi laikim tru ol brata,
Yumi no bel nogut long ol;
Yumi nap bilip tru long ol
Brata bilong yumi.
Yumi laik strongim pasin pren,
Mekim tok amamas long ol.
Bung wantaim ol long ol miting,
Kisim nupela strong.
Yumi save mekim rong;
Tok nogut nap bagarapim bel.
So mekim pasin isi
Long ol man God i laikim.
Bai yumi stap gutpela pren,
Strongim tru dispela pasin.
Bihainim tru pasin laikim,
Litimapim nem blong God,
Bihainim pasin blong em.
(Lukim tu 1 Pita 2:17; 3:8; 4:8; 1 Jon 3:11.)
74
Amamas Long Jehova
(Nehemia 8:10)
1. Ol mak blong nau ol i tokaut long Kingdom.
Autim gutnius long ol lain man.
Kirap sanap; klostu bai yumi stap fri
Na God bai kisim bek yumi!
(SINGSING GEN)
Yumi amamas long God Jehova.
Singsing na singaut amamas.
Yumi wetim gutpela taim bai kamap,
Na tok tenkyu tru long God antap.
Yumi amamas long God Jehova,
Tokim ol man long nem blong em.
Taim yumi givim bel tru long God na King,
Yumi amamas long wok blong em.
2. Lukluk long God, yupela lain bilong em.
No ken poret, em i gat strong.
Sanap singaut olsem klaut i pairap strong;
Singim song bilong amamas!
(Singsing Gen)
(Lukim tu 1 Sto. 16:27; Sng. 112:4; Luk 21:28; Jon 8:32.)
75 Ol Samting Yumi Amamas Long En
(Matyu 5:12)
1. Ol samting blong amamas long en
I planti na gutpela tru.
Ol man bilong olgeta lain man
I bung wantaim yumi long nau.
Amamas bilong yumi kam long
Ol tok bilong God long Baibel.
Oltaim yumi kisim skul long en,
Na bilip long tok bilong en.
Ol samting i givim amamas,
Kirapim tru bel blong yumi.
Maski ol hevi painim yumi,
Jehova bai strongim yumi.
(SINGSING GEN)
Amamas long God Jehova
Na ol samting em i wokim.
Ol wok bilong em, na tingting blong em,
Ol i nambawan olgeta!
2. Amamas long lukim solwara,
Na skai, na ol samting long graun.
Yumi kirap nogut long lukim
Ol samting em yet i wokim.
Amamas long mekim wok witnes,
Autim tok long Kingdom Blong God.
Tokaut long ol blesing bilong en
Long olgeta hap bilong graun.
Gutaim bilong amamas oltaim,
Em wok long kam klostu kwiktaim.
Nupela graun, nupela heven,
Bai kamapim gutaim oltaim.
(Singsing Gen)
(Lukim tu Lo 16:15; Ais. 12:6; Jon 15:11.)
76
Jehova, God Bilong Bel Isi
(Filipai 4:9)
1. God bilong bel isi,
God bilong pasin laikim,
Plis yu helpim mipela long
Ol skultok bilong yu
Stiaim mipela long laip.
Plis yu givim long mipela
Bel isi em i win tru.
2. Bel isi i no stap
Namel long ol man blong graun,
Tasol lain blong yu i kisim
Bikpela bel isi tru.
Mipela tok promis
Long mekim laik bilong yu.
Blesim hatwok blong mipela
Na givim moa bel isi.
3. Spirit i helpim gut,
Tok blong yu i givim lait.
Yu lukautim gut mipela
Namel long graun i tudak.
Bel isi bilong yu
Mekim isi tingting tu,
Na bai bel blong mipela nap
Long stap isi tru oltaim.
(Lukim tu Sng. 4:8; Fili. 4:6, 7; 1 Tes. 5:23.)
77
Fogivim Narapela
(Song 86:5)
1. Jisas givim ofa,
Em presen i kam long God,
Bilong lusim sin blong yumi,
Bilong pinisim indai.
Sapos yumi tanim bel tru,
Askim God long lusim rong.
Em bai fogivim yumi long
Rot blong ofa bilong Krais.
2. Yumi mas bihainim
Pasin bilong God antap.
Lusim rong bilong ol brata,
Tingim ol na laikim ol.
Yumi no les kwik long brata,
No ken bel nogut long ol;
Yumi givim biknem long ol,
Kamapim pasin laikim.
3. Yumi mas kamapim
Pasin marimari tu.
Dispela bai pasim yumi
Long bel nogut; heitim man.
Bihainim pasin bilong God,
Laikim blong em i win tru.
Bai yumi lusim tru ol rong;
Stap wankain olsem God tru.
(Lukim tu Mat. 6:12; Efe. 4:32; Kol. 3:13.)
78
No Ken Les Kwik
(Galesia 5:22)
1. King blong yumi, Jehova,
I tingim tru nem bilong em.
Em i gat bikpela laik
Long stretim bek gutnem blong em.
Inap planti tausen yia,
Em bin daunim kros blong em;
Em isi tru long ol man,
Em i no les long ol.
Em i gat bikpela laik
Long ol man i ken kisim laip.
Olsem na i gat as tru
Na em i no les kwik long man.
2. Yumi mas kisim pasin
Bilong no ken les kwik long man.
Bai yumi stap bel isi,
Na sakim pasin bilong kros.
Tingim gutpela pasin
Bilong narapela man.
Holim stretpela tingting
Long taim bilong hevi.
Holi spirit i save
Kamapim gutpela pasin,
Yumi no les kwik long man,
Yumi bihainim Jehova.
(Lukim tu Kis. 34:14; Ais. 40:28; 1 Kor. 13:4, 7; 1 Tim. 2:4.)
79
Pasin Helpim i Gat Strong
(Efesus 4:32)
1. Yumi amamas tru long lain long God
Long rot bilong Baibel.
Maski God em i strong tru na bikman,
Em i save helpim yumi.
2. Krais i singautim man i bel hevi,
Long kam kisim helpim.
Em i no givim hevi long ol man;
Em i givim nupela strong.
3. Yumi pilim tru pasin bilong Krais
Na blong God tu wantaim.
Helpim olgeta man na meri tu
Na pilim hevi bilong ol.
(Lukim tu Mai. 6:8; Mat. 11:28-30; Kol. 3:12; 1 Pita 2:3.)
80
Gutpela Pasin
(Song 119:66)
1. Gutpla pasin blong Jehova
I mekim yumi belgut.
Em i Papa stap long heven,
Mekim gut long yumi man.
Marimari tru long yumi
Maski yumi man blong graun.
I stret yumi lotu long em,
Mekim wok blong em oltaim.
2. Yumi piksa bilong God yet,
Bai yumi ken bihainim
Ol pasin tru bilong em yet,
Na gutpela pasin tu.
Yumi laik tru long kamapim
Gutpla pasin bilong em.
Na beten long em i givim
Holi spirit long yumi.
3. Ol wanbilip bilong yumi,
Yumi laik tingim moa yet,
Tasol yumi mas mekim gut
Long ol narapela tu.
Taim yu autim tok blong Kingdom
Long olgeta manmeri,
Mekim wankain pasin long ol,
(Lukim tu Sng. 103:10; Mak 10:18; Gal. 5:22; Efe. 5:9.)
81
“Mekim Bilip Bilong Mipela
i Kamap Bikpela Moa”
(Luk 17:5)
1. O God Jehova, mipela i gat sin,
Ol laik nogut i stap insait long bel.
Wanpela sin inap daunim mipela:
Bilip i sot long yu God i gat laip.
(SINGSING GEN)
Plis Jehova, yu ken helpim mipela,
Mekim bilip i kamap bikpela.
Yu sori long mipla na givim bilip.
Mipela bai onarim nem blong yu.
2. O God, mipela i mas bilip long yu
Na bai yu nap orait long mipela.
Bilip tasol bai lukautim mipela.
Mipla no pret long wetim taim bihain.
(Singsing Gen)
(Lukim tu Stt. 8:21; Hib. 11:6; 12:1.)
82 Bihainim Pasin Daun Bilong Krais
(Matyu 11:28-30)
1. Krais Jisas i winim tru olgeta man;
Em i no hambak o laik kisim biknem.
God i givim bikpela wok tru long em,
Tasol oltaim em i soim pasin daun.
2. Yupela ol lain i karim ol hevi,
Em singautim yupela long kam long em.
Taim yu painim Kingdom, bai yu kisim strong.
Em i laikim ol man i gat pasin daun.
3. Jisas i tok, ‘Yupela brata brata.’
Olsem na no ken traim long kisim biknem.
God i tingim ol man i gat pasin daun.
Em tok promis olsem ol bai kisim graun.
(Lukim tu Mat. 5:5; 23:8; Snd. 3:34; Rom 12:16.)
83
Yumi Mas Bosim Bel
(Rom 7:14-25)
1. Yumi laikim God long bel olgeta;
Tasol sin em i stap, so mas bosim bel.
Laik bilong bel i bringim hevi.
Holi spirit em i givim laip.
2. Oltaim Satan i wok long traim yumi,
Na lo blong sin inap long paulim yumi.
Strong blong tok tru i winim tru sin.
God em bai helpim yumi long win.
3. Pasin blong yumi apim nem blong God,
So yumi mas mekim stretpela pasin.
Olgeta de mas tingim olsem:
Yumi gat wok long bosim gut bel.
(Lukim tu 1 Kor. 9:25; Gal. 5:23; 2 Pita 1:6.)
84
‘Mi Laik Mekim’
(Luk 5:13)
1. Krais laikim tru yumi ol man,
Em lusim heven na i kam
Bilong i stap long graun
Na mekim wok blong
Autim gut tok tru long ol man.
Em strongim bel bilong ol man
Na oraitim olkain sikman.
Na ol wok bilong God em inapim
Na tok olsem: ‘Mi laik mekim.’
2. God givim wokboi bilong em
Bilong helpim yumi ol man.
Yumi amamas tru
Long wok gut wantaim,
Helpim ol man long kisim laip.
Taim yu mekim gut long ol man,
Ol i save yu laikim ol.
Sapos wanpis i laik kisim helpim,
Orait yu tok: ‘Mi laik mekim.’
(Lukim tu Jon 18:37; Efe. 3:19; Fili. 2:7.)
85 Jehova Bai Givim Gutpela Pe Tru
(Matyu 19:29)
1. Taim yumi givim bel long wok bilong God,
Em luksave long dispela.
Em lukim yumi daunim laik blong yumi
Bilong mekim wok bilong em.
Sapos yu lusim haus o famli o pren,
God i save long dispela.
Em givim yumi ol brata na sista
Na laip i stap oltaim bihain.
(SINGSING GEN)
Jehova bai mekim gut bel blong yu;
Em bai givim gutpela pe long yu.
Yu hait aninit long wing blong em.
Em i stap gut long yu, em i tingim yu.
2. Sampela i stap singel long laik blong ol;
Na sampela i no gat rot.
Ol i painim Kingdom Bilong God pastaim;
Givim bel tru long Jehova.
Ol i bin wokim rot bilong stap singel,
Tasol ol nap pilim wanpis.
Yumi tingim pasin blong ol long stap gut,
Na yumi laik helpim tru ol.
(Singsing Gen)
(Lukim tu Het. 11:38-40; Rut 2:12; Mat. 19:12.)
86 Ol Gutpela Meri, Ol Sista Kristen
(Rom 16:2)
1. Rut, Sara, Esta, Maria, na Hana,
Olgeta i stap gut long man bilong ol.
Ol i givim bel tru long lotuim God.
Baibel i kamapim stori bilong ol.
I gat planti moa em God i laikim,
Tasol stori blong ol
I no stap long Baibel.
2. Gutpela pasin, sori, na i no pret,
Yumi olgeta i mas kamapim tu.
Tingim gutpela pasin blong ol meri;
Ol i stap gutpela piksa long yumi.
Ol sista, bihainim pasin blong ol,
Mekim gutpela wok
Na kisim amamas.
3. Ol maritmeri, mama, susa, wido,
Amamas long mekim wok blong yupela.
Yupela bilas gut na gat pasin daun,
God orait long yupela; no ken wari.
Jehova bai lukautim yupela.
Sanap strong na bilip,
Prais i kam klostu nau.
(Lukim tu Fili. 4:3; 1 Tim. 2:9, 10; 1 Pita 3:4, 5.)
87
Nau Yumi Wanpela Bodi
(Stat 2:23, 24)
1. Nau yu sanap hia wantaim mi,
Mi amamas, mi no moa wanpis.
God givim poroman long mi,
Lewa tru bilong mi.
Nau yumi wan, na yumi ken
Mekim ol samting God i laikim.
Yumi maritman na meri,
Yumi stap famili.
Yumi laik mekim wok bilong God.
Em i soim rot,
Pasin laikim bai stap strong.
Yumi truim ol tok promis
Na bai yumi stap amamas tru.
Yumi onarim Jehova,
Na plis stap wantaim mi lewa.
(Lukim tu Stt. 29:18; Sav. 4:9, 10; 1 Kor. 13:8.)
88
Ol Pikinini
—Gutpela Samting God i Givim
(Song 127:3-5)
1. Taim man em i kamap papa
Na meri em karim pikinini,
Em i samting we i dia tumas,
Na em i no blong ol tasol.
Em presen i kam long Jehova;
Em i As blong pasin laikim na laip.
Em soim rot long papamama
Na bai ol i ken mekim gut wok.
(SINGSING GEN)
Yu bin kisim gutpela samting;
Yes, em samting i dia tumas.
Plis givim em gutpela presen:
Skulim em long ol lo blong God.
2. Olgeta tok blong Jehova,
Yu mas pilim tru long bel bilong yu.
Pikinini tu i mas harim;
Em wok blong yu yet long skulim.
Plis skulim em taim yu wokabaut,
Taim yu kirap, na taim yu malolo.
Long taim bihain em bai tingim yet,
Em bai stap gut, na kisim blesing.
(Singsing Gen)
(Lukim tu Lo 6:6, 7; Efe. 6:4; 1 Tim. 4:16.)
89
Jehova i Tok: ‘Pikinini,
Kisim Gutpela Tingting’
(Sindaun 27:11)
1. Yes yangpela plis givim
Bel blong yu long mi,
So birua bilong mi
Em bai luksave,
Yu amamas long lotu
Long mi wan tasol;
Yu soim olgeta man
Yu laikim mi tru.
(SINGSING GEN)
Yes yangpela, mi laikim yu tru,
Bihainim gutpela tingting.
Long laik blong yu yet lotu long mi
Na litimapim nem blong mi.
2. Amamas long givim
Yu yet long wok blong mi,
Na maski yu pundaun,
Mi yet bai apim yu.
Na sapos sampela
I no stap gut long yu,
Belgut long wanem
Oltaim bai mi laikim yu.
(Singsing Gen)
(Lukim tu Lo 6:5; Sav. 11:9; Ais. 41:13.)
90 Waitpela Gras i Gutpela Samting Tru
(Sindaun 16:31)
1. Sampela bratasista
I lapun pinis.
Na ol i sanap strong yet,
Holimpas bilip.
Bodi em no gat strong moa;
Poroman i dai.
Helpim ol long bilip strong
Long laip tru bihain.
(SINGSING GEN)
Papa plis yu tingim,
Ol bilip long yu.
Helpim ol long save
Yu laikim tru ol.
2. Waitpela gras bilong ol
I gutpela tru
Taim lapun i bin mekim
Stretpela pasin.
Bipo ol tu bin i stap
Yangpla manmeri.
Ol i bin givim bel tru
Long wok bilong God.
(Singsing Gen)
(Lukim tu Mat. 25:21, 23; Sng. 71:9, 18; Snd. 20:29; Luk 22:28; 1 Tim. 5:1.)
91
Papa na God na Pren Bilong Mi
(Hibru 6:10)
1. Laip bilong nau i hatwok,
Na yumi krai, yumi pilim pen.
Tasol bai mi tok olsem,
“Laip i gat mining tru.”
(SINGSING GEN)
God em i no man nogut,
Em tingim pasin mi bin mekim.
Em i stap klostu long mi,
Olsem na mi no stap wanpis.
Yes God i lukautim mi
Na sambai long mi inap oltaim.
Yes Jehova em i Papa,
Na God na Pren.
2. Mi no stap yangpela moa;
Nau em i taim bilong ol hevi.
Tasol mi bilip olsem
Gutaim bai kamap tru.
(Singsing Gen)
(Lukim tu Sng. 71:17, 18.)
92
“Autim Tok Bilong Em”
(2 Timoti 4:2)
1. God givim tok long yumi nau;
Em samting yumi mas bihainim tru.
Oltaim yumi redi long tokaut
Long as bilong bilip bilong yumi.
(SINGSING GEN)
So autim Tok,
Olgeta i mas harim!
Autim Tok,
Pinis i kam klostu tru.
Autim Tok,
Helpim ol man long save.
Autim Tok,
Olgeta hap!
2. Bai i gat taim bilong hevi;
Pasin birua nap daunim yumi.
Maski em hatwok long autim tok,
Yumi bilip God bai helpim yumi.
(Singsing Gen)
3. Na i gat gutpela taim tu,
Na yumi gat wok long skulim ol man.
Tokaut long rot bilong kisim laip
Na litimapim nem blong Jehova.
(Singsing Gen)
(Lukim tu Mat. 10:7; 24:14; Apo. 10:42; 1 Pita 3:15.)
93
“Lait Bilong Yupela
i Mas Stap Ples Klia”
(Matyu 5:16)
1. Jisas i tok pinis,
Lait mas stap ples klia,
Olsem san i lait gut
Long olgeta lain.
Tok Blong God i givim
Gutpela save.
Mekim gutpela pasin,
Lait bai stap ples klia.
2. Gutnius bilong Kingdom
Givim lait long man,
Mekim gut bel blong man
I gat bel hevi.
Lait blong Tok Bilong God
I stiaim yumi.
Mekim ol gutpela tok,
Lait bai lait moa yet.
3. Ol gutpela pasin
I stap olsem lait,
Mekim ol man pilim
Tok yumi autim.
Oltaim lait blong yumi
I mas lait i stap
Na bai God i amamas
Long wok blong yumi.
(Lukim tu Sng. 119:130; Mat. 5:14, 15, 45; Kol. 4:6.)
94
Amamas Long
Ol Gutpela Presen God i Givim
(Jems 1:17)
1. Olgeta samting Jehova
I givim long yumi
I nambawan na gutpela
Na ol i dia tumas.
Em no save senis senis,
Em stap wankain oltaim.
Jehova em Man Bilong Givim,
Na As blong laip na lait.
2. Yumi no ken tingting planti
Long klos na long kaikai.
God i save givim kaikai
Long liklik pisin tu.
Ol samting no gat as blong en,
Em yumi mas sakim.
Ol samting yumi kisim long God,
Em inap long yumi.
3. Biknem na mani kago tu
I no nap helpim man.
Yumi mas yusim taim i stap
Long mekim gutpla wok.
Bungim ol samting long heven,
Em no nap bagarap.
Amamas long ol presen blong God
Na stap belgut oltaim.
(Lukim tu Jer. 45:5; Mat. 6:25-34; 1 Tim. 6:8; Hib. 13:5.)
95
“Traim na Lukim Olsem
Jehova i Gutpela Tru”
(Song 34:8, NW)
1. Wok bilong God yumi mekim
Em i bikpela samting tru.
Yumi givim taim na bel olgeta
Long wok bilong God Jehova.
(SINGSING GEN)
Baibel i singaut: ‘Kam na lukim,
Jehova i gutpela.’
Taim yumi givim bel olgeta,
Bai yumi kisim blesing.
2. Ol lain bilong fultaim sevis
Ol i kisim planti blesing.
Ol i bilip God bai lukautim ol,
Na ol i stap belgut oltaim.
(Singsing Gen)
(Lukim tu Mak 14:8; Luk 21:2; 1 Tim. 1:12; 6:6.)
96
Painim Ol Gutpela Man
(Matyu 10:11-15)
1. Yumi autim tok long ol man long Kingdom.
Yumi tingim tok blong Jisas:
‘Wanem hap yu go long en, mas painim man
I hangre long kisim tok i tru.
Mekim gutpela tok long man bilong haus,
Bai yu mekim ol i bel isi.
Sapos sampela i no laik kisim yu,
Rausim das long lek na lusim ol.’
2. Ol man harim yu ol harim tok blong God.
Em bai opim bel bilong ol.
Sapos ol i gat gutpela tingting tru,
Ol bai laik long mekim wok blong God.
No ken wari long ol tok yu bai mekim,
God bai helpim yu long toktok gut.
Taim yu mekim ol gutpela tok tasol,
Ol man bai amamas long harim.
(Lukim tu Apo. 13:48; 16:14; Kol. 4:6.)
97
Kirap, Yupela Wokman
Bilong Kingdom!
(2 Timoti 4:5)
1. Kirap autim tok bilong Kingdom
Long olgeta lain blong graun.
Long bel yumi laikim tru ol man,
Helpim ol long sanap strong.
Yumi kisim gutpela wok tru;
Yumi amamas long mekim.
Go aut na wok yet long autim tok;
Autim nem holi bilong God.
(SINGSING GEN)
Kirap, tokaut strong long
Kingdom long olgeta hap blong graun.
Kirap, stap gut long Jehova
Na mekim wok bilong em.
2. Ol lain blong autim tok i wok strong
Bilong kisim laip oltaim.
Yumi bihainim lek blong Jisas,
Na kisim nupela strong.
Gutnius bilong Kingdom Bilong God
Em samting ol man mas harim.
Jehova givim strong long yumi
Na yumi no pret long ol man!
(Singsing Gen)
3. Lain remnan na bikpela lain man,
Yumi mas wok gut wantaim.
Lapun, yangpela, man na meri,
Mas stap strong long tok i tru.
Wok bilong yumi em i holi;
Yumi no ken mekim nating.
Mekim pasin i klin na holi
Na God bai orait long yumi.
(Singsing Gen)
(Lukim tu Sng. 23:4; Apo. 4:29, 31; 1 Pita 2:21.)
98
Planim Sid Bilong Kingdom
(Matyu 13:4-8)
1. Yupela wokboi blong Jehova,
Givim bel olgeta long em.
Kam mekim wok bilong Bikpela,
Na bihainim lek bilong em.
Kam planim ol sid bilong tok i tru
Long graun inap karim kaikai.
Gutpela wok bai givim biknem long God
Taim yu givim bel long autim tok.
2. Sampela taim ol sid yu planim
Bai go long graun i gat ol ston.
Ating em i gro inap hap taim,
Tasol em i no putim rop.
Taim rop i gat nil i daunim ol tok,
Pasin blong graun i pulim ol.
Tasol sampela sid bai karim kaikai
Long graun i gutpela na i klin.
3. Yumi yet tu inap long mekim
Na ol sid i karim kaikai.
Laikim tru ol man na no ken les,
Na bai ol i pilim gut tok.
Yu nap helpim ol na ol i no pret;
Mekim long gutpela pasin.
Na bai yu ken amamas long wok blong yu
I karim gutpela kaikai tru.
(Lukim tu Mat. 13:19-23; 22:37.)
99
Givim Biknem Long
Nupela King Bilong Graun
(Revelesen 7:9)
1. Jisas na ol brata blong em
I bungim bikpela lain,
Ol i bilong kain kain kantri,
Tokples, na kain kain skin tu.
Kingdom Blong God i stap pinis;
Laik blong em bai kamap long graun.
Dispela i strongim tru yumi,
Na mekim yumi amamas.
(SINGSING GEN)
Givim biknem long Jehova
Na long Jisas.
Ol helpim yumi long kamap fri.
Bai yumi nap long stap oltaim long graun
Na mekim wok bilong God.
2. Yumi givim biknem long Krais,
Singaut amamas long em.
Em bai mekim laik bilong God
Na kisim bek ol lain man.
Yumi wetim gutpela taim:
No gat samting blong pretim man,
Ol daiman bai kirap long matmat.
Em taim blong amamas oltaim!
(Singsing Gen)
(Lukim tu Sng. 2:6; 45:1; Ais. 9:6; Jon 6:40.)
100
Yumi Ami Bilong Jehova!
(Joel 2:7)
1. Ami bilong Jehova
Lusim kalabus,
Autim tok bilong Kingdom;
Krais i king bilong en.
Yumi volantia long wok
Na stap gut long en.
Yumi strong long mekim,
Yumi no ken pret.
(SINGSING GEN)
Ami bilong Jehova,
Wanbel wantaim Krais,
Amamas long tokaut,
“God em i stap King.”
2. Wokboi bilong Jehova
Painim ol sipsip;
Ol i lus na stap wanpis,
Na krai na bel hevi.
Yumi wok long helpim ol
Go bek lukim ol;
Yumi singautim ol
Kam long Haus Kingdom.
(Singsing Gen)
3. Ami bilong Jehova,
Jisas i bosim.
Olgeta soldia blong en
Redi long mekim pait.
Yumi mas was gut oltaim
Na wokabaut stret.
Taim hevi i kamap,
Yumi sanap strong.
(Singsing Gen)
(Lukim tu Efe. 6:11, 14; Fili. 1:7; File. 2.)
101 Kamapim Tok i Tru Bilong Kingdom
(Aposel 20:20, 21)
1. Bipo yumi no bin save
Long rot bilong stap Kristen tru,
Tasol God i salim lait;
Tok tru blong Kingdom i kamap.
Yumi save long laik blong God,
Long mekim wok bilong Kingdom
Na tokaut long Jehova
Na litimapim nem holi blong em.
Yumi autim tok long ol man
Long haus blong ol na long ol rot.
Yumi mekim Baibel stadi
Na lainim ol long tok i tru.
Yumi go long olgeta hap,
Strongim lotu tru bilong God.
Yumi wok wanbel wantaim
Inap long God i tok wok i pinis.
(Lukim tu Jos. 9:9; Ais. 24:15; Jon 8:12, 32.)
102 Kam Mekim Singsing Bilong Kingdom!
(Song 98:1)
1. Dispela song em song bilong winim pait,
Litimapim God tru i stap antap.
Tok bilong en strongim bilip blong yumi.
Kam singsing tu na tokaut long ol man:
(SINGSING GEN)
‘Kam lotuim God tru antap.
Krais i stap king; Yumi tokaut!
Kam na lainim dispela song blong Kingdom;
Lotu long God, na givim Em biknem.’
2. Dispela song em i tokaut long Kingdom.
Nau Krais Jisas i wok long bosim graun.
Nupela lain nau em i kamap pinis,
Em liklik lain i amamas long Krais:
(Singsing Gen)
3. Song blong Kingdom, yumi inap long lainim.
Tok bilong en em i gutpela tru.
Nau planti man i save pinis long en,
Ol i tokim ol narapela man:
(Singsing Gen)
(Lukim tu Sng. 95:6; 1 Pita 2:9, 10; Rev. 12:10.)
103
“Long Ol Haus”
(Aposel 20:20)
1. Long haus bilong olgeta man
Yumi mas autim tok.
Em rot blong givim kaikai long
Ol sipsip bilong God.
Dispela gutnius blong Kingdom,
Jisas i tok long en,
Ol yangpela wantaim lapun
I autim long ol man.
2. Long haus bilong olgeta man
Yumi mas tokim ol.
Ol man i laik i stap oltaim
Mas kolim nem blong God.
Tasol sampela man i no
Bin harim nem blong God.
Orait yumi mas lainim ol
Long nem i holi moa.
3. Orait yumi mas autim tok
Long gutnius blong Kingdom.
Ol i laik harim o nogat,
Em samting bilong ol.
Wok strong long autim tok blong God
Na nem bilong em tu.
Long haus bilong olgeta man,
Painim ol sipsip tru.
(Lukim tu Apo. 2:21; Rom 10:14.)
104 Kam, Yumi Amamas Long Jehova
(Song 146:2)
1. Givim biknem
Long Jehova.
Em givim laip na gutpela samting.
Yumi tokaut
Long nem blong em.
Pasin laikim blong em bikpela tru.
Yumi mekim song blong givim biknem.
2. Givim biknem
Long Jehova.
Em harim beten na lukautim man.
Em strongim lain
I no gat strong.
Spirit blong em helpim lain bilong em.
Tokaut long bikpela strong bilong em.
3. Givim biknem
Long Jehova.
Em givim bel isi long yumi man.
Em stretim rong,
Mekim gut bel.
Kingdom bai kamapim planti blesing.
Kam givim biknem long God Jehova!
(Lukim tu Sng. 94:18, 19; 145:21; 147:1; 150:2.)
105
Ples Antap i Tokaut
Long Glori Bilong God
(Song 19)
1. Long ples antap, ol samting God i wokim
I litimapim tru
Gutpela nem blong em.
Nupela de givim em biknem tru.
Ol sta i soim strong blong em
Na namba bilong em.
2. Lo bilong God i gutpela olgeta,
Na ol tok bilong em
I stiaim gut ol man.
Wok jas blong em i stret na em i tru.
Ol tok blong em na lo blong em
I naispela tumas.
3. Oltaim yumi mas pret long God Jehova.
Ol lo na tok blong em
Winim gutpela gol.
Ol tok blong em lukautim lain blong em.
Biknem na nem holi blong em,
Yumi stap gut long en.
(Lukim tu Sng. 111:9; 145:5; Rev. 4:11.)
106
Kamap Pren Bilong Jehova
(Song 15)
1. O God blong mipela,
Husat em pren blong yu?
Husat inap stap long haus blong yu
Na save gut long yu?
Man i bilip long yu,
Na trastim tok blong yu,
Man i bihainim tok tru blong yu,
Na i stap gut long yu.
2. O God, husat inap
Kam klostu tru long yu?
Husat inap mekim yu belgut
Na amamas oltaim?
Man i litimapim
Gutpela nem blong yu,
Man em inapim tok bilong em,
Mekim tok tru oltaim.
3. Mipela kam long yu,
Autim ol wari tu,
Yu save lukautim mipela
Na laikim mipela.
Mipela laik tru long
Stap pren blong yu oltaim.
Yu em nambawan gutpela Pren,
Mipela laikim yu.
(Lukim tu Sng. 139:1; 1 Pita 5:6, 7.)
107 Kam Long Maunten Bilong Jehova
(Aisaia 2:2-4)
1. Apim het na lukluk
Antap long ol lain maunten.
Maunten bilong Jehova
Em i stap antap tru.
Ol man i wok long kam
Long olgeta hap blong graun.
Ol i tokim olgeta,
‘Kam lotu long God tru.’
Orait nau em i taim
Liklik lain i kamap bikpela.
Taim yumi kamap strong,
Yumi nap lukim blesing blong God.
Planti kam nau long God
Na daun long wok king blong em.
Ol i promis long stap gut
Long em inap oltaim.
2. Jisas tokim yumi
Long yumi mas autim tok.
Gutnius bilong Kingdom
I go long olgeta hap.
Krais i tokim ol man
Long stap long sait bilong em.
Man i gat pasin daun
Bai harim tok bilong em.
Traipela amamas
Long lukim lain i go bikpela!
Yes, yumi olgeta
Helpim ol man long save long God.
Yumi mas apim nek,
Singautim olgeta man,
‘Kam long maunten blong God na
Stap gut oltaim long en.’
(Lukim tu Sng. 43:3; 99:9; Ais. 60:22; Apo. 16:5.)
108
Givim Biknem
Long Jehova Long Kingdom
(Revelesen 21:2)
1. Jehova i makim Jisas
Long bosim olgeta man.
Em bosim long stretpela pasin,
Bai laik bilong God i kamap.
(SINGSING GEN)
Givim biknem long God Jehova,
Em i makim king blong yumi.
Bihainim gut lek bilong em oltaim
Na harim gut tok blong em.
Givim biknem long God Jehova,
Em i makim king blong yumi,
Em strongpela king na em gat gutnem
I onarim nem blong God.
2. God i makim na singautim
Ol brata bilong Jisas.
Ol tu mekim wok king long Kingdom;
Na bai Paradais i kamap.
(Singsing Gen)
(Lukim tu Snd. 29:4; Ais. 66:7, 8; Jon 10:4; Rev. 5:9, 10.)
109 Amamas Long Fesbon Bilong Ja!
(Hibru 1:6)
1. Yes fesbon bilong Ja
Em King God i bin makim.
Pasin blong em i stret tru;
Em bai kamapim blesing.
Gutnem na namba blong em
Bai stretim nem blong God.
Em tokaut long Jehova,
Na long wok bos blong God.
(SINGSING GEN)
Yes fesbon bilong Ja!
Yumi amamas long em.
Em stap long maunten Saion,
Wok king blong em i kirap!
2. Yes fesbon bilong Ja
Em dai bilong givim laip.
Na em i baim bek yumi;
God inap long lusim rong.
Meri blong Krais i redi,
Pasim ol klos i wait.
Marit kamap long heven,
Apim wok bos blong God.
(Singsing Gen)
(Lukim tu Sng. 2:6; 45:3, 4; Rev. 19:8.)
110
Ol Gutpela Wok Bilong God
(Song 139)
1. O God, yu save long stap blong mi,
Taim mi go slip na taim mi kirap gen.
Yu skelim bel na tingting hait bilong mi,
Ol tok na wokabaut blong mi,
Yu save tu.
Yu lukim mi taim mi bin kamap,
Ol bun blong mi no hait long ai blong yu.
Yu lukim mi; em samting yu bin wokim.
Mi litimapim strong
Na pasin bilong yu.
Save blong yu i nambawan olgeta;
Mi save tru long dispela samting.
Sapos mi pret long tudak bai raunim mi,
Spirit blong yu em bai stap wantaim mi.
Jehova, bai mi haitim mi yet
Long wanem hap na bai yu no lukim?
I no gat ples long graun o ples long heven,
I no gat ples we mi ken hait long ai blong yu.
(Lukim tu Sng. 66:3; 94:19; Jer. 17:10.)
111
Em Bai Singaut
(Jop 14:13-15)
1. Laip, olsem smok, i stap wanpela de
Na pinis long tumora.
Laip bilong man em pinis hariap,
Na yumi krai na sori.
Sapos man i dai, em nap stap laip gen?
Harim promis bilong God:
(SINGSING GEN)
Em singaut; Ol daiman harim,
Na ol bai kisim laip gen.
God i laik tru long lukim
Samting em yet i wokim.
Mas bilip, na no ken wari,
God em bai givim laip gen.
Em yet bin wokim yumi;
So yumi bai stap oltaim.
2. Ol pren blong God, maski ol tu i dai,
God i no nap lusim ol.
Ol man i dai em God i tingim ol,
Em bai kirapim bek ol.
Bai yumi lukim laip i wanem kain:
Paradais bai stap oltaim.
(Singsing Gen)
(Lukim tu Jon 6:40; 11:11, 43; Jems 4:14.)
112
Bikpela God, Jehova
(Kisim Bek 34:6, 7)
1. O God Jehova, yu nambawan tru,
Pasin blong yu gutpela,
Mipela i pilim tru.
Yu mekim wok king long pasin i stret;
Yu God blong oltaim oltaim.
2. Yu save lusim rong na popaia,
Marimari long ol man
Husat i marimari.
Stretpela pasin, laikim bilong yu,
I stiaim ol wok blong yu.
3. Ol man na ensel tok tenkyu long yu;
Mekim holi nem blong yu,
Stretim bek gutnem blong yu.
Klostu nau Kingdom bai kamapim tru
Laik bilong yu hia long graun.
(Lukim tu Lo 32:4; Snd. 16:12; Mat. 6:10; Rev. 4:11.)
113
Tenkyu Long Tok Bilong God
(Filipai 2:16)
1. Yes Papa Jehova, mipela tenkyu
Long mipela holim Tok holi blong yu!
Spirit blong yu kirapim ol man long raitim tok.
Em stiaim mipela, na givim skul tu.
2. Ol tok bilong Baibel kirapim tingting.
Ol profet i wankain olsem mipela.
Ol stori blong ol profet i strongim tru bilip,
Na i strongim tingting na bel bilong man.
3. Tok blong yu i gat strong long stiaim tru bel,
Em i kamapim klia pasin tru blong man.
Em skelim ol astingting i stap long bel blong man.
Em i givim save na stretim gut man.
(Lukim tu Sng. 119:16, 162; 2 Tim. 3:16; Jems 5:17; 2 Pita 1:21.)
114
Buk Bilong God
—Gutpela Samting Tru
(Sindaun 2:1)
1. Wanpela buk em i gutpela tumas,
Em mekim ol lain man i amamas.
Em givim laip
Long ol man i “dai pinis,”
Na em i opim ai blong ol “aipas.”
Em Baibel Holi bilong God Jehova.
God i givim
Tingting long sampla man
Na ol i raitim tok i stret olgeta.
Holi spirit blong God i strongim ol.
2. Ol i raitim tok long wok blong Jehova;
Long strong blong em ol samting i kamap.
God wokim man i gutpela olgeta,
Tasol bihain em lusim Paradais.
Na ol i tok tu long wanpela ensel
I sutim tok long wok king bilong God.
Em as bilong ol hevi painim yumi.
Tasol klostu nau Jehova bai win.
3. Nau Kingdom Bilong God i kamap pinis.
Nau em taim bilong yumi amamas.
Man i givim bel tru long God Jehova,
God tok long givim laip oltaim long em.
Dispela tok i stap long buk bilong God;
Buk i pulap long kaikai blong spirit,
Na givim yumi gutpela bel isi.
Yumi mas ritim ol tok bilong en.
(Lukim tu 2 Tim. 3:16; 2 Pita 1:21.)
115
Rot Bilong Stap Gut
(Josua 1:8)
1. Yumi amamas long Baibel;
Ritim olgeta de.
Tingim tingim ol tok blong en
Na bihainim oltaim.
Em stiaim pasin blong yumi,
Na olgeta tingting.
(SINGSING GEN)
Ritim na harim tok blong en,
Bai yu kisim blesing.
Wokabaut wantaim Jehova,
Bai yu stap gut oltaim.
2. Taim ol king bosim Israel,
God i tokim ol strong:
‘King mas raitim long han blong em
Ol lo stret bilong God.
Em mas ritim olgeta de,
Bai em no mekim rong.’
(Singsing Gen)
3. Taim yumi ritim Tok Blong God,
Em bai strongim yumi,
Bel blong yumi bai stap isi,
Bilip bai kamap strong.
Yumi bihainim Tok blong em,
Na kamap Kristen tru.
(Singsing Gen)
(Lukim tu Lo 17:18; 1 Kin. 2:3, 4; Sng. 119:1; Jer. 7:23.)
116
Lait i Kamap Strong Moa
(Sindaun 4:18)
1. Ol profet i laik kisim save long Krais,
Em rot bilong helpim ol lain man.
Spirit bilong God kamapim long ples klia
Mesaia bai kisim bek ol man.
Nau Mesaia mekim wok king long antap;
Ol mak soim klia dispela.
Yumi amamas long kisim kain save;
Ol ensel tu ol i laik save!
(SINGSING GEN)
Rot bilong yumi lait strong moa yet;
Wokabaut long lait bilong san.
Nau tok tru i wok long kamap klia;
God i stiaim rot blong yumi.
2. Jisas i bin makim gutpela wokboi
Bilong givim kaikai blong spirit.
Lait blong tok i tru i kamap strong moa yet;
Yumi pilim long bel blong yumi.
Yumi wokabaut strong long rot i gat lait;
San i givim lait long yumi.
Tenkyu long Jehova, em As blong tok tru;
Yumi wokabaut long rot blong em.
(Singsing Gen)
(Lukim tu Rom 8:22; 1 Kor. 2:10; 1 Pita 1:12.)
117
Jehova i Mas Skulim Yumi
(Aisaia 50:4; 54:13)
1. Amamas na kisim save long Jehova;
Em i laik givim wara bilong laip.
God i bin givim gutpela tok tru,
Inapim man i hangre long tok tru.
2. No ken lusim pasin bilong go long miting;
Mas kisim skul long stretpela pasin.
Spirit bilong God, ol bratasista,
Strongim yumi long wokabaut long lait.
3. Gutpela song
Bilong givim biknem long God!
Gutpela tok bilong strongim yumi!
Oltaim yumi mas go long ol miting!
Oltaim yumi mas stap long lain blong God!
(Lukim tu Hib. 10:24, 25; Rev. 22:17.)
118
Amamas Long Ol Brata
(Rom 15:7)
1. Amamas long ol lain i bung long hia
Bilong kisim save long Baibel.
God lainim yumi long ol tok i tru;
Yumi tenkyu long em i singautim yumi.
2. Yumi tenkyu long God long ol brata,
Ol amamas long kam bung wantaim.
Yumi mas givim biknem tu long ol,
Na amamas long lain i bung wantaim yumi.
3. God i singautim olgeta lain man,
Bai ol inap painim tok i tru.
God bringim yumi go klostu long em,
So yumi amamas long ol narapela.
(Lukim tu Jon 6:44; Fili. 2:29; Rev. 22:17.)
119
Kam! Kisim Nupela Strong
(Hibru 10:24, 25)
1. Ol man bilong graun ol i bikhet nabaut,
I no save long Jehova.
God i mas stiaim wokabaut blong yumi,
Nogut yumi abrusim rot.
Long miting yumi kisim nupela strong,
Bilip blong yumi kamap strong.
Miting i kirapim yumi long mekim
Ol gutpela pasin tasol.
Yumi no inap sakim tok bilong God;
Yumi mekim laik bilong em.
Taim yumi bung wantaim na kisim save,
Yumi laikim tok tru moa yet.
2. God i save long samting yumi nidim,
So harim gut tok bilong em.
Yumi makim taim bilong go long miting,
Yumi soim savetingting.
Ol elda i givim gutpela skultok,
Yumi lain long soim bilip.
Ol wanlotu blong yumi tu i helpim,
Yumi no inap stap wanpis.
Yumi wetim gutpela taim bai kamap,
Bai yumi bungim famili.
Na taim yumi bung wantaim long ol miting,
Yumi kisim savetingting.
(Lukim tu Sng. 37:18; 140:1; Snd. 18:1; Efe. 5:16; Jems 3:17.)
120 Harim, Bihainim, na Kisim Blesing
(Luk 11:28)
1. Krais Jisas i givim ol tok long yumi.
Em soim rot yumi mas bihainim.
Amamas long harim na save long en,
So bihainim tok bilong Krais Jisas.
(SINGSING GEN)
Yu harim na bihainim,
God bai givim yu blesing.
So sapos yu laik i stap amamas,
Yu harim na bihainim.
2. Olsem haus ol i wokim antap long ston
I lukautim yumi long taim nogut,
Sapos yumi bihainim tok blong Jisas,
As bilong laip bai stap strong olsem ston.
(Singsing Gen)
3. Olsem diwai i stap klostu long wara
Karim kaikai long taim stret bilong en,
Sapos yumi bihainim tok bilong God,
Yumi kisim blesing em laip oltaim.
(Singsing Gen)
(Lukim tu Lo 28:2; Sng. 1:3; Snd. 10:22; Mat. 7:24-27.)
121
Narapela i Mas Strongim Bel
Bilong Narapela
(Hibru 10:24, 25)
1. Yumi strongim ol narapela
Long stap gut long wok bilong God.
Em rot blong strongim pasin laikim,
Na em kamapim bel isi.
Pasin laikim blong lain bilong God
Helpim ol long sanap strong tru.
Kristen kongrigesen i ples hait,
Em ples we yumi ken stap gut.
2. Taim man i mekim gutpela tok,
Em i strongim bel blong yumi!
Ol pren i mekim kain tok olsem
Long taim yumi gat bel hevi.
Yumi mas wok wantaim ol brata
Em ol i gat wankain bilip!
Yumi laik strongim narapela,
Helpim ol long karim hevi.
3. Long ai blong bilip yumi lukim
De blong Jehova i klostu.
Yumi mas bung wantaim long miting
Bilong stap long rot bilong laip.
Yumi laik lotu long Jehova,
Wantaim ol brata blong yumi.
Yumi strongim ol narapela
Bilong stap gut long God oltaim.
(Lukim tu Luk 22:32; Apo. 14:21, 22; Gal. 6:2; 1 Tes. 5:14.)
122
Bikpela Lain Bratasista
(Revelesen 7:9, 10)
1. Bikpela lain bratasista,
Ol i planti milion,
Ol i gutpela witnes,
Ol i stap strong tasol.
Yumi bikpela lain tru,
Go bikpela moa yet,
Kam long olgeta kantri na lain,
Givim biknem long God.
2. Bikpela lain bratasista
I autim long ol man
Gutpela tok blong Kingdom.
Planti man laik harim.
Maski yumi gat hevi,
Yumi autim tok yet.
Jisas i givim nupela strong;
Kamapim bel isi.
3. Bikpela lain bratasista,
God i lukautim ol.
Stap gut long haus bilong God
Na wok long san na nait.
Yumi bikpela lain tru
Autim tok blong Kingdom.
Yumi wanwok bilong Jehova,
Mekim wok bilong em.
(Lukim tu Ais. 52:7; Mat. 11:29; Rev. 7:15.)
123 Ol Wasman—Ol Man Olsem Presen
(Efesus 4:8)
1. Jehova i givim ol wasman
Blong lukautim yumi.
Ol i stap gutpela piksa tru,
Stiaim rot blong yumi.
(SINGSING GEN)
God givim ol man olsem presen,
Yumi nap bilip long ol.
Ol i tingim sipsip bilong God;
Yumi mas laikim tru ol.
2. Ol i pilim hevi blong yumi;
Soim rot long yumi,
Mekim gutpela tok long yumi
Taim yumi bel hevi.
(Singsing Gen)
3. Ol givim skultok i kam long God,
Bai yumi ken stap gut,
Helpim yumi long wokabaut stret,
Mekim wok bilong God.
(Singsing Gen)
(Lukim tu Ais. 32:1, 2; Jer. 3:15; Jon 21:15-17; Apo. 20:28.)
124
Mekim Gut Long Man
i Kam Long Haus Bilong Yu
(Aposel 17:7)
1. Jehova i mekim gut long yumi man;
Em mekim wankain pasin long olgeta.
Em givim ren na san long olgeta lain man;
Em mekim yumi stap belgut tru.
Taim yumi mekim gut long ol man nating,
Nau yumi bihainim pasin bilong God.
Em bai bekim gutpla pasin bilong yumi,
Em pasin laikim i as blong en.
2. Taim yumi helpim man i nidim helpim,
Planti gutpela samting inap kamap.
Mekim gut long ol lain yu no save long ol,
Na givim samting ol i nidim.
Olsem Lidia, tok: ‘Kam long haus blong mi.’
Ol inap malolo, kisim bel isi.
Papa blong yumi bai luksave taim yumi
Bihainim ol pasin bilong em.
(Lukim tu Apo. 16:14, 15; Rom 12:13; 1 Tim. 3:2; Hib. 13:2; 1 Pita 4:9.)
125
Stap Daun Long God
(1 Korin 14:33)
1. Lain bilong Jehova autim long ol man,
Tok i tru blong Kingdom em i nambawan.
Ol i mas bihainim tok na lo blong God.
Ol i mas stap wanbel na stap gut long em.
(SINGSING GEN)
Yumi mas daun long Jehova oltaim
Na harim tok blong em.
Em i gat sori, lukautim yumi;
Yumi mas stap gut long em.
2. God i givim “wokboi” na holi spirit
Bilong soim rot na yumi wokabaut.
Yumi mas stap strong na mekim wok blong God,
Autim tok blong Kingdom long olgeta lain!
(Singsing Gen)
(Lukim tu Luk 12:42; Hib. 13:7, 17.)
126
Pasin Laikim
i Kirapim Mipela Long Wok
(Song 127:1)
1. Jehova, mipela laik
Kam long yu na mekim beten.
Yu givim gutpela wok na
Mipela tok tenkyu!
Wok mipela bin mekim,
Yu bin blesim dispela wok.
Na nau haus i sanap, mipela
Kisim strong long yu.
(SINGSING GEN)
Jehova, mipela amamas
Long wokim haus lotu long yu.
Mipela laik mekim wok blong yu inap oltaim
Na litimapim nem blong yu.
2. Pes blong olgeta i lait,
Mipela kamap ol pren tru!
Mipela bin kisim planti
Gutpela memori!
Holi spirit bilong yu
I mekim mipela wanbel.
Mipela mekim gut nem blong yu;
Em nambawan tru!
(Singsing Gen)
(Lukim tu Sng. 116:1; 147:1; Rom 15:6.)
127
Wanpela Haus
i Holim Nem Bilong Yu
(1 Stori 29:16)
1. Mipela wokim dispela haus
Bilong holim nem bilong yu!
Nau mipela i givim long yu
Bilong givim ona long yu.
Ol samting mipela nap givim,
Olgeta i kam long yu yet.
Mipela amamas long givim
Bel olgeta long wok blong yu.
(SINGSING GEN)
Dispela haus i blong yu nau,
Bilong autim nem blong yu.
Nau mipela dediketim
Na putim long han blong yu.
2. Singsing blong givim biknem long yu
I pulap long dispela haus.
Taim planti moa kam long lain blong yu,
Yu kisim bikpela glori.
Mipela i laik lukautim gut
Dispela haus lotu blong yu.
Em i ken sanap olsem witnes,
Helpim tok mipela autim.
(Singsing Gen)
(Lukim tu 1 Kin. 8:18, 27; 1 Sto. 29:11-14; Apo. 20:24.)
128
Sindaun Bilong Graun
i Wok Long Senis
(1 Korin 7:31)
1. God i laik kisim bek yumi
Long sin na dai na ol hevi,
So em givim yumi Jisas,
Em nambawan presen tru.
(SINGSING GEN)
Tru, nau sindaun blong graun
Wok long senis,
Jehova i wok long stretim
Blesing blong heven na graun.
2. Dispela graun i stap nogut;
Klostu nau em bai pinis tru.
So yumi tokaut long Kingdom,
Em Krais i bosim pinis.
(Singsing Gen)
(Lukim tu Sng. 115:15, 16; Rom 5:15-17; 7:25; Rev. 12:5.)
129
Holimpas Bilip na
Wetim Gutpela Samting
(Hibru 6:18, 19)
1. Longtaim pinis ol man wokabaut long tudak.
Wok ol i mekim i lus nating tasol.
Pasin nogut bilong ol i stap ples klia.
Ol i no nap helpim wanpela.
(SINGSING GEN)
Mekim singsing, Kingdom i stap pinis!
Nau Krais i stap king, na yumi kamap fri.
Olgeta hevi bai pinis bihain;
Em gutpela samting yumi wet long en.
2. Bikpela de bilong God em i kam klostu.
Nau ol man i no ken tingting planti moa.
Klostu nau man bai kamap fri long hevi.
Singsing, litimapim nem blong God.
(Singsing Gen)
(Lukim tu Hab. 1:2, 3; Sng. 27:14; Jol. 2:1; Rom 8:22.)
130
Mirakel Bilong Laip
(Song 36:9)
1. Nupela bebi, wan wan drop blong ren,
Gutpela lait bilong san, kru bilong kon.
Em ol gutpela presen kam long God;
Ol mirakel em wokim long olgeta de.
(SINGSING GEN)
Olsem na yumi mas yusim gut presen.
Laikim Man givim presen na kamapim ples klia.
Presen i no pe blong wok yumi bin mekim;
Em i presen tasol, Em mirakel blong laip.
2. Ating sampela man i laik givap,
Hevi blong ol daunim ol, ol i laik dai.
Yumi no olsem; Yumi tok tenkyu
Long Jehova long yumi ken stap laip long nau.
(SINGSING GEN)
Olsem na yumi mas yusim gut presen.
Laikim ol narapela na kamapim ples klia.
Presen i no pe blong wok yumi bin mekim;
Em i presen tasol, Em mirakel blong laip.
(Lukim tu Jop 2:9; Sng. 34:12; Sav. 8:15; Mat. 22:37-40; Rom 6:23.)
131
Jehova Bai Lukautim Yumi
(2 Samuel 22:1-8)
1. Jehova, yu God i gat bikpela strong tru;
Yu bin wokim gut graun na skai na solwara.
No gat narapela god i olsem yu, nogat tru.
Ol birua bai dai.
(SINGSING GEN)
Jehova i lukautim ol bilipman.
Ol wokboi blong em bai lukim strong bilong em.
Yumi no pret, yumi bilip tru long Jehova.
Em i Man blong lukautim yumi inap oltaim.
2. Mi singaut long yu taim indai laik painim mi,
“Jehova, helpim mi, na strongim bel blong mi.”
Long tempel yu ken harim singaut blong mi,
“Haitim mi; Plis lukautim gut mi.”
(Singsing Gen)
3. Nek bilong yu bai pairap strong olsem tanda.
Ol birua bai pret, mipela amamas.
Yu bai mekim laik blong yu na olgeta bai lukim,
Yu lukautim gut man.
(Singsing Gen)
(Lukim tu Sng. 18:1, 2; 144:1, 2.)
132
Singsing Bilong Winim Pait
(Kisim Bek 15:1)
1. Yumi laik singsing na givim biknem long Jehova.
Em tromoi lain Isip i go daun long solwara.
Ja i gat strong tru, no gat wanpela wankain long em.
Nem blong em Jehova, em i winim pinis pait.
(SINGSING GEN)
Jehova yu em God Antap Tru,
Na oltaim pasin blong yu wankain tru.
Yu bai pinisim tru ol birua
Na mekim holi nem blong yu.
2. Olgeta lain man i birua long God Jehova.
Ol i gat bikpla strong, tasol ol bai kisim sem.
Ol bai bagarap na lusim laip long Armagedon.
Olgeta bai save nem blong God em Jehova.
(Singsing Gen)
(Lukim tu Sng. 2:2, 9; 92:8; Mal. 3:6; Rev. 16:16.)
133 Askim God Long Kisim Bek Yu
(Sefanaia 2:3)
1. Ol lain i bung wantaim
Na birua long Jisas.
Taim blong ol man long bosim graun,
God tok em bai pinis nau.
Wok king blong ol pinis;
Kingdom Bilong God i stap.
Krais bai pinisim ol birua,
Em bai mekim hariap.
(SINGSING GEN)
Askim God long kisim bek yu.
Yes, bilip na lukluk long em.
Mekim pasin stret,
Stap gut tru long God,
Sambai long wok king bilong em.
Orait God bai kisim bek yu
Long han bilong em.
2. Yumi autim gutnius
Long olgeta hap blong graun.
Ol man inap long makim rot,
Ol laik harim o nogat.
Ol bikpela hevi
I no ken pretim yumi.
Yumi singaut long God Jehova,
Em bai helpim tru yumi.
(Singsing Gen)
(Lukim tu 1 Sam. 2:9; Sng. 2:2, 3, 9; Snd. 2:8; Mat. 6:33.)
134 Piksaim Yu Yet Long Nupela Taim
(Revelesen 21:1-5)
1. Lukim yu yet, lukim mi tu;
Lukim olgeta long nupela taim.
Tingim sindaun bai wanem kain
Taim yumi stap fri na bel isi.
Ol man nogut ol bai no stap;
Wok bos blong God i no nap pundaun.
Em taim bilong nupela sindaun long graun,
Yumi laik singsing bilong tok tenkyu long God:
(SINGSING GEN)
“O God Jehova, yu mekim gut tru!
Olgeta samting i nupela tru.
Mipela pilim tru gutpela wok blong yu;
Olgeta glori na ona i go long yu.”
2. Lukim yu yet, lukim mi tu;
Na lukim nupela taim i klostu.
Bai i no gat wanpla samting
I mekim yumi tingting planti.
Tok bilong God i kamap tru;
Nau em i lukautim ol lain man.
Nau em bai kirapim bek ol man i dai,
Na ol bai tenkyu na singsing wantaim yumi.
(Singsing Gen)
(Lukim tu Sng. 37:10, 11; Ais. 65:17; Jon 5:28; 2 Pita 3:13.)
135 Sanap Strong i Go Inap Long Pinis
(Matyu 24:13)
1. Ol tok blong Baibel helpim yu
Long sanap strong oltaim.
Ol tok yu lainim na laikim,
Yu inap bilip long en.
Bilip blong yu i strongim yu,
Tingim de blong Jehova.
Sanap strong na winim ol traim,
Bilip blong yu kamap strong.
2. Plis holim yet pasin laikim
Em yu gat long pastaim.
Na taim ol hevi painim yu,
Holim strong bilip blong yu.
Taim kain kain traim i painim yu,
Yu no ken pret na surik.
Jehova bai lukautim yu,
Em i no nap lusim yu.
3. Sanap strong inap long pinis,
God bai kisim bek yu.
Na nem blong yu bai stap insait
Long buk blong kisim laip tru.
So putim mak long sanap strong
I go inap long pinis.
Jehova bai givim blesing,
Na bai yu stap amamas.
(Lukim tu Hib. 6:19; Jems 1:4; 2 Pita 3:12; Rev. 2:4.)

Singsing Long Jehova -OL TOK TASOL

Transcrição

Documentos relacionados

amamas long ol wok bilong yu

Niuguini Luteran April 2015

Tract 2200-page 1 - Fellowship Tract League

Tok Pisin - Gods Way To Heaven

2002 Pastoral Letter in Pidjin on the the Day of

Melanesian God`s Simple Plan

King Jems Baibel - Kandrianabc.org

luksave long jisas - The Lord loves you

2016/1 - Evangelical Brotherhood Church of Papua New Guinea

Ol samting i stap insait long dispela buk

Pisin patrol - Wanem kaunim pisin?

vanuatu agriculture development bank