Ol samting i stap insait long dispela buk

Bait of Satan, (Tok Pisin), by John Bevere
© 2015 Messenger International
Originally published in English as Bait of Satan
© 1994, 1997, 2004 Messenger International
Additional resources in Tok Pisin are available
for free download at: www.CloudLibrary.org
This book has been distributed to leaders and emergent leaders
FREE OF CHARGE and is not to be sold.
It is a gift from Messenger International,
the Ministry of John and Lisa Bevere.
To contact the author: [email protected]
Malinda Ginmaule wantaim Rudy Yawiro i bin tanim
dispela buk bilong John Bevere i kam long Tok Pisin © 2014.
ii
Mi laik soim bikpela amamas na tok tenkyu
bilong mi i go long……
Meri bilong mi, Lisa, husat em i namba tu trupela poro bilong mi
bihain long Jisas. Yu, em tru tru wanpela strongpela na gutpela meri
stret. Olgeta taim mi save amamas long Papa God long em i bin
bungim yu na mi olsem man na meri. Tenkyu long gat dispela pasin
bilong tingim ol narapela pastaim long yu yet na helpim long stretim
(editim) dispela buk.
I go long ol foapela pikinini man bilong mi, Addison, Austin, Alexander,
na Arden, husat i bin givim taim bilong ol wantaim mi olsem papa
bilong ol long mi ken mekim dispela projek na pinisim. Yupela i mekim
bel bilong mi i amamas.
Spesol tenkyu i go long John Mason, husat i bilip long dispela tok na
i kirapim bel bilong mi long bihainim dispela tingting bilong pablisim
dispela buk; I go long Deborah Poulalion, husat i gat gutpela save
na sapot long sait bilong stretim (editim) wok; na i go long olgeta
ol wok manmeri bilong Charisma Haus husat i wok hat tru wantaim
mipela insait long dispela projek.
Nambawan samting antap long dispela olgeta samting em, mi laik
soim amamas na wanbel bilong mi i go long Papa God long heven
long givim dispela presen we i narakain olgeta, i go long Bikpela Jisas
long marimari, tok tru, na laikim bilong en, na i go long Holi Spirit
long stap namel na lidim mipela insait long dispela projek.
Dispela buk em i olsem wanpela presen we man
husat i raitim long en i givim na i TAMBU TRU
long salim dispela buk bilong kisim moni.
iii
Ol samting i stap insait long dispela
buk
Tok i go pas long dispela buk............................................................... vii
Introdaksen ...........................................................................................1
1. Mi, belhat a?............................................................................................5
2. Mekim planti i belhat na tubel..............................................................13
3. Bilong wanem na dispela kain samting i kamap long mi?.....................23
4. Papa bilong mi, Papa bilong mi!............................................................33
5. Ol tarangu man na rabisman insait long Spirit
i save kamap olsem wanem?.............................................................45
6. Hait long samting i tru...........................................................................57
7. Dispela trupela na strongpela samting..................................................67
8. Olgeta samting we em inap long guria
na seksek, bai guria na seksek...........................................................79
9. Dispela ston bilong belhat na tubel.......................................................95
10. Nogut yumi i mekim ol i belhat na tubel...........................................111
11. Pasin bilong lusim rong: Sapos yu i no givim –
bai yu no inap kisim........................................................................121
12. Pasin bilong bekim bek: Dispela trap................................................135
13. Ranawe long dispela trap..................................................................145
14. As tingting: Wanbel na kamapim gutpela sindaun............................155
Sotpela toktok long pinis bilong buk: Mekim Eksen...........................165
Las tok bilong pinis............................................................................169
Ol gutpela toktok bilong kisim lotu ...................................................171
v
Tok i go pas long dispela buk
Dispela buk, em i gat wanpela kain bikpela mining insait long en i
toktok long tok tru we yu inap long painim insait long laip taim bilong
yu. Mi inap long tokaut long dispela long wanem, mi yet mi save
olsem em i tru. I no bikos mi yet mi raitim long en, tasol bikos long
ol toktok i stap insait long en. Kain ol tingting olsem long sait bilong
pasin bilong belhat na tubel—em ol as tingting tru bilong dispela buk
‘Gris bilong Satan’. Planti taim ol man i save painim hat tru long lukluk
stret na abrusim dispela kain pasin.
Ol disaipel bilong Jisas i bin lukim planti bikpela mirakel i kamap
na ai bilong ol i bin op nogut tru, taim ol i lukim ol aipas man i lukluk
gen na ol man i dai pinis i kirap bek gen. Na tu ol i lukim Jisas i tokim
strongpela win tru long stop, na em i stop. Ol i lukim tu, dispela
mirakel we Jisas i mekim 5-pela bret na 2-pela pis i kamap planti
tru na planti tausen manmeri i bin kaikai long en. Buk Baibel i tok
olsem, dispela lista bilong Jisas i mekim planti mirakel na kainkain
planti ol gutpela samting Em i mekim em i planti tumas na hat tru
long raitim olgeta dispela samting i go daun long wanpela buk bilong
dispela graun.
vi
I no bin gat wanpela taim, we wanpela man o meri i bin lukim
han bilong God long ol mirakel Em i mekim. Ol disaipel i bin kirap
nogut tru na ai bilong ol i bin op long dispela ol mirakel i kamap tasol
dispela ol mirakel i no bin mekim ol i tingting planti na tubel o daut.
Nogat. Dispela kain salens bai kamap bihain, taim Jisas i klostu long
pinisim wok ministri bilong Em long dispela graun. Jisas i bin tokim ol
disaipel bilong En olsem, “Sapos brata bilong yu i mekim sin long yu….
sevenpela taim long wanpela de, na sevenpela taim long dispela de,
em i kam bek long yu na tok, ‘Mi sori’ orait yu mas lusim rong b’long
em.” Na kwiktaim ol disaipel bilong em i kirap na tok, “mekim bilip
bilong mipela i kamap strong” (Luk 17:3-5). Dispela ol mirakel i no
bilong mekim ol disaipel long singaut long kisim bikpela bilip, o bilong
kirapim dai man, o bilong mekim solwara i stap isi; tasol liklik toktok
tasol long lusim rong bilong narapela husat i mekim rong long yu!
Jisas i tokim ol disaipel bilong En olsem, “Ol kainkain samting bai i
kamap bilong mekim ol manmeri i pundaun long sin.” (Luk 17:1). Em
i no wanpela kwesten we bai mekim yu i belhat, tasol, em i askim
bilong save, bai yu bekim olsem wanem. Tarangu long mekim dispela
kain tok, tasol em i tru olsem planti lain i bin belhat na dispela i
kalabusim ol.
Olsem mak bilong tenpela yia i go pinis, taim ol i bin mekim dispela
buk. Insait long dispela taim mipela i bin kisim planti ol pas na tu ol
testamoni bilong ol manmeri insait long wanwan laip bilong ol yet
o insait long famili bilong ol o insait long wok ministri bilong ol. Ol
dispela lain i bin kamap orait na tu laip bilong ol bin senis olgeta long
taim ol i bin lukim tok tru i stap insait long Tok bilong God we dispela
buk i holim. Mipela i putim sampela bilong dispela ol pas na testamoni
insait long dispela buk bilong strongim bel bilong yupela. Mipela i
amamas na givim glori i go long God long dispela olgeta samting!
Wanpela lida man bilong wanpela sios i bin skelim dispela tok
olsem, “Sios bilong mipela i bin stap insait long wanpela bikpela hevi
na klostu tru em i bruk, na i nogat rot long kisim ol manmeri i kam
vii
Tok i go pas
Gris bilong Satan
bek long wanpela tingting. Long dispela taim, mi bin givim olgeta
lida long sios wanwan kopi bilong dispela buk “Gris bilong Satan”.
Dispela i helpim mipela kamap wanbel na nau mipela i bung gen
olsem wanpela sios!”
Planti ol marit tu bin kamap wanbel gen bihain long ol i bin ritim
dispela buk. I no long taim i go pinis, mi bin go toktok long wanpela
ples ol i kolim Nebraska na tupela marit i bin kam lukim mi na dispela
meri i tokaut na tok olsem, “Tenpela yia i go pinis, mi bin gat belhat
long ol lida bilong dispela sios. Mi no bin amamas long ol na planti
taim mi save kros wantaim ol, taim ol i toktok long sampela samting
insait long sios. Mi save strongim kona long ol toktok bilong mi long
sait bilong wok bilong mi insait long sios, na dispela i mekim na klostu
marit bilong mi i bruk long wanem, man bilong mi i laik lusim mi. Em
i no kristen olsem na em i no laik mekim wanpela samting wantaim
sios. Tasol sampela lain i bin kam na givim mi wanpela kopi bilong
dispela buk “Gris bilong Satan” na mi bin ritim. Insait long sotpela taim
tasol, olgeta belhat na tubel i bin ranawe i go pinis na mi pilim olsem
mi stap fri olgeta. Taim man bilong mi lukim dispela senis insait long
laip bilong mi, em i givim laip bilong en i go long Jisas Krais na stopim
dispela rot bilong brukim marit long kot.” Man bilong dispela meri i
wok long sanap klostu i stap na em i lap tasol. Taim meri bilong en i
stori pinis orait, man bilong dispela meri i kirap na strongim dispela
olgeta toktok bilong meri bilong en na i tok olsem, planti gutpela senis
i bin kamap long laip bilong em na insait long haus bilong tupela tu!
Tasol dispela testamoni we i bin tasim bel bilong mi stret em
kamap long wanpela ples ol i kolim Naples, Florida. Klostu long taim
bai mi autim tok, wanpela strongpela man i kirap na sanap long fran
bilong kongrigesen na i krai nogut tru taim em i wok long mekim stori
bilong em, “Olgeta laip bilong mi, mi bin pilim olsem i gat wanpela
samting we i wok long pasim mi long God. Mi save go long ol miting
we ol manmeri i save pilim presens bilong God tasol, mi yet, i no save
pilim wanpela samting. Maski mi save beten, tasol mi no save pilim
viii
Gris bilong Satan
Tok i go pas
wanpela samting tu. Sampela wik i go pinis, mi bin kisim dispela buk,
“Gris bilong Satan” na mi bin ritim olgeta samting insait long dispela
buk. Long dispela taim, mi luksave olsem sampela yia i go pinis, mi
bin pundaun long gris bilong Satan. Mi bin belhat nogut tru long
mama bilong mi long wanem, em i bin lusim mi taim mi bin bebi yet
na krismas bilong mi i bin sikispela mun tasol. Olsem na taim mi ritim
dispela buk, mi luksave olsem mi mas go bek long em na lusim rong
bilong em. Mi bin ringim em na toktok wantaim em long telepon.
Dispela em i namba tu taim tasol insait long teti-sikispela yia nau
mi bin toktok wantaim em. Mi krai na i tok, “Mama, mi no bin lusim
rong bilong yu insait long laip bilong mi long taim yu bin givim mi i
go long ol narapela lain.” Em tu i krai na mekim dispela tok olsem,
“Pikinini, insait long dispela teti-sikispela krismas, mi tu mi bin belhat
na kros long mi yet long lusim yu.”
Orait dispela man i stori yet i go na i tok, “Mi lusim rong bilong
em, na em tu i lusim rong bilong em yet; nau mitupela i wanbel gen.”
Na em i stori tu long gutpela sait bilong dispela stori. “Nau, dispela
samting we i save pasim mi long God em i go pinis!”
Long dispela taim, taim em i mekim dispela tok em i hat long
toktok na em i krai nogut tru na hat tru long mekim dispela laspela
toktok bilong em. “Nau mi save krai olsem pikinini insait long presens
bilong God.”
Mi save long strong bilong dispela kain kalabus em i tru. Mi bin
stap insait long dispela kain kalabus long planti yia i go pinis. Dispela
buk em i no toktok long tingting bilong wanpela man tasol; nogat,
em i toktok long Tok bilong God i kamap man. Dispela buk em i
toktok long samting em i tru, we mi yet i bin wokabaut insait long
em, olsem na mi bilip olsem dispela em bai strongim yu taim yu
ritim na askim God long strongim bilip bilong yu! Taim bilip bilong
yu i kamap bikpela, God yet bai kisim glori na bai yu pulap wantaim
amamas! God i ken blesim yu.
—JOHN BEVERE
ix
Gris bilong Satan
Tok i go pas
x
INTRODAKSEN
Ol man husat i save trapim ol wel abus long bus i save olsem ol i
mas gat wanpela bilong tupela samting bilong helpim ol long kilim
abus. Ol i mas haitim dispela trap na bilip olsem dispela wel abus em
yet bai go painim dispela samting ol i haitim long em. Na tu, dispela
samting i mas gat kaikai bilong grisim na mekim dispela wel abus,
long kam insait long maus bilong dispela trap.
Satan, dispela birua bilong sol man bilong yumi, i save bungim
dispela tupela samting wantaim taim em i laik mekim dispela ol
giaman trap bilong em, we i ken kamapim birua long ol man. Dispela
ol samting em i save haitim na traim long grisim ol man i mas kam
long en.
Satan wantaim ol lain bilong en, i no strong tumas olsem planti
manmeri i save tingim long en. Em i save gut tru long giamanim ol
man na tu em i save amamas nogut tru long mekim dispela giaman
pasin bilong en. Em i save gut tru long wanem rot long giamanim ol
man na mekim ol i pundaun long trap bilong en…bilong wanem, em
i wanpela giaman man stret na i save gut tru long mekim wok bilong
em. Noken lusim tingting olsem, em i ken haitim em yet na giaman na
tok olsem em i wanpela wok man bilong God. Sapos yumi i no kisim
1
Introdaksen
Gris bilong Satan
skul gut long Tok bilong God long luksave long wanem em i gutpela
samting na wanem em i nogut samting, em bai yumi no inap long
luksave long wanem kain ol trap bilong em.
Wanpela bilong dispela ol giaman trik bilong em, we i save
kamapim bikpela bagarap, na we olgeta Kristen i save pundaun long
em—em pasin bilong gat kros na tubel. Tru tru em i olsem, dispela
pasin bilong belhat na gat tubel em i no wanpela bikpela rong—sapos
em i stap insait long trap. Tasol sapos yumi kisim na putim i go insait
long bel bilong yumi, orait nau em bai yumi pilim kros nogut tru na
kisim bel hevi. Ol lain husat i save belhat na gat tubel long laip bilong
ol bai i soim dispela kain pasin bilong, belhat nogut tru, mangal, bel
nogut tru, jeles, laik resis wantaim narapela na kain ol pasin olsem.
Sampela ol samting em inap long kamap long taim yu gat belhat na
tubel insait long laip bilong yu em i olsem, bai yu mekim narapela
man i belhat, kamapim kros pait, bagarapim narapela man, brukim
dispela pasin bilong stap wanbel wantaim narapela man na tu, bai
yu ken go bek long olpela pasin bilong yu. Planti taim ol lain husat i
save stap insait long dispela kalabus i no save luksave olsem ol i stap
insait long dispela kalabus. Ai bilong ol i pas olsem na ol i no save
tingim olsem, ol i stap insait long dispela kalabus bilong Satan, na ol
i save lukim dispela rong ol narapela i mekim long ol tasol. Ol dispela
kain lain i stap insait long pasin bilong giamanim ol yet na ting olgeta
samting i gutpela tasol. Wanpela rot bilong birua long mekim yumi
i mas noken luksave, em long sait bilong mekim yumi i mas tingting
long yumi yet tasol.
Dispela buk em i traim long soim yumi dispela trik bilong Satan na
kamapim ples klia rot bilong ranawe na abrusim dispela kain kalabus
na stap fri olgeta. Pasin bilong stap fri long dispela olgeta kain bagarap
na kalabus bilong Satan em i bikpela samting long olgeta Kristen i
mas luksave, bilong wanem, Jisas i tok olsem, em i hat tru long stap
insait long dispela laip na i no kisim wanpela sans long belhat o tubel
(Luk 17:1).
2
Gris bilong Satan
Introdaksen
Planti ol sios insait long Amerika na ol narapela kantri tu, olsem
mak bilong 50 pesent (50%) bilong ol manmeri i bin harim tok na
kam long alta kol. Tru tru dispela em wanpela traipela namba stret
bilong ol manmeri husat i harim tok na kam long alta, tasol dispela
namba,em i no makim olgeta manmeri. Sampela bilong dispela ol
manmeri i no laik harim tok na kam long alta bilong wanem, biknem
i save stopim o pasim ol long mekim olsem. Mi yet, mi bin lukim ol
manmeri i kisim orait bilong ol, stap fri olgeta long ol kainkain kalabus,
pulap wantaim Holi Spirit na tu ol i bin kisim bekim bilong prea bilong
ol, taim ol i bin kamaut long dispela kalabus bilong Satan. Ol i save
tok olsem, dispela samting em ol i bin wok long painim long planti yia
i go pinis tasol ol i no bin painim inap nau tasol ol i kamap fri olgeta.
Save insait long sios i bin go bikpela long las twentipela sensori i
go pinis. Tasol insait long dispela bikpela save, i luk olsem, planti ol
bilip manmeri, lida na kongrigesen i bin go insait long pasin bilong
brukim namel long sios. As tingting bilong dispela bruk i save kamap
insait long sios em i olsem: Pasin bilong belhat na tubel i save go
bikpela taim yumi nogat pasin bilong laikim i stap long laip bilong
yumi. “Save em i olsem wanpela kain win i kamap na pinis kwiktaim
bilong wanem em i save mekim man i kisim biknem, tasol laikim i
save kamapim gutpela save” (1 Cor. 8:1). Planti lain i save pundaun
insait long dispela trap bilong giaman na ol i save ting olsem, dispela
em we bilong laip.
Bipo long kam bek bilong Krais, ol tru tru bilip manmeri bai bung
gen na kamap wanpela na dispela kain samting em bai narakain tru.I
nogat kain samting olsem i bin kamap bipo long en. Mi bilip olsem
tude planti manmeri bai kamaut long dispela kalabus bilong belhat
na tubel. Dispela em bai i kamap olsem wanpela bikpela rot bilong
lukim nupela samting i kamap long dispela nesen. Ol lain husat i no
save bilip long Jisas, ol bai i lukim Jisas taim ol i lukim pasin bilong
yumi long laikim ol narapela we bipo ol i no bin lukim.
3
Introdaksen
Gris bilong Satan
Mi no bilip long pasin bilong raitim buk olsem na mi raitim dispela
buk. Nogat tru. Mi raitim dispela buk bilong wanem, God i bin putim
dispela tok long bel bilong mi, na tu, mi yet i lukim kaikai bilong
dispela tok. Wanpela pasto i bin tok olsem long mi, long taim mi bin
autim dispela tok, bihain long wanpela lotu, “Mi no bin lukim planti
manmeri i kamap fri long wanpela taim.”
God i toktok long bel bilong mi olsem, dispela em i stat tasol.
Planti manmeri bai kamap fri, kisim orait na tu bai ol i kisim bek
wanem samting ol i bin lusim long en long taim ol i ritim dispela buk
na bihainim tok bilong Holi Spirit. Mi yet mi bilip olsem, long taim
yu ritim ol tok i stap long dispela buk, em dispela Tisa bilong givim
tok, em yet bai mekim dispela ol toktok i kamap tru insait long laip
bilong yu. Taim em i mekim olsem, dispela tok bai i mekim laip na
ministri bilong yu i kamap fri olgeta.
Yumi beten wantaim long taim yu stat long rit:
Papa, long nem bilong Jisas, mi askim yu long soim ples klia
Tok bilong Yu long mi insait long strong bilong Spirit bilong Yu
taim mi ritim dispela buk. Kamapim ples klia ol hait samting
long bel bilong mi, we i save pasim mi long save gut tru long
Yu na mekim gut wok bilong Yu. Mi welkamim Spirit bilong Yu
na askim long marimari bilong Yu long helpim mi long mekim
wanem samting Yu laikim mi long mekim. Larim mi ken i kam
long Yu na harim nek bilong Yu na save gut tru long Yu olsem
wanpela tru tru poroman bilong mi, long taim mi ritim dispela
buk.
4
BEKIM BILONG YUMI LONG DISPELA TOK
LONG PASIN BILONG BELHAT NA TUBEL I
KEN SOIM YUMI WANEM KAIN LAIP YUMI
BAI GAT BIHAIN.
Dispela buk “Gris bilong Satan” i bin senisim laip na ministri bilong
mipela. Mipela i bin lukim piksa bilong em long vidio klostu olsem
mak bilong twentipela taim na ritim dispela buk planti taim moa.
Ministri bilong mipela i bin yusim ol toktok i stap insait long dispela
buk na vidio long senisim laip bilong mipela yet na tu, laip bilong
planti ol narapela manmeri. Dispela em i strongpela tok tru insait
long dispela taim.
—S. Q., CONNECTICUT
5
Gris bilong Satan
1
MI BELHAT A?
Ol kainkain samting bai i kamap bilong mekim ol manmeri
i pundaun long sin.—(Luk 17:1)
T
aim mi wok long autim tok na raun i go long planti ples insait
long United States, mi bin inap long lukim na painimaut wanpela
giaman na nogut trap bilong birua bilong yumi, Satan, we em i save
traim long bagarapim yumi wantaim. Dispela trap em i save kalabusim
planti ol Kristen manmeri long sait bilong brukim wanbel namel long
ol famili o poroman na yumi. Dispela trap em i toktok long pasin
bilong belhat na tubel.
Planti lain i hat tru long mekim gut wok insait long wok bilong ol
bilong wanem, ol i gat bel hevi olsem sua insait long laip bilong ol, we
belhat na tubel i kamapim. Dispela i mekim na ol i hat long mekim
wanem ol wok ol inap long mekim. Planti taim, em wanpela Kristen
man o meri husat i save givim bel hevi long ol, na dispela i save mekim
dispela ol lain i pilim olsem dispela man o meri i no mekim gutpela
pasin long ol. Insait long Buk Song 55:12-14 Devit i mekim tok sori
olsem, “Sapos wanpela birua i tok nogut long mi, em mi inap long
karim dispela hevi. Sapos em wanpela man husat i save les nogut tru
long mi na em i apim nem bilong em yet long mi, em orait, mi inap
long hait long em. Tasol nogat. Em yu tasol. Yu nambawan pren bilong
mi na yu poroman tru bilong mi. Yu yet i mekim dispela pasin long
6
Gris bilong Satan
Mi belhat, a?
mi. Bipo mitupela i save wokabaut wantaim, na toktok gut wantaim,
na i go long haus bilong God wantaim ol arapela man.”
Em ol lain husat yumi save sindaun wantaim na singsing wantaim
o sampela taim em ol lain husat i save autim tok bilong God, em
husat i save bagarapim bel bilong yumi. Yumi save stap wantaim
long ol holide o bung wantaim long ol bung, o wok wantaim long
wanpela opis. O sampela taim em ol lain husat i save stap klostu long
yumi, kain olsem yumi stap long sem hap na kamap bikpela wantaim
na yumi save skelim ol hait toktok wantaim. Taim yumi pas gut tru
wantaim dispela kain ol lain, dispela pasin nogut ol i mekim long
yumi, em i save kamap olsem wanpela bikpela samting long yumi.
Na dispela i ken mekim yu les nogut tru long ol!
Planti ol lo man bai tokim yu olsem kot bilong brukim marit em
wanpela hatpela na strongpela kot stret. Ol nius lain long Amerika bai
tokim yu olgeta taim long nius olsem, planti ol dai i save kamap em
namel long ol famili memba yet insait long wanpela haus. Haus em i
makim ples i save karamapim yumi, lukautim yumi, na kamap olsem
ples bilong laikim wanpela narapela, tasol em nau kamap olsem ples
bilong kisim pen na wari. Long histori o stori bilong bipo, em i soim
olsem, ol bikpela pait stret i save kamap, em namel long ol brata yet,
o namel long pikinini wantaim papa, o papa wantaim pikinini.
Kain samting olsem we i save kamapim belhat na tubel em planti
tru na hat long makim wanwan na tok olsem dispela em i isi o em i
hat, tasol wanpela trupela samting long tingim em olsem: Ol dispela
lain husat yu save laikim tru na pas wantaim ol, ol tasol bai givim
yu bel hevi. Yu gat bikpela tingting olsem ol i mas mekim sampela
gutpela samting long yu—bilong wanem yu bin mekim planti gutpela
samting long ol. Taim dispela kain tingting i kamap bikpela, em bai
i isi stret long yu ken kisim bagarap taim ol i mekim wanpela nogut
pasin long yu. Na bagarap yu kisim, em bai bikpela stret.
Pasin bilong mangal na les long skelim samting em i stap insait
long sosaiti bilong yumi. Tude planti ol manmeri i tingim ol yet na
7
Mi belhat, a?
Gris bilong Satan
ol i no wari long ol narapela husat i bungim birua na kisim bagarap.
Dispela kain pasin i no ken mekim yumi kirap nogut, bilong wanem,
Buk Baibel i tok klia olsem, insait long las de, ol manmeri bai “laikim
ol yet” na ol bai no inap wari long ol arapela (2 Tim. 3:2). Yumi bai
tingim olsem dispela kain pasin em bilong ol lain husat i no bilip long
Jisas tasol nogat. Pol i no toktok long ol lain husat i stap autsait long
sios. Em i toktok long ol lain husat i stap insait long sios. Planti ol
lain i save kisim bagarap na bel hevi nogut tru, bilong wanem, ol i
belhat na tubel! Tasol ol i no save olsem ol i pundaun pinis long trap
bilong Satan.
Em i asua bilong yumi, a? Jisas i bin mekim tok klia olsem, em i
hat tru long stap long dispela graun na bai yu i no inap pundaun long
sin. Tasol planti taim, planti ol bilip manmeri i save kirap nogut tru na
wari taim dispela kain samting i save kamap long ol. Yumi bilip olsem
ol i mekim rong long yumi. Tasol, dispela kain tingting i save mekim
isi long bagarap i kamap long yumi, olsem na yumi i mas redi long
banisim yumi yet long dispela kain bagarap long kamap long yumi.
Bilong wanem, wanem kain samting yumi mekim nau, i ken kamapim
gutpela samting o nogut samting long bihain taim.
DISPELA GIAMAN TRAP
Dispela tok bilong belhat na tubel insait long Luk 17:1, i kam long
dispela tok Grik skandalon. Dispela tok em i save toktok long wanpela
hap bilong trap we ol i save pasim hap kaikai long en. Dispela em i
tru tru mining bilong dispela tok long tok ples Grik. As bilong dispela
tok em i olsem, sampela lain i putim trap bilong narapela lain long
kam pundaun long en. Insait long Nupela Testamen, em i save toktok
planti long birua bilong yumi, Satan i save mekim dispela kain pasin
bilong mekim trap. Pasin bilong belhat na tubel em i wanpela trap
bilong Satan long mekim ol lain long pundaun long sin na stap insait
long kalabus bilong em. Paul i bin tokim Timoti olsem:
8
Gris bilong Satan
Mi belhat, a?
Na wokman bilong Bikpela i no ken tok pait na tok kros. Nogat.
Em i mas mekim gutpela pasin long olgeta man. Sapos ol man
i bikhet long em, em i mas daunim belhat na painim ol gutpela
rot bilong bihainim na skulim ol manmeri long ol pasin God i
laikim. Em i mas wok isi na stretim tingting bilong ol man bilong
sakim tok. Sapos em i mekim olsem, orait God bai i helpim ol
na ating ol bai tanim bel na kisim gutpela save long tok tru.
Satan i kisim ol pinis long umben bilong em, bilong mekim ol i
bihainim tok bilong em. Tasol sapos ol i save long tok tru, orait
tingting bilong ol i kamap klia gen, na ol bai i lusim umben
bilong Satan na i stap fri.
—2 Timoti 2:24-26
Ol lain husat i save tok pait na tok kros olgeta taim i save pundaun
long trap bilong Satan na kamap olsem ol kalabus lain bilong em,
long mekim ol samting em i laikim ol long mekim long en, o bihainim
tingting bilong em tasol. Wanpela pret samting em olsem, planti
taim dispela ol lain i no save olsem ol i stap long kalabus bilong
Satan. Wankain olsem man husat i mekin planti kaikain bikhet pasin
na bihain em i kam na i tok sori na luksave gut long wanem kain
samting em i bin mekim, ol i mas luksave long wanem pasin ol i wok
long mekim. Ol i no save olsem, wanem samting ol i mekim i stap,
ol i wok long bagarapim ol narapela long toktok na pasin bilong ol.
Taim wanpela man em i pundaun long pasin giaman bilong Satan,
em i save ting olsem em i mekim rait samting, tasol nogat, em i save
mekim rong samting i stap.
Insait long dispela ol kainkain piksa, yumi ken brukim dispela ol
lain bilong belhat na tubel i go insait long tupela grup: (1) Ol lain we
ol narapela lain i no mekim gutpela pasin long ol. (2) Ol lain husat i
ting olsem ol narapela lain i no mekim gutpela pasin long ol. Dispela
ol lain husat i stap long namba tu grup, i gat strongpela bilip long
bel bilong ol olsem, ol narapela lain i bin mekim pasin nogut long ol.
9
Mi belhat, a?
Gris bilong Satan
Planti taim, dispela kain strongpela tingting i save kam long ol toktok
we i no tru o sampela taim dispela ol toktok em i tru tasol tingting
ol i kisim long dispela ol toktok, em i no tru. Insait long dispela kain
ol rot, planti taim, ol i save kisim bel hevi na tingting bilong ol i save
bagarap nogut tru na ol i save skelim ol man pinis long tingting bilong
ol, o long lukluk bilong ol, o long wanem samting ol i harim ol narapela
lain i toktok long em.
TRU TRU BEL BILONG MAN
Wanpela rot bilong birua long mekim wanpela man i kamap belhat
o tubel em long haitim dispela pasin bilong belhat insait long laip
bilong em, na karamapim wantaim pasin bilong kisim biknem o apim
yu yet na ting yu gutpela man stret. Pasin bilong kisim biknem i save
mekim na planti man i no save luksave long dispela kain pasin insait
long bel bilong ol, na tokaut long dispela belhat ol i gat long en.
Wanpela taim mi kisim bikpela bel hevi stret long sampela ol
minista bilong sios. Sampela ol manmeri i kirap na tokim mi, “Mipela
i no inap long bilipim olsem ol i mekim dispela kain pasin long yu. Yu
belhat tu long ol, a?”
Kwik taim tru mi i save bekim ol na i tok, “Nogat, mi orait. Mi no
kisim wanpela bel hevi long dispela.” Mi save olsem em i no gutpela
pasin long belhat na tubel olsem na mi save giaman na daunim ol
dispela tok. Mi save tokim mi yet olsem, mi no kisim wanpela bel
hevi, tasol tru tru em olsem, mi bin belhat long ol. Pasin bilong kisim
biknem i mekim na mi haitim dispela trupela samting i stap insait
long bel bilong mi.
Pasin bilong kisim biknem i save mekim hat long yu tok tru long yu
yet. Yu no inap senisim pasin bilong yu, bilong wanem, yu ting olsem
olgeta pasin bilong yu em i orait tasol. Pasin bilong kisim biknem i
save strongim bel bilong yu na pasim ai bilong yu long kisim gutpela
tingting. Em i save pasim yu long senisim bel bilong yu—o long pasin
bilong tanim bel—we em i ken larim yu i go fri. (Lukim 2 Timoti 2:24-26).
10
Gris bilong Satan
Mi belhat, a?
Pasin bilong kisim biknem i save mekim yu long lukim yu yet olsem
wanpela man husat i kisim bagarap. Pasin bilong yu bai kamap olsem,
“Ol i no mekim gutpela pasin long mi; olsem na nau mi gat rait long
mekim dispela kain pasin.” Bilong wanem, yu pilim olsem yu i no
mekim wanpela asua na ol i poinim pinga nating long yu olsem na yu
no inap long lusim rong bilong ol. Tru tru bel bilong yu, em yu haitim
i stap tasol, em i no hait long God, bilong wanem, yu ting olsem ol
i no mekim gutpela pasin long yu, olsem na yu gat olgeta rait long
holim dispela bel hevi i stap. Taim yu holim asua bilong narapela man
i stap, em bai no inap mekim wanpela samting i kamap rait.
ORAITIM SIK
Insait long Buk bilong Revelesen o Kamapim Tok Hait, Jisas i toktok
long sios bilong Laodisia na hau ol yet i save lukim ol yet olsem ol i
gat planti moni na kago samting na i no sot long wanpela samting.
Bihain, em i tokaut long wanem trupela samting i stap long bel bilong
ol na i tok—“Yu stap nogut tru, inap long man i ken sori tru long
yu. Yu stap rabis tru na yu aipas na yu stap as nating” (Revelesen o
Kamapim Tok Hait 3:14-20 paraphrased o hap tok tasol). Ol i bin gat
kranki tingting na ting olsem dispela ol kago samting, em i wankain
olsem ol samting bilong spirit, tasol nogat, pasin bilong kisim biknem
i haitim tru tru bel bilong ol.
Tude, planti manmeri i gat dispela kain pasin tu. Ol i no lukim
wanem kain bel tru ol i gat, wankain olsem mi i no bin luksave long
dispela bel hevi mi i bin karim insait long bel bilong mi long dispela
ol minista long sios. Mi bin tokim mi yet olsem, mi no gat bel hevi o
bel kros. Jisas i bin tokim ol lain long Laodisia long rot bilong ol i ken
kamaut long dispela giaman pasin na baim dispela gol bilong God na
lukim tru as tingting i stap insait long bel bilong yu.
Baim gol bilong God
Nambawan toktok bilong Jisas long kamaut long dispela pasin
11
Mi belhat, a?
Gris bilong Satan
giaman em long “baim gol bilong mi we paia i bin kukim na rausim
tru olgeta samting nogut i bin stap long en” (Rev. 3:18 paraphrased
or hap tok tasol).
Dispela ol gol we paia i bin kukim na rausim olgeta samting nogut
i bin stap long en, em i malumalum na i isi long brukim na mekim
kainkain samting long en. Ros na ol narapela samting nogut bai no
inap long bagarapim em. Tasol taim dispela ol gol ol i bungim wantaim
ol narapela metol samting (olsem bras, ain, nikol na ol narapela
samting) em i save mekim dispela gol i kamap hat na strong nogut
tru long brukim, tasol tu, em i save mekim ros i ken isi tru long
kamap long em na bagarapim em isi isi. Ol i save kolim miks bilong
gol na ol narapela metol-alloy. Taim yu tanim gol wantaim planti o
bikpela hap bilong ol narapela ol metol, em bai i kamap strong moa
yet tasol, taim yu tanim gol wantaim liklik hap metol tasol, orait em
bai malumalum liklik.
Wankain olsem, taim bel bilong yu i stap stret, em bai i kamap
olsem dispela gol, taim em i stap em yet—em i malumalum na isi long
brukim na mekim kainkain samting wantaim. Hibru 3:13 paraphrased
or hap tok tasol i tok olsem, “Bel bilong man i save kamap strong
long wanem sin i stap long en!” Sapos yumi i no rausim belhat na
tubel long bel bilong yumi, orait em bai kamapim planti sin long laip
bilong yumi, kain olsem, pasin bilong belhat nogut tru, kros pait na
nogat amamas long bel bilong yu. Dispela kain pasin i save mekim
bel bilong yumi i strong nogut tru, wankain olsem dispela ol narapela
metol samting we i bung wantaim gol i mekim gol i kamap strong
olgeta. Long dispela rot, em i save mekim yumi hat tru long harim
nek bilong God, bilong wanem yumi no inap lukim em taim yumi gat
pasin tubel. Dispela em rot bilong pasin giaman long kamap o kisim
ples insait long laip bilong yumi.
Nambawan rot bilong rausim olgeta samting nogut i stap long gol
em long brukim em i go kamap paura na bungim wantaim wanpela
kemikol ol i save kolim flux. Bihain, yu kukim dispela tupela na meltim
12
Gris bilong Satan
Mi belhat, a?
long bikpela paia stret. Dispela ol narapela metol samting na ol hap
pipia bai go pas wantaim dispela kemikol flux, na bai i tirip antap long
maus bilong dispela sospen ol i kukim dispela ol gol long en. Tru tru
gol em i gat hevi bilong en, olsem na em bai i sindaun long as bilong
dispela sospen. Ol i save rausim dispela ol pipia metol (kain olsem
kopa, ain, bras i bung wantaim flux) ol i kolim dross na kamapim
metol stret.
Nau yumi lukim wanem samting God i tok long dispela:
Harim, mi bin tingting long mekim yupela i kamap kiln, tasol
mi no bin kukim yupela long paia olsem ol man i save mekim
long silva, bilong rausim doti bilong en. Nogat. Mi bin larim ol
kainkain hevi i kamap long yupela bilong mekim yupela i lusim
ol pasin nogut bilong yupela.
—Aisaia 48:10
Na bai mi tok gen:
Yupela i save tingting long ol dispela samting God i laik mekim
na yupela na yupela i save amamas. Tasol nau long liklik taim
tasol, ating kain kain traim bai i kamap na givim pen long
yupela. Long dispela kain pasin God i save traim bilip bilong
yupela. Yumi save gol em i gutpela samting tru, tasol ol i save
kukim long paia bilong traim na painimaut em i gol tru, o
nogat. Bilip bilong yupela em i winim gol na i gutpela moa,
long wanem, gol em samting bilong bagarap. Olsem na sapos
ol kainkain traim i kamap long yupela, em bilong traim bilip na
soim olsem, yupela i bilip tru long Krais. Na long las de, taim
Jisas Krais i kamap ples klia, em bai i amamas tru long yupela
na givim biknem long yupela.
—1 Pita 1:6-7
God i save yusim ol kainkain traim na hevi insait long laip bilong
yumi long kukim na rausim olgeta samting nogut i save kamapim ol
kain pasin olsem, yumi no save lusim rong bilong ol narapela, tubel,
belhat, mangal, jeles na ol narapela kain ol pasin we i no pasin bilong
13
Mi belhat, a?
Gris bilong Satan
God. Sin i save isi tru long hait insait long laip bilong yumi taim yumi
i no go insait long ol traim o hevi. Insait long gutpela taim, bai yu
lukim olsem ol man nogut bai gat gutpela pasin bilong laikim narapela
na givim samting tu. Tasol long taim hevi i kam, ol pasin nogut bai
kamaut ples klia.
I gat wanpela taim long laip bilong mi, mi bin go insait long planti
kain kain traim we mi no bin lukim bipo long en. Mi bin belhat na
kros wantaim olgeta lain husat i klostu tru long mi, na ol famili na
poroman bilong mi i bin les long mi, na long stap klostu long mi.
Mi krai i go long God na tok, “Dispela ol pasin bilong belhat i kam
long we? Em i no bin stap bipo long laip bilong mi!”
Na Bikpela i bekim, na i tok, “Pikinini, taim ol i kukim gol insait
long bikpela paia em bai ol nogut samting i kamap ples klia.” Bihain
Em askim mi wanpela askim gen na dispela askim em i senisim laip
bilong mi. “Yu inap long lukim dispela ol doti i pas wantaim gol bipo
long ol i kukim dispela gol long paia, a?”
“Nogat,” mi bekim olsem.
“Tasol dispela em i no soim olsem dispela ol samting i no bin stap
pastaim insait long yu,” Em i tok. “Taim paia bilong dispela ol hevi i
bungim yu, dispela ol samting nogut i kamap ples klia. Maski em i bin
hait long yu, ol i no bin hait long mi, olsem na nau yu gat wanpela
sans long makim laik bilong yu, bilong bihain taim bilong yu. Yu ken
kros na belhat na poinim pinga long meri bilong yu, pasto bilong yu
na ol narapela husat yu save wok wantaim o yu ken lukim wanem
samting dispela sin i mekim long yu na tanim bel na lusim rong bilong
ol lain husat i mekim nogut long yu. Sapos yu mekim olsem, orait bai
mi rausim dispela olgeta nogut samting long laip bilong yu.”
Lukim stret pasin bilong yu.
Jisas i tok olsem, dispela pasin bilong lukluk gut long ol samting
em i wanpela ki long stap fri long ol pasin giaman. Planti taim, taim
yumi i save belhat na tubel, yumi save lukim yumi yet olsem ol lain
14
Gris bilong Satan
Mi belhat, a?
husat i kisim bagarap long en, na yumi save traim long putim hevi i
go long ol lain husat i givim hevi long yumi. Yumi i save ting olsem,
em i orait long mi belhat o tubel, o kros pait, o mangal, o jeles long
taim dispela ol pasin i save kamap ples klia. Sampela taim yumi
save les long harim toktok bilong ol narapela lain husat i save tokim
yumi long tingim dispela ol lain husat i bin givim bel hevi long yumi.
Long dispela as tasol na Jisas i tok olsem, “Putim ai marasin long ai
bilong yupela bilong wanem, em bai helpim yupela long lukluk gut”
(Rev 3:18). Bilong lukim wanem samting? Dispela tru tru pasin bilong
yu! Wanpela rot tasol we yumi ken “lukluk gut na tanim bel” olsem
Jisas i bin tok long em, em long stop long sutim tok o poinim pinga
long ol narapela manmeri, na yu yet tanim bel.
Taim yumi sutim tok long ol narapela manmeri na strongim kona
bilong yumi yet, yumi i save kamap olsem ol aipas lain. Yumi save
traim hat tru long rausim pipia long ai bilong ol brata bilong yumi,
tasol yumi i no save lukim dispela bikpela hap plang i stap long ai
bilong yumi yet. Kamapim tok tru i kamap ples klia tasol, inap larim
yumi stap fri. Taim Spirit bilong God i soim sin bilong yumi, em i save
soim long wanpela kain rot we bai yumi lukim olsem sin em i stap
bilong em yet na yumi i stap bilong yumi yet. Na long dispela rot, em i
save sutim bel bilong yumi long tanim bel na em i no i save kotim bel
bilong yumi. Em i beten bilong mi olsem, taim yu ritim dispela buk, bai
Tok bilong God, i ken mekim yu i luksave long wanem kain bel yu gat,
na em i ken larim yu go fri long ol pasin bilong belhat na tubel insait
long laip bilong yu. Noken larim dispela pasin bilong kisim biknem
i pasim rot bilong yu long luksave long dispela, na long tanim bel.
15
WANPELA KRISTEN HUSAT I GAT BEL HEVI
NA TUBEL LONG LAIP BILONG EM, EM I
OLSEM DISPELA MAN HUSAT I SAVE KISIM
LAIP TASOL EM I SAVE PORET NA I NO
SAVE LARIM I GO DISPELA LAIP.
Tenpela yia i go pinis, bihain long twentipela yia bilong marit bilong
mi, man bilong mi i bin lusim mi bilong wanem, em i “no bin amamas”
taim em bin stap wantaim mi, na dispela i bin givim mi bikpela bel
hevi stret. Mi bin kisim longpela taim long lusim rong em i bin mekim
long mi. Mi bin askim God long helpim mi long lusim rong bilong em,
na mi ting olsem tru tru mi bin lusim rong bilong em tasol nogat, mi
bin karim dispela bel hevi i stap long bel bilong mi yet. Olgeta taim
mi lukim em, em i save givim mi bikpela bel pen na bel hevi. Bihain
long taim mi bin ritim dispela buk Gris bilong Satan, Holi Spirit i putim
long bel bilong mi olsem, mi mas toktok wantaim bipo man bilong
mi, na askim em long lusim rong bilong mi, long holim dispela belhat
na tubel i stap long bel bilong mi. Em nambawan taim mitupela i
bin toktok bihain long tenpela yia. Nau mi bilip tru tru olsem, mi bin
kisim orait bilong mi na mi i stap fri olgeta! Mi tok tenkyu long God
long em i bin rausim mi long dispela bel hevi we i bin kalabusim mi
i stap long, longpela taim.
—D. B., NEW YORK
16
Gris bilong Satan
2
MEKIM PLANTI I BELHAT NA
TUBEL
I
Na long dispela taim planti manmeri husat i bin bilip long
mi, bai ol i lusim bilip, na bai ol i birua long ol yet na putim
ol yet long han bilong ol birua. Na planti giaman profet
bai i kirap na giamanim planti manmeri. Pasin nogut
bai kamap bikpela, olsem na planti man bai i lusim pasin
bilong laikim ol arapela. Tasol ol manmeri i stap strong
inap long las de, God bai i kisim bek ol.
—Matyu 24:10-13
nsait long dispela sapta bilong Matyu, Jisas i toktok long mak bilong
las de. Ol disaipel bilong em i askim em olsem, “Wanem mak em
bai i soim olsem dispela em taim bilong yu long kam bek?”
Planti lain i bilip olsem yumi stap long dispela taim, klostu Jisas
bai kam bek tasol yumi no save long wanem de stret Em bai kam,
Papa God tasol, Em wanpela i save long dispela de. Tasol Jisas i tok
olsem, bai yumi save long dispela taim, na nau yumi stap long em! I
nogat wanpela taim bipo we yumi bin lukim planti ol profetik pasin
insait long sios, long Isrel na tu insait long ol samting God i wokim
long en. Olsem na yumi ken tokaut stret wantaim strongpela bilip
olsem yumi stap long dispela taim we Jisas i makim long em insait
long Buk bilong Matyu 24.
Lukim wanpela bilong dispela ol mak bilong soim yumi long kam
bilong Em: “Planti lain bai i belhat na tubel…” Em i no toktok long ol
liklik lain, o sampela lain, tasol em i toktok long planti lain.
17
Mekim planti i helhat na tubal
Gris bilong Satan
Yumi i mas askim dispela kwesten pastaim, “Husat bai belhat na
tubel?” Ol dispela lain em ol Kristen manmeri, o ol manmeri nating
insait long sosaiti? Bai yumi painim ansa bilong dispela kwesten
taim yumi ritim i go moa yet: Na taim pasin nogut i wok long kamap
bikpela, planti man bai i lusim pasin bilong laikim ol arapela.” Dispela
tok Grik bilong laikim insait long dispela ves, em agape. I gat planti
tok Grik i stap we i save toktok long pasin bilong laikim, tasol insait
long Nupela Testamen, tupela toktok we i save kamap planti taim
em agape na phileo.
Phileo i save toktok long dispela laikim we i save kamap namel long
ol pren. Em i wanpela kain pasin bilong laikim, we i gat mak bilong
em. Phileo em dispela kain pasin bilong tok olsem, “Sapos yu mekim
gutpela pasin long mi, orait bai mi mekim wankain pasin long yu.”
Taim yumi lukluk long narapela sait bilong dispela, agape em
dispela laikim we God i save putim long bel bilong olgeta pikinini
bilong em. Em dispela wankain laikim tasol we Jisas i bin givim long
yumi nating tru. Dispela laikim em i nogat wanpela mak, o pinis bilong
en. Em i no kamap bikos long wanem kain tok o pasin yu bai mekim
o bekim. Dispela laikim i save stap olgeta taim, maski taim yu les
long em, tu.
Sapos yumi nogat God long laip bilong yumi bai yumi, soim dispela
pasin bilong laikim long ol lain husat i save bihainim laik na tingting
bilong yumi tasol. Tasol, dispela pasin bilong laikim we ol i save tok
agape, em i fri olgeta. Yu no inap long mekim wanpela wok o pasin
long kisim dispela laikim. Long dispela laikim tasol na Jisas i bin kam
na dai long diwai kros bilong lusim sin bilong yumi. Dispela “ol planti”
Jisas i bin tok long en, em ol lain Kristen husat i nogat agape laikim
insait long laip bilong ol.
I bin gat wanpela taim we, mi bin traim long soim dispela pasin
bilong laikim i go long wanpela man tasol, i luk olsem olgeta taim
mi traim long soim pasin bilong laikim long em, dispela man i save
belhat na kros, na mekim kain kain tok nogut long mi. Dispela i bin
18
Gris bilong Satan
Mekim planti i helhat na tubal
kamap olsem i go long planti mun na wanpela taim i kam, mi les stret
long dispela pasin bilong em, na mi no laik long mekim gutpela pasin
bilong laikim em moa.
Mi kros wantaim God na tok, “Mi inap nau. Yu yet i mas toktok
long mi long dispela sait. Olgeta taim mi traim long soim laikim bilong
yu i go long dispela man, em i save bekim wantaim belhat tasol!”
Na Bikpela i stat long toktok long mi. Em i tok, “Jon, yu nid long
kamapim bilip insait long laikim bilong Mi!”
“Yu minim wanem samting?” Mi askim em.
Na Em i bekim na i tok, “Sapos wanpela man i bihainim ol laik
bilong olpela bel bilong em yet, orait dispela pasin bilong olpela bel
bai i kamapim kaikai nogut na em bai i bagarap olgeta. Tasol sapos
em i bihainim pasin bilong Holi Spirit, orait Holi Spirit bai kamapim
laip long dispela man na em bai i stap gut oltaim oltaim. Olsem na
yumi mas noken les long mekim gutpela pasin. Sapos yumi no slek
long mekim wok, orait long taim bilong kisim kaikai, yumi bai kisim
gutpela kaikai tru.” (Lukim long Galesia 6:8-9).
Yu i mas luksave olsem, taim yu planim dispela laikim bilong God,
em dispela laikim bilong God tasol bai yu kamautim. Yu nid long
kamapim bilip insait long dispela lo bilong spirit—bilong wanem,
sampela taim bai yu i no inap long lukim kaikai bilong dispela pasin
laikim we yu bin planim long em, o sampela taim em bai i no inap
kamap hariap olsem yu laikim long en.
Na Bikpela i toktok moa yet olsem, “Insait long taim mi i gat
bikpela nid stret, ol poroman bilong mi i bin lusim mi na i go longwe
long mi. Judas i bin giamanim mi na i bin givim mi i go long han bilong
ol soldia, Pita i bin giaman na tok olsem em i no save long mi, na
ol arapela i bin poret na ranawe i go pinis. Tasol Jon wanpela tasol,
em i bin bihainim, tasol, em i no kam klostu long mi, em i bihainim
long longwe liklik. Mi bin lukautim ol abrusim mak bilong 3-pela yia
long sait bilong givim kaikai long ol na tisim ol tu. Tasol taim mi bin
dai long sin bilong dispela graun, mi bin lusim rong bilong olgeta
19
Mekim planti i helhat na tubal
Gris bilong Satan
manmeri—long ol poroman bilong mi husat i bin lusim mi i go long
han bilong ol Roman soldia, na tu i go long dispela Roman soldia
husat i bin nilim mi antap long diwai kros. Ol i no askim mi long lusim
rong bilong ol tasol long laik bilong mi yet, mi bin lusim rong bilong
ol, bilong wanem, mi i gat bilip long laikim bilong Papa.
“Mi save olsem sapos mi bin planim dispela pasin bilong laikim, em
bai mi yet kamautim dispela pasin bilong laikim long ol planti pikinini
man na meri bilong kingdom bilong God. As tingting bilong dispela
em olsem, mi yet i bin soim dispela pasin bilong laikim long ol olsem
na ol tu bai soim dispela pasin bilong laikim long mi tu.
“Tasol mi tokim yupela olsem, yupela i mas laikim ol birua bilong
yupela, na yupela i mas beten bai God i marimari long ol man i save
mekim pasin nogut long yupela. Olsem bai yupela i stap pikinini
bilong Papa bilong yupela i stap long heven. Em i save mekim san
i kamap antap long ol man nogut na gutpela man wantaim na Em
i save mekim ren i kam daun long ol stretpela man na long ol man
husat i save mekim pasin i no stret tu.
“Sapos yupela i laikim tasol ol man i save laikim yupela, bai yupela
i kisim wanem pe? Ol man bilong kisim takis, ol tu i save mekim
wankain pasin. Na sapos yupela i givim gude long ol brata bilong
yupela tasol, bai yupela i winim ol arapela man long wanem samting?
Ol haiden tu i save mekim olsem.” ’ (Mat. 5:44-47).
WETIM BIKPELA SAMTING LONG KAMAP
Mi luksave olsem dispela laikim mi save soim em i olsem wanpela
pikinini kaikai mi planim insait long Spirit, na long taim bilong en, em
mi bai kamautim dispela ol kaikai bilong laikim. Mi i no save bai mi
kamautim kaikai bilong dispela ol pasin bilong laikim long wanem hap
stret, tasol mi save olsem wanpela taim bai kam na bai mi kamautim
dispela kaikai bilong pasin laikim. Olsem na nau mi no moa lukim
dispela pasin bilong laikim, olsem wanpela samting nating, taim ol
20
Gris bilong Satan
Mekim planti i helhat na tubal
arapela i no soim o bekim dispela pasin bilong laikim i kam bek long
mi. Nogat tru. Em i helpim mi long laikim dispela man o meri moa yet!
Sapos planti Kristen i luksave long dispela, ol bai i no inap les na
belhat na tubel nabaut. Tasol, planti taim, yumi i no save wokabaut
insait long pasin bilong laikim bilong God, bikos yumi save wokabaut
insait long narapela kain pasin bilong laikim. Na long dispela as,
sampela taim yumi save isi tru long belhat long ol lain husat i no
save mekim samting we yumi i laikim long em.
Sapos mi wet long sampela lain long mekim sampela samting
long mi long we mi laikim long en, na sapos ol i no mekim, orait bai
mi belhat long dispela ol man o meri bilong wanem, ol i no mekim
samting we mi laikim ol long mekim. Tasol sapos mi nogat wanpela
tingting long ol bai i mekim sampela samting long mi, tasol ol i mekim,
orait bai mi tok olsem, dispela samting dispela ol lain i mekim long
en, em i wanpela blesing na i no olsem wanpela dinau, mi i mas
bekim long ol.
Taim yumi yet i save gat tingting olsem, sampela lain husat i olsem
famili o pren bilong yumi i mas mekim sampela samting we yumi
laikim long en, yumi i save mekim spes bilong belhat na tubel long
kam insait long laip bilong yumi.
BANIS BILONG LUKAUTIM SAMTING?
Sapos yu mekim brata bilong yu i bel nogut long yu, orait em
bai pasim tingting bilong en na i no laikim yu, olsem ol manmeri
i pasim dua bilong banis bilong taun na ol arapela man i no inap
go insait. Sapos tupela man i tok pait na i no sekan, dispela bai
i pasim rot bilong tupela na tupela bai no inap kamap wanbel,
olsem strongpela dua i pasim rot bilong man, na em i no inap
go insait long haus.
—Ol Provep 18:19
Yu ken winim wanpela bikpela taun we i gat strongpela banis,
21
Mekim planti i helhat na tubal
Gris bilong Satan
tasol em i hat tru long winim bel bilong wanpela brata o susa husat
i gat belhat o tubel long en. Ol bikpela taun i gat strongpela banis
i raunim ol. Dispela ol banis i save banisim dispela ol bikpela taun
long ol birua, na long ol autsait manmeri. Olgeta manmeri husat i
laik kam insait long dispela bikpela taun, ol i save sekim na skelim ol
gut pastaim bipo long ol i ken kam insait long dispela taun. Ol lain
husat i gat dinau bilong takis na ol arapela lain husat i gat sik, o ol i
luk olsem ol i birua bilong ol, ol dispela kain lain ol i no save larim ol
i go insait long dispela taun.
Yumi i save mekim banis insait long bel bilong yumi tu, taim yumi
i kisim bagarap, bilong wanem, yumi i les long wankain pasin long
kamap gen long yumi, bihain taim. Yumi i save makim wanem ol
lain long larim i kam insait long dispela banis bilong bel yumi, na
tok nogat na rausim ol lain yumi pilim olsem ol bai i kamapim hevi
o birua long laip bilong yumi. Tu, yumi i save rausim ol lain husat
yumi i ting olsem, ol i gat sampela dinau long yumi na les long larim
ol i kam klostu inap long ol i bekim dispela dinau bilong ol long yumi.
Yumi i save stap wantaim dispela ol lain we yumi ting olsem ol i stap
long sait bilong yumi.
Tasol sampela taim, dispela ol lain husat i stap long sait bilong yumi,
ol tu i save gat belhat na tubel. Olsem na, inap long yumi helpim yumi
yet i go kam, nogat, yumi putim planti ston i go yet long strongim
banis bilong yumi. Na yumi yet i no inap long luksave olsem dispela ol
banis i kamap olsem kalabus bilong yumi. Taim banis i kamap strong
moa long bel bilong yumi, yumi i no inap long go raun autsait, na
tu yumi bai tingting planti na wari long larim husat man o meri long
kam insait long dispela banis bilong yumi.
Ol Kristen husat i gat belhat na tubel long laip bilong ol, ol i save
putim bikpela taim bilong ol long tingting na lukluk insait long ol yet.
Yumi i save was gut long ol pasin bilong yumi wantaim ol arapela lain
na tu long ol samting yumi i ting em i rait long mekim. Yumi i save
wok hat tru long mekim dispela kain pasin bilong wanem, yumi i no
22
Gris bilong Satan
Mekim planti i helhat na tubal
laikim tru bai wankain samting i kamap gen long laip bilong yumi
long bihain taim. Sapos yumi i no laikim tru long ol narapela i givim
bel hevi long yumi, em bai hat tru long yumi soim laikim bilong God
i go long ol. Tasol dispela laikim bilong God we i nogat mak bilong
em, i save givim rait long ol arapela long givim bel hevi long yumi.
Pasin bilong laikim, i no save painim em yet, tasol, long ol lain
husat i bin kisim bagarap pinis na i laik stap bilong ol yet, laikim bilong
God insait long laip bilong ol, i save kamap kol. Wanpela gutpela piksa
bilong dispela, em bai yu lukim long dispela tupela solwara long hap
bilong Holi Ples o Holi Len. Raunwara Galili i save kisim wara na givim
wara. Em i gat planti kainkain samting i gat laip i stap insait long em
na kainkain ol pis. Wanpela wara ol i kolim Jordan i save karim wara
bilong raunwara Galili i go long Detsi, em narapela solwara, tasol,
dispela solwara Detsi, i save long kisim wara tasol, na em i no inap
long givim wara i go aut. Long dispela as, i nogat wanpela samting i
gat laip i save stap insait long dispela solwara Detsi. Wara i kam long
raunwara Galili i gat laip long em, tasol, taim em i bung wantaim wara
bilong Detsi, em i nogat laip bilong en, na ol samting i no inap stap
laip long en, ol i save dai. Wankain olsem, noken holim pasim dispela
laip, sapos yu laikim laip long stap: Yu mas traim long larim em i go fri.
Dispela em i wankain tu olsem, wanpela Kristen husat i gat belhat
na tubel long laip bilong en, em i kisim laip, tasol, em bai i no inap tru
long larim i go bilong wanem, em i gat pret long laip bilong em. Long
dispela as, laip i kam insait long dispela banis kalabus bilong belhat
na tubel, em bai i no inap long mekim wanpela wok. Em bai i kamap
olsem em i dai pinis. Insait long Nupela Testamen, em i toktok long
dispela kain strongpela banis.
Olgeta samting bilong pait mipela i holim, ol i no samting bilong
dispela graun. Nogat. Ol i gat strong bilong God, na ol inap
brukim ol strongpela banis bilong birua. Mipela i save daunim
olgeta kain tingting na giaman tok i save pasim rot bilong ol
23
Mekim planti i helhat na tubal
Gris bilong Satan
man i laik kisim save long God. Na mipela i save kalabusim
olgeta tingting bilong man, bilong mekim tingting bilong ol i
bihainim laik bilong Krais.
—2 Korin 10:4-5
Dispela ol strongpela banis i save kamapim wanpela kain rot bilong
skelim gut ol tingting we i save kam insait long tingting bilong man.
Tasol pastaim, dispela ol tingting we i save kamap olsem strongpela
banis bilong lukaut, nau i kamap olsem samting bilong pait long
gutpela save bilong God.
Em bai i hat tru long bilipim God taim yumi i no rausim dispela
olgeta samting we i bin bagarapim bel bilong yumi bipo. Yumi i no inap
long bilipim ol toktok Em i bin tok, long ol samting Em bai i mekim
long en. Planti taim bai yumi i gat tupela tingting long ol trupela na
gutpela pasin bilong Em, bilong wanem, yumi jasim Em long pasin
o we bilong ol man insait long laip bilong yumi. Tasol God em i no
man, na Em bai giaman! (Num. 23:19). Pasin na tingting bilong Em i
no wankain olsem yumi ol man (Isa. 55:8-9).
Ol lain husat i gat belhat na tubel long laip bilong ol, planti taim
ol i save traim long yusim Tok bilong God long strongim kona bilong
ol, tasol dispela em i no stretpela pasin, o raitpela we long yusim
Tok bilong God. Save long Tok bilong God taim yumi yusim taim
yumi nogat pasin bilong laikim bilong God i stap wantaim insait long
en, em i ken kamap olsem wanpela samting bilong bagarapim man.
Bilong wanem, em i save mekim man i amamas na kisim biknem
nating (1 Korin 8:1-3). Dispela em i save mekim yumi long tokaut
olsem, yumi stretpela man na yumi i no save tanim bel na lusim
rong bilong arapela.
Sapos yumi i gat save, tasol yumi i nogat laikim bilong God i stap
long en, dispela bai opim rot bilong pasin giaman long kam insait.
Jisas i bin givim tok lukaut long ol giaman profet liklik taim, bihain
long em i bin toktok long ol planti lain i gat pasin bilong belhat na
tubel: “Na planti profet bai i kirap na giamanim planti manmeri”
24
Gris bilong Satan
Mekim planti i helhat na tubal
(Matyu 24:11). Husat em ol planti bai ol giamanim ol long em? Ansa
bilong dispela em olsem: Em ol lain husat i gat belhat na tubel long
bel bilong ol husat laikim bilong God long laip bilong ol em i go kol
pinis (Matyu 24:12).
OL GIAMAN PROFET
Jisas i makim ol giaman profet olsem “ol weldok i pasim skin bilong
sipsip” (Matyu 7:15). Ol i olsem ol man husat i save tok olsem ol i
Kristen (skin bilong sipsip) tasol tru tru pasin bilong ol insait, em i
olsem ol weldok. Ol weldok i save laik long stap klostu long ol sipsip.
Bai yu painim ol namel long ol kongrigesen bilong sios, na antap long
ol pulpit tu. Dispela kain ol lain, em birua bilong yumi, Satan i bin
salim ol i kam long giamanim na pulim tingting bilong yumi. Bai yu
luksave long ol long wanem kain pasin ol i gat long en, na i no long ol
samting we ol i tisim, o ol tok profesi bilong ol. Planti taim dispela ol
samting ol i tisim long en, em i gutpela samting tasol ol pasin insait
long laip bilong ol, na ministri bilong ol, em i no gutpela. Olsem na
laip bilong wanpela minista o wanpela Kristen em i soim stret, em i
wanem kain man, na i no long ol toktok em i autim long en.
Ol weldok i save ronim ol yangpela sipsip na ol sipsip husat i bin
kisim bagarap long en, na em i no save bihainim ol helti na strongpela
sipsip. Dispela ol weldok bai i tokim ol manmeri long wanem samting
ol i laik harim long en, na i no ol samting ol i nid long harim long en.
Dispela ol lain manmeri, ol i no save laik long harim gutpela toktok we
i gat tok tru i stap long en; nogat, ol i laikim wanpela long kam givim
gutpela tok tasol, we em i karai gut long yau bilong ol, na ol i laikim
long en. Yumi lukim wanem kain tok Pol i toktok long em long las de:
Tasol yu mas save olsem, long taim bilong las de planti hevi
nogut tru bai i kamap: Ol man bai ………no inap lusim rong
bilong arapela….Ol bai i bihainim pasin bilong God long skin
25
Mekim planti i helhat na tubal
Gris bilong Satan
tasol na ol bai i no save long bikpela strong i stap long pasin
tru bilong God. Yu mas stap longwe long ol dispela kain man!...
Harim. bihain bai ol man i no laik harim moa ol stretpela
tok. Nogat. Yau bilong ol bai i sikarap long harim ol narakain
narakain tok, na ol bai i kisim planti man bilong skulim ol
long kain tok ol i save laik long harim. Olsem na ol bai givim
baksait long tok tru na putim yau long ol kainkain stori nating.
—2 Timoti 3:1-5; 4:3-4
Yu mas luksave long pasin bilong ol dispela kain lain, ol bai i
bihainim pasin bilong God, o “Kristen pasin” tasol ol bai traim long
haitim strong na pawa i stap long pasin tru bilong God. Hau bai ol i
haitim pawa bilong God? Ol i giamanim ol yet na i tok olsem, dispela
pasin Kristen i no inap helpim ol long senisim pasin bilong i no lusim
rong bilong narapela, i go long pasin bilong lusim rong bilong narapela.
Ol bai i apim nem bilong ol yet, na tok olsem ol i wokman tru bilong
Jisas, na bai ol i tokaut olsem ol i bin “kamap nupela gen”. Tasol
wanem samting ol i bin tokaut long en, i no bin sutim bel bilong ol
stret na kamapim dispela pasin bilong Krais insait long laip bilong ol.
OL LAIN BILONG KISIM SAVE
Pol i bin lukim tru tru olsem dispela ol manmeri pasin giaman i stap
long laip bilong ol, ol bai i gat planti save tasol pasin bilong ol bai i no
inap long senis bilong wanem, ol i no bihainim dispela save ol i gat
long en. Em i mekim tok olsem long ol, “ol lain bilong laikim tumas
long kisim skul, tasol ol i no inap long kisim save long tok tru bilong
God” (2 Timoti 3:7).
Sapos Pol i bin stap laip tude, em bai i pilim sori nogut tru bilong
wanem, em bai i lukim olsem wanem samting em i bin toktok long
en, em i kamap pinis. Em bai i lukim planti ol manmeri bai i go long
ol kainkain bung bilong sios (kain olsem bung bilong ol meri o man
26
Gris bilong Satan
Mekim planti i helhat na tubal
o sios lida bung) na i go long lotu olgeta taim bilong kisim save long
Tok bilong God. Em bai i lukim olsem ol i traim long painim “nupela
tok hait” bilong helpim ol long i gat gutpela laip moa yet, tasol, ol
bai les tru long givim o skelim samting i go long ol arapela. Em bai i
lukim olsem ol minista long sios bai i traim long kisim wanpela arapela
minista i go long kot bilong kamapim ‘stretpela pasin’.
Em bai i lukim ol Kristen nuispepa, buk, o harim ol radio stesen
i traim long daunim nem bilong ol manmeri bilong God. Na tu, em
bai i lukim ol manmeri husat i gat bikpela pawa insait long sios o laip
bilong ol, bai i traim long ranawe long wanpela sios i go long narapela
sios, bilong wanem, ol i traim long ranawe long pasin bilong belhat
na tubel. Ol i save traim long tokaut long nem bilong Bikpela Jisas,
tasol, insait long laip bilong ol yet, ol i painim hat tru long lusim rong
bilong ol narapela. Na Pol bai i singaut strong na tok, “Tanim bel na
kamaut long dispela pasin bilong giaman, yupela ol lain bilong tingim
yupela yet!”
Em i no wanpela bikpela samting, sapos yu save long olgeta nupela
hait tok i kam long ol semina, o long Baibel skul, o insait long ol buk
yu bin ritim pinis long en, o hamaspela taim yu save beten na stadi
long Tok bilong God. Sapos yu gat belhat na tubel long laip bilong yu,
na yu i no lusim rong bilong ol arapela, na les long tanim bel, orait
dispela em i soim olsem, yu no kisim tok tru insait long laip bilong
yu. Dispela i soim olsem, yu gat giaman pasin insait long laip bilong
yu, na yu wok long paulim tingting bilong ol arapela manmeri i stap
klostu long yu na i lukluk i stap long pasin na laip bilong yu. Yu ken
autim gutpela tok tasol sapos laip bilong yu, em i no stret, em bai
i soim ples klia yu wanem kain man o meri. Bai yu kamap olsem
dispela kain wara we i gat pait bilong em, na em i save kamapim
planti giaman pasin, na i no tok tru.
27
Mekim planti i helhat na tubal
Gris bilong Satan
PASIN BILONG HAIT NA GIVIM NARAPELA
LONG HAN BILONG BIRUA
Na long dispela taim planti manmeri i bin bilip long Mi bai ol
i lusim bilip, na bai ol i birua long ol yet, na putim ol yet long
han bilong birua.
—Matyu 24:10
Orait sapos yumi lukluk gut long dispela toktok, bai yumi lukim
wanpela kain samting i wok long kamap. Pasin bilong belhat na tubel
bai kamapim pasin bilong wok hait wantaim ol birua long bringim
nogut long ol, na dispela pasin bai kamapim pasin bilong bel nogut
tru long ol arapela.
Olsem tok mi bin mekim pinis, ol manmeri husat i gat belhat na
tubel long laip bilong ol, ol i save mekim strongpela banis i raunim
ol. Tingting bilong yumi nau em bilong kamapim strongpela banis
bilong lukautim yumi yet, sapos sampela samting i laik kamap long
laip bilong yumi, na dispela kain pasin i save mekim yumi isi tru long
wok hait na giaman. Taim yumi wok hait na giaman, yumi bai traim
long painim rot bilong banisim yumi yet, o traim long kisim samting
we narapela man i hat wok long en—planti taim, em ol dispela ol
lain yumi poroman na raun wantaim long en.
Long dispela as yumi i ken tok olsem, pasin bilong wok hait na
giaman insait long kingdom bilong God, em i save kamap, taim
wanpela bilip man i traim long painim rot bilong banisim em yet, o
kisim samting narapela bilip man i hat wok long en olsem bilong em
yet. Taim yu mekim dispela kain pasin bilong wok hait na giaman long
ol poroman bilong yu, husat yu save pas gut tru wantaim, dispela
em i ken kamapim bikpela hevi tru. Taim yu wok hait na giamanim
narapela man, em i soim olsem, yu lusim dispela tok promis o kontrak
bilong yu wantaim God pinis. Taim dispela i kamap, yu mas traim long
tanim bel tru tru long kam bek long poroman bilong yu, na sapos
nogat, poroman pasin bilong yutupela em bai i bruk olgeta.
28
Gris bilong Satan
Mekim planti i helhat na tubal
Taim yu wok hait na giaman, em i save kamapim pasin bilong bel
nogut tru na dispela i ken kamapim planti bikpela bagarap bihain
taim. Buk Baibel i tok klia olsem sapos wanpela man i no laikim tru
brata bilong em, na i bel nogut long em, em i olsem, em i kilim man
i dai pinis. Na yupela i save, man i kilim narapela man i dai, em i no
kisim laip bilong stap gut oltaim oltaim (1 Jon 3:15).
Em i wanpela sori samting taim yumi painimaut olsem, planti
Kristen bilong tude i save mekim dispela kain pasin bilong belhat na
tubel yet i stap. Dispela kain pasin i save kamap olgeta taim insait
long sios, na tu long wanwan haus bilong yumi, na yumi save ting
olsem, em we bilong laip long samting olsem long kamap. Yumi i no
save wanem samting long mekim taim yumi lukim wanpela minista
long sios i kisim narapela minista long sios i go long kot. Yumi i no
save kirap nogut, taim yumi harim olsem ol Kristen marit lain i save
go long kot long brukim marit bilong ol. Na tu, yumi save lukim olsem
bikpela bruk i save kamap insait long sios planti taim, na em i no
nupela samting, em i save kamap olgeta taim. Planti taim ol minista
i save pilai politiks insait long sios, na ol i save giaman na tok olsem,
em gutpela samting bilong kingdom bilong God o sios.
“Ol Kristen” i save banisim rait bilong ol olsem ol Kristen, bilong
wanem, ol i no laik bai ol arapela Kristen i bosim ol, na mekim nogut
long ol. Ating yumi i lusim tingting pinis long ol gutpela tingting bilong
nupela tok promis o kontrak, a?
Bilong wanem yupela i no larim ol i mekim nogut long yupela?
Bilong wanem yupela i no larim ol i pulim ol samting bilong
yupela?
—1 Korin 6:7
Ating yumi lusim tingting pinis long tok bilong Jisas, a?
Tasol mi tokim yupela olsem, yupela i mas laikim ol birua bilong
yupela, na yupela i mas beten bai God i marimari long ol man
i save mekim pasin nogut long yupela.
—Matyu 5:44
29
Mekim planti i helhat na tubal
Gris bilong Satan
Ating yumi lusim tingting pinis long ol lo bilong God, a?
Yupela i noken tingting long yupela tasol, na wok long kamapim
biknem bilong yupela. Nogat. Yupela i mas daunim yupela
yet na ting olsem pasin bilong ol arapela i winim pasin bilong
yupela.
—Filipai 2:3
Bilong wanem na yumi i no inap stap insait long dispela ol lo bilong
laikim? Bilong wanem, na yumi i save hariap tru long mekim nogut
long arapela, tasol taim yumi wok hait na giaman, yumi i no save
hariap long helpim ol arapela, maski taim yumi i save olsem, ol bai
giamanim yumi yet? Bikpela as tingting bilong dispela kain pasin em
i olsem: Dispela pasin bilong laikim insait long yumi, em i kol pinis,
olsem na yumi wok long traim long banisim yumi yet. Yumi no inap
long karim ol hevi bilong yumi go long God wantaim dispela kain bel,
bilong wanem, yumi i laik banisim o lukautim yumi yet insait long
dispela kain pasin.
Taim ol i bin mekim pasin nogut long Jisas, Em i no bekim dispela
nogut bilong ol, Em i givim laip bilong Em i go long God, husat bai
jasim ol dispela lain long stretpela rot. Yumi mas gat dispela kain
tingting long bihainim lek mak bilong Em.
God i singautim yupela pinis bilong bihainim dispela kain pasin,
long wanem, Krais tu i bin karim pen bilong helpim yupela. Em
i soim yupela pinis dispela pasin bilong Em, bai yupela i ken
bihainim. Em i no mekim sin, na tu Em i no mekim wanpela
tok giaman. Ol i bin tok nogut long Em, tasol Em i no bekim
tok nogut bilong ol. Em i karim pen, tasol Em i no tok long
bagarapim ol. Nogat. Em i putim Em yet long han bilong God,
Em dispela Jas i save skelim olgeta samting.
—1 Pita 2:21-23
30
Gris bilong Satan
Mekim planti i helhat na tubal
MAN HUSAT I SAVE MEKIM SAMTING I KAMAP
Yumi i mas kamap long dispela ples, yumi bilip tru tru long God na i
no long skin nating. Planti lain i save toktok tasol long maus olsem,
ol i pikinini bilong God, tasol tru tru ol i kamap olsem ol lain husat
i nogat papa. Laip bilong ol yet i stap long han bilong ol yet, na ol i
save toktok nating long maus bilong ol olsem, “Em i Bikpela na God
bilong mi.”
Olsem na nau bai yu inap long lukim olsem, dispela pasin bilong
belhat na tubel, em i wanpela bilong ol bikpela sin stret. Sapos yu no
mekim wanpela samting long rausim o pinisim dispela pasin bilong
belhat na tubel long laip bilong yu, orait em i ken kisim yu i go daun
long rot bilong dai. Tasol sapos yu i no pundaun long dispela traim
bilong pasin bilong belhat na tubel, orait God bai kisim olgeta glori
na biknem.
31
SAPOS MAN NOGUT INAP LONG BAGARAPIM
YUMI LONG TAIM EM YET I LAIK MEKIM LONG
EN, ATING EM INAP LONG PINISIM YUMI LONG
TAIM YET.
Bipo long mi ritim dispela buk, mi bin stap long mak, we mi
no save toktok wantaim God. Mi bin tanim bel pinis tasol, mi
pilim olsem i gat wanpela samting em i no stret namel long
mi na God, na i wok long pasim mi long toktok wantaim Em.
Mi save olsem dispela samting em i no stap long sait bilong
Bikpela, tasol mi yet mi no save em wanem asua stret, em i
as bilong dispela. Wanpela taim, mi bin i go long haus bilong
wanpela pren bilong mi, na em i gat dispela buk Gris bilong
Satan, Jon Bevere i bin raitim long em. Mi kisim dispela buk
i go long haus bilong mi, na mi stat long ritim; man, mi i no
inap long putim dispela buk i go daun long wanem, mi pilim
olsem mi nid long ritim dispela buk i go inap long pinis bilong
en. Em i gat wanpela kain anointing, em bikpela nogut tru, na
i mekim spirit bilong mi i laikim tru. Taim mi ritim dispela buk
i go long namel bilong en, mi luksave olsem, dispela samting
i stap namel na pasim rot bilong mi long toktok wantaim God,
em dispela spirit bilong belhat na tubel.
—C. C., GEORGIA
32
Gris bilong Satan
3
BILONG WANEM NA DISPELA KAIN
SAMTING I KAMAP LONG MI?
Tasol Josep i tokim ol olsem….”Tru, yupela i bin
pasin tingting bilong bagarapaim mi. Tasol, God
i bin larim yupela i mekim dispela pasin, long
wanem, em i tingting long helpim planti manmeri,
bai ol i noken bagarap.”—Buk Stat 50:19-20
I
nsait long nambawan sapta yumi bungim olgeta manmeri husat i
bin gat dispela pasin bilong belhat na tubel i go insait long tupela
grup: (1) dispela ol lain husat i bin tru tru kisim bikpela bagarap na (2)
dispela ol lain husat i ting olsem ol i bin kisim bagarap tasol tru tru,
i no bin kisim bagarap. Insait long dispela sapta, mi laik toktok long
dispela ol lain husat i stap long nambawan grup, em ol lain husat i
bin tru tru kisim bagarap.
Orait, bai yumi stat na askim wanpela askim pastaim: Sapos tru
tru yu bin kisim bikpela bagarap, yu ting olsem yu gat rait long belhat
na tubel o nogat? Long bekim dispela askim, yumi bai i lukluk long
laip bilong Josep, dispela pikinini man bilong Jekop, em Jekop i save
laikim tumas. (Lukim Buk Stat 37-48).
DISPELA DRIMAN I KAMAP DRIMAN NOGUT
Josep em i namba ileven pikinini man bilong Jekop. Ol bikpela brata
bilong em i no save laikim em, bilong wanem, papa bilong em i save
33
Bilong wanem na dispela kain samting …
Gris bilong Satan
laikim em tru, olsem na em i givim Josep wanpela naispela saket i
gat planti kainkain kala long em. God i givim Josep tupela driman.
Insait long nambawan driman, em i lukim ol mekpas wit long wanpela
gaden. Mekpas wit bilong em i sanap stret namel na ol mekpas wit
bilong ol brata bilong em i raunim bilong em, na i brukim skru long
mekpas wit bilong em. Long namba tu driman bilong em, em i lukim
san, mun na ilevenpela sta (ol i makim papamama bilong em wantaim
ol brata bilong em) i brukim skru long em. Taim i em stori long ol
brata bilong em long dispela ol driman, ol i no amamas long dispela.
Nogat. Ol i belhat moa yet long em.
Bihain liklik long dispela taim, tenpela bikpela brata bilong em i
kisim ol sipsip bilong papa bilong ol i go long wanpela ples gras we
ol sipsip i ken kaikai long en. Na bihain liklik, Jekop i salim Josep i go
long lukim ol na sekim, ol i stap gut o nogat. Taim ol bikpela brata
bilong Josep i lukim Josep i wokabaut i kam long ol, ol i pasim tok long
bagarapim em. Ol i tok, “Dispela man bilong driman i kam nau. Yumi
kilim em! Na bai yumi lukim dispela ol driman bilong em bai kamap
olsem wanem! Em i tok olsem em bai i kamap wanpela lida namel long
yumi olsem na larim em bai i lidim yumi taim em i dai pinis!” Olsem
na ol i tromoi em long wanpela bikpela hul long larim em i dai insait
long hap. Ol i rausim saket bilong em na brukim, na kapsaitim blut
bilong wanpela wel abus antap long en, bilong soim papa bilong ol
olsem wanpela wel abus i bin kilim Josep namel long rot.
Bihain long ol i tromoi em i go insait long dispela bikpela hul, ol
i lukim sampela ol lain Ismael husat i laik go long Isip i kam olsem
long rot. Na Juda i kirap na i tok, “Ol lain, wet pastaim! Sapos yumi
i larim em long stap insait long dispela hul na sting, em bai yumi i
no inap kisim wanpela samting. Tasol, sapos yumi i salim em i go
long dispela ol lain i kam long rot olsem wanpela kakaboi, ating bai
yumi kisim sampela moni yumi i ken skelim namel long yumi. Na tu
dispela em bai wankain olsem em i dai pinis, bikos em bai i no inap
long stap wantaim yumi na hatim bel bilong yumi moa, olsem em i
34
Gris bilong Satan
Bilong wanem na dispela kain samting …
save mekim.” Orait, ol i salim em na kisim twentipela silva koin. Ol
i bin mekim dispela kain pasin bilong wanem, Josep i bin mekim ol
i belhat olsem na nau ol i rausim dispela rait bilong em long kisim
ol samting bilong papa bilong em insait long famili. Yu mas tingim
olsem, dispela em ol brata tru tru bilong em husat i mekim dispela
kain pasin—wanpela papa tasol i karim ol, ol wanblut tru bilong em.
Kalsa bilong mipela ol Amerika em i narakain liklik long dispela
kain kalsa i stap long Buk Baibel, olsem na mipela i no inap klia gut
long wanem kain pasin nogut stret dispela ol brata bilong Josep i
wokim long em. Sapos ol i kilim em i dai, em dispela em bai i nogut
tru na abrusim wanem pasin ol i bin wokim, bilong salim em olsem
wanpela kakaboi. Insait long taim bilong Baibel, em i wanpela bikpela
samting tru, sapos wanpela man i gat planti pikinini man, bilong
wanem, dispela ol pikinini man bai i karim nem bilong em, na kisim
ol samting bilong papa bilong ol bihain taim papa i dai. Ol brata
bilong Josep i rausim em olgeta, bai em i no ken kisim dispela nem,
na ol samting bilong papa, taim ol i salim em olsem wanpela kakaboi
i go long ol narapela lain olgeta. Olgeta dispela samting we Josep i
bin save long em taim em i liklik i kam inap nau, em i lusim olgeta
dispela samting.
Taim wanpela man ol i salim em olsem wanpela kakaboi i go long
narapela kantri, dispela man i save stap olsem kakaboi inap long taim
em i dai. Sapos em i marit, orait dispela meri em i maritim, em tu bai
i wanpela kakaboi na ol pikinini bilong tupela tu, bai i kamap kakaboi!
Em i no gutpela samting long kamap long wanpela famili we ol i
kakaboi. Tasol, em i no gutpela stret sapos yu bin kamap long wanpela
bikpela famili we yu gat olgeta samting, na bihain ol i rausim dispela
olgeta samting long yu, na yu kamap man nating olsem kakaboi. Ating
em bai i moa gutpela sapos Josep i no bin save long ol samting em
inap long gat, sapos em i bin stap wantaim ol famili bilong em. Em
i olsem Josep i stap laip yet tasol insait em i dai pinis. Mi ting olsem,
em i mas tingting strong long dispela taim olsem, watpo ol brata
35
Bilong wanem na dispela kain samting …
Gris bilong Satan
bilong em i no laik kilim tasol em i dai na maski long salim em olsem
wanpela kakaboi. Bilong wanem, dispela pasin ol brata bilong en i
mekim, em i wanpela rabis na nogut pasin stret.
SAVE GUT LONG WANEM KAIN SAMTING
BAI I KAMAP BIHAIN
Taim yu wok long ritim dispela stori bilong Josep, mi bin raitim long
we bilong mi yet, ating yu tingim pinis, pinis bilong dispela stori. Em i
wanpela gutpela stori bilong helpim yu, sapos yu save pinis long pinis
bilong dispela stori, tasol, em i no olsem, taim ol dispela samting i
wok long kamap long Josep. Long dispela taim, em i bin luk olsem,
em bai i no inap long lukim papa bilong em gen, o dispela driman
bilong em, God i bin givim em, inap long karim kaikai. Em i kamap
wanpela kakaboi long narapela kantri olgeta na em i no inap long
lusim kantri Isip, maski sapos em i laik long lusim. Em i kamap olsem
samting bilong narapela man, na dispela kontrak bai stap olsem i go
inap taim em i dai.
Ol Ismael lain i salim Josep i go long wanpela ofisa bilong king
bilong Isip, nem bilong em, em Potifar. Em i wanpela kepten bilong
ol soldia. Josep i wok aninit long dispela man klostu olsem tenpela
yia na insait long dispela taim, em i no bin harim wanpela liklik toktok
i kam long famili bilong em. Olsem na em i save olsem papa bilong
em i bin ting olsem em i dai pinis, na i no inap kam kisim em long
dispela kalabus em i stap long en. Ol famili bilong em i stap bilong
ol yet, na em tu, i stap bilong em yet.
Insait long dispela taim, Josep i wok aninit long Potifar, Potifar i
painim olsem, wok bilong Josep i gutpela tru, na em i laikim Josep na
mekim gut long em. Na, em i makim Josep long bosim olgeta samting
insait long haus bilong em.
Long dispela taim tu, taim ol gutpela samting i wok long kamap
long laip bilong Josep, kranki tingting i wok long kamap long meri
36
Gris bilong Satan
Bilong wanem na dispela kain samting …
bilong Potifar. Dispela meri i wok long mangalim Josep i stap, na em i
laik long Josep i slip wantaim em, olsem na olgeta de, em i save traim
long grisim Josep, tasol Josep i wok long les na ranawe long dispela
meri. Wanpela taim tupela yet i stap insait long haus, na dispela
meri i traim long grisim Josep long kam slip wantaim em, tasol Josep
i les, na ranawe i go autsait tasol em i lusim saket bilong em long
han bilong dispela meri taim em i ranawe. Taim em i mekim olsem,
dispela meri i sem nogut tru, na i bikmaus na singaut olsem, “Rep!”
Kwik taim tru, Potifar i kam kisim Josep na putim em i go insait long
haus kalabus bilong king.
Haus kalabus bilong king long dispela taim, em i no wankain olsem
dispela ol haus kalabus bilong yumi i stap long Amerika. Mi save raun
na autim Tok long planti bilong dispela ol haus kalabus bilong yumi
long Amerika, na mi ken tok olsem, ol dispela haus kalabus em i orait
moa long dispela ol haus kalabus bilong bipo. Long ol kalabus bilong
Amerika, ol lain i ken kam autsait na kisim san, na ol i gat ples bilong
eksasais na kain ol samting olsem. Tasol dispela haus kalabus we
Josep i go stap long en, em i stap aninit long graun, na ol i no save
larim ol kalabus lain i kam autsait na kisim san, o eksasais na tu em i
no wanpela gutpela hap, we wanpela man i ken stap laip long en. Ol
i save putim ol kalabus lain insait long dispela kain hap na givim ol
bret nating wantaim wara bilong mekim ol kalabus lain i ken dai long
hangre (1 King 22:27). Ol i givim ol liklik kaikai tasol bilong mekim ol
i stap laip, na pilim pen bilong wanem kain asua ol i bin mekim na
i kam stap long dispela ples. Buk Song 105:18 i bin tok olsem, “Ol
i pasim strong ol sen long lek bilong en na lek i pen. Na ol i pasim
bikpela ring ain long nek blong em.” Ol i putim em insait long dispela
haus kalabus bilong larim em long dai.
Sapos asples bilong em, em i Isip, ating em bai i gat liklik sans long
go fri, tasol, em i man bilong narapela ples, na ol i bin sutim tok long
em olsem em i laik mekim pasin rep, olsem na, em i nogat wanpela
sans long go fri. Long sait bilong Josep, dispela em i wanpela nogut
37
Bilong wanem na dispela kain samting …
Gris bilong Satan
samting olgeta, we wanpela man i ken go insait long em, taim em i
stap laip yet.
Ating em i bin gat ol dispela kain tingting taim em i stap long
dispela ples tudak insait long kalabus? Mi bin wok gut stret insait
long haus bilong bosman bilong mi long klostu olsem tenpela yia na
mekim olgeta wok gut na i no gat wanpela taim we mi bin giamanim
em na stilim ol samting bilong em o les. Olgeta samting mi mekim,
mi mekim gut. Mi stretpela man na mi i no olsem meri bilong em. Mi
stap stret long ai bilong God, na ai bilong bosman bilong mi na traim
long ranawe long pasin i no stret. Na wanem kain pe mi kisim long
mekim olgeta dispela kain pasin? Kalabus!
I luk olsem, olgeta taim mi traim long mekim pasin i stret, kainkain
hevi na trabel i wok long painim mi yet! Bilong wanem na God i larim
dispela kain samting long kamap long mi? Ating ol brata bilong mi
i stilim dispela promis we God i promisim mi long en tu, a? Bilong
wanem na dispela Bikpela God husat i bin mekim tok promis, i no
traim long helpim mi insait long dispela taim bilong hevi? Ating dispela
em pasin bilong dispela God husat i pulap long laikim na i save stap
klostu tru long ol man i save lukautim ol wokman bilong em, a? Bilong
wanem na em mi i no laik narapela man? Mi mekim wanem kain
pasin stret long kisim dispela kain pe? Mi bilip tasol olsem mi bin
harim long God.
Mi ting olsem em i mas gat dispela kain ol tingting insait long bel
bilong em.
Em i gat liklik fridom insait long laip bilong em, tasol insait long
dispela, em i gat rait long makim wanem kain rot em i laik wokabaut
long en, insait long dispela ol samting we i kamap long em. Em bai
belhat na tubel long ol brata bilong em, na tu long God? O, em bai
lusim dispela bilip em i gat long lukim dispela tok promis i karim kaikai
long laip bilong em na rausim em yet long dispela laspela strong we
em i ken helpim em long stap laip yet?
38
Gris bilong Satan
Bilong wanem na dispela kain samting …
GOD EM I BOSIM, A?
Mi ting olsem, em i no bin stap long tingting bilong Josep olsem,
dispela em i rot we God i bin makim bilong em long kamap bos bilong
ol samting, tasol, ating bihain long em i bin lukim dispela olgeta
samting i bin kamap, em i mas tingim olsem. Long wanem kain rot
bai bihain em bai i yusim dispela wok bilong em olsem bos long lukluk
long ol brata bilong em husat i bin hait na giaman na salim em i go
long ol arapela lain olgeta? Josep i wok long lainim pasin bilong harim
tok insait long dispela ol hevi we i kamap long em. Ol brata bilong em
i kamap olsem wanpela gutpela hap tul long han bilong God, husat i
yusim ol long kamapim dispela tok promis bilong em. Yu ting wanem
long Josep, ating em bai i holim pas dispela tok promis bilong em,
na lukluk long God long wanem as na em i kam stap olsem o nogat?
Ating taim Josep i lukim dispela ol driman, na em i ting olsem
laip bilong em bai i karim gutpela kaikai na olgeta samting bai i orait
stret. Em i no save olsem pasin bilong kamap bos, em bilong kamap
wokboi na helpim ol arapela, na i no bilong stap antap long ol arapela.
Planti taim insait long ol kain taim olsem, yumi i save lukluk long ol
samting we i kamap nogut tru long laip bilong yumi, na yumi i no
save lukluk long dispela God husat i gat olgeta strong na pawa. Long
dispela as, yumi save tubel na laik putim ol belhat bilong yumi i go
long ol lain husat yumi save ting olsem, ol i as bilong dispela olgeta
samting nogut i kamap long laip bilong yumi. Taim yumi lukim olsem
God inap long stopim dispela olgeta samting long kamap—tasol em
i no mekim olsem—em yumi i save sutim tok long Em planti taim.
Dispela kain ol tingting i wok long kamap insait long tingting bilong
Josep: “Mi ting olsem mi bin stap insait long pasin, God i laikim long
en na mi no mekim wanpela pasin we i no stret long ai bilong Em o
bagarapim nem bilong Em. Mi bin tokaut long dispela driman, God
yet i givim mi na dispela i kisim mi go we? Ol brata bilong mi i hait na
39
Bilong wanem na dispela kain samting …
Gris bilong Satan
salim mi go long ol arapela lain olsem kakaboi! Na papa bilong mi i
ting olsem mi dai pinis, na em i no traim long kam painim mi long Isip.”
Long tingting bilong Josep, as bilong dispela olgeta samting, em
i stap long ol brata bilong em, bilong wanem, ol i as bilong em i
stap long kalabus. Ating em i mas gat dispela kain tingting olsem, ol
samting bai i kamap narakain liklik taim God i givim em dispela pawa
bilong stap olsem bos antap long ol arapela, wankain olsem em i bin
lukim long driman bilong em. Ating laip bilong em bai narakain, sapos
ol brata bilong em, i no bin bagarapim dispela plen long laip bilong em.
Hamaspela taim yumi save harim ol brata na susa bilong yumi i
pundaun long dispela kain trap bilong poinim pinga long ol arapela
sapos wanpela samting i go rong? Kain olsem dispela kain tok:
“Sapos meri bilong mi i no bin mekim olsem, em mi bai i stap insait
long ministri. Em i bin stap namel na pasim rot bilong mi long stap
insait long ministri, na tu bagarapim planti samting we mi gat gutpela
driman long mekim long en.”
O kain olsem; “Sapos ol papamama bilong mi i no bin mekim
olsem, em mi bai gat wanpela nomol laip. Em asua bilong ol long
wanem kain laip mi stap long en nau. Bilong wanem na ol arapela
i gat gutpela laip na mi nogat? Ating marit bilong mi bai i stap orait
stret, sapos papamama bilong mi i no bin brukim marit bilong tupela.”
O, “Sapos pasto bilong mi i no bin pasim dispela presen i stap
insait long mi, mi bai i stap fri na i no wari long wanpela samting. Em
i bin stopim mi long kamapim wanem driman bilong mi, insait long
ministri bilong mi. Em i mekim na planti ol manmeri insait long sios
i kros, na tanim baksait long mi.”
O, “Sapos bipo man bilong mi i no bin mekim olsem, nau mi na ol
pikinini bilong mi bai no inap long sot long moni.”
O, “Sapos dispela meri long sios i no bin mekim olsem, ating bai
mi wok gut wantaim ol lida bilong mi long sios, na bai i nogat hevi.
Tasol em i bin tok baksait long mi na bagarapim nem bilong mi na
mi no gat gutpela nem moa long sios, em i bagarapim mi olgeta.”
40
Gris bilong Satan
Bilong wanem na dispela kain samting …
Na planti dispela kain tingting long lista i go yet. Em isi tru long
sutim tok long ol arapela lain long wanem kain hevi yu gat long en.
Na traim long tingting long wanem kain laip yu bai stap long en, sapos
dispela ol lain husat i stap klostu long yu i no bin stap insait long laip
bilong yu. Yu save olsem dispela ol lain i mekim na laip bilong yu i
no go stret, olsem na em i asua bilong ol.
Mi laik toktok strong long dispela poin: Yu mas save olsem, nogat
wanpela man, meri, pikinini, o spirit nogut inap long rausim yu long
laik bilong God! Nogat wanpela man i holim o inap long pasim dispela
tingting we God i gat long yu. Ol brata bilong Josep i traim hat tru long
bagarapim dispela driman we God i givim long em. Ol i ting olsem ol
i pasim olgeta dispela long Josep na driman bilong God long em, bai i
no inap long wok. Ol i tokaut long maus bilong ol yet olsem, “Kaman,
yumi kilim em i dai na tromoi bodi bilong en long wanpela bilong
ol dispela hul….Na bai yumi i lukim wanem kain samting bai kamap
long ol driman bilong en!” (Stat 37:20). Ol i laik bagarapim em stret
na dispela i no wanpela samting we i kamap nating. Ol i laik stret long
bagarapim dispela driman bilong em, long em i noken kamap, olsem
na ol i mekim dispela kain pasin nogut long em! Long dispela taim ol
i salim em i go olsem kakaboi, God i stap long heven na lukluk i go
long Pikinini Man bilong em wantaim Holi Spirit na i tok, “Bai yumi
mekim wanem samting nau? Lukim wanem samting ol brata bilong
em i mekim. Ol i bagarapim dispela plen bilong yumi long laip bilong
Josep olsem na yumi mas mekim sampela samting hariap! Yumi gat
wanpela narapela plen tu i stap, o nogat?”
Planti ol Kristen i save lukluk long ol hevi i kamap long laip bilong
ol, na ol i save ting olsem dispela kain ol samting i save kamap long
heven, tu. Traim tingim, sapos Papa i tok olsem long Jisas, “Jisas, ol
i rausim Jim long wok, bilong wanem, narapela bilip man insait long
sios i mekim tok giaman long em. Bai Yumi mekim wanem? Yu gat
sampela wok i stap long daunbilo, o nogat?” O “Jisas, Sali em i gat
tripela ten krismas na fo, na em i no marit yet. Yu save long sampela
41
Bilong wanem na dispela kain samting …
Gris bilong Satan
man husat i no marit yet i stap, o nogat? Dispela man mi gat tingting
long em bai maritim Sali, i maritim poroman bilong Sali husat i bin
tok baksait long Sali, na mekim tingting bilong dispela man i paul na
em i givim baksait long Sali na maritim dispela poroman bilong Sali.”
Dispela bai i no inap krai gut long yau bilong yumi, tasol ol pasin
yumi i save mekim, i save tokaut olsem yumi save i gat dispela kain
tingting long God.
Yumi lukluk gen long Josep, em bai mekim wanem sapos em i stap
long sios bilong yumi tude. Sapos em i olsem sampela bilong yumi,
yu save long wanem samting em bai mekim, a? Ating em bai i traim
long bekim dispela pasin we ol brata bilong em i bin mekim long
em. Ating em bai traim long strongim tingting bilong em wantaim
dispela kain tingting olsem, “Taim mi lukim ol, bai mi kilim ol! Bai mi
kilim ol long wanem kain pasin ol i mekim long mi. Ol bai kisim han
bilong mi stret.”
Tasol sapos Josep i bin gat dispela kain tingting, ating God bai larim
em i stap insait long dispela kalabus na dai! Bilong wanem, sapos em
i bin kamaut long dispela banis kalabus wantaim dispela kain tingting,
ating em bai i kilim pinis ol dispela tenpela hetman bilong twelvpela
hauslain bilong Israel. Na dispela em karamapim ol lain Juda tu, we
Krais bai kamap long en.
Yes, ol lain husat i mekim nogut long Josep i kamapim ol tumbuna
papa bilong Israel! Na God i bin promisim Abraham olsem, ol tumbuna
bilong em, bai i kamapim wanpela nesen na long ol, Bikpela bilong
yumi, Jisas, bai i kam long graun. Josep i no belhat o tubel olsem na,
plen bilong God i kamap long laip bilong em na long ol brata bilong
em.
EM BAI I KAMAP NOGUT OLGETA O NOGAT?
Taim Josep i stap insait long haus kalabus, em i bin gat sans long
helpim ol narapela, tu. Long dispela taim, tupela narapela kalabus
man i bin stap wantaim Josep na tupela wantaim i bin driman. Na
42
Gris bilong Satan
Bilong wanem na dispela kain samting …
Josep i bin tokaut gut tru long as bilong dispela tupela driman bilong
dispela tupela man insait long kalabus. Wanpela bilong dispela tupela
man i bin kisim wok bilong em bek, na narapela ol i bin kilim em. Na
Josep i bin kirap na askim dispela man husat bai i kisim wok bilong em
bek, long em i mas tingim em, taim em i go bek long wok bilong em.
Dispela man i go bek long wok bilong em aninit long king, na klostu
olsem tupela yia i go pinis, na Josep i no harim wanpela toktok long
em. Dispela em i wanpela samting tu we Josep inap long belhat na
tubel long em, tasol em i no mekim.
God i save gat plen olgeta taim
Wanpela taim i kamap we king i gat wanpela narakain driman
olgeta, na nogat wanpela saveman bilong em, o ol glasman inap
long autim dispela driman bilong em. Long dispela taim stret, dispela
wokman bilong king husat i bin kisim wok bilong em bek, i bin tingim
Josep na em i stori long king long dispela taim em i bin stap long
kalabus wantaim narapela wokman. Na, tupela i bin gat narakain
driman na Josep i bin autim gut as bilong driman bilong tupela, na
ol samting i bin kamap olsem Josep i bin i tok long en. Kwiktaim tru,
ol i bin kisim Josep i kam long king, na em i autim driman bilong
king – long wanpela bikpela taim bilong hangere bai i kamap—na
em i givim gutpela tingting long king, olsem king i mas redim em
yet long dispela taim nogut bai i kamap. Wantu tasol, king i makim
Josep long kamap namba tu bosman insait long olgeta hap bilong
Isip. Na God i givim gutpela tingting long Josep, long em i ken redim
ol samting bilong dispela taim nogut bai i kam.
Bihain taim, taim bilong hangere i kamap long olgeta ples, ol brata
bilong Josep i kam long Isip long kisim helpim. Sapos Josep i bin gat
tubel insait long bel bilong em long ol brata bilong em, ating long
dispela taim, em bai i gutpela taim stret long karimaut dispela tingting
bilong em. Em inap long tromoi ol i go insait long kalabus bai ol i ken
stap olgeta long hap, o givim skin pen long ol, na bihain kilim ol i dai.
43
Bilong wanem na dispela kain samting …
Gris bilong Satan
Na nogat wanpela toktok bai i kamap long dispela, bilong wanem,
em yet em i namba tu bos insait long Isip. Na tu, king bai i no inap
bisi long ol brata bilong em, sapos em i bagarapim ol bikos king i no
save long ol.
Tasol Josep i no kisim moni long ol kaikai em i givim ol nogat, em
i givim ol nating. Bihain em i givim ol brata bilong em gutpela graun
stret insait long Isip bai ol i inap long stap gut long en. Josep i blesim
na mekim gut long ol lain husat i tok nogut na les long em. (Lukim
Matyu 5:44)
God i save long wanem kain pasin ol brata bilong Josep bai i mekim
bipo long ol i mekim. Tok tru em i olsem, Bikpela i save pinis olsem,
ol bai i mekim olsem, bipo long Em i givim driman long Josep, o bipo
long mama i karim olgeta dispela ol brata.
Long skruim tok moa, lukim wanem samting Josep i tokim ol brata
bilong em, taim ol i kam bung gen, “Tasol nau, yupela i noken poret
na belhat long yupela yet olsem yupela i bin salim mi kam long hia;
bilong wanem, God yet i salim mi kam bilong helpim yupela insait long
dispela taim nogut. Tupela yia bilong hangere i go pinis na faivpela
yia moa i stap, bai nogat ren na ol manmeri bai no inap long wok
long gaden bilong ol.
God i salim mi i kam pas long hia bilong savim laip bilong yupela
na ol pikinini bilong yupela husat bai stap long dispela graun long
bihain taim na karim nem bilong yupela. Olsem na nau, em i no yupela
i salim mi kam tasol God” (Stat 45:5-8).
Lukluk long wanem samting dispela man bilong raitim buk Sam
i tok long en: “Bikpela i mekim bikpela hangere i kamap long ol, na
em i pinisim olgeta kaikai bilong ol. Tasol em i salim Josep i go paslain
long ol—olsem wanpela kakaboi” (Buk Song 105:16-17) paraphrased
o hap tok tasol
Husat i salim Josep? Ol brata bilong em, o God? Long maus bilong
tupela man husat i bin stap olsem witnis, yumi ken lukim olsem, God
yet i bin salim em. Josep i bin tok stret long ol brata bilong em olsem,
44
Gris bilong Satan
Bilong wanem na dispela kain samting …
“Em i no yupela husat i bin salim mi kam long hia.” Harim wanem
samting Holi Spirit i laik tokim yumi!
Olsem yumi tok pinis, nogat wanpela man long dispela graun, o
Satan, inap long senisim wanem kain plen God i gat long laip bilong
yu. Sapos yu holim pas tok tru long laip bilong yu, orait em inap long
larim yu go fri. Tasol i gat wanpela husat i ken rausim yu long dispela
plen bilong God, na em yu yet!
Yumi lukluk i go long ol lain Israel. God i bin salim Moses, bilong
helpim ol long kamaut long kalabus bilong Isip, na i go long dispela
ples we God i promis long en. Bihain long wanpela yia bilong ol i lusim
Isip na raun long ples i drai, ol i salim ol lida bilong ol i go mekim wok
painimaut long ples klostu long ol. Dispela ol lida i kam bek na toktok
planti namel long ol yet, bilong wanem, ol i lukim ol traipela manmeri
bilong dispela hap husat i fit long pait na ol i pret nogut tru long ol.
Olgeta lain manmeri i wanbel long toktok bilong dispela ol lida,
tasol Josua na Kalep i no wanbel long dispela ol toktok bilong ol lida.
Ol manmeri i pilim olsem God i kisim ol i kamaut long Isip long dai,
na ol i gat belhat na tubel long Moses, na long God tu. Na dispela ol
kain tingting ol holim inap long mak bilong wanpela yia. Bikos long
dispela kain pasin bilong ol, olgeta dispela ol lain manmeri bilong
dispela taim, i no lukim dispela graun God i promis long en.
Planti ol lain husat i gat bikpela laik long mekim wok bilong God
wantaim olgeta bel bilong ol, i bin go insait long sampela kain hatpela
traim, we ol haiden manmeri o sampela taim ol i kamap Kristen
manmeri long skin tasol o skin Kristen, i no save mekim gutpela
pasin long ol. Tasol sapos ol i laik belhat long dispela kain ol pasin
ol arapela i mekim long ol, em bai kamapim dispela tru tru tingting
bilong man nogut, na dispela i ken rausim ol long plen bilong God
long laip bilong ol.
Sapos yu nogat pasin bilong belhat na tubel long laip bilong yu,
orait dispela i ken larim yu i stap insait long plen bilong God, long
laip bilong yu. Tasol sapos yu gat belhat na tubel long laip bilong yu,
45
Bilong wanem na dispela kain samting …
Gris bilong Satan
orait man nogut i ken kalabusim yu long bihainim laik na tingting
bilong em yet.
Yumi i mas save gut olsem, nogat wanpela samting nogut bai
i kamap long yumi, we Bikpela i no inap save long em. Nogat tru.
Sapos man nogut i ken bagarapim yumi long laik na tingting bilong
em, ating em inap long mekim olsem pinis bilong wanem, em i save
les nogut tru long ol manmeri husat i gat driman o laik long mekim
wok bilong God. Yu mas tingim dispela gutpela tingting olgeta taim.
Ol traim i bin kamap long yupela, ol i no ol narakain traim. Nogat.
Ol i wankian olsem ol traim i save kamap long olgeta man. Na God i
save bihainim tok bilong Em, na Em bai i no inap larim wanpela bilong
ol traim i kamap long yupela, em i winim strong bilong yupela. Nogat.
Sapos traim i kamap long yupela, orait God bai i wokim rot bilong
helpim yupela. Dispela rot i olsem. Em bai i mekim yupela i sanap
strong na dispela traim bai no inap daunim yupela.—1 Korin 10:13
Lukim, tok i tok olsem, “dispela rot bilong ranawe” na i no
“wanpela rot bilong ranawe”. God i lukim pinis wanem kain ol nogut
samting bai i kamap long yumi—na God yet i gat rot bilong helpim
yumi long kamaut long dispela ol nogut samting, bikpela o liklik
samting. Na wanpela gutpela samting moa em i olsem, planti taim,
yumi save ting olsem dispela ol samting nogut i bagarapim plen bilong
God, tasol bihain yumi painimaut olsem, insait long dispela ol nogut
samting, i gat gutpela samting bilong em i stap, sapos yumi harim tok
na i nogat pasin bilong belhat na tubel long laip bilong yumi.
Olsem na yupela i mas daunim yupela yet na i stap aninit long
God. Yupela i mas sakim Satan, na em bai lusim yupela na ranawe
(Jems 4:7). Yumi bai i sakim man nogut sapos yumi no gat belhat na
tubel pasin long laip bilong yumi. Dispela driman bai i kamap narakain
liklik long wanem kain driman yu tingim long en. Tasol Toktok bilong
Em, na promis bilong Em bai i no inap long abrus, em bai i karim
kaikai. Yumi no inap long kisim, sapos yumi bikhet long Tok bilong Em.
46
Gris bilong Satan
Bilong wanem na dispela kain samting …
NARAPELA ROT BILONG WOK HAIT
NA GIAMANIM OL ARAPELA
I nogat planti lain i bin go insait long dispela kain hevi we Josep i kisim
long han bilong ol brata bilong em. Ating em bai i no inap long pilim
pen bilong dispela hevi, sapos ol birua bilong em i mekim dispela kain
pasin long em. Tasol dispela em ol brata tru tru bilong em, i kamap
long wanpela papa tasol. Ol dispela brata bilong em, ol inap long
helpim, sapotim, lukautim, banisim na givim ol gutpela skul toktok
long em, tasol ol i no mekim olsem. I gat narapela pasin i abrusim
dispela pasin nogut we i kamap long Josep o nogat?
47
EM I WANPELA SAMTING SAPOS BRATA O
SUSA BILONG YU I NO MEKIM GUTPELA PASIN
LONG YU, TASOL EM I NARAPELA SAMTING
OLGETA SAPOS PAPA BILONG YU I NO MEKIM
GUTPELA PASIN LONG YU.
Mi save tis long junia haiskul na haiskul wantaim. Las taim tasol mi
bin ritim dispela buk “Gris bilong Satan,” na em i bin kamapim ples
klia planti ol hait samting long laip bilong mi. Mi bin soim dispela
vidio bilong dispela buk long ol sumatin bilong mi, na man, mipela
pilim strongpela pawa bilong Holi Spirit insait long klasrum. Dispela
i mekim na planti ol pikinini i wok long stat long tokaut long wanem
kain bel hevi ol i gat long laip bilong ol, na askim ol arapela, na God
tu, long lusim rong bilong ol. Sampela bilong dispela ol pikinini i tok
olsem, em i wanpela nambawan de stret long laip bilong ol insait long
dispela yia. Wanpela sumatin i bin gat kros wantaim papa bilong em,
na long dispela taim em i lukim vidio, em i go bek na tok sori long
papa bilong em. Narapela sumatin i gat kros wantaim tumbuna meri
bilong em, em i go bek gen na tok sori long tumbuna meri bilong
em. Tru tru olsem, Bikpela i mekim bikpela wok stret namel long
laip bilong dispela ol pikinini. Tenkyu stret long dispela ol tok insait
long dispela buk.
—R. F., INDIANA
48
Gris bilong Satan
4
PAPA BILONG MI, PAPA BILONG MI!
Papa bilong mi…olsem na yu ken save gut, mi nogat
tingting long mekim nogut long yu o long bagarapim
yu. Mi no bin mekim wanpela rong long yu, tasol yu wok
long painim mi bilong kilim mi i dai.—1 Samuel 24:11
I
nsait long las sapta, yumi lukim hau ol brata bilong Josep i traim
long bagarapim em. Yumi lukim dispela pen, em i bin pilim long en,
taim em i go insait long dispela hevi. Ating yu tu i mas stap insait
long dispela kain hevi, we ol lain yu i save pas na stap klostu wantaim,
i bin wok hait na giamanim yu. Ol lain husat yu ting olsem, ol bai i
stap klostu long yu, na givim gutpela tingting, na soim dispela pasin
bilong laikim long yu.
Insait long dispela sapta, mi laik toktok long samting bai i gat moa
pen na hevi, na i bikpela moa long pasin bilong wok hait na giamanim
wanpela brata. Em i wanpela samting taim brata bilong yu i mekim
dispela kain pasin nogut long yu, tasol em i narapela kain samting
olgeta, taim papa bilong yu i mekim dispela kain pasin nogut long
yu. Taim mi tok papa, mi no tok tasol long dispela ol papa husat i
49
Papa bilong mi, Papa bilong mi!
Gris bilong Satan
karim yumi long en, nogat, mi toktok long ol lida bilong yumi husat i
stap bos bilong yumi. Em ol dispela lain yumi save ting olsem ol bai
helpim, trenim, lukautim na soim yumi gutpela rot.
PASIN BILONG LAIKIM NA HEITIM ARAPELA
Wanpela gutpela stori long lukim we, papa i no mekim gut long
pikinini bilong em, em stori bilong King Sol na Devit. (Lukim 1 Samuel
16-31). Laip bilong tupela i bin kam klostu liklik bipo long taim tupela
i bin bung, bilong wanem, profet bilong God, Samuel i bin kapsaitim
oil antap long het bilong Devit bilong makim em olsem, em bai kamap
neks king bilong Israel. Ating Devit i bin pulap wantaim amamas
nogut tru taim em tingim olsem, “Dispela man tasol i kapsaitim oil
antap long Sol na mekim em i kamap king olsem na mi tu bai kamap
king nau!”
Long haus bilong king, wanpela spirit nogut i wok long mekim
Sol i belhat na stap long pen, bilong wanem, em i bin sakim tok
bilong God. Em i save kisim orait bilong em, taim em i harim musik
ol i pilaim wantaim hap, olsem na ol wokman bilong Sol i wok long
painim wanpela yangpela man husat i save pilaim hap, long kam na
mekim gutpela musik. Wanpela wokman bilong king i save long Devit
olsem na em i toksave long king olsem pikinini man bilong Jesi, Devit,
i save pilaim hap na mekim musik, olsem na king Sol i salim tok long
Devit, na askim em long kam long haus bilong em, na pilaim hap
bilong mekim musik bai em i ken harim.
Long dispela taim, ating Devit i mas tingting olsem, ating God i
mas traim long mekim promis bilong em i kamap tru olsem profet i
bin toktok long en. I luk olsem nau em tru tru, bai mi winim bel na
tingting bilong king stret. Dispela em i mas stat bilong mi long kisim
dispela posisen.
Taim i go na wanpela taim, papa bilong Devit i askim Devit long
kisim sampela wara na kaikai i go long ol bikpela brata bilong em,
husat i stap long pait wantaim ol lain Filistia. Taim Devit i kam kamap
50
Gris bilong Satan
Papa bilong mi, Papa bilong mi!
long dispela ples bilong pait, em i lukim olsem dispela sempion bilong
ol lain Filistia, Goliat i sanap long sait bilong ol lain Filistia na i wok
long mekim kainkain tok bilas i go long ami bilong God. Em i harim
olsem dispela pasin i wok long kamap olsem mak bilong fotipela de
nau, na tu, em i harim olsem king bilong ol Israel bai givim pikinini
meri bilong em long maritim husat man i pait, na kilim i dai dispela
traipela man bilong ol Filistia.
Devit i go long king bilong kisim tok orait long em i ken go pait.
Orait, em i kilim Goliat na kisim pikinini meri bilong Sol olsem meri
bilong en. Long dispela taim, em i bin winim bel na tingting bilong
Sol, olsem na Sol i kisim em i go insait long haus bilong em, long stap
wantaim em. Bikpela pikinini man bilong Sol, Jonatan i mekim tok
promis wantaim Devit olsem, tupela bai stap tru tru pren insait long
laip taim bilong tupela. Insait long olgeta wok Sol i givim Devit long
mekim, han bilong God i stap antap long laip bilong Devit, olsem na
olgeta samting em i wokim, i kamapim gut stret. Na king i tokim Devit
long kam kaikai long tebol wantaim ol pikinini man bilong em yet.
Devit i amamas nogut tru long wanem, em i stap long haus bilong
king, kaikai long tebol bilong king, em i maritim pikinini meri bilong
king, poroman wantaim Jonatan, na olgeta wok bilong em i kamap
gut stret. Na tu em i winim bel na tingting bilong ol manmeri bilong
Israel. Em i lukim olsem dispela tok promis bilong profet i kamap tru
tru insait long laip bilong em.
Sol i laikim Devit moa long olgeta ol wokman bilong em, na em
i kamap olsem papa bilong Devit. Devit i mas ting olsem tru tru
wanpela taim, em Sol bai wok long trenim em, na makim em long
sindaun long sia king bilong em, wantaim biknem. Devit i wok long
amamas nogut tru long dispela olgeta ol gutpela samting God i wok
long mekim long em.
Tasol, insait long wanpela de tasol, dispela olgeta samting i senis.
Wanpela taim, taim Sol na Devit i kam bek long pait, ol meri long
ol siti bilong Israel i kamaut na singsing na danis na i tok: “Sol em i
51
Papa bilong mi, Papa bilong mi!
Gris bilong Satan
kilim wan tausen, na Devit i kilim ten tausen.” Dispela i mekim Sol
i belhat nogut tru, na stat long dispela de i go, em i save belhat na
tingting nogut tru long Devit. Tupela taim, Sol i bin traim long kilim
Devit, long taim Devit i wok long pilaim hap long Sol i stap.
Buk Baibel i tok olsem Sol i wok long heitim Devit, bilong wanem,
God i stap wantaim Devit na i no stap wantaim em moa. Olsem na
Devit i mas ranawe i go hait long ples i nogat man bilong sevim laip
bilong em yet.
Devit i mas tingim olsem, “Wanem kain samting i kamap nau?
Dispela tok promis bilong God i kamap gut stret na nau em i bagarap
olgeta. Dispela man we mi ting olsem, em i tisa bilong mi i laik kilim
mi. Bai mi mekim wanem? God i makim Sol olsem wokman bilong
em, na sapos em i birua long mi, bai mi gat wanem kain sans nau? Em
i king God i makim long lukautim nesen bilong God. Bilong wanem
na God i larim dispela samting long kamap?”
Sol i wok long ranim Devit i go long kainkain hap ples na hul bilong
maunten wantaim tri tausen gutpela na strongpela soldia bilong Israel.
Ol i gat wanpela wok tasol, na em bilong bagarapim Devit.
Long dispela taim, dispela promis i olsem wanpela driman tasol.
Devit i no stap long haus bilong king o kaikai long tebol bilong king.
Em i stap long ples nogut, na kaikai ol hap nogut kaikai bilong ol wel
abus. Em i no raun na stap long sait bilong king, na tu, ol man husat
em i bin stap wantaim, na pait wantaim, em ol i laik kilim em, na
painim em i stap. Em i nogat wanpela gutpela bet long slip, o nogat
wanpela wokboi long kam helpim em, o mekim gutpela tok long
em olsem ol i save mekim bipo. Na tu, ol i givim meri bilong em i go
long narapela man long maritim. Long dispela taim, em i save gut
tru long wanem samting ol man i nogat wanpela kantri bilong ol, i
save pilim long en.
Yu mas luksave olsem God i bin putim Devit i go stap aninit long
lukaut bilong Sol, na i no man nogut Satan. Bilong wanem na God bai
larim dispela kain samting long kamap, na tu, tingting long mekim
52
Gris bilong Satan
Papa bilong mi, Papa bilong mi!
plen bilong en? Bilong wanem na dispela olgeta gutpela samting i
kamap long Devit sotpela taim tasol, na nau olgeta dispela samting
i ranawe pinis long ai bilong em? Dispela em wanpela gutpela taim
bilong Devit long belhat na tubel—i no long Sol tasol, tasol long
God tu. Dispela olgeta ol kwesten we i nogat bekim bilong ol, i ken
kirapim bel bilong Devit long kwestenim save na tingting bilong God.
Sol i gat bikpela laik long kilim i dai dispela yangpela man, olsem
na sik bilong em i go bikpela olgeta. Em i kamap long mak we em i
nidim bikpela helpim stret. Ol pris insait long siti bilong Nob i kisim
Devit i go na lukautim em long haus bilong ol, na givim kaikai long em,
na tu, ol i givim bainat bilong Goliat long em. Ol i no save olsem Devit
i ranawe long Sol. Ol i wok long ting olsem em i mekim sampela wok
bilong king, na i kam olsem long ol. Olsem na ol i askim Bikpela long
sampela samting bilong helpim Devit, bipo long em i lusim ol na i go.
Taim Sol i painimaut olsem Devit i go stap long dispela hap, em i
belhat nogut tru, na kilim eti-faivpela pris bilong God, husat i nogat
asua bilong ol. Na tu, em i kilim olgeta manmeri insait long dispela
siti bilong Nob, wantaim bainat—olgeta man, meri, pikinini, bebi,
kau, donki, na sipsip. Em i karim kot i go long ol dispela lain husat i
nogat asua bilong ol—em inap long karim i go long ol lain Amalek. Em
i kamap olsem man bilong kilim man. Hau stret na God i bin putim
Spirit bilong em long kain man olsem?
Wanpela taim Sol i harim olsem Devit i stap long ples En Gedi, we
nogat man i save stap long en, olsem na em i kisim tri tausen soldia
bilong em na ol i go long dispela ples bilong painim Devit. Taim ol i
go long painim Devit, ol i bin go malolo long maus bilong wanpela hul
bilong maunten, na ol i no save olsem Devit i hait i stap long insait
tru bilong dispela hul bilong maunten. Sol i rausim saket bilong en,
na putim long sait i stap,na em i slip. Devit i hait i stap na isi isi, em
i kam na katim hap laplap long klos bilong Sol na karim i go. Nogat
man i lukim em, taim em i mekim olsem.
Bihain long taim Sol i kirap na i laik lusim dispela ples na i go,
53
Papa bilong mi, Papa bilong mi!
Gris bilong Satan
Devit i putim het i go daun long graun na bikmaus long em na i tok:
“Lukim, papa bilong mi! Lukim dispela hap laplap bilong yu, long han
bilong mi!...Yu mas luksave olsem nogat wanpela samting nogut, o
pasin belhat i stap long mi, na mi no mekim wanpela asua long yu.
Tasol yu wok long painim mi yet na traim long kilim mi.” (1 Sam24:11,
paraphrased o hap tok tasol.)
Krai bilong Devit i go long Sol em i olsem, “Papa bilong mi, papa
bilong mi!” Long mekim dispela tok i kam klia olgeta, as tingting
Devit i krai, em olsem, “Lukim bel bilong mi na kamap papa bilong
mi! Mi nidim wanpela lida husat bai trenim mi na i no bagarapim mi!”
Insait long dispela taim, we Sol i laik kilim em, Devit i wok long gat
bikpela tingting long bel bilong em olsem, Sol bai marimari long em,
na kamap olsem papa na lida bilong em.
OL PAPA I STAP WE?
Mi bin lukim dispela kain pasin bilong krai insait long planti man na
meri i stap insait long bodi bilong Krais. Planti bilong ol i yangpela,
na ol i gat singaut bilong God long laip bilong ol. Ol i save krai long
wanpela bai kamap olsem papa bilong ol na lukautim, trenim, sapotim,
laikim na givim gutpela toktok long sapotim ol. Long dispela as na
God i tok olsem, “bai mi mekim ol papa na ol pikinini i kamap wanbel,
na bai mi no inap bagarapim kantri bilong yupela” (Mal. 4:6)
Amerika i bin lusim pinis ol papa bilong em (kain olsem ol papa,
ol lida, na ol minista) insait long 1940s na 1950s olsem na tude, laip
bilong yumi i wok long bagarap moa yet. I no wankain olsem Sol,
tasol planti bilong ol lida bilong yumi insait long haus, wok ples na
tu long sios, i save tingting tumas long wanem kain gol ol i gat long
laip bilong ol, na ol i no save bisi long husat i stap aninit long ol. Bikos
long dispela kain pasin, dispela ol lida i save lukim ol lain bilong God
olsem ol samting bilong helpim ol long kamapim visen, o as tingting
bilong ol yet, na i no olsem dispela visen o as tingting bilong helpim
ol manmeri. Olsem na taim dispela visen o as tingting i karim kaikai,
54
Gris bilong Satan
Papa bilong mi, Papa bilong mi!
em i save bagarapim nogut tru laip bilong planti manmeri. Stretpela
pasin, pasin bilong laikim, pasin bilong marimari, wanbel na harim
tok, em ol sampela gutpela samting bilong kamapim gutpela laip,
tasol ol i save lus namel. Planti taim, ol disisen i save kamap antap
long moni, namba bilong ol manmeri i sapotim dispela as tingting,
na gutpela kaikai bilong wok.
Dispela i ken opim dua long kain pasin olsem Devit i bin kisim—
long wanem, Sol i gat wanpela kingdom bilong bosim na lukautim.
Wankain tingting i save kamap long tingting bilong ol lida bilong yumi
tude, bilong wanem, ol i ting olsem ol i wok long surikim Gutnius i
go moa.
Hamaspela ol lida i bin rausim ol man husat i stap aninit long ol
bilong wanem, ol i saspek long ol? Bilong wanem na dispela ol lida
i saspek long ol? Bikos dispela ol lida i no mekim wok bilong God,
tasol ol i mekim wok bilong visen o as tingting ol yet i bin gat long
en. Wankain olsem Sol, ol i wari tumas long wok bilong ol insait long
sios, na dispela i save kamapim pasin bilong jeles, na kisim biknem.
Ol i save hariap long luksave long ol lain husat i gat stretpela pasin
we bai helpim ol long kamapim dispela visen, o as tingting bilong ol.
Wankain tasol, Sol i bin amamas long gutpela wok bilong Devit, tasol
taim em i lukim olsem Devit winim em long sait bilong wok bilong en,
kwik taim tru em i rausim em long wok na traim long painim sampela
rot bilong bagarapim em.
Mi bin toktok wantaim planti ol yangpela manmeri husat i bin krai
long stretpela pasin i mas kamap. Ol i laik stap aninit long wanpela
lida husat bai lainim ol gut long mekim wok. Ol i pilim olsem ol i stap
ol yet, na nogat man i sapotim ol long wanem wok ol i mekim i stap
long en. Ol i wok long painim wanpela bai kamap olsem papa bilong
ol. Tasol God i larim ol long go insait long dispela hevi, bilong wanem,
God i laik mekim wankain pasin long ol, olsem em i bin mekim long
Devit. Yupela i mas harim gut wanem samting Holi Spirit i laik tokim
yupela long en.
55
Papa bilong mi, Papa bilong mi!
Gris bilong Satan
Devit i wok long tingting planti na wari olsem, ating Sol i mas
bilip olsem em i wanpela man bilong sakim tok, na mekim ol pasin
i no stret. Devit i mas sekim bel bilong em yet na i tok, “Mi go rong
olsem wanem? Bilong wanem na Sol i belhat long mi hariap tru?”
Em long dispela as tasol na em i bin bikmaus na i tok, “Sampela lain
i bin tokim mi long kilim yu tasol mi tok nogat. Mi katim dispela hap
laplap bilong klos bilong yu, bilong soim yu olsem, mi nogat tingting
long mekim nogut long yu o bagarapim yu.” (Lukim 1 Samuel 24:11).
Devit i ting olsem sapos em i soim laikim bilong em long Sol, orait Sol
bai wanbel na givim em bek dispela olgeta samting, em i bin gat bipo,
na dispela olgeta tok profesi bai kamap olsem profet i bin tok long en.
Ol manmeri husat ol papa o lida bilong ol i bin les na rausim ol
long en, i save putim hevi antap long ol yet. Ol i save stap insait long
kalabus bilong kain tingting olsem, mi bin mekim wanem samting
stret? O ating mi mas gat sin long bel bilong mi? Sampela taim, ol i
save tingting olsem, husat i mekim na bel bilong dispela lida bilong
mi i wok long belhat na kros long mi? Na ol i save traim long soim
ol lida bilong ol olsem, ol i no mekim dispela ol rong samting. Ol i
save ting olsem, sapos ol i soim olsem ol i stap aninit tru na mekim
ol gutpela wok, orait dispela ol lida bilong ol, bai lukim ol na wanbel
na kisim ol i kam bek gen. Em i wanpela sori samting tru, taim ol i
traim long mekim dispela kain pasin, tasol, ol i pilim olsem ol lida i
les tru long ol.
HUSAT BAI HELPIM MI LONG PAIT?
Sol i luksave long dispela gutpela pasin bilong Devit, taim em i lukim
olsem Devit inap long kilim, em tasol em i no mekim olsem, olsem
na Sol i kirap, lusim dispela ples na i go bek wantaim ol ami bilong
em, long ples ol i bin kam long en. Devit i mas ting olsem, tete bai
king kisim mi bek, na givim bek olgeta samting bilong mi. Ating nau
dispela tok profesi bai kamap stret. Tru tru em i lukim bel bilong mi
nau, olsem na em bai mekim gutpela pasin.
56
Gris bilong Satan
Papa bilong mi, Papa bilong mi!
Noken hariap long kisim dispela kain tingting olsem Devit, bilong
wanem, i no longtaim liklik na sampela man i tokim Sol olsem Devit
i stap long maunten Hakila. Taim Sol i harim olsem, em i kisim ol tri
tausen soldia bilong em na i go painim Devit long dispela ples. Mi
ting olsem, dispela i mas mekim Devit i wari nogut tru, na tingting
planti. Devit i mas luksave nau olsem, Sol i no paul na i laik kilim em,
tru tru em minim stret long kilim em. Tasol Devit i no mekim wanpela
samting long hatim bel bilong Sol bilong em i ken mekim dispela kain
pasin long em. Sol i save long bel bilong Devit, tasol em i traim yet
long kilim em. Ating dispela i mas bagarapim stret bel bilong Devit?
Devit wantaim Abisai i hait na go insait long kem bilong Sol na
nogat wanpela bilong wasman i lukim tupela i go insait long kem,
bilong wanem, God i mekim ol soldia i slip i dai stret. Dispela tupela
man i hait na go isi isi insait stret long kem, long hap Sol i slip i stap
long en.
Abisai i kirap na tokim Devit, “Nau God i putim birua bilong yu
long han bilong yu. Larim mi sutim em long spia bilong em yet. Bai
mi sutim em wanpela taim tasol na bai em i dai pinis. Mi noken sutim
em tupela taim!” (1 Sam. 26:8).
Abisai i gat gutpela as tingting, taim em i mekim dispela kain
tok long Devit, long Devit i ken larim em i kilim Sol. Namba wan as
tingting, Sol i bin kilim i dai pris wantaim famili bilong ol, maski ol i
no bin mekim wanpela asua!
Namba tu as tingting bilong mekim dispela kain tok, em i olsem,
Sol i bin kisim soldia bilong em i kam wantaim em bilong painim na
kilim Devit, wantaim ol lain bilong em. Abisai i mekim dispela tok
bilong wanem, em i tingim olsem, sapos Devit i no kilim birua bilong
em, orait dispela birua bilong em, i ken kam bek na kilim em. Dispela
kain pasin em bilong banisim em yet long ol birua, olgeta kot bilong
lo bilong dispela graun i save mekim olsem!
Namba tri as tingting bilong mekim dispela kain tok, em i olsem,
God i makim Devit pinis olsem neks king bilong Israel taim em i salim
57
Papa bilong mi, Papa bilong mi!
Gris bilong Satan
profet Samuel i go long kapsaitim oil long het bilong Devit. Devit i
mas traim long kisim dispela ol samting, God i givim em, sapos em i
no laik dai pas, bipo long dispela tok profesi i ken kamap tru.
Namba fo as tingting bilong mekim dispela kain tok, em i olsem,
God i mekim ol ami bilong Israel i slip i dai bai Devit na Abisai i ken
wokabaut i go klostu long Sol. Bilong wanem as na God bai mekim
dispela kain pasin? Abisai, em yet i wok long tingim olsem, Devit bai
no inap long gat dispela kain sans gen, bihain taim.
Olgeta dispela as tingting i gutpela stret na ol i tru. Devit i wok
long kisim gutpela tingting long narapela brata. Olsem na sapos Devit
i bin gat liklik belhat na tubel insait long bel bilong em, em inap long
larim Abisai i sutim spia i go insait long Sol pinis.
Harim wanem samting Devit i tokim em: “Maski, yu noken
bagarapim em. Long wanem, Bikpela i bin makim Sol i kamap king,
na sapos wanpela man i bagarapim Sol, orait bai Bikpela yet i mekim
save long dispela man. Long nem bilong Bikpela i stap oltaim, mi
tokim yu, bai Bikpela yet i kilim Sol o Sol yet bai i dai long taim bilong
en. Bikpela i noken larim mi i bagarapim dispela king em i bin makim”
(1 Sam 26:9-11).
Sol i bin kilim planti ol lain husat i no mekim wanpela asua long en,
na tu em i laik kilim Devit, tasol Devit i no laik long kilim Sol. Bilong
wanem, Devit i laikim God yet long mekim olsem, na em i lusim
dispela i go bek long han bilong God.
Tru olsem, em bai isi tru long kisim laip bilong Sol, isi long Devit, na
tu, long ol lain Israel. Em i save olsem dispela nesen bai kamap olsem
ol sipsip i nogat wasman bilong ol, na tu, em i save olsem, wanpela
wel dok i stap namel long ol, na i traim long bihainim laik na tingting
bilong em yet. Em i hat tru long Devit long tingim em yet, na banisim
em yet long ol hevi. Tasol em i hat moa, taim em i no inap long rausim
dispela longlong king long ol lain we em i save laikim tumas, em ol
manmeri bilong Israel. Devit i mekim dispela disisen maski em i save
olsem Sol i no inap long malolo, inap long taim em i kilim em.
58
Gris bilong Satan
De 19
Devit i bin soim olsem, em i gat gutpela bel, taim, em i no bin
kilim Sol long namba wan taim, taim em inap long kilim em long en.
Narapela taim tu, taim Devit i gat sans long kilim Sol, em i inap long
mekim, tasol em i no tasim Sol long dispela taim, tu. Devit i bilip
olsem, God i makim Sol olsem king olsem na em i no ken bagarapim
o kilim em, tasol lusim em i go long han bilong God, na larim God
yet i ken jasim em.
Tude, hamaspela bilong yumi i gat wankain bel olsem Devit? Yumi
no save kilim man wantaim tru tru bainat, tasol yumi save bagarapim
man wantaim narapela kain bainat – dispela tang bilong yumi. “Toktok
bilong yu em inap mekim man i stap gut na em inap long bagarapim
man” (Prov. 18:21).
Ol sios i save bruk, famili i save bruk, marit i save bruk na pasin
bilong laikim i save dai, bilong wanem, ol strongpela toktok man i save
tromoi, i save bagarapim na mekim man i pilim nogut stret. Taim ol
pren, famili o lida bilong yumi i save mekim yumi belhat, yumi save
traim long mekim ol toktok we i save kam wantaim belhat na tubel.
Sampela taim dispela ol toktok yumi save harim long en, em i tru,
tasol, tingting i stap baksait long en, em i doti.
Proveb 6:16-19 i tok olsem pasin bilong kamapim tubel na bruk
namel long wanpela lain em i wanpela samting nogut stret long ai
bilong Bikpela. Taim yumi gat hait tingting long brukim o bagarapim
wanpela rilesensip, o gutpela nem bilong ol arapela, maski dispela
samting em i tru taim yumi mekim olsem, em i ken bagarapim bel
bilong God.
GOD I YUSIM MI LONG KAMAUTIM PLES KLIA OL
SIN BILONG OL LIDA BILONG MI, O?
Insait long sevenpela yia, mi bin wok ful taim insait long ministri bilong
helpim ol yangpela manmeri. Na tu, olsem pasto bilong ol, bipo long
God i larim mi na meri bilong mi, long wok long dispela ministri, nau
59
Papa bilong mi, Papa bilong mi!
Gris bilong Satan
mitupela i stap long en. Taim mi stap olsem pasto bilong ol yangpela
manmeri, i gat wanpela man husat i no save laikim mi, na tu, em i no
save laikim ol toktok mi save autim long en. Mi no save bisi tumas
long dispela kain samting, tasol dispela man em gat posisen, we i
antap long mi, insait long sios.
Mi gat bilip olsem God i bin tokim mi long toktok strong long ol
yangpela manmeri, olsem ol i mas kamap strong stret long mekim
stretpela pasin. Na pikinini man bilong dispela man, i bin stap namel
long dispela ol yangpela manmeri, mi bin toktok long ol.
Dispela tok i wok long kotim bel bilong dispela yangpela man i
go, na wanpela taim, em i kam krai long mipela. Em i bin bel hevi,
bilong wanem, em i pilim olsem, laip bilong em long haus i no inap
long kamap long dispela mak we mi bin toktok long en, na ol arapela
yangpela manmeri long bihainim.
Dispela samting wantaim ol arapela ol samting tu i wokim na, papa
bilong em i wok long tingting strong long rausim mi long dispela wok
mi wok, long wokim. Em i save go long het pasto bilong sios na traim
long sutim na bagarapim bel bilong em wantaim ol giaman toktok
bilong em, long mi. Na bihain, em i save kam na tokim mi olsem,
dispela het pasto i no save laikim mi na i save mekim ol tok nogut
long mi, tasol em i save stap long sait bilong mi, na toktok long het
pasto. I gat planti ol pas ol narapela wokman i bin raitim, we i no
tokaut long nem bilong mi, tasol mi ken lukim olsem dispela ol pas, i
toktok long mi. Em i save mekim gutpela pes long ai bilong mi, tasol
tru tru, tingting bilong em i laik bagarapim mi.
Sampela ol memba bilong dispela yut grup i tok olsem, ol i harim
olsem, ol bai rausim mi long wok. Em pikinini man bilong dispela
man, i bin go raun na mekim dispela toktok, bilong wanem, em i bin
harim papa bilong em i bin mekim dispela tok long haus, olsem na
em i toktok raun. Tasol em yet, i no gat laik long bagarapim mi. Mi
bin belhat nogut tru na mi go na askim dispela man, na em i kirap na
60
Gris bilong Satan
De 19
i tok olsem, tru tru em i bin mekim dispela tok, bilong wanem, em i
harim long het pasto.
Planti mun i kam, i go, na i nogat we bilong stretim dispela ol
toktok, na toktok i no pinis yet. Em i bin bagarapim olgeta rot bilong
mi long toktok wantaim het pasto. Em i no mekim dispela pasin long
mi tasol. Nogat. Em i mekim wankain pasin long ol arapela pasto, we
em i no save laikim ol long en.
Ol famili bilong mi i wok long wari na tingting planti, olsem tru
tru, ol bai rausim mipela long sios, o bai mipela bai i stap yet insait
long sios. Mitupela meri bilong mi i bin baim wanpela haus, na tu,
meri bilong mi i gat bel, olsem na mitupela i no save wanem hap bai
mitupela i go long en, sapos ol i rausim mitupela long sios. Mi no
laik long salim ol pepa wok bilong mi i go aut long painim wok long
sampela ol arapela hap. Mi bilip olsem God i bin kisim mi kam long
dispela sios, na mi bai stap long dispela sios, olsem na, mi nogat
narapela tingting moa long narapela hap mi bai go long en.
Meri bilong mi i bin wari nogut tru na i tok, “Lewa, mi save olsem,
ol bai rausim yu long wok, bilong wanem, olgeta lain i wok long tokim
mi olsem.”
Na mi tokim em olsem, “Ol i no kisim mi long wok olsem na ol i no
inap long rausim mi long wok, sapos God i no givim tok orait long ol,
long mekim olsem. Em i ting olsem mi wok long haitim dispela olgeta
samting i wok long kamap i stap, olsem na, em i wok long tokim mi
olsem mi mas lusim dispela wok.
Bihain stret nius i kam olsem, ol i mekim disisen pinis long rausim
mi long wok. Dispela het pasto i givim toksave long sios olsem
sampela senis bai kamap klostu taim, insait long yut grup. Mi i no
bin toktok wantaim em long dispela kros i bin kamap namel long mi
na dispela lida em i bin putim long bosim mi. Ol i makim taim long mi
bai go bung wantaim het pasto, na dispela lida man long narapela de
bihain. God i bin putim long bel bilong mi olsem mi mas stap isi na
noken traim long strongim sait bilong mi yet insait long dispela bung.
61
Papa bilong mi, Papa bilong mi!
Gris bilong Satan
Orait long dispela de bilong bung, mi go long opis bilong het pasto,
na mi kirap nogut tru long painim het pasto yet i sindaun i stap long
opis bilong em. Em i lukim mi na i tok, “Jon, God i salim yu i kam long
dispela sios, olsem na mi no inap long larim yu i go.”
Mi pilim bel isi, na mi amamas nogut tru bilong wanem, God i bin
banisim mi long las minit stret.
Het pasto i askim mi olsem, “Bilong wanem na dispela man i wok
long traim long bagarapim yu? Plis go long em, na yutupela traim
long stretim dispela hevi namel bilong yutupela.”
Sotpela taim bihain long dispela miting, mi bin kisim wanpela pas
i kam long dispela lida, long tokim mi, long wanem tok ol i bin pasim,
long wanem wok mi bai mekim. Dispela pas i soim ples klia, wanem
kain hait tingting, em i gat long en, olsem na nau, mi redi long go
tokim het pasto long dispela.
Long dispela de, mi no pilim bel isi olsem na mi wok long wokabaut
i go kam insait long haus bilong mi na beten, mak bilong foti-faivpela
minit, bilong traim na daunim dispela samting mi wok long pilim
long en. Mi wok long beten olsem i stap, “God, dispela man em i bin
mekim planti giaman na nogut pasin i stap, olsem na mi mas putim
aut ples klia. Em bai bagarapim dispela ministri, olsem na mi mas
tokim het pasto long em i wanem kain man!”
Mi strongim sait bilong mi long tokaut long pasin bilong dispela
man, olsem na mi toktok moa yet long God olsem, “Olgeta samting
bai mi toktok long en, em i tru na olgeta i stap long pepa pinis, olsem
na mi no toktok wantaim belhat. Sapos mipela i no stopim em, orait
em i ken bagarapim sios wantaim dispela kain pasin bilong em.“
Laspela samting mi mekim, mi belhat na askim God, “God, ating
tru tru, yu i no laikim mi long putim em i kam ples klia, a?”
Taim mi mekim dispela tok stret, mi pilim bel isi bilong God i
kam pulapim bel bilong mi. Mi kirap nogut, bilong wanem, God i no
laikim mi long mekim wanpela samting long dispela man, olsem na
mi tromoi dispela pepa i go. Bihain taim, taim mi lukluk i go bek long
62
Gris bilong Satan
Papa bilong mi, Papa bilong mi!
dispela taim, mi luksave olsem, mi bin traim long winim dispela pait
long sait bilong mi yet, na i no long banisim ol arapela insait long
ministri. Baksait tingting bilong mi long dispela taim, em i no bin stret.
Ol toktok bilong mi em i bin stret, tasol, baksait tingting bilong mi,
em i bin doti na i no gutpela.
Sampela taim i kam i go pinis, na wanpela taim, mi bin beten
autsait long haus lotu i stap, bipo long mi statim wok bilong dispela
de na dispela man i draivim kar bilong em i kam long haus lotu. God
i putim long bel bilong mi olsem mi mas daunim mi yet na i go na
toktok wantaim em. Hariap tru mi strongim sait bilong mi, na bekim
tok long God olsem, “Nogat Bikpela, em i mas kam long mi. Em tasol
i kamapim dispela olgeta hevi.”
Mi wok long beten yet i stap, tasol Bikpela i putim long bel bilong
mi olsem, mi mas daunim mi yet, na i go lukim em hariap. Mi save
olsem, God i laikim mi long mekim, olsem na mi go long opis bilong
mi, na ringim em, na bihain mi go long opis bilong em. Tasol wanem
samting mi tok em i narakain olgeta long wanem samting mi inap
long tokim em, sapos God i no bin wok long laip bilong mi.
Wantaim gutpela bel, mi askim em long lusim rong bilong mi. Mi
tokim em olsem, “Mi bin gat tingting nogut na jasim yu.”
Hariap tru bel bilong em i isi, na mitupela toktok longpela taim
liklik, olsem mak bilong wanpela aua. Stat long dispela de i go, em i
stop long mekim dispela kain ol pasin long mi tasol, dispela kain hevi
i stap namel long em na ol arapela pasto.
Bihain long sikispela mun, mi bin go minista autsait long kantri,
long dispela taim, olgeta dispela asua bilong dispela man, i bin kamap
ples klia long het pasto. Wanem samting em i bin mekim, em i bin
nogut tru na i winim wanem ol samting mi bin save long en, na ol i
bin pinisim em long wok.
Kot i bin kamap tasol i no long han bilong mi. Dispela samting we
em i tingting long mekim long mi, i bin kamap long em, tasol taim
dispela samting i kamap long em, mi no bin amamas. Mi bin sori nogut
63
Papa bilong mi, Papa bilong mi!
Gris bilong Satan
tru long em, na famili bilong em. Mi save long wanem kain pen, em
i pilim, bilong wanem, mi bin go insait long wankain pen, taim em i
bin mekim dispela kain pasin long mi.
Bikos mi bin lusim rong bilong em sikispela mun i go pinis, nau mi
gat dispela laikim long em na mi i no laikim dispela kain pasin long
kamap long em. Sapos ol i bin rausim em long wok wanpela yia i go
pinis, mi bai belhat i stap long en yet, na mi bai amamas nogut tru.
Na mi save olsem tru tru, mi kamaut na stap fri olgeta long dispela
pasin bilong belhat na tubel. Daun pasin na pasin bilong les long
bekim bek nogut narapela i mekim long mi, em ol ki samting we i
mekim mi kamap fri olgeta long kalabus bilong belhat na tubel.
Wanpela yia bihain, mi lukim em long wanpela ples balus na mi
ran i go long hap em i sanap long em, na holim pasim em, bilong
wanem, mi pilim laikim bilong God i pulap long bel bilong mi long
em. Mi bin amamas nogut tru long harim olsem em i stap gut. Sapos
mi no bin gat dispela daun pasin na i go lukim em long opis bilong
em sampela mun i go pinis, ating nau mi bai no inap long lukim em,
na toktok gut long em long ples balus. Planti yia i go pinis, na mi no
lukim em, tasol mi pilim yet dispela laikim mi gat long em, na laik
long lukim em gen, sapos em i laik bilong God.
Devit i bin gat gutpela tingting stret, taim em i larim God i jasim
Sol. Yu bai askim olsem, “God i yusim husat long jasim Sol, ol wokman
bilong em, a?” God i bin yusim ol lain Filistia long jasim Sol, long
taim Sol wantaim ol pikinini man bilong em i go pait wantaim ol lain
Filistia na ol bin kilim ol i dai. Taim Devit i harim dispela nius,em i no
amamas, em i bel sori na krai long ol.
Wanpela man i kam na apim nem bilong em yet olsem, em i bin
kilim Sol. Em i ting olsem, dispela nius bai mekim Devit i amamas
long em, tasol nogat, em i mekim Devit i belhat nogut tru. Devit i
kirap na askim em olsem, “Yu no pret long putim han bilong yu antap
long dispela man we God i bin makim em long en na bagarapim
64
Gris bilong Satan
Papa bilong mi, Papa bilong mi!
em, a?” Devit i tokim ol man long kilim dispela man i dai. (Lukim
2 Samuel 1:14-15)
Devit i raitim wanpela song bilong ol lain Juda i ken singim bilong
soim rispek bilong em i go long Sol, na ol pikinini man bilong em. Em
i tokim ol manmeri long no ken tokaut long ol rot insait long ol siti
bilong ol Filistia, long wanem samting i kamap long Sol, na ol pikinini
bilong em, bilong wanem, nogut ol lain Filistia i harim na kisim biknem
long dispela tok. Na tu, em i putim lo olsem, nogat wanpela lain i
mas i go planim kaikai long dispela hap ples, we ol i bin kilim Sol long
em. Na em i singautim olgeta lain Israel i go long stap long haus krai
bilong Sol. Dispela, em i no pasin bilong man husat i gat belhat na
tubel long laip bilong em. Nogat. Man husat i gat belhat na tubel long
bel bilong em, bai tok olsem, “Em kisim pe bilong wanem samting
em i mekim long em.”
Devit i mekim gutpela pasin moa, taim em i no kilim lain bilong
Sol. Em i givim graun na kaikai long ol, na tu, em i givim tok orait long
tumbuna lain bilong ol, i ken kam sindaun long tebol bilong king, na
kaikai wantaim em. Yu ting dispela em i pasin bilong wanpela man
husat i gat belhat na tubel long laip bilong em, a?
Sol i bin les na rausim Devit taim em i inap long kamap olsem
papa bilong Devit, tasol, Devit i bin stap tru wantaim em, bihain
long Sol i dai pinis. Em i isi tru long stap tru long wanpela lida o
papa husat i save laikim yu, tasol olsem wanem long ol lain husat i
laik long bagarapim yu? Bai yu kamap dispela man o meri husat bai
bihainim bel na tingting bilong God, o bai yu laik long bekim bek
wanem samting ol i mekim long yu?
65
EM I ORAIT LONG GOD I BEKIM BAGARAP LONG
OL LAIN I BAGARAPIM OL WOKMAN BILONG EM.
TASOL EM I NO ORAIT LONG OL WOKMAN BILONG
GOD, LONG BAGARAPIM OL NARAPELA.
Mista Bevere, nau tasol mi ritim dispela buk bilong yu Gris bilong
Satan—na mi no inap long putim i go daun! Dispela tru tru, em
wanpela gutpela buk stret, we mi no save ritim long em, mi ritim.
P. A., MISSOURI
66
Gris bilong Satan
5
OL TARANGU MAN NA RABISMAN
INSAIT LONG SPIRIT I SAVE
KAMAP OLSEM WANEM
I
Olsem na em i go bek long ol man bilong en na tokim ol
olsem, “Bikpela i noken larim mi i bagarapim king bilong
mi, long wanem, Bikpela yet i bin makim em na putim em
i stap king. Mi noken mekim wanpela pasin nogut long
dispela king Bikpela i bin makim.” Na Devit i krosim ol
man bilong en na i no larim ol i go kilim Sol.
1 samuel 24:6-7
nsait long laspela sapta yumi lukim olsem man husat inap long
lukautim Devit na kamap olsem papa bilong em, i bin mekim nogut
long em. Devit i bin traim hat long tingting i go bek long wanem
rong em i bin mekim long Sol. Wanem samting stret em i bin mekim
na i bagarapim bel bilong Sol, na mekim Sol i kros na les long em?
Wanem samting gen em inap long mekim, long winim bek bel bilong
Sol? Em i bin soim bel tru bilong em long Sol, taim em i no bin kilim
Sol, na larim em i go maski taim Sol i traim hat tru long kilim em, na
wok long ranim em i stap.
Devit i bin putim het bilong em i go daun long graun, na bikmaus
67
Ol tarangu man na rabis man …
Gris bilong Satan
i go long Sol na i tok, “Lukim mi no mekim wanpela pasin nogut, o
bikhet, o mekim wanpela rong long yu.”
Taim Devit i soim dispela trupela bel bilong em i go long Sol, orait
bel na tingting bilong em i stap isi, tasol bihain, em i harim sampela
nius gen olsem Sol i wok long tingting yet long bagarapim em. Tasol
insait long dispela taim tu, taim God i bin mekim olgeta ami bilong
Israel i slip na i bin givim wanpela poroman long Devit, husat i bin
gat bikpela tingting long kilim Sol i dai. Em i askim Devit long em i
ken mekim olsem, tasol Devit i tok nogat, na les long apim han bilong
em, na bagarapim Sol, maski em i laik kilim em i dai. Devit ating i mas
save olsem, dispela em i wanpela kain traim i kam long em, taim em
i lukim olsem olgeta ami i slip i stap.
God i laik lukim, bai Devit i mekim wanem, em bai kilim Sol i dai
long kamapim kingdom bilong em yet, o bai em i larim God yet i
kamapim kingdom bilong em yet insait long pasin i tru, we bai stap
oltaim oltaim.
Ol pren tru bilong mi, yupela yet i noken bekim rong ol i mekim
long yupela. Yupela i mas larim God i belhat long ol. Yupela i save,
buk bilong God i tok olsem, Bekim rong em i wok bilong mi. Mi yet
bai i bekim rong bilong ol na mekim save long ol.—Rom 12:19
Em i orait long God i ken bagarapim ol lain husat i bagarapim ol
wokman bilong Em, tasol, em i no orait long ol wokman bilong God
long bagarapim ol narapela. Sol em i wanpela man husat i laik bekim
rong bilong ol narapela, em yet. Em i ranim Devit insait long fotinpela
yia, na traim long kilim em. Tu, Sol i bin kilim ol pris wantaim ol famili
bilong ol, husat i no mekim wanpela asua long em.
Taim Devit i sanap klostu long het bilong Sol, na lukluk long em
i slip i stap, Devit i gat wanpela bikpela disisen long mekim. Long
dispela taim, em bai soim tru tru bel bilong Devit olsem, em i gat
bel bilong wanpela stretpela man, o em i gat bel olsem Sol husat i
no pilim isi insait long bel bilong em yet, na i laik long bagarapim ol
narapela. Bai em i stap olsem man bilong bihainim laik bilong God, o
68
Gris bilong Satan
Ol tarangu man na rabis man …
nogat? Planti taim em i hat tru long wetim God long kamapim jasmen
bilong Em, tasol em i isi tru long yumi long bekim bek ol pasin nogut
ol arapela i save mekim long yumi.
God i save traim ol wokman bilong em long pasin bilong harim tok.
Em i save putim yumi long ples we lo bilong lotu na sosaiti i save soim
yumi olsem, wanem pasin yumi mekim em i stret olgeta. Em i save
larim ol lain husat i stap klostu na pas wantaim yumi, long mekim ol
gutpela toktok long soim olsem, dispela pasin yumi mekim em i stret
olgeta. Yumi tu bai tingting olsem yumi mekim stretpela pasin bilong
lukautim ol arapela, taim yumi traim long bekim bek ol pasin nogut
ol arapela i mekim long yumi, tasol, dispela em i no pasin bilong God.
Em i pasin na save bilong dispela graun.
Taim mi tingim gen olsem mi bin gat sans long kamapim ples klia
dispela lida husat i stap antap long mi, mi bin pait wantaim dispela
tingting olsem, nogut em bai mekim wankain pasin em i mekim long
mi long ol arapela, sapos mi no tokaut long ol pasin bilong em. Mi
wok long tingim olsem, “Em mi tokaut long tok tru tasol. Sapos mi
no tokaut, long wanem kain rot bai dispela pasin i stop? Ol arapela
tu i wok long tokim mi olsem, mi mas tokaut long dispela.
Tude, mi save olsem God i givim mi dispela ripot long pepa long
wanpela as tasol, na em bilong traim bilip bilong mi. Nogut bai mi
kamap olsem dispela lida husat i bin traim long bagarapim mi? O, bai
mi larim jasmen bilong God, long kamap o marimari sapos dispela
man i tanim bel?
GOD BAI YUSIM OL LIDA I GAT ASUA OLSEM
WANEM?
Planti manmeri i save askim olsem, “Bilong wanem na God i save
putim ol manmeri aninit long ol lida, husat i save mekim planti ol
kranki pasin, na sampela pasin bilong ol i nogut olgeta?”
69
Ol tarangu man na rabis man …
Gris bilong Satan
Lukim stori bilong Samuel taim em i bin stap olsem pikinini yet.
(Lukim 1 Samuel 2-5). I no man nogut husat i bin putim Samuel aninit
long was bilong pris Eli wantaim tupela bikhet pikinini man bilong
em, Hopni na Finias, husat i bin i stap olsem pris long dispela taim,
tasol God yet i bin mekim olsem. Dispela tupela man i save mekim
planti rong samting. Tupela i save strong na pulim ol ofa, na mekim
kainkain wantaim dispela ol ofa. Na tu, tupela i save mekim pasin
pamuk wantaim ol meri husat i save stap long dua bilong haus sel
bilong God.
Yu traim tingim, sapos em yu, husat i wok aninit long kain minista
olsem? Wanpela minista husat i no klia gut long ol samting bilong
Spirit, na i lukim wanpela meri husat i beten i stap, na i ting olsem
em i spak! Em i tingting tumas long samting bilong skin tasol na em i
pat nogut tru. Em i no klia gut long ol samting bilong Spirit, olsem na
em i no mekim wanpela samting long stretim dispela tupela hambak
pikinini man bilong em, husat, em yet i bin makim olsem lida. Tupela
i bin mekim pasin pamuk insait long sios tu.
Planti ol Kristen bilong tude, bai belhat na kros long lukim dispela
kain pasin, na ol bai lusim sios na i go painim narapela sios long lotu.
Ol bai tokim ol arapela tu, long wanem kain pasin ol pasto na lida
bilong dispela sios i wok long mekim i stap. Insait long dispela olgeta
pasin i kamap long en, mi laikim stret stori bilong yangpela Samuel, na
wanem samting em i mekim: “Yangpela mangi Samuel i save mekim
wok bilong Bikpela na Eli i bosim em.” (1 Sam. 3:1)
Tasol pasin nogut i gat bagarap bilong em: “Planti yia i go pinis na
Bikpela i no bin givim planti tok long ol Israel. Wanwan taim tasol em
i save kamap long ol long samting olsem driman na givim tok long ol.”
(1 Sam. 3:1). Planti ol lain Hibru i lukim God olsem wanpela samting
i stap longwe tru long ol. Dispela lam bilong God insait long haus
bilong Bikpela i laik dai nau. Na yu ting olsem wanem, Samuel i go
long narapela ples long lotuim God, a? O, yu ting olsem em i go long
ol het man bilong kamapim ples klia dispela ol pasin nogut bilong
70
Gris bilong Satan
Ol tarangu man na rabis man …
Eli, wantaim tupela pikinini man bilong em? O, yu ting olsem em i
kamapim wanpela komiti bilong rausim Eli wantaim tupela pikinini
man bilong em long mekim wok pris, a? Nogat! Em i wok long beten
i go long God, long wanem samting em i lukim olsem, em i no stret
long God bai helpim ol.
God yet i putim Samuel long dispela hap olsem na Samuel i nogat
wanpela bisnis bilong em, long wanem kain pasin Eli wantaim tupela
pikinini man bilong em i wok long wokim i stap. God i putim em aninit
long ol, i no bilong jasim ol, tasol bilong mekim wok bilong ol, olsem
wokboi. Samuel i save olsem Eli em i wokman bilong God, na i no
bilong em. Em i save tu olsem, God inap long wok wantaim ol wokman
bilong em yet, na i no nidim em long mekim wanpela samting.
Ol pikinini i no save lainim papa bilong ol long ol samting, em i
wok bilong ol papa long ol i mas skulim, na lainim ol pikinini bilong
ol long mekim rait samting. Yumi mas traim long wok bung wantaim
dispela ol lain, God i putim long han bilong yumi long skulim ol na
dispela em i wok bilong yumi. Ol lain husat i stap long wankain mak
olsem yumi, em yumi mas traim long givim gutpela toktok bilong
helpim na stiaim ol, olsem ol brata na susa bilong yumi. Tasol insait
long dispela sapta, na long narapela sapta i go pinis, mi laik toktok
long wanem kain pasin bai yumi mekim long ol lain husat i stap bos
bilong yumi, o husat i bosim yumi.
Samuel i mekim wok gut tru aninit long dispela minista God yet i
makim bilong em. Na em i nogat wanpela tingting bilong jasim dispela
man, o stiaim na skulim em, long mekim rait samting. Wanpela taim
tasol em i toktok long Eli long wanem kain pasin em na tupela pikinini
man bilong em i wok long mekim i stap. Long dispela taim, Eli i bin
kam na askim em long wanem kain tok profesi God i bin givim Samuel
long nait bipo. Toktok Samuel i mekim, em i no bilong em yet, tasol
em bilong God. Sapos planti man insait long sios bilong yumi i gat
dispela kain pasin, ating ol sios bilong yumi bai narakain tru.
71
Ol tarangu man na rabis man …
Gris bilong Satan
SIOS EM I NO WANPELA PLES KAIKAI
Tude planti man na meri i save hariap tru long lusim wanpela sios
sapos ol i lukim olsem, sampela ol lida i mekim sampela rong samting.
Ating pasto i autim tok kranki, o sios i yusim moni kranki, na ol i save
lusim sios na i go. Ating ol i mas painim hat long toktok long em, o
ol i mas save gut long em olsem na ol i les long toktok long em. Na
dispela kain lista i no save pinis. Inap long ol bai stap na bungim ol
dispela hevi, na traim long kamapim sampela gutpela tingting long
em, ol i save ranawe i go long narapela sios, ol i lukim olsem nogat
wanpela hevi i stap long en.
Yumi lukim: Jisas wanpela tasol em dispela trupela pasto. Olsem
na insait long Amerika, bilong wanem na yumi save ranawe taim
yumi lukim olsem planti hevi i kamap na yumi no save laik long stap
na lukim wanem gutpela samting bai kamap long en? Taim yumi no
save painim wanpela ansa bilong dispela ol hevi, yumi save belhat
na tubel wantaim na lusim dispela sios na i go. Sampela taim yumi
save tok olsem dispela profetik ministri yumi gat long en ol lain long
sios i no laikim, olsem na yumi save go long narapela sios long painim
wanpela ples yumi ting i nogat wanpela lida i gat asua long em.
Taim mi wok long raitim dispela buk i stap, mi bin stap olsem
memba bilong tupela sios tasol, insait long tupela provins long
Amerika, long las fotinpela yia bilong mi. I gat planti sans long mi ken
belhat na tubel long ol lida bilong mi (Mi mas tok stret olsem planti
taim, em asua bilong mi yet na tu mi no wanpela strongpela Kristen
long dispela taim). Mi bin gat sans long jasim na mekim kainkain
toktok long ol lida bilong sios tasol, mi no bin gat dispela kainkain
tingting long lusim sios. Wanpela taim insait long ol dispela hevi,
Bikpela i toktok long mi long Tok bilong Em,
‘Dispela em rot mi laikim yu long lusim sios’. Bai yu go aut
wantaim amamas, na bel isi wantaim.—Aisaia 55:12 wantaim
sampela moa mi yet mi tanim i go insait long dispela tok.
72
Gris bilong Satan
Ol tarangu man na rabis man …
Planti lain i no save lusim sios long dispela kain rot. Ol i save ting
olsem, sios em i olsem wanpela ples kaikai, ol i ken go na makim
wanem kain sios ol i laikim long em! Ol i pilim olsem, ol i inap long
stap sapos i nogat wanpela hevi i kamap. Tasol dispela kain samting
em buk Baibel i no tok long en. Yu no inap long makim wanem kain
sios long go long en, em God tasol i save makim! Buk Baibel i no tok
olsem, “Tasol nau God i makim ol memba na wanwan bilong ol i
mas makim wanem kain bodi ol i laik go long en.” Nogat insait long
buk Baibel em i tok olsem, “Tasol nau God i makim ol memba na
Em yet i makim wanem kain bodi wanwan bilong ol bai go long en.’
(1 Kor 12:18 wantaim sampela hap tok mi yet mi putim go insait.)
Tingim gut, sapos yu stap long ples God i laikim yu long stap long
en, orait man nogut i traim long mekim yu belhat na tubel, bilong
rausim yu long dispela ples. Em i save laik long rausim ol man na meri
husat God i planim ol long en, bai ol i no ken stap moa long dispela
hap. Sapos em i inap long rausim yu, dispela em minim olsem, wok
bilong em i karim kaikai. Tasol sapos yu no surik long wanem kain
ol hevi i kamap long yu, orait dispela bai bagarapim plen o tingting
hait bilong man nogut.
PASIN BILONG TING NOGUT
NA GIAMAN NOGUT TRU
Mi bin stap planti yia long wanpela sios na pasto bilong dispela sios
em i wanpela fit man bilong autim tok, na planti manmeri insait long
Amerika i save long em. Namba wan taim mi bin go long dispela sios,
ai bilong mi i bin op nogut tru na maus bilong mi i bin hangamap,
bilong wanem, ol samting em i tisim insait long Baibel em i narakain
tru.
Sampela taim i kam na i go na mi stat long luksave long sampela ol
kranki pasin dispela pasto i save mekim. Mi save wok aninit long em,
olsem na sampela taim mi save gat askim taim em i mekim sampela
73
Ol tarangu man na rabis man …
Gris bilong Satan
disisen insait long sios. Mi save jasim em long olgeta liklik samting
em i mekim, olsem na belhat na tubel i kam insait long laip bilong
mi. Bihain long dispela, taim em i save autim tok, mi no save pilim
tok bilong God i tasim laip bilong mi.
I gat narapela marit husat i save poroman wantaim mitupela meri
bilong mi na wok insait long dispela sios i pilim wankain samting
olsem, na God i salim tupela i go aut na kamapim ministri bilong
tupela yet. Tupela i askim mitupela long go wantaim tupela, bilong
wanem, tupela i lukim olsem mitupela tu, i wok long painim hat tru
long lotu insait long dispela sios. Tupela i mekim sampela gutpela
toktok olsem, mitupela i mas traim long mekim wanem kain wok
God i singautim mitupela long mekim. Na tu, tupela i tokim mitupela
long wanem kain samting dispela pasto na meri bilong en wantaim
ol lida bilong dispela sios i save mekim rong long en. Mipela i save
bung wantaim, na sori long mipela yet, na pilim olsem mipela i stap
long wanpela trap na nogat wanpela rot bilong mipela long kamaut.
Ol i wari stret long wanem samting i wok long kamap long mitupela
olsem na ol i mekim dispela kain toktok, tasol, dispela olgeta toktok
mipela i bung na toktok long en, i mekim dispela paia i go bikpela
stret, na mitupela i nogat amamas long bel bilong mitupela, na tu,
mitupela pilim belhat na tubel nogut tru. Olsem long Gutpela Sindaun
26:20 i tok long en, “Sapos ol i no putim paiawut long paia, bai paia
i dai. Na sapos ol man i no tok baksait, bai olgeta tok kros i pinis.”
Wanem samting ol i toktok long mitupela, ating em i trupela tok,
tasol, em i no stret long ai bilong God, bilong wanem, em i olsem
wanpela paiawut ol i putim antap long paia bilong belhat na tubel i
stap insait long tupela yet, na long mitupela tu.
Tupela i tokim mi olsem, “Mipela save olsem yu wokman bilong
God, olsem na yu go insait long dispela hevi insait long dispela ples.”
Na dispela tok i krai gut long yau bilong mi.
Mi na meri bilong mi i toktok namel long mitupela yet na i tok
olsem, “Em i tru olsem mitupela i kisim planti bagarap olsem na
74
Gris bilong Satan
Ol tarangu man na rabis man …
mitupela i mas go aut. Dispela pasto wantaim meri bilong en i laikim
mitupela, olsem na tupela bai kamap olsem pasto bilong mitupela.
Na tu ol lain long sios bilong tupela, bai amamas long kisim mitupela
wantaim wok ministri bilong mitupela i kam insait long sios bilong ol.”
Mitupela lusim dispela sios bilong mitupela, na wok long stat
long go long sios bilong dispela tupela marit, long sotpela taim tasol.
Insait long dispela taim, mitupela ting olsem mitupela i ranawe long
ol dispela hevi bilong mitupela, tasol bihain, mitupela painimaut
olsem, mitupela i wok long painim hat long lotu yet. Spirit bilong
mitupela i nogat amamas, na pret i wok long kalabusim mitupela,
olsem nogut bai mitupela i bungim wankain hevi gen. I luk olsem
olgeta samting mitupela i wok long mekim, i no ol trupela samting,
na ol i luk narakain olgeta. Mitupela i no inap long go insait long
samting bilong Spirit olsem na dispela rilesensip bilong mitupela
wantaim dispela nupela pasto na meri bilong en, i wok long kamap
hat liklik nau.
Bihain mi luksave olsem, mitupela i mas go bek long sios bilong
mitupela yet. Em i tru olsem ol lain i laikim mitupela long narapela hap,
tasol taim mitupela i go bek long sios bilong mitupela gen, hariap tru,
mitupela i pilim olsem, mitupela i kam bek insait long laik bilong God.
Na God i mekim mitupela i kirap nogut tru, na Em i tok olsem, “Jon,
mi no tokim yu long lusim dispela sios. Yu yet yu go, bilong wanem,
yu gat belhat na tubel!’
Dispela em i no asua bilong narapela pasto wantaim meri bilong
em, tasol em i asua bilong mitupela yet. Tupela i bin save long belhat
bilong mitupela, olsem na tupela i wok long traim long kamapim
wanbel insait long bel bilong tupela yet. Taim yu stap autsait long
laik bilong God, bai yu no inap long kamap olsem wanpela blesing o
helpim insait long wanpela sios. Taim yu stap autsait long laik bilong
God, dispela ol gutpela rilesensip yu gat wantaim ol arapela, em tu
bai bagarap. Mitupela i bin stap autsait long laik bilong God.
Ol lain husat i save belhat na tubel i save mekim ol samting we
75
Ol tarangu man na rabis man …
Gris bilong Satan
ol i ting olsem, em i orait, tasol dispela olgeta samting em i no kam
long God. God i no singautim yumi bilong bekim samting, taim em i
kamap tasol, bilong mekim gutpela samting.
Sapos yumi harim tok bilong God na askim Em long helpim yumi,
na Em i no mekim wanpela toktok, orait yu save long bekim bilong
em? Ating em i mas tok olsem, “Stap long wanem hap yu stap long
en. Noken traim long senisim wanpela samting.”
Planti taim, taim yumi pilim olsem, hevi i kamap bikpela tru,
yumi save painim tok bilong God long kisim gutpela tingting. Tasol
God i save putim yumi insait long dispela kain hatpela traim, bilong
mekim yumi kamap nupela gen, na kamap strong gen, na i no bilong
bagarapim yumi!
Insait long wanpela mun, mi bung wantaim pasto bilong dispela
sios bilong mi na mi tok sori long pasin bilong long jasim arapela long
ol liklik samting ol i mekim long en. Em i hariap tru long lusim rong
bilong mi. Rilesensip bilong mitupela i kamap strong gen na mi pilim
amamas i kam bek long bel bilong mi. Na long dispela taim i go, mi
inap long kisim tok bilong dispela pasto antap long pulpit gen, na mi
stap insait long dispela sios planti yia moa.
OL SAMTING OL I PLANIM LONG EN
BAI I KAMAP GUTPELA TRU
Buk Baibel i tok long Buk Song 92:13 olsem, “Ol i olsem ol diwai ol i
planim pinis long Haus bilong Bikpela. Ol i save kamap gutpela tru
insait long Haus bilong God bilong yumi.”
Lukim ol lain husat i save kamap gutpela tru, em ol i olsem dispela
diwai ol i planim insait long Haus bilong Bikpela. Wanem samting
bai kamap long wanpela plawa sapos yu save kamautim na planim
olgeta taim, bihain long tripela wik? Planti bilong yupela i save olsem
as bilong dispela plawa bai drai, na em bai no inap long stap longpela
76
Gris bilong Satan
Ol tarangu man na rabis man …
taim na karim plawa. Sapos yu wok long kamautim olgeta taim na
planim, dispela plawa bai dai!
Planti lain i save kalap kalap long sios igo long sios na ministri i
go long ministri bilong wanem, ol i laik traim long kamapim ministri
bilong ol yet.
Sapos God i putim ol long wanpela ples ol i no kisim luksave long
wok bilong ol, o ol lain i no helpim ol, ol i save belhat na tubel hariap.
Tu, sapos ol i no laikim we, we wanpela samting i kamap long en insait
long sios, orait ol bai belhat na tubel, na lusim sios o ministri na i
go. Ol i save go na tanim na sutim tok long ol lida i mekim na ol i go.
Ai bilong ol i save pas long lukim asua bilong ol yet, na ol i no save
luksave olsem, God i laik stretim ol na mekim ol i kamap nupela gen
olsem na, Em i save larim planti hevi i kamap long ol.
Yumi mas lainim long ol tok piksa God i soim long ol diwai na
plawa. Taim yu putim wanpela diwai i go daun long graun, em i save
stap aninit long bikpela win na ren na hatpela san. Sapos wanpela
yangpela diwai i save toktok, ating em bai tok olsem, “Plis rausim
mi long dispela hap! Putim mi long ples we i nogat strongpela win
o hatpela san!”
Sapos dispela didiman o man bilong lukautim gaden i harim tok
bilong dispela diwai na mekim olsem diwai i tok long en, em bai
bagarapim dispela diwai tru tru. Ol diwai i save kamap strong aninit
long strongpela san, na bikpela win, na ren, bikos ol i save salim
as bilong ol i go daun stret long graun. Dispela hatpela taim ol i go
insait long en, em i save mekim ol long sanap strong na tu em i save
mekim ol long painim narapela samting, we bai givim laip long ol. Na
wanpela taim, bai ol i kamap long dispela ples strongpela win na ren
bai no inap long stopim ol long karim kaikai.
Mi bin stap long Florida, em wanpela ples long Amerika long
sampela yia i go pinis na dispela ples em i ples bilong muli stret.
Planti ol lain bilong Florida i save olsem, taim ples em i kol nogut tru,
dispela ol muli diwai bai karim kaikai i swit nogut tru. Sapos yumi
77
Ol tarangu man na rabis man …
Gris bilong Satan
no les na ranawe long ol samting bilong Spirit, ating bai yumi tu i
kamap strong olsem strongpela as bilong diwai, i go daun stret long
graun na em i strong olgeta. Na bai yumi karim planti kaikai, na em
bai swit olgeta long ai bilong God, na kamap swit long ai bilong ol
arapela manmeri bilong God tu! Bai yumi kamap olsem dispela ol
strongpela diwai, Bikpela i save laikim long en, na i no kain ol diwai
i nogat kaikai bilong ol, olsem na ol i save kamautim ol (Luk 13:6-9).
Yumi mas noken les na ranawe long dispela samting God i salim i kam
bilong mekim yumi kamap strong insait long Spirit.
Holi Spirit i bin stap wantaim Devit, dispela man husat i bin raitim
dispela buk, Buk Song, na givim em gutpela tingting long bungim
dispela tingting bilong belhat na tubel, wantaim lo bilong God, na
tu, gro bilong yumi insait long Spirit. Em i raitim insait long Buk Song
Sapta 1 olsem:
Man husat i save laikim tumas lo bilong God na em i save
tingting long dispela lo long san na long nait, em i ken amamas
tru.
—Buk Song 1:1-2
Na insait long Buk Song 119:165 em i givim sampela moa toktok
i go long ol lain husat i save laikim tru ol lo bilong God.
Ol manmeri i laikim tumas lo bilong yu, ol i stap gut tru, na i
nogat wanpela samting inap mekim ol i pundaun.
Long lain 3 bilong Buk Song sapta 1, Devit i toktok long wanem
kain rot dispela kain man bai i go long en.
Dispela man i olsem diwai ol i planim klostu long wara. Em i
save karim kaikai long taim bilong em stret, na lip bilong en
i no save drai. Olgeta samting em i save mekim i save kamap
gutpela.
Long narapela rot yumi ken tok olsem, wanpela bilip man o meri
husat i save amamas long Tok bilong God insait long taim ol i go insait
78
Gris bilong Satan
Ol tarangu man na rabis man …
long hevi, no inap long gat belhat na tubel long wanpela samting.
Dispela man bai kamap olsem dispela diwai, as bilong em i go daun
tru long graun na Spirit i givim gutpela kaikai na strong long em. Em
bai pulim wara long hul wara bilong God bilong strongim spirit bilong
em. Dispela bai strongim em insait long spirit, na em bai kamap long
dispela mak, ol traim na hevi bai kamap olsem wanpela samting bilong
helpim em long karim kaikai. Alelluia!
Nau bai yumi lukluk i go insait long stori bilong dispela didiman
o man bilong planim kaikai husat i tromoi pikinini kaikai long gaden.
Na sampela manmeri i ol i olsem pikinini wit i pundaun long
graun i gat ston. Ol i harim tok, na ol i save kisim kwiktaim, na
ol i amamas long en. Tasol ol i no gat rop bilong ol. Ol i save
stap liklik taim tasol. Taim ol man i laik daunin tok bilong God
ol i givim hevi long dispela manmeri na mekim nogut long ol,
orait bilip bilong ol i save bagarap kwiktaim. —Mak 4:16-17
Taim yu lusim dispela ples God i makim bilong yu, orait dispela
rop we yu save kisim kaikai long em, bai i go sot na drai. Olsem na
neks taim, em bai isi long yu long ranawe long ol traim na hevi, bilong
wanem, yu no planim yu yet i stap insait long Tok bilong God. Dispela
bai mekim yu kamap long dispela ples we yu gat liklik o nogat strong
olgeta, long karim dispela olgeta traim na hevi i kamap long yu.
Nau insait long spirit, bai yu kamap olsem wanpela tripman na
raun raun long olgeta hap, na bai yu tingting planti na pret olsem
nogut ol arapela bai no inap long mekim gutpela pasin long yu. Bai
yu painim hat stret, na i no inap long gat dispela pasin bilong karim
tru tru kaikai bilong Spirit, bilong wanem, yu tingim yu yet tasol na
dispela i mekim na bai yu kaikai ol hap hap kaikai bilong ol arapela,
husat i wok long wok hat long en.
Lukim stori bilong tupela pikinini man bilong Adam, Kein na Abel.
Kein i kisim ofa bilong em long ol kaikai em i bin planim long han
bilong em yet, insait long gaden bilong em, i kam long Bikpela. Em i
79
Ol tarangu man na rabis man …
Gris bilong Satan
kisim dispela kaikai long hat wok bilong em. Em i kamautim ston na
ol kainkain ol samting i stap antap long graun. Em i digim graun na
stretim, na taim em i planim sid bilong kaikai, em i save kam givim
wara long ol, na rausim ol gras nogut long no ken kamap wantaim
ol kaikai bilong em. Em i givim planti taim bilong em long wok bilong
em i go long God, tasol em i mekim long strong bilong em yet, na i
no olsem em i harim tok bilong God na i mekim. Dispela piksa i soim
ol lain husat i save lotu long God wantaim strong na save bilong ol
yet, na i no long marimari bilong Bikpela.
Long narapela sait, Abel i karim ofa bilong harim tok i kam. Em i
kisim namba wan pikinini sipsip namel long ol sipsip em i lukautim
long en, we i pat nogut tru na i luk nais tru. Em i no wok hat long
karim dispela ofa i kam olsem Kein i mekim long en, tasol em i karim
dispela samting em i laikim tumas i kam. Tupela brata ating i mas
harim dispela stori bilong papamama bilong tupela long taim tupela
papamama i laik haitim sem bilong tupela long lip bilong diwai fik.
Diwai fik i makim olsem, tupela i laik traim long karamapim sin bilong
tupela yet, tasol God i soim wanpela gutpela piksa, taim em i kisim
skin bilong wanpela wel abus na karamapim tupela long en. Adam na
Iv i no luksave long dispela pasin we God i mekim long tupela, tasol
taim God i soim pasin bilong en i go long tupela, tupela i luksave na
ol pikinini bilong tupela tu, i luksave long dispela.
Kein i wok long traim long winim bel bilong God, long Em bai laikim
em na em i no kisim ol gutpela toktok bilong Em. God i bekim na
soim olsem Em bai laikim ol lain husat i mekim samting Em i makim
ol long mekim, insait long marimari bilong Em (Kain olsem ofa bilong
Abel) na Em bai rausim wanem samting ol lain i mekim, we i kam
aninit long pasin bilong “save long gutpela na nogut” (kain olsem ol
lotu pasin Kein i mekim long en).
Kein i belhat na tubel wantaim Bikpela olsem na inap long em
i tanim bel na mekim pasin i stret long ai bilong Bikpela, na larim
dispela traim bai strongim em, nogat, em i kirap na kapsaitim belhat
80
Gris bilong Satan
Ol tarangu man na rabis man …
na tubel bilong em long God, i go antap long Abel. Em i kilim Abel na
God i tokim Kein olsem:
“Nau mi gat strongpela tok yu olsem. Yu bin kilim i dai brata
bilong yu na mekim graun i dringim blut bilong en. Olsem na
nau mi tambuim graun long kamapim kaikai bilong yu na bai yu
no inap wokim gaden moa. Sapos yu wokim gaden bai graun i
passim gris bilong en na kaikai bai i no inap kamap. Na bai yu
nogat ples bilong yu stret, na bai yu kamap tripman na raun
raun long olgeta hap bilong graun.
—Stat 4:11-12
Dispela samting Kein i pret long God bai mekim long en, em nau,
em yet i kamapim jasmen long em yet. Dispela samting em ting olsem
em bai helpim em long winim bel bilong God, em God i tanim bek
na tromoi tok nogut antap (kes) long en. Taim em kilim brata bilong
en, dispela i karim kes i kam long em, olsem na nau dispela graun
bai no inap long kamapim kaikai olsem em i save kamapim bipo. Ol
kaikai bai karim gut sapos em i wok hat tru.
Ol Kristen i save stopim ol yet long karim gutpela kaikai insait long
laip bilong ol, taim ol i save gat belhat na tubel long laip bilong ol.
Insait long dispela stori bilong dispela didiman, o man bilong wokim
gaden husat i tromoi pikinini kaikai long gaden, Jisas i makim bel
bilong man, olsem graun bilong planim kaikai. Wankain olsem dispela
graun Kein i save planim kaikai long en i nogat kaikai, ol lain husat i
gat belhat na tubel long laip bilong ol, bai kamap olsem dispela graun
kaikai i no save kamap long en, na tu bel bilong ol i pulap wantaim
posin bilong dispela pasin belhat. Ol lain husat i gat belhat na tubel
long laip bilong ol, bai lukim ol mirakol i kamap long laip bilong ol na
ol bai autim ol strongpela tok insait long sios, na tu ol bai ken oraitim
ol lain husat i gat sik. Tasol dispela ol samting, em ol presen bilong
Spirit, na i no kaikai bilong Spirit. God bai jasim yumi long wanem
kain kaikai yumi i gat long laip bilong yumi, na i no long wanem kain
presen yumi gat long en. Presen em i olsem samting wanpela i givim
81
Ol tarangu man na rabis man …
Gris bilong Satan
yu, tasol, kaikai em i olsem samting, yu hat wok na planim long en
i kamapim.
Lukim God i tokim Kein olsem, bikos em i mekim dispela nogut
pasin, nau em bai kamap olsem ol kain man husat i save ranawe
long lo, na birua na kamap olsem tripman na raun raun long olgeta
hap. Long sios bilong yumi tude, i gat planti kain ol lain olsem husat i
ranawe long lo na birua, na kamap olsem tripman na raun raun long
olgeta hap i stap. Dispela ol presen bilong ol long singsing, autim
tok, mekim tok profesi, na kain ol samting olsem, em ol lida long
dispela ol sios pastaim ol i stap long en, i no laikim olsem na dispela
ol lain i lusim dispela sios na go painim narapela sios. Ol i ranawe i go
long olgeta hap wantaim dispela belhat bilong ol, na ol i laik painim
wanpela gutpela sios ol man bai laikim dispela ol presen bilong ol na
oraitim dispela belhat bilong ol.
Ol i pilim olsem ol man i bin paitim ol na bagarapim na rabisim
ol, na tu ol i pilim olsem ol i kamap olsem Jeremaia bilong tude. Em
ol yet wantaim God, na ol arapela lain i laik bagarapim ol olsem na
dispela i mekim na i hat long tisim ol. Ol i kisim dispela samting we
mi save kolim olsem ‘persecution complex’ we “olgeta man i laik
bagarapim mi.” Ol i save tokim ol yet olsem ol i kamap dispela man
we ol arapela i laik bagarapim ol long en o kain olsem ol profet bilong
God long mekim ol i pilim gut long ol yet. Ol i save saspek nating long
olgeta lain wankain olsem Kein i bin mekim long en. Lukim wanem
samting Kein i tok long en:
Yu tok long mi mas pinis long wokim gaden, na mi mas i stap
longwe long pes bilong yu. Na yu tok long mi mas kamap
tripman na raun nating long graun. Tasol mi pret, nogut ol
man i bungim mi na ol i kilim mi i dai.
—Stat 4:14
Lukim, Kein i gat dispela ‘persecution complex’ we em i ting olsem
olgeta man i laik bagarapim em! Em wankain long tude we ol lain
husat i gat belhat na tubel long laip bilong ol i ting olsem, olgeta
82
Gris bilong Satan
Ol tarangu man na rabis man …
man i laik long bagarapim ol tasol. Wantaim dispela kain tingting,
em i hat tru long mekim ol i luksave long wanem samting insait long
laip bilong ol we ol i nid long senisim. Ol i save stap na raun ol yet
olsem na dispela i save mekim isi tru long bagarap i ken kamap long
laip bilong ol.
Man i save stap wanpis, em i save tingting long em yet tasol.
Maski sapos ol arapela man i gat gutpela tingting, dispela man
i no laikim tingting bilong ol.
—Gutpela Sindaun 18:1
God i no mekim yumi long bai yumi sindaun na stap bilong yumi
yet. Nogat. Em i save laikim taim ol pikinini bilong Em i save was na
lukautim ol yet i go kam. Em i save belhat taim yumi save wari na pilim
sori long yumi yet, na mekim olgeta lain i mas pilim olsem amamas
bilong yumi em i stap long han bilong ol. Em i laik bai yumi mas kamap
ol manmeri bilong mekim samting insait long famili bilong em. Em
i laik olsem yumi mas kisim laip bilong yumi long Em. Wanpela man
husat i save stap em yet i save traim long bihainim laik na tingting
bilong em yet na i no bilong God. Em i no save kisim ol gutpela tingting
bilong stiaim em yet long wokabaut long gutpela rot olsem na em i
save giamanim em yet long planti samting.
Mi no toktok long dispela ol taim we God yet i save singautim
wanwan manmeri bilong redim ol long mekim wok, tasol mi toktok
long dispela ol lain husat i kalabusim ol yet. Ol i save raun long
wanpela sios i go long arapela sios, o ol i save poroman wantaim
wanpela na lusim na go poroman wantaim narapela na lusim. Ol i
save stap ol yet insait long liklik hap bilong ol yet. Ol i save ting olsem
dispela ol lain husat i no save wanbel long ol toktok bilong ol, em
ol i save kros na les long ol. Ol i save banisim ol yet taim ol i stap ol
yet na ol pilim orait insait long dispela hap ol i stap long en. Ol i no
inap long tokaut stret long wanem kain rong pasin ol i mekim long
en olsem na inap long ol bai luksave long ol nogut bilong ol na senis.
Nogat, taim ol i kisim dispela ol traim na hevi, ol i save traim long
83
Ol tarangu man na rabis man …
Gris bilong Satan
ranawe long dispela ol traim. Dispela pasin bai inap long strongim
ol taim ol i go insait long traim na hevi, em i taim pasin bilong belhat
na tubel i stat long kamap gen.
84
TAIM YU KISIM PASIN BILONG BELHAT NA TUBEL
EM I SAVE STOPIM YU LONG WANEM SAMTING EM
I RONG LONG LAIP BILONG YU, BILONG WANEM,
YU WOK LONG SUTIM TOK I GO LONG ARAPELA.
Olsem wanpela marit, mitupela i holim planti ol lain long bel bilong
mitupela na i no lusim rong bilong ol insait long planti yia. Mitupela
kamap long dispela mak we mitupela nogat planti poroman moa na
mi wok long pilim olsem mi stap bilong mi yet maski mi wok long go
olgeta taim long wanpela gutpela sios stret. Long dispela taim mi
ritim buk bilong yu, Gris Bilong Satan, na olgeta samting i senis. Mi
luksave long ol pasin bilong mi long belhat na tubel na i no lusim rong
bilong arapela na wantaim helpim bilong God, mi kamap fri olgeta!
—C. G., BELFAST, IRELAND
85
Gris bilong Satan
6
HAIT LONG SAMTING I TRU
P
Ol dispela [lain] i save laikim tumas long kisim skul, tasol
ol i no inap long kisim save long tok tru bilong God.—
2 Timoti 3:7 (wantaim sampela toktok bilong mi yet)
lanti taim ol lain i save askim mi, “Wanem taim bai mi lusim sios o
ministri tim? Wanem mak em ol samting bai kamap nogut tru na
mi mas lusim sios o ministri?” Mi save bekim olsem, “Husat i salim
yu i kam long dispela sios na yu stap long en?”
Planti taim ol lain i save bekim olsem, “God i mekim.”
Na mi save tokim ol gen olsem, “Sapos God i salim yupela long kam,
orait yupela mas wetim God long Em bai larim yupela i go. Sapos God
i no mekim wanpela toktok, orait Em i tok olsem, “Noken senisim
wanpela samting. Stap long wanem hap mi putim yu long en!”
Taim God i tokim yu long lusim dispela hap na i go, orait em bai
yu go wantaim bel isi, maski yu lusim dispela ples insait long wanem
kain hevi yu painim long ministri.
Bai yupela i amamas na lusim [sios], na bai mi bringim yupela
i kam na i nogat wanpela samting bai i kamap long yupela na
mekim yupela i pret.—Aisaia 55:12 (wantaim sampela toktok
bilong mi yet)
Olsem na go bilong yu, em i no stap antap long eksen o pasin
bilong ol arapela, tasol em i stap antap long wanem samting Spirit
i tokim yu long mekim long en. Olsem na taim yu lusim wanpela
ministri, em i no bikos ol nogut samting i kamap na yu go. Nogat.
Em i no plen o as tingting bilong God long yu bai lusim sios
86
Gris bilong Satan
Hait long samting i tru
wantaim spirit bilong belhat na tubel o hevi. Sapos yu mekim olsem
em i minim olsem yu belhat na i go na yu no kisim tru tru tingting
bilong Bikpela na mekim. Rom 8:14 i tok olsem, “Olgeta manmeri i
larim Spirit bilong God i stiaim wokabaut bilong ol, dispela ol manmeri
i stap pikinini bilong God.” Lukim, em i no tok olsem, “Olgeta manmeri
husat i save belhat long taim traim na hevi i kamap long ol, dispela
ol manmeri i stap pikinini bilong God.”
Olgeta taim insait long Nupela Testamen, ol i save yusim dispela
tok son (pikinini man), em tupela tok insait long tok ples Grik: teknon
na huios. Wanpela gutpela mining bilong dispela tok teknon em
“wanpela husat i kamap pikinini man taim mama i karim em.”
Kain olsem taim meri bilong mi i karim pikinini man bilong
mitupela, em i kamap olsem pikinini man bilong John Bevere bilong
wanem em i kam long mi na meri bilong mi. Taim em i bin stap long
haus sik long ples we ol nupela bebi i save stap long en, yu no inap
long luksave olsem em i pikinini bilong mi long pasin bilong em o
long nus pes bilong em. Olsem na taim ol famili bilong mitupela
wantaim ol poroman bilong mitupela i kam long haus sik long lukim
mitupela, ol no inap long luksave long em namel long olgeta arapela
nupela bebi. Tasol taim ol i lukim nem ol i raitim long pepa na putim
long ples we em i stap long en, orait dispela i soim ol lain olsem em
i pikinini bilong mi. I nogat wanpela samting i soim ples klia olsem
em i pikinini bilong mi olsem na dispela pikinini man Addison, em bai
yumi ken tok olsem em i teknon bilong John na Lisa Bevere.
Long Rom 8:15-16 i gat dispela tok teknon i stap. Em i tok olsem
bikos yumi kisim dispela Spirit bilong adopsen, “Holi Spirit yet i save
helpim spirit bilong yumi na yumi save tokaut ples klia olsem yumi
stap pikinini (teknon) bilong God.” Taim wanpela man i kisim Jisas
Krais olsem Bikpela bilong em, orait em i save kamap olsem pikinini
bilong God bilong wanem em i kamap olsem nupela gen wankain
olsem taim mama i karim em. (Lukim Jon 1:12)
Narapela tok Grik we i save tok long pikinini man insait long Nupela
87
Hait long samting i tru
Gris bilong Satan
Testamen em huios. Ol i save yusim dispela tok planti taim insait
long Nupela Testamen bilong soim olsem “dispela pikinini man em i
pikinini bilong dispela tupela lain bikos long pasin em i save mekim
em i wankain liklik olsem papamama bilong en.”
Kain olsem taim pikinini man bilong mi, Addison i kamap bikpela
liklik, nus pes bilong em i olsem papa bilong em na tu ol samting em
i mekim em i olsem papa bilong em. Taim Addison i bin gat sikispela
krismas, mi na meri bilong mi, Lisa, i bin go long wanpela trip na
lusim em wantaim ol papamama bilong mi. Mama bilong mi i tokim
meri bilong mi olsem, Addison em i wankain olsem papa bilong em
stret, taim papa bilong em i bin lilklik mangi olsem. Ol pasin bilong
em i bin wankain olsem ol pasin bilong mi taim krismas bilong mi, i
wankain olsem em. Taim em i wok long kamap bikpela, em i kamap
olsem papa bilong em stret. Nau ol lain i ken tok olsem em i pikinini
man bilong John Bevere, i no bikos em i kamap insait long famili
bilong mi tasol, nogat. Tasol bikos long wanem kain pasin em i save
mekim tu, we i wankain liklik long papa bilong em.
Olsem na long mekim dispela tok Grik teknon i kamap isi, bai yumi
tok olsem dispela tok teknon i minim “ol bebi o liklik pikinini man we
i no kamap bikpela yet.” Na bai yumi tok long dispela narapela Grik
tok huios olsem, “ol pikinini man we i kamap bikpela pinis.”
Lukluk gen long Rom 8:1 em i tok olsem, “Olgeta manmeri i larim
Spirit bilong God i stiaim wokabaut bilong ol, dispela ol manmeri i
stap pikinini (huios) bilong God. Yumi ken lukim ples klia olsem dispela
em i toktok long ol pikinini man we i kamap bikpela pinis long en
na Spirit bilong God i wok long stiaim ol long en. Dispela ol Kristen
husat i save stap olsem bebi yet bai no inap bihainim Spirit bilong
God. Planti taim ol i save bihainim laik na tingting na save bilong ol
yet taim ol traim na hevi i kamap long ol. Ol i no lainim yet dispela
pasin bilong bihainim Spirit bilong God husat i go pas long ol.
Taim Addison i kamap bikpela, sampela ol pasin bilong em tu bai
kamap gut moa. Insait long taim em i wok long kamap bikpela na
88
Gris bilong Satan
Hait long samting i tru
strongpela man, bai mi stat long givim em sampela ol wok we, em
inap long mekim. Em bai nogut sapos em i no kamap olsem bikpela
man na stap olsem pikinini i no gat gutpela tingting yet. Dispela i
wankain olsem, Bikpela i no plenim o gat tingting longyumi stap
olsem ol bebi o ol liklik pikinini we i no bikpela yet. Em i laikim bai
yumi kisim strong na kamap bikpela.
Wanpela rot we pikinini man bilong mi, Addison i lainim long
kamap strong na bikpela em long taim em i bin go insait long sampela
traim na hevi. Taim em i bin stat long go long skul, sampela ol mangi
long skul bilong em husat i save laik long bosim ol arapela pikinini
i wok long mekim sampela nogut samting long em. Mi bin harim
sampela ol toktok i kamap long mi long dispela ol bikhet pikinini i bin
toktok na mekim long pikinini man bilong mi. Mi bin laik stret long
go na lukim dispela ol pikinini na stretim dispela tasol mi save olsem
sapos mi mekim olsem, em bai mi mekim rong. Sapos mi laik mekim
dispela kain pasin, em bai bagarapim gro bilong Addison.
Olsem na mi na meri bilong mi i wok long givim em ol gutpela
skul toktok long haus, bilong mekim em i luksave long wanem kain
samting i wok long kamap long em long skul. Taim mipela i mekim
olsem, em i wok long kamap wanpela gutpela pikinini na em i wok
long harim na bihainim ol gutpela skul toktok bilong mitupela mama
bilong en insait long dispela ol traim na hevi em i go insait long em.
Dispela em i wankain olsem pasin God i mekim long yumi. Buk
Baibel i tok, “Jisas em i pikinini (Huios) bilong God, tasol em i karim
pen na dispela i skulim em tru long pasin bilong bihainim tok bilong
God” (Hibru 5:8).
Long sait bilong kamap bikpela long bodi, em wok bilong taim tasol.
Nogat wanpela pikinini we krismas bilong en i bin mak olsem sikis i
bin longpela tru olsem sikispela mita. Long sait bilong kamap strong
insait long tingting o save, em wok bilong taim yu lainim samting.
Yu mas lainim planti samting long kamap strong insait long tingting
bilong yu. Tasol, gro bilong Spirit bilong yu em i no wok bilong taim, o
89
Hait long samting i tru
Gris bilong Satan
bilong lainim samting. Nogat. Em i wok bilong harim tok na bihainim.
Nau lukim wanem samting Pita i tok long em:
“Krais i bin karim pen long bodi bilong em, na yupela i mas holim
strong wankain tingting olsem em i bin holim. Long wanem,
sapos wanpela man i bin karim pen long bodi bilong em, orait
em i lusim pinis pasin bilong sin.”
—1 Pita 4:1
Wanpela man husat i no mekim sin em i olsem wanpela pikinini
bilong God husat i save harim gut tok na bihainim long en. Em i
strong long tingting na em i no bihainim laik bilong em yet tasol em
i bihainim laik bilong God yet. Wankain olsem Jisas i lainim dispela
pasin bilong harim tok long taim Em i bin go insait long pen na hevi.
Olsem na taim yumi go insait long pen na hevi, yumi mas lainim pasin
bilong harim tok na bihainim. Taim yumi harim Tok bilong God we
Holi Spirit i tokim yumi long en na bihainim bai yumi gro na kamap
olsem ol strongpela man insait long taim bilong kros pait na tu long
taim bilong pen na hevi. Save bilong yumi long Tok bilong God em i
no ki samting tasol pasin bilong harim tok em i bikpela samting stret.
Nau yumi ken lukim klia long wanem as na planti manmeri insait
long sios husat i bin stap Kristen olsem twentipela yia o kain olsem,
husat inap long autim planti Baibel ves na harim planti Tok bilong God
long ol wokman bilong em, na ritim planti ol buk tasol ol i pasim nappi
yet i stap. Olgeta taim ol i bungim traim na hevi, ol i save traim long
banisim ol yet long we bilong ol yet na ol i no save harim tok bilong
Holi Spirit. Ol i save “lainim olgeta taim tasol ol i no save inap long
kamap long dispela mak bilong save gut long tok tru” (2 Tim. 3:7). Ol i
no save gut long tok tru bilong wanem ol i no save harim na bihainim.
Tok tru i mas stap insait long laip bilong yumi sapos yumi laik gro na
kamap olsem strongpela man. Em i no gutpela long harim na tingim
tasol na i no bihainim. Yumi ken lainim olgeta taim tasol yumi bai no
inap long kamap bikpela na strongpela man insait long spirit sapos
yumi gat pasin bilong sakim tok i stap insait long laip bilong yumi.
90
Gris bilong Satan
Hait long samting i tru
PASIN BILONG BANISIM YU YET
Wanpela gutpela rot bilong kamapim dispela pasin bilong banisim yu
yet em long pasin bilong sakim tok. Taim yu sakim tok pasin bilong
belhat na tubel i save kam insait. Tu, i gat pasin bilong giaman tingting
bilong banisim yu yet taim yu gat belhat na tubel long laip bilong
yu. Em i save stopim yu long lukim ol pasin i no stret insait long laip
bilong yu bilong wanem, yu poinim pinga i go long ol arapela lain
tasol. Yu no inap long lukim wanem kain asua yu bin mekim long en,
o wanem kain sin yu bin mekim long en bilong wanem yu lukim asua
bilong arapela husat i mekim rong long en tasol. Olsem na wanem
kain tingting God i gat long kamapim insait long yu em bai no inap
long kamap bikos long dispela kain pasin bilong yu. Dispela lain husat
i gat pasin bilong belhat na tubel long laip bilong ol bai traim long
abrusim as tru tru we i kamapim dispela pasin belhat na tubel na
dispela bai mekim ol long ranawe na kamap olsem tripman na raun
raun long olgeta hap.
I no longpela taim i pinis na wanpela meri i bin tokim mi olsem
wanpela pren bilong em i bin lusim wanpela sios na stat long go long
narapela sios. Wanpela taim em i tokim pasto bilong dispela nupela
sios long kam kaikai long haus bilong em na taim ol kaikai i stap,
dispela pasto i kirap na askim dispela meri long wanem as na em i
lusim dispela narapela sios bilong en na kam lotu long sios bilong
em. Dispela meri i kirap na bekim olsem, insait long dispela olpela
sios bilong em, i gat planti hevi i stap namel long ol lida bilong sios.
Dispela pasto i harim olsem na i traim long mekim bel bilong em
i kamap isi. Long save bilong mi insait long dispela kain samting, mi
save olsem em bai moa gutpela sapos dispela pasto i givim sampela
ol gutpela skul toktok long dispela meri long Tok bilong God long
helpim em long wanem kain pen na hevi em i gat insait long laip
bilong em. Na sapos em i pilim olsem i gat nid, em i ken tokim dispela
91
Hait long samting i tru
Gris bilong Satan
meri long go bek long olpela sios bilong en na lotu long hap inap long
God i givim em tok orait long lusim dispela sios na go wantaim bel isi.
Taim God i larim yu long go wantaim bel isi, bai i nogat wanpela as
long yu bai laik long tokaut long wanem as na yu lusim dispela sios.
Bai yu no inap laik long jasim o kamautim ples klia wanem kain hevi
dispela sios bilong yu i gat long en. Mi save olsem i no longpela taim
liklik na dispela meri bai mekim wankain pasin long dispela nupela
pasto wantaim ol lida bilong en olsem em i mekim long olpela sios
bilong em na i kam. Taim yumi save holim bek dispela pasin bilong
belhat na tubel insait long bel bilong yumi, yumi save skelim na rausim
ol narapela samting i go aut long dispela belhat na tubel bilong yumi.
I gat wanpela olpela tok piksa i save stap bilong makim stret
dispela kain pasin. Bipo tru taim ol nupela lain i bin kam Wes long
Amerika, i gat wanpela man husat i pulap wantaim planti gutpela
tingting i save sanap long wanpela maunten i stap autsait long
wanpela nupela taun long Wes. Taim ol nupela lain husat i kam long
Is i kam ol i save bungim em dispela man pastaim na ol i save askim
em long wanem kain manmeri i stap long dispela taun.
Em i save bekim na askim ol, “Wanem kain ol manmeri i bin stap
long dispela taun we yupela i bin lusim na kam?”
Na sampela i save kirap na i tok olsem, “Dispela taun we mipela
i lusim na i kam long en, em i wanpela nogut taun. Ol manmeri long
hap i save tok baksait na mekim planti ol nogut pasin long ol tarangu
lain, na tu ples i pulap long ol man bilong stil na tok giaman.”
Dispela man i save bekim na i tok, “Dispela taun em i wankain
olsem dispela narapela taun yu bin lusim na i kam.”
Ol i save tok tenkyu long dispela man long bekim askim bilong
ol bikos ol i laik abrusim dispela kain taun, ol i no laik stap long kain
hap i gat wankain trabel i stap long en na ol i save go.
Bihain narapela ol lain gen i kam na askim dispela man husat
i pulap wantaim planti gutpela tingting wantaim wankain askim:
“Dispela em i wanem kain taun?”
92
Gris bilong Satan
Hait long samting i tru
Na dispela man i bekim gen wantaim wankain askim olsem bipo,
“Wanem kain taun yu bin stap long en bipo na yu kam long hia?”
Na ol dispela lain i bekim na i tok olsem, “Em i wanpela gutpela
ples mipela i lusim na i kam. Mipela lusim ol gutpela pren bilong
mipela tu na i kam. Olgeta lain i save was gut long ol arapela na i
nogat wanpela samting em i hat long mipela. Sapos wanpela i gat
wanpela bikpela wok long mekim, orait olgeta insait long komuniti i
save givim han long helpim em. Em i hat stret long mipela long lusim
dispela ples na i kam tasol mipela tingim ol pikinini bilong mipela long
bihain taim bilong ol olsem na mipela i lusim dispela ples na i kam
long Wes olsem ol nupela lain i go painim nupela ples long sindaun.”
Dispela man husat i pulap wantaim planti gutpela tingting i mekim
wankain tok olsem em i mekim long ol arapela na i tok, “Dispela taun
em i wankain olsem dispela narapela taun yu bin lusim na i kam.”
Olsem na dispela ol lain i amamas nogut tru na ol i tok, “Bai yumi
stap long hia.”
Long wanem kain rot ol i lukluk long laip ol i bin stap long en, bai
wankain tasol olsem, taim ol i lukluk long laip bilong ol long bihain
taim.”
Wanem kain rot yu bin lusim olpela sios bilong yu o rilesensip
bilong yu na i kam, em wankain tasol bai yu go insait long narapela
sios o rilesensip bilong yu. Jisas i tok olsem long Jon 20:23, “Sapos
yupela i lusim sin bilong ol man, orait sin bilong ol bai i lus. Na sapos
yupela i no lusim sin bilong ol man, orait sin bilong ol bai i stap yet.”
Yumi save holimpasim sin bilong ol arapela i stap wantaim yumi
long taim yumi save belhat na tubel na i save holim strong dispela
insait long bel bilong yumi. Sapos yumi lusim wanpela sios o rilesensip
wantaim belhat na tubel, orait taim yumi go insait long arapela sios
o rilesensip, bai yumi karim wankain pasin tu i go insait. Na dispela
em bai mekim isi stret long yumi long lusim dispela sios o rilesensip
na i go taim wanpela hevi i kam painim yumi. Dispela pen na hevi
em i no bilong dispela nau rilesensip tasol, nogat, em i pen na hevi
93
Hait long samting i tru
Gris bilong Satan
bilong dispela olgeta rilesensip we yumi gat pen na hevi long en, em
olgeta dispela i bung wantaim.
Wanpela wok painimaut i bin kamap na i soim olsem mak bilong
60-65% bilong ol lain husat i bin brukim marit long namba wan taim,
em ol dispela lain tasol i save bruk marit gen bihain long ol i marit
namba tu o tri taim. Dispela pasin ol i bihainim na lusim marit bilong
ol namba wan taim, em dispela pasin tasol ol bai kisim i kam insait
long namba tu o tri marit bilong ol. Ol i gat dispela pasin we ol i no
save lusim rong bilong namba wan man o meri bilong ol olsem na
taim ol i marit gen, dispela rong ol i holim long bel na tingting bilong
ol i save bringim i kam insait na em i brukim namba tu o tri marit
bilong ol. Taim ol i save sutim tok i go long arapela olsem ol arapela i
mekim rong na i no ol, dispela i save pasim ai bilong ol na ol i no save
lukluk gut long wanem kain pasin nogut o rong ol yet i bin mekim. Na
dispela i save mekim ol long pret olsem nogut bai ol i kisim bagarap
olsem na ol i save mekim dispela kain pasin.
Dispela kain tingting em i no long sait bilong marit o brukim marit
tasol. Nogat. Em i go long olgeta ol rilesensip yumi save i gat long en.
Wanpela man husat i save wok wantaim narapela pasto i kam wok
long ministri tim bilong mipela. Sampela taim i go pinis, dispela man
i bin gat sampela bel hevi wantaim ol olpela lida bilong em. Taim i
go pinis na mi pilim olsem God i tokim mi long askim dispela man
long i kam wok wantaim mipela. Mi bilip olsem em i wok long traim
long rausim dispela bel hevi em i bin gat long laip bilong em. Mi
bin ringim olpela bos bilong en na tokim em long wanem kain plen
o tingting mi gat na mi laikim dispela man i kamap olsem wanpela
wokman bilong mi. Dispela olpela bosman i amamas nogut tru long
dispela tingting bilong mi na em i mekim sampela gutpela toktok
long mi tu. Em i save olsem mi laikim tupela wantaim, olsem na mi
mekim dispela kain pasin. Em i bilip olsem dispela man bai kisim orait
bilong em sapos em i wok wantaim mipela. Mi tokim dispela tupela
94
Gris bilong Satan
Hait long samting i tru
man wantaim olsem, beten bilong mi long tupela em long kamapim
wanbel na orait namel long rilesensip bilong tupela.
Taim dispela man i kam wok wantaim ministri tim bilong mipela,
planti hevi i wok long kamap. Mi wok long traim long pinisim wanpela
hevi na pilim amamas long liklik taim tasol na bihain hevi i kamap
gen. I luk olsem dispela man i no inap long lusim tingting long wanem
samting i bin kamap long em wantaim olpela bos bilong em bipo.
Dispela bel hevi bilong em long taim,i wok long kam bek long em
olsem na em i wok long sutim tok long mi olsem, mi wok long mekim
wankain pasin olsem dispela olpela bos man bilong em i bin mekim
long en.
Mi no pilim gut long bel bilong mi bikos, mi wok long tingting planti
long dispela man i mas kisim orait bilong em. Mi no wari tumas long
wanem kain toktok dispela man i wok long mekim long mi olsem
bos bilong em tasol mi wari long laip bilong em. Sampela bilong ol
samting mi larim em long mekim o tok orait long em long mekim,
mi no bin larim ol narapela wokman bilong mi long mekim bikos mi
laikim dispela man long kisim orait bilong em.
Bihain long em i wok tupela mun pinis wantaim mipela em i lusim
wok. Em i pilim olsem em i stap long kalabus bilong wankain hevi
olsem bipo. Taim em i lusim wok, em i kirap na i tok, “John, bai mi
no inap long wok insait long narapela ministri gen.”
Mi givim blesing long em na lusim em i go. Mipela laikim em
wantaim meri bilong em tru. Sori samting stret em i olsem, em i gat
bikpela singaut long laip bilong en long mekim dispela wok we nau
em i lusim na i go. Tasol dispela i no min olsem em bai nogat sans
long mekim ol arapela wok. Nogat. Em bai stil gat sans long mekim
ol arapela wok tu.
Mi no pilim gut long bel bilong mi olsem na mi askim Bikpela,
“Bilong wanem na dispela man em i lusim hariap na i go taim mitupela
wantaim i pilim olsem em rait samting mipela i mekim?”
Sampela wik bihain, Bikpela i yusim wanpela gutpela pasto pren
95
Hait long samting i tru
Gris bilong Satan
bilong mi long bekim dispela askim bilong mi. Em i tok, “Planti taim
God bai larim ol manmeri long ranawe long ol hevi we Em i laikim ol
long stap insait long en, sapos long bel bilong ol, ol i tingting pinis
long ranawe long em.”
Na dispela gutpela pasto pren bilong mi i kirap na mekim stori
bilong Elaija husat i bin ranawe long Jesebel. (Lukim 1 King 18-19).
Nau tasol Elaija i bin kilim i dai ol giaman profet bilong Bal na Asera.
Em ol dispela man husat i bin go pas na pulim ol lain Israel long
lotuim ol giaman god na kaikai long tebol bilong Jesebel. Taim Jesebel
i harim olsem, em i mekim tok olsem em bai kilim Elaija insait long
wanpela de.
God i laikim bai Elaija i go na lukim Jesebel tasol nogat, Elaija i
pret na ranawe i go. Em i pilim nogut tru olsem na em i beten long
dai. Em i no stap long dispela mak we em inap long pinisim dispela
wok God i givim em long en. God i salim wanpela ensel bilong Em
long kam na givim kaikai long em na larim em long ranawe olsem
fotipela de na nait i go long maunten Horep.
Taim em i kamap long dispela hap, namba wan kwesten o askim
we Bikpela i askim em long en, em “Yu mekim wanem long hia, Elaija?”
Dispela em i wanpela narakain askim. Bikpela i givim kaikai long em
na larim em long go long dispela hap na nau Em i askim em, “Yu kam
mekim wanem long hia?” God i save pinis olsem Elaija i bin tingting
pinis long bel bilong em olsem em bai ranawe i go sapos wanpela
hevi i kamap. Olsem na Bikpela i larim em long ranawe tasol dispela
em i no tingting bilong Bikpela olsem yumi ken lukim long kwesten
em i askim Elaija.
Bikpela i kirap na i tokim Elaija olsem, “Yu mas go bek long ples i
nogat man long Damaskus; na taim yu kamap long hap, yu mas makim
Jehu bilong lain bilong Nimsi long kamap king bilong Israel. Na tu, yu
mas makim Elisa, pikinini man bilong Safat bilong taun Abel Mehola,
long kisim ples bilong yu na kamap profet bilong mi.” (1 King 19:15‑16).
Aninit long ministri bilong Jehu na Elisa, tupela i bagarapim wok bilong
96
Gris bilong Satan
Hait long samting i tru
dispela nogut kwin Jesebel wantaim olgeta nogut wok na plen bilong
en. (2 King 9-10). Dispela wok em Elaija i no bin mekim tasol ol lain
God i tokim em long go makim ol long kisim ples bilong em long en,
ol dispela lain i bin mekim dispela samting i kamap.
Dispela gutpela pasto pren bilong mi i tokim mi olsem, “Sapos
yumi no laik tru long go insait long wanpela hevi, orait God bai larim
yumi long lusim na i go tasol dispela em i no as tingting bilong Bikpela.”
Bihain mi tingim wanpela stori we i wankain liklik long dispela
stori insait long Baibel long buk bilong Namba. Balam i laik mekim
tok nogut long Israel bikos i gat planti ol gutpela samting em bai
kisim bilong em yet.
Em i askim Bikpela long namba wan taim inap em i go o nogat,
tasol God i soim em olsem, plen bilong Em long Balam em long Balam
i noken go. Taim ol lain Moab i kam bek wantaim planti moa moni
na i laik givim moa biknem long em, Balam i go bek long God gen.
Em i wanpela rabis tingting stret long tingim olsem God bai senisim
tingting bilong em bikos planti moni na biknem bai kam long Balam.
Tasol dispela taim, God i tokim em long go wantaim ol lain Moab.
Nau bilong wanem na God i senisim tingting bilong Em? Ansa
bilong dispela kwesten em olsem, God i no senisim tingting bilong
Em. Balam i wok long tingting strong long go olsem na God i larim
em long go. Em long dispela as na God i stat long belhat long Balam
taim Balam i go.
Yumi ken mekim God i belhat sapos yumi go long Em olgeta taim
na askim, askim em long mekim sampela samting we em i bin soim
yumi pinis long wanem hap, laik na plen bilong em i stap long en.
Bikpela bai larim yumi long mekim wanem samting yumi laik mekim
long en maski em i no laik na plen bilong Em yet—tu, dispela samting
yumi strong long mekim long en, em tu bai i no inap long helpim yumi.
Planti taim plen bilong God i save mekim yumi long karim pen
na hevi we yumi yet i no laik long karim long en olsem na yumi save
ranawe long dispela kain ol samting. Tasol dispela kain samting em
97
Hait long samting i tru
Gris bilong Satan
bilong givim strong long laip bilong yumi. Taim yumi les long stretim
bel hevi na tubel yumi gat long laip bilong yumi, em bai no inap long
helpim yumi long stap fri. Em bai givim yumi amamas bilong liklik
taim tasol. Tasol, as tru bilong dispela hevi em i stap yet insait long
laip bilong yumi.
Mi bin lainim wanpela gutpela samting long belhat na tubel na
rilesensip insait long dispela hevi wantaim dispela yangpela man we
mi bin kisim em long wok. Em i hat tru long kamapim wanpela gutpela
rilesensip o wok bung wantaim sampela lain husat i bin lusim wanpela
rilesensip bikos ol i bin gat belhat na tubel i stap. Pasin bilong kisim
orait i mas kamap pastaim. Dispela man i bin tok olsem, em i bin lusim
rong bilong dispela olpela bos bilong em tasol tru tru em olsem, em
i no bin lusim tingting long wanem samting i kamap long em.
Pasin bilong laikim i save mekim yumi lusim tingting long wanem
kain rong i kamap long yumi na yumi save gat bikpela laik long lukim
gutpela samting bai kamap long bihain taim. Sapos tru tru yumi
bin abrusim dispela pasin bilong belhat na tubel, orait tru tru long
bel bilong yumi em bai yumi traim long kamapim gutpela sindaun.
Sampela taim, em no rait taim long stretim nau tasol insait long bel
bilong yumi, tasol yumi bai wetim dispela rait taim long kamapim
wanbel gen.
Wanpela taim wanpela gutpela pren i bin tok olsem, “I gat wanpela
olpela Provep i tok olsem, “Taim hat wara i kapsait antap long
wanpela dok, orait dispela dok bai poretim kol wara tu.” Hamaspela
bilong yumi long tude i poretim kol wara bikos hatwara i bin kapsait
na kukim yumi pinis na yumi no inap long lusim rong bilong arapela
maski kolwara bai givim strong long yumi?
Jisas i gat bikpela laik long oraitim dispela sua bilong yumi. Tasol
yumi no save larim Em long oraitim yumi bikos em i no wanpela
isipela rot long kisim. Em i rot bilong gat dispela daun pasin na tok
nogat long yumi yet bai oraitim dispela sua bilong yumi na mekim
spirit bilong yumi i kamap strong gen. Em i toktok long dispela kain
98
Gris bilong Satan
Hait long samting i tru
pasin we yumi putim laik bilong ol arapela husat i bin bagarapim
yumi i kam pas long laik bilong yumi yet.
Pasin bilong gat biknem bai hat long kamap long rot bilong kisim
laip. Tasol ol lain husat i gat bel long kisim bel isi na ol i no bisi sapos
ol i laik stretim hevi tasol ol arapela i les long ol. Dispela i rot bilong
gat daun pasin na em dispela rot tasol we yu bai kisim dispela laip i
stap oltaim oltaim.
99
WANEM SAMTING YUMI LAINIM INSAIT LONG
PRESENS BILONG GOD EM YUMI NO INAP LONG
LAINIM INSAIT LONG PRESENS BILONG OL MAN.
Mi bin ritim dispela buk, Gris bilong Satan. Long dispela taim lukluk
bilong mi long Tok bilong God i bin senis olgeta. Mi bin go insait long
sampela hevi i nogut tru. Tasol sapos mi no bin ritim dispela buk, ating
bai mi lus olgeta, na stap insait long dispela kalabus.
—F. N., MALAYSIA
100
Gris bilong Satan
7
Dispela trupela na strongpela samting
Tasol God Bikpela i tok olsem, “Harim. Mi makim pinis
wanpela nambawan ston tru bilong strongim banis
bilong haus. Em i gutpela na strongpela ston tru.
Na bai mi putim em i stap long maunten Saion.
—Aisaia 28:16
“H
usat man i harim, em i noken hariap long mekim wanpela
samting.” Man husat i save hariap long mekim samting em
i olsem wanpela man husat i nogat gutpela tingting long mekim
wanpela gutpela samting, bilong wanem, ol eksen bilong em i no
stap stret. Taim ol bikpela traim na hevi i kamap, dispela kain man, i
save isi tru long ranawe long ol dispela. Wanpela gutpela piksa, em
bai yumi lukim long stori bilong Saimon Pita.
Jisas i go long hap bilong taun Sisaria Filipai, na long dispela taim
em i askim ol disaipel bilong en olsem, “Ol manmeri i save tok olsem
Pikinini Bilong Man em i husat tru?” (Mat. 16:13)
Sampela bilong dispela ol disaipel bilong em i amamas na bel
kirap stret long tokaut long wanem samting ol arapela lain i save tok
101
Dispela trupela na strongpela samting
Gris bilong Satan
long Jisas em i husat. Jisas i wetim ol long pinisim toktok bilong ol,
na bihain em i lukluk long ol na i askim ol olsem, “Tasol yupela yet i
tok mi husat?” (v.15)
Mi ting olsem dispela i mas mekim ol disaipel i tingting planti
liklik na pret wantaimmaus i op. Nogat wanpela toktok i kamaut
long maus bilong ol, taim ol i traim long tingim as bilong dispela tok.
Wantu tasol ol dispela man husat i bin hariap long long toktok long
tingting bilong ol arapela lain i kamap maus pas na i stap isi. Ating
tru tru, ol yet i no save askim ol yet dispela kain askim. Wanem kain
tingting ol i gat long en, nau ol i luksave olsem ol i nogat wanpela
bekim bilong dispela askim.
Jisas i mekim wanem samting Em i save mekim gut tru.Em i
painimaut wanem samting i stap long bel bilong ol taim Em i askim
dispela askim. Em i mekim olsem long ol i ken luksave long wanem
samting ol i save na i no save long en. Ol i bin stap tasol long tingting
bilong ol arapela lain, na tru tru long bel bilong ol, ol i no save long
Jisas em i husat tru. Ol i no sekim bel bilong ol yetlong mekim dispela
tingting i kamap ples klia long ol.
Saimon husat Jisas i kolim Pita, em wanpela tasol namel long
dispela ol disaipel em inap long bekim dispela askim. Wantu em i
kirap na i tok, “Yu dispela man God i bin makim bilong kisim bek ol
manmeri bilong en. Yu pikinini bilong God i gat laip.” (Mat. 16:16)
Jisas i bekim tok bilong em olsem, “Saimon pikinini bilong Jon, yu
ken amamas. I nogat wanpela man bilong graun i bin soim dispela
tok long yu. Nogat. Papa bilong mi i stap long heven, em tasol i soim
dispela long yu.” (v. 17)
Jisas i wok long skulim Saimon Pita long wanem hap stret dispela
tok hait i kam long en. Saimon Pita i no harim dispela tok long ol
arapela lain na i toktok, o kisim insait long wanpela skul, tasol God
yet i soim em.
Saimon Pita em i gat hangre long ol samting bilong God. Em i save
askim planti kwesten o askim na em tasol i bin wokabaut antap long
102
Gris bilong Satan
Dispela trupela na strongpela samting
wara taim ol arapela disaipel i bin lukluk i stap. Em i wanpela kain
man we em i no save laik long harim tingting bilong ol arapela man
na i stap. Nogat. Em i save laik tru long mekim wok painimaut na
harim stret long maus bilong God.
Dispela tok hait long sait bilong Jisas, em i no kam long tingting
bilong Saimon Pita yet, tasol em i olsem wanpela presen we i kam
long em, bikos long dispela hangre em i gat long bel bilong em. Planti
ol i harim na lukim dispela ol wankain samting olsem Saimon Pita
i bin harim na lukim, tasol ol i nogat hangre long bel bilong ol long
save long laik bilong God kain olsem Pita i bin gat.
1 Jon 2:27 i tok, “Tasol yupela i bin kisim Holi Spirit long Krais, na
em i stap yet wantaim yupela. Olsem na yupela i no sot long save
na bai mi skulim yupela. Nogat. Holi Spirit yet i save skulim yupela
long olgeta samting na dispela tok bilong Spirit em i tru. Em i no
giaman. Olsem na yupela i mas pas wantaim Krais, olsem Spirit i bin
skulim yupela.“
Dispela Spirit bilong God i kam antap long Saimon Pita na i wok
long skulim em long mekim dispela kain toktok. Em i harim olgeta
samting ol arapela i toktok long entasol em yet tu, i wok long sekim
bel bilong em long wanem samting God i soim em long en. Taim God
i soim yu long sampela tok tru, nogat wanpela inap long pusim yu i
go i kam. Maski wanem samting ol narapela i tok long en, ol no inap
long senisim bel bilong yu.
Bihain Jisas kirap na tokim Saimon Pita wantaim olgeta ol arapela
disaipel olsem, “Yu Pita, na bai mi wokim sios bilong mi antap long
dispela ston. Na bai strong bilong dai bai i no inap daunim dispela sios”
(Mat. 16:18). Olsem na bai yumi ken luksave gut olsem, i gat wanpela
trupela na strongpela samting i stap insait long Tok bilong God; insait
long dispela stori, em yumi lukluk long sait bilong gutpela tingting
Pita i kisim na i bekim tok bilong Jisas olsem em i Pikinini bilong God.
103
Dispela trupela na strongpela samting
Gris bilong Satan
DISPELA TOK I OLSEM LAIT
Planti taim mi save tokim ol kongrigesen na wanwan lain taim mi
autim Tok bilong God olsem, ol i mas traim long harim nek bilong
God insait long ol toktok bilong mi. Planti taim yumi save bisi long
raitim ol toktok yumi harim long pepa na yumi save rekodim olgeta
samting man i autim tok i toktok long em. Dispela em i save givim
kliapela tingting long Tok bilong God insait long het bilong yumi tasol.
Wanem kain mining em i gat long em—olsem save i stap long het
bilong yumi tasol.
Tupela samting i save kamap taim yumi gat dispela save tasol long
het: (1) em i isi long yumi mekim ol gutpela samting tasol bilong ol
man i ken lukim, o yumi bai yusim tingting na wanem samting yumi
pilim tasol long mekim samting (2) sampela taim dispela save yumi gat
i ken pasim yumi. Tasol dispela em i no dispela trupela na strongpela
samting Jisas i save sanapim sios bilong en antap long en. Em i tok
olsem, sios bilong em bai sanap antap long dispela Tok we i kamap
ples klia long en, na i no antap tasol long ol Baibel ves we yumi save
lainim na putim long tingting.
Taim yumi harim wanpela minista husat i pulap long Spirit bilong
God i toktok, o taim yumi ritim wanpela buk, yumi mas lukluk long ol
tok we, bai sut i go stret insait long spirit man bilong yumi. Dispela em
Tok God i laik soim yumi long en, na em i lait na gutpela tingting bilong
spirit. Olsem dispela man husat i raitim buk bilong Ol Sam o Buk Song
i tok, “Sapos wanpela man i helpim narapela man long save long as
bilong tok bilong yu, orait em i kisim lait long bel bilong en. Na dispela
tok i givim tingting long man i nogat planti save” (Sam 119:130). Em i
olsem dua o hap we Tok bilong Em i go insait long bel bilong yumi na
i givim lait, na mekim ol samting i kamap ples klia, i no long tingting
bilong yumi tasol.
Planti taim wanpela minista i autim tok, em bai toktok long
wanpela samting tasol, tasol God i save kamapim ples klia narapela
104
Gris bilong Satan
Dispela trupela na strongpela samting
samting we em i narakain olgeta long dispela tok minista i autim insait
long bel bilong mi. Long narapela sait, sampela taim God i save givim
dispela ol tok long dispela minista long toktok olsem na em i sut i go
stret long bel bilong mi. Dispela tupela rot wantaim, em i soim Tok
bilong God long mi. Dispela i save senisim yumi long kamap olsem ol
man i nogat save long en i go kamap olsem ol strongpela man husat i
gat planti save. Dispela Tok i olsem lait insait long bel bilong yumi na
em i kamap olsem wanpela trupela na strongpela samting we Jisas
i tok olsem sios bilong em bai sanap antap long en.
Jisas i mekim tok piksa long wanpela ston long kamapim ples klia
Tok hait bilong God. Ston i save makim samting i sanap strong olgeta
na bai i no inap long surik o pundaun. Yumi ken tingting i go bek long
tok piksa bilong tupela haus, wanpela ol i wokim antap long ston
na narapela ol i wokim antap long wesan. Taim bikpela win na ren i
kam—kain olsem ol traim na hevi—i kamap long dispela tupela haus,
orait haus i stap antap long wesan i bagarap olgeta tasol dispela haus
i stap antap long ston, em i sanap strong na i no bagarap.
Sampela samting yumi nid long harim long God long en, em
bai yumi no inap long painim insait long Baibel. Kain olsem, bai yu
maritim husat? Bai yu wok we? Bai yu go long wanem sios? Na dispela
kain lista i go moa yet. Tok bilong God i mas i kamap ples klia long
yumi taim yumi laik mekim dispela kain ol disisen. Sapos nogat, orait
ol disisen yumi mekim long en, em bai sanap antap long graun we i
nogat strong long en.
Nogat wanpela man i ken rausim wanem samting God i soim yumi
insait long Holi Spirit. Dispela i mas kamap olsem wanpela trupela
na strongpela banis bilong yumi long sanap long en na mekim olgeta
samting. Sapos yumi nogat dispela samting, em bai isi tru long yumi
kisim bel hevi insait long kainkain traim na hevi na dispela i ken pasim
ai bilong yumi, tu.
Yumi mas tingim gen wanem samting Jisas i bin toktok long en
taim em i tok, yumi harim Tok na amamas nating tasol dispela Tok i no
105
Dispela trupela na strongpela samting
Gris bilong Satan
sindaun insait long bel bilong yumi. Yumi kisim dispela Tok wantaim
amamas insait long tingting na antap long skin tasol.
Na sampela manmeri ol i olsem pikinini wit i pundaun long
graun i gat ston. Ol i harim tok, na ol i save kisim kwiktaim,
na ol i amamas long en. Tasol ol i nogat rop bilong ol. ol i save
stap liklik taim tasol. Taim ol man i laik daunim tok bilong God,
ol i givim hevi long ol dispela manmeri na mekim nogut long
ol. orait bilip bilong ol i save bagarap kwiktaim.
—Mak 4:16-17
Yumi ken senisim dispela tupela tok rut (root) na faundesen
(foundation) i go i kam, bilong wanem tupela wantaim i save soim
strong bilong wanpela samting yu planim long em. Man husat i no
i stap strong insait long Tok bilong God, taim traim na hevi i kamap
long em, em bai hariap tru long kisim bel hevi.
Hamaspela bilong yumi i wankain olsem ol disaipel bilong Jisas
taim Jisas i toktok long pes bilong ol stret long ol samting ol i mekim?
Ol i save stap antap tasol long wanem samting ol i save harim ol
arapela i toktok long en o autim long en. Ol i save ting olsem dispela
ol samting ol i harim long ol arapela em i tok tru, na ol i no save traim
long askim o painimaut insait long Holi Spirit. Yumi ken stap wantaim
na autim wanem kain samting yumi harim long God o God yet i soim
yumi long en. Dispela em wanem samting Jisas i mekim sios bilong
em antap long en.
Mi bin i gat wanpela yangpela meri sekreteri husat i wok wantaim
mi na i no marit yet. Em i prenim wanpela yangpela man husat i save
wok insait long sios bilong mipela, tu. Prensip bilong tupela i kamap
strong na olgeta manmeri i lukim olsem, klostu tupela bai marit nau.
Tupela yet tu, i wok long tingting na toktok long marit i stap.
Wanpela Sande nait wanpela het pasto i singautim tupela na i
tokim tupela olsem, “Bikpela i tok olsem, bai yutupela i marit.”
Long moning taim, dispela sekreteri bilong mi i amamas nogut tru
106
Gris bilong Satan
Dispela trupela na strongpela samting
na i kam insait long opis. Em i askim mi long maritim tupela na mi tok
olsem, mi bai amamas tru long maritim yutupela. Mi makim wanpela
taim long tupela i ken kam bung wantaim mi na mi ken givim tupela
skul toktok bilong ol lain i laik marit.
Tasol mi yet i no kisim bel isi. Taim ol i kam insait long opis bilong
mi, mi pilim bel hevi insait long spirit bilong mi. Mi lukluk long dispela
sekreteri meri bilong mi na mi askim em sapos em i save tru tru long
bel bilong em olsem dispela man em God i makim bilong em long
maritim. Na, em i bekim wantaim amamas olsem yes, em i bilip olsem.
Mi lukluk i go long dispela yangpela man na mi askim em, “Yu
bilip olsem dispela em i laik na plen bilong God long yu i ken maritim
dispela yangpela meri a?”
Em i lukluk long mi na maus bilong em i op liklik na bihain em i
putim het i go daun na tanim het bilong em na i tok, “Nogat, mi no
klia tumas.”
Mi lukluk long tupela wantaim na bihain mi tokim dispela yangpela
man. “Mi no inap maritim yutupela. Mi no bisi husat i mekim
tok profesi long yu o wanem samting ol i tokim yu. Mi no bisi tu,
hamaspela lain i bin tok, ‘Yutupela bai luk nais tru sapos yutupela
marit.’ Sapos God i no soim dispela laik na plen bilong em long yu,
orait yu nogat wanpela bisnis long go marit.
“Sapos God i no soim yu dispela laik na plen bilong en long yu
long marit na long laik bilong yu, yu go marit orait, taim, taim nogut
i kam—na ol bai kam—bai yu gat planti askim: Sapos mi bin maritim
narapela meri, em bai olsem wanem? Bai mi gat dispela kain hevi o?
Bilong wanem mi sekim pastaim wanem laik na plen bilong God bipo
long mi marit na nau mi pilim olsem mi stap long kalabus.
Bihain bai, bel bilong yu i les nogut tru na bai yu no inap long
abrusim dispela ol kainkain traim na hevi bai kamap insait long marit
bilong yu. Bai yu kamap olsem man husat i save gat tupela tingting
olgeta taim na ol samting yu mekim long en, em bai i no inap long
go stret.”
107
Dispela trupela na strongpela samting
Gris bilong Satan
Mi salim ol long i go na mi tokim ol olsem, i nogat wanpela gutpela
as long mipela bai bung gen. Dispela yangpela man i pilim orait, na
i go, tasol, dispela yangpela meri i pilim bel hevi na kros. Insait long
naraplea wik bihain, mipela i no wok long toktok gut insait long opis
tasol mi save olsem mi bin mekim samting em i stret. Dispela taim
em i kamap olsem wanpela taim bilong traim bilong dispela yangpela
meri. Sapos tru tru, God i bin toktok long en olsem dispela man em
bai kamap man bilong em, orait em i mas bilip long Bikpela bai soim
dispela man na em noken kros na kisim bel hevi long mi o long God.
Mi tokim dispela meri long givim sampela taim long dispela yangpela
man na larim em long kisim tok long God na dispela meri i mekim
olsem.
Tripela wik i kam i go na tupela i askim mi long bai mipela i bung
gen. Wantu mi pilim amamas nogut tru insait long bel bilong mi.
Long dispela taim, taim tupela i kam insait long opis bilong mi, mi
ken lukim olsem dispela man em i gat amamas long bel bilong em
na i kam. Em i tok, “Mi save tru, tru wantaim olgeta bel bilong mi
olsem dispela meri, em God i givim mi long maritim!” Sevenpela mun
bihain, tupela i marit.
Taim yu save olsem God i putim yu insait long wanpela rilesensip
o sios, dispela birua bilong yumi bai painim hat tru long rausim yu
kamaut. Yu stap antap long Tok bilong God olsem na insait long taim
bilong ol traim na hevi we yu pilim, yu bai go insait na bai yu inap
long kamaut long ol maski em i luk olsem em i hat tru.
I NOGAT NARAPELA ROT
Long stat bilong faivpela yia bilong marit bilong mi na meri bilong mi,
em i hat tru. Mitupela i bin gat kros pait na bel hevi na i luk olsem i
nogat wanpela samting we inap long kisim bek dispela laikim mitupela
i bin gat long taim mitupela marit nupela taim.
Wanpela samting tasol i mekim mitupela long i stap wantaim em:
Mitupela wantaim i save olsem God i bin makim dispela marit bilong
108
Gris bilong Satan
Dispela trupela na strongpela samting
mitupela olsem na mitupela i no tingting long brukim dispela marit,
nogat tru. Wanpela tingting tasol mitupela gat long en, em long bilip
olsem God bai oraitim na senisim mitupela olsem na mitupela i traim
hat tru long mekim dispela i kamap insait long marit bilong mitupela
tasol em i no isipela samting. Taim mi bin tingting long lusim na i go,
mi wok long tingim dispela tok promis we God i bin givim mi long
sait bilong marit bilong mi. Mi no redi long stopim wanem samting
God i bin plenim gut tru na i kamapim insait long laik na plen bilong
em long marit bilong mitupela.
Wanpela bilong dispela ol tok promis we God i bin givim mitupela
em i olsem, mi na meri bilong mi bai mekim wok bilong autim tok
wantaim. Long dispela taim, God i bin givim mi dispela tok promis,
mi bin ting olsem mi ken lukim klia stret. Han bilong Em i bin stap
antap long mitupela long kamapim dispela ministri.
Tasol insait long dispela ol taim bilong traim na hevi insait long
marit bilong mitupela, mi no inap long lukim dispela tok promis gut
tasol mi les long larim dispela tok promis i go nating. Dispela bilip
mitupela i bin gat long en, em i bin go pinis bilong wanem, dispela
pasin bilong kisim biknem na tingim olsem mitupela yet i bin kam
insait long dispela marit bilong mitupela na i no God i makim. Tasol,
maski dispela i kamap, insait long bel bilong mi, i gat narapela kain
sid kaikai stap yet. Dispela tok promis i kamap olsem wanpela anka
o strongpela samting insait long mi long taim mi nidim stret.
Bihain long dispela olgeta samting i kamap long en, mi lukim olsem
God i no oraitim dispela marit tasol. Nogat. Em i oraitim na mekim i
kamap strong moa na marit bilong mitupela i no olsem bipo. Mitupela
kamap strong insait long dispela ol kros pait bilong mitupela, taim
mitupela lusim rong bilong narapela narapela na traim long lainim
long ol dispela ol samting. Nau mitupela i save autim Tok bilong God
wantaim. Mi lukim meri bilong mi olsem, meri bilong mi na trupela
pren bilong mi na tu olsem wanpela minista we mi ken putim olgeta
tras o bilip bilong mi long em. Mi no save toktok wantaim ol arapela
109
Dispela trupela na strongpela samting
Gris bilong Satan
lain long ol olgeta tingting mi save gat tasol mi save toktok wantaim
meri bilong mi long en.
Bihain long dispela ol faivpela yia i go pinis, mi lukluk i go bek na
mi luksave olsem, God i lukim dispela ol nogut samting i stap long
laip bilong mitupela, olsem na, em i laikim dispela ol samting nogut
long kamaut long ples klia.
Mi bin pilim amamas tru long dispela gutpela save bilong mitupela
i kamap man na meri insait long marit. Bipo long mi bin bungim Lisa,
mi bin beten strong nogut tru long wanem kain meri bai mi maritim
bihain. Dispela em i namba tu bikpela disisen bilong mi—bihain long
namba wan disisen, em long harim na bihainim Tok bilong God. Bikos
mi bin beten na wetim God long makim wanpela meri bilong mi, mi
bin ting olsem, bai mi nogat wanpela hevi, kain olsem ol arapela marit
i wok long gat long en. Nau mi luksave olsem mi bin rong olgeta!
God i makim meri, mi bin tingim stret long bel bilong mi long en.
Tasol em i kamautim ples klia ol nogut pasin bilong mi we i bin i stap
hait. Na planti bilong dispela kain pasin i stap! Sapos mi bin ranawe
long dispela ol hevi na brukim marit bilong mitupela o sutim pinga i
go long em, em bai luk olsem, mi laik haitim dispela olgeta samting
i stap aninit long banis bilong giaman we ol i tok tubel na bel hevi.
Wanpela samting em i holim mi, em olsem mi save gut long Tok bilong
God long marit na em i strongim mi na mi no lusim na i go.
Long dispela mak, mi mas senisim ron bilong dispela sapta.
Sampela bilong yupela i ritim dispela nogut i ting olsem, mi no kisim
Jisas long laip bilong mi yet taim mi bin marit.
Long yu God i tok olsem, “Long ol manmeri i marit pinis, mi givim
dispela lo. Em i no lo bilong mi yet. Nogat. Em i lo bilong Bikpela. Em
i olsem. Meri i no ken lusim man bilong en. Na sapos em i lusim man
pinis, orait em i mas i stap nating. Sapos nogat, em i ken i go bek na
wanbel gen wantaim man bilong en. Na man tu em i no ken rausim
meri bilong en….Ol brata, wanem kain laip yumi bin i stap long en
110
Gris bilong Satan
Dispela trupela na strongpela samting
long taim God i singautim yumi, yumi mas stap long dispela kain laip
tasol wantaim God” (1 Korin 7:10-11, 24).
Larim dispela lo bilong God long sait bilong marit i stap insait long
bel bilong yu na sapos wanpela traim o hevi i laik kamap long yu, long
pasin bilong belhat na tubel, bai yu no inap long surik o pundaun long
em. Bihain, painim Tok bilong Bikpela long sait bilong marit bilong yu.
Sampela bilong yupela ol bilip manmeri i no bin marit long laik na
plen bilong God. Long kisim ol blesing bilong God insait long marit
bilong yu, yu i mas tanim bel olsem yu no bin painim ol gutpela
tingting bilong Em, bipo long yu marit, na Em bai lusim ol rong bilong
yu. Putim long bel bilong yu olsem taim yu traim long karamapim
wanpela rong wantaim narapela rong, em bai no inap long mekim
wanpela samting i kamap stret, olsem na long brukim wanpela lo
bikos yu bin gat tubel na bel hevi em i no ansa bilong em. Bihain, yu
mas painim Tok bilong Bikpela long sait bilong marit bilong yu.
DISPELA STRONGPELA STON
Dispela Tok hait bilong God em i olsem wanpela strongpela ston,
mipela i mas putim laip na ministri bilong mipela antap long en. Planti
manmeri i bin tokim mi long hamaspela sios na ministri tim ol i bin i
stap insait long en long sotpela taim tasol. Bel bilong mi i save bruk
stret long lukim olsem ol i stap long planti hap insait long sotpela
taim tasol bikos long ol traim na hevi i wok long kamap long ol insait
long ol dispela hap, na i no bikos God i tokim ol long lusim na i go
long narapela hap. Ol i save amamas wantaim na apim nem bilong
dispela ol samting we i bin go rong long en o husat lain i bin kisim
bagarap wantaim ol insait long dispela taim. Ol i save pilim olsem
wanem disisen ol i mekim long en, em i stret. Tasol dispela kain ol
tingting em i olsem wanpela kain karamap bilong pasin giaman, we
i save pasim ol long lukim dispela belhat o tubel ol i gat insait long
laip bilong ol.
Ol i save tok olsem dispela sios o ministri ol i stap long en, “em
111
Dispela trupela na strongpela samting
Gris bilong Satan
bilong liklik taim tasol” o “em God i putim ol long stap bilong sotpela
taim tasol.” Mi bin harim wanpela man i tok olsem, “Mi olsem
wanpela samting ol i givim long dispela sios long sotpela taim tasol.”
Ol i save mekim dispela kain toktok bikos, sapos wanpela samting i
go rong, em bai isi tru long ol i ken ranawe i go. Ol i nogat wanpela
strongpela pos long sanap antap long en taim ol i go long wanpela
nupela ples. Olsem na em i isi tru long ol traim na hevi long rausim
ol i go long narapela ples.
BAI YUMI I GO LONG WE?
Bai yumi go bek long stori bilong Jisas we em i bin askim ol disaipel
bilong em olsem ol i ting Em yet em i husat. Insait long dispela stori
yumi ken lukim olsem, yumi inap long sanap strong na tu save long
laik na plen bilong God sapos yumi save long Tok bilong God. Yumi
lukluk gen long laip bilong Saimon Pita.
Bihain long Saimon i tok aut long bel bilong God, Jisas i kirap na
tok, “Na mi tokim yu olsem. Yu Pita, na bai mi wokim sios bilong mi
antap long dispela ston. Na bai strong bilong Dai i no inap daunim
dispela sios” (Matyu 16:18).
Jisas i senisim nem bilong Saimon i go Pita na dispela pasin em
i narakain samting we i gat mining bilong en. Dispela nem Saimon
mining bilong em, “long harim” 1 na dispela nem Pita (long tokples
Grik em petros) na em i minim olsem “ston” 2. Olsem na taim em i
harim Tok bilong God insait long bel bilong em, em i kamap olsem
wanpela ston. Taim ol i wokim wanpela haus long ston na em i sanap
antap long ston, dispela haus bai stap strong taim strongpela win
na ren i kam long en.
Dispela tok ston insait long dispela ves em i kam long tokples Grik
ol i tok petra, na em i minim “bikpela ston” 3. Jisas i tokim Saimon
Pita olsem Em yet Em i kamap olsem ston na long dispela ston em
bai ol i mekim haus antap long em.
Bihain Pita i bin raitim long buk bilong 1 Pita 2:5 olsem, “Yupela
112
Gris bilong Satan
Dispela trupela na strongpela samting
tu i olsem ol ston i gat laip, na long strong bilong Holi Spirit God i
laik mekim yupela i kamap haus bilong em yet.” Ston em i wanpela
strongpela samting olsem na Tok bilong God em i olsem ston i gat
pawa, na strong long sanap em yet. Olsem na dispela tok em olsem
prut bilong laip long husat ol manmeri i kisim dispela tok na i putim
long bel bilong ol. Dispela man em i kamap strong insait long strong
bilong Jisas Krais husat em i tru tru tok bilong God i gat laip long en.
Olsem aposel Pol i bin raitim long buk bilong 1 Korin 3:11, “Yupela
i save, i nogat wanpela man inap long putim narapela ston bilong
wokim haus antap long en. Nogat. Jisas Krais wanpela tasol i stap,
em God i putim pinis olsem nambawan ston bilong haus.” Taim yumi
painim Em husat em i Tok bilong God i gat laip, Em bai kamap ples
klia na yumi tu bai sanap strong moa.
Insait long Jon 5:16, yumi ken lukim olsem insait long ol laspela
de bilong ol wokabaut bilong Jisas long dispela graun, laip bilong ol
ministri tim bilong em i kamap hat liklik. Ol lida bilong sios na ol lain
Juda i wok long traim hat long painim we bilong kisim Jisas i go long
kot na ol i ken kilim Em. Tasol taim ol samting i senis na i luk gut long
wok ministry bilong Em, ol manmeri i traim long kisim Em na mekim
Em i kamap king tasol Em i les na i lusim i go (Lukim Jon 6:15).
Ol disaipel bilong em i tingting planti na i tok, “Bilong wanem na
Em i mekim olsem? Dispela em i sans bilong Em na bilong mipela tu.”
Ol i wok long tingting planti tru. Dispela ol traim na hevi i wok long
kamap bikpela moa yet.
“Yumi lusim planti ol samting bilong yumi olsem wok na famili
bilong bihainim Em. Yumi bilip olsem, em dispela man tasol bai kam
bek gen. Na tu, Jon bilong Baptais i bin tokaut long dispela na yumi
harim Saimon Pita i mekim wankain tok long taun Sisaria Filipai.
Dispela em tupela witnes, tasol, bilong wanem na Em i save hatim
bel bilong ol lida? Bilong wanem na Em i wok long sikarapim bel
bilong ol lida, na mekim ol toktok bilong mekim ol i givim Em hevi?
Bilong wanem, na Em i save mekim ol hatpela toktok long yumi ol
113
Dispela trupela na strongpela samting
Gris bilong Satan
disaipel bilong Em. Ol kain toktok olsem, “O ol strongpela het lain
nogat gutpela tingting na bilip bilong yupela. Mi stap longpela taim
wantaim yupela na yupela i no save long mi yet, a?”
Belhat na tubel i wok long kirap isi isi long bel bilong ol dispela
husat i bin lusim olgeta samting bilong ol long bihainim Jisas.
Na bihain long dispela, wanpela bikpela samting i kamap. Jisas
i autim wanpela kain tok i no bihainim ol lo bilong ol Juda. “Orait
Jisas i tokim ol olsem, ‘Tru tumas mi tokim yupela, sapos yupela i no
kaikai bodi bilong PIkinini bilong Man, na sapos yupela i no dringim
blut bilong em, bai yupela i nogat laip i stap long yupela’ ” (Jon 6:53).
Taim Em i mekim dispela kain tok, ol i tingting olsem, “Em i autim
wanem kain tok, nau? Em i hat tru long mi ken save gut long wanem
samting em i minim na toktok long en!” Em i no mekim dispela tok
long pes bilong yumi tasol. Nogat, em i mekim dispela kain tok long
pes bilong ol lida man insait long dispela bikpela sios long taun
Kaperneam. Long sait bilong dispela ol disaipel, ol inap pinis long
dispela!
Ol disaipel i harim dispela tok bilong Jisas, na planti bilong ol i tok
olsem, “Dispela tok em i hevi tumas. Husat inap long harim?” Jon 6:60
Lukim gut bekim bilong Jisas:
Tasol long bel bilong en Jisas i save olsem, “Ol disaipel bilong en i
toktok planti long dispela tok em i bin mekim olsem na Em i askim ol,
“Dispela tok em i bagarapim bilip bilong yupela, a? Jon 6:61
Dispela em ol disaipel bilong Em yet! Em i no save surik bek long
wanem toktok Em i mekim long en tasol Em i save askim ol stret.
Em i save olsem sampela bilong ol i no sanap antap long wanpela
strongpela pos. Olsem na, Em i save traim long kamapim ples klia
dispela ol pasin bilong givim sans long ol long skelim na lukim wanem
kain bel ol i gat long en. Tasol ol dispela ol disaipel i no olsem Saimon
Pita, o ol naraplea disaipel husat i save gat hangre long save long tok
tru. Lukim wanem kain pasin ol i mekim:
114
Gris bilong Satan
Dispela trupela na strongpela samting
Jisas i autim dispela tok pinis, na planti disaipel bilong en i lusim
em, na ol i go bek, na ol i no wokabaut moa wantaim em. Jon 6:66
Lukim i no ol liklik disaipel i lusim na i go tasol “bikpela” namba.
Sampela bilong ol em i mas dispela ol disaipel husat i bin mekim
kainkain toktok pastaim long taun Sisaria Filipai. Ol i bin tok, “Sampela
i save tok, yu Jon bilong Baptais. Na sampela i tok, yu Elaija. Na
sampela i save tok, yu Jeremaia o wanpela profet” (Matyu 16:14). Ol
i no stap antap long dispela strongpela pos we em i Tok bilong God.
Belhat na tubel i mekim na ol i kamap long dispela mak we planti
bilong ol manmeri long tude i save mekim long en—ol i lusim na i go.
Ol i no lukim tok tru bilong wanem, ai bilong ol i pas long kainkain
ol mangal pasin na ol ting ol man i no mekim gut long ol bikos ol i
tingim ol yet tasol.
Yumi lukim wanem samting i kamap long Saimon Pita taim Jisas
i toktok stret long ol twelvpela disaipel bilong en:
Olsem na Jisas i askim ol twelvpela disaipel olsem, “Ating yupela
tu i laik lusim mi na go?” Saimon Pita i bekim tok olsem, “Bikpela,
bai mipela i go long husat? Tok bilong yu tasol i save givim laip i stap
gut oltaim oltaim. Na mipela i bilip, na i save gut olsem, yu dispela
gutpela stretpela man God i bin makim bilong em yet.” Jon 6:67-69
Jisas i no askim askim ol dispela man na i tok, “Plis noken go. Nau
tasol mi lusim planti wokman bilong mi. Bai mi mekim wanem sapos
yupela tu i go!” Nogat. Em i tokim ol stret olsem, “Yupela tu laik go, a?”
Lukim gut wanem kain rot Saimon Pita i bekim dispela tok bilong
Jisas, maski taim em tu tingting bilong em i pait i stap na em bai isi
tru long em i ken belhat na tubel wankain olsem ol narapela lain.
Tasol em i tok, “Bikpela, bai mipela i go long husat?”
Ating wanem samting em i harim long en, i mas mekim em yet i
tingting planti tu, tasol em i gat wanpela samting we ol arapela i nogat
long en. Taim ol i stap long taun Sisaria Filipai, Pita i kisim dispela tok
hait na tokaut stret long Jisas em i husat tru: “Yu Pikinini bilong God
i gat laip” (Matyu 16:16).
115
Dispela trupela na strongpela samting
Gris bilong Satan
Nau insait long dispela traim i kamap, em i toktok long wanem
samting i stap insait long bel bilong em: Mipela i bilip na i save gut
olsem, yu em Krais, dispela Pikinini bilong God i gat laip.” Dispela em
ol toktok Pita i bin mekim long taun Sisaria Filipai. Em i olsem dispela
liklik ston i stap antap long bikpela ston em Tok bilong God i gat laip
long en. Em bai no inap long go wantaim belhat na tubel.
TAIM KAINKAIN TINGTING NOGUT I KISIM YU,
BAI YU MEKIM WANEM SAMTING STRET
Planti taim mi save tok olsem ol hevi na traim i save painim ol man
o ol i save makim wanem kain laip insait long spirit yu gat long en.
Ol i save soim stret wanem kain bel yu gat long en na i stap. Wanem
kain pasin yu i save mekim taim kainkain tingting nogut i kisim yu,
em dispela tasol bai soim trupela bel bilong yu.
Yu ken i gat haus we yu mekim antap long wesan na em i faivpela
level i go antap, na em i luk nais nogut tru, na tu yu bilasim gut
wantaim kainkain ol gutpela samting, ol man i mekim long han
bilong ol. Na taim san i lait yet, em i luk olsem wanpela ples we i gat
strongpela banis na i luk nais nogut tru na i stap.
Klostu long dispela haus yu ken mekim wanpela haus nating we
i gat wanpela level tasol na nogat man bai bisi long lukluk long en.
Sapos yu lukim dispela haus wantaim dispela faiv level haus, dispela
haus em i no nais tumas olsem dispela faiv level haus we i traipela tru
na i luk nais stret. Tasol dispela haus, ol i wokim antap long wanpela
samting, yu no inap long lukim—em ston.
Dispela faiv stori o level haus bai stil luk nais sapos nogat bikpela
win na ren i kam na paitim em. Tasol taim wanpela bikpela ren na win
i kam, dispela faiv stori o level haus bai pundaun na bagarap olgeta.
Em i ken sanap long taim ol liklik win na ren i kam tasol, em bai no
inap long sanap sapos bikpela win na ren i kam. Dispela haus nating,
i stap arere long dispela bikpela haus, em tasol, em inap long sanap
116
Gris bilong Satan
Dispela trupela na strongpela samting
insait long taim bilong bikpela win na ren. Taim wanpela haus em
i bikpela nogut tru, pundaun bilong em tu bai bikpela tru na planti
lain bai i lukim.
Sampela bilong ol lain insait long sios i wankain olsem dispela,
ol disaipel husat i bin hariap long toktok long taun Sisaria Filipai,
tasol bihain ol i kamaut ples klia. Ol bai luk olsem dispela faiv stori
o level haus, we i luk olsem, em i sanap strong na luk nais tru. Em i
ken sanap long taim bilong liklik win na ren i kam tasol taim bikpela
win na ren i kam, em bai rausim em i go long narapela ples. Yu
mas sanapim laip bilong yu antap long Tok bilong God na i no antap
long wanem samting ol arapela i toktok long en. Yu mas i traim
long painim Bikpela wantaim olgeta bel bilong yu. Noken traim long
toktok o mekim wanpela samting bikos olgeta lain i mekim olsem.
Nogat. Painim Bikpela na traim long sanap long lait we i stap insait
long bel bilong yu!
117
TAIM BIRUA I MEKIM GURIA, EM I LAIK
BAGARAPIM. TASOL GOD I GAT NARAPELA
AS TINGTING.
Mi laik tok tenkyu long God long dispela tok i stap insait long dispela
buk, Gris bilong Satan. Mi bin tambuim kaikai na beten long lukim
wanpela kain nupela samting i mas kamap long laip bilong mi. Na
Bikpela i soim mi long dispela tok, na em i senisim laip bilong mi
olgeta. Olgeta lain husat i wokim woklida o husat i lida, i mas ritim
dispela buk.
—C. P., NEW ZEALAND
118
Gris bilong Satan
8
OLGETA SAMTING WE EM INAP
LONG GURIA NA SEKSEK, BAI
GURIA NA SEKSEK
L
Bipo maus bilong God i mekim graun i Guria. Tasol
nau em i tokim yumi pinis olsem, “Wanpela taim moa
bai mi mekim graun i guria moa yet. Na i no graun
tasol. Bai mekim graun na skai wantaim i guria.” Em
i tok long wanpela taim moa tasol, olsem na yumi
save, taim God i mekim graun na skai i guria, em bai
i rausim ol dispela samting em i bin wokim na ol bai
i no i stap moa. Na ol samting em i no inap mekim
ol i guria, ol tasol bai i stap. —Hibru 12:26-27
ong narapela sapta yumi lukim pinis olsem dispela Tok hait bilong
God em i kamap olsem wanpela strongpela pos, Jisas i sanapim
sios bilong Em, antap long en. Yumi lukim stori bilong Saimon Pita
i stap strong taim ol arapela disaipel i go wantaim belhat na tubel.
Na tu, yumi lukim, taim Jisas i givim sans long em long go, Saimon
Pita i bin tokaut stret long wanem samting i bin stap pinis insait long
bel bilong em.
Nau yumi lukim narapela tes bilong Saimon Pita—long dispela
nait ol i bin givim Jisas i go long han bilong birua.
119
Olgeta samting we em inap long guria …
Gris bilong Satan
Jisas i sindaun wantaim ol twelvpela aposel bilong Em, na i givim
tok tenkyu na i givim komunion long ol disaipel bilong Em taim Em
i bin mekim wanpela tok we i mekim ol disaipel bilong em i kirap
nogut tru: “Tasol lukim han bilong dispela man i laik putim mi long
han bilong ol birua em i stap wantaim mi long dispela tebol. Pikinini
bilong Man em i mas bihainim dispela rot bipo God i makim bilong
Em. Tasol sori tumas long dispela man i givim em long han bilong ol
birua!” (Luk 22:21-22). Em wanem kain rot stret bilong givim toksave!
Tude bai yumi ken tok olsem, “Em tokaut stret na mekim ol i kirap
nogut tru” wantaim dispela ol tok bilong em.
Jisas em i save pinis olsem wanpela bilong ol bai givim em i go
long han bilong birua tasol dispela em i nambawan taim bilong ol
disaipel bilong em long harim dispela kain tok. Yu bai inap long tingim
wanem kain samting ol disaipel bilong em i bin pilim taim Jisas i tok
olsem wanpela bilong ol husat i bin stap wantaim em long stat bilong
dispela ministri, na husat i bin pas gut tru wantaim em, bai givim em
i go long han bilong ol birua?
Long bekim dispela askim bilong em, “ol yet i askim askim namel
long ol yet long husat tru bai mekim dispela kain pasin” (v. 23). Ol i
kirap nogut tru na tingting planti stret olsem, wanpela namel long
ol yet bai mekim dispela kain nogut pasin. Tasol as tingting bilong
ol long mekim dispela wok painimaut em i no wantaim stretpela
tingting bilong wanem, yumi save pinis long hau toktok bilong ol i
pinis. As tingting bilong ol long mekim wok painimaut, em bikos ol i
tingim ol yet na ol i laik kisim biknem. Lukim dispela ves i stap insait
long Tok bilong God:
Orait ol disaipel i stat long pait long toktok long husat em i namba
wan bilong ol. Luk 22:24
Tingim dispela insait long tingting bilong yu: Jisas i tokim ol olsem
klostu taim ol bai givim em i go long han bilong ol het pris long ol i
bai kotim em na givim em i go long han bilong ol soldia bilong Rom,
long ol i ken tok bilas long em, paitim em wantaim wip na kilim em
120
Gris bilong Satan
Olgeta samting we em inap long guria …
i dai. Dispela man husat bai mekim dispela kain pasin, em i sindaun
wantaim Em long tebol i stap.
Ol disaipel i wok long askim ol yet i go kam olsem husat tru bai
mekim dispela kain pasin, na wantu tasol, ol i kalap i go long narapela
askim na tok pait long husat tru namel long ol em i namba wan.
Dispela em i no gutpela pasin. Em i kain olsem pasin bilong ol liklik
pikinini husat i wok long kros pait long husat bai kisim ples bilong
papa bilong ol taim papa i dai. Ol i no wari long Jisas. Ol i wok long
traim long trikim ol yet long husat tru em inap long kisim namba na
posisen namel long ol. Wanem kain rabis pasin stret bilong tingim
ol yet tasol!
Sapos mi bin stap long ples bilong Jisas long dispela taim, ating mi
inap long askim ol sapos ol i sori na wari tu long mi, o nogat. Insait
long dispela pasin, yumi ken lukim long wanem kain rot Bikpela i save
wokabaut insait long en long pasin bilong em long laikim ol yet na
stap bel isi. Planti bilong yumi, sapos yumi i bin stap long ples bilong
Jisas, bai yumi kirap na i tok olsem, “Yupela olgeta, kam go autsait,
nau tasol! Mi stap insait long taim bilong bikpela nid stret na yupela
i wok long tingting long yupela yet i stap!” Dispela em wanpela taim
i isi long yu belhat na tubel!
Yumi ken traim na ges paia long husat stret i bin kamapim dispela
tok pait namel long ol disaipel: Saimon Pita, bilong wanem, em i man
bilong go pas long mekim planti ol samting insait long grup na tu em
i save toktok pas long ol arapela planti taim.
Ating em i mas hariap tru long tokim ol arapela long tingim i go
bek long dispela taim, em tasol i bin wokabaut antap long wara. O,
ating em i mas tokim ol long dispela taim em i bin kamapim ples klia
dispela tok hait long Jisas em i husat stret. Na ating tu long taim em
i go wantaim Jisas long mauten na lukim dispela senis i kamap long
Jisas na Moses wantaim Elaija i bin stap klostu wantaim Em.
Pita i gat bikpela bilip olsem em i mas stap namba wan namel long
olgeta twelvpela disaipel. Tasol dispela bilip, em i no kam wantaim
121
Olgeta samting we em inap long guria …
Gris bilong Satan
pasin bilong laikim. Nogat. Em i kam wantaim pasin bilong kisim
biknem.
Jisas i lukluk long olgeta na i tokim ol olsem, ol i kamap olsem ol
man nating na i no olsem ol pikinini man bilong kingdom bilong God:
“Na Jisas i tokim ol olsem, ‘Ol king bilong ol arapela lain manmeri ol i
gat namba na ol i bosim ol, na ol i gat nem olsem man bilong mekim
gutpela pasin long ol. Tasol yupela i no ken mekim olsem. Nogat. Man
i stap namba wan namel long yupela, em i mas i stap olsem man i
kamap bihain tru. Na hetman bilong yupela em i mas i stap olsem
wokman bilong helpim yupela. Tingim. Husat em i namba wan? Ating
man i sindaun kaikai o wokman i sutim kaikai na bringim i kam long
en? Namba wan em dispela man i sindaun kaikai, em tasol. Tasol
mi stap namel long yupela olsem wokman bilong helpim yupela”
(Luk 22:25-27).
AS TRU BILONG SKELIM GUT OL SAMTING
Em i tru olsem Saimon Pita i kisim planti ol gutpela hait toktok bilong
Jisas em i husat stret, tasol em i no wokabaut insait long dispela daun
pasin bilong Krais. Em i wok long mekim kamap ministri bilong em
antap long ol gutpela wok em i bin wokim bipo na tu, antap long
biknem em i kisim long mekim dispela ol wok. Pol i bin tokim yumi
stret insait long 1 Korin 3:10 olsem yumi mas kisim was long mekim
ol samting antap long dispela pos bilong Krais.
Saimon Pita i no wokim wok wantaim ol samting bilong kingdom
bilong God, tasol, em i wokim wok wantaim strongpela tingting na laik
em i gat long en. Tu, em i no save olsem, em i wok long wetim taim
bilong pasin bilong em long senis olgeta. Em i gat kain pasin olsem
1 Jon 2:16 i toktok long en, “Pasin bilong bel kirap na aigris na bikhet”.
Pasin bilong i gat biknem, em i nogat strong long inapim em long
kamapim gut dispela wokabaut bilong em insait long Krais. Sapos em
i no rausim dispela pasin bilong kisim biknem insait long laip bilong
em, orait dispela pasin i ken bagarapim em. Insait long buk bilong
122
Gris bilong Satan
Olgeta samting we em inap long guria …
Esekiel 28:11-19, yumi ken lukim olsem dispela pasin bilong kisim
biknem em i wanpela pasin i bin i stap insait long laip bilong Lusifa,
wanpela ensel bilong God, na dispela pasin tasol i bin mekim na em
i pundaun na kisim bikpela bagarap.
Nau lukim wanem samting Jisas i tokim Saimon Pita:
Orait Jisas i tok olsem, “Saimon, Saimon, harim. Satan i tok pinis
long em bai i traim bilip bilong yupela, olsem ol man i save sakim wit
bilong rausim ol pipia long en” Luk 22:32.
Pasin bilong kisim biknem i opim dispela dua bilong birua long
kam insait na sakim Saimon Pita. Dispela tok sift em i kam long
tok ples Grik siniazo na mining bilong em i olsem, “long sakim na
rausim ol pipia bilong wit long wanpela kain kontena bilong em (ol
i tok ‘sieve’ long tok Inglis) na dispela em i olsem wanpela kain tok
piksa we mining tru tru bilong em i olsem, long sakim nogut tru bilip
bilong wanpela inap long mak klostu long em i ken pundaun na kisim
bagarap insait long bilip bilong em.”
Nau sapos Jisas i gat dispela kain tingting we planti lain insait long
sios i save gat long en, em i inap long tok, “Olgeta lain, yumi beten
na traim long pasim wok bilong spirit nogut. Bai yumi no inap long
larim Satan i mekim kain pasin long Saimon bilong yumi!” Tasol lukim
wanem samting em i tok:
Tasol mi beten pinis bilong helpim yu, bai bilip bilong yu i no ken
pundaun. Na taim yu tanim na yu kam bek, orait yu mas strongim ol
brata bilong yu (Luk 22:32).
Jisas i no beten olsem Saimon Pita i mas ranawe long dispela
bikpela sakim bilong bilip bai kamap long mak we em i ken pundaun
na kisim bikpela bagarap. Nogat. Em i beten olsem bilip bilong em
bai no inap lus insait long dispela traim. Jisas i save olsem bihain long
dispela traim, Saimon Pita bai gat nupela pasin em bai nidim long
bihainim wokabaut bilong em insait long Krais na tu long strongim
ol narapela brata bilong em.
Satan i bin askim long sakim Saimon Pita nogut tru na mekim em i
123
Olgeta samting we em inap long guria …
Gris bilong Satan
lusim bilip bilong em long Jisas. Tingting bilong man nogut em bilong
bagarapim dispela man husat i gat bikpela wok long mekim na husat i
kisim planti ol tok hait bilong God pinis. Tasol God i gat narapela kain
tingting insait long dispela traim na olsem planti taim yumi save lukim,
God em i winim ol spirit nogut. Em i larim man nogut long mekim
olsem long Saimon Pita, bilong wanem, Em i laikim olgeta samting
insait long em i mas sakim gut tru we em i gat nid long seksek.
God i soim meri bilong mi, Lisa, faivpela as, bilong sakim wanpela
samting:
1. Long karim dispela samting i kam klostu long as bilong em
2. Long rausim wanem samting i dai pinis long en
3. Long kamautim wanem samting em i redi pinis long en
4. Long kirapim
5. Long bungim olgeta samting wantaim, olsem na em bai hat
tru long rausim wanwan
Wanem kain ol tingting o pasin bilong bel we i stap insait long
pasin bilong tingim yu yet moa long ol arapela o long apim yu yet
em bai i kamaut. Bikos long dispela wok bilong sakim bilip bilong
Saimon Pita, dispela bai i rausim olgeta tingting na bel bilong Saimon
Pita long tingim em yet i antap moa long ol arapela na kisim biknem
nating, na em bai i antap tasol long strongpela pos bilong God. Em
bai inap long lukim tru tru bel bilong em yet, we olgeta samting i dai
pinis i raus na prut i mau na redi long pikim. Dispela bai i bringim
em i go klostu long dispela trupela pos. Em bai i no inap long wok
long laik bilong em yet, tasol em bai i wetim Bikpela long helpim em
long mekim wok.
Pita i bin kirap na tokim Jisas stret olsem, “Bikpela, mi redi long
go wantaim yu insait long ples kalabus na tu dai.” Dispela toktok em
i mekim long en, em i no kam long Spirit, tasol em i kam long tingting
bilong em yet. Em i no inap long lukim wanem samting bai i kamap
long bihain, taim dispela sakim i kamap pinis.
124
Gris bilong Satan
Olgeta samting we em inap long guria …
JUDAS VESES SAIMON
Sampela lain ting olsem Pita em i wanpela man bilong toktok planti
tasol em i man bilong pret. Tasol long gaden, taim ol wasman bilong
temple i kam long arestim Jisas, Pita i rausim bainat bilong em na
i katim yau bilong dispela wokboi bilong hetpris long han sut (Jon
18:10). I nogat planti ol pret man i save pait olsem, taim ol i lukim
olsem ol birua soldia i planti tumas na ol yet i liklik namba tasol. Olsem
na, Pita, em i strong tasol dispela strong bilong en, em bilong em
yet, na i no strong i kam long daun pasin bilong God bilong wanem,
dispela pasin bilong sakim em i no kamap yet long em.
Em i kamap olsem Jisas i tok long en. Dispela man Saimon Pita,
husat i gat strong na i bin redi long dai long Jisas husat i bin rausim
bainat bilong em long gaden we i bin pulap long planti ol soldia na
bihain bungim wanpela liklik wokmeri nating. Na dispela meri i sutim
tok long em, long em i save long Jisas na em i pilim pret long dispela
wokmeri olsem na em i giaman na tok olsem em i no save long Jisas.
Sampela lain i save ting olsem ol bikpela samting i save mekim
ol man long pundaun tasol planti taim, em ol dispela liklik samting
i save sakim yumi nogut tru. Dispela em i save soim olsem ol eksen
bilong yumi i nogat as bilong en taim yumi bilip insait long yumi olsem
yumi inap long mekim ol samting yumi yet.
Pita i tok olsem, em i no save long Jisas tupela taim gen, na wantu
kakaruk i krai na Pita i go autsait na i krai nogut tru. Dispela pasin
bilong sakim i mekim em i lusim bilip long em yet inap long mekim ol
samting na em i pilim olsem em bai i no inap kirap gen na wokabaut
wantaim bilip insait long God. Long dispela taim, em i no save olsem
maski olgeta samting i lus, ol samting we Spirit i bin soim em long
en, ol i stap yet.
Saimon Pita na Judas, tupela wankain man long planti samting
liklik. Wanpela bilong dispela ol samting tupela i wankain liklik long
en, em, tupela wantaim i bin tok olsem tupela i no save long Jisas
125
Olgeta samting we em inap long guria …
Gris bilong Satan
insait long ol dispela laspela de long laip bilong Em. Yet insait long
dispela, i gat sampela ol samting insait long tupela we i narakain tru.
Judas i no bin gat laik long save gut long Jisas kain olsem Saimon i
bin gat long em. Judas i no stap insait long Jisas tasol sapos yu lukluk
long en, em bai i luk olsem em i laikim Jisas tru bilong wanem, em
i lusim olgeta samting bilong em long bihainim Jisas. Em i bin i stap
na raun wantaim Jisas olsem pren bilong em, insait long taim ol man
i bin traim long kotim Jisas na kilim em i dai.
Em i bin rausim ol spirit nogut na oraitim ol sik man na tu, autim
Gutnius. (Tingim i go bek gen long dispela taim we Jisas i bin salim
ol twelpela disaipel i go long autim Gutnius, oraitim ol sik man na
rausim ol spirit nogut. Em i no salim elevenpela disaipel i go. Nogat.
Em i salim twelpela man i go.) Tasol em i mekim dispela olgeta samting
i no bikos em i laikim Jisas na em i mekim o bikos em i save long ol
tok hait bilong Jisas na mekim. Nogat tru.
Long stat, Judas em i gat plen bilong em yet long mekim dispela
wok na em i no bin tanim bel long ol kranki tingting bilong em yet.
Ol pasin bilong em i wok long kamap ples klia taim em i mekim
dispela kain tok olsem: “Bai yu givim mi wanem samting sapos mi…”
(Mat 26:14, wantaim sampela toktok bilong mi yet). Em i bin mekim
planti tok giaman bilong grisim bel bilong ol narapela bilong em i ken
kisim sampela samting bilong em yet (Mat 26:25). Em i rausim moni
long ples we ol i save putim moni bilong wok ministri bilong Jisas long
en na yusim long mekim wok bilong em yet (Jon 12:4-6). Na lista i go
moa yet. Em i bin stap na raun wantaim Bikpela olsem tripela yia na
sikispela mun tasol em i no save gut long Bikpela.
Tupela man wantaim i pilim sori tru long wanem samting tupela
i wokim long en. Tasol Judas i nogat dispela strongpela bilip olsem
Pita i gat bilong wanem, em i no bin gat dispela hangre long save
gut long Jisas olsem na Jisas i no bin kamap ples klia long em. Sapos
Judas i bin kisim save long wanpela tok hait bilong Jisas insait long
bel bilong em, ating em bai no inap long givim Jisas i go long han
126
Gris bilong Satan
Olgeta samting we em inap long guria …
bilong birua. Taim wanpela strongpela win na ren i kamap long laip
bilong em, dispela i sakim na tromoi olgeta samting i stap insait long
laip bilong em i go i kam na olgeta samting long laip bilong em i bin
seksek! Lukim wanem samting i bin kamap bikos long dispela:
Judas, em dispela man i bin givim Jisas long han bilong ol birua,
em i lukim ol i daunim Jisas long kot na putim hevi long en. Na em
i senisim tingting bilong en na em i kisim dispela 30 mani silva ol
bikpris na hetman i bin givim long em, na em i bringim i go bek long
ol. Na em i tok olsem, “Mi bin mekim sin. Dispela man mi givim long
han bilong yupela, em i no bin mekim rong. Na yupela bai i kilim em
i dai.” Tasol ol i bekim tok olsem, “Em i no samting bilong mipela. Em
wari bilong yu tasol.” Na Judas i tromoi ol dispela mani silva insait
long banis bilong temple, na em i go hangamapim em yet na em i
dai (Mat 27:3-5).
Em i bin pilim sem na sori bilong wanem em i save olsem em i
mekim sin pinis. Tasol em i no gat gutpela save husat em i bin givim
long han bilong ol birua bikos em i no save long Krais. Em i bin mekim
dispela tok tasol, “Dispela man mi givim long han bilong yupela, em
i no bin mekim rong.” Sapos em i bin save long Krais olsem Saimon
Pita i save long En, ating em bai inap long go bek long Em na tanim
bel gen. Pasin bilong gat laik long kilim yu yet, em i pasin bilong stap
long strong bilong yu yet na i no stap aninit long strong na marimari
bilong God. Dispela pasin bilong sakim em i sakim Judas nogut tru
na i soim olsem Judas i no bin sanap antap long wanpela strongpela
pos maski em i bin bihainim Bikpela tripela yia.
Planti ol manmeri husat i bin senisim pasin bilong ol pinis i bin
mekim dispela “beten bilong ol sin man” em beten ol man i save
mekim taim ol i laik tanim bel, i go long lotu, mekim planti ol gutpela
samting insait long sios, na tu skul long buk Baibel. Insait long dispela
olgeta samting, ol i no painim wanpela tok hait insait long bel bilong
ol we i tokaut stret long Jisas em i husat. Tasol ol i save toktok long
maus bilong ol tasol olsem ol i save long Em. Taim wanpela bikpela
127
Olgeta samting we em inap long guria …
Gris bilong Satan
hevi i kamap long ol, ol i save belhat na tubel hariap long God na ol
i save les long mekim wanpela samting bilong Em.
Mi save harim planti i save mekim dispela kain tok olsem, “God
i no save mekim wanpela samting bilong mi! Mi traim long kamap
olsem wanpela Kristen tasol mi nogat amamas insait long laip bilong
mi.” O, sampela taim ol bai i tok olsem, “Mi beten na askim God long
mekim dispela samting na em i no mekim!” Ol i no save traim long
daunim ol yet na tok olsem Jisas em i Bikpela bilong ol. Tasol ol i save
traim long mekim ol samting long nem bilong Jisas bilong ol i ken
kisim sampela helpim long en. Ol i ting olsem, ol bai i kisim wanpela
samting olsem na ol i save lotu na mekim wok bilong em na ol i save
belhat na tubel hariap tru taim ol i no kisim wanpela samting. Lukim
wanem tok Jisas i mekim long dispela kain ol lain:
Na sampela manmeri ol i olsem pikinini wit i pundaun long graun
i gat ston. Ol i harim tok, na ol i save kisim kwiktaim, na ol i amamas
long en. Tasol ol i nogat rop bilong ol. Ol i save stap liklik taim tasol.
Taim ol man i laik daunim tok bilong God ol i givim hevi long ol dispela
manmeri na mekim nogut long ol, orait bilip bilong ol i save bagarap
kwiktaim (Mak 4:16-17).
Lukim gut ol dispela tok we em i tok olsem ol i belhat na tubel
hariap bikos ol i no sanap antap long wanpela strongpela pos. Bai
yumi mekim wanem long gat strongpela as bilong bilip? Bai yumi
painim ansa bilong dispela askim insait long Efesus 3:16-18: Yumi mas
sanap antap long pasin bilong laikim na dispela i ken kamap olsem
strongpela as bilong bilip.
Jisas i tok, “Sapos wanpela man i laikim tumas ol pren bilong em
na i lusim laip bilong em yet bilong helpim ol, orait dispela pasin
bilong laikim ol arapela i winim tru ol arapela pasin bilong laikim
ol arapela manmeri” (Jon 15:13). Yu no inap long lusim laip bilong
yu long arapela sapos yu i no save gut long em na i no trastim em.
Wankain olsem yu no inap long lusim laip bilong yu long God sapos
yu i no save gut long em na i no trastim em. Yu i mas save gut insait
128
Gris bilong Satan
Olgeta samting we em inap long guria …
long bel bilong yu olsem em bai no inap long bagarapim yu o larim
wanpela bagarap i kamap long yu.
Olgeta taim em i save was long yumi long wanem samting em i
save olsem em i gutpela na bai helpim yumi. Sampela samting we
yumi lukim na pilim nogut long en, em bai i kamap gutpela sapos
yumi i no lusim bilip bilong yumi. God em yet em i dispela pasin
bilong laikim na i nogat wanpela pasin nogut o pasin bilong Em i
save tingim Em yet i stap insait long Em. Satan tasol i save laik long
bagarapim yumi.
Planti taim yumi i save lukluk klostu tasol long ol samting insait
long laip bilong yumi tasol na yumi i no save lukluk i go longwe.
Dispela em i save bagarapim o pasim ai bilong yumi long lukim gut
tru tru dispela piksa. Long wanem samting yumi go insait long en,
God i save lukluk long samting bai i stap oltaim oltaim. Sapos yumi
lukluk long ol samting long inapim laik bilong yumi tasol, tupela kain
samting i ken kamap.
Namba wan, insait long dispela taim we God i laik rausim yumi
long pasin bilong sin, em bai i isi tru long yumi belhat na tubel long
God o long wanpela bilong ol wokman bilong em. Namba tu em olsem,
birua bilong yumi bai i isi tru long giamanim yumi. Satan bai i traim
long yusim wanpela samting we i luk olsem em i rait samting long
yumi mekim, tasol bikpela tingting bilong em long mekim dispela
samting em long bagarapim yumi na kilim yumi i dai. Taim yumi
sindaun isi na putim olgeta bilip bilong yumi i go long God, em bai i
hat long wanpela man o wanpela samting bai inap long rausim yumi
long lukaut bilong Papa. Bai yumi no inap long pundaun long tingting
bilong lukautim yumi yet.
KISIM STRONG LONG PASIN BILONG GOD
Wanpela rot birua i save traim long rausim yumi i go longwe long
trastim God, em long rausim gutpela tingting yumi i gat long ol pasin
bilong God. Em i bin mekim dispela kain pasin long Iv long gaden taim
129
Olgeta samting we em inap long guria …
Gris bilong Satan
em i askim em, “Ating God i tambuim yutupela long kaikai pikinini
bilong olgeta diwai bilong gaden, a?” (Stat 3:1). Em i tanim ol lo
bilong God bilong bagarapim na senisim tingting bilong yumi long
ol pasin bilong God.
God i bin tok olsem, “Yu ken kaikai pikinini bilong olgeta diwai
bilong dispela gaden. Tasol yu no ken kaikai pikinini bilong dispela
diwai bilong givim gutpela save long wanem samting i gutpela
na wanem samting i nogut. Sapos yu kaikai, wantu bai yu dai”
(Stat 2:16-17).
Sapos yu lukim dispela long narapela we, snek i wok long tokim
Iv olsem, “God i holim bek olgeta gutpela samting long yu.”
Tasol God i tok olsem, “Yu ken kaikai pikinini bilong olgeta diwai
bilong dispela gaden. Tasol…” God i givim yumi man, olgeta pikinini
kaikai bilong olgeta diwai long yumi i ken kaikai tasol wanpela tasol
em i tok nogat long en.
Dispela snek i tanim gut tru tingting bilong meri long lukluk bilong
em long God. Taim snek i mekim olsem, em i wok long tokim meri
olsem, “God i no wari tumas long yu. Em i wok long haitim wanem
gutpela samting long yu? Em i no laikim yu olsem yu ting long en. Em
i mas i no gutpela God!” Snek i giamanim dispela meri na mekim em i
bilipim dispela ol giaman toktok bilong en long pasin bilong God. Bel
bilong Iv i kirap long mekim sin nau bilong wanem, Tok bilong God i
no i stap laip moa tasol i kamap olsem lo insait long laip bilong em.
Na “sin i kisim strong bilong en long lo” (1 Korin 15:56).
Long tude, birua bilong yumi i save mekim yet wankain wok olsem
em i bin mekim bipo. Em i save traim long senisim tingting bilong
ol pikinini bilong God long lukluk bilong ol long ol pasin bilong Papa
bilong ol, God. Yumi olgeta i bin gat ol man husat i bin stap olsem
bos bilong bosim yumi kain olsem ol papa, tisa, bos, o ol meri i save
lukautim ol pikinini (gavanes) husat i bin tingim ol yet tasol na, ol i
nogat pasin bilong laikim arapela. Bikos ol i stap long dispela mak
olsem bos, em i isi tru long yumi tingim long tingting na makim dispela
130
Gris bilong Satan
Olgeta samting we em inap long guria …
pasin bilong ol wankain olsem bilong God, bilong wanem, ol i stap
antap olsem bos bilong yumi.
Dispela birua bilong yumi, em i bin bagarapim gut tru dispela ol
pasin bilong Papa taim em i senisim tingting bilong yumi long wanem
ol samting ol papa bilong yumi long graun i save mekim long yumi.
God i bin tok olsem, bipo long Jisas bai i kam bek, em bai i mekim
ol papa na ol pikinini i kamap wanbel (Mal. 4:6). Bai yumi inap long
lukim ol pasin bilong em i kamap ples klia long ol lida bilong Em, na
dispela bai senisim na oraitim tingting na lukluk bilong yumi long
pasin bilong God.
Taim yu save olsem God bai no inap long mekim wanpela samting
bilong mekim nogut o bagarapim yu na wanem samting em i mekim
o i no mekim long laip bilong yu, em bilong gutpela bilong yu. Yu bai
inap long givim olgeta bilong yu long Em. Bai yu amamas nogut tru
long lusim laip bilong yu long nem bilong Bikpela.
Sapos yu bin givim yu yet olgeta i go long Jisas na i stap aninit long
Em, orait bai yu i no inap long belhat o tubel bikos yu i no bilong yu
yet. Dispela ol lain husat i bin kisim bagarap na i gat tubel na belhat
insait long laip bilong ol, em ol lain husat i kam long Jisas long kisim
samting tasol long em na i no bikos long Em.
Taim yumi gat dispela kain pasin, em i isi tru long yumi bai i belhat.
Pasin bilong tingim yumi yet i save mekim yumi i tingting sot. Em i
hat long yumi lukim wanem samting yumi stap insait long en, insait
long bilip bilong yumi. Tasol, taim laip bilong yumi i stap insait long
Jisas, em bai yumi save gut tru long ol pasin bilong em na pilim dispela
amamas bilong em. Bai yumi no inap long guria o kisim bagarap.
Em i isi tru long yumi ken kamap belhat na tubel taim yumi lukim
na skelim ol samting wantaim ai bilong yumi long hau ol samting i
kamap na yumi no lukluk i go insait long ol dispela long ai bilong Spirit.
Planti taim God i no save bekim ol askim bilong mi insait long dispela
taim we mi pilim olsem em i mas bekim long en. Tasol nau, taim mi
131
Olgeta samting we em inap long guria …
Gris bilong Satan
lukluk i go bek long dispela olgeta samting we i kamap pinis, mi ken
lukim na luksave long olgeta gutpela save bilong em.
Planti taim ol pikinini bilong yumi i no klia gut long wanem kain
rot, o tingting i stap baksait long dispela ol trening yumi i save givim
ol long en. Yumi i save traim long tok klia long ol bikpela pikinini
bilong yumi, long wanem as yumi mekim ol samting, bilong wanem
yumi laikim ol long kisim gutpela save olsem na yumi mekim olsem.
Tasol sampela taim, ol i no save klia o wanbel long wanem samting
yumi toktok long en, bilong wanem, ol i no kamap yet long dispela
mak bilong yumi ken kolim ol man o meri, ol i pikinini yet; tasol ating
bihain taim ol i kamap bikpela, tingting bilong ol bai kamap klia, na
ol bai i kisim gutpela tingting. O, ating dispela em bilong traim ol na
lukim sapos ol bai harim tok na soim dispela pasin bilong laikim o
nogat? Wankain olsem, Papa bilong yumi long heven i save mekim
olsem long yumi. Insait long dispela kain taim, bilip i save tok olsem,
“Mi no klia long dispela tasol mi trastim yu.”
Insait long Hibru 11:35-39, yumi ken lukim dispela ol stori bilong
ol lain husat i no lukim dispela tok promis bilong God i kamap long
laip bilong ol tasol, ol i no surik insait long bilip bilong ol: “Ol birua i
kalabusim sampela man na bagarapim tru bodi bilong ol, inap long
ol i dai. Ol birua i tok, sapos ol i givim baksait long God, orait ol bai
lusim ol i go. Tasol ol i sakim tok bilong ol birua, long wanem, ol i ting
sapos ol i dai, ol bai i kirap bek long matmat, na bai ol i kisim laip i
gutpela moa. Sampela i kisim hevi long ol birua i tok bilas long ol na
wipim ol na passim ol long sen na putim ol long kalabus. Ol birua i
tromoi ston long ol. Ol i kisim so na katim bodi bilong ol i go long
tupela hap. Ol i kilim ol i dai long bainat. Sampela bilong ol dispela
man i bilip, ol i passim skin bilong sipsip na meme olsem laplap, na ol
i wokabaut i go. Ol i sot long olgeta samting bilong bodi, na ol man
ol i givim hevi long ol na mekim pasin nogut tru long ol. Olsem na ol
i go nabaut na hait long graun i nogat man na long ples mauten na
long ol hul bilong ston na long ol hul insait long graun. Pasin bilong
132
Gris bilong Satan
Olgeta samting we em inap long guria …
ol arapela manmeri bilong graun i no inap tru long pasin bilong ol
dispela manmeri i stap namel long ol na ol i bilip tru long God. Dispela
olgeta manmeri i bilip long God, na ol i kisim gutpela nem tru long ai
bilong God. Tasol long taim ol i stap long graun ol i no kisim gutpela
samting God i bin promis long givim ol.”
Ol i pasim tingting pinis olsem ol i laikim God tasol na ol i no wari
long wanem samting bai kamap long ol. Ol i no lukim wanpela bilong
dispela ol tok promis i kamap long laip bilong ol i go inap taim ol i dai
tasol ol i gat bilip long God, na ol i no bin belhat o tubel.
Taim yumi stap strong insait long God, yumi bai i karim kaikai
bilong pasin bilong laikim na trastim God. Nogat wanpela traim o
hevi we i bikpela nogut tru inap long mekim yumi i guria o sakim
yumi. Dispela em bai i no inap kam long strong bilong yumi yet o
long ol pasin yumi i save mekim. Nogat. Em i olsem wanpela presen
bilong marimari God i givim long olgeta manmeri husat i gat bilip
long Em na i no kam long ol yet. Tasol sapos yu laik givim olgeta laip
bilong yu i go long God, orait yu i mas save long husat tru i holim
laip bilong yu i stap.
PASIN BILONG MARIMARI EM I SAVE GO LONG OL
LAIN HUSAT I SAVE DAUNIM OL YET
Saimon Pita i no inap long apim nem bilong em yet moa, bilong
wanem, em i lusim pinis dispela pasin bilong bilip long em yet. Nau
em i ken lukim klia olsem i nogat as bilong em i bihainim laik bilong
em yet olsem na dispela i mekim em i daunim em yet. Nau em i fit
stret long kisim marimari bilong God. God i save givim marimari
bilong em i go long ol lain husat i gat daun pasin. Yu i mas gat daun
pasin pastaim bilong God i ken yusim yu long mekim ol wok bilong
Em. Dispela em i wanpela gutpela leson we i save stap long tingting
bilong Pita olsem na em i raitim long dispela pas: “Nau yupela olgeta
i mas bihainim pasin bilong daunim yupela yet na i stap aninit long ol
133
Olgeta samting we em inap long guria …
Gris bilong Satan
arapela manmeri bilong God. Yumi save, ‘God i save daunim ol man i
apim nem bilong ol yet, tasol em i save marimari na mekim gut long
ol man i daunim ol yet’ ” (1 Pita 5:5).
Pita i bin go insait long wanpela bikpela traim stret we i sakim
em nogut tru, na klostu tru em i pundaun na lusim bilip bilong em.
Yumi save long dispela, bikos long wanem tok ensel bilong Bikpela
i bin givim long Maria bilong Makdala long matmat: “Tasol yupela i
mas i go givim dispela tok long ol disaipel bilong en, na long Pita tu.
“Jisas em i go paslain long yupela long Galili. Yupela bai i lukim em
long Galili, olsem bipo em i tokim yupela pinis” (Mak 16:7). Ensel i
singautim nem bilong em stret bikos Pita i stap long mak bilong kisim
bikpela bagarap. Tasol maski em i kisim bagarap stret, God i putim
pinis dispela strongpela bilip insait long em olsem na i nogat wanpela
samting inap long sakim em long rausim dispela bilip bilong em tasol
em bai i strongim em.
Jisas i no lusim rong bilong Pita tasol. Nogat. Em i lusim rong bilong
Pita na tu, em i kisim em i kam bek long dispela mak we Pita i bin i
stap bipo long en. Insait long dispela hevi we i bin sakim em nogut
tru, nau Pita em i redi long kamap olsem wanpela lida man insait
long sios. Em i no pret long tokaut long dai na kirap bek bilong Krais
long ol lain husat i bin kilim Jisas long diwai kros. Em i toktok stret
long ol lida man insait long komuniti bilong ol na i no long ol wokmeri
nating. Wantaim strong, em i sanap long ai bilong ol na toktok long ol.
Stadi bilong taim bipo i bin soim olsem, ol i bin kilim Pita antap
long diwai kros na putim het bilong em i go daun na lek bilong em i
go antap. Dispela i kamap bihain long em i mekim planti ol gutpela
wok bilong Bikpela. Em i bin toktok strong olsem em i no fit long dai
long wankain rot olsem Bikpela bilong em i bin dai long en, olsem
na ol i tanim em na putim het bilong em i go daun na lek bilong em
i go antap taim ol i hangamapim em. Em i no pret moa. Em i olsem
wanpela ston i stap antap long narapela bikpela na strongpela Ston.
Ol traim na hevi insait long laip bilong man bai i soim yu ples klia
134
Gris bilong Satan
Olgeta samting we em inap long guria …
wanem samting i stap insait long yu na em bai i soim yu sapos yu i
gat belhevi na tubel long God o long ol arapela i stap. Dispela kain ol
tes bai i mekim yu belhat na tubel long God na ol arapela poroman
bilong yu o em bai i strongim yu. Sapos yu winim dispela tes, orait
bilip bilong yu bai i kamap strong moa olsem rop bilong wanpela diwai
i go insait tru long graun na i stap strong na yu bai i sanap strong yet
long bihain taim, tu. Tasol sapos yu i no abrusim dispela tes, bai yu
i gat belhevi na tubel na dispela i ken mekim na bagarapim gutpela
nem bilong yu na bai yu i stap wantaim belhat.
BIKPELA, MI BIN MEKIM WOK BILONG YU,
BILONG WANEM NA….?
Taim mi bin i stap olsem pasto, i gat wanpela yangpela man insait
long yut grup bilong mi we olgeta ol arapela poroman bilong em
na ol lida tu i save rispektim em. Em i bin gat fotinpela krismas long
dispela taim. Em i wanpela gutpela sumatin, wanpela man bilong ron
long resisna fit man long mekim ol kain kain wok insait long ministri.
Dispela yangpela man i wok wantaim bel tru bilong em long mekim
ol wok bilong God na em i save laik long mekim ol wok nating na
em i save amamas long wok long ol planti projek bilong sios. Em i go
wantaim mipela long wanpela misin wokabaut, na em i autim tok
long klostu olgeta lain em i bungim long dispela wokabaut.
Long wanpela taim insait long laip bilong em, em i bin beten i
stap olsem foapela aua long wanpela de. Em i bin harim na kisim
planti tok long Bikpela na em i autim na skelim long mipela. Wanem
samting em i save autim na skelim long en, i save blesim mipela stret.
Em i luksave long singaut bilong em insait long ministri olsem na em
i laik kamap pasto bipo long krismas bilong em i painim twenti. Em
i olsem wanpela ston we i nogat surik bilong en.
Mi laikim stret dispela yangpela man husat i luksave long singaut
bilong em i kam long God na mi bin givim planti taim bilong mi i go
135
Olgeta samting we em inap long guria …
Gris bilong Satan
long em long helpim em. Tasol, mi bin i gat wari long em. Mi lukim
olsem em i gat bikpela bilip long em yet na mi laik toktok long em
long dispela tasol mi no bin pilim bel isi long mekim olsem na mi
lusim. Tasol mi save olsem wanpela senis bai i kamap yet long em.
Em i bin go insait long sampela hatpela traim na hevi tasol em i stap
strong yet. Sampela taim mi save askim mi yet sapos mi bin pilim
samting stret long spirit bilong mi taim mi bin laik toktok long em
o nogat, taim mi lukim em i go insait long ol hatpela traim na hevi
tasol em i stap strong yet.
Sampela yia i kam i go na em i go stap long narapela ples na mi tu
mi, wok bilong mi i save kisim mi raun long planti hap tasol mi save
toktok wantaim em yet. Mi save olsem em bai go insait long wanpela
bikpela hevi bihain we bai brukim em i go daun na mi yet i no save
wanem taim stret bai dispela samting i kamap. Tasol mi save olsem
taim dispela samting i kamap, em bai i kamap bilong gutpela bilong
em bilong redim em gut tru long dispela wok we em bai i wokim
bihain. Dispela em i wankain long rot Saimon Pita i bin go insait long
en na traim o hevi i bin sakim em nogut tru.
Taim dispela yangpela man i bin kamap etinpela krismas, papa
bilong em i bin kisim wanpela strongpela sik ol i kolim kensa (cancer)
na i nogat marasin bilong pinisim dispela sik. Dispela yangpela man
wantaim mama bilong em i bin tambuim kaikai na beten olsem papa
bilong ol bai i kisim orait bilong em na planti ol arapela lain tu i bung
wantaim ol long pasin bilong beten. Sampela mun i go pinis, papa
bilong dispela yangpela man i bin givim laip bilong em i go long Jisas.
Sik bilong dispela papa i go bikpela nogut tru. Mi bin go autim tok
long narapela bikpela taun ol i kolim Alabama, taim meri bilong mi i
ringim mi long telepon, na tokim mi olsem, mi i mas ringim dispela
yangpela man. Mi ringim em na lukim olsem, em i nidim sampela
lain long givim em gutpela skul toktok.
Long dispela nait yet bihain long lotu, mi kisim kar na draiv i go
long haus bilong em na kamap long hap long foa kilok moning. Sik
136
Gris bilong Satan
Olgeta samting we em inap long guria …
bilong papa bilong em i bin kamap bikpela tru na ol dokta i bin givim
em sampela de tasol long stap laip bipo long em i dai. Papa bilong
em i no inap long toktok wantaim mipela.
Dispela yangpela man i gat bikpela bilip olsem papa bilong em
bai orait na kirap gen. Mi sindaun na autim tok bilong God na beten
wantaim dispela famili na sampela aua bihain mi lusim dispela hap na
i go. Long moning taim, mipela i kisim wanpela toksave long telepon
olsem sik bilong papa bilong em i go bikpela moa yet.
Hariap tru mitupela Lisa i beten long ol. Taim mitupela i wok long
beten i stap, God i soim wanpela driman long meri bilong mi olsem,
Jisas i sanap long sait bilong bet bilong papa bilong dispela yangpela
man na i redi long kisim em i go long ples bilong Em. Bihain long
tetipela minit i kam i go pinis, dispela yangpela man i ringim mitupela
meri bilong mi long telepon na i tok olsem, papa bilong em i dai pinis.
Dispela i no senisim dispela yangpela man, i luk olsem em i stap strong
yet. Tasol dispela em stat tasol bilong ol samting i laik kamap long em.
Long dispela nait, em i ringim ol sampela tru tru poroman bilong
em long tokim ol olsem, papa bilong em i dai pinis. Tasol taim ol
poroman bilong em i kisim telepon ol i wok long krai i stap na dispela
yangpela man i paul olsem ol dispela poroman bilong em, i harim
dispela nius olsem wanem na ol i krai i stap. Tasol, ol i no bin harim
toksave bilong em na i krai i stap. Nogat. Ol i krai bikos narapela
poroman bilong ol, i bin dai long dispela dei yet taim kar bilong em
wantaim narapela kar i bam. Insait long wanpela de tasol, dispela
yangpela man i lusim papa bilong em na wanpela gutpela poroman
bilong em, tu.
Dispela ol hevi i wok long stat long sakim dispela yangpela man
nau. Em i belhat na kros na i no amamas. Em hat long tingim, em
bai mekim wanem samting nau olsem na em i stap tasol. Em i pilim
olsem God i lusim em pinis na i go.
Bihain long wanpela mun i kam na i go pinis, na dispela yangpela
man i draivim kar bilong em i go na em i lukim tupela kar i bam. Em
137
Olgeta samting we em inap long guria …
Gris bilong Satan
i stopim kar bilong em, na i traim long helpim dispela ol lain husat i
kisim bagarap i stap bilong wanem, em i bin kisim sampela skul pinis
bilong helpim ol manmeri long kain taim olsem. Olgeta lain insait long
dispela tupela kar wantaim, em ol gutpela pren bilong em. Tupela
i dai long han bilong em taim em i wok long traim long helpim ol.
Dispela yangpela man i kamap long mak bilong em nau. Em i go
insait long bus na beten na krai long God inap long tripela aua olgeta.
“Yu stap we? Yu tok olsem Yu bai i helpim mi long taim bilong hevi
na wari na nau mi stap long hevi na wari na Yu i no kam helpim mi?”
I luk olsem God i bin givim baksait bilong Em long em tasol, tru
tru em olsem, dispela em i namba wan taim bilong dispela yangpela
man long lukim olsem strong bilong em yet i pinis na em i no inap
long mekim wanpela samting.
Na dispela i mekim na em i belhat nogut tru long God. Bilong
wanem na God i larim dispela kain samting long kamap? Em i no
belhat long pasto bilong em, o long ol famili bilong em, o long mi.
Nogat. Bel hevi na belhat bilong en, em long God na dispela i mekim
na em i kros nogut tru wantaim God. Em i pilim olsem God i bin lusim
em long taim em gat bikpela nid stret long God.
“Bikpela, mi bin mekim ol wok bilong Yu na lusim planti samting
long bihainim Yu,” em i beten olsem. “Nau Yu lusim mi pinis na i go!”
Em i bilip olsem God i gat dinau wantaim em long olgeta samting em
i bin lusim long mekim wok bilong God.
Planti ol manmeri i bin go insait long dispela kain hevi na wari.
Sampela bilong ol dispela hevi na wari em bikpela na sampela em
liklik. Planti bilong dispela kain ol lain i bin i gat belhat na tubel long
Bikpela. Ol i bilip olsem em i mas tingim dispela olgeta samting ol i bin
mekim bilong em na mekim sampela samting taim ol i stap long hevi.
Ol i gat kranki tingting na i wok long mekim wok bilong Em. Yumi
i noken mekim wok bilong God bikos yumi i laik olsem em bai mekim
gut long yumi. Tasol, yumi i mas mekim wok bilong God bikos, Em i
Bikpela bilong yumi na long wanem samting em i mekim pinis. Dispela
138
Gris bilong Satan
Olgeta samting we em inap long guria …
ol lain husat i bin belhat na tubel long God i no save olsem, yumi i gat
bikpela dinau wantaim God bilong wanem, em i bin baim bek yumi
pinis na mekim yumi kamap olsem ol fri manmeri. Ol i lus tingting
olsem God i bin larim ol i go fri long pasin bilong dai. Ol i lukim ol
samting wantaim ai bilong bodi tasol na i no long ai bilong spirit
olsem na ol i kamap belhat na tubel.
Dispela yangpela man i lusim lotu na em i wok long raun wantaim
ol rong lain. Em i wok long go long ol klab na hotel na dring bia. Insait
long belhat bilong em, em i no laik tru long mekim wanpela samting
bilong Bikpela. Em i no laik toktok wantaim God na em i wok long
stap longwe long God.
Em i no inap long mekim dispela ol bikhet pasin we em i wok long
mekim abrusim tupela wik bikos bel na tingting bilong em i kotim em.
Tasol, em i no laik yet long toktok long God inap long sikispela mun. Long
dispela taim, presens bilong God i luk olsem i stap longwe tru long em.
Wanpela yia i kam na i go na em i wok long lukim olsem, insait long
sampela ol hevi we i bin kamap long em, God i wok long wok insait
long laip bilong em yet. Em i kam long God tasol nau em i narakain
liklik. Em i kam wantaim daun pasin. Bihain long dispela olgeta taim
bilong traim na hevi i bin pinis, orait Bikpela i soim em olsem Bikpela
i no bin lusim em insait long olgeta samting we i bin kamap long em.
Taim wokabaut bilong em wantaim Bikpela i go bek long mak em i bin
stap long en bipo, em i lainim long putim olgeta bilip na trast bilong
em i go long marimari bilong God, na i no long strong bilong em yet.
Insait long dispela olgeta samting, mi bin stap klostu long em na
givim toktok long em i stap. Orait bihain long wanpela na hap yia i
go, em i tokim mi olsem, em i bin lukim sampela samting insait long
em yet we em i no save olsem ol i stap bipo. Em i tok, “Mi wanpela
kain man we sampela tingting na pasin bilong mi i no gutpela na tu
mi no save gut long sampela ol lain mi save poromanim ol long en.
Papa bilong mi i bin lainim mi taim mi bin liklik yet olsem, mi i mas
strongim mi yet na noken soim olsem mi stap insait long wanpela
139
Olgeta samting we em inap long guria …
Gris bilong Satan
hevi na dispela i bin mekim mi strong olgeta long wokim samting
long laik bilong mi. Mi no inap long kamap long mak we God i laikim
mi long kamap long en. Mi amamas nogut tru long Bikpela olsem,
em i no lusim mi insait long dispela ol pasin mi bin stap long en bipo.
“Tasol dispela samting we i brukim bel bilong mi stret, em i no long
dispela ol pasin mi bin mekim long go long ol hotel na klab na dring
bia. Nogat. Em dispela pasin bilong givim baksait long Holi Spirit. Mi
laikim Em tumas, na nau mi toktok na stap wantaim Em na mi pilim
olsem em i kamap swit moa yet long mi.”
Insait long laip bilong dispela yangpela man, planti ol traim na hevi
i kam na i sakim em nogut tru na i rausim dispela ol pasin bilong gat
bilip long em yet. Dispela yangpela man em i sanap long wanpela
strongpela pos stret, wankain olsem Saimon Pita na nogat wanpela
samting inap long rausim o sakim em na mekim em bai pundaun i go
daun olgeta. Bipo em i ting olsem, em i ken kamapim ministri bilong
em antap long pasin bilong gat biknem tasol nau, em i mekim antap
long marimari bilong God.
Pasin bilong belhat na tubel i save kamapim ples klia ol pasin bilong
yumi we i no gutpela tumas na i save traim long soim wanem hap
insait long laip bilong yumi em yumi nidim helpim long en. Planti taim,
mak we yumi i save ting olsem yumi gat strong long en, em i hap we
yumi nogat strong long em we i hait i stap. Em bai i hait i stap i go
na taim wanpela bikpela hevi i kamap long yumi, orait dispela bai
i rausim dispela karamap na putim yumi kam ples klia. Aposel Pol i
bin raitim olsem, “Yumi tasol i stap lain Israel tru bilong God. Long
strong bilong Spirit bilong God yumi save lotu long God na litimapim
nem bilong Krais Jisas. Yumi save, samting ol man i mekim long skin
bilong ol, em i no inap helpim ol liklik” (Filipai 3:3).
Bai yumi no inap long mekim wanpela samting insait long strong
bilong yumi yet long kisim laip i stap oltaim oltaim. Em i isi tru long
yumi ken tok olsem, tasol long kisim dispela tok tru na putim i go
insait tru long bel bilong yumi em i narapela stori olgeta.
140
JISAS I NO HAITIM TOK TRU LONG MEKIM OL
MANMERI I WANBEL NA BAI OL I NO INAP
LONG BELHAT NA TUBEL.
Dispela buk bilong yu, Gris bilong Satan i bin opim ai bilong mi. Mi
wantaim man bilong mi i save wok insait long wanpela ministri, na mi
save ting olsem mi stap orait wantaim God. Dispela buk, Gris bilong
Satan i soim mi olsem dispela fitinpela yia, mi bin gat belhat na tubel
long anti bilong mi, dispela i ken mekim mi lusim olgeta samting mi
bin wok hat long en insait long Kristen laip bilong mi. Ol i lainim yumi
ol Kristen olsem yumi i mas lusim rong bilong ol arapela, tasol mi
no bin mekim olsem insait long bel bilong mi i go inap long taim mi
ritim dispela buk bilong yu. Na, em i mekim mi i luksave long wanem
bagarap stret bilong bipo i stap yet insait long bel bilong mi.
—R. M., TENNESSEE
141
Gris bilong Satan
9
DISPELA STON BILONG
BELHAT NA TUBEL
N
“Harim. Mi makim pinis wanpela ston bilong kamap
namba wan ston bilong strongim haus. Em i gutpela na
stongpela ston tru. Nau mi putim em i stap long maunten
Saion. Ol man i bilip long em, ol bai i no inap kisim sem.”
Olsem na long yupela ol man i bilip, Krais em i olsem
gutpela ston tru. Tasol long ol man i no bilip, “Dispela
ston we ol kamda i ting em i nogut, na ol i rausim, nau
em i kamap namba wan ston bilong strongim banis
bilong haus” na “em i kamap olsem ston i stap long rot
bilong ol, na planti bilong ol bai i sutim lek na pundaun
na bagarap.” Ol save sakim tok i stap long buk bilong God,
olsem na ol i sutim lek bilong ol na ol i pundaun. Bipo
God i tok pinis long ol bai i mekim olsem.—1 Pita 2:6-8
au long dispela taim, mining bilong dispela tok, ‘bilip’ em i nogat
kik bilong em. Long ai bilong planti manmeri, ol i save long dispela
tok tasol em i hap tasol bilong tok tru na i nogat wok bilong en insait
long pasin bilong harim tok. Tasol insait long dispela tok i stap antap,
142
Gris bilong Satan
Dispela bilong belhat na tubel
em i tok olsem tok bilong bilip na sakim tok i stap long narapela
narapela sait olgeta.
Tok i stap long buk bilong God i tok strong olsem, “Olgeta manmeri
i bilip long em [Jisas Krais] ol i noken lus. Nogat. Bai ol i kisim laip i
stap oltaim oltaim” (Jon 3:16b). Olsem na long dispela rot, planti i
save ting olsem sapos ol i bilip olsem Jisas em i stap laip na bihain
em i dai antap long kalvari, em tasol em i inap. Ol bai stap gut long
ai bilong God. Ol i no nidim narapela samting moa. Sapos dispela em
i wanpela rot tasol mipela i mas mekim or bihainim, orait ol spirit
nogut tu, ol bai i stap gut wantaim God. Tu Tok i stap long buk bilong
God i tok olsem, “Yu save bilip olsem, wanpela God tasol i stap. Em
i gutpela. Ol spirit nogut ol tu i save bilip olsem, na ol i guria i nogut”
(Jems 2:19). Tasol, ol i no inap long kisim laip i stap oltaim oltaim maski
ol i save olsem i gat wanpela God tasol i stap na ol i bilip long Em.
Dispela tok bilip em i gat planti moa mining insait long Tok i stap
long buk bilong God na em i no toktok tasol long dispela pasin bilong
save olsem Jisas em i stap laip o long tingting tasol olsem yumi save
long wanpela samting em i tru. Nogat. Long bihainim stret wanem
tok i stap insait long Tok i stap long buk bilong God long dispela ves
antap, yumi ken tok olsem, as bilong bilip em i stap insait long pasin
bilong harim tok. Yumi ken ritim dispela olsem: “Olsem na long yupela
ol man husat i save harim tok, Krais em i dia tumas; tasol long yupela
husat i no save harim tok, ‘Dispela ston we ol kamda i ting em i nogut,
na ol i rausim, nau em i kamap namba wan ston bilong strongim banis
bilong haus,’ na ‘em i kamap olsem ston i stap long rot bilong ol, na
planti bilong ol bai i sutim lek na pundaun na bagarap.’ ”
Taim yu save gut long pasin bilong laikim na pasin bilong dispela
lain yu laik stap aninit long en, orait, em i no hat long yu bai harim
tok bilong dispela ol lain. Pasin bilong laikim em i tru tru as bilong
dispela rilesensip yumi gat wantaim Bikpela—em i no dispela kain
laikim bilong bihainim oi stap aninit long lo tasol o ol samting ol
narapela i tisim yu long en tasol. Nogat. Em i laikim bilong yu long
143
Dispela bilong belhat na tubel
Gris bilong Satan
dispela Man Jisas Krais em yet. Sapos dispela pasin bilong laikim em
i no stap strong insait long yumi, bai yumi isi tru long kisim bel hevi
na belhat na yumi ken pundaun tu.
Dispela ol lain Isreal we Bikpela i bin singautim ol long kamap
olsem kamda, i bin les na rausim dispela namba wan ston bilong
strongim banis bilong haus God yet i bin makim, husat em i Jisas.
Ol i laikim tru dispela ol samting ol i bin lainim insait long Olpela
Testamen. Ol i pilim olsem ol inap tru wantaim dispela ol save na
tingting ol i kisim pinis insait long dispela tok, bilong wanem, ol i
ken yusim long helpim ol yet na ol i ken yusim long bosim ol arapela,
tu. Long narapela sait, Jisas i salensim ol long ol dispela lo ol i save
laikim tumas na holim pasim strong i stap. Em i gat bikpela bel sori
wantaim taim em i askim ol, “Yupela i ting tok i stap long buk bilong
God i save givim yupela laip i stap gut oltaim oltaim. Olsem na yupela
i save wok long ritim na skelim olgeta tok i stap long buk bilong God.
Tasol buk bilong God tu i save tokaut long mi” (Jon 5:39).
Tingting bilong ol i no inap tru long holimpas dispela tingting olsem
God long stat bilong olgeta samting i bin gat tingting long gat gutpela
rilesensip wantaim ol pikinini man na ol pikinini meri bilong em. Ol
dispel manmeri, i bin tingting long stap na bosim dispela hap ples.
Long ai bilong ol, mak bilong lo em i antap tru na i winim mak bilong
gat rilesensip olsem na ol i les na rausim wanem samting ol i bin
kisim fri long em. Ol i ting olsem ol inap long wok hat na baim dispela
samting. Olsem na dispela presen, em Jisas Krais, God i bin givim
bilong yumi i ken i gat hop bilong kisim laip na stap gut oltaim oltaim
i kamap olsem, “dispela ston i stap long rot bilong ol na i sutim lek
bilong ol na bai mekim ol i pundaun na tu em i kamap olsem dispela
ston bilong belhat na tubel” insait long laip bilong ol.
Taim Simeon i bin apim bebi Jisas long han bilong em insait long
temple, em i bin tokaut long wanem samting bai i kamap long bihain
taim: “Harim. God i makim dispela pikinini bilong mekim planti Israel
i pundaun, na bilong mekim planti i kirap gen” (Luk 2:34). Lukim gut
144
Gris bilong Satan
Dispela bilong belhat na tubel
dispela hap tok i toktok long pasin bilong pundaun na kirap gen.
Dispela Man ol i givim bilong bringim bel isi i kam long graun, Em i
karim bainat bilong brukim ol lain husat God i salim Em i kam long
ol (Matyu 10:34) na long givim laip i go long ol dispela husat i bin
kisim bagarap long ol kamda na stap (em ol dispela minista bilong
dispela taim).
JISAS NA PASIN BILONG BELHAT NA TUBEL
Planti taim insait long Sande Skul haus, yumi save lukim piksa bilong
Jisas olsem man bilong lukautim sipsip. Na Em i save karim wanpela
liklik sipsip i bin lus antap long baksait bilong Em i go bek long ples
we ol arapela sipsip i stap long en. O, sampela taim, yumi save lukim
olsem, Em i save holim ol pikinini long han bilong Em, na givim
blessing long ol o Em i save smail na tokim ol olsem, “Mi laikim yu.”
Dispela olgeta samting em i tru stret tasol em i no tokaut stret long
Jisas em i husat tru.
Dispela Man tasol, Jisas, i bin tokaut long ol nogut pasin bilong ol
Farisi husat i save apim nem bilong ol yet olsem ol yet i stretpela man:
“Yupela snek nogut. God bai i kotim yupela na bai na bai yupela i go
long hel. Na bai yupela i stap gut olsem wanem?” (Matyu 23:33). Em
i rausim ol man bilong senisim moni insait long temple i kam autsait
wantaim tebol bilong ol (Jon 2:13-23). Jisas i tokim dispela man husat
i laik planim bodi bilong papa bilong em long matmat pastaim na
bihain orait em i ken kam na bihainim em olsem, “Maski. Ol man i
dai pinis, ol i ken planim ol lain bilong ol yet. Tasol yu go autim tok
bilong kingdom bilong God” (Luk 9:59-60). Na dispela em i no pinis
bilong olgeta samting em i bin mekim. Nogat.
Taim yu lukluk gut long ministri bilong Jisas, bai yu lukim olsem,
Jisas em i Man husat i bin mekim planti ol manmeri long belhat na
tubel insait long taim Em i mekim wok ministri bilong Em. Bai yumi
lukluk long sampela bilong dispela kain ol samting Em i bin mekim.
145
Dispela bilong belhat na tubel
Gris bilong Satan
JISAS I MEKIM OL FARISI I BELHAT NA TUBEL
Planti taim Jisas i save tokim stret dispela ol lida long wanem samting
em i tingting long en na Em i save mekim ol i belhat na tubel. Long
dispela as, ol i putim Em long diwai kros bilong wanem, ol i gat belhat
na tubel long Em. Ol i heitim Em.
Tasol Jisas i laikim ol tumas olsem na em i tokaut stret long ol:
“Yupela i man bilong giaman. Profet Aisaia i bin makim tru pasin
bilong yupela taim em i tok olsem, ‘Ol dispela lain manmeri ol i save
litimapim nem bilong mi long maus bilong ol, tasol bel na tingting
bilong ol i stap longwe tru long mi. Ol i save autim lo bilong ol man
tasol na tok, “Dispela em i tok bilong God.” Olsem na ol i lotu nating
long mi’ ” (Matyu 15:7-9). Dispela tok i mekim ol i belhat na tubel.
Na lukim gut wanem samting ol disaipel bilong Jisas i askim Em
long en bihain long em i mekim dispela tok:
Bihain ol disaipel i kam tokim Jisas olsem, “Ating yu save olsem
ol Farisi i harim dispela tok bilong yu na ol i bel nogut?”
—Matyu 15:12
Nau yumi lukim bekim bilong Jisas:
Na Jisas i bekim tok olsem, “Papa bilong mi i stap long heven,
em i gat gaden. Na olgeta samting em yet i no bin planim, bai
em i kamautim wantaim ol rop bilong ol. Yupela i noken wari
long ol dispela man. Ol i olsem ol aipas, na ol i laik soim rot
long ol arapela. Tasol sapos aipas i soim rot long naraplea aipas,
orait tupela wantaim bai i pundaun long hul.”
—Matyu 15:13-14
Jisas i soim olsem dispela pasin bilong belhat na tubel bai i mekim
na rausim dispela ol lain we Papa bilong Em i no bin planim ol long
en insait long sios o wok ministri. Sampela lain i save joinim sios o
ministri tim tasol God i no salim ol i kam o ol i no kam long nem bilong
146
Gris bilong Satan
Dispela bilong belhat na tubel
God. Olsem na taim ol i harim man i autim tok tru, ol i save belhat
na tubel, bilong wanem, dispela tok tru i save soim ples klia wanem
kain as tingting ol i gat long en na dispela i save mekim na ol i save
lusim dispela hap na i go.
Mi bin go raun long planti ol arapela sios na lukim olsem planti ol
pasto i save sori na wari long ol lain husat i bin wok insait long sios o
stap insait long kongrigesen bilong ol na bihain ol i bin lusim sios na
i go. Planti taim, dispela ol lain i save belhat na tubel long dispela ol
tok tru we ol man i bin autim long sios na bikos dispela tok tru i save
tok stret long wanem kain laip ol i stap insait long en. Dispela i save
mekim na ol i save traim long mekim kain kain toktok long daunim
nem bilong sios na ol i save lusim sios na i go.
Sapos ol pasto i traim long holim strong olgeta lain husat i kam
insait long sios bilong ol, i no long taim bai ol i stat long autim tok i
no tru. “Sapos yu autim stret tok tru,” mi tokim ol, “tru, bai yu mekim
ol manmeri i belhat na tubel na sampela bai i kirap na i go. Noken
sori na wari long ol dispela lain husat i lusim na i go, tasol traim long
givim kaikai na lukautim dispela ol lain we God i salim i kam long yu
na ol i stap yet long sios bilong yu.”
Sampela ol lida i save traim long abrusim dispela kain pasin bilong
tokaut stret long wanem kain samting ol i lukim i rong, bilong wanem,
ol i pret olsem ol lain bai i lusim ol na i go. Sampela ol i save tingting
planti na i no save hariap long toktok bikos dispela ol lain ol i laik
toktok long en, em ol lain bilong givim planti moni i kam long sios o
ol lain husat i gat bikpela posisen insait long sios. Sampela i save pret
long tokaut stret bilong wanem, ol i les long bagarapim bel bilong ol
narapela husat i bin stap wantaim ol longpela taim. Olsem na long
dispela as, planti ol pasto i save lusim dispela posisen na pawa we
God i bin givim ol long banisim na lukautim ol sipsip God yet i bin
givim ol long en.
Namba wan taim, taim mi stat wok olsem pasto, wanpela man
wantaim gutpela tingting i bin tokim mi olsem: “Sapos yu no bosim
147
Dispela bilong belhat na tubel
Gris bilong Satan
gut wok bilong yu, orait narapela man i ken kam na kisim dispela
wok bilong yu na em i ken yusim long bringim bagarap i kam long yu.”
Samuel em i wanpela wokman bilong God husat i no inap long
haitim tok tru long husat husat man, na long king, tu. Taim Sol i sakim
tok bilong God, Bikpela i tokim Samuel long i go tokim king Sol na
Samuel i mekim olsem. Tasol Sol i no harim tok bilong God na tanim
bel long olgeta dispela pasin bilong em. Nogat. Tingting bilong em i
stap long ol manmeri bai i tingting olsem wanem long em na em bai
luk olsem wanem long ai bilong ol manmeri. Taim Samuel i laik lusim
em, Sol i hariap tru na holim hap laplap bilong klos bilong Samuel na
klos i bruk. Samuel i bagarapim bel na tingting bilong king Sol stret
taim em i mekim dispela toktok: “Orait harim. Nau Bikpela i rausim
yu long wok king na yu no inap bosim ol Israel moa” (1 Samuel 15:28).
Samuel i no laikim dispela hevi bai Sol i kisim olsem na em i pilim
bikpela bel sori long em. Em i pilim nogut tru bikos em yet i bin
kapsaitim wel long het bilong Sol na makim em long kamap king, na
trenim em long lukautim kantri Israel. Tu, em yet i bin go pas long
dispela bikpela de bilong makim Sol i kamap king. Em i wanpela
gutpela poroman bilong Sol. Tasol harim wanem kain tok God i tokim
Samuel taim em i lukim olsem Samuel i pilim bel sori nogut tru long
Sol: “Oltaim yu save bel hevi long Sol. Wanem taim bai bel hevi bilong
yu i pinis? Mi bin rausim em pinis, na long ai bilong mi em i no moa
i stap king bilong Israel. Orait nau mi laik bai yu kisim wanpela kom
bilong sipsip na pulimapim wel bilong oliv long en na go, mi salim yu
i go” (1 Samuel 16:1, paraphrased o hap tok tasol).
God i wok long tokim Samuel olsem, sapos em i laik wokabaut na
pulap wantaim Spirit bilong God, orait em i mas luksave long laikim na
gutpela tingting o save bilong God, em i stret olgeta. Sapos Samuel
i bin go bek long Sol bihain long dispela taim we God i les pinis na
rausim Sol olsem king, em bai Samuel i no inap wokabaut gen na
pulap wantaim Spirit bilong God. Sapos em i bel hevi yet, orait nogat
wanpela gutpela samting bai i kamap long laip bilong em.
148
Gris bilong Satan
Dispela bilong belhat na tubel
Kain ol pasto husat i save bel hevi na wari long ol lain husat i lusim
sios na i go, o ol i save les long tokaut stret long ol sios memba bikos
em ol gutpela poroman bilong ol. Ol dispela kain pasto bai pilim
olsem Spirit laip bilong ol bai i go drai olgeta. Long dispela kain rot
na sampela ministri i save dai na sampela i save traim long mekim ol
samting bai ol man i ting olsem dispela ministri i stap laip yet tasol
em i dai pinis. Ol i no save olsem, ol i bin makim dispela rilesensip
bilong ol wantaim man, em i antap moa long rilensensip bilong ol
wantaim God.
I nogat wanpela hap long baibel ol i raitim tok long wanem kain
pasin Jisas i mekim long husat ol man i bin lusim Em. Bikpela laik
bilong Em, em bilong bihainim laik bilong Papa bilong Em na insait
long dispela, Em inap long helpim planti ol manmeri.
Mi no inap lusim tingting long wanpela sios mi bin autim tok long
en we ol kongrigesen bilong en i pulap wantaim Spirit bilong God.
Mipela i bin raun raun long ol planti hap olsem mak bilong wanpela
yia. Long namba wan Sande moning, mi bin autim wanpela isipela
tok long tanim bel na kam bek long namba wan laikim we yu i bin
gat long God. Mi pilim olsem planti i no laikim dispela tok tasol mi
save long bel bilong mi olsem em dispela tok tasol mi mas givim ol.
Bihain long lotu, dispela pasto bilong sios i kam na tok olsem, “God
i bin soim mi dispela tok yu bin autim long dispela moning, tasol mi
no ting olsem ol lain bilong mi i redi long harim dispela tok.”
Holi Spirit i putim long bel bilong meri bilong mi long askim dispela
man olsem, “Husat em i pasto bilong dispela sios—yu o Jisas?”
Dispela pasto i putim het bilong em i go daun na i tok, “Dispela
em wankain tok stret we Bikpela i bin givim long mi long las mun.
Em i tokim mi olsem, em i save long wanem samting dispela ol lain i
inap long kisim.” Na dispela pasto i tokim mitupela olsem, mak bilong
wanpela hap bilong tripela hap 33% bilong kongrigesen em ol lain
husat i no save laik long wanpela senis i kamap insait long haus lotu,
long we bilong statim lotu o musik ol i pilai long en o we ol i autim
149
Dispela bilong belhat na tubel
Gris bilong Satan
tok. Mitupela i givim gutpela skul toktok long dispela pasto long em
i mas stap strong na harim tok bilong Bikpela.
Mitupela i bin autim tok long dispela sios foapela moa taim; na
mitupela i pilim olsem sampela samting i wok long go hat na hat
olgeta insait long wan wan bilong ol dispela sevis long sios. Taim
mitupela i lusim dispela taun na i go, mi pilim hevi nogut tru insait
long bel bilong mi olsem wanpela bikpela ston ol i putim antap long
mi. Mi pilim olsem bel bilong mi i go moa hevi na mi pilim nogut
stret. Planti taim, taim mi save lusim wanpela sios na i go, mi save
pilim amamas long bel bilong mi tasol long dispela taim, mi no save
wanem samting em i rong.
Taim mi gat sans long toktok wantaim Bikpela, mi askim em, “Papa,
mi mekim wanem rong? Bilong wanem na mi pilim hevi long spirit
bilong mi? Ating mi mas rong long kisim ples bilong dispela pasto
na toktok?”
Na Bikpela i tokim mi olsem, “Rausim pipia graun i stap long lek
bilong yu.” (Luk 9:5)
Mi kirap nogut tru long harim em i tokim mi olsem. Mi wok long
beten na askim em yet na em i wok long mekim wankain toktok long
mi: “Rausim pipia graun i stap long lek bilong yu.”
Bihain tru, mi harim tok na rausim pipia graun long su bilong mi.
Taim mi wok long rausim ol pipia graun long wanpela sait su bilong
mi, mi pilim olsem dispela hevi long bel bilong mi, em i stat long
lusim mi isi isi na amamas i stat long pulap insait long bel bilong mi.
Na mi kirap nogut long dispela na askim God olsem, “Bikpela, ol i
no paitim mi na rausim mi long taun bilong ol. Bilong wanem na yu
laik mekim olsem?”
Em i soim mi olsem ol lida man na planti manmeri insait long
dispela sios, i les na rausim Tok bilong Em long bel bilong ol.
“Givim moa taim long ol, Bikpela,” mi askim God.
Na Bikpela i tok, “Sapos mi givim fiftipela yia moa long ol, ol bai
i no inap long senis. Bel bilong ol i strong pinis.”
150
Gris bilong Satan
Dispela bilong belhat na tubel
Mi save olsem dispela lida man em i traim long kamapim wanbel
namel long ol kongrigesen bilong em olsem na em i no harim tok
bilong God. Dispela mambu bilong em i no pulap wantaim wel bilong
Spirit. Em i gat mambu tasol nogat wel i stap insait long en. O yumi
ken tok olsem, em i luk olsem man husat i pulap wantaim Spirit bilong
God tasol em i nogat strong long mekim wok o God i no stap wantaim
em. Bihain mi harim olsem, dispela pastoi lusim wok olsem pasto, na
planti manmeri i lusim dispela sios na i go na liklik lain tasol i stap.
Nogat man bai i tokim Jisas long mekim wanpela samting. Em
bai stil tokaut long Tok tru na em bai no inap wari o pret sapos em i
tokim ol man stret long pes bilong ol long pasin ol i mekim i no stret
maski sapos ol pilim belhat na tubel nogut tru long dispela toktok
Em i wokim. Sapos yu laikim ol man long laikim yu orait, God i no
inap long kapsaitim Spirit bilong em antap long yu. Yu mas strongim
bel na tingting bilong yu olsem yu laik tokaut long Tok bilong God
na mekim wok insait long laik bilong em, na noken wari o pret sapos
dispela i mekim ol arapela i belhat na tubel long yu.
JISAS I MEKIM OL LAIN LONG TAUN EM I
BIKPELA LONG EN I BELHAT NA TUBEL
Jisas i go bek long taun Em i bin kamap bikpela long en, long mekim
wok ministri bilong Em. Tasol Em i painim hat long bringim i go long
ol pasin bilong stap fri na oraitim we ol i ken painim insait long Em
olsem Em i bin mekim long ol arapela lain long ol narapela taun.
Lukim wanem samting ol i tok long en:
“Yumi save, dispela man em i pikinini bilong wanpela kamda, na
Maria em i mama bilong en. Na Jems na Josep na Saimon na Judas,
ol i brata bilong en. Na olgeta susa bilong en, ol i stap wantaim yumi.
Olsem wanem na em inap mekim ol dispela samting?” Ol i tok olsem
na ol i bel nogut long em. Tasol Jisas i tokim ol olsem, “Profet i gat
151
Dispela bilong belhat na tubel
Gris bilong Satan
nem long olgeta ples. Tasol long as ples bilong en na long haus bilong
en stret em i nogat nem.”—Matyu 13:55-57
Yu traim tingim dispela ol man na meri bilong ples Nasaret i mekim
dispela kain tok long Em, “Em i ting em i husat tru na i kam long tisim
yumi olsem man i gat nem na pawa? Yumi i save em i husat. Em i bin
kamap bikpela long hia. Yumi ol bikman bilong Em. Em i pikinini nating
bilong dispela kamda na em i no go long wanpela skul!
Na gen, Jisas i no haitim Tok tru bilong mekim ol i noken belhat
na tubel long Em. Olsem na ol lain long dispela taun i belhat nogut
tru na bringim em i go antap long wanpela ples nogut i stap long
dispela mauten, na i laik tromoi em i go daun (Luk 4:28-30). Em i wok
long tokaut yet long Tok tru insait long taim we samting nogut i laik
kamap long laip bilong Em. Yumi nidim planti dispela kain man na
meri long tude! Ol lain husat i ken Tok tru maski ol samting nogut i
wok long kamap insait long laip bilong ol.
JISAS I MEKIM OL FAMILI BILONG EM
YET I BELHAT NA TUBEL
Ol lain famili bilong Em tu, i bin belhat na tubel long Em. Ol i no
wanbel long kain pasin Em i wok long mekim long ol. Ol i painim hat
tru long bilip olsem em i mekim kain pasin olsem. Yumi lukim wanem
samting Em i mekim:
Ol wanblut bilong Jisas i harim tok long ol samting Jisas i mekim,
na ol i kam bilong kisim em. Ol i tok olsem, “Em i longlong pinis.” …
Long dispela taim mama wantaim ol brata bilong Jisas ol i kamap. Ol
i sanap autsait, na ol i salim tok i go long em. Ol i laik bai em i kam
long ol. Bikpela lain manmeri i sindaun raunim em, na ol i tokim em
olsem, Harim. Mama bilong yu wantaim ol brata na susa bilong yu
ol i stap autsait na i singaut long yu.” Na em i bekim tok bilong ol
olsem, “Husat em i mama na brata bilong mi?” Em i lukluk raun long
ol manmeri i sindaun raun long em, na em i tok, “Lukim mama bilong
152
Gris bilong Satan
Dispela bilong belhat na tubel
mi wantaim ol brata bilong mi. Man o meri i save bihainim laik bilong
God, em i brata na susa na mama bilong mi.”—Mak 3:21, 31-35
Ol famili tru tru bilong Em yet i ting olsem em i longlong pinis.
Lukim gut tok i stap long buk bilong God i tok olsem ol famili bilong
Jisas i kam long putim Em long kalabus. Mak i soim stret dispela
ol famili bilong Jisas olsem, em mama bilong Em wantaim ol brata
bilong Em husat i bin painim Em i autim tok i stap long haus bilong
sampela lain, bihain. Na tu long Buk bilong Jon, em i tok olsem, “Ol
brata bilong en tu ol i no bilip long em” (Jon 7:5).
Planti ol lain i no bin save olsem ol wanblut bilong Jisas yet, i bin les
na lusim Em pinis. Tasol, Jisas i no tingting long kisim tok orait bilong
ol o long bihainim laik na tingting ol i gat long en. Em bai bihainim
laik na tingting bilong Papa maski ol lain bilong em i laikim o nogat,
em bai i no inap wari o pret long ol.
Mi bin lukim planti ol lain, kain olsem ol marit lain, husat i save
pret long bihainim Jisas bilong wanem ol i pret long mekim ol pren o
famili memba bilong ol bai i belhat na tubel long ol. Long dispela as,
na planti bilong ol i save lusim lotu na i go bek long olpela pasin bilong
ol na ol i no save kamap long mak we God i bin singautim ol long en.
Nupela taim, taim mi bin tanim bel, olgeta famili memba bilong
mi i no bin amamas wantaim mi long nupela bilip bilong mi bikos ol
i save go lotu long sios bilong Roman Katolik. Mama bilong mi, em
tru tru i no wanbel wantaim dispela disisen bilong mi long lusim sios
we em i bin kisim mi go long en long taim mi liklik mangi yet i kam
inap long taim mi kamap bikpela. Mi save olsem i gat ol gutpela lain
insait long Katolik sios husat i save laikim God i stap tasol mi save tu
olsem, God i wok long singautim mi long kamaut long dispela sios
na i go lotu long narapela sios.
Narapela samting i kamap na mekim ol famili bilong mi i kros nogut
tru long mi, em long taim mi bin tokaut olsem mi bai go insait long
wok ministri. Dispela i bin kamap i no long taim bihain long mi bin
kisim digri pepa bilong mi long mekenikol ensiniaring (Mechanical
153
Dispela bilong belhat na tubel
Gris bilong Satan
Engineering) long Purdue Univesti. Papamama bilong mi i bin i gat
bikpela driman long mi taim mi kisim dispela digri. Mi save long
wanem samting Bikpela i laikim mi long mekim, na mi save tu olsem,
dispela bai i mekim ol lain husat i stap klostu long mi long belhat
na tubel. Long planti yia, mipela i no bin stap gut. I bin gat planti
kranki tingting namel long mipela long dispel taim. Tasol mi bin pasim
tingting pinis olsem sapos ol lain bilong mi i belhat wantaim mi, em
i orait, stil bai mi bihainim Jisas.
Long stat, mi i save traim long kilim ol wantaim Tok bilong God.
Mi save tokim ol olsem laip bilong ol i no orait sapos ol i go long lotu
tasol. Mi save mekim olsem long ol na dispela em i no stret. Bihain
God i tokim mi olsem, mi mas soim ol long Kristen pasin insait long
laip bilong mi na larim ol i mas lukim dispela ol gutpela wok bilong
mi. Tasol stil, mi no mekim ol samting we bai mekim ol i wanbel long
mi, nogat, mi mekim ol samting we bai bihainim laik bilong Bikpela.
Tude, papamama bilong mi i save sapotim mi long ministri wok
bilong mi. Na tumbuna man bilong mi, husat em wanpela man i bin
kros pait wantaim mi planti taim stret, i givim laip bilong em i go
long Bikpela taim em i gat eti-nainpela krismas, bipo long em i dai,
tupela yia bihain.
Mama na ol brata bilong Jisas i mas ting olsem em i longlong
pinis. Tasol bikos Em i harim Tok bilong Papa, dispela olgeta lain i bin
bilip long God na ol i bin stap insait long rum antap long De bilong
Pentikos. Jems, dispela hap brata bilong Em i bin kamap wanpela
bilong ol aposel husat i bin go pas long sios insait long Jerusalem.
Sapos yumi i no harim na bihainim wanem samting God i tokim
yumi long mekim bikos yumi laik amamasim ol famili bilong yumi,
Orait yumi bai i lusim wel bilong Spirit insait long laip bilong yumi,
na dispela bai i stopim ol long kamap fri man na meri.
154
Gris bilong Satan
Dispela bilong belhat na tubel
JISAS I MEKIM OL WOKMAN BILONG EM YET
I BELHAT NA TUBEL
Insait long arapela sapta i go pinis, yumi i bin lukluk klostu na toktok
long ol tingting bilong ol disaipel long taim Jisas i bin mekim ol i belhat
na tubel. Bai yumi skelim gen dispela na lukluk long sait bilong Jisas,
em i lukim dispela olsem wanem.
Ol disaipel i harim dispela tok bilong Jisas, na planti bilong ol i
tok olsem, “Dispela tok em i hevi tumas. Husat inap long harim?”
Tasol long bel bilong en Jisas i save olsem, ol disaipel bilong en i
toktok planti long dispela tok em i bin mekim. Olsem na em i askim
ol, “Dispela tok em i bagarapim bilip bilong yupela, a?”…Jisas i autim
dispela tok pinis, na planti disaipel bilong en i lusim em, na ol i go bek,
na ol i no moa wokabaut wantaim em.—Jon 6:60-61, 66
Ol samting i kamap hat pinis olsem yumi ken lukim long en. Ol lida
man bilong Juda i wok long traim long pasim tok long kilim em i dai
na ol lain long as ples stret bilong Em i les na rausim Em. Long sait, ol
famili bilong Em i wok long ting olsem em i longlong pinis. Na antap
long dispela olgeta samting, planti bilong ol wokman bilong em i bin
belhat na tubel long Em olsem na ol i lusim em na i go. Tasol, Jisas i no
traim long bihainim laik na tingting bilong ol maski ol dispela samting
i kamap. Nogat, Em i kirap na i tokim dispela ol disaipel husat i stap
yet olsem ol tu, i ken i go sapos ol i laik i go.
Bikpela tingting bilong Jisas em long inapim laik na tingting bilong
Papa bilong Em. Sapos olgeta lain i bin lusim Em wanpela i sanap long
dispela de, dispela bai i no inap long senisim bel na tingting bilong
Em. Bilong wanem, Em i pasim tingting pinis long harim na bihainim
tok bilong Papa bilong Em.
155
Dispela bilong belhat na tubel
Gris bilong Satan
JISAS I MEKIM OL SAMPELA POROMAN BILONG EM
I BELHAT NA TUBEL
Wanpela man i gat sik, em Lasarus bilong ples Betani. Betani em
ples bilong Maria wantaim susa bilong en Marta. Em dispela Maria
tasol i bin kapsaitim sanda long lek bilong Bikpela, na mekim drai long
gras bilong em yet. Lasarus, em dispela man i gat sik, em i brata bilong
Maria tupela Marta. Orait nau tupela susa i salim tok long Jisas olsem,
“Bikpela, dispela man yu laikim tumas, em i gat sik.”—Jon 11:1-3
Jisas i save laikim tru Marta, Maria na Lasarus. Ol i pas gut tru
olsem poroman na sampela taim em i save i go stap wantaim ol.
Lukim gut wanem samting Em i bin mekim taim em i harim dispela
nius olsem Lasarus i sik:
Na taim em i harim tok long Lasarus i gat sik, em i stap tupela
de moa long dispela ples em i stap long en.
—Jon 11:6
Jisas i save pinis olsem sik bilong Lasarus bai i mekim na em bai i
dai. Em i save tu olsem dispela em bai i wanpela bikpela samting stret
tasol Em i stap tupela moa de long dispela ples we em i stap long en.
Taim em i go kamap long Betani, Lasarus em i dai pinis.
Marta na Maria, tupela wantaim i tok olsem long Em, “Bikpela,
sapos yu bin i stap long hia, bai brata bilong mi i no inap long i dai”
(Jon 11:21, 32). O tupela i minim olsem, “Bilong wanem na yu no laik
kam wantu? Yu inap long seivim laip bilong em!”
Ating dispela tupela susa i bin gat liklik belhat na tubel long Em.
Tupela i bin salim wanpela man long karim tok i go long tokim Em, na
Em i stap tupela de moa na bihain Em i kam. Jisas i no mekim olsem
ol i ting Em bai i mekim long en. Em i no hariap long lusim olgeta
samting em i mekim i stap na i go, em i bihainim rot Holi Spirit i tokim
Em long bihainim. Dispela em i gutpela samting tasol long dispela
taim i luk olsem, Jisas i no wari na tingting planti long ol arapela na
i tingim Em yet tasol.
156
Gris bilong Satan
Dispela bilong belhat na tubel
Planti taim ol manmeri i save bosim ol minista long wok bilong
ol. Na dispela ol minista tu, i save ting olsem, ol i mas mekim olgeta
samting ol manmeri i askim o tokim ol long ol i mas mekim.
Wanpela bod memba bilong wanpela sios we ol kongrigesen i
pulap wantaim Spirit bilong God na husat i bin lusim pasto bilong ol,
i bin tokim mi wanpela taim olsem, “Mipela laikim wanpela pasto
husat i ken inapim olgeta nid bilong mipela, na husat i ken kam long
haus bilong mipela long olgeta moning long eit kilok na dring kopi
wantaim mi.”
Mi yet mi tingting tasol long tingting bilong mi olsem, Yu bai nid
long painim narapela man nating long yu ken toktok wantaim na
bosim, na i no man we Holi Spirit i bosim em long en. Bihain mi
painimaut olsem insait long dispela sios, foapela pasto i bin kam na
i go insait long wanpela yia na sikispela mun tasol.
Taim mi bin i stap olsem yut pasto bihain long mi mekim dispela
wok sikispela mun i kam na i go, wanpela yangpela man i bin kam
na lukim mi na i askim mi olsem, “Inap yu kamap olsem poroman
bilong mi, a? Dispela narapela yut pasto bilong mi, em i bin stap
olsem poroman bilong mi.”
Dispela narapela yut pasto husat i bin stap paslain long mi, em i
man bilong toktok na raun wantaim ol yut manmeri, na ol i mekim
planti ol samting wantaim. Mi save long wanem samting em i bin
askim long en. Em i wankain olsem dispela bod memba husat i laikim
pasto bilong em long mekim.
Mi tokaut long dispela tok i stap long buk Matyu 10:41 i go long em,
we Jisas i tok olsem, “Sapos wanpela man i ting, ‘Mi laik helpim profet,’
na em i kisim wanpela profet i akm long haus na em i lukautim em,
orait God bai givim dispela man ol wankain gutpela samting olsem
ol profet i save kisim. Na man i ting, ‘Mi laik helpim stretpela man,’
na i kisim wanpela stretpela man i kam long haus na i lukautim em,
dispela man bai i kisim ol wankain gutpela samting olsem ol stretpela
man i save kisim.”
157
Dispela bilong belhat na tubel
Gris bilong Satan
Mi askim em olsem, “Yu tok, yu gat planti ol poroman, a?”
Na em i bekim na i tok, “Yes.”
“Tasol, yu gat wanpela yut pasto tasol, yu tok?”
“Yes.”
“Yu laik kisim wankain ol samting olsem yut pasto i save kisim long
en o yu laik kisim wankain samting olsem ol poroman i save kisim?
Bikos wanem kain rot yu kisim mi long en, em bai i makim wanem
kain samting yu bai i kisim long God.”
Em i lukim as bilong toktok mi mekim long en, olsem na em i tok,
“Mi laikim ol samting olsem yut pasto i save kisim long en.”
Planti ol minista i save pret olsem sapos ol i no mekim samting
long mak we ol manmeri i laikim long en, bai ol i bagarapim bel
bilong dispela ol manmeri na lusim dispela sapot ol i save kisim long
dispela ol manmeri. Ol i stap insait long dispela kalabus bilong pret
long mekim ol lain i belhat na tubel. Long dispela as, planti samting
bilong Spirit i no save kamap insait long sios o kongrigesen bilong ol.
JISAS I MEKIM JON BILONG BAPTAIS
I BELHAT NA TUBEL
Jon bilong Baptais tu, i bin traim long was gut nogut em i pundaun
long traim bilong belhat na tubel wantaim Jisas.
Ol disaipel bilong Jon i tokim em long olgeta dispela samting
Jisas i mekim. Na Jon i singautim tupela disaipel bilong en, na em
i salim tupela i go long Bikpela bilong askim em olsem, “Ating yu
dispela man God i bin promis long salim i kam, o mipela i mas wetim
narapela?”Dispela tupela man i kamap pinis long Jisas na tupela i tok,
“Jon bilong Baptais em i salim mitupela i kam long yu, na em i laik
askim yu olsem, ‘Ating yu dispela man God i bin promis long salim i
kam, o mipela i mas wetim narapela?’ ”—Luk 7:18-20
Wet pastaim, bilong wanem na Jon i askim Jisas sapos em i
dispela Man husat bai i kam olsem Mesaia? Jon em dispela man
158
Gris bilong Satan
Dispela bilong belhat na tubel
husat i bin redim rot bilong dispela Man long kam na em tasol i bin
tokaut olsem dispela Man em i kam pinis: “Lukim. Em i pikinini Sipsip
bilong God. Em i kam bilong tekewe sin bilong olgeta manmeri bilong
graun!” (Jon 1:29). Em yet em dispela man husat i bin tok olsem, “Em
dispela Man tasol i kam bilong Baptaisim ol manmeri long Holi Spirit”
(Jon 1:33). Na tu em i tok, “Nem bilong em i mas i kamap bikpela, na
nem bilong mi i mas i go daun” (Jon 3:30). Jon wanpela tasol i bin
save long Jisas em i husat tru long dispela taim. (Saimon Pita i no bin
save yet long dispela tok hait.)
Bilong wanem na em i askim, “Yu Mesaia, o mipela i mas wet
long narapela?”
Putim yu yet long ples bilong Jon. Yu dispela man God i bin makim
na putim yu bilong mekim wok bilong en long stretim na redim ples.
Planti lain manmeri i bin harim na bihainim ministri bilong yu. Yu gat
dispela ministri we olgeta manmeri long dispela hap ples i save long
en na insait long laip bilong yu, yu save tingim ol arapela pastaim na
yu yet bihain. Na tu, yu i no marit long inapim dispela singaut long
laip bilong yu. Yu bin i stap insait long ples i drai nogut tru na kaikai ol
grashopa wantaim hani bilong bus na planti taim yu tambuim kaikai.
Yu bin tok pait wantaim ol Farisi na ol i bin tok olsem yu gat spirit
nogut insait long yu. Olgeta laip bilong yu, yu bin i stap long stretim
na redim we bilong dispela Mesaia long kam.
Nau yu i stap longpela taim liklik insait long kalabus na liklik lain
tasol i wok long kam lukim yu bikos bel na tingting bilong planti ol
lain yu bin redim ol long em, nau i stap wantaim Jisas bilong Nazaret.
Na tu, ol sampela disaipel bilong yu i go wok bung wantaim dispela
Man na liklik lain tasol i stap wantaim yu na helpim yu. Taim ol dispela
liklik lain disaipel bilong yu i kam long lukim yu, ol i save karim ol
stori bilong dispela Man wantaim ol disaipel bilong em i kam. Ol i
tokim yu long dispela Man wantaim ol disaipel bilong Em i save stap
olsem wanem we i narakain tru long laip yu bin stap long en taim yu
wokim wok ministri. Ol i save dring na kaikai wantaim ol man bilong
159
Dispela bilong belhat na tubel
Gris bilong Satan
kisim takis na ol sin manmeri. Ol i save brukim lo bilong Sabet na ol
i no save tambuim kaikai.
Na yu kirap na tokim yu yet olsem, “Mi lukim Spirit bilong God i
kam daun long em olsem pisin, tasol ol pasin em i wok long mekim,
em bilong Mesaia, a?”
Dispela traim bilong mekim yu pundaun long pasin bilong belhat
na tubel i wok long stat long kamap, taim yu wok long stap longpela
taim moa insait long kalabus. “Dispela Man we mi bin putim olgeta
laip bilong mi long stretim na redim ples bilong em long kam, i no
kam lukim mi long kalabus tu! Dispela em bai i olsem wanem nau?
Sapos em i dispela Mesaia, orait bilong wanem na em i no kam long
rausim mi long dispela kalabus? Mi no mekim wanpela rong.”
Olsem na yu salim tupela gutpela disaipel bilong yu i go long
askim Jisas. “Ating yu dispela man God i bin promis long salim i kam,
o mipela i mas wetim narapela?’ ”
Yumi lukim bekim bilong Jisas i go long Jon:
Long dispela taim Jisas i wok long mekim orait planti manmeri i
gat ol kain kain sik. Na em i rausim planti spirit nogut i stap long ol.
Na planti aipas, em i mekim ol i lukluk. Na Jisas i bekim tok bilong
tupela disaipel bilong Jon olsem, “Yutupela go tokim Jon long ol
samting nau yutupela i lukim na harim. Ol aipas ol i lukluk gen, na
ol lek nogut ol i wokabaut. Skin bilong ol man i gat sik lepra, em i
kamap kiln, na ol yaupas i harim toktok. Ol man i dai pinis, ol i kirap
gen, na ol rabisman i harim gutnius. Na ol man i ken amamas bilong
wanem ol i no belhat na tubel long mi ”—Luk 7:21-23, paraphrased
o hap tok tasol.
Dispela toktok we Jisas i mekim em i bihainim stret maus bilong
ol profet. Em i tokaut long tok i stap long buk bilong Aisaia, we Jon
i save long en. Dispela tok i stap long Aisaia 29:18, 35:4-6, na 61:1 i
makim dispela olgeta samting we ol disaipel bilong Jon i stap na lukim
taim ol i wok long wet long askim Jisas long dispela askim bilong Jon.
Ol i kamap olsem ol witnes bilong Jisas i Mesaia tasol em i no pinis
160
Gris bilong Satan
Dispela bilong belhat na tubel
olsem long hap. Em i kirap na i tok moa olsem, “Na ol lain husat i no
belhat na tubel bikos long mi, i ken amamas.”
Em i wok long tok olsem, “Jon, mi save olsem yu no klia gut long
dispela olgeta samting we i wok long kamap long yu, na tu, planti
ol pasin bilong mi em i narakain liklik, tasol noken belhat na tubel
wantaim mi bikos mi i no save mekim wok olsem yu tingim long
en.” Em i wok long tokim Jon long noken jasim ol samting long we
em yet i ting God i save wok long en, long pastaim, insait long laip
na ministri bilong em. Jon i no save long olgeta tingting bilong God
o plen bilong Em, wankain olsem long nau, yumi tu, i no save long
wanem kain plen em i gat long yumi. Jisas i wok long givim gutpela
skul toktok long Jon na i tok olsem, “Yu bin mekim wanem samting
God i tokim yu long mekim pinis na bai i gat bikpela pe bilong en,
bihain. Tasol yu i mas noken belhat na tubel long mi!”
BELHAT NA TUBEL, NA I NOGAT TOK SORI
Maski sapos yu bin stap aninit long planti trening o skul bilong ol
we bilong God, wankain olsem Jon, stil bai yu gat sans long belhat
na tubel long Jisas. Sapos tru tru yu bilip long En na laikim Em, orait
bai yu traim hat long stap longwe o fri long pasin bilong belhat na
tubel bikos, yu bai luksave olsem ol we bilong em i antap moa long
ol we bilong yumi.
Tu, sapos yu i save harim tok bilong Spirit bilong God, orait ol
manmeri bai belhat na tubel wantaim yu, yet. Jisas i tok olsem long
Jon 3:8, “Win em i save bihainim laik bilong em yet na i go long
narapela narapela hep. Yu save harim nois bilong en, tasol yu no save
em i kam we na em i go we. Na olgeta man i kamap nupela long Holi
Spirit, ol i olsem tasol.”
Sampela lain bai i no inap long klia gut long olsem samting yu
mekim, taim yu wokabaut wantaim Holi Spirit. Noken larim ol nogut
toktok bilong ol i stopim yu long mekim wanem samting yu save long
161
Dispela bilong belhat na tubel
Gris bilong Satan
bel bilong yu olsem em i tru. Noken stopim ron bilong Holi Spirit
bilong bihainim laik bilong ol man. Pita i mekim gut tru tok olsem:
Krais i bin karim pen long bodi bilong em, na yupela i mas holim
strong wankain tingting olsem em i bin holim. Long wanem,
sapos wanpela man i bin karim pen long bodi bilong em, orait
em i lusim pinis pasin bilong sin. Na long taim em i stap yet
long bodi, em bai i no bihainim moa ol laik bilong olpela bel.
Nogat. Em bai bihainim laik bilong God tasol.
—1 Pita 4:1-2
Taim yu stap insait long laik na tingting bilong God, bai yu no inap
long bihainim laik na tingting bilong ol man, na long dispela as, bai
yu karim planti pen na hevi. Jisas i bin go insait long bikpela pen na
hevi wantaim ol lida bilong sios. Ol lotu lain i save bilip olsem God i
save wok insait long mak we ol i tingim long en. Ol i save bilip olsem
ol tasol ol i save long olgeta ‘insait’ tingting bilong God. Sapos dispela
Masta i mekim ol lotu lain i belhat na tubel long em taim Holi Spirit
i wok long soim em rot i stap tupela tausen yia i go pinis, ating long
nau tu, ol lain husat i wok long bihainim em i stap, ol tu bai mekim
na ol arapela lain bai belhat na tubel long ol.
Wanpela gutpela piksa em long stori bilong Pol long taim ol i wok
long traim long bagarapim em. Sampela lain insait long ples Galatia
i no bin harim gut toktok na ol i bin ting olsem Pol i no tokaut long
Tok tru bilong diwai kros na em i laik kamapim wanbel wantaim ol
lida bilong lotu husat i tok olsem, pasin bilong kisim bek man em
i stap insait long pasin bilong katim skin. Tasol Pol i stretim dispela
tingting bilong ol.
Em i tok, “Lukim mi. Ol lida bilong lotu i laik bagarapim mi long
olgeta sait. Yu ting, ol bai i mekim olsem long mi sapos mi autim tok
bilong katim skin bilong sem, a? Dispela tok tru em i olsem diwai
kros, em tasol i wanpela rot bilong kisim bek man na dispela tok i
162
Gris bilong Satan
Dispela bilong belhat na tubel
save mekim ol man i belhat na tubel. Tasol dispela em i tok tru stret
na mi i no inap autim narapela tok!” (Lukim Galesia 5:11.)
Sapos sampela lain i laik salensim tok tru bilong Tok bilong God,
orait em i taim bilong mekim ol i belhat na tubel na i no ken tok sori.
Yumi mas pasim long bel na tingting bilong yumi olsem, yumi bai i
harim tok bilong Spirit bilong God na yumi i no inap wari long wanem
samting bai i kamap. Sapos yumi mekim olsem orait, bihain bai yumi
no inap long painim hat long mekim dispela disisen bilong wanem,
yumi pasim tingting long bel bilong yumi pinis.
163
JISAS I MEKIM SAMPELA OL MANMERI I BELHAT NA
TUBEL LONG TAIM EM I HARIM TOK BILONG PAPA
BILONG EM, TASOL EM I NO SAVE KAMAPIM BELHAT
NA TUBEL LONG SOIM OLSEM, EM YET I GAT RAIT
LONG MEKIM OLSEM.
Nau tasol mi bin ritim buk bilong yu, Gris bilong Satan, na mi laik
tokim yu olsem, em i bin mekim mi go kamap fri insait long wanpela
hap long laip bilong mi, we mi bin ting olsem mi bai no inap long stap
fri long en. Mi laik tok tenkyu long yu long raitim dispela buk, bilong
wanem em i bin senisim laip bilong mi!
—C. R., TENNESSEE
164
Gris bilong Satan
10
NOGUT YUMI I MEKIM OL I
BELHAT NA TUBEL
Olsem na yumi mas lusim pasin bilong skelim pasin
bilong ol arapela brata na tingting nogut long
ol. Yumi mas bihainim narapela tingting, em long
yumi no ken mekim wanpela samting bilong mekim
brata i pundaun na mekim sin.—Rom 14:13
N
au tasol yumi pinis long toktok long wanem kain ol rot Jisas i save
mekim planti ol lain i belhat na tubel, taim em i wok long raun na
mekim wok ministri bilong Em. I luk olsem, olgeta hap Em i go long
en, ol i wok long belhat na tubel long Em. Insait long dispela sapta,
mi laik lukluk long narapela sait bilong dispela stori.
Jisas wantaim ol disaipel bilong em i kam bek long taun Kaperneam.
Ol i pinisim wanpela ministri wokabaut bilong ol na ol i kam bek long
kisim liklik malolo we ol i nidim stret long em.
Sapos i gat wanpela ples we yumi bai i tok olsem em ples we
ministri bilong Jisas i save stap long en na i go aut, em long dispela
biktaun Kaperneam.
Taim ol i stap long dispela hap, wanpela man husat i save bosim
165
Nogut yumi mekim ol i belhat na tubel
Gris bilong Satan
ol lain bilong kisim takis i kam long em na i tok, “Ating tisa bilong
yupela i save givim takis bilong tempel?” (Matyu 17:24b).
Na Pita i bekim na i tok, “Yes,” na em i go bek na toktok wantaim
Jisas long dispela. Jisas i save pinis long wanem samting dispela man
bilong kisim takis bai i askim long en na em i redi long bekim tok
bilong en, olsem na em i askim Saimon Pita, “Saimon, yu ting wanem?
Ol king bilong dispela graun i save kisim pe bilong ol kain kain takis
long husat? Ol i save kisim long ol lain bilong ol yet o long ol arapela
man?”
Na Pita i tok, “Long ol arapela man.”
Na Jisas i tokim em, “Olsem na ol lain bilong ol yet i no mas givim
takis” (Matyu 17:25-26).
Jisas i mekim wanpela poin long hia long Saimon olsem “ol lain
bilong ol yet i no mas givim takis.” Ol i no dispela ol lain husat i save
givim takis tasol ol i dispela ol lain husat i save kisim helpim long
dispela ol takis. Ol i stap insait long dispela bikpela haus bilong king
we moni bilong ol man bilong givim takis i save go long en bilong
stretim na lukautim dispela haus. Olsem na ol pikinini man bilong
king i save kaikai long tebol bilong king na putim ol gutpela klos, em
moni bilong takis i save helpim long en.
Dispela man husat i save bosim ol man bilong kisim takis i save
kisim takis insait long tempel. Tasol husat em i king o bosman bilong
dispela tempel? Ol i mekim dispela tempel long nem bilong husat?
Ansa bilong dispela askim em i olsem, God Papa tasol. Pita i kisim
tok hait bilong God long dispela taim, olsem Jisas em i “Krais, dispela
pikinini man bilong God husat i stap laip long em.”
Antap long dispela tok Jisas i wok long askim Pita olsem, “Sapos
mi pikinini man bilong dispela man husat i bosim tempel, ating mi
no inap long baim takis insait long tempelYes, em i tru olsem, em i
no stap aninit long lo bilong takis. Tasol lukim wanem samting em i
tokim Saimon Pita:
Tasol nogut yumi mekim ol i kros long yumi. Yu go long raunwara
166
Gris bilong Satan
Nogut yumi mekim ol i belhat na tubel
na tromoi huk. Na namba wan pis yu pulim, em yu kisim na opim
maus bilong en, na bai yu lukim wanpela mani i stap insait. Yu kisim
dispela mani na givim long ol, bilong inapim takis bilong mitupela
wantaim.”—Matyu 17:27
Em i soim ples klia olsem em i fri man tasol em i les long mekim
dispela ol man bilong kisim takis i belhat na tubel olsem na em i
tokim Pita, “Yumi baim dispela takis!” Dispela em narapela rot bilong
sapotim tok bilong em olsem em i fri man, taim em i tokim Pita long
go na hukim pis. Na namba wan pis em i hukim; em i mas opim maus
bilong en na em bai painim moni i stap insait long en. Papa God em
yet i givim dispela moni bilong takis.
Jisas em i Bikpela bilong dispela graun. Em i Pikinini bilong God.
Dispela graun na olgeta samting i stap insait long en, Em yet i mekim
na ol i stap aninit long Em. Olsem na, em i save olsem dispela moni
bai i stap insait long maus bilong dispela pis. Em i no wok long kisim
moni bilong wanem, em i Pikinini bilong God. Tasol nogat, Em i mekim
disisen long baim takis bikos Em i no laik mekim ol man bilong kisim
takis i belhat na tubel.
Em dispela Jisas tasol yumi lukim long sapta nain husat i wok long
mekim ol manmeri i belhat na tubel na nogat tok sori bilong en, a?
Em i soim stret olsem Em i no ken baim takis insait long tempel tasol
Em i tok olsem, “Tasol nogut yumi mekim ol i kros long yumi olsem
na go na baim dispela takis!” I luk olsem i gat sampela samting i no
go stret o i paul liklik long dispela o nogat? Ansa bilong yumi em i
stap long narapela ves daunbilo:
Long dispela taim ol disaipel i kam long Jisas na ol i askim
em olsem, ‘Husat bai gat biknem tru long kingdom bilong
Heven?” Orait Jisas i singautim wanpela pikinini i kam na em i
sanapim em namel long ol. Na em i tok olsem, “Mi tok tru long
yupela, sapos yupela i no senis na kamap olsem ol liklik pikinini,
bai yupela i no inap i go insait long kingdom bilong heven.
167
Nogut yumi mekim ol i belhat na tubel
Gris bilong Satan
Man i daunim em yet na i kamap olsem dispela liklik pikinini,
dispela man bai i gat biknem tru long kingdom bilong heven.
—Matyu 18:1-4
Ki tok long hia em, “husat i daunim em yet.” Bihain liklik Jisas i
toktok moa long dispela na i tok:
“Man i laik i stap bikman namel long yupela, em i mas stap wokman
bilong yupela...Olsem tasol Pikinini bilong Man i no bin i kam bilong
ol man i ken mekim wok bilong helpim em. Nogat. Em i kam bilong
helpim ol, na bilong givim laip bilong em bilong baim bek planti
manmeri.”—Matyu 20:26-28
Aiyo! Wanpela kain tok Em i mekim, ya! Em i no kam bilong ol
man i ken mekim wok bilong Em tasol Em i kam bilong mekim wok
bilong ol man. Em i fri man na em i nogat wanpela dinau wantaim
wanpela man o stap aninit long wanpela man. Tasol em i mekim
disisen long yusim pasin bilong Em long stap fri long kam na mekim
wok bilong yumi.
STAP FRI LONG MEKIM WOK BILONG OL ARAPELA
Insait long Nupela Testamen, em i toktok strong long yumi olsem ol
pikinini bilong God olsem na yumi i mas bihainim stret ol pasin yumi
i lukim long Jisas, Brata bilong yumi.
Tru, ol brata, God i bin singautim yupela bilong yupela i ken i stap
fri. Tasol nogut yupela i ting olsem, “Mipela i stap fri, olsem na mipela
i ken mekim ol pasin bilong olpela bel.” Nogat. Yupela i no ken ting
olsem. Yupela wan wan i mas i stap olsem wokboi bilong ol arapela
manmeri bilong God, na yupela i mas givim bel bilong yupela long
ol.—Galesia 5:13
Narapela tok bilong stap fri em i olsem yu gat rait long kisim
wanpela samting we ol arapela lain bai no inap long kisim long en.
Yumi i mas yusim dispela pasin bilong yumi long stap fri long mekim
168
Gris bilong Satan
Nogut yumi mekim ol i belhat na tubel
wok bilong ol arapela. I gat pasin bilong stap fri long mekim wok
bilong ol arapela na bilong i stap long kalabus na mekim wok bilong
ol arapela. Na tu i gat wok man nating husat i save stap long kalabus
bilong narapela man bilong mekim wok bilong dispela man na ol i
save kolim ol sleiv. Na i gat wok man husat i stap fri tasol em i save
laik long mekim wok bilong arapela man na ol i save kolim ol sevent.
Yumi lukluk long pasin bilong dispela tupela wok man na skelim olsem
wanem em i narakain liklik na i no wankain:
• Sleiv i mas mekim—sevent i save mekim
• Sleiv i save mekim samting long liklik mak tasol—sevent i save
mekim samting long mak i antap moa
• Sleiv i save go long mak ol i makim long en tasol—sevent i save
go long mak ol i makim long en na abrusim tu na i go moa yet
• Sleiv i save pilim olsem ol i stilim samting long em—sevent i
save givim samting i go
• Sleiv i stap long kalabus—sevent i stap fri
• Sleiv i save pait long rait bilong em—sevent i save lusim rait
bilong em long mekim wok bilong ol arapela
Mi save lukim planti ol Kristen manmeri i gat pasin bilong les long
mekim wok bilong ol arapela. Ol i save kros na toktok planti long
taim ol i laik baim takis bilong ol. Ol i stap yet olsem ol sleiv o wokboi
nating bilong lo we ol i bin kamaut na stap fri pinis long en. Tasol ol
i stap yet olsem slev long bel bilong ol.
Em wanpela pret samting long save olsem, dispela lo ol i kamapim
long ol tok i stap long Nupela Testamen. Ol i nogat dispela “spirit” we
Jisas i gat long givim ol strongpela tok wantaim pawa long en. Ol i no
luksave olsem ol i kamap fri pinis bilong ol i ken mekim wok bilong ol
arapela. Olsem na ol i save pait yet long kisim samting long helpim
ol yet na i no bilong helpim ol arapela.
Pol i givim wanpela kliapela piksa long tokaut stret long dispela
kain pasin insait long leta o pas bilong em i go long ol lain Rom na ol
lain Korin. Pasin bilong stap fri bilong ol dispela lain i bin go insait long
169
Nogut yumi mekim ol i belhat na tubel
Gris bilong Satan
traim taim ol i tok pait long wanem kaikai ol i ken kaikai na wanem
ol i no ken kaikai. Pol i stat long toktok strong long ol long “Man i
bilip, tasol bilip bilong en i no strong, em yupela i mas kisim i kam
insait long sios. Tasol yupela i no ken pait long toktok wantaim em
long ol kain kain samting yumi no klia tumas long en. Wanpela man
i strong long bilip, na em i save kaikai olgeta kain samting. Tasol bilip
bilong narapela man em i no strong, olsem na em i no save kaikai
mit” (Rom 14:1-3).
Jisas i bin mekim klia olsem wanem samting i go insait long maus
em i no save bagarapim bodi o kamapim sin tasol wanem samting i
kamaut long maus, em tasol i save bagarapim bodi o kamapim sin.
Taim em i mekim dispela toktok, em i mekim olgeta kaikai i kamap
klin long ai bilong ol bilip lain (Mak 7:18-19).
Pol i bin tok olsem, i gat sampela ol bilip manmeri husat i wik o
sot insait long bilip bilong ol olsem na ol i no save kaikai mit bilong
wanem, ol i pret long kaikai ol kaikai we ol man i bin ofaim i go long
ol giaman god. Maski Jisas i bin toktok pinis long dispela kain samting,
stil dispela ol lain i no save kaikai mit wantaim gutpela na kliapela
tingting.
Long dispela pasin bilong kaikai abus ol i bin ofaim long ol giaman
god, mi gat tok olsem. Yumi save, giaman god em i no samting tru.
Em i piksa nating tasol. I no gat ol planti god i stap. Yumi gat wanpela
God tasol, em God Papa. Em i as bilong olgeta samting, na yumi stap
olsem ol manmeri bilong em stret. Na i gat wanpela Bikpela tasol,
em Jisas Krais. Em i bin wokim olgeta samting, na yumi bin kisim
laip long em. Tasol sampela man i no save long ol dispela samting.
Sampela i bin bihainim pasin bilong ol giaman god bipo. Olsem na
taim ol i kaikai dispela mit, ol save ting em i ofa tru bilong giaman god.
Tingting bilong ol i no klia, na ol i kaikai, olsem na ol i pilim olsem ol
i bin mekim pasin i no stret.—1 Korin 8:4, 6-7
Insait long dispela ol sios, ol Kristen husat i gat strongpela bilip
i wok long kaikai mit we i gat askim i stap long en long wanem hap
170
Gris bilong Satan
Nogut yumi mekim ol i belhat na tubel
dispela mit i kam long em taim ol kaikai long fran bilong ol kristen
husat i nogat strongpela bilip. Dispela i wok long kamapim hevi namel
long ol Kristen maski Jisas i bin mekim dispela kaikai i kamap klin
pinis. Dispela ol Kristen husat i nogat strongpela bilip i no inap long
rausim dispela piksa bilong mit i stap antap long alta bilong ol giaman
god insait long tingting bilong ol. Tasol dispela ol Kristen husat i gat
strongpela bilip i save olsem dispela ol giaman god em i no samting
tru na ol i no pilim o tingim wanpela samting taim ol i kaikai dispela
mit.
Tasol dispela em i soim olsem ol i tingting planti long holim dispela
rait bilong ol olsem ol bilip lain insait long Nupela Testamen na ol i
no tingting planti long givim bel hevi na tubel long ol arapela Kristen.
Ol i no luksave olsem, ol yet i pasim rot bilong ol brata bilong ol
husat i nogat strongpela bilip. Dispela kain pasin em i no stap long
bel bilong wanpela gutpela wokman o sevent. Lukim wanem kain
tok Pol i givim long ol:
Olsem na yumi mas lusim pasin bilong skelim pasin bilong
ol arapela brata na tingting nogut long ol. Yumi mas
bihainim narapela tingting, em long yumi no ken mekim
wanpela samting bilong mekim brata i pundaun na mekim
sin. Kingdom bilong God i no pas long kaikai na dring. Nogat.
Pasin tru bilong kingdom bilong God em i stretpela pasin na
bel isi na pasin bilong amamas Holi Spirit i save kamapim.
—Rom 14:13, 17
Em i wok long tok, “Yumi mas tingim dispela kingdom em i toktok
long wanem samting stret—em i stretpela pasin na bel isi na pasin
bilong amamas Holi Spirit i save kamapim.” Olgeta dispela samting
ol i bin bagarapim insait long laip bilong dispela ol nupela bilip lain.
Dispela ol strongpela bilip lain i no yusim dispela pasin bilong stap
fri long mekim wok bilong ol arapela, tasol ol i yusim olsem wanpela
kain sans bilong ol long “rait” bilong ol. Ol i gat save long ol pasin
171
Nogut yumi mekim ol i belhat na tubel
Gris bilong Satan
bilong ol long i stap fri insait long Nupela Testamen, tasol dispela
save i nogat pasin bilong laikim i stap long i ken bagarapim ol man.
Ol i nogat pasin bilong Jisas insait long kain pasin ol i mekim. Jisas i
soim rait em i gat long ol taim em i toktok long givim takis long tempel
long Pita na ol arapela disaipel, long soim gutpela piksa bilong lusim
tingting long yumi yet na mekim wok bilong ol arapela. Em i no laikim
yumi long yusim pasin bilong stap fri olsem wanpela samting bilong
helpim yumi long tok hat long rait bilong yumi na mekim ol narapela
i bel hevi na tubel na mekim ol i pundaun.
Pol i givim tok lukaut long dispela ol lain husat i gat save long rait
bilong ol insait long Krais tasol ol i nogat bel bilong Krais long helpim
ol arapela long wok bilong ol.
Na long dispela pasin, save bilong yu i bagarapim dispela man bilip
bilong en i no strong, em dispela brata Krais i bin i dai bilong kisim bek
em. Harim. Tingting bilong sampela brata i no klia. Na sapos yupela
i mekim dispela sin long ol na bagarapim bilip bilong ol, long dispela
pasin yupela i mekim sin long Krais.—1 Korin 8:11-12
Yumi i ken yusim dispela pasin bilong stap fri long mekim sin. Long
wanem kain rot? Long taim yumi bagarapim bel bilong ol arapela
husat i nogat strongpela bilip, na mekim dispela ol liklik lain bilong
Krais i kisim bel hevi na tubel na pundaun long sin.
PUTIM I GO DAUN OL RAIT BILONG MIPELA
Bihain long Jisas i kamapim ples klia dispela pasin bilong em long stap
fri taim em i toktok long givim takis long tempel. Em i tok klia long
ol disaipel bilong Em olsem pasin bilong daunim ol yet em i namba
wan samting long mekim.
Jisas i tok moa olsem, “Sapos wanpela man i mekim wanpela
bilong dispela ol liklik pikinini i bilip long mi i pundaun long sin, orait
mobeta ol man i pasim wanpela bikpela ston long nek bilong dispela
man na tromoi em i go daun tru long solwara na bai em i dai. Sori
tumas long ol man bilong dispela graun, ol i wok long mekim ol
172
Gris bilong Satan
Nogut yumi mekim ol i belhat na tubel
arapela i pundaun long sin. Tru, dispela pasin nogut bai i kamap. Tasol
sori tru long man i mekim em i kamap.
Sapos han bilong yu o lek bilong yu i pulim yu long mekim sin,
orait yu mas katim na tromoi i go. Mobeta yu gat wanpela han tasol,
o wanpela lek tasol, na yu kisim laip bilong stap oltaim. Nogut yu gat
tupela han o tupela lek na ol i tromoi yu i go long paia i no save dai.
Na sapos ai bilong yu i pulim yu long mekim sin, orait yu mas
kamautim na tromoi i go. Mobeta yu gat wanpela ai tasol na yu kisim
laip bilong i stap oltaim. Nogut yu gat tupela ai na ol i tromoi yu i go
long paia bilong hel.
Yupela lukaut gut. Nogut yupela i ting wanpela namel long ol
dispela liklik pikinini em i olsem samting nating. Nogat. Mi tokim
yupela, long heven ol ensel bilong ol, oltaim ol i save stap long pes
bilong Papa bilong mi em i stap long heven.—Matyu 18:6-10
Dispela olgeta sapta bilong buk Matyu em i toktok long pasin
bilong belhat na tubel. Jisas i tok klia long rausim i go wanem samting
i save mekim kamap sin, na tu, dispela i go long ol rait bilong yu insait
long Nupela Testamen. Sapos em i save mekim ol arapela brata bilong
yu husat i nogat strongpela bilip long mekim sin, orait yu i mas katim
dispela i go long ai bilong dispela brata.
Bai yu tingting planti olsem, bilong wanem na Jisas yet i wok long
mekim planti lain i belhat na tubel, olsem yumi lukim long sapta
nain bilong dispela buk. Ansa bilong dispela askim em i isi tru. Jisas
i mekim sampela ol manmeri i pundaun long sin bilong wanem em i
wok long harim tok bilong Papa na mekim ol wok bilong ol arapela.
Tasol taim em i mekim ol lain i belhat na tubel, em i no mekim long
strongim kona bilong em olsem em i gat rait.
Ol Farisi i wok long belhat na tubel taim Jisas i wok long oraitim ol
sik man long de bilong Sabat. Ol disaipel bilong em i wok long belhat
na tubel long dispela ol tok tru we Papa bilong em i tokim em long
autim. Maria na Marta i belhat na tubel taim em i no kam hariap
long oraitim Lasarus. Tasol insait long dispela olgeta samting, bai yu
173
Nogut yumi mekim ol i belhat na tubel
Gris bilong Satan
painim olsem, Jisas i no mekim ol lain long belhat na tubel bilong
mekim wok bilong em yet. Nogat. Em i mekim wok bilong ol arapela.
Insait long pas bilong Pol i go long ol lain Korin, em i givim dispela
tok lukaut long ol:
Tasol yupela i mas lukaut. Yupela i save olsem, yupela inap
long kaikai wanem samting yupela i laikim. Tasol nogut dispela
pasin bilong yupela i mekim, na ol man tingting bilong ol i no
klia, ol i pundaun long sin.
—1 Korin 8:9
Yumi kisim dispela pasin bilong stap fri bilong mekim wok bilong
ol arapela na lusim tingting long yumi yet. Yumi mas mekim i kamap
ol samting na i no traim long bagarapim. Tu, dispela pasin bilong stap
fri em i no bilong yumi long kisim ol samting na hipim hipim bilong
yumi yet. Nogat. Tasol bikos, yumi bin yusim dispela pasin bilong
stap fri long mekim olsem, planti lain manmeri tude i save belhat na
tubel long pasin bilong ol Kristen manmeri.
Yumi i mas harim gen dispela tok lukaut i kam long yumi insait long
1 Korin 8:9: “Tasol yupela i mas lukaut. Yupela i save olsem, yupela
inap long kaikai wanem samting yupela i laikim. Tasol nogut dispela
pasin bilong yupela i mekim, na ol man tingting bilong ol i no klia, ol
i pundaun long sin.”
Hia, em i wanpela stori long samting i bin kamap na mi bin lukim
dispela lo i bin bruk. Long namba tu taim bilong ministri raun bilong mi,
mi bin i go long Indonesia, na mi kisim meri bilong mi, Lisa wantaim
ol pikinini na wanpela bebi sita. Mipela go kamap long Denpasar, Bali,
em wanpela ailan we ol manmeri i save go i stap long holide bilong ol.
Wanpela lida bilong dispela sios mipela i go visitim long en, em i
gat wanpela naispela hotel long wanpela sait bilong taun we planti
manmeri i save go i stap long en. Mipela i bin raun long longpela rot
stret na mipela i no bin slip gut olsem na mipela i pilim skin tait nogut
tru na i laik slip na malolo pastaim. Long dispela nait, mipela i wok
long kirap planti taim bilong wanem, mipela i wok long harim ol dok
174
Gris bilong Satan
Nogut yumi mekim ol i belhat na tubel
i singaut na planti nois i wok long kamap. Mipela stap wanpela nait
tasol long dispela hap tasol mipela i no malolo gut olsem mipela i
bin nidim long em.
Neks de mipela kirap na i go long Java na autim tok i stap long
dispela hap olsem mak bilong tupela wik na mipela i bisi stret. Mipela
i bin gat wanpela fri de tasol insait long dispela tupela wik, na em
dispela de we mipela bai i go bek long en. Insait long wanpela de
mipela i autim tok faivpela taim long wanpela sios, we i gat olsem
teti-tausen manmeri husat i save kam lotu long en.
Bihain long dispela ministri raun, mipela laik i go bek olsem long
Bali na i go bek long asples bilong mipela. Pasto bilong sios i tokim
mipela olsem bai mipela i go i stap long hotel bilong dispela sios lida
bilong em gen. Em dispela hotel mipela i bin kam stap pastaim long
en. Mipela i no bin amamas tumas long i go i stap long dispela hotel
bikos las taim mipela i go stap long en, mipela i no bin slip na malolo
gut. Na tu, mipela i bin bisi nogut tru insait long dispela tupela wik
long Java olsem na, mipela i laik stap long ples we mipela i ken kisim
gut malolo bipo long mipela i go bek long asples gen.
Long dispela moning we mipela i laik lusim Java na i go olsem long
Bali, wanpela naispela meri i kam na tokim mipela olsem, em bai
baim rum long wanpela naispela hotel stret long Bali we bai mipela
i ken i go i stap long en na bihain i go bek long asples bilong mipela.
Mi amamas nogut tru olsem mipela bai i go malolo gut long dispela
naispela hotel long Bali.
Taim mipela i lusim dispela ples bilong kaikai na i go long rum
long stretim ol samting bilong mipela long karim i go, Lisa i tokim
mi olsem em i no pilim gut long mi tok orait long wanem toktok
dispela narapela meri i kam tokim mipela long en. Mi wantaim dispela
narapela man husat i wok long tanim tok i stap i tokim Lisa olsem,
olgeta samting em bai i orait na em i no ken tingting planti. Bihain,
insait long balus taim mipela i laik lusim Java na i go long Bali, Lisa i
tokim mi gen olsem, em i ting olsem mipela i no mekim rait disisen.
175
Nogut yumi mekim ol i belhat na tubel
Gris bilong Satan
Mi hambak na i no harim toktok bilong em. Mi tokim em olsem,
ol lain long sios bai i no inap long lusim moni long dispela na olgeta
samting bai i orait. Taim mipela i kamap long Bali na i laik i go kisim
ol kago bilong mipela, em i kirap na mekim wankain toktok long mi
gen, tasol mi i no harim tok bilong em.
Taim mipela bungim dispela pasto bilong dispela hap, mi tokim
em olsem, mipela i no inap long stap long hotel bilong dispela sios
lida bilong wanem, narapela meri long sios long Java i tokim mipela
long i go slip long dispela naispela hotel long hap sait na em bai i
baim. Dispela pasto i no luk amamas tumas na em i wok long tingting
planti taim em i harim mi mekim dispela tok, olsem na mi askim em
long wanem samting i rong.
Gutpela samting em olsem, dispela pasto i haitim tingting bilong
em long mi, em i tokim mi stret olsem, “Jon, dispela em bai mekim
dispela sios lida wantaim famili bilong em i belhat na tubel, bilong
wanem, olgeta rum insait long dispela hotel em i pulap pinis tasol
ol i larim dispela rum i stap bilong yu.”
Mi lukim olsem mi mekim dispela pasto tu i belhat na tubel long
mi bikos mi i no amamas na tok tenkyu long wanem samting ol i bin
redim bilong mipela. Bihain mi kirap na tokim dispela pasto olsem,
bai mipela i stap long hotel bilong dispela sios lida na mipela bai lusim
dispela narapela hotel we dispela narapela meri i toktok long en.
Long dispela taim, Bikpela i wok long soim mi long pasin bilong
mi na mi save olsem mi bin bagarapim bel bilong dispela pasto. Mi
lukim olsem taim mi laik mekim samting long rait bilong mi, dispela
i mekim narapela brata i kisim belhat na tubel na long dispela em mi
mekim sin. Olsem na mi askim dispela pasto long lusim rong bilong
mi, na em i lusim rong bilong mi. Mi hop o gat bikpela tingting olsem,
mi no ken lainim dispela leson gen.
176
Gris bilong Satan
Nogut yumi mekim ol i belhat na tubel
TES BILONG STRONGIM BILIP
Taim aposel Pol i raitim pas i go long ol lain Rom, em i bungim olgeta
tok long bel bilong God wantaim na i tok olsem:
Olsem na yumi mas bihainim olgeta pasin i save mekim yumi
i stap wanbel, na olgeta pasin i save strongim bilip bilong ol
arapela.
—Rom 14:19
Yumi i mas pasim tingting bilong yumi long noken mekim ol
narapela brata long pundaun bikos long pasin bilong yumi long stap
fri. Wanem samting yumi mekim em i ken orait insait long Tok bilong
God tasol yu i mas askim yu yet: Em bai i strongim bilip bilong arapela
o bilong mi yet?
“Olgeta samting i orait long yumi mekim,” tasol i no olgeta samting
i save helpim yumi long i stap gut. “Olgeta samting i orait long
yumi mekim,” tasol i no olgeta samting i save mekim yumi i kamap
strongpela Kristen. Yumi no ken ting long helpim yumi yet. Nogat.
Yumi mas ting long helpim ol arapela.
Olsem na sapos yupela i kaikai na dring o yupela i mekim narapela
samting, yupela i mas mekim dispela olgeta samting bilong givim
biknem long God. Yupela mas ting long ol Juda na ol Grik na ol
manmeri bilong sios bilong God, na yupela i no ken mekim olkain
pasin inap long mekim ol i pundaun long sin. Mi tu, mi save mekim
olgeta samting inap long olgeta man i ken laikim olgeta pasin mi
mekim. Mi no save wok long helpim mi yet. Mi wok long helpim ol
arapela manmeri, bai God i ken kisim bek ol.—1 Korin 10:23-24, 31-33
Mi laik tokim yu olsem yu mas larim Holi Spirit long sekim olgeta
hap insait long laip bilong yu wantaim Tok i stap long buk bilong God.
Yu i mas larim em long soim yu wanem ol hait tingting o samting i
stap long bel bilong yu we bai helpim yu tasol, na bai i no inap long
helpim ol arapela lain. Noken wari long wanem kain laip yu stap long
177
Nogut yumi mekim ol i belhat na tubel
Gris bilong Satan
en, yu i mas holim pasim na kisim wanem kain salens Em i laikim yu
long stap long en olsem wokman bilong olgeta lain.
Yu i mas yusim dispela pasin bilong yu long stap fri long larim ol
arapela i go fri na i no bilong yu long kamapim dispela rait bilong yu
yet. Dispela em i wanpela banis we Pol i save bihainim insait long
ministri bilong em, na em i raitim olsem, “Mipela i no laik ol man bai
tok nogut long dispela wok bilong mipela, olsem na mipela i no save
mekim wanpela samting i save sutim lek bilong ol dispela man na ol
i pundaun” (2 Korin 6:3).
178
MAN HUSAT I NO INAP LONG LUSIM RONG BILONG
ARAPELA, EM I SOIM OLSEM EM YET I LUS TINGTING
PINIS LONG BIKPELA DINAU WE EM I GAT LONG
GOD, TAIM GOD I LUSIM RONG BILONG EM.
Mi bin i gat dispela buk Gris bilong Satan i stap insait long opis bilong
mi we ol buk i save i stap long en olsem mak bilong wanpela yia nau
na wanpela taim mi stat long ritim. Wantu tasol, mi inap long tokaut
stret long wanem kain spirit i wok long stap insait long laip bilong mi.
Mi save tru tru long bel bilong mi olsem, Holi Spirit tasol i mekim mi
long ritim dispela buk. Taim mi wok long ritim i go moa, mi wok long
luksave long wanem samting i stap insait long laip bilong mi. Long
sios bilong mi, pasto bilong mipela i askim mipela sapos sampela
bilong mipela i gat nid long lusim rong bilong ol arapela long ol i
mas i go antap long fran. Mi no wet. Wantu tasol, mi go antap long
alta na lusim rong bilong ol dispela lain husat i bin mekim mi belhat
na tubel na wanpela bilong ol em i papa bilong mi. Bihain, mi askim
papa bilong mi long lusim rong bilong mi na mi amamas olsem em i
lusim rong bilong mi na nau mi stap fri! Tenkyu tru long dispela buk!
—R. P., VIRGINIA
179
Gris bilong Satan
11
PASIN BILONG LUSIM RONG: SAPOS
YU I NO GIVIM—BAI YU NO INAP
KISIM
N
Na sapos yupela i mekim prea na i beten long kisim
wanpela samting, na sapos yupela i bilip tru olsem,
yupela bai i kisim dispela samting, orait mi tokim
yupela, dispela samting bai i kamap olsem yupela i
tok. Taim yupela i sanap na mekim prea, na yupela i
tingim wanpela rong wanpela man i bin mekim long
yupela, orait yupela i mas lusim rong bilong dispela
man. Olsem na Papa bilong yupela i stap long heven
em bai lusim rong bilong yupela.”—Mak 11:24-26
au insait long dispela ol sapta i stap yet, mi laik pulim tingting
bilong yupela i kam bek long wanem pe bai yumi kisim sapos
yumi i les long lusim pasin bilong belhat na tubel na long wanem rot
bai yumi ken i stap fri long em.
Jisas i minim stret wanem samting em i toktok long en, “Tasol
sapos yupela i no lusim rong bilong ol arapela manmeri, orait Papa
bilong yupela i stap long heven em tu bai i no lusim rong bilong
yupela.” Yumi i stap long wanpela kain taim we yumi i no save minim
wanem samting yumi i tok long en. Olsem na long dispela as, yumi
i no save bilipim toktok bilong ol arapela maski taim ol i minim tru
tru wanem samting ol i tok long en. Toktok wanpela man i mekim,
yumi i no save kisim olsem em i trupela tok.
180
Gris bilong Satan
Pasin bilong lusim rong …
Em i save stat long taim yumi liklik pikinini yet. Wanpela papa o
mama i tokim pikinini olsem, “Sapos yu mekim olsem gen, bai mi
paitim yu.” Dispela pikinini i mekim gen na gen na planti moa taim
gen. Taim em mekim gen na gen, papa o mama bilong dispela pikinini
i save mekim wankain toktok yet na planti taim, em i no save paitim
em long lainim em gut. Sapos papa o mama i paitim dispela pikinini,
orait sampela taim em i save paitim em isi tasol na sampela taim em
i save paitim em hat nogut tru bilong wanem, papa o mama i belhat
pinis long toktok long dispela pikinini.
Dispela tupela pasin wantaim i salim wanpela tok tasol i go long
het bilong dispela pikinini olsem yu i no minim wanem samting yu
toktok long en o wanem samting yu toktok long en em i no tru.
Dispela pikinini nau bai i ting olsem, ol bikpela lain i no save tok tru
olgeta taim olsem na em bai paul long wanem taim stret ol bikpela
lain bai mekim tok tru na wanem taim stret bai ol i mekim tok giaman.
Na dispela kain tingting em bai tingim tu long ol arapela lain husat
bai i kam insait long laip bilong em bihain, tu. Em bai i lukim ol tisa,
o poroman, o lida, na ol bos bilong em olsem em i save lukluk long
papa na mama bilong em. Na taim em i kamap olsem bikpela man,
em i gat dispela tingting pinis olsem dispela pasin em i orait long
mekim. Ol toktok bilong em, na ol tok promis bilong em, em bai i no
inap minim tru tru long bel bilong em na em bai i tok.
Bai mi givim yu wanpela eksampel long kain pasin olsem. Jim i
lukim Tom i kam long rot na em i save long Tom na tu, longpela taim
liklik em i no bin lukim tasol em i laik hariap long go long sampela hap.
Olsem na em i tingting long em yet olsem, Aiyo, mi les long lukim
Tom ya. Mi nogat inap taim long toktok wantaim em.
Nau Tom i kam bungim Jim na Jim i tok, “Presim God, brata. Mi
amamas long lukim yu.”
Tupela i toktok long sotpela taim tasol na Jim i tok olsem,
“Mitupela nid long bung na kaikai sampela taim long belo.”
Namba wan samting, Jim i no amamas long lukim Tom bikos em i
181
Pasin bilong lusim rong …
Gris bilong Satan
hariap long go long sampela hap. Namba tu samting, em i no tingim
Bikpela i stap na taim Tom i kam kamap, em i tok, “Preisim God.”
Namba tri samting, em i nogat tingting olsem tru tru em bai i go
kaikai wantaim Tom long wanpela belo taim. Dispela em i wanpela
rot bilong em long stopim toktok bilong tupela hariap na em i ken
i go na tu, em i ken mekim tingting bilong em i stap orait. Olsem
na, insait long dispela ol toktok bilong Jim, em i no minim wanpela
samting em i toktok long en.
Dispela kain samting i save kamap klostu olgeta de. Tude, planti
ol lain i no save minim stret wanem samting ol i toktok long en. Long
dispela as na yumi i save painim hat tru long save olsem ol lain i tok
tru o nogat.
Tasol taim Jisas i toktok, em i laikim yumi long save olsem em i
mekim tok tru. Yumi no ken lukluk long wanem samting Em i toktok
long en i wankaim olsem wanem samting ol arapela lain insait long
laip bilong yumi i save toktok long en. Taim Em i mekim wanpela
tok, Em i save minim na tu, Em i save stap tru long yumi long taim
yumi no save stap tru long Em. Em i save wokabaut insait long pasin
bilong tok tru na stretpela pasin i winim wanem samting kalsa o
sosaiti bilong yumi i wokabaut long en. Olsem na taim Jisas i tok,
“Tasol sapos yupela i no lusim rong bilong ol arapela manmeri, orait
Papa bilong yupela i stap long heven em tu bai i no lusim rong bilong
yupela.” Em i minim stret na i tok.
Long mekim dispela tok bilong em i kamap klia, Em i no toktok
wanpela taim tasol insait long Gutnius, tasol Em i toktok planti taim.
Em i wok long toktok strong long as tru bilong dispela tok lukaut. Bai
yumi lukluk long sampela bilong dispela ol tok em i mekim long wan
wan taim, taim ol samting i wok long kamap:
“Harim. Sapos yupela i lusim rong bilong ol arapela manmeri,
orait Papa bilong yupela long heven em bai i lusim rong bilong
yupela tu. Tasol sapos yupela i no lusim rong bilong ol arapela
182
Gris bilong Satan
Pasin bilong lusim rong …
manmeri, orait Papa bilong yupela em tu bai i no lusim ol rong
bilong yupela.”
—Matyu 6:14-15
Na gen:
Jisas i tok moa olsem, “Yupela i no ken skelim pasin bilong ol
arapela na tok ol i man nogut. Nogut God i mekim wankain
long yupela tu. Yupela i mas lusim sin bilong ol man, na bai
God i lusim sin bilong yupela.”
—Luk 6:37
Na gen insait long beten bilong Bikpela, yumi ritim:
Na yu ken lusim ol rong bilong mipela, olsem mipela i save
lusim ol rong ol arapela i mekim long mipela. —Matyu 6:12
Mi wok long tingting olsem hamaspela Kristen bai i laikim God long
lusim rong bilong ol long wankain rot stret olsem ol i bin lusim rong
bilong ol arapela husat i bin mekim ol i belhat na tubel. Yet, dispela
em i rot we God bai i yusim long lusim rong bilong ol. Bikos, pasin
bilong i no lusim rong bilong ol arapela em i save kamap olgeta taim
insait long sios yumi no save laik long bilipim tok bilong Jisas olsem
em i tru. Em i save kamap planti taim o nogat, tasol dispela tok tru
bai i no inap senis. Long wanem kain rot o we yumi lusim rong bilong
ol arapela, long wankain rot o we tasol bai God i bihainim na mekim
olsem long yumi.
Mi bin harim wanpela narakain testimoni bilong wanpela minista
long Filipins. Ol sampela poroman bilong mi husat i bin save long
dispela man taim em i stap yet long narapela ministri i soim mi,
wanpela stori bilong dispela man i stap long wanpela pepa. Na dispela
stori i toktok long wanem samting dispela man i bin mekim.
Dispela man i bin les na i no bin harim singaut bilong God long
laip bilong em, bilong wanem, em i bin gat wanpela bisnis we i ron
gut tru na em i wokim planti mani. Dispela pasin bilong sakim tok i
mekim na wanpela taim, lewa bilong em i no wok gut na ol i kisim
em hariap i go long haus sik.
183
Pasin bilong lusim rong …
Gris bilong Satan
Em i dai antap long tebol, taim ol dokta i wok long traim long
katim em long en na long dispela taim stret, em i lukim olsem em i
stap autsait long dua bilong heven. Em i lukim Jisas i sanap i stap na
i toktok long em long pasin bilong em long sakim tok. Dispela man i
krai nogut tru na askim Bikpela olsem, sapos em i larim em long stap
laip sampela moa taim, orait em bai mekim wok bilong Bikpela na
Bikpela i tok orait long dispela tok bilong dispela man.
Bipo long em i salim dispela man i go bek long bodi bilong em,
Bikpela i soim em wanpela driman bilong hel. Em i lukim paia i kukim
tambu mama bilong em, em mama bilong meri bilong em. Em i kirap
nogut tru bilong wanem, dispela tambu meri bilong em, i bin mekim
beten bilong ol sin manmeri na em i save tok olsem em i wanpela
Kristen na i save go long lotu. Na dispela man i askim Bikpela olsem,
“Bilong wanem na em i stap long hel?”
Na, Bikpela i tokim em olsem, dispela meri i bin les long lusim
rong bilong wanpela wanblut bilong em, olsem na Bikpela i no inap
long lusim rong bilong em tu.
PASIN BILONG LUSIM RONG NA
GRO INSAIT LONG SPIRIT
Mitupela Lisa i bin lukim planti eksampel bilong dispela kain trap
insait long pasin bilong i no lusim rong bilong ol arapela insait long
ministri bilong mitupela yet. Taim mi bin go long Indonesia long
mekim ministri wok bilong mi long namba wan taim, mi bin stap long
haus bilong wanpela bikpela bisnis man. Dispela bisnis man wantaim
famili bilong em i save go lotu long dispela sios we mi go autim tok
long en, tasol ol i no kisim Jisas long laip bilong ol.
Insait long dispela wik long taim mi bin stap long hap, meri bilong
dispela bisnis man i tanim bel na bihain dispela bisnis man em yet na
bihain ol tripela pikinini bilong tupela, tu. Ol i bin kisim orait bilong
184
Gris bilong Satan
Pasin bilong lusim rong …
ol na i gat bikpela senis insait long haus bilong ol. Bikpela amamas i
pulap insait long haus bilong ol.
Taim ol i bin harim olsem mi bai go bek gen long Indonesia wantaim
meri bilong mi. Ol i askim mipela long i stap wantaim ol na tu, ol i tok
long baim tiket bilong ol tripela pikinini bilong mi wantaim bebi sita.
Mipela kamap long hap na mipela i autim tok long sios bilong ol
olsem tenpela taim olgeta. Mi autim tok long pasin bilong tanim bel
na long presens bilong God. Mipela i pilim presens bilong Bikpela i
stap insait long ol dispela lotu bilong mipela, na lukim planti manmeri
i bel sori na i kamaut long dispela banis bilong kalabus.
Mipela i minista gen long dispela olgeta famili. Mama bilong
dispela bisnis man husat i save stap long dispela biktaun tu, i kam
long olgeta taim mi bin autim tok long en. Em tu i bin givim planti
moni long baim balus tiket bilong ol pikinini.
Klostu long pinis bilong dispela wik bilong mi autim tok long dispela
sios, mama bilong dispela bisnis man i lukluk stret long ai bilong mi
na i askim mi olsem, “Jon, bilong wanem na mi no save pilim olsem
God i stap klostu long mi?”
Mipela i pinis stret long kaikai long moning taim na olgeta lain
i lusim tebol na i kirap i go pinis lusim mi na mama bilong dispela
bisnis man long tebol.
Em i tok, “Mi bin go long olgeta sevis yu bin autim tok long en na
harim gut olgeta samting yu bin toktok long en. Mi bin kam long fran
tu na tanim bel tasol nogat wanpela taim, mi bin pilim olsem God
i stap klostu long mi. I no long dispela taim tasol mi no pilim olsem
God i stap klostu long mi. Olgeta taim mi stap long en, mi save pilim
olsem God i no stap klostu long mi.”
Mi toktok wantaim em longpela taim liklik na mi tokim em olsem,
“Mitupela beten long God bai pulimapim yu wantaim Spirit bilong Em.”
Mi putim han antap long em na beten olsem em bai pulap wantaim
Holi Spirit, tasol mitupela i no pilim olsem God i stap klostu long
dispela taim tu.
185
Pasin bilong lusim rong …
Gris bilong Satan
Na God i toktok long Spirit bilong mi olsem, “Dispela meri i no
lusim rong bilong man bilong em na em i holim i stap insait long bel
bilong em. Tokim em long lusim rong bilong man bilong em.”
Mi rausim han bilong mi antap long han bilong em na mi tokim
em olsem, “Bikpela i soim mi olsem yu no lusim rong bilong man
bilong yu na yu holim long bel bilong yu i stap.” Mi save olsem man
bilong em i dai pinis tasol mi tokim em dispela samting we God i
soim mi long en.
Na em i bekim na i tok, “Yes, mi no bin lusim rong bilong man
bilong mi. Tasol mi bin traim hat tru long lusim rong bilong em.”
Bihain em i tokim mi long ol nogut samting we man bilong en
i save mekim long em. Nau mi ken lukim klia olsem dispela meri i
painim hat tru long lusim rong bilong man bilong em.
Tasol mi tokim em olsem, “Sapos yu laik kisim samting long God,
orait yu mas lusim rong bilong man bilong yu.” Na mi tok klia long
wanem samting Jisas i lainim mipela long Tok bilong En long pasin
bilong lusim rong bilong ol arapela.
“Yu no inap long lusim rong bilong em insait long strong bilong yu
yet. Yu mas karim dispela i go long God na askim God pastaim long
lusim rong bilong yu na bihain yu ken lusim rong bilong man bilong
yu. Yu pilim olsem yu inap long lusim rong bilong man bilong yu, a?”
Mi askim em.
Na em i bekim na i tok, “Yes.”
Mi lidim em i go insait long wanpela isipela prea: “Papa long heven,
long nem bilong Jisas mi askim yu long lusim rong bilong mi long holim
rong bilong man bilong mi na mi no lusim rong bilong em. Bikpela,
mi save olsem mi no inap long lusim rong bilong em wantaim strong
bilong mi yet. Mi traim tasol mi no inap olsem na nau mi kam long
yu na laik lusim rong bilong man bilong mi na mi lusim em i kam bek
long yu wantaim olgeta bel bilong mi. Mi lusim rong em i bin mekim
long mi.”
186
Gris bilong Satan
Pasin bilong lusim rong …
Taim em i mekim dispela ol toktok, aiwara i stat long pundaun i
kam daun long ai bilong em.
“Apim han bilong yu na stat mekim ‘kain kain tok ples’ (o long tok
Inglis ol tok “speaking in tongues”) nau,” mi tokim em olsem.
Em i stat long beten insait long tokples bilong heven stret na
dispela em i namba wan taim em i mekim olsem. Mitupela i pilim
olsem Bikpela i stap klostu tru na hat long mitupela i toktok. Em i krai
i go i go olsem faivpela minit samting. Mitupela i toktok long liklik taim
moa na bihain mi tokim em long amamas insait long presens bilong
Bikpela. Em i wok long beten na lotu i stap yet na mi lusim em na i go.
Taim dispela nius i go kamap long yau bilong pikinini man bilong
em wantaim tambu meri bilong em, tupela i kirap nogut stret. Pikinini
man bilong em i tok olsem, em i no save lukim mama bilong em i
krai olsem.
Na dispela meri em yet tu, i tok olsem, em yet i no inap long tingim
wanem laspela taim em i bin krai. Em i tok, “Taim man bilong mi i
dai, mi no bin krai.”
Long nait sevis long dispela nait yet, dispela meri em i baptais
long wara. Insait long neks tripela de bihain, pes bilong dispela meri
em i lait nogut tru taim em i lap. Mi no inap long tingim long taim
bipo sapos mi bin lukim em i lap olsem. Em i no inap long lusim rong
bilong man bilong em olsem na em i stap insait long dispela kalabus.
Tasol taim em i lusim rong bilong man bilong em, na larim em i go,
em i kisim pawa bilong Bikpela i kam insait long laip bilong em na
em i luksave olsem God i stap klostu long em.
WOK MAN HUSAT I NO LUSIM RONG
Insait long Matyu 18, Jisas i tok klia long pasin bilong stap kalabus
insait long pasin bilong i no lusim rong bilong ol arapela na long holim
belhat na tubel i stap. Em i wok long skulim ol disaipel long wanem
kain rot ol i ken kamapim wanbel wantaim narapela brata bilong ol
187
Pasin bilong lusim rong …
Gris bilong Satan
husat i bin mekim ol i belhat na tubel. (Bihain long narapela sapta,
bai yumi toktok long pasin bilong kamapim wanbel.)
Pita askim, “Bikpela, hamas taim brata bilong mi i ken mekim rong
long mi, na mi mas lusim rong bilong en? Ating inap long sevenpela
taim?” (Matyu 18:21). Em i ting olsem em i mekim gutpela pasin
stret taim em i askim sapos sevenpela taim em i planti taim tumas.
Pita i save laik long mekim ol samting i go abrusim mak stret. Em
tasol i bin tok olsem, “Sapos yu laik, orait mi ken sanapim tripela haus
win, wanpela bilong yu, wanpela bilong Moses na wanpela bilong
Elaija,” antap long dispela mauten taim Moses tupela Elaija i bin kam
kamap long Jisas. (Lukim Matyu 17:4). Nau em i tingting long em yet
olsem em i mekim gutpela toktok stret. Bai mi mekim Masta bilong
mi i amamas long mi, taim mi tok olsem, mi bai lusim rong bilong
brata bilong mi olsem mak bilong sevenpela taim.
Tasol em i kisim wanpela kain bekim we em i no ting olsem em
bai i harim long en. Jisas i rausim dispela tingting bilong Pita we em
i ting olsem em i wanpela gutpela pasin long tok sevenpela taim na
Em i tok: “Mi no tok long yu mas lusim rong bilong en inap sevenpela
taim tasol. Nogat. Mi tok, yu mas lusim inap seventi taims sevenpela
taim” (Matyu 18:21-22). O, yumi ken i tok olsem, lusim rong bilong
ol arapela olsem God i save mekim na bai i nogat mak bilong en
long stop.
Bihain Jisas i givim wanpela tok piksa bilong soim o kliaim gut
wanem samting em i toktok long en.
“Harim. Kingdom bilong heven em i olsem wanpela king, em
i laik bai ol wokboi bilong en i kam stretim wantaim em. Em
i statim wok bilong stretim dinau, na ol i bringim wanpela
man i kam long em, em i gat dinau inap 10 milien kina.
—Matyu 18:23-24
Long klia gut long wanem samting stret Jisas i laik toktok long
en, yumi i mas save wanem samting em i ‘talent’. Talent em i
188
Gris bilong Satan
Pasin bilong lusim rong …
wanpela mak bilong skelim ol samting olsem; gol (2 Sam. 12:30),
silva (1 King 20:39), na ol arapela ain samting we i dia tumas. Insait
long dispela tok piksa, em i makim wanpela dinau ol i no bin bekim
yet, olsem na yumi ken tok olsem, em i wok long toktok long dispela
mak bilong baim na salim kain samting olsem gol na silva. Yumi ken
tok olsem dispela em i tok long gol.
Wanpela talent em i olsem mak bilong seventi-faiv kina.Na
em i mak stret we wanpela man inap long karim long en. (Lukim
2 Kings 5:23). Prais bilong ten tausen talent em bai i olsem 340 194.3
kg o 340.2 tonnes. Olsem na dispela wokboi i gat dinau long gol bilong
king olsem mak bilong 340.2 tonnes.
Prais bilong gol nau, mak bilong en i olsem K750 long 28.3 grams
olsem na prais bilong wanpela talent bilong gol em bai mak olsem
K900 000. Olsem na prais bilong ten tausen talent bilong gol em i
bai olsem K9 bilien. Dispela wokboi i gat dinau long king long mak
bilong K9 bilien!
Jisas i mekim dispela tok piksa long soim olsem dispela wokboi i
gat dinau we em bai no inap long bekim. Yumi lukim:
Tasol em i nogat mani inap long bekim dispela dinau. Olsem na
king i tok long em i mas salim dispela man wantaim meri pikinini
bilong en, bai ol i kamap wokboi nating bilong ol narapela man. Na
ol i mas salim tu olgeta samting bilong en, na long dispela pasin ol i
mas kisim mani bilong bekim dinau. Wokboi i harim dispela tok na
em i brukim skru klostu long lek bilong king na i tokim king olsem,
‘Yu mas sori long mi na wetim mi. Bai mi bekim olgeta dinau mi bin
kisim long yu.’ Na bikman bilong dispela wokboi em i sori long en na
i lusim em, na i lusim dinau bilong en tu.—Matyu 18:25-27
Nau yumi lukim long wanem rot dispela tok piksa i toktok long
pasin bilong belhat na tubel. Taim belhat na tubel i kamap, em i olsem
wanpela dinau i kamap. Ating yu bin harim sampela i bin tok olsem,
“Em bai kisim bilong em.” Wankain olsem, pasin bilong lusim rong em
i wankain olsem pasin bilong bekim dinau.
189
Pasin bilong lusim rong …
Gris bilong Satan
Dispela king em i makim God Papa husat i bin lusim rong bilong
dispela wokboi taim em i bikpela dinau we em i no inap long bekim.
Insait long buk Kolosi 2:13-14 yumi ken lukim, “Bipo yupela i save
mekim ol kain kain rong, na yupela i bihainim pasin bilong olpela bel,
na dispela i kilim yupela i dai. Tasol God i mekim yupela i kisim laip
wantaim Krais, na God i lusim olgeta rong bilong yumi. Lo i bin kotim
yumi na kamapim ol rong bilong yumi, na mekim yumi i stap aninit
long ol tok na strong bilong en. Tasol God i bin rausim olgeta dispela
tok bilong kotim yumi, na em i pinisim strong bilong lo na nilim em
long diwai kros bilong Krais.” 1
Dispela dinau God i bin lusim rong bilong yumi long en, em i hat
tru long yumi i ken bekim. I nogat wanpela rot we yumi inap long
bekim dinau yumi i gat long God. Pasin bilong belhat na tubel em i
bikpela tru olsem na God i givim yumi dispela pasin bilong lusim sin
insait long Jisas. Jisas i baim pinis dinau bilong yumi. Yumi ken lukim
dispela pasin namel long dispela wokboi wantaim king em i kain
olsem rilesensip bilong yumi wantaim God.
“Orait dispela wokboi i go autsait na i lukim wanpela wanwok
bilong en, em i gat dinau long em inap 10 kina tasol. Na em i
holimpas dispela wanwok na i pasim strong nek bilong en, na
i tokim em olsem, “Yu mas bekim olgeta dispela dinau yu bin
kisim long mi!”
—Matyu 18:28
Wanpela denarius em i wankain long pe bilong wanpela wokboi
insait long wanpela de. Olsem na long pe bilong tude, wan handret
denarii em bai mak bilong et tausen kina. Nau yumi ritim moa:
“Wanwok bilong en i harim dispela tok na em i brukim skru na
tokim dispela man olsem, ‘Yu mas sori long mi na wetim mi.
Bai mi bekim dinau mi bin kisim long yu.’ Tasol dispela man
em i no laik. Nogat. Em i go putim wanwok i stap long kalabus
inap em i bekim dinau.
—Matyu 18:29-30
Wanpela bilong ol wanwok bilong em i gat dinau long em long
190
Gris bilong Satan
Pasin bilong lusim rong …
bikpela moni liklik—em i mak olsem wanpela hap bilong tripela hap
(⅓) bilong olgeta pe bilong dispela man insait long wanpela yia. Bai
yu ting olsem wanem sapos yu no kisim wanpela hap bilong tripela
hap (⅓) bilong pe bilong yu? Tasol, tingim, dispela man i gat dinau
long bos bilong em olsem K9 milien na dispela em i planti moni tru
we em i no inap long bekim insait long laip taim bilong em.
Sapos yumi makim dispela ol belhat na tubel bilong yumi wantaim
ol arapela na bilong yumi wantaim God em i kain olsem K8000
wantaim K9 bilien. Ol arapela i ken mekim nogut pasin long yumi,
tasol dispela em i no inap long inapim dispela ol pasin nogut yumi i
save mekim long God.
Yu bai pilim olsem i nogat wanpela i bin kisim dispela kain bagarap
olsem yu kisim, tasol yu i no luksave olsem Jisas i bin go insait long
bikpela bagarap nogut tru i winim dispela bagarap yu kisim long en.
Em i no mekim wanpela rong, kain olsem wanpela sipsip i nogat asua
bilong en na ol i kilim em i dai.
Wanpela man husat i no inap long lusim rong bilong ol arapela i
soim olsem em i lusim tingting pinis long bikpela dinau em i gat long
God na God i bin lusim rong bilong em. Taim yu luksave olsem Jisas
i kisim yu kamaut long dai na long ol kain kain bagarap we i nogat
pinis bilong en, long dispela taim bai yu luksave na lusim rong bilong
ol arapela tu. (Bai yumi toktok long wanem kain rot bilong kisim, taim
yumi go insait long kain pasin insait long sapta tetin (13).)
I nogat wanpela samting em i nogut tru olsem dispela paia we i
nogat pinis bilong en. Bai yu no inap long painim bel isi o malolo, na
ol snek i no save dai, na tu paia i no inap long dai. Dispela em i rot
bilong yumi long i go stap long en bipo long God i lusim ol rong bilong
yumi insait long dai bilong Pikinini Man bilong Em, Jisas Krais, husat i
givim yumi laip i stap oltaim oltaim. Alleluia! Sapos yu painim hat tru
long lusim rong bilong ol arapela, orait, traim long tingim hel paia na
laikim bilong God we i bin sevim yu long go insait long dispela paia.
191
Pasin bilong lusim rong …
Gris bilong Satan
OL SKUL BILONG OL BILIP MANMERI
Yumi stori moa yet long dispela tok piksa;
“Ol arapela wanwok bilong dispela man i lukim dispela pasin
em i mekim na ol i bel nogut tru. Na ol i go tokim bikman
bilong ol long olgeta pasin dispela wokboi i bin mekim. Olsem
na dispela bikman i singautim dispela wokboi na i tokim em
olsem, ‘Yu wokboi nogut. Pastaim yu krai long mi, na mi lusim
olgeta dinau bilong yu. Mi bin sori long yu. Olsem na watpo
yu no sori tu long wanwok bilong yu?’ ” —Matyu 18:31-33
Jisas i no mekim dispela tok piksa long ol manmeri husat i no bilip
long en. Nogat. Em i toktok long ol wokboi bilong king. Dispela man i
gat bikpela dinau we bos bilong em i bin lusim (salvesen o pasin bilong
kisim bek insait long dai bilong Krais) na em i kisim dispela nem olsem
“wokboi” bilong masta o bikman. Narapela wokboi husat em i no inap
lusim rong bilong en, em i “wanwok” bilong em. Olsem na yumi ken
pinisim tok na tok olsem, dispela em i wanem samting bai i kamap
long wanpela bilip man sapos em i no lusim rong bilong ol arapela.
Na bikman bilong en i belhat na i putim em long han bilong ol
man bilong givim pen long em, inap em i bekim olgeta dinau
bilong en. Olsem tasol Papa bilong mi i stap long heven, em bai
i mekim wankain pasin tasol long yupela sapos yupela i no lusim
tru ol rong ol brata i mekim long yupela. —Matyu 18:34-35
Dispela ol ves i gat tripela bikpela as tok bilong en:
1. Dispela wokboi nogut, Em i givim i go long han biong ol man
bilong givim pen long em.
2. Em i mas bekim dispela olgeta dinau em i gat long en: Mak
bilong gol i olsem 340.2 tonnes.
3. God Papa bai i mekim wankain pasin long husat ol bilip man
taim ol i no lusim rong bilong arapela brata bilong ol.
192
Gris bilong Satan
Pasin bilong lusim rong …
1. Dispela wokboi nogut, Em i givim i go long han bilong ol man
bilong givim pen long em.
Diksenari bilong Webster i givim mining bilong dispela tok torture
olsem “givim pen long bodi o tingting” o “givim strongpela pen long
bagarapim man, na pusim em long em i mas mekim samting em i no
laik long mekim o amamas long givim pen nating long man.”
Dispela ol lain husat i save givim pen long ol man em ol spirit
nogut. God i save givim tok orait long ol long givim bikpela pen na
bagarap long bodi na tingting bilong ol bilip manmeri, long laik bilong
ol yet. Planti taim, mi save beten long ol lain insait long sevis husat
i no inap long kisim orait bilong ol, o painim bel isi, o kamaut long
kalabus bilong sin bikos, ol i no inap long lusim rong bilong arapela
wantaim bel bilong ol.
Ol dokta na saintis i bin painimaut olsem pasin bilong i no lusim
rong bilong ol arapela na i gat belhat i stap insait long bel i save
kamapim sampelakain sik olsem arthritis (ol join bilong bun i save
pen) na cancer (solap i save kamap insait long bodi na insait long
bodi, em i save go bikpela hariap). Planti sik bilong het i save kamap
long ol manmeri husat i gat belhat long bel bilong ol na ol i no save
lusim rong bilong ol arapela.
Planti taim yumi save pasim rot bilong ol arapela long pasin bilong
i no lusim rong bilong ol, tasol sampela taim yumi i save pasim rot
bilong yumi yet tu. Jisas i tok olsem, “Sapos yu tingim brata bilong yu
i gat tok long yu, orait yu mas…go pastaim na stretim tok wantaim
brata bilong yu…” (Lukim Matyu 5:23b-24b). Dispela tok ‘brata’ i
makim yu yet tu nau yu ritim buk i stap! Sapos God i lusim rong
bilong yu, orait, yu husat tru na yu i no inap long lusim rong bilong
ol arapela husat God yet i bin lusim rong bilong ol long en, na dispela
em i makim yu tu, yu mas lusim rong bilong yu yet wankain olsem
God i lusim rong bilong yu?
193
Pasin bilong lusim rong …
Gris bilong Satan
2. Dispela wokboi husat i no bin lusim rong bilong wanwok bilong
en, i mas bekim dispela olgeta dinau, em i gat long en.
Em i mas mekim samting we i hat long em i ken mekim. Em i
wankain olsem yumi mas bekim dinau bilong yumi we Jisas i baim
pinis long kalvari. Na taim yumi bekim dispela dinau bilong yumi yet,
em yumi bai lusim laip yumi kisim long Jisas we i stap oltaim oltaim
bikos yumi bekim dinau bilong yumi yet pinis.
“Wet pastaim,” yu bai i tok. “Mi ting olsem taim wanpela man i
mekim beten bilong ol sin man na givim laip bilong em i go long Jisas,
em bai i no inap long lus.”
Sapos yu bilip olsem, orait inap yu traim long kliaim dispela tok
Pita i raitim long en:
Tru, ol i bin kisim save long Jisas Krais, em i Bikpela bilong yumi
na Man bilong kisim bek yumi. Na dispela save i bin helpim ol long
abrusim olgeta pasin doti i stap long graun. Tasol sapos ol i pas gen
long dispela kain pasin na em i kalabusim ol, orait ol bai i stap nogut
tru. Pastaim ol i bin i stap nogut, tasol sapos ol dispela pasin doti i
kalabusim ol i gen, orait ol bai i stap nogut moa moa yet. Mobeta ol
i no bin kisim save long Rot bilong stretpela pasin. Long wanem, nau
ol i save long dispela Rot, na ol i bin kisim lo bilong God yet, tasol ol
i givim baksait pinis long en.—2 Pita 2:20-21
Pita i toktok long ol dispela lain husat i bin ranawe long sin (ol
doti samting bilong dispela graun) taim ol i kisim Jisas Krais long laip
bilong ol. Tasol bihain ol i go pas wantaim sin gen (we yumi ken i tok
olsem em pasin bilong i no lusim rong bilong ol arapela) na dispela i
daunim ol. Taim yumi tok olsem dispela i daunim ol, em i min olsem,
ol i no go bek long Bikpela na tanim bel long dispela sin we ol i min
long mekim. Pita i tok olsem, sapos ol i no save na ol i mekim sin em
i nogut tasol i no nogut tumas. Tasol taim, ol i tanim bel na mekim
gutpela pasin pinis na bihain ol i go bek long pasin bilong dispela
graun na mekim sin, dispela em i nogut tru olgeta. O, yumi ken i tok
olsem, God i tok olsem, em i gutpela moa sapos yu i no tanim bel na
194
Gris bilong Satan
Pasin bilong lusim rong …
kisim presen bilong laip i stap oltaim, oltaim tasol i no gutpela sapos
yu tanim bel na bihain yu tanim na givim baksait long en olgeta.
Na tu buk Jut i toktok long dispela kain lain insait long sios husat i
“dai tupela taim” pinis (Jut 13-13). Long dai tupela taim em i minim
olsem, taim yu i no bin kisim Jisas insait long laip bilong yu yet, yu
bin i dai pinis wanpela taim long sin, na bihain yu kisim laip gen taim
yu kisim Jisas insait long laip bilong yu, na bihain namba tu taim gen
yu dai, taim yu lusim ol gutpela pasin bilong em olgeta.
Yumi bai i lukim olsem, planti bai i kam long Jisas long traim long
soim Em olsem ol i stretpela lain na bai ol i tok, “Bikpela, Bikpela,
mipela i bin mekim wok profet long nem bilong yu. Long nem bilong
yu mipela i bin rausim ol spirit nogut. Long nem bilong yu mipela i
bin wokim planti mirakel. Na long dispela taim mi bai tokaut long ol
olsem, “Mi no save liklik long yupela. Yupela ol man bilong mekim
pasin nogut, yupela klia long mi.” (Matyu 7:22-23). Ol i save long Em
na ol i save singaut Bikpela na mekim ol mirakel long nem bilong Em
tasol Em i no save long ol.
Husat tru bai Jisas i save? Aposel Pol i bin raitim olsem, “Tasol
sapos wanpela man i givim bel bilong em long God, orait God i save
tru long dispela man” (1 Korin 8:3). God i save long dispela ol lain
husat i save laikim em.
Yu ken tok olsem, “Mi laikim God tasol mi no laikim dispela brata
husat i mekim nogut long mi.” Long dispela pasin, em yu giamanim
yu yet na yu no laikim God olsem Tok i stap olsem, “Sapos wanpela
man i tok, ‘Mi laikim tru God,’ tasol em i no laikim wanpela bilong
ol arapela manmeri bilong God, orait dispela man em i man bilong
giaman” (1 Jon 4:20). Pasin bilong giaman em i wanpela samting
nogut tru bilong wanem, man husat i save giamanim em yeti save
gat bilip long bel bilong em olsem em i rait. Em i save bilip olsem
em i go long wanpela rot tasol nogat, tru tru em i go long narapela
rot olgeta. Man husat i save les long harim Tok bilong God i save
giamanim bel bilong em yet.
195
Pasin bilong lusim rong …
Gris bilong Satan
Em i wanpela narakain samting stret taim “planti” bai ting olsem
ol bai i go long heven tasol nogat, Jisas bai i rausim ol long heven.
Na tu Jisas i tok olsem planti bai belhat na tubel insait long las de
(Matyu 24:10). Ating dispela tupela grup i makim dispela ol lain tasol,
a?
Sampela ol bilip manmeri i save pilim pen stret long lusim rong
bilong ol arapela olsem na ol i save laik long ol i ken dai na dispela
i ken givim ol bel isi. Tasol dispela em i no tru. Nau em i taim bilong
yumi long traim hat na lusim rong bilong ol arapela na sapos nogat,
em bai yumi baim dispela dinau we yumi no inap long bekim.
3. God Papa bai i mekim wankain samting sapos wanpela bilip man
i no lusim rong bilong arapela wantaim olgeta bel bilong em—na
dispela i no makim sais bilong dispela bel hevi o belhat na tubel.
Jisas i tok stret long mekim yumi mas klia gut long dispela tok
piksa em i givim. Insait long ol planti tok piksa we Jisas i givim long
en, Em i no save tokaut stret long mining bilong dispela ol tok piksa
inap ol disaipel bilong Em yet i askim na em i save tokaut. Tasol insait
long dispela tok piksa, Em i no laik harim wanpela askim i kam long
sait bilong kot bilong ol dispela lain husat i les long lusim rong bilong
ol arapela.
Long ol arapela toktok bilong Jisas tu, em i mekim tok klia olsem,
sapos yumi no lusim rong bilong ol arapela, orait em bai i no inap
lusim rong bilong yumi tu. Yu mas tingim olsem, em i no wankain
olsem yumi. Em i save minim wanem samting Em i toktok long em.
Planti taim insait long sios, yu bai i no inap long painim dispela
kain pasin bilong lusim rong bilong ol arapela. Tasol bai yu painim,
olsem planti i save givim kainkain tingting bilong strongim dispela
pasin bilong ol long bilong wanem stret ol i no lusim rong bilong ol
arapela. Planti taim, ol lain i save ting olsem pasin bilong i no lusim
rong bilong ol arapela em i liklik sin na i no bikpela olsem pasin bilong
man i slip wantaim man or meri i slip wantaim meri o pasin bilong
196
Gris bilong Satan
Pasin bilong lusim rong …
pamuk na stil o dring bia na spak na narapela kain ol bikpela sin.
Tasol ol lain husat i mekim dispela kain pasin, ol bai i no inap kisim
kingdom bilong God wankain olsem dispela ol arapela lain husat i
mekim dispela ol arapela sin.
Sampela lain bai lukim dispela tok olsem wanpela hatpela tok
stret, tasol mi lukim dispela tok olsem em tok bilong marimari na tok
lukaut, na i no bilong kotim ol lain. Bai yu laik long harim Holi Spirit i
nau kam tokim yu long tanim bel na lusim rong bilong ol arapela na
kisim laip i stap oltaim, oltaim? O, bai yu les long lusim rong bilong ol
arapela na bihain harim Masta i tok, “Klia long pes bilong mi,” long
taim em i leit pinis long yu inap long tanim bel.
197
YUMI MAS STAP LONGWE LONG PASIN BILONG
BEKIM BEK NOGUT OL ARAPELA I MEKIM. MASKI
SAPOS DISPELA I MEKIM OL ARAPELA LONG ISI TRU
LONG KAM, NA MEKIM NOGUT LONG YUMI.
Mi tok tenkyu long God long yu harim nek bilong Em na raitim dispela
buk Gris bilong Satan. Dispela buk i pulap wantaim strong bilong Holi
Spirit na Spirit bilong Bikpela i wok strong insait long mi long olgeta
taim, taim mi wok long ritim dispela buk i stap. Mi bin ritim dispela
bukinsait long sampela de tasol. Na dispela buk i bin senisim laip
bilong mi olgeta. Mi i stap fri long kalabus bilong bel hevi na tubel
na bai mi wok yet long eksasaisim bel, tingting na pasin bilong mi
long stap fri long dispela ol samting.
—L. M., SOUTH CAROLINA
198
Gris bilong Satan
12
PASIN BILONG BEKIM BEK:
DISPELA TRAP
Sapos ol i mekim pasin nogut long yupela, orait
yupela i no ken bekim pasin nogut long ol. Nogat.
Oltaim yupela i mas tingting long mekim pasin i
gutpela long ai bilong olgeta man.—Rom 12:17
O
lsem yumi lukim klia pinis insait long laspela sapta olsem, taim
yumi holim dispela pasin bilong belhat na tubel na i no lusim
rong bilong ol arapela em i wankain olsem yumi holim dinau bilong
ol arapela. Taim wanpela man i mekim rong long narapela man, em
i save bilip olsem dispela man i gat dinau long em. Em bai i wetim
dispela man long kam bekim bek dispela dinau long sampela kain rot,
olsem long givim moni o sampela kain samting olsem.
Dispela kot sistem bilong yumi i save stap long banisim yumi na
helpim yumi taim ol i mekim rong long yumi o taim ol lain i kisim
bagarap long han bilong ol narapela lain. Taim ol lain i go long kot,
ol i save traim long stretim ol dinau bilong ol. Taim wanpela man i
bagarapim narapela man, kot bilong yumi man i save tok olsem, “Ol
bai i sanap long kot long wanem samting ol i mekim na bai bekim
199
Pasin bilong bekim bek …
Gris bilong Satan
sapos ol i painimaut olsem ol i wokim rong.” Dispela wokboi husat i
no bin lusim rong bilong narapela wanwok bilong em, i laikim dispela
wanwok bilong em long bekim dinau em i gat long em. Olsem na em
i go long kot bai dispela wanwok bilong em i ken givim kompensesen
long em olsem lo i makim long en. Dispela em i no we bilong mekim
stretpela pasin.
Ol pren tru bilong mi, yupela i no ken bekim rong ol i mekim
long yupela. Yupela i mas larim God i belhat long ol. Yupela i
save, buk bilong God i gat tok olsem, “Bekim rong, em i wok
bilong mi. Mi yet bai mi bekim rong bilong ol na mekim save
long ol,” em Bikpela i tok olsem.
—Rom 12:19
Em i no stretpela pasin long yumi ol pikinini bilong God, long
bekim rong ol arapela i mekim long yumi. Tasol, yumi i save mekim
olsem taim yumi i no lusim rong bilong arapela. Yumi i save bel kirap
na traim long plenim na painim we bilong mekim kamap dispela
pasin bilong bekim bek rong bilong ol arapela. Bai yumi no inap long
lusim rong bilong ol arapela i go inap ol i bekim olgeta dinau ol i gat
long yumi. Na yumi yet bai i makim wanem kain kompensesen em
i gutpela long ol i ken mekim. Taim yumi traim long painim rot long
stretim dispela ol rong ol narapela i mekim long yumi, yumi mekim
yumi yet i kamap olsem ol jas. Tasol yumi save:
God wanpela tasol i kamapim lo, na em tasol i stap jas.
Em wanpela tasol inap long kisim bek ol manmeri na long
bagarapim ol. Olsem na yu husat na yu sutim tok long ol
arapela manmeri? Ol brata, yupela i no ken kros long ol arapela
manmeri bilong God na tok baksait long ol. Nogut God i kamap
olsem jas na i kotim yupela. Harim. Dispela jas i sanap i stap
autsait long dua!
—Jems 4:12; 5:9
God em dispela stretpela jas olsem na em tasol bai jasim man
long stretpela rot na em bai i bekim bek rong bilong ol man long
200
Gris bilong Satan
Pasin bilong bekim bek …
stretpela pasin tu. Sapos wanpela man i mekim rong na bihain em i
tanim bel tru, orait wok bilong Jisas antap long kalvari bai i rausim
dispela olgeta dinau bilong dispela man.
Yu ken i tok olsem, “Tasol dispela rong em i wokim long mi, em i
no mekim long Jisas!”
Yes, tasol yu i no luksave long wanem rong yu mekim long Jisas.
Em i no mekim wanpela rong tasol ol i kotim em nating na kilim em i
dai. Wanwan bilong yumi i bin brukim ol lo bilong God pinis na dispela
ol lo bilong God, ol i antap moa long ol lo bilong dispela graun. Yumi
olgeta i mas go long kot na kisim pe bilong dai long han bilong dispela
kot i antap olgeta sapos yumi laikim jastis long kamap.
Ating yu i no mekim wanpela samting long kamapim rong we
arapela i mekim long yu. Tasol, sapos yu i traim long skelim wanem
samting ol i mekim long yu na wanem samting God i bin mekim long
lusim rong bilong yu, bai yu lukim olsem, i nogat samting bilong skelim
tupela i stap. Em i no inap long putim wanpela mak long wanem dinau
yu gat long en! Sapos yu pilim olsem ol i bin giamanim yu, orait i luk
olsem yu lusim tingting pinis long dispela marimari God i soim long yu.
NOGAT PLES BILONG GAT BEL NOGUT
Aninit long kontrak bilong olpela testamen, sapos yu mekim wanpela
rong long mi, orait lo i givim mi tok orait long mekim wankain pasin
long yu. Ol i kisim tok orait long i go na kisim ol dinau we ol narapela
i kisim long ol, na mekim nogut long dispela man husat i bin mekim
nogut long ol. (Lukim Wok Pris 24:23-25.) Lo em i bikpela samting
bilong wanem, Jisas i no dai yet long larim ol manmeri i go fri long
kalabus bilong lo.
Lukim wanem rot em i yusim long toktok long ol bilip manmeri
bilong nupela kontrak.
Jisas i tok moa olsem, “Yupela i harim pinis bipo ol i bin tok
olsem, ‘Sapos wanpela i bagarapim ai bilong narapela man,
201
Pasin bilong bekim bek …
Gris bilong Satan
orait yupela i mas bagarapim ai bilong en. Na sapos wanpela
man i brukim tit bilong narapela man, orait yupela i mas brukim
tit bilong en.’ Tasol mi tokim yupela olsem, yupela i no ken
bekim rong long man i mekim nogut long yupela. Nogat. Sapos
wanpela man i solapim wanpela wasket bilong yu, orait yu
mas tanim narapela wasket tu i go long em. Na sapos wanpela
man i laik kotim yu na kisim siot bilong yu, orait yu mas givim
longpela klos bilong yu tu long em. Na sapos wanpela man i
strong long yu mas karim kago bilong en i go inap wan kilomita,
orait yu mas karim kago i go inap tu kilomita. Sapos wanpela
man i askim yu long givim wanpela samting long em, orait yu
mas givim. Na sapos man i laik dinau long yu, orait yu no ken
givim baksait long em.”
—Matyu 5:38-42
Jisas i rausim pinis olgeta rot bilong gat bel hevi o tubel o bel
nogut. Tru tru em i tok olsem pasin bilong yumi i mas i stap longwe
tru long pasin bilong bekim rong ol arapela i wokim long yumi. Na
long dispela rot, yumi ken larim ol arapela i mekim yet rong long
yumi na yumi i no inap traim long bekim rong bilong ol.
Taim yumi save traim long stretim wanpela rong we ol arapela i
mekim long yumi, yumi wok long mekim yumi yet i kamap olsem ol
jas. Dispela wokboi husat i no lusim rong bilong narapela wanwok
bilong en insait long buk bilong Matyu 18 i mekim dispela pasin taim
em i putim wanwok bilong em long kalabus. Tasol bihain, dispela
wokboi husat i no lusim rong bilong arapela, ol kisim em na givim
em long han bilong ol lain husat i save givim skin pen na bagarapim
ol man husat i save bikhet na ol i salim ol femili bilong em, inap long
taim em inap long bekim olgeta dinau bilong em long king.
Yumi mas larim na givim spes long dispela stretpela Jas husat i
save givim gut pe long ol man long mak we ol inap long kisim long
en, na em tasol inap long bekim bek pe wantaim stretpela pasin.
Mi bin autim tok long pasin bilong belhat na tubel long wanpela
202
Gris bilong Satan
Pasin bilong bekim bek …
sios long ples Tampa, Florida. Bihain wanpela meri i kam long mi na i
tokim mi olsem, em i lusim olgeta rong we man em i bin marit long en
bipo i bin mekim long em. Tasol taim em i wok long harim mi toktok
long pasin bilong lusim rong bilong ol arapela, em i luksave olsem em
i nogat dispela bel isi insait long bel bilong em na em i no pilim gut.
Mi tok isi long em olsem, “Yu no lusim rong bilong em yet.”
Na em i tok, “Yes, mi bin krai nogut tru na lusim rong bilong em.”
“Em i tru olsem yu i bin krai tasol tru tru yu i no bin lusim rong
bilong em yet.”
Dispela meri i strong yet olsem em i bin lusim rong bilong man
bilong em pinis.
Na em i tok, “Mi no laikim wanpela samting long em moa, mi
lusim rong bilong em pinis.”
Mi askim em, “Tokim mi, em i bin mekim wanem samting long yu.”
Na dispela meri i tok, “Mi na man bilong mi i bin stap pasto bilong
wanpela sios na em i bin lusim mi wantaim tripela pikinini man bilong
mitupela na ranawe wantaim wanpela lida meri insait long dispela
sios we mipela i bin stap long en.” Em i toktok yet na aiwara i pulap
long ai bilong en na em i tok olsem, “Em i tok olsem em i no painim
God, em i abrusim Em, taim em i maritim mi. Em i tok olsem, em i laik
na plen bilong God stret long em i mas maritim dispela meri we em i
ranawe i go wantaim. Em i tokim mi olsem dispela meri, em i olsem
wanpela blesing long em insait long ministri bikos em i save sapotim
em long wok ministri bilong em. Na mi i olsem wanpela samting we
i save pasim wok ministri bilong em olsem na em i no laikim mi moa.
Em i putim olgeta hevi bilong marit bilong mitupela antap long mi
na em i no bin tok olsem hap em i asua bilong em, tu.”
Dispela man i bin stap long pasin bilong giaman na i bin mekim
bikpela rong stret long meri bilong en wantaim ol famili bilong en.
Dispela meri i bin kisim bikpela hevi stret long han bilong man bilong
em long wanem ol samting dispela man i bin mekim long en, olsem
203
Pasin bilong bekim bek …
Gris bilong Satan
na dispela meri i wetim em long kam bek na bekim bek dispela dinau.
Dispela dinau i no bilong em long lukautim meri o ol pikinini bilong
em long sait bilong moni bikos nupela man bilong dispela meri i wok
long lukautim em na ol pikinini bilong em. Tasol, dispela dinau em
bilong olpela man bilong em long kam bek long en na tokaut stret
olsem em i bin mekim rong na dispela meri i bin rait.
Mi tokaut stret long em olsem, “Yu bai i no inap long lusim rong
bilong em i go inap long taim em i kam bek long yu na tokim yu olsem
em i mekim rong, na em i asua bilong em na i no bilong yu. Na bihain,
em i mas askim yu long lusim rong bilong em. Dispela samting tasol
i wok long kalabusim yu i stap.”
Sapos Jisas i bin wetim mipela long go long em na tok sori olsem,
“Mipela i rong na yu bin rait olsem na lusim rong bilong mipela,” Ating
em bai no inap long lusim rong bilong yumi antap long diwai kros.
Tasol, taim em i hangamap antap long diwai kros, em i bin singaut
na i tok, “Papa, yu ken lusim rong bilong ol. Ol i no save long dispela
samting ol i mekim” (Luk 23:34). Em i lusim rong bilong yumi bipo
long yumi yet i go long em na tok sori na tokaut long wanem kain
ol belhat na tubel yumi bin i gat long en. Aposel Pol i toktok strong
long yumi olsem: “Bikpela em i lusim pinis sin bilong yupela, na olsem
tasol yupela tu i mas lusim sin bilong ol arapela” (Kolosi 3:13b). Na
“Yupela i mas mekim gutpela pasin long ol arapela Kristen na givim
bel bilong yupela long ol. Yupela i mas lusim sin bilong ol, olsem God
i lusim sin bilong yupela long nem bilong Krais” (Efesus 4:32).
Taim mi tokim dispela meri olsem, “Yu bai i no inap long lusim
rong bilong em i go inap long taim em i kam na tok, ‘mi bin mekim
rong—yu bin rait,’ ” na aiwara i kam daun long pes bilong em. Wanem
samting em i laikim long em i luk olsem em i liklik samting tasol, taim
yu lukluk long olgeta pen we dispela olpela man bilong em i bin givim
em na ol pikinini. Tasol em i stap insait long kalabus bilong laikim
stretpela pasin i mas kamap insait long dispela hevi. Em i bin mekim
em yet i kamap olsem wanpela jas, na i laikim olsem stretpela pasin
204
Gris bilong Satan
Pasin bilong bekim bek …
i mas kamap. Long dispela as, na em i wetim dispela olpela man
bilong em long kam na bekim dinau bilong en. Dispela pasin bilong
belhat na tubel i mekim na pasim em long i gat gutpela rilesensip
wantaim nupela man bilong en na tu wantaim ol arapela man husat
i stap olsem bos bilong em, bilong wanem, olpela man bilong em i
bin stap olsem pasto bilong em tu, bipo.
Planti taim Jisas i save tok olsem, bel bilong yumi em i olsem
graun na yumi i mas stap insait long laikim bilong God olsem sit kaikai
bilong Tok bilong God i ken gro na karim kaikai insait long laip yumi
na bai yumi ken wokabaut insait long stretpela pasin oltaim. Dispela
pikinini kaikai em i kaikai bilong mekim ol gutpela pasin olsem, pasin
bilong laikim tru ol arapela na pasin bilong amamas na pasin bilong
i stap bel isi na pasin bilong i no belhat kwik na pasin bilong helpim
ol man na mekim gutpela pasin long ol na pasin bilong wokabaut
stret oltaim na pasin bilong i stap bel isi na pasin bilong daunim laik
bilong olpela bel. (Lukim Galesia 5:22-23.)
Tasol graun inap tasol long kamapim wanem samting yu planim
insait long em. Sapos yumi planim sit bilong dinau, i no lusim rong
bilong ol arapelao belhat na tubel, orait narapela kain pikinini diwai
bai i kamap long ples bilong laikim bilong God. Dispela diwai em bai
i karim kaikai i gat ‘pait’ long en.
Francis Frangipane i givim wanpela gutpela mining bilong dispela
tok ‘pait’ o ‘bitterness.’ “Bitterness em i pasin bilong i gat strongpela
tingting bilong bekim bek rong we yu i no pinisim laik bilong yu long
inapim yet.” 1 Em i save kamap taim pasin bilong bekim bek i no
kamap long dispela mak we yumi laikim long en.
Dispela man husat i bin raitim buk bilong Hibru i toktok long
dispela samting.
Yupela i mas wok strong long bihainim pasin bilong sindaun gut
na stap bel isi wantaim olgeta man. Na yupela i mas wok strong
long givim laip bilong yupela long God na bihainim pasin holi bilong
God. Man i nogat pasin bilong God, em bai i no inap lukim Bikpela.
205
Pasin bilong bekim bek …
Gris bilong Satan
Yupela i mas was gut, nogut wanpela bilong yupela i pundaun na i
lusim marimari bilong God. Na nogut wanpela bilong yupela i kamap
olsem diwai i karim kaikai i gat pait, na em i givm hevi long yupela
na mekim yupela i kamap doti long ai bilong God.—Hibru 12:14-15
Lukim dispela tok “Yupela i kamap doti long ai bilong God.” Ating
dispela em ol “lain” we Jisas i tok olsem ol bai i belhat na tubel insait
long las de. (Lukim Matyu 24:10.)
Bitterness em i olsem as bilong dispela kaikai bilong diwai, we i gat
pait bilong en. Sapos yu lukautim na givim wara na kaikai na banisim
em gut, orait, em bai i kamap bikpela na strong olgeta. Sapos yu i
no rausim em hariap, orait as bilong em bai i go daun olgeta long
graun na bai yu painim hat tru long kamautim em. Na strong bilong
pasin bilong belhat na tubel bai i gro i go bikpela olgeta. Yumi mas
strong long no ken holim belhat i stap yet na san i go daun. (Lukim
Efesus 4:26.) Yumi ting olsem bai yumi rausim kaikai bilong stretpela
tasol bai yumi lukim kaikai bilong belhat, tubel, belhevi, kros na pait,
jeles o ting nogut, bel nogut na bai i nogat wanbel i kamap. Jisas i tok
long dispela kain kaikai olsem kaikai nogut. (Lukim Matyu 7:19-20.)
Baibel i tok olsem wanpela man husat i no laik kisim bel isi na lusim
pasin bilong belhat na tubel, isi isi em bai i kisim bikpela bagarap.
Wanem samting i gutpela i stap long en bai i bagarap bikos long pasin
bilong i no lusim rong bilong ol arapela.
MAN HUSAT I KEN KAMAP KING I KISIM BAGARAP
Long stat bilong dispela buk, yumi lukluk long wanem rot na Devit
i stap trupela poro bilong King Sol maski taim Sol i no stap poro tru
bilong em. Devit i bin gat sans long bekim bek pasin Sol i mekim long
em tupela taim tasol em i no mekim olsem. Devit em i wanpela man
husat i save bihainim lewa bilong God stret. Olsem na em i larim God
long kamap olsem jas namel long em na Sol. Na taim God i bringim
jasmen i kam antap long Sol, Devit i no bin amamas. Em i krai na sori
long Sol bilong wanem, em i nogat wanpela bel kros wantaim em.
206
Gris bilong Satan
Pasin bilong bekim bek …
Bihain long dai bilong Sol, Devit i kisim sia king na kamap king.
Em i strongim kantri Israel, na sindaun amamas long strong bilong
ami bilong em na em i no sot long mani, nogat tru, em i holim strong
dispela sia king. Em i bn maritim planti meri na ol i karim planti pikinini
man bilong em, wanpela bilong ol em i Amnon, bikpela pikinini man
bilong em, na Apsalom, namba tri pikinini man bilong em.
Pikinini man bilong Devit, Amnon i mekim nogut pasin stret long
hap susa bilong em Tamar, husat i susa tru bilong Apsalom. Em i
giaman na i tok olsem em i sik olsem na em i askim papa bilong em
long salim hap susa bilong em long karim kaikai i kam na givim em.
Taim Tamar i karim kaikai i kam, em i tokim ol wokboi bilong en long
i go autsait long rum na em i fosim Tamar na slip wantaim em. Taim
em i mekim dispela pinis, em i les long lukim Tamar olsem na em i
tokim ol wokboi long kam rausim em i go longwe long pes bilong en.
Em i bin bagarapim wanpela pikinini meri bilong king husat i no slip
yet wantaim man, na dispela i pulapim Tamar wantaim sem na laip
bilong en i bagarap olgeta. (Lukim 2 Samuel 13.)
Apsalom i kisim susa bilong em i go long haus bilong en na
lukautim em na em i no mekim wanpela toktok long brata bilong en
Amnon long dispela hevi. Tasol em i bel nogut tru long Amnon long
bagarapim susa bilong en.
Apsalom i ting olsem papa bilong em Devit bai i mekim save long
hap brata bilong em. Tasol taim King Devit i harim dispela pasin nogut
we Amnon i bin mekim long Tamar, em i belhat nogut tru tasol em
i no mekim wanpela samting long Amnon. Apsalom i belhat nogut
tru olsem papa bilong em i no mekim wanpela samting long Amnon.
Pastaim Tamar i bin putim ol klos bilong ol pikinini meri bilong
king husat i no slip wantaim man yet, tasol nau em i stap long sem.
Em i mas wanpela naispela meri stret na planti lain i mas gat gutpela
tingting long em. Nau em i stap long ples hait na em i no inap long
marit bilong wanem, em i slip wantaim man pinis taim em i no marit
yet.
207
Pasin bilong bekim bek …
Gris bilong Satan
Em i no stretpela pasin. Em i go long lukim Amnon bilong wanem,
king i tokim em long mekim olsem na Amnon i slip wantaim em.
Gutpela laip bilong em i pinis nau, na dispela man husat i mekim
dispela pasin nogut long em, i stap olsem nogat wanpela samting
i bin kamap. Tamar i karim dispela olgeta hevi na laip bilong em i
kamap rabis nating.
Olgeta de, Apsalom i save lukim susa bilong em i wok long stap
long sori. Dispela laip we ol pikinini meri bilong king i save gat we i
pulap wantaim amamas na stap long en nau Tamar i nogat, dispelai
kamap olsem wanpela driman nogut. Apsalom i wetim papa bilong
en long mekim sampela samting long Amnon na wanpela yia i go na
Devit i no mekim wanpela samting. Apsalom i belhat na tubel long
papa bilong en na em i les tru long dispela brata bilong em, Amnon.
Bihain long tupela yia, dispela bel nogut bilong en long Amnon i
mekim na em i wok long tingting long kilim Amnon. Bai mi bekim bek
wanem samting Amnon i mekim long susa bilong mi, bilong wanem
ol lain husat i bosman i no tingting long mekim wanpela samting.
Apsalom ating i wok long tingting olsem.
Em i mekim wanpela bikpela kaikai bilong olgeta pikinini man
bilong king long kam na kaikai. Taim Amnon i no ting olsem wanpela
samting bai i kamap, orait Apsalom i kirap na kilim em i dai. Bihain
long Apsalom i kilim Amnon, orait em i ranawe i go long kantri Gesur.
Tasol taim em i stap longwe long haus bilong king, dispela belhat na
tubel em i gat long papa bilong em i kamap strong nogut tru long
bel bilong em olsem paia i kukim em.
Apsalom i wok long tingting nogut na kisim bel hevi na tubel moa
yet. Em i kamap olsem wanpela man bilong was gut na painim olgeta
rong bilong Devit bilong em i ken yusim bihain long bagarapim Devit.
Tasol insait tru tru long bel bilong en, em i wok long tingting olsem
papa bilong em i mas singautim em long kam bek tasol Devit i no
mekim olsem. Na dispela i mekim em i belhat nogut tru.
Ating dispela em ol tingting bilong em long dispela taim: Planti ol
208
Gris bilong Satan
Pasin bilong bekim bek …
lain i save apim nem bilong papa tasol ai bilong ol i pas long dispela
ol tru tru pasin bilong em. Em i save yusim God long karamapim ol
pasin bilong em long tingim em yet tasol. Man, ol pasin bilong em i
nogut tru na i winimol pasin we Sol i bin mekim. Sol i lusim sia king
bilong em, taim em i no kilim king bilong ol Amalek na tu ol sipsisp na
bulmakau bilong ol. Tasol, papa bilong mi i bin mekim pasin pamuk
taim em i kisim meri bilong wanpela bikman bilong ami bilong em,
husat i save harim toktok bilong em na bihainim em. Na bihain em i
kilim dispela man bilong haitim sin bilong em. Em i man bilong wokim
pasin pamuk na kilim man i dai—olsem na em i no mekim save long
Amnon! Na em i karamapim dispela olgeta samting wantaim giaman
pasin bilong lotu long God.
Apsalom i stap tripela yia long kantri Gesur. Devit i kisim bel isi long
dispela pen bilong lusim pikinini man bilong em Amnon, na sampela
taim bihain, Joab i tokim em olsem em i mas kisim pikinini man bilong
em, Apsalom i kam bek long haus bilong em. Tasol Devit i les tru long
lukim pes bilong Apsalom olsem na tupela yia moa i kam i go bipo
long Devit i kisim bek Apsalom i kam bek na givim em gen olgeta
rait bilong em olsem pikinini bilong king. Tasol dispela ol belhat na
tubel insait long bel bilong Apsalom long Devit em i stap strong yet.
Apsalom em i wanpela fit man long haitim tru tru bel bilong em
bai ol lain i no inap lukim olsem em i belhat na tubel o nogat. Bipo
long em i kilim Amnon, “Apsalom i no toktok wantaim Amnon long
wanpela samting” (2 Samuel 13:22). Planti ol lain i save haitim belhat
na tubel bilong ol wankain olsem Apsalom i bin mekim long en.
Insait long dispela pasin bilong em long belhat na tubel, em i stat
long pulim ol lain husat i gat wari na tubel insait long laip bilong ol
i kam long en. Em i wok long givim taim bilong em i go long ol lain
Israel long harim ol i autim bel hevi bilong ol long em. Na mekim ol
tok sori long ol na tokim ol olsem, sapos em i stap olsem king bai ol
samting i narakain. Em i wok long kamap olsem jas bilong ol bilong
wanem, i luk olsem king i nogat taim long mekim dispela wok. Ating
209
Pasin bilong bekim bek …
Gris bilong Satan
Apsalom i mekim dispela wok olsem jas bilong wanem, em i pilim
olsem, nogat man i bin harim gut hevi bilong em na helpim em.
I luk olsem, em i wok long wari tumas long ol manmeri. Baibel i
tok olsem, Apsalom i stilim bel bilong ol lain Israel long papa bilong
em Devit. Tasol tru tru, em i wari long ol, o em i wok long painim rot
bilong rausim papa bilong em, Devit long sia king bilong em bikos
em i bin mekim em i belhat na tubel?
MAN HUSAT I GAT PLANTI SAVE LONG
MEKIM RONG
Apsalom i pulim ol lain Israel long bihainim em na em i birua long
Devit. King Devit i tingim laip bilong em nalusim Jerusalem na ranawe.
Long dispela taim, i luk olsem, Apsalom bai i kamap king. Devit i bin
givim tok long ol soldia bilong en long noken kilim Apsalom tasol ol
i kilim em i dai.
Tru tru em i olsem, Apsalom i bin dai bikos long pasin bilong belhat
na tubel insait long laip bilong em. Dispela man husat i gat planti
gutpela save na inap long kamap olsem king bihain i bin dai taim em
yangpela yet, bilong wanem, em i no inap long lusim rong em i bin
ting olsem papa bilong em i bin mekim long em na em i mas bekim
dinau long em. Olsem na em yet i kisim bikpela bagarap.
Planti taim ol lain husat i save wok aninit long ol lida bilong sios,
i save belhat na tubel long dispela ol lida ol i wok aninit long en. Na
ol i save kamap ol lain husat i save skelim gut olgeta pasin bilong ol
lida bilong ol na traim long painim olgeta asua ol i mekim o taim ol
lida bilong ol i makim ol narapela long mekim wok. Ol i save traim
long painim asua insait long dispela samting lida i laik mekim. Ol i
save belhat na tubel na ol i no inap lukim gut ol samting wantaim
spirit ai bilong ol. Ol i save lukim ol samting long narapela sait stret
na i no long rot we God i lukim ol samting long en.
Ol i save bilip olsem wok bilong ol long laip, em bilong rausim ol
210
Gris bilong Satan
Pasin bilong bekim bek …
lain husat i stap aninit long ol lida husat i save mekim ol kranki pasin.
Ol i save winim bel bilong dispela ol lain husat i gat wari na tubel na
bel hevi na i no longtaim na pasin ol i mekim i save brukim ol sios
o ministri i go tupela hap. Dispela i wankain olsem pasin Apsalom i
bin mekim.
Sampela taim lukluk bilong ol em i stret, kain olsem, ating Devit
inap long mekim save long Amnon long wanem pasin em i mekim
long en tasol em i no bin mekim olsem. Ating ol lida tu i gat sampela
hap insait long laip bilong ol i gat rong i stap. Husat em i jas—yu o
Bikpela? Yu i mas tingim olsem, sapos yu planim bikhet pasin, bai yu
kamautim dispela.
Wanem samting i kamap long Apsalom na wanem samting i save
kamap long ol ministri bilong yumi long tude, em i wanpela rot we i
save kisim taim long kamap. Planti taim, yumi i no save olsem belhevi
na tubel i stap pinis long bel bilong yumi. Yu i no inap long luksave
long as bilong belhevi na tubel taim em i wok long i stat long kamap.
Tasol taim yu stat long lukautim em, em bai i stat long kamap strong
na i go bikpela. Olsem man husat i raitim buk Hibru i tok, yumi i
mas lukluk na, “Yupela i mas was gut, nogut wanpela bilong yupela
i pundaun na i lusim marimari bilong God. Na nogut wanpela bilong
yupela i kamap olsem diwai i karim kaikai i gat pait, na em i givim
hevi long yupela na mekim yupela i kamap doti long ai bilong God”
(Hibru 12:14-15).
Yumi mas skelim gut bel bilong yumi na larim Bikpela long stretim
yumi, bilong wanem Tok bilong Em tasol inap long lukim na skelim
wanem kain ol tingting i stap insait long bel bilong yumi. Holi spirit i
save soim ol rong bilong yumi taim em i toktok long tingting na bel
bilong yumi. Yumi i mas noken traim long pasim Holi Spirit taim Em
i laik toktok long yumi o traim long kilim i dai ol tingting Em i givim.
Sapos wanpela i bin mekim dispela kain pasin, orait em i mas tanim
bel long ai bilong God, na larim God i stretim bel bilong em.
Wanpela minista i bin askim mi sapos em i bin kamap olsem
211
Pasin bilong bekim bek …
Gris bilong Satan
wanpela Apsalom o Devit insait long wanpela samting em i bin mekim
long en. Em i bin wok aninit long wanpela pasto insait long wanpela
biktaun na dispela pasto i bin rausim em long wok. I luk olsem dispela
pasto i bin jeles na pret long dispela yangpela man, bilong wanem,
han bilong God i stap antap long laip bilong em.
Wanpela yia bihain, dispela minista we narapela pasto i bin rausim
em long en i bilip olsem Bikpela i laikim em long statim wanpela sios
long narapela sait bilong dispela biktaun. Olsem na em i mekim olsem
na statim wanpela sios na sampela ol lain husat i save go lotu long
olpela sios bilong en i lusim dispela sios na i kam lotu wantaim em.
Dispela minista i lukim olsem na em i no kisim bel isi bilong wanem,
em i no laik kamap olsem wanpela Apsalom, bikos em i nogat belhevi
na tubel long dispela lida bilong em long pastaim. Em i statim dispela
nupela sios bikos God i tokim em long mekim olsem, na i no bikos
dispela narapela sios i no lukautim em gut. Nogat.
Mi soim em long wanem samting i narakain long pasin bilong
Apsalom na pasin bilong Devit. Apsalom i stilim bel bilong ol lain
Isreal bikos, em i gat bel hevi na tubel long lida bilong em. Devit i
givim gutpela toktok long ol lain olsem ol i mas stap tru wantaim Sol
insait long taim we Sol i wok long traim long kilim em i dai. Apsalom
i kisim ol man long go wantaim em tasol Devit i bin go em yet.
Mi askim em, “Yu yet wan i bin lusim sios, o yu tokim ol narapela
long bihainim yu na lusim sios?”
Na em i tok, “Nogat. Mi yet i bin lusim sios na i go. Mi no bin grisim
wanpela man long kam wantaim mi.”
Dispela em i gutpela pasin. Yu bin mekim pasin olsem Devit i bin
mekim, tasol yu i mas traim long sekim gut ol dispela lain husat i bin
lusim olpela sios bilong yu na kam olsem nogut wanpela bilong ol
bai i kam wantaim belhat na tubel wantaim dispela pasto. Sapos ol i
gat belhat na tubel wantaim dispela pasto, orait yu i mas traim long
helpim ol long kamaut long dispela kalabus na kisim orait bilong ol.”
Sios bilong dispela man, nau i kamap gutpela na bikpela tru.
212
Gris bilong Satan
Pasin bilong bekim bek …
Wanem samting mi laikim tumas long dispela man em i olsem, em
i no pret long skelim bel bilong em yet na tu em i traim long stap
aninit na kisim gutpela skul. Em i laikim tru long stap aninit long God
na em i no wari tumas sapos ol lain i ting olsem em i “rait” o nogat,
bikpela samting long laip bilong em, em long stap aninit long God.
Noken pret long larim Holi Spirit long kam na soim yu ples klia
wanem pasin i stap insait long laip bilong yu, kain olsem i no lusim
rong bilong ol arapela o i gat belhat na tubel long ol arapela. Sapos
yu haitim belhat na tubel longpela taim, orait em bai i kamap strong
na bel bilong yu tu bai i kamap strong moa. Yu mas traim long i gat
gutpela bel. Long wanem kain rot stret bai yu ken i gat gutpela bel?
Yupela i mas rausim olgeta pasin bilong bel nogut na kros na
belhat na bikmaus na tok bilas, na olgeta kain pasin nogut. Yupela i
mas mekim gutpela pasin long ol arapela Kristen na givim bel bilong
yupela long ol. Yupela i mas lusim sin bilong ol, olsem God i lusim sin
bilong yupela long nem bilong Krais.—Efesus 4:31-32
213
YU BAI KAMAP STRONG MOA, TAIM YU GO INSAIT
LONG OL BIKPELA BELHAT NA TUBEL—OL DISPELA
KAIN WE, YU NO BIN KISIM SKUL LONG ABRUSIM.
Mi kisim dispela buk Gris bilong Satan! Dispela buk i kamap olsem
wanpela blesing long mi na mi bin tokim planti lain long ritim dispela
buk. God i bin yusim dispela buk insait long laip bilong mi. Tenkyu!
—S. T., GORGIA
214
Gris bilong Satan
13
RANAWE LONG DISPELA TRAP
E
Olsem na long olgeta taim mi strong long bel bilong mi
i mas i stap stret na i nogat rong, long ai bilong God
na long ai bilong manmeri wantaim.—Aposel 24:16
m i save kisim planti strong long stap fri long pasin bilong belhat
na tubel. Pol i makim dispela wantaim pasin bilong eksasais. Taim
yumi eksasaisim bodi bilong yumi, yumi i no inap long kisim bagarap
hariap. Taim mi stap long Hawaii, mi bin kalap i go antap long wanpela
banis long kisim wanpela piksa. Taim mi kalap i go antap, mi pulim
rop long lek bilong mi na mi no inap long wokabaut inap long foapela
de olgeta.
Dokta i tokim mi olsem, “Sapos yu save eksasais olgeta taim,
dispela kain samting bai i no inap long kamap. Bikos yu no bin
eksasaisim ol rop long lek bilong yu, yu kisim dispela bagarap.”
Taim mi inap long wokabaut gen, narapela dokta i tokim mi olsem,
“Yu i mas mekim dispela kain eksasais bilong stretim ol rop na skru
bilong lek long i go bek long ples we ol bin i stap pastaim long en.”
215
Ranawe long dispela trap
Gris bilong Satan
Em i kisim mi sampela mun long ol rop na skru long lek bilong mi
long orait gen.
Dispela tok eksasais long tok Grik insait long Aposel 24:16 em
askeo. Vine’s Expository Dictionary i givim mining bilong dispela tok
eksasais olsem, “long mekim maski yu pilim pen na wok strong yet
long kamap long gutpela mak o pasin bilong trening.” 1
Sampela taim ol arapela lain i save mekim yumi belhat na tubel
na em i no hat long lusim rong bilong ol. Yumi wok long eksasaisim
bel bilong yumi olsem na em inap long kisim dispela belhat na tubel;
long dispela as nogat wanpela bikpela bagarap i kamap long yumi.
Planti ol lain inap long kalapim dispela banis, na ol i no inap long
kisim bagarap bikos ol i save eksasais. Wankain tasol, i gat strong
long harim tok bilong God na eksasaisim bel bilong ol. Dispela mak
bilong yumi long kamap bikpela insait long spirit em bai soim, hau
yumi inap long abrusim pasin bilong belhat na tubel na i no kisim
bagarap long dispela.
Sampela pasin bilong belhat na tubel bai i hat nogut tru na i no
wankain olsem ol dispela we yumi bin kisim trening long en. Na
dispela i ken kamapim sua o bagarap insait long bel bilong yumi na
yumi bai nid long mekim planti eksasais long sait bilong spirit long
kamap fri na tu, long kisim orait bilong yumi gen. Tasol pe bilong
dispela em bai gutpela stret.
Insait long dispela sapta, bai mi toktok long dispela kain pasin
bilong belhat na tubel we yu bai nidim moa strong long pinisim dispela
hevi.
Wanpela samting i bin kamap insait long laip bilong mi namel
long mi na narapela insait long ministri. Mi bin i gat bikpela belhat
na tubel bikos dispela em i no wanpela taim tasol. Nogat. I gat ol
arapela taim tu we dispela samting i bin kamap namel long mi na
dispela man na belhat na tubel bilong mi i wok long kamap bikpela isi
isi. Dispela hevi em i stap namel long mitupela long wanpela krismas
na sikispela mun olgeta.
216
Gris bilong Satan
Ranawe long dispela trap
Olgeta lain husat i stap wantaim mi na i save long wanem samting
i wok long kamap namel long mitupela i wok long askim mi. “Yu gat
belhat tu o nogat?” “Bai yu mekim wanem samting? Bai yu i stap
olsem tasol na larim dispela lain i mekim olsem long yu, a?”
Mi tokim ol, “Mi orait. Dispela samting i no bagarapim mi. Na mi
bai mekim wok yet we Bikpela i singautim mi long mekim.”
Tasol dispela ansa bilong mi i soim dispela pasin bilong gat biknem
na ting olsem mi antap moa long dispela hevi. Mi bin kisim bikpela
bel hevi stret tasol mi bin haitim dispela na giamanim mi yet na ol
arapela, tu. Mi bin kirap nogut tru na painim hat long bilipim olsem
dispela kain samting i kamap long mi. Mi sindaun planti aua na traim
long tingting olsem bilong wanem na dispela kain samting i wok long
kamap long mi. Tasol mi save traim long haitim na daunim dispela
kain ol tingting na soim olsem mi strongpela man long ai bilong ol
arapela tasol tru tru insait long mi, mi i nogat strong na mi kisim
bikpela bagarap na i stap.
Planti mun i kam na i go na olgeta samting i go drai olgeta insait
long ministri bilong mi. I nogat laip moa insait long ministri na tu
beten laip bilong mi i go daun olgeta na mi pilim bikpela pen na
bagarap insait long laip bilong mi. Olgeta de, mi wok long pait
wantaim ol spirit nogut. Mi wok long ting olsem dispela olgeta birua
i wok long kamap long mi, em bikos long dispela singaut insait long
laip bilong mi, tasol nogat. Tru tru em i olsem, dispela olgeta birua
i kamap long laip bilong mi, em long pasin bilong mi i no lusim rong
bilong ol arapela husat i mekim rong long mi.
Olgeta taim mi stap klostu long dispela man, mi save pilim olsem
spirit bilong mi em i go daun olgeta taim mi lusim em na i go.
Long wanpela moning, mi no inap lusim tingting long en. Mi
sindaun baksait long haus bilong mi na beten i stap na mi askim
God, “Bikpela, mi kisim bagarap, a?”
Wantu tasol, taim dispela tok i lusim maus bilong mi, mi harim
insait long spirit bilong mi wanpela singaut olsem: Yes!
217
Ranawe long dispela trap
Gris bilong Satan
God i laikim mi long save olsem, tru tru mi bin kisim bagarap.
Mi krai long God na tokim em olsem, “God, plis helpim mi long
kamaut long dispela bagarap na pasin bilong belhat na tubel. Em i
bikpela tumas na mi no inap long kisim.”
Dispela em i mak stret we Bikpela i laikim mi long kam long en taim mi pilim olsem mi no inap long mekim wanpela samting moa.
Planti taim yumi save traim long mekim ol samting insait long strong
bilong yumi yet na dispela i no save mekim yumi gro insait long spirit.
Na dispela i save mekim yumi isi tru long pundaun.
Namba wan samting long sait bilong kisim orait na stap fri long
pasin bilong belhat na tubel em long taim yu luksave olsem yu bin
kisim bagarap. Planti taim, pasin bilong kisim biknem i save pasim
yumi long tokaut olsem yumi kisim bagarap na i gat belhat na tubel
insait long laip bilong yumi. Taim mi tokaut long wanem samting tru
i stap insait long bel bilong mi, mi painim Bikpela na bel bilong mi i
op long kisim wanem samting Em i laik lainim mi long en.
Mi pilim olsem Bikpela i laikim mi long tambuim kaikai long
sampela de. Pasin bilong tambuim kaikai i putim mi long dispela
mak bilong mi inap long harim nek bilong Holi Spirit, na tu kisim
planti helpim long dispela.
“Mi no laikim kain pasin olsem. Mi laikim yupela i tambu tru
long mekim ol kain kain pasin nogut na tambu long pasin bilong
daunim na mekim nogut long ol arapela manmeri. Tarangu ol
dispela manmeri i stap olsem ol kalabus yupela i bin pasim ol
long ol rop na sen; na ol i stap olsem ol bulmakau yupela i bin
putim plang long nek bilong ol bilong bosim ol long mekim wok
bilong yupela. Olsem na yupela i mas mekim gutpela pasin
long ol na larim ol i go fri.
—Aisaia 58:6
Mi redi long brukim dispela rop bilong mekim ol doti pasin na long
stap fri long pasin bilong wari na tingting planti.
Sampela de bihain, mi bin go long lotu we ol i bin holim bilong
218
Gris bilong Satan
Ranawe long dispela trap
wanpela man husat i dai pinis bipo long ol i planim bodi bilong em”
na dispela man husat i bin mekim mi belhat na tubel, i stap long
dispela hap tu. Mi stap baksait long sios na lukim em, na mi stat
long krai nogut tru.
“Bikpela, mi lusim rong bilong em. Mi lusim rong bilong em long
olgeta samting em i bin mekim long mi.” Wantu mi pilim olsem dispela
bel hevi i lusim bel bilong mi na i go. Mi lusim rong bilong em. Insait
long bel bilong mi, mi pilim bel isi na amamas nogut tru!
Tasol dispela em stat tasol bilong rot bilong mi long kisim orait
bilong mi. Insait long bel bilong mi, mi bin lusim rong bilong dispela
man, tasol mi no save olsem dispela em i wanpela bikpela bagarap
mi bin kisim. Bikos long bikpela bagarap mi kisim, mi stap long mak
we em i isi tru long mi ken kisim bagarap gen hariap tru. Em i wankain
olsem yu kisim wanpela bikpela bagarap long bodi bilong yu na yu
pilai na isi isi yu wok long kisim orait bilong yu. Mi nid long eksasais
na strongim bel na tingting bilong mi long noken kisim bagarap gen
long bihain taim.
OLSEM WANEM TAIM WANKAIN SAMTING
I KAMAP GEN?
Sampela mun i go pinis na sampela taim dispela ol tingting we mi bin
i gat bipo taim mi no lusim rong bilong dispela man yet i save kam
na mi wok long rausim ol. Sampela lain husat i kisim bagarap long
wankain rot olsem mi, bai kam long mi na autim bel hevi bilong ol, o
sampela taim bai mi lukim dispela man o harim nem bilong em. Mi
save hariap tru long rausim na tromoi dispela ol tingting i go taim
mi luksave long ol. (Lukim 2 Korin 10:5.) Dispela em i olsem eksasais
bilong mi long helpim mi long stap fri long dispela pasin.
Las tru, mi askim Bikpela long wanem kain rot long rausim olgeta
dispela kain kain tingting long ol i noken kam bek long mi, na kisim mi
i go bek long pasin bilong i no lusim rong bilong ol arapela. Mi save
219
Ranawe long dispela trap
Gris bilong Satan
olsem, em i laikim tru long mi i mas kamap fri long mak i antap moa,
na tu, mi i les long stap long wankain mak wantaim dispela kain pasin
bilong belhat na tubel. Bikpela i tokim mi long mi i mas beten long
dispela man husat i bin bagarapim bel bilong mi, taim em i tokim mi
gen long Tok bilong em:
Tasol mi tokim yupela olsem, yupela i mas laikim ol birua bilong
yupela, na yupela i mas beten bai God i marimari long ol man
i save mekim pasin nogut long yupela.
—Matyu 5:44
Olsem na mi beten long dispela man, tasol long namba wan taim
mi beten long em, mi no beten wantaim olgeta bel bilong mi. Bikos
Tok bilong God i tok olsem mi mas beten, mi save tok olsem, “Bikpela,
blesim em. Givim em gutpela de na helpim em insait long olgeta
samting em i mekim long en. Insait long nem bilong Jisas mi mekim
dispela beten, i tru.”
Mi wokim dispela pasin long sampela wik na mi pilim olsem mi no
go long wanpela hap. Bihain long wanpela moning, Bikpela i putim
dispela tok i stap long Buk Song 35 long bel bilong mi. Mi no save
long wanem tok i stap long Buk Song 35 olsem na mi tanim Baibel
i go long dispela hap na stat long rit. Mi rit i go long namel bilong
dispela sapta na mi luksave long wanem samting mi go insait long
en, em i stap long dispela hap.
Ol man bilong giaman i sutim tok long mi long sampela pasin
nogut mi no bin mekim. Mi save mekim gutpela pasin long ol,
na ol i bekim pasin nogut long mi. Olsem na bel bilong mi i
hevi tru.
—Buk Song 35:11-12
Mi ken tok olsem, mi wankain olsem Devit. Long tingting bilong
mi, dispela man wantaim sampela ol poroman bilong em, i bin mekim
nogut long mi long taim mi bin mekim gut long ol olsem na spirit
bilong mi i stap long bikpela sori. God i yusim dispela sapta long buk
Sam o Buk Song long soim mi wanem kain pait mi stap long en long
220
Gris bilong Satan
Ranawe long dispela trap
dispela ol yia i go pinis. Wanpela tok insait long dispela buk i mekim
mi kirap nogut tru em:
Tasol mi no mekim olsem long ol. Nogat tru. Taim ol i gat
sik mi sori nogut tru, na mi pasim laplap bilong sori. Mi
tambu long kaikai na dispela i givim hevi long mi yet. Na mi
beten bai yu ken helpim ol. I olsem mi bel hevi long pren
na brata bilong mi. Mi wokabaut olsem man i sori na i krai
long mama i bin dai. Mi bel hevi tru, na mi krai na sori i stap.
—Buk Song 35:13-14
Devit i tok olsem, dispela ol man i laik bagarapim em. Ol i laik
bagarapim em wantaim ol samting nogut long taim em i no bin mekim
wanpela samting nogut long ol.
Nau dispela ansa bilong askim bilong mi i kam: “Tasol long mi…”
Bekim bilong Devit em i no stap antap long wanem kain pasin ol
arapela i bin mekim long em. Em i tingting strong long mekim olgeta
samting i mas kamap orait olsem na, em i beten long ol olsem em
i beten long ol pren na brata bilong em o olsem man i sori na krai
long mama bilong em i bin dai. Insait long dispela, God i wok long
soim mi long wanem rot mi i mas beten long dispela man: “Beten
long dispela man long ol samting yu laik mi i mas mekim long yu!”
Nau ol beten bilong mi i senis olgeta. Em i no wankain olsem bipo
taim mi save beten olsem, “God blesim em na givim em gutpela de.”
Beten bilong mi i kamap olsem em i pulap wantaim amamas na mi
beten, “Bikpela, soim yu yet long em long mak we i antap olgeta.
Blesim em wantaim presens bilong yu. Larim em i save long yu olsem
yu wanpela tru tru poroman bilong en. Larim em i mekim ol samting
bai i kamap gutpela long ai bilong yu na bringim gutpela nem i go
long yu tu.” Mi mekim beten long wanem samting mi laikim God long
mekim long laip bilong mi yet.
Insait long wanpela mun long taim mi wok long beten, mi bin
singaut na krai wantaim bikpela nek olsem, “Mi blesim yu! Mi laikim
221
Ranawe long dispela trap
Gris bilong Satan
yu insait long nem bilong Jisas!” Em i olsem wanpela krai insait tru
long spirit bilong mi. Mi bin stat long beten long em long wanem
samting mi laikim God long mekim long mi i go long beten long em
long wanem samting God i ken mekim long em. Mi bilip olsem dispela
i oraitim mi olgeta.
KISIM ORAIT, LONG STRETIM TOK NA TOKAUT
STRET LONG PES BILONG ARAPELA
Sampela wik i kam na i go na mi lukim em gen. Taim mi lukim em, bel
bilong mi i no pilim gut, bilong wanem, mi wok long traim yet long
rausim pasin bilong jasim man long tingting bilong mi.
“Yu nid long go toktok long em, Jon,” meri bilong mi i tok olsem
long mi.
Na mi tokim em olsem, “Nogat. Mi no inap go. Mi kisim orait
bilong mi pinis.”
Tasol mi pilim olsem Holi Spirit i no kamap olsem witnis bilong mi
long wanem samting mi tok nau tasol long en. Olsem na mi askim
Bikpela sapos mi nid long i go long dispela man o nogat na Bikpela i
tok, yes olsem mi nid long go lukim em.
Mi makim wanpela taim long i go lukim em, na mi kisim wanpela
presen i go bilong em. Mi daunim mi yet, na tokaut long ol kranki
pasin mi bin mekim long em na mi askim em long lusim rong bilong
mi. Mitupela i lusim rong bilong wanpela, narapela na kamap wanbel
gen, na mi pilim olsem bel bilong mi i kisim orait bilong em stret.
Taim mi wokabaut i kamaut long opis bilong em, mi pilim strong
i kam bek long mi na mi orait olgeta. Nau mi no inap long traim hat
tru long rausim dispela pen insait long bel bilong mi, na tu, mi no
inap long jasim em. Rilesensip bilong mitupela i bin kamap strong
moa long dispela taim i kam inap nau na i nogat wanpela hevi i
bin kamap namel long mitupela gen. Tru tru, mitupela i traim long
sapotim wanpela narapela long wok bilong mitupela.
222
Gris bilong Satan
Ranawe long dispela trap
Mi tokim Lisa olsem, “Namba wan taim, taim mi bin bungim
dispela man, em i no inap long mekim wanpela rong long ai bilong
mi. Mi no lukim wanpela asua i stap long em. Mi laikim em bilong
wanem, mi ting olsem em i stretpela man. Tasol taim mi bin kisim
bagarap, mi painim hat tru long laikim em. Em i kisim olgeta bilip
bilong mi long laikim em. Nau mi go insait pinis long dispela pasin
bilong kamap orait gen olsem bipo mi bin stap long en, mi laikim
tru dispela man olsem long namba wan taim mi bin bungim em na
laikim em long en. Na maski wanem kain rong em i bin mekim long
en. Em i strongpela laikim.”
Dispela Baibel ves i kam long tingting bilong mi:
Yupela i mas holim strong pasin bilong laikim tru ol arapela
manmeri bilong God, long wanem, pasin bilong laikim tru ol
arapela, em i save karamapim planti sin na i winim olgeta
arapela pasin.”
—1 Pita 4:8
Em i isi tru long laikim ol lain husat i no mekim wanpela rong
long ai bilong mipela kain olsem tupela marit i laikim tupela yet long
namba wan taim. Em i narapela kain samting, long laikim narapela
long taim yumi ken lukim ol rong ol i mekim long en o long yumi.
Dispela laikim bilong God i mekim bel bilong mi i kamap strong moa.
Long dispela taim i kam inap long nau, wankain samting olsem i bin
kamap, tasol em i no kisim longpela taim long mi lusim rong bilong
ol. As tingting bihain long dispela em i olsem: Mi mekim eksasais
wantaim bel bilong mi long stap fri long pasin bilong belhat na tubel
olsem na mi no kisim bagarap long pasin bilong belhat na tubel.
Sampela mun i bin i kam na i go long taim God i bin toktok
wantaim mi long baksait long haus bilong mi i go inap long taim mi
bin wokabaut i kam ausait long opis bilong dispela man na kisim
orait bilong mi. Dispela em i bin trening taim bilong mi we mi bin
eksasaisim bel bilong mi na mekim em i kamap strong. Insait long
223
Ranawe long dispela trap
Gris bilong Satan
dispela ol mun, mi bin pilim olsem mi no kamap long mak mi laik go
long en. Tru tru mi ting olsem, mi mas kamap nogut olgeta.
Tasol tru tru, mi stap long gutpela rot bilong kisim orait bilong mi.
Spirit bilong God i kisim mi i go long mak we mi inap long kisim. Em i
kamap olsem wanpela samting we mi ken gro na kamap bikpela long
en. Mi no laik long rausim dispela samting we i bin kamap long mi na
kisim narapela samting, bilong wanem, mi amamas olsem dispela i
helpim mi long gro insait long laip bilong mi.
KAMAP BIKPELA NA STRONGPELA INSAIT
LONG OL HATPELA TAIM
Yumi save gro insait long ol hatpela taim na i no insait long ol isipela
taim. Planti taim, ol hatpela taim bai i kamap insait long wokabaut
bilong yumi wantaim Bikpela. Yumi no inap long ranawe long ol,
tasol yumi nid long go insait long dispela kain ol hevi bilong wanem,
dispela em i olsem rot bilong kamap stretpela insait long Bikpela.
Sapos yu tingting long ranawe long ol, tru tru bai yu pasim gro bilong
yu insait long spirit.
Taim yu abrusim ol kainkain birua, bai yu kamap strong moa na bel
isi na gutpela pasin bai pulap long yu. Bai yu laikim Jisas moa moa yet.
Tasol, sapos yu bin kamaut long hatpela taim na yu i no pilim olsem,
ating yu no kisim orait bilong yu yet long pasin bilong belhat o tubel
yu bin i gat long en. Long kisim orait, em i stap long han bilong yu.
Sampela manmeri i save kisim bagarap na ol i no save kamap orait
gen na mi ken tok stret olsem, dispela em i disisen bilong ol yet.
Jisas i bin lainim pasin bilong harim tok long taim em i go insait
long pen na hevi. Pita i bin lainim pasin bilong harim tok long taim
em i go insait long pen na hevi. Pol i bin lainim pasin bilong harim tok,
long taim em i go insait long pen na hevi. Na olsem wanem long yu?
Yu lainim tu o nogat? O, ating yu mas gat strongpela bel stret we yu
i no save sori long ol arapela o les long mekim gut long ol arapela?
224
Gris bilong Satan
Ranawe long dispela trap
Sapos em i olsem, orait em i soim olsem yu i no bin lainim pasin
bilong harim tok yet.
Yes, em i tru olsem sampela ol belhat na tubel bai i no inap long
pinis hariap tasol sampela em bai i isi long yu ken lus tingting long
en hariap tru taim em i kamap long en. Yu mas wok hat, sapos yu
laik stap fri na insait long dispela, bai yu gro na kamap bikpela insait
long spirit bilong yu.
Pasin bilong gro na kamap bikpela em i no isipela samting. Sapos
em i wanpela isipela samting, ating olgeta lain bai inap long kisim
pinis. Wan wan tasol i save kamap long dispela mak long laip bilong
ol, bilong wanem, planti ol i bungim birua long laip bilong ol na i
inap long go het yet. I gat birua i stap bikos dispela graun yumi stap
long en, em i no gat gutpela tasol. Nogat. Em i gat nogut bilong en
tu. Dispela graun i pulap wantaim “hetman bilong ol spirit nogut i
stap long skai” (Efesus 2:2). Olsem na long go insait long pasin bilong
Krais, long kamap strong na bikpela, i mas gat hatpela taim bilong yu
ken sanap pait wantaim nogut pasin taim em i laik kamap.
Pol i go bek long tripela biktaun we em i kamapim ol sios. As
tingting bilong en, em long strongim spirit man bilong dispela ol
disaipel. Tasol wanpela gutpela samting long lukim insait long dispela
em long wanem rot em i strongim dispela ol lain. Em i givim gutpela
skul toktok long ol:
…Tupela i tok strong long ol olsem, “Yupela i mas i stap strong
long bilip. Yumi laik i go insait long kingdom bilong God, tasol
pastaim yumi mas wokabaut long rot i gat planti hevi i stap
long en.”
—Aposel 14:22
Em i no mekim tok promis long ol olsem ol bai kisim isipela laip
taim ol i bihainim Jisas. Em i no mekim tok promis olsem, ol i bai
gat gutpela laip olsem ol man bilong dispela graun i save gat. Nogat.
Em i soim olsem, sapos ol i laik pinisim dispela wokabaut bilong ol
225
Ranawe long dispela trap
Gris bilong Satan
wantaim amamas, orait ol bai bungim planti hevi na wari we em i
kolim ‘tribulation.’
Sapos yu pul long wanpela kanu long wara na yu no pul bihainim
ron bilong wara tasol yu i ron i go antap long en, orait yu mas pul
strong na pul yet i go na yu noken stop. Sapos yu stop long kisim
malolo, orait bai ron bilong wara I tanim kanu bilong yu na bai yu
go bek na bihainim hap wara i ron i go long en. Wankain tasol, taim
yumi tingting strong long i go long rot bilong God, em bai yu bungim
planti hevi na wari. Dispela olgeta hevi na wari bai soim dispela ansa
bilong wanpela bikpela askim: Bai yu traim long tingim yu yet olsem
dispela graun i save mekim, o bai yu traim long tok nogat long yu yet
na tingim ol arapela na putim ol i go pas long yu yet?
Tingim, taim yumi lusim laip bilong yumi long nem bilong Jisas, bai
yumi painim laip insait long Em. Traim long lainim tingting bilong yu
na lukluk long wanem samting bai i kamap bihain, na i no lukluk long
ol hevi na wari yu wok long go insait long en, nau.
Pita i putim dispela tok gut tru olsem:
Ol Brata tru, wanpela traim olsem paia i wok long kamap
long yupela. Tasol yupela i no ken kirap nogut na ting em i
narakain samting tru i kamap long yupela. Nogat. Long dispela
traim yupela i karim pen olsem Krais i bin karim, olsem na
yupela i mas amamas. Na taim biknem bilong Krais i kamap
ples klia, bai yupela inap amamas moa yet na belgut tru.
—1 Pita 4:12-13
Lukim gut dispela, em i makim pasin bilong hevi na wari i go long
pasin bilong amamas. Long wanem rot stret, bai yu pilim amamas i
go long dispela kain mak? Taim glori bilong em i kamap ples klia, bai
yu amamas wantaim em. Dispela glori bai i kamap taim yu yet i larim
Em long kamapim pasin bilong Em insait long yu. Olsem na noken
lukluk i go long belhat na tubel. Nogat. Lukluk i go long dispela glori
bai i kam long en. Alleluia!
226
EM I GUTPELA MOA, LONG HELPIM NARAPELA
BRATA BILONG YU HUSAT I LAIK PUNDAUN, NA I
NO BILONG SOIM OLSEM YU MEKIM RAIT SAMTING.
Mi gat etinpela krismas. Long haus, mi save stap wantaim mama
na twin sista bilong mi na ol arapela famili bilong mipela. Mi no bin
lukim papa tru bilong mi na dispela i mekim na mi save holim belhevi
long papa bilong mi i stap. Tumbuna man bilong mi, em i wanpela fit
man bilong wokabaut wantaim God stret na em i givim mi dispela
buk Gris bilong Satan long ritim. Bihain long mi ritim dispela buk, mi
inap long lusim rong bilong papa bilong mi olgeta.
—N. M., NEW MEXICO
227
Gris bilong Satan
14
AS TINGTING: WANBEL NA
KAMAPIM GUTPELA SINDAUN
Jisas i tok moa olsem, “Yupela i harim pinis dispela tok ol
tumbuna i bin kisim, ‘Yupela i noken kilim i dai ol arapela
manmeri. Na sapos wanpela man i kilim man i dai, em i
mas i kamap long kot.’ Tasol mi tokim yupela olsem, man
i kros nogut wantaim brata bilong en, em i mas kamap
long kot. Na man i tok nogut long brata bilong en, em
i mas kamap long namba wan kaunsil. Na man i tokim
narapela man olsem, ‘Yu longlong man tru,’ em i mas i
go long paia bilong hel. Olsem na sapos yu bringim ofa
bilong yu i kam long alta, na yu tingim brata bilong yu
em i gat tok long yu, orait yu mas lusim ofa bilong yu i
stap klostu long alta. Na yu go pastaim na stretim tok
wantaim brata bilong yu. Stretim pinis, orait yu ken i
go na givim ofa bilong yu long God.—Matyu 5:21-24
D
ispela toktok i kam long tok Jisas i bin autim antap long maunten.
Jisas i stat long toktok na Em i mekim dispela tok, “Yupela i harim
228
Gris bilong Satan
… Wanbel na kamapim gutpela sindaun
pinis dispela tok ol tumbuna i bin kisim…” Na bihain em i tok, “Tasol
mi tokim yupela…”
Pastaim Jisas i toktok long ol lo we i save makim ol pasin bilong
yumi long autsait. Bihain em i soim wanem samting bai i kamap
taim em i bringim i kam insait long bel bilong yumi. Olsem na long
ai bilong God, man husat i save kilim i dai narapela man i wankain
olsem man husat i save belhat na tok nogut long brata bilong em.
Wanem samting yu gat long bel bilong yu i save soim yu wanem
kain man, tru tru! Jisas i wok long mekim dispela kain tok insait long
dispela hap bilong Tok bilong Em.
Jisas i mekim tok klia long pe bilong gat belhat na tubel insait long
tok em i autim long en. Em i soim rot we bikpela bagarap bai i kamap,
sapos yumi holim belhat na tubel insait long laip bilong yumi. Sapos
wanpela man i belhat nating long brata bilong em, orait em i stap
long dispela mak nogut bilong kamap olsem jas. Em i stap long mak
nogut bilong kisim bagarap long han bilong ol kaunsil sapos dispela
belhat bilong em i karim kaikai na em i tok nogut long brata bilong
em olsem “Raca!” 1
Mining bilong dispela tok raca em i olsem, “i nogat wanpela
samting i stap long het bilong yu o nogat save long het bilong yu,”
o longlong man. Em i wanpela tok ol lain Judah i save yusim namel
long ol yet long taim bilong Jisas taim ol i tok bilas long narapela man.
Sapos belhat bilong wanpela man i kamap long mak we em i tokim
brata bilong em olsem yu longlong man, orait em i stap long mak
nogut bilong go long hel. Dispela tok fool o longlong man long dispela
taim i min olsem man i no stap wantaim God o i no save long God 2.
Ol longlong man i save tok long ol yet olsem, “I no gat God i stap.”
(Lukim Buk Song 14:1). Insait long taim bilong Jisas, taim wanpela
man i singaut long brata bilong em olsem, em i longlong man, dispela
em i wanpela bikpela rong stret we dispela man i mekim long brata
bilong em. Nogat wanpela man i save mekim kain tok olsem tasol
sapos em i belhat nogut tru, orait em i ken mekim dispela kain tok.
229
… Wanbel na kamapim gutpela sindaun
Gris bilong Satan
Long tude, yu ken makim dispela kain tok i wankaim olsem dispela tok
“Go long hel,” long brata bilong yu sapos yu belhat nogut tru long em.
Jisas i wok long soim ol olsem, sapos ol i no rausim dispela pasin
bilong belhat, em i ken kamap bikpela na ol i ken go long hel sapos
ol i no was gut. Bihain Jisas i tok olsem, sapos ol i tingim olsem brata
bilong ol i gat belhat na tubel wantaim ol, orait ol i mas i go painim
em na traim long kamapim wanbel na wanpela tingting wantaim
em pastaim.
Bilong wanem na yumi mas traim hariap long painim dispela brata
husat i gat belhat na tubel wantaim yumi na kamapim wanbel? Em
long helpim yumi yet o long helpim dispela brata? Yumi mas kamap
olsem dispela samting bilong helpim dispela brata na i go long helpim
em long senis na kamaut long dispela pasin bilong belhat na tubel.
Maski sapos yumi nogat belhat na tubel long em, laikim bilong God
i no inap larim em long stap belhat na tubel longpela taim. Nogat.
Em i save mekim em long kamaut long dispela pasin bilong belhat na
tubel na kisim em i go bek long dispela mak we em i bin stap pastaim
wantaim Bikpela long en. Yumi ken tok olsem yumi i no bin mekim
wanpela rong, tasol dispela pasin bilong mekim samting i rait o rong
em i nogat as bilong em. Namba wan samting em, yumi i mas helpim
dispela brata husat i laik pundaun long en na i no traim long soim
olsem yumi rait na em i rong.
I gat planti kainkain rot bilong kisim belhat na tubel.
Ating dispela lain husat yumi bin mekim i belhat na tubel long en,
i bilip olsem yumi no mekim stretpela pasin long em, tasol tru tru
em i olsem, yumi no mekim wanpela rong long em. Ating em i mas
kisim sampela ol kranki toktok na dispela i mekim na em i kamap
wantaim kranki tingting olgeta.
Long narapela sait, ating em i mas kisim trupela tok tasol em i
kamap wantaim kranki tingting olgeta. Wanem samting yumi toktok
long en, ating em i mas go kranki liklik taim dispela toktok i go kamap
long yau bilong en. Em i tru olsem yumi no tingting long bagarapim
230
Gris bilong Satan
… Wanbel na kamapim gutpela sindaun
narapela brata, tasol toktok na pasin bilong yumi em i soim olsem
yumi laik bagarapim em.
Planti taim yumi save jasim yumi yet long wanem as tingting bilong
yumi, tasol ol arapela lain yumi i save jasim ol long ol pasin bilong
ol. Yumi ken tingting long wanpela samting tasol taim yumi toktok,
em i ken makim narapela samting olgeta long wanem samting yumi
tingting long en. Sampela taim, ol tru tru as tingting bilong yumi em
i hait tru na i hat long yumi yet tu i save long en. Yumi i save laik bilip
olsem ol as tingting bilong yumi em i stret tasol taim yumi skelim
dispela ol as tingting bilong yumi, wantaim Tok bilong God, bai yumi
lukim olsem em i narakain olgeta.
Nogut yumi bin mekim sin long dispela ol lain. Ating, yumi i mas
belhat long narapela samting o narapela man na dispela ol lain i
bin i stap klostu na i mas kisim belhat bilong yumi maski ol i no bin
mekim wanpela rong. O ating dispela lain olgeta taim i save mekim
yumi belhat na tubel olsem na yumi bekim bek wantaim wankain
pasin long en.
Yumi no klia wanem samting i mekim, tasol dispela i ken mekim
tingting bilong dispela lain husat i gat belhat na tubel long i stap insait
long tudak. Olsem na antap long dispela kain ol tingting o toktok
em i harim long ol arapela o ol samting em i lukim long en, em i ken
jasim ol man long dispela na giamanim em yet long ting olsem, em
i save tru long wanem as tingting bilong mipela taim mipela mekim
dispela samting o toktok. Long wanem kain rot bai yumi inap long
jasim ol arapela sapos yumi no save long ol dispela tok i tru o nogat?
Yumi mas tingim tu olsem, dispela lain i gat bikpela bilip insait long
bel bilong ol olsem yumi i bin mekim rong long ol. Long wanem kain
as na em i pilim olsem, em yumi no save tasol, yumi mas traim long
daunim yumi yet na tok sori long em.
Jisas i toktok strong long yumi i mas traim long kamapim wanbel
namel long dispela ol lain na yumi yet maski sapos yumi i no mekim
wanpela rong o asua long ol long mekim ol i belhat na tubel. Yu
231
… Wanbel na kamapim gutpela sindaun
Gris bilong Satan
i mas kamap wanpela strongpela man insait long bilip bilong yu
long wokabaut insait long dispela pasin bilong daunim yu yet long
kamapim pasin bilong wanbel. Tasol long go pas long tok sori na
kamapim pasin bilong wanbel, em i wanpela hatpela samting stret
long dispela ol lain husat i kisim bagarap pinis. Olsem na long dispela
as, Jisas i tokim dispela man husat i mekim arapela long belhat na
tubel long “go long em…”
ASKIM MAN HUSAT I KISIM BELHAT NA TUBEL
LONG LUSIM RONG BILONG YU
Aposel Pol i tok olsem:
Olsem na yumi mas bihainim olgeta pasin i save mekim yumi
i stap wanbel, na olgeta pasin i save strongim bilip bilong ol
arapela.
—Rom 14:19
Dispela em i soim yumi long wanem kain rot yumi i mas bihainim
na i go long dispela ol lain husat i gat belhat na tubel i stap. Sapos
yumi go wantaim pasin bilong belhat na kros, em bai yumi no inap
long kamapim pasin wanbel na bel isi. Bai yumi mekim hat stret long
dispela ol lain husat i bin kisim belhat na tubel. Yumi i mas traim long
kamapim pasin bilong kisim bel isi na stap wanbel insait long pasin
bilong daunim yumi yet na yumi i mas lusim pasin bilong apim nem
bilong yumi yet. Dispela em i wanpela rot tasol bilong yumi i ken
lukim trupela pasin bilong wanbel i kamap.
Long sampela taim mi bin i go toktok long ol lain husat mi bin
bagarapim bel bilong ol o husat i bin gat belhat na tubel wantaim mi
na ol i bin kros long mi. Sampela i bin tokim mi olsem mi save tingim
mi yet tasol na i no tingim ol arapela, mi save apim nem bilong mi yet,
mi save tok nogut na mekim ol kain kain ol nogut pasin.
Planti taim mi save laik long bekim na tok olsem, “Nogat, mi no
save mekim dispela kain ol samting. Yupela i no save gut long mi!”
232
Gris bilong Satan
… Wanbel na kamapim gutpela sindaun
Tasol, taim mi save traim long strongim sait bilong mi yet, dispela i
save mekim belhat na kros bilong ol i go moa yet na dispela em i no
inap long bringim wanbel long kamap. Taim yumi traim long sanap
na strongim sait bilong yumi yet olsem yumi rait, dispela bai no inap
long bringim bel isi.
Tasol mi bin lainim wanpela gutpela pasin bilong pasim maus bilong
mi na harim wanem samting ol laik toktok long en o ol i nid long tok
long en. Sapos mi no wanbel long wanem samting ol i toktok long
en, orait mi save tok klia long ol olsem mi rispektim ol long wanem
samting ol i toktok long en na bai mi traim long sekim bel na tingting
bilong mi yet long luksave long asua mi bin mekim long ol.
Sampela taim ol i save mekim stretpela toktok long ol pasin bilong
mi na mi save tokaut stret long ol olsem, “Yupela tok stret. Mi askim
yupela long lusim rong bilong mi.”
Wanpela moa taim bai mi tok olsem gen, taim yumi traim long
daunim yumi yet, em bai apim mak bilong pasin wanbel i go antap
moa. Ating long dispela as tasol na Jisas i tok olsem insait long dispela
narapela ves:
“Sapos wanpela man i laik kotim yu, na yutupela i wokabaut
yet long rot i go long ples bilong kot, orait yu mas hariap na
stretim tok wantaim em. Nogut dispela man i putim yu long
han bilong jas, na jas i putim yu long han bilong plisman, na
plisman i putim yu long haus bilong kalabus. Mi tok tru long
yu, yu bai i stap long haus kalabus inap long yu baim olgeta
mani ol i makim bilong yu.”
—Matyu 5:25-26
Pasin bilong apim nem bilong yumi yet i save traim long banisim
yumi long daunim yumi yet. Daun pasin i save wanbel na i tok, “Yu
tok stret. Mi bin mekim dispela kain pasin. Plis lusim rong bilong mi.”
Tasol ol man i kisim kain gutpela tingting na save i kam long
God, ol i save mekim ol pasin olsem. Namba wan, ol i save
bihainim klinpela tingting. Na namba 2, ol i save stap wanbel
233
… Wanbel na kamapim gutpela sindaun
Gris bilong Satan
wantaim ol arapela, na ol i save isi long ol, na ol i save harim
tok bilong ol arapela man. Ol i save sori tru long ol arapela na
mekim gutpela pasin long ol. Ol i save mekim wankain pasin
tasol long olgeta man. Na ol i no save giaman long bihainim
gutpela pasin. Nogat. Ol i bihainim tru.
—Jems 3:17
Gutpela save i kam long God, em i save karim gutpela kaikai. Em
i no save traim long strongim sait bilong em yet o les long tokaut
stret olsem em i mekim rong taim em i gat kros na belhat wantaim
ol arapela lain. Man husat i gat gutpela save i kam long God, em i
no save pret long harim toktok o bihainim tingting bilong ol arapela
man sapos em i save olsem dispela tingting o toktok bilong dispela
lain em i no haitim o karamapim tok tru.
GO TOKTOK LONG MAN HUSAT I BIN MEKIM
YU BELHAT NA TUBEL
Yumi toktok pinis long wanem kain rot bai yumi bihainim, sapos yumi
mekim ol brata bilong yumi i belhat na tubel. Orait nau, bai yumi
toktok long wanem kain rot bai yumi bihainim, sapos brata bilong
yumi i mekim yumi i belhat na tubel.
Jisas i tok moa olsem,
“Sapos brata bilong yu em i mekim rong long yu, orait yu go
lukim em, na taim yutupela tasol i stap, yu mas traim stretim
tok wantaim em. Sapos em i harim tok bilong yu, orait bai yu
kisim bek brata bilong yu.”
—Matyu 18:15
Planti ol lain i save bihainim dispela Baibel ves wantaim narapela
kain tingting we i no wankain olsem dispela tingting Jisas i bin gat
na i toktok long en. Sapos ol i bin kisim pen na hevi orait, ol bai i go
stret long pes bilong dispela ol lain husat i mekim ol i belhat na tubel
na toktok long ol wantaim spirit bilong belhat na bekim bek. Ol i
234
Gris bilong Satan
… Wanbel na kamapim gutpela sindaun
save yusim dispela ves long soim olsem ol i gat rait long bagarapim
ol arapela husat i bin mekim nogut long ol.
Tasol ol i abrusim dispela as tingting bilong Jisas long tokim yumi
long i go na toktok long wanpela arapela. Em i no bilong i go long
bagarapim narapela tasol, em bilong kamapim bel isi na wanbel. Em i
no laikim yumi long i go tokim narapela brata bilong yumi olsem, em
i bin mekim rabis pasin stret long yumi. Nogat. Em i laikim yumi long
i go rausim dispela baret i bin kamap namel long yumi na kamapim
bel isi na wanbel long rilesensip bilong yumi na bai yumi i gat gutpela
rilesensip olsem yumi i bin gat bipo.
Dispela em i go wantaim pasin bilong God long bringim yumi i go
bek long Em yet. Yumi bin mekim sin long God tasol em yet “i soim
dispela laikim bilong em long yumi insait long taim yumi bin stap insait
long sin yet, Krais i dai long yumi” (Rom 5:8). Tru tru yumi redi long
lusim pasin bilong strongim sait, banisim yumi yet na pasin bilong
apim nem bilong yumi yet na traim long kamapim bel isi na wanbel
namel long yumi na dispela ol lain husat i mekim yumi belhat na tubel,
a? God i kisim yumi bek bipo long yumi yet i kam long Em na askim
Em long lusim rong bilong yumi. Jisas i bin pasim tingting pinis long
lusim rong bilong yumi bipo long yumi luksave na tokaut stret long
wanem kain belhat na tubel yumi bin mekim long en.
Em i tru olsem Jisas i lusim rong bilong yumi pas, tasol yumi no
inap long stap wanbel wantaim Papa i go inap long taim yumi yet i
kisim Tok bilong Em long kamapim wanbel.
God yet i mekim dispela olgeta samting i kamap long yumi. Bipo
yumi stap birua bilong em, tasol long Krais em i makim yumi i kamap
wanbel wantaim em. Na em i givim mipela dispela wok bilong helpim
em long mekim ol birua bilong en i kamap wanbel wantaim em. Tok
bilong mipela i olsem. God i bin i stap long Krais na i wok long mekim
olgeta man i lusim pasin birua na i kamap wanbel wantaim em. Em
i no tingting moa long olgeta rong ol i bin mekim. Na em i givim
mipela wok bilong autim dispela tok, bilong em i ken mekim ol birua
235
… Wanbel na kamapim gutpela sindaun
Gris bilong Satan
i kamap wanbel wantaim em. Olsem na mipela i kisim maus bilong
Krais na autim tok bilong en. I olsem God yet i singaut long olgeta
man long maus bilong mipela. Mipela i save autim tok bilong Krais
yet long olgeta man, na mipela i tokim ol olsem, “Mobeta yupela i
lusim pasin birua na kamap wanbel wantaim God.”—2 Korin 5:18-20
Dispela Tok bilong kamapim wanbel i save stat taim yumi olgeta i
luksave olsem yumi i bin mekim sin long ai bilong God. Yumi no inap
laikim pasin bilong kamapim wanbel na kisim laip i stap oltaim oltaim
sapos yumi i no luksave olsem i gat bruk i stap.
Insait long Nupela Testamen, ol disaipel i bin autim tok olsem ol
manmeri i bin mekim sin long ai bilong God. Tasol bilong wanem na
ol i tokim ol manmeri olsem ol i bin mekim sin? Long bagarapim ol,
a? God i no save bagarapim ol lain bilong en. “God i no salim Pikinini
bilong en i kam long graun bilong skelim pasin bilong ol manmeri
bilong graun olsem jas. Nogat. Em i salim em i kam bilong kisim bek
ol” (Jon 3:17) Ating em i mas traim long bringim ol i kam long wanpela
hap we ol i ken luksave long wanem kain bel ol i gat long en na tanim
bel long ol sin ol i gat long en, na askim God long lusim rong bilong ol?
Wanem samting i save mekim ol man long tanim bel? Ansa bilong
dispela i stap long Rom 2:4.
Olsem wanem? God i save mekim gutpela pasin long yu, na em
i wetim yu longpela taim, na em i no save bekim pe nogut long yu
kwiktaim. Dispela gutpela pasin bilong God, ating yu lukim em i olsem
samting nating, a? God i laik bai yu tanim bel, olsem na em i mekim
gutpela pasin long yu. Ating yu no save, a?
Gutpela pasin bilong God i save mekim yumi long tanim bel.
Dispela laikim bilong Em, i no save lusim yumi long i go long hel.
Nogat. Em i soim dispela laikim bilong Em long yumi taim em i salim
Jisas, dispela wanpela Pikinini Man bilong Em, long i kam na dai long
yumi antap long diwai kros. God i putim han bilong em i kam long
yumi pastaim, maski taim yumi bin mekim sin long ai bilong Em. Em
236
Gris bilong Satan
… Wanbel na kamapim gutpela sindaun
i putim han bilong Em i kam long yumi, i no bilong bagarapim yumi,
tasol bilong kamapim wanbel—long sevim yumi.
Olsem na yumi mas bihainim ol pasin we God yet i save mekim
(Lukim Efesus 5:1). Yumi mas traim long soim dispela pasin bilong
kamapim wanbel i go long ol brata husat i mekim sin long yumi. Jisas
i kamapim na soim dispela pasin pinis olsem: Yu mas i go long dispela
man husat i mekim sin na soim em wanem kain sin em i mekim, i
no bilong traim long jasim em. Tasol, long traim long rausim wanem
kain samting i wok long kamapim birua namel long yutupela na long
kamapim bel isi na wanbel namel long yutupela olsem em i bin stap
bipo. Gutpela pasin bilong God insait long yumi, bai i pulim tingting
bilong dispela brata long tanim bel na rilesensip bilong yutupela i
ken kamap long mak olsem em i bin stap long en bipo.
Mi Pol, mi stap long kalabus, long wanem, mi save mekim wok
bilong Bikpela. Mi ting long God i bin singautim yupela long bihainim
em tru, olsem na mi laik kirapim yupela long wokabaut stret long
pasin em i laikim. Yupela i mas i stap aninit tru long ol arapela Kristen
na mekim pasin isi long ol. Yupela i noken belhat kwik long ol long
taim ol i rongim yupela. Yupela wan wan i mas givim bel bilong yupela
long ol na karim hevi ol i givim yupela. Holi Spirit i givim yumi pasin
bilong i stap wanbel, na dispela pasin em i olsem rop i pasim yumi
na yumi stap wanlain. Olsem na yupela i mas hatwok long holimpas
dispela pasin.—Efesus 4:1-3
Yumi gat pasin bilong stap isi taim yumi daunim yumi yet, bel isi na
strongim wanpela narapela long taim yu i nogat strong long mekim
wanpela samting. Yumi ken mekim olgeta dispela insait long pasin
bilong laikim na dispela i ken mekim pasin bilong laikim namel long
yutupela i kamap strong.
Mi bin mekim rong long planti ol lain husat i bin kam na tokim mi
stret long pes bilong mi olsem, ol i belhat long mi na mi pilim olsem
ol i jasim mi long wanem toktok ol mekim. Long dispela as, na mi no
laik tru long kamapim wanbel namel long ol na mi. Tru tru, mi ting
237
… Wanbel na kamapim gutpela sindaun
Gris bilong Satan
olsem ol i no laik kamapim wanbel; ol i laik bai mi i mas save olsem
ol i gat belhat long mi.
Ol arapela we mi bin mekim rong long ol, i bin kam long mi
wantaim daun pasin. Na insait long dispela, mi hariap long senisim
tingting bilong mi na mi askim ol long lusim rong bilong mi—sampela
taim, taim ol i no pinisim toktok bilong ol yet, mi save tok sori hariap
tru.
Insait long laip bilong yu, i bin i gat sampela lain husat i bin kam
long yu na tok, “Mi laikim yu long save olsem mi lusim rong bilong
yu long wanem, yu i no kamap olsem wanpela gutpela pren bilong
mi na yu i no mekim dispela samting bilong mi”?
Bihain long ol i krosim yu, orait ol i save givim dispela kain lukluk
olsem, “Yu i mas tok sori long mi, nau.”
Yu kirap nogut tru na paul long mekim wanpela samting o mekim
wanpela toktok bilong wanem yu pilim nogut stret long toktok bilong
ol. Ol i no kam bilong stretim tok wantaim yu na kamapim wanbel
pasin tasol ol i laik traim long mekim yu pret long ol na stap aninit
long ol bai ol i ken bosim yu.
Yumi i mas noken i go long wanpela brata husat i mekim yumi
belhat na tubel inap long taim yumi inap long pasim tingting pinis
long lusim rong bilong em tru tru insait long bel bilong yumi—maski
long wanem kain bekim em i mekim long yumi taim yumi i go lukim
em na toktok long em. Yumi i mas rausim pasin na tingting bilong
belhat long dispela brata bipo long taim yumi laik i go long lukim
em. Sapos yumi i no mekim olsem, orait em bai i isi tru long yumi
toktok o mekim samting wantaim belhat na dispela bai i bagarapim
bel bilong em, na i no inap long oraitim em.
Wanem samting bai i kamap taim yumi gat rait tingting na traim
long kamapim wanbel namel long yumi na ol dispela lain husat i bin
mekim rong long yumi, tasol ol i no laik long harim tok bilong yumi?
238
Gris bilong Satan
… Wanbel na kamapim gutpela sindaun
Na sapos em i no harim tok bilong yu, orait yu mas kisim
wanpela o tupela man moa i go wantaim yu. Olsem na bai i
gat tupela o tripela man bilong strongim tok. Tasol sapos em
i no laik harim tok bilong ol, orait yu mas tokim ol manmeri
bilong sios. Na sapos em i no laik harim tok bilong ol tu, orait
yu mas lukim em i olsem wanpela Haiden na olsem man bilong
kisim takis.
—Matyu 18:16-17
Wanwan bilong dispela ol samting i gat wankain as tingting tasol:
Pasin bilong kamapim wanbel. Wanpela poin tasol we Jisas i wok
long toktok long en, em, “Yu mas wok long traim yet.” Lukim wanem
kain rot we dispela i toktok long en, long ol lain husat i bin mekim
rong long yu bai i kisim. Hamaspela taim yumi i save kisim dispela ol
belhat na tubel bilong yumi i go long olgeta arapela lain bipo long
yumi go stret long dispela lain husat i bin mekim rong long yumi na
tokim em stret long wanem samting i stap long bel bilong yumi. Yumi
i save mekim olsem bikos yumi i no stretim bel bilong yumi yet. Yumi
save pilim olsem yumi mekim samting i stret taim yumi save tokim ol
arapela lain long sait bilong stori bilong yumi. Dispela i save strongim
dispela as tingting bilong yumi na mekim bel bilong yumi isi taim ol
arapela i wanbel long stori bilong yumi na ting olsem, dispela ol lain
i bin mekim nogut long yumi stret. Insait long dispela kain pasin, em
pasin bilong tingim yu yet tasol.
AS TINGTING
Sapos yumi holim pasim laikim bilong God olsem as tingting bilong
yumi, bai yumi no inap long pundaun. Pasin bilong laikim i no save
bagarapim narapela o daunim narapela. Taim yumi laikim ol arapela
wankain olsem Jisas i laikim yumi, orait bai yumi stap fri olgeta na
sapos dispela lain i no laik stap wanbel wantaim yumi em bai orait
tasol. Lukluk gut long dispela Baibel ves. Gutpela save bilong God i
save stap insait long olgeta samting we i save kamap.
239
… Wanbel na kamapim gutpela sindaun
Gris bilong Satan
Yupela yet i no ken tingting long kros na pait. Oltaim yupela
i mas painim rot bilong i stap wanbel wantaim olgeta man.
—Rom 12:18
Em i tok olsem, “Sapos em inap long yupela long mekim,” bikos
bai i gat taim we ol arapela bai i les long kamapim wanbel wantaim
yumi. O bai i gat ol lain we sapos yu kamapim wanbel namel long
ol na yumi, dispela bai i bagarapim rilesensip bilong yumi wantaim
Bikpela. Insait long dispela tupela rot wantaim, pasin bilong kamapim
wanbel bai i no inap long kamap.
Lukim wanem samting God i toktok long en, Em i tok olsem,
“…oltaim yupela i mas painim rot..” Yumi i mas traim long mekim
olgeta samting we yumi inap long mekim long kamapim wanbel
wantaim dispela narapela lain, na stap strong yet insait long tok
tru. Planti taim yumi i save les na lusim hariap bilip bilong yumi long
stretim na kamapim wanbel insait long rilesensip bilong yumi wantaim
ol arapela.
Mi no inap long lusim tingting long dispela taim we wanpela pren
bilong mi i bin tokim mi long noken tanim na ranawe taim wanpela
samting i bin kamap na bagarapim bel bilong mi nogut tru. Em i tok,
“Jon, mi save olsem yu inap long painim sampela gutpela as tingting
insait long Tok bilong God bilong strongim yu long lusim na i go. Tasol,
bipo long yu mekim olsem, yu i mas traim hat long stretim dispela
hevi wantaim beten na tu, yu mas traim olgeta rot bilong stretim
dispela hevi na kamapim wanbel i go inap i nogat rot moa i stap long
kamapim bel isi bilong God.”
Na em i tok moa olsem, “Wanpela taim bai i kam bai yu pilim sori
sapos yu lukluk i go bek long dispela de na askim yu yet olsem, yu bin
mekim olgeta samting we yu inap long mekim bilong sevim dispela
rilesensip o nogat. Em bai gutpela moa sapos yu save olsem i nogat
narapela rot moa i stap na yu mekim olgeta samting we yu ting yu
inap long mekim na i no daunim tok tru.”
240
Gris bilong Satan
… Wanbel na kamapim gutpela sindaun
Mi amamas tru long dispela gutpela skul toktok bilong em, na mi
luksave olsem, em i wanpela gutpela save i kam long God.
Tingim ol toktok bilong Jisas:
Ol manmeri i save mekim dai ol kros na pait, em ol
i ken amamas. Bai ol i kolim ol pikinini bilong God.
—Matyu 5:9
Em i no tok olsem, “Ol manmeri i no save kros na pait, em ol i ken
amamas.” Ol lain husat i no save kros na pait i save les long tokaut
stret long pes bilong ol lain husat i mekim rong long en, bilong wanem,
ol i save laik long stap bel isi na sampela taim, ol i no save bihainim
tok tru bikos ol i laikim bel isi moa long tok tru. Tasol dispela bel isi
ol i traim long kisim long en, em i no trupela bel isi. Em i wanpela
giaman bel isi na em bai no inap long stap longpela taim.
Ol lain husat i save mekim dai ol kros na pait, bai i go stret long
pes bilong dispela ol lain husat i mekim rong long em, na toktok stret
wantaim laikim i pulap insait long bel bilong ol, bilong bringim tok
tru na dispela i ken kamapim wanbel bai i stap longpela taim. Ol bai
i no inap long kamapim ol giaman rilesensip. Ol i save laikim pasin
bilong tok tru na laikim na i no save haitim wanpela samting. Ol i save
les long giaman na lap na traim long haitim dispela belhat na tubel
bilong ol, na tu ol i save laik long kamapim bel isi wantaim strongpela
pasin bilong laikim we em bai no inap long bagarap.
Dispela em i pasin bilong God long ol manmeri bilong dispela graun.
Em i no laik olsem wanpela bai i dai. Tasol Em bai i no inap long haitim
tok tru long kamapim dispela rilesensip wantaim yumi. Tru tru em i
save traim long painim rot bilong kamapim bel isi na wanbel na Em
i no save giaman tasol long mekim dispela kain pasin. Dispela i save
kamapim strongpela pasin bilong laikim we nogat wanpela samting
nogut inap long rausim o bagarapim. Em i bin lusim laip bilong Em
long yumi na Em i no save tingim Em yet. Yumi tu inap long mekim
wankain pasin olsem.
241
… Wanbel na kamapim gutpela sindaun
Gris bilong Satan
Yu i mas tingim olsem, as bilong dispela olgeta samting, em laikim
bilong God i stap. Em dispela laikim tasol i save stap tru, em i no gat
pinis bilong em. Em i no save tingim em yet na em i no save belhat
na tubel kwiktaim (1 Korin 13:5).
Aposel Pol i bin raitim olsem, dispela pasin bilong laikim bai i
karamapim olgeta kain kain sin.
Oltaim mi save prea olsem, pasin bilong laikim tru ol arapela em
i ken kamap strong moa long yupela, na bai yupela i gat planti save,
na tingting bilong yupela i ken kamap klia tru. Olsem bai yupela
inap long skelim gut olgeta pasin na kisim ol pasin i gutpela tru. Na
long De bilong Krais i kotim ol manmeri, yupela bai i stap klin tru na
i nogat asua long wanpela samting. Na ol stretpela pasin Jisas Krais
i save kamapim, ol bai i pulap tru long yupela. Na ol manmeri bai
i lukim na ol bai i givim biknem long God na litimapim nem bilong
en.—Filipai 1:9-11
Laikim bilong God em i olsem ki bilong stap fri long dispela trap
long pasin bilong belhat na tubel. Dispela kain pasin bilong laikim i
mas pulap insait long bel bilong yumi na olgeta taim em i mas gro
na kamap strong.
Planti ol lain insait long sosaiti bilong yumi tude, i save stap insait
long dispela giaman pasin bilong laikim. Dispela kain laikim we i save
toktok planti tasol na i nogat eksen bilong en. Dispela laikim we bai
no inap long larim yumi pundaun, na em bai lusim laip bilong en
long yumi na em i no save tingim em yet—na dispela laikim em bai
mekim wankain long ol birua bilong em, tu. Taim yumi wokabaut
insait long dispela kain pasin bilong laikim, bai yumi i no inap long
harim gris bilong Satan.
242
SOTPELA TOKTOK LONG PINIS BILONG
BUK
MEKIM EKSEN
Taim yu ritim dispela buk, ating yu wok long lukim olsem Spirit bilong
Bikpela i wok long toktok long yu long wanem kain ol rilesensip yu
bin i gat long bipo o long nau, we yu bin holim sampela strongpela
tingting agensim ol arapela lain. Na long dispela as, mi pilim olsem
Bikpela i putim long bel bilong mi long askim yu long mekim wanpela
sotpela prea wantaim mi bilong lusim ol rong bilong dispela ol lain.
Tasol bipo long yu mekim dispela prea, askim Holi Spirit long
wokabaut wantaim yu i go insait long dispela laip bilong yu long
bipo, na bringim i kam long tingting bilong yu ol dispela lain we yu no
bin lusim rong bilong ol. Stap isi wantaim Em na larim Em i soim yu
husat tru yu no bin lusim rong bilong ol yet. Yu no nid long painimaut
dispela ol samting we i no stap long en yu yet. Nogat. Holi Spirit yet,
bai soim yu dispela ol lain na bai yu nogat tupela tingting taim yu
tingim dispela ol lain. Taim Em i mekim olsem, bai yu wok long tingim
wanem kain pen na hevi yu bin go insait long en long dispela taim,
taim ol dispela samting i kamap long yu. Yu no ken pret. Em bai stap
klostu tru long yu na mekim bel bilong yu i stap isi.
Taim yu wok long lusim rong bilong dispela ol lain husat i bin
mekim nogut o rong long yu, tingim pes bilong ol wanwan long
tingting bilong yu na lusim rong bilong ol wanwan. Rausim dispela
tingting olsem ol i gat dinau long yu. Orait, nau yu ken mekim dispela
prea, tasol no ken yusim dispela ol toktok tasol we i stap long dispela
buk. Yusim dispela prea olsem wanpela eksampel, na larim Spirit
bilong God i go pas long yu taim yu prea.
Papa insait long nem bilong Jisas, mi ken tok stret olsem mi bin
mekim sin long yu taim mi no lusim rong bilong ol lain husat i bin
243
Sotpela toktok long pinis bilong buk: Mekim eksen
Gris bilong Satan
mekim mi belhat na tubel. Mi tok sori na tanim bel long dispela ol
pasin na askim Yu long lusim rong bilong mi.
Na tu, mi save olsem, mi yet i no inap long lusim rong bilong ol
tasol wantaim Yu, mi inap long mekim olsem. Olsem na long bel
bilong mi stret, mi lusim rong bilong ol. [Putim nem bilong ol–na
lusim rong bilong ol wanwan.]
Mi karim dispela olgeta rong we ol i bin mekim long mi i kam aninit
long blut bilong Jisas. Ol i nogat wanpela dinau wantaim mi moa. Mi
lusim olgeta dispela rong ol i mekim long mi.
Papa God long heven, wankain olsem Bikpela bilong mi Jisas, i bin
askim Yu long lusim rong bilong ol lain husat i bin mekim sin long
Em, mi beten olsem bai Yu lusim rong bilong dispela ol lain husat i
bin mekim sin long mi tu.
Mi askim Yu long blesim ol na bringim i go klostu long Yu bai ol
ken gat gutpela rilensip wantaim Yu. I tru.
Nau long wanpela buk, raitim nem bilong dispela ol lain yu bin
lusim rong bilong ol pinis na rekodim dispela de, mun na yia we yu
bin mekim dispela disisen long lusim rong bilong ol.
Bai yu nid long eksasaisim bilip bilong yu long stap fri long dispela
pasin bilong belhat na tubel. (Sapos yu no klia gut long dispela toktok,
orait yu mas ritim gen sapta tetin.) Mekim promis long yu yet long
beten long ol dispela lain taim yu wok long beten long yu yet. Dispela
buk bai helpim yu long tingim husat lain long beten long en. Sapos
kainkain tingting i wok long kam yet long tingting bilong yu, orait yu
mas traim long rausim ol dispela tingting wantaim Tok bilong God na
tokaut long dispela tingting yu pasim pinis bilong lusim rong bilong
dispela ol lain. Yu bin askim God pinis long marimari bilong Em long
yu ken lusim rong bilong ol dispela lain, olsem na pasin bilong i no
lusim rong bilong ol arapela i nogat strong long pawa bilong marimari
bilong God. Yu mas strong yet na stap insait long dispela gutpela
pait bilong bilip.
244
Gris bilong Satan
Sotpela toktok long pinis bilong buk: Mekim eksen
Taim yu i save olsem bel bilong yu i strong na i stap isi, orait yu
ken i go long dispela ol lain husat i bin mekim rong long yu. Yu mas
tingim olsem, as tru tru bilong yu long go long ol, em long kamapim
wanbel bilong helpim dispela man o meri, na i no bilong helpim
yu yet. Taim yu mekim olsem, yu pasim wok bilong win pinis. Bai
yu inap long winim dispela brata o susa na kisim em bek. (Lukim
Matyu 18:15.) Long ai bilong God, dispela kain samting i save mekim
Em i amamas nogut tru.
God em inap long lukaut gut long yupela na bai yupela i no
pundaun. Em inap long bringim yupela i go i stap long gutpela ples
bilong en, na bai yupela i nogat asua, na yupela i gat bikpela amamas
tru. Dispela wanpela God tasol i stap, na em i bin kisim bek yumi long
wok bilong Jisas Krais, Bikpela bilong yumi, na yumi mas litimapim
nem bilong en. Em i ken i stap namba wan king, na i gat bikpela strong,
na em i ken i stap het bilong olgeta samting. Long olgeta taim bipo
em i stap olsem, na nau tu em i stap olsem. Na em bai i stap olgeta
taim bihain. I tru.
—Jude 24-25
245
Las tok bilong pinis
Dispela hap i toktok long wanwan hap tok man i raitim dispela buk, John
Bevere i bin kisim long sampela buk na putim i go insait long dispela
buk Gris bilong Satan.
SAPTA WAN
MI, BELHAT A?
1. W.E. Vine, Merrill Unger na William White Jr., An Expository
Dictionary of Biblical Words (Nashville, TN: Thomas Nelson, 1984),
s.v. “offense, offend” (i kam long Vine’s Expository Dictionary).
Sapta Sikis
Hait long samting i tru
1. Vine’s Expository Dictionary, s.v. “child.” o “pikinini”
2. Vine’s Expository Dictionary, s.v. “son.” o “pikinini man”
3. Aninit long dispela tok “son” insait long Vine’s Expository Dictionary of
New Testament Words (hap we ol i no sotim tok), man i raitim dispela
buk, John Bevere i mekim strongpela tok long soim hap em i yusim
dispela tok tasol we em i no wankain olsem long narapela hap. Tok
bilong pikinini bilong yu, yu karim long en (teknon) and na pikinini i
luk wankain olsem yu (huios):
“Dispela tok i no wankain namel long ol bilip manmeri olsem
‘pikinini bilong God’ teknon na olsem ol ‘pikinini man bilong God’ em i
kamaut ples klia insait long tok i stap long Rom 8:14-21. Spirit bilong
God, i kamap witness wantaim spirit bilong ol olsem, ol i ‘pikinini
bilong God’ na long dispela as, ol bai kisim ol samting wankain olsem
Krais i kisim pinis long en. Dispela i soim ples klia, ol i kamap nupela
insait long spirit (vv. 16-17). Long narapela sait, ‘Olgeta manmeri
i larim Spirit bilong God i stiaim wokabaut bilong ol, dispela ol
246
manmeri i stap pikinini bilong God.’ Em i olsem, ol dispela manmeri
tasol na i nogat narapela moa. Pasin bilong ol, i soim gutpela piksa
long rilensip bilong ol wantaim God na pasin bilong Em.
“Bikpela Jisas i yusim dispela tok huios long narapela kain we stret,
taim em i tok ‘ol i kolim ol pikinini man bilong God,’ na long vv. 44,
45, ‘Laikim ol birua bilong yu na beten long ol lain husat i wokim
nogut long yu, bai yu ken kamap olsem ol pikinini man bilong God i
stap long heven.’ Ol disaipel i mas mekim ol dispela pasin, i no bikos
taim ol i mekim dispela, ol bai i ken kamap pikinini bilong God (lukim
gut, tok i tok Papa bilong yupela insait long dispela tok). Tasol, ol i
mas mekim dispela bikos ol i pikinini bilong God, na insait long pasin
bilong ol, ol bai soim klia olsem ol i pikinini bilong God. Lukim tu,
2 Korin 6:17-18.”
4. The Rockford Institute, Center on the Family in America (Rockford, IL).
SAPTA SEVEN
DISPELA TRUPELA NA STRONGPELA SAMTING
1. Zondervan Topical Bible(Grand Rapids, MI: Zondervan, 1969), s.v.
“Simon.”
2. Vine’s Expository Dictionary, s.v. “rock.”
3. Ibid.
SAPTA ET
OLGETA SAMTING WE EM INAP LONG GURIA
NA SEKSEK EM BAI GURIA NA SEKSEK
1. Logos Bible Study Software for Microsoft, version 1.6 (Oak Harbor, WA:
Logos Research Systems Inc., 1993), s.v. “sift.”
2. J.D. Douglas, et al., eds., New Bible Dictionary (Wheaton, IL: Tyndale
House, 1982), 2nd ed., s.v. “Peter.”
SAPTA ILEVEN
PASIN BILONG LUSIM RONG: SAPOS YU I
NO GIVIM BAI YU NO INAP KISIM
1. Margin note: New King James Version (Nashville, TN: Thomas Nelson,
1988).
2. Logo Bible Study Software, version 1.6 (Oak Harbor, WA: Logos
Research Systems Inc., 1993).
247
3. Merriam-Webster’s Collegiate Dictionary, Tenth Edition (Springfield,
MA: Merriam-Webster Inc., 1993).
SAPTA TWELV
PASIN BILONG BEKIM BEK: DISPELA TRAP
1. Francis Frangipane, The Three Battlegrounds (Cedar Rapids, IA:
Advancing Church Publications, 1989), 50.
SAPTA TETIN
RANAWE LONG DISPELA TRAP
1. Vine’s Expository Dictionary, s.v. “exercise.”
SAPTA FOTIN
AS TINGTING: WANBEL NA KAMAPIM GUTPELA SINDAUN
1. Vine’s Expository Dictionary, s.v. “raca.”
2. Ibid.
248
GRIS
BILONG
SATAN
OL TOKTOK BILONG KISIM LOTU
John Bevere
249
250
OL SAMTING I STAP INSAIT LONG
DISPELA SEKSEN
De 1 De 2 De 3 De 4 De 5 De 6 De 7 De 8 De 9 De 10 De 11 De 12 De 13 Introdaksen ..................................................................... 253
Mi belhat a? .................................................................... 255
Pasin tru tru bilong bel . .................................................. 259
Mekim planti i belhat na tubel ........................................ 263
Ol banis bilong lukaut . .................................................... 267
Bilong wanem na dispela samting i kamap long mi? ...... 271
God em i bosim, a? . ........................................................ 274
Taim wanpela papa i les long yu ..................................... 277
Husat bai helpim mi long pait? . ...................................... 280
Ol tarangu man na rabis man i save kamap
olsem wanem ............................................................. 283
Ol samting we yu planim long en i kamap gut ................ 287
Hait long samting i tru . ................................................... 291
Pasin bilong banisim yu yet . ........................................... 294
Dispela trupela na strongpela samting ........................... 298
251
De 14 De 15 De 16 De 17 De 18 De 19 De 20 De 21
De 22 De 23 De 24 De 25 De 26 De 27 De 28 De 29 De 30 Yu i nogat narapela rot olsem na .................................... 301
Olgeta samting we em inap long guria
na seksek, em bai guria na seksek .............................. 305
Pasin bilong marimari i save go long ol
lain husat i gat daun pasin .......................................... 309
Dispela ston bilong belhat na tubel ................................ 312
Nogut yumi mekim ol i belhat na tubel . ......................... 316
Putim i go daun dispela rait bilong yumi . ....................... 319
Pasin bilong lusim rong: Sapos yu i
no givim—bai yu no inap kisim ................................... 322
Dispela wokman husat i no inap
long lusim rong bilong ol arapela ............................... 325
Pasin bilong bekim bek: Dispela trap .............................. 328
Man husat i ken kamap king i kisim bagarap .................. 331
Ranawe long dispela trap ................................................ 335
Kisim orait long stretim tok na tokaut stret
long pes bilong arapela .............................................. 338
As tingting: Wanbel na kamapim gutpela sindaun ......... 342
Askim man husat i gat belhat na
tubel long lusim rong bilong yu . ..................................... 345
Go toktok long man husat i bin mekim
yu belhat na tubel . ..................................................... 348
As tingting ....................................................................... 351
Mekim eksen . ................................................................. 355
252
INTRODAKSEN
W
elkam long dispela hap bilong buk we i toktok long sampela
ol gutpela toktok bilong kisim lotu John Bevere i bin raitim
na putim i go insait long dispela buk, bilong makim tenpela yia i go
pinis taim em i bin raitim dispela buk Gris bilong Satan. Dispela ol
gutpela toktok bilong kisim lotu, em bilong helpim yu long taim yu
holim lotu bilong yu yet long haus o rum bilong yu. Em bai helpim
yu long lukluk gut tru na skelim ol tok i stap insait long dispela buk
wantaim ol tok tru i stap insait long Buk Baibel. Em bai helpim yu
long abrusim pasin bilong belhat na tubel, na bai helpim yu tu, long
tanim bel na rausim pasin bilong belhat na tubel, we yu bin i gat bipo
long laip bilong yu. Mipela i laik helpim yu long luksave long wanem
em i tingting bilong God, long sait bilong belhat na tubel na wanem
kain rot bai yu kisim long abrusim.
Wan wan bilong dispela ol gutpela toktok bilong kisim
lotu bilong wanwan de i gat tok bilong:
• Helpim yu long save gut long Tok bilong God.
• Givim yu wok, bilong ritim wanwan pes bilong dispela buk Gris
bilong Satan.
253
Gris bilong Satan
• Kamapim ples klia lo o pasin bilong givim-laip long kamapim
gutpela rilesensip, we i gat pasin bilong laikim na i nogat pasin
bilong belhat na tubel i stap.
• Helpim yu, long yu kamap fri long kalabus bilong belhat na
tubel bilong bipo.
Mipela i prea olsem dispela ol gutpela toktok bilong kisim lotu,
bai kamap olsem wanpela gutpela samting bilong stiaim yu long
luksave, long ol tok tru bilong God. Na dispela em bilong helpim
yu long abrusim ol gris bilong Satan—olsem pasin bilong belhat na
tubel—insait long ol rilesensip bilong yu wantaim God, yu yet, ol
famili, sios, ol poroman o pren, ol wanwok, na tu, ol dispela lain we
ol yet i save ting olsem ol i birua bilong yu.
254
Ol Toktok Bilong Kisim Lotu
DE 1
MI BELHAT, A?
Na wokman bilong Bikpela i no ken tok pait na tok
kros. Nogat. Em i mas mekim gutpela pasin long olgeta
man. Sapos ol man i bikhet long em, em i mas daunim
belhat na painim ol gutpela rot bilong skulim ol manmeri
long ol pasin God i laikim. Em i mas wok isi na stretim
tingting bilong ol man bilong sakim tok. Sapos em i
mekim olsem, orait God bai i helpim ol na ating ol bai
i tanim bel na kisim gutpela save long tok tru. Satan i
kisim ol pinis long umben bilong en, bilong mekim ol i
bihainim tok bilong em. Tasol sapos ol i save long tok tru,
orait tingting bilong ol i kamap klia gen, na ol bai i lusim
umben bilong Satan na i stap fri.—2 Timoti 2:24-26
[Ritim pes 5-7]
l lain husat i save kilim wel abus i save olsem, wanpela trap bai
nidim tupela bikpela samting bilong mekim dispela trap inap
long kisim abus: Yu mas haitim dispela trap na gat bikpela tingting
olsem wanpela wel abus bai i kam na pundaun i go insait long en.
Na tu, dispela trap i mas i gat kaikai bilong grisim wel abus long kam
insait long banis bilong dispela trap.
O
255
De 1
Ol Toktok Bilong Kisim Lotu
­­­­­­­­­­­­­­­­­Planti ol lain i save painim hat tru long mekim wok
bilong ol gut insait long singaut na wok we God
i givim ol, bilong wanem, ol i gat sua na bagarap
na belhat na tubel insait long laip bilong ol.
Satan, dispela birua bilong spirit man bilong yumi, i save bungim
dispela tupela pasin wantaim long taim em i laik kamapim dispela
giaman trap bilong em we, em i ken bagarapim yumi na tu, kilim yumi
dai. Em i save haitim gut tru dispela trap bilong en wantaim hap kaikai
bilong en long grisim yumi. Wantaim ol soldia bilong em, Satan em
i no man bilong hatim bel, na soim em yet ples klia bai olgeta lain i
ken lukim em, olsem planti ol bilip manmeri i save tingim long en. Em
i smat, na i gat planti save tumas, na em i save amamas long mekim
ol giaman pasin. Em i fit long mekim ol wok bilong en na em i save
mekim wantaim pasin bilong apim em yet na kusai.
Wanpela pasin bilong em long giaman na isi isi long pulim tingting
bilong ol Kristen manmeri long bagarapim ol, em long grisim ol
wantaim dispela hap kaikai bilong em—pasin bilong kisim belhat na
tubel we planti ol Kristen i save go insait long en. Olsem na sapos
yumi kisim na kaikai dispela hap kaikai bilong em na putim i go insait
long bel bilong yumi, orait bai yumi gat belhat na tubel.
Ol lain husat i save kisim belhat na tubel i save karim planti kaikai
nogut insait long laip bilong ol.
Insait long dispela lista daunbilo, bilong ol pasin bilong belhat na tubel,
inap yu putim mak na raunim, wanem kain samting yu save pilim na
i go insait long en, taim yu bin gat belhat na tubel bipo:
Pen na hevi
Jeles o ting nogut
Kros pait
belhat
mangal
tubel
256
belhat nogut tru
kros long arapela
bagarapim arapela
Ol Toktok Bilong Kisim Lotu
De 1
­­­­­­­­­­­­­­­­­­­­Planti ol lain i save painim hat tru long mekim wok bilong ol gut
insait long wanem singaut na wok God i bin givim ol, bilong wanem,
ol i gat sua na bagarap na belhat na tubel i stap insait long laip bilong
ol. Ol i kamap olsem ol lain i no gat han na lek, na i no inap long
helpim ol yet, na long dispela as, ol i no inap long pinisim wok bilong
ol long dispela mak we ol inap long mekim long en, sapos ol i no bin
gat belhat na tubel. Planti taim, sapos wanpela bilip lain i bagarapim
bel bilong ol, orait ol bai kirap na mekim wankain tok olsem Devit
i bin tok long en, “Sapos wanpela birua i tok nogut long mi, maski,
mi inap karim hevi bilong tok bilong en. Tasol nogat. Em yu tasol.
Yu namba wan pren bilong mi, na yu poroman tru bilong mi. Yu yet
i mekim dispela pasin. Bipo mitupela i save wokabaut wantaim na
toktok gut wantaim, na i go long haus bilong God wantaim ol arapela”
(Buk Song o Sam 55:12-14).
Lista (stat wantaim namba wan (1), raitim ol poroman tru bilong yu i
go inap long ol lain we i no poroman tru bilong yu) raitim nem bilong
dispela ol faivpela lain husat i bin mekim yu belhat na tubel:
1.
2.
3.
4.
5.
Ol lain husat i gat belhat na tubel i save kisim bikpela bagarap,
na gutpela tingting i no save stap long ol, na ol i save i stap insait
long tudak. Ol i save stat long jasim ol arapela lain wantaim wanem
tingting ol i tingim long en, o long lukluk bilong ol long dispela lain, o
long wanem samting ol i harim long en. Insait long dispela ol gutpela
toktok bilong kisim lotu, bai yumi traim long kamapim ples klia dispela
ol we bilong God long abrusim gris bilong satan, long sait bilong kisim
belhat na tubel. Na tu, bai yumi traim long rausim olgeta dispela ol
belhat na tubel bilong bipo we i wok long holimpasim yumi yet i stap.
257
De 1
Ol Toktok Bilong Kisim Lotu
RAITIM WANPELA PREA…
Askim God long helpim yu na givim yu gutpela tingting bilong Em,
bilong abrusim ol gris bilong Satan.
258
Ol Toktok Bilong Kisim Lotu
DE 2
PASIN TRU TRU BILONG BEL
Yupela i save tingting long ol dispela samting God i laik
mekim na yupela i save amamas. Tasol nau long liklik
taim tasol, ating kain kain traim bai i kamap na givim
pen long yupela. Long dispela pasin God i save traim
bilip bilong yupela. Yumi save, gol em i gutpela samting
tru, tasol ol i save kukim long paia, bilong traim na
painimaut em i gol tru, o nogat. Bilip bilong yupela
i winim gol na i gutpela moa, long wanem, gol em i
samting bilong bagarap. Olsem na sapos ol kain kain
traim i kamap long yupela, em i bilong traim bilip na
soim olsem, yupela i bilip tru long Krais. Na long las de,
taim Jisas Krais i kamap ples klia, em bai i amamas tru
long yupela na givim biknem long yupela.—1 Pita 1:6-7
[Ritim pes 7-11]
anpela rot we birua i save holim man long stap insait long pasin
bilong belhat na tubel em long haitim dispela pasin bilong
belhat na tubel wantaim pasin bilong i gat biknem. Na i no inap long
tokaut klia long pasin nogut i stap insait long laip bilong en.
Pasin bilong gat biknem, bai pasim yu long tokaut stret long
wanem samting i stap insait long bel bilong yu. Pasin bilong gat
biknem bai mekim yu long tingim olsem, yu tasol i bin kisim bagarap.
Bilong wanem, yu gat bilip olsem, ol i no mekim gutpela pasin long
yu olsem na yu no inap long lusim rong bilong ol. Maski dispela tru
W
259
De 2
Ol Toktok Bilong Kisim Lotu
tru bel bilong yu, em i hait long yu, tasol em i no hait long God. Sapos
ol i no mekim gutpela pasin long yu, orait dispela em i no givim yu
tok orait long yu ken holim belhat na tubel long bel bilong yu long ol
arapela. Taim yu mekim wanpela rong na traim long stretim dispela
rong wantaim narapela rong, em bai no inap long mekim ol samting
i kamap rait. Nogat tru.
Tru tru gol em paia i bin kukim na rausim olgeta samting nogut
i stap long en (Kamapim Tok Hait o Revelesen 3:18). Taim yu tanim
gol wantaim ol narapela ain samting, em bai mekim dispela gol i
kamap strong na hat long krungutim (o bendim) na tu, dispela gol
bai bagarap hariap tru. Tasol, taim em i go insait long paia, paia bai
kukim na rausim ol arapela ain samting na tru tru gol yet, bai stap
na em bai kamap isi tru long krungutim (o bendim).
Sapos ol i no mekim gutpela pasin long yu, orait
dispela em i no givim yu tok orait long yu ken
holim belhat na tubel long bel bilong yu. Taim yu
mekim wanpela rong na traim long stretim dispela
rong wantaim narapela rong, em bai no inap long
mekim ol samting i kamap rait. Nogat tru.
Wankain samting em i tru long bel bilong yumi. Taim bel bilong
yumi, em i kamap strong moa yet insait long pasin bilong i gat biknem
na sin, na taim yumi holim strong pasin bilong belhat na tubel, orait
dispela i save mekim yumi les long ol samting bilong God moa yet.
God i laikim tru, long klinim bel bilong yumi, bai yumi ken i gat klinpela
bel.
Ritim 1 Pita 1:6-7, na raitim wanpela o tupela sentens, wanem rot,
God i save mekim yumi kamap klin olgeta:
260
Ol Toktok Bilong Kisim Lotu
De 2
God i save mekim yumi kamap klin olgeta insait long ol kain kain
pasin bilong traim na hevi. Dispela i save kukim yumi na rausim kain
kain ol doti na pipia insait long laip bilong yumi, kain olsem, pasin
bilong i no lusim rong bilong ol arapela, pasin bilong belhat, mangal,
aigris, na jeles insait long laip bilong yumi. Na em i save larim (ol
stretpela na klinpela) pasin bilong God long gro o kamap bikpela
insait long laip bilong yumi.
Tingting long laip bilong yu yet. Wanem kain ol doti na samting nogut
o hap pipia, i stap insait long laip bilong yu? Na i wok long pasim ol
gutpela pasin bilong God long gro o kamap bikpela insait long laip
bilong yu?
Jisas i tok olsem, dispela pasin bilong yumi long lukluk stret, em i
wanpela ki samting bilong helpim yumi long stap fri olgeta long pasin
bilong giaman. Planti taim, taim yumi save belhat na tubel, yumi
save lukim yumi yet olsem ol lain husat i kisim bagarap na sutim tok
tasol long dispela ol lain husat i bagarapim yumi long en. Insait long
ol nogut tingting yumi gat, na pilim long en, yumi save traim long
strongim sait bilong yumi yet na i tok olsem, yumi mekim stretpela
pasin. Sampela taim, yumi save les taim ol lain i mekim yumi tingting
i go bek long ol lain husat i bin bagarapim bel bilong yumi, na i bin
mekim yumi belhat na tubel. Jisas i tokim yumi pinis long tok bilong
Em olsem, “Mobeta yu baim marasin bilong putim long ai bilong yu,
na bai yu inap long lukluk” (Kamapim Tok Hait o Revelesen 3:18c).
261
De 2
Ol Toktok Bilong Kisim Lotu
RAITIM WANPELA PREA…
Tanim bel long pasin bilong sutim tok long ol arapela na askim Bikpela
long givim yu, ai bilong lukim gut wanem samting i stap insait long
bel bilong yu.
262
Ol Toktok Bilong Kisim Lotu
DE 3
MEKIM PLANTI I BELHAT NA
TUBEL
Sapos wanpela man i bihainim ol laik bilong olpela
bel bilong em yet, orait dispela pasin bilong olpela
bel bai i kamapim kaikai nogut na em bai i bagarap
olgeta. Tasol sapos em i bihainim pasin bilong Holi Spirit,
orait Holi Spirit bai i kamapim laip long dispela man
na em bai i stap gut oltaim oltaim. Olsem na yumi no
ken les long mekim gutpela pasin. Sapos yumi no slek
long mekim wok, orait long taim bilong kisim kaikai
yumi bai kisim gutpela kaikai tru.—Galesia 6:8-9
[Ritim pes 13-16]
lanti lain i bin wanbel long dispela tok olsem, klostu taim bai Jisas i
kam bek. Em i nogat mining bilong en long traim na makim wanem
de stret, bai Em i kam bek. Papa God tasol, Em wanpela i save long
dispela. Tasol Jisas i bin i tok olsem, bai yumi save long wanem taim
em bai kam, na nau em i dispela taim! Nogat wanpela taim long
bipo, yumi bin lukim ol tok profet i wok long kamap insait long sios,
insait long kantri Israel, na tu, long ol samting we God i wokim long
en, kain olsem plaua, diwai na ol abus samting. Jisas i bin tok olsem,
wanpela bilong dispela kain ol mak bilong soim olsem, em bai kam
bek, em olsem, “planti lain bai i gat belhat na tubel”—i no wan wan
man o meri na i no sampela tasol, Em i tok, planti. Ating yu o ol lain
yu save long en i save belhat na tubel hariap tru, a?
P
263
De 3
Ol Toktok Bilong Kisim Lotu
Mi kamap long dispela mak we mi luksave olsem,
taim mi save soim pasin bilong laikim, mi save
planim kaikai i go insait long Spirit. Na bai mi
kamautim kaikai bilong pasin bilong laikim.
Putim wanpela mak kain olsem dispela x, long lain daunbilo, bilong
soim wanem mak o level yu stap long en, wantaim pasin bilong belhat
na tubel. Putim dispela mak, aninit long wan wan tok i stap daunbilo:
Ol lain husat i save go long lotu i save isi tru long i gat belhat na tubel.
PLANTI TAIM EM I TRU WAN WAN TAIM EM I TRU
Em i isi tru long mi kisim belhat na tubel.
PLANTI TAIM EM I TRU WAN WAN TAIM EM I TRU
Ol poroman o pren i save isi tru long mekim mi belhat na tubel.
PLANTI TAIM EM I TRU WAN WAN TAIM EM I TRU
Ol wanwok bilong mi i save isi tru long kisim belhat na tubel.
PLANTI TAIM EM I TRU WAN WAN TAIM EM I TRU
Ol wantok i save isi tru long kisim belhat na tubel.
PLANTI TAIM EM I TRU WAN WAN TAIM EM I TRU
Sapos yu lukim olsem yu putim planti ol x long lain we i stap long
han-kais bilong yu, orait em i soim olsem, yu tu, yu wok long skelim
gut pasin bilong ol manmeri. Na yu wok long lukim olsem, ol i wok
long isi tru long kisim belhat na tubel insait long dispela taim. Tasol
ol bilip lain husat i pulap wantaim laikim bilong God, i save pulap
264
Ol Toktok Bilong Kisim Lotu
De 3
wantaim laikim bilong God, na ol i save les long kisim gris bilong
pasin bilong kisim belhat na tubel.
Mi kamap long dispela mak we mi luksave olsem, taim mi soim
dispela pasin bilong laikim, em i olsem mi planim kaikai insait long
Spirit na bihain, bai mi kamautim kaikai bilong laikim. Mi no wok
long tingim gen olsem, mi no mekim gut taim narapela man o meri
i no soim pasin bilong laikim insait long taim, mi soim laikim bilong
God long em. Mi kamap fri long laikim dispela ol lain moa, moa yet.
Sapos yumi wokabaut insait long pasin bilong laikim, yumi bai
laikim ol narapela long bekim dispela laikim yumi gat long en—orait
dispela i ken mekim yumi isi tru long kisim belhat na tubel taim ol i
no bekim bek dispela pasin bilong laikim, we yumi bin soim long ol.
Mi save mekim mi yet i belhat na tubel, taim mi laikim sampela kain
pasin o eksen bilong ol lain mi save laikim long en, i mas bihainim laik
bilong mi, tasol ol i no save mekim olsem. Taim mi stat long laikim
tru ol wantaim laikim bilong God, dispela i mekim mi kamap fri long
pasin bilong belhat na tubel.
Long mak bilong wan (1) – liklik stret i go long faiv (5) – bikpela stret,
makim wanem kain rot, bai yu kisim insait long laip bilong yu, taim
yu ritim wan wan bilong dispela ol tok daunbilo: (Raunim o sekolim
ansa bilong yu.)
Mi save gat bikpela tingting, long ol arapela i mas
mekim ol samting, mi gat tingting long en.
1
Mi save bel hevi isi tru.
1
I gat mak bilong mi long laikim ol arapela. 1
Mi save blesim ol arapela long ol i ken blesim mi. 1
2
2
2
2
3
3
3
3
4
4
4
4
5
5
5
5
Kaunim olgeta namba yu bin makim o sekolim long en. Sapos yu kisim
mak i antap long namba ten (10), orait yu stap long dispela mak we
yu inap long kisim belhat na tubel isi tru, insait long laip bilong yu.
265
De 3
Ol Toktok Bilong Kisim Lotu
RAITIM WANPELA PREA…
Askim God long rausim dispela pasin bilong i gat bikpela tingting
long ol arapela long bekim bek samting, yu bin mekim long ol o long
ol i mas bihainim wanem kain tingting yu ting, em i stret, na ol i mas
bihainim. Na askim Em long pulamapim yu, wantaim pasin bilong
laikim, we i nogat mak bilong en.
266
Ol Toktok Bilong Kisim Lotu
DE 4
OL BANIS BILONG LUKAUT
Olgeta samting bilong pait mipela i holim, ol i no
samting bilong dispela graun. Nogat. Ol i gat strong
bilong God, na ol inap brukim ol strongpela banis bilong
ol birua. Mipela i save daunim olgeta kain tingting na
giaman tok i save pasim rot bilong ol man i laik kisim
save long God. Na mipela i save kalabusim olgeta
tingting bilong ol man, bilong mekim tingting bilong
ol i bihainim laik bilong Krais.—2 Korin 10:4-5
[Ritim pes 16-21]
m i isi tru long winim wanpela biktaun we i gat strongpela banis
i raunim em, tasol, em i hat tru long winim wanpela man husat
i gat belhat na tubel. Dispela strongpela banis bilong biktaun em i
olsem ples hait bilong dispela taun, na em bai hat long ol lain husat i
no save stap insait long dispela biktaun, long kam insait o ol arapela
long kam bagarapim.
E
Y
­­­­­­­­­­­­­­ umi mas kamap long dispela mak we yumi ken
trastim God—i no long skin tasol—long em i ken
banisim yumi bai yumi no ken kisim belhat na tubel.
Planti taim yumi save wokim ol banis long bel bilong yumi, bilong
banisim yumi long kisim bagarap, bilong wanem, yumi save traim long
267
De 4
Ol Toktok Bilong Kisim Lotu
was gut long bel bilong yumi na tu, yumi save traim long abrusim
dispela kain ol bagarap long kamap gen long bihain taim.
Sekim yu yet na makim o putim tik √, sapos yu gat sampela kain pasin
olsem, ol toktok i stap daunbilo, i stap insait long laip bilong yu: Long
insait long dispela banis bilong mipela, mipela…
□□ yet i save makim wanem kain rilesensip mipela i laikim long en.
□□ Les long toktok na stap klostu wantaim ol arapela.
□□ Pasim mipela yet, na stap longwe long dispela ol lain we mipela
i ting olsem, ol i ken bagarapim mipela.
□□ Les tru long tokaut stret long dispela ol lain husat i gat dinau
long mipela.
□□ i save laik long toktok tasol long dispela ol lain husat mipela i
ting olsem, ol i stap long sait bilong mipela.
Taim mipela i traim long banisim mipela yet long pasin bilong
kisim belhat na tubel, mipela bai painim olsem, mipela i kalabusim
mipela yet insait long dispela banis bilong mipela, na painim hat tru
long toktok wantaim ol lain husat i stap klostu long mipela. Bikpela
tingting bilong mipela, em long mipela yet, na wanem kain samting
mipela i pilim o tingting long en. Mipela i save traim long banisim gut
tru ol laik na rilesensip bilong mipela. Olgeta strong bilong mipela i
save pinis long kamapim dispela banis, bai nogat wanpela bagarap
i ken kamap gen long mipela long bihain taim. Tasol sapos yumi
pret long kisim bagarap, orait em bai hat long yumi, long soim pasin
bilong laikim we i nogat mak bilong en. Dispela pasin bilong laikim
we i nogat mak bilong en, i save givim rait long ol narapela long
bagarapim mipela, na mipela i ken kisim bagarap.
268
Ol Toktok Bilong Kisim Lotu
De 4
Pinisim dispela lista na raitim nem bilong dispela ol lain husat i gat
rait long bagarapim yu na dispela ol lain we yu bin pasim ol long kam
insait long dispela banis bilong yu.
Dispela ol lain husat i ken bagarapim mi:
Dispela ol lain we mi bin pasim ol, long kam insait long banis bilong mi:
Ol lain husat i gat belhat na tubel insait long laip bilong ol i save
wokim banis long laip bilong ol. Planti taim, ol i save painim Tok bilong
God long sapotim posisen bilong ol, o long wanem as ol i gat belhat
na tubel, na tu, ol i save pasim ol arapela lain long kam insait long laip
bilong ol. Tasol, ol i no klia gut long Tok bilong God, taim ol i mekim
olsem. Dispela save long tok bilong God, we i nogat pasin bilong
laikim, em i olsem wanpela kain strong, we i ken bringim bagarap i
kam—em i save pulapim mipela wantaim pasin bilong i gat biknem,
na tok olsem, mipela i bihainim lo (1 Korin 8:1‑3). Em i save mekim
mipela long tok o ting olsem mipela i mekim rait samting, na mipela
i no inap long tok sori na tanim bel, na askim ol lain long lusim rong
bilong mipela.
Sapos mipela i gat save tasol, i nogat laikim bilong God, orait
dispela em i ken kisim mipela isi tru i go insait long pasin bilong
giaman—kain olsem ol giaman profet. Jisas i givim tok lukaut long
yumi olsem, “Na planti giaman profet bai i kirap na giamanim planti
manmeri” (Matyu 24:11). Pasin nogut bai i kamap bikpela, olsem na
planti man bai i lusim pasin bilong laikim ol arapela (v. 12).
269
De 4
Ol Toktok Bilong Kisim Lotu
Taim mipela i laik banisim mipela yet long sampela kain hevi, o,
bagarap o, mekim ol arapela i hatwok long mekim sampela samting
bilong helpim mipela yet tasol—dispela pasin i save kamapim pasin
bilong pilim olsem narapela i no mekim gut long yu—na tu, dispela
kain pasin i save kamap, planti taim, insait long sios, namel long ol
bilip manmeri. Dispela pasin bilong giamanim arapela na larim ol i go
insait long han bilong ol birua, em i wanpela nogut pasin tru, na em
i soim olsem, yumi lusim pinis dispela tok promis bilong yumi. Taim
dispela kain pasin i save kamap, dispela rilesensip bai i bagarap olgeta,
na i no inap orait gen inap tru tru yumi tanim bel olgeta, orait yumi
ken kamapim gutpela rilesensip gen. Yumi mas kamap long dispela
mak we yumi ken trastim God—na i no long skin tasol—long Em i
ken banisim yumi bai yumi no ken kisim belhat na tubel. Dispela sin
em pasin bilong kisim belhat na tubel, em i wanpela bikpela samting,
na sapos yumi no mekim sampela samting long rausim dispela, i ken
kilim yumi i dai. Tasol taim yu traim long abrusim dispela pasin bilong
kamapim ol banis bilong belhat na tubel, God i save givim yumi strong
long winim pait na amamas.
RAITIM WANPELA PREA…
Askim God long helpim yu long rausim na brukim i go daun, dispela
ol banis bilong yu, we yu bin kamapim pinis long en. Na mekim bel
bilong yu i kamap isi tru, long yu ken tanim bel long kain ol pasin
bilong kisim belhat na tubel.
270
Ol Toktok Bilong Kisim Lotu
DE 5
BILONG WANEM NA DISPELA
SAMTING I KAMAP LONG MI?
Tasol Josep i tokim ol olsem, “Yupela i no ken pret. Mi
no God na bai mi kotim yupela. Tru, yupela i bin pasim
tingting bilong bagarapim mi. Tasol God i bin larim yupela
i mekim dispela pasin, long wanem, em i tingting long
helpim planti manmeri, bai ol i no ken bagarap. Na yupela
i lukim pinis dispela wok em i mekim.”—Stat 50:19-20
[Ritim pes 23-26]
lgeta lain husat i save kisim belhat na tubel i save stap insait long
tupela grup: wanpela grup em, dispela ol lain, ol arapela lain i
bin tru tru mekim nogut long ol, na narapela em, dispela ol lain husat
i ting olsem ol arapela lain i bin mekim nogut long ol, tasol tru tru,
dispela tingting em i no tru.
Taim ol lain i bin tru tru mekim nogut long yu, yu ting olsem yu gat
rait long belhat long ol, a? Kisim sampela taim, o minit long tingting
i go bek long wanpela taim long laip bilong yu, taim sampela lain i
bin mekim nogut long yu, na mekim yu belhat. Yu bin mekim wanem
long dispela taim? Yu bin kisim belhat na tubel long wanem pasin ol i
mekim long yu, o nogat? Dispela samting yu bin mekim, em we bilong
yu long mekim samting, taim wanpela i mekim nogut long yu, a?
O
271
De 5
Ol Toktok Bilong Kisim Lotu
Long dispela lista daunbilo, makim wanem em we o pasin we olgeta
taim o planti taim, yu save laik long mekim long taim yu kisim belhat
na tubel. Stat long namba wan (1)—yu save laik long mekim dispela
stret, olgeta taim i go long faiv (5)—ating yu bai mekim olsem tasol
i no olgeta taim:
Mi save belhat nogut tru.
Mi save hariap long lusim rong bilong ol arapela.
Mi save bekim bek.
Mi save traim hat tru long lusim rong bilong dispela man.
Mi save stap longwe long dispela man.
Mi save painim rot bilong kamapim wanbel.
Sapos yu makim bikpela namba long dispela ol toktok we i makim
ol nogut pasin, orait ating yu pilim olsem yu gat rait long kisim belhat
na tubel, taim wanpela i mekim nogut long yu. Tasol yu no nid long
mekim dispela kain pasin olsem.
Tingim gen dispela stori bilong Josep. (Ritim Stat 37-48.)
Long wanem kain rot bai yu makim ol toktok na pasin bilong Josep?
Putim wanpela x long wanwan lain, long soim wanem kain pasin
Josep i bin mekim.
Em i kisim belhat na tubel. Em i lusim rong bilong
ol arapela.
Em i sutim tok long ol arapela long
wanem samting i kamap long em.
Em i trastim God
Em i traim long bekim bek. Em i traim long kamapim
wanbel.
Sapos yu Josep, bai yu mekim wanem samting stret?
Bai yu gat bilip olsem yu gat rait long kisim belhat na tubel, o?
272
Ol Toktok Bilong Kisim Lotu
De 5
Satan i gat bikpela tingting olsem mipela i mas
pundaun long gris bilong em, bilong wanem, em
i laik stap strong insait long laip bilong yumi.
Sapos man nogut inap long bagarapim mipela taim em i pilim
olsem em i laik mekim long en, ating, long taim em inap long kilim
yumi olgeta i dai pinis. Satan i gat bikpela laik stret long mipela i mas
pundaun long ol gris bilong em, bilong wanem, em i laik stap strong
insait long laip bilong yumi na bagrapim dispela rilesensip bilong yumi
wantaim God, na tu, wantaim ol arapela lain. Noken tru pundaun
long gris bilong Satan, na em bai no inap long tasim laip bilong yu!
RAITIM WANPELA PREA…
Askim God long givim yu dispela kain save olsem bilong Josep, na
dispela bai helpim yu long abrusim pasin bilong kisim belhat na tubel.
Na long trastim Em, na i no bilong sutim tok long ol arapela o sutim
tok long wanem kain ol hevi i bin kamap long laip bilong yu.
273
Ol Toktok Bilong Kisim Lotu
DE 6
GOD EM I BOSIM OL SAMTING, A?
God yet i bin salim mi i kam paslain long yupela bilong
helpim yupela bai yupela i noken i dai, long wanem, long
dispela narakain pasin tru em i laik kisim bek yupela.
Olsem na i no yupela i bin salim mi na mi kam long dispela
ples. Nogat. God yet i salim mi na mi kam. Na em i mekim
mi i kamap olsem papa bilong king bilong Isip. Mi bosim
olgeta manmeri bilong haus bilong em, na mi hetman
bilong olgeta hap long kantri Isip.—Stat 45:5b, 7-8
[Ritim pes 26-31]
osep i mas nogat tingting long bosim Isip taim em i bin stap insait
long kalabus. Tasol insait long dispela olgeta samting we i wok long
kamap insait long laip bilong em, God i wok long redim Josep long
kamapim plen o bikpela as tingting, Em yet i gat long Josep. God i
gat plen o bikpela as tingting long laip bilong olgeta bilip manmeri,
na em i bosim olgeta samting. Olsem na as tingting bilong God long
mekim olsem long Josep, em long lukim wanem samting Josep bai
mekim long ol brata bilong en, long Potifar na long ol samting i wok
long kamap long em. Em inap long sutim tok long ol brata bilong em,
o long God, long wanem samting i bin kamap long em. Em i isi tru
long sutim tok long olgeta lain insait long dispela laip, long wanem
kain ol wari, na hevi, i wok long kamap long yumi na ting olsem, yumi
inap long stap gut, sapos ol dispela kain, ol lain i no i stap long laip
bilong yumi.
J
274
Ol Toktok Bilong Kisim Lotu
De 6
God tasol i holim laip bilong yumi, na i save long tumora bilong
yumi. Nogat wanpela man, meri, pikinini, o ol spirit nogut, inap long
rausim yu, insait long dispela plen o laik bilong God!
Nogat wanpela man, meri, pikinini o ol spirit nogut inap
long rausim yu insait long dispela plen, o laik bilong God!
Ol brata bilong Josep i ting olsem, ol i bin kilim i dai pinis dispela
driman bilong God long em, tasol, ol no inap long mekim olsem. Taim
Josep i kam bungim gen ol brata bilong em, em i no tokim ol gen long
wanem kain rong ol i bin mekim long en, tasol, long wanem samting
God i mekim long em.
Ritim Buk Stat 45:5-8 na Buk Song 105:16-17. Raitim i go daun olgeta
as tingting long wanem as na God i salim Josep i go insait long dispela
kain traim na hevi.
God i salim Josep long
(Stat 45:5).
God i salim Josep long
(Stat 45:7).
God i salim Josep long
(Stat 45:8).
God i salim Josep long
(Buk Sing 105:16-17).
Tingim wanpela bikpela hevi yu bin i go insait long en, insait long
las yia. Raitim dispela hevi long wanpela sentens, long lain daunbilo.
275
De 6
Ol Toktok Bilong Kisim Lotu
Nau pinisim dispela ol sentens o ol hap tok:
Bekim bilong mi long dispela ol traim na hevi em i olsem
Plen bilong God, em i olsem
Wanem samting mi lainim long mi yet, em olsem
Sapos yu stap fri long pasin bilong belhat na tubel, orait bai yu
stap insait long laik na plen bilong God. Sapos yu kamap belhat na
tubel, orait bai yu kamap olsem wanpela kalabus man bilong birua
long kamapim wanem kain as tingting na plen, em i gat long en. Olsem
na makim wanpela rot bilong yu: Wanem rot bai yu kisim?
Oltaim yu mas stap aninit long God. Traim long abrusim ol gris
bilong Satan insait long pasin bilong i no belhat na tubel. Dispela
driman o visen long laip bilong yu, we God i gat long en, bai kamap
long rot bilong em yet, na i no long we yu ting olsem em bai kamap
long en. Tok bilong God, na ol promis bilong Em, i no save popaia o
abrus. Pasin bilong sakim tok tasol, inap long stopim dispela plen, o
laik bilong God long kamap insait long laip bilong yu.
RAITIM WANPELA PREA…
Tok tenkyu long God long gutpela plen Em i gat long laip bilong yu.
Na long wok bilong Em insait long laip bilong yu, long kamapim ol
gutpela samting.
276
Ol Toktok Bilong Kisim Lotu
De 7
TAIM WANPELA PAPA I LES LONG YU
Na em bai mekim ol papa na ol pikinini i
kamap wanbel, na bai mi noken bagarapim
kantri bilong yupela.—Malakai 4:6
[Ritim pes 33–38]
m i wanpela samting long pilim olsem wanpela brata bilong yu i
les na rausim yu, na tu i laik bagarapim yu. Tasol, em i narakain
samting olgeta, sapos wanpela papa, em i les na rausim pikinini bilong
em, na tu i laik bagarapim em. Taim mi tok long papa, mi no toktok
long ol papa husat i karim yu long em, tasol, mi toktok long ol lida
we God i putim ol bilong lukautim yumi tu. Em ol dispela kain lain,
we, yumi save trastim ol, olsem, ol bai laikim yumi, trenim, helpim
na lukautim yumi.
Tingting i go bek long “ol dispela papa” husat i bin mekim dispela
kain pasin bilong les na i bin rausim yu.
E
Makim long lista daunbilo, husat ol lain i bin les na rausim yu o i bin
laik long bagarapim yu.
Papa husat i karim yu long en Was papa
Pasto
Wokmanmeri bilong sios
Sios Elda o hetman
Diken
bilong sios
Bos Tisa
Lida
Wanpela gutpela poroman bilong yu husat i kamap olsem papa bilong
yu
277
De 7
Ol Toktok Bilong Kisim Lotu
Ol arapela:
Wanpela gutpela piksa i stap long Baibel long kain pasin bilong
papa i les na i rausim pikinini, em long stori bilong Sol husat i bin les
na rausim Devit. Ritim gut pes 34-36 bilong dispela buk “Gris Bilong
Satan.”
Taim yu ritim dispela ol pes, yu mas raitim i go daun, olgeta rot, we
Devit inap long kisim belhat na tubel long Sol insait long ol traim we
i wok long kamap long em i stap.
Nau traim long pinisim dispela ol sentens o hap tok:
Devit i mekim gut long Sol
Devit i no laik bekim bek, tasol em i
Taim Devit i lukim olsem dispela king na man husat i kamap olsem
was papa, na i save lukautim em i les na rausim em, Devit i pasim tingting
olsem, em bai no inap long kisim belhat na tubel. Tasol Sol i kamap jeles
na tingting nogut nating long wokman bilong em, Devit. Tude, planti ol
lida i save saspek nating na tingting nogut long ol lain husat i save wok
aninit long ol. Wankain olsem Sol, ol i no klia gut olsem dispela em i
wok bilong ol o nogat, na dispela i save kamapim pasin bilong jeles, ting
nogut, na i gat biknem. Ol i luksave long ol gutpela pasin we ol arapela i
gat, tasol ol i save laik long yusim dispela kain ol lain insait long ministri,
sapos dispela bai helpim ol yet. Wankain olsem, Sol i amamas long lukim
ol gutpela samting Devit i mekim i kam, inap long taim em i lukim olsem,
insait long dispela ol gutpela samting, Devit inap long kisim ples bilong
em olsem king. Long dispela taim, em i rausim Devit long wanem wok
em i mekim, na painim rot bilong bagarapim Devit.
278
Ol Toktok Bilong Kisim Lotu
De 7
Sapos wanpela man i kamap olsem was papa bilong
yu o lida bilong yu, na em i mekim wanpela asua o
rong na dispela em i sin, orait yu mas noken belhat
na tubel, tasol yu mas beten long dispela man.
Insait long laip bilong yu, i gat wanpela papa husat i save saspek o
i gat tingting nogut nating long yu, o nogat? Sapos yes, wanem kain
bekim yu ting olsem God i laikim, yu mas mekim long en?
Ritim 1 Samuel 24:11 na traim long pinisim dispela ol sentens o hap
tok:
Taim wanpela man i laik kirapim pait wantaim mi, God i laikim mi
long
Taim wanpela man i les na rausim mi, God i laikim mi long
Sapos dispela was papa o lida bilong yu i mekim sin, o asua, o rong,
noken kisim belhat na tubel, tasol traim long beten long dispela man.
God bai stretim em—em wok bilong God, na i no wok bilong yu. Traim
long abrusim pasin bilong kisim belhat na tubel.
RAITIM WANPELA PREA…
Askim God long wok insait long laip bilong dispela ol man, husat i
olsem ol was papa bilong yu. Na long Em i ken helpim yu long yu ken
beten long ol, na lusim ol rong bilong ol.
279
Ol Toktok Bilong Kisim Lotu
DE 8
HUSAT BAI HELPIM MI LONG PAIT?
Yupela i save, buk bilong God i gat tok olsem, “Bekim
rong, em wok bilong mi. Mi yet bai mi bekim rong
bilong ol na mekim save long ol.”—Rom 12:19c
[Ritim pes 38-43]
ol i tokaut stret long dispela gutpela pasin bilong Devit taim em
luksave olsem Devit inap long kilim em, tasol, em i no mekim
olsem. Tasol wanpela soldia bilong Devit, Abisai, i nogat dispela kain
pasin olsem Devit i gat, bilong marimari.
Taim Devit na Abisai i go isi isi insait long kem bilong Sol taim, Sol
i wok long slip i stap. Abisai i tokim Devit olsem, “Long dispela de,
God i givim birua bilong yu i kam long han bilong yu. Olsem na plis,
larim mi sutim em wantaim dispela spia i go olgeta long graun; na
bai mi no inap long sutim em gen namba tu taim!”
Abisai i gat ol gutpela as tingting long tingim olsem Devit i mas
larim em long kilim Sol.
S
Lukim dispela ol lista. Sekim na tikim √, sapos tru tru, o nogat, yu
bilip o ting olsem, ol i mas kilim Sol, long wanem kain pasin nogut
em i mekim long en.
1. Sol i bin kilim i dai eiti-faivpela pris, husat i no mekim wanpela asua,
wantaim ol famili bilong ol (planti lain em i kilim ol stret1)
□□ Pe bilong en, em bilong dai tasol
1
Long tok English ol i tok “first-degree murder”
280
Ol Toktok Bilong Kisim Lotu
De 8
□□ Larim em i stap laip
2. Sol wantaim ol tripela tausen soldia bilong em, i wok long traim hat
long painim, kain kain rot long kilim Devit wantaim ol man bilong em
(planti taim, ol i traim long mekim dispela pasin bilong kilim man
i dai).
□□ Pe bilong en, em bilong dai tasol
□□ Larim em i stap laip
3. Sol em i stap olsem king yet maski Spirit bilong God i no moa stap
wantaim em long mekim dispela wok. God i bin rausim pinis Spirit
bilong em long Sol na givim i go long Devit.
□□ Pe bilong en, em bilong dai tasol
□□ Larim em i stap laip
4. Sol em i mekim ol giaman toktok long Devit, long mekim ol lain i
mas birua long Devit, na em i brukim dispela tok promis bilong
em wantaim Devit.
□□ Pe bilong en, em bilong dai tasol
□□ Larim em i stap laip
Sapos dispela ol hap tok antap, i nogat gutpela as long kilim Sol,
orait, lukluk gut gen, i gat planti gutpela as long mekim save long Sol,
na soim belhat antap long em.
Nau ritim bekim bilong Devit long Abisai insait long
1 Samuel 26:9‑11. Devit i gat olgeta rait long kilim Sol o mekim save
long em, tasol Devit i no mekim olsem. Hamaspela manmeri long
tude, bai i gat dispela kain bel, olsem Devit i gat?
Wanem kain pikinini sit bilong tubel o bilong
kamapim birua namel long ol brata susa, em i olsem
wanpela samting nogut tru long ai bilong God.
281
De 8
Ol Toktok Bilong Kisim Lotu
Planti sios, famili na marit, i save bruk na tu pasin bilong laikim i
save dai, bilong wanem, ol arapela i save tromoi ol kain kain ol nogut
toktok long taim ol i kisim bagarap na i belhat nogut tru. Ol pren,
famili na ol lida, i save mekim yumi belhat na tubel taim ol i save
tromoi ol toktok, we i no gutpela i kam wantaim ting nogut na belhat
na dispela i save bagarapim yumi nogut tru. Maski sapos dispela ol
toktok em i tru, tasol, wanem as tingting ol i gat, na tromoi dispela
toktok, em i no stret. Wanem kain pikinini sit bilong tubel o kamapim
birua namel long ol brata susa em i olsem wanpela samting nogut
tru long ai bilong God (Gutpela Sindaun 6:16-19).
RAITIM WANPELA PREA…
Askim God long lainim yu, long yu mas i gat daun pasin bilong i stap
aninit long ol lain husat i bin mekim yu belhat na tubel, na askim ol,
long ol i mas lusim rong bilong yu.
282
Ol Toktok Bilong Kisim Lotu
DE 9
OL TARANGU MAN NA RABIS MAN
I SAVE KAMAP OLSEM WANEM
Bikpela i no ken larim mi i bagarapim king bilong
mi, long wanem, Bikpela yet i bin makim em na putim
em i stap king. Mi no ken mekim wanpela pasin nogut
long dispela king Bikpela i bin makim.” Na Devit i
krosim ol man bilong en na i no larim ol i go kilim
Sol. Na Sol i pekpek pinis na em i kirap na lusim
dispela hul na wokabaut i go.—1 Samuel 24:6-7
[Ritim pes 45-51]
nsait long dispela rilesensip namel long Sol na Devit, God i wok long
traim bel bilong Devit i stap (1 Sam. 24:6-7). God i laik lukim sapos
Devit bai kilim Sol long kamapim kingdom bilong em yet wankain
olsem Sol i gat tingting long en, o bai em i larim God i kamapim
kingdom bilong em we bai i stap oltaim oltaim.
God wanpela tasol i gat olgeta rait long jasim man na bekim bek.
Insait long Rom 12:19 yumi ritim olsem, “Ol pren tru bilong mi, yupela
yet i noken bekim rong ol i mekim long yupela. Yupela i mas larim
God i belhat long ol. Yupela i save, buk bilong God i gat tok olsem,
“Bekim rong em i wok bilong mi. Mi yet bai mi bekim rong bilong ol
na mekim save long ol.” Yumi mas noken traim long kisim ples bilong
God, na mekim disisen long laik bilong yumi yet. Em i rong long mekim
raitpela samting tasol, long rong rot olgeta.
I
283
De 9
Ol Toktok Bilong Kisim Lotu
Yes, em i tru olsem Sol i mas kisim pen na pe bilong em long
wanem kain ol pasin em i mekim long en—tasol em mas i kam long
God tasol—na i no long Devit.
Tingim wanpela taim, we yu bin belhat na yu yet i bin bekim bek na
i no wetim God. Raitim dispela stori long wanem samting i kamap
long dispela taim, long spes daunbilo.
Planti manmeri i save askim olsem, “Bilong wanem na God i save
putim ol manmeri aninit long ol lida husat i gat planti asua, na tu
sampela bilong ol i save hambak nogut tru?” (Lukim 1 Samuel 1-5
olsem wanpela piksa bilong dispela kain pasin.) Olsem wanpela liklik
pikinini husat i no save long sin, God i putim Samuel aninit long
dispela pris bilong Israel, husat i gat planti asua. Long dispela taim,
Samuel i lainim olsem, em mas trastim na traim long harim tok i kam
stret long God—na i no long man. Na God yet i mekim save long
dispela ol hambak lida.
Planti taim God i save putim yumi long ol ples o posisen we yumi
no laik stap long en, we i gat ol kain kain presa bilong hevi, na dispela
i save stretim yumi insait long dispela pasin bilong Em. Na long dispela
hap, Em i laik paia bilong kukim gut na rausim olgeta pipia insait long
yumi, bai i kukim na rausim olgeta dispela pipia long laip bilong yumi.
Sapos yumi belhat na lusim na i go, em i soim olsem, yumi no inap
long kisim wanem samting God i gat bilong yumi stap; yumi stat long
putim belhat na tubel antap long narapela belhat na tubel.
Ol lain husat i save gat belhat na tubel, i save hariap long mekim
eksen taim sampela ol samting i kamap o taim ol i lukim olsem,
tingting ol i gat long en, em i rait. Maski sapos God i no tokim ol long
mekim wanpela samting. God i no singautim yumi long bekim bek ol
284
Ol Toktok Bilong Kisim Lotu
De 9
pasin i go long ol narapela manmeri, o long ol samting i kamap long
laip bilong yumi. Nogat. Em i singautim yumi long bihainim olgeta
tok bilong Em, na mekim wanem samting Em i tok long en.
Planti taim, God i save putim yumi long sampela ol ples we yumi
bai painim hat stret long stap long en, bikos, long bikpela presa o
hevi i stap long dispela hap. Tasol dispela em bilong helpim yumi
long kamap long mak God i laikim yumi long kamap long en. Na Em
bai kamapim dispela insait long laikim bilong Em, na long paia we
bai kukim olgeta pipia long laip bilong yumi.
Planti taim, taim yumi stap long sampela kain taim nogut o presa,
yumi save painim tok bilong God long rausim dispela hevi long yumi.
Tasol, God i save putim yumi long dispela kain ples, bilong yumi ken
kamap strong—na i no bilong bagarapim yumi!
Traim yu yet na mekim dispela tes.
1. Mi save ranawe taim God i putim mi long ples i gat planti presa?
□□ Yes □ Nogat
2. Mi save toktok planti, taim mi stap insait long hevi o presa?
□ Nogat
□□ Yes 3. Mi save ting wanem pasin mi mekim, em i stret, na ol narapela
tasol ol i rong?
□□ Yes □ Nogat
4. Mi save ting olsem ol lida tasol, i mas stap stret na mi nogat?
□□ Yes □ Nogat
5. Mi bai amamas long stap isi na harim God, na wetim em long
soim mi rot o nogat?
□□ Yes □ Nogat
6. Ritim Aisaia 55:12. Mi gat laik long stap isi na pulap wantaim bel
isi, o nogat?
□□ Yes □ Nogat
285
De 9
Ol Toktok Bilong Kisim Lotu
RAITIM WANPELA PREA…
Askim Jisas long kamap dispela gutpela Wasman bilong Sipsip, na
long Em i ken pulimapim yu, wantaim laikim bilong Em, long ol man
husat i olsem ol wasman bilong sipsip Em i bin putim long bosim yu.
286
Ol Toktok Bilong Kisim Lotu
DE 10
OL SAMTING WE YU PLANIM LONG
EN, I KAMAP GUT
Ol i olsem ol diwai ol i planim pinis long haus bilong
Bikpela. Ol i save kamap gutpela tru insait long haus
bilong God bilong yumi. Taim ol i olpela pinis, ol i save
karim kaikai yet. Ol i stap strong, na ol i no save drai.
Lip bilong ol i stap grin oltaim. Long dispela pasin
ol i soim ol manmeri olsem, Bikpela em i stretpela
olgeta. Em i save strong long helpim mi, na i nogat
rong long em. Nogat tru.—Buk Song 92:13-15
[Ritim pes 51-55]
lanti lain i save kalap raun long wanpela sios o ministri, i go long
narapela sios o ministri, bilong traim long kamapim ministri bilong
ol yet. Sapos God i putim ol long wanpela ples we ol i no kisim luksave,
o gutpela toktok long en, ol i save isi tru long belhat na tubel hariap.
Sapos ol i no laikim dispela rot we wanpela samting i kamap long en,
orait ol i save belhat na tubel, na traim long i go long narapela hap.
Dispela ol lain husat i save i gat belhat na tubel, i save rausim ol yet,
kros na belhat, na sutim tok long ol lida lain bilong ol, tasol ol i no
save luksave long asua bilong ol yet.
God i wok yet long kukim na stretim yumi long paia bilong en, long
mekim yumi kamap bikpela na strongpela, taim em i save kamapim
moa presa insait long dispela ol ples o hap we yumi nid long gro
P
287
De 10
Ol Toktok Bilong Kisim Lotu
long en. Sapos yumi wok long go yet, na senisim, senisim ol ples we
God i bin putim yumi long en, bai yumi no inap long gro insait long
spirit. Long rot, God i laikim yumi long gro long en.
Mekim lista bilong olgeta sios yu bin stap long en, insait long dispela
laspela tenpela yia:
Sapos yu bin senisim sios na i go long narapela sios, orait bilong
wanem as, na yu bin mekim olsem? Makim wantaim wanpela tik √,
long olgeta as tingting we i mekim, na yu bin i go long narapela sios.
□□ Yu bin lusim wanpela taun na i go long narapela taun
□□ Yu senisim lotu
□□ Yu bin i gat belhat na tubel long pasto
□□ Yu bin i gat belhat na tubel long wanpela wokman bilong sios
□□ Yu bin i gat belhat na tubel long ol lida, husat i no save long
mekim wok bilong ol
□□ Yu bin i gat belhat na tubel, long ol lo bilong sios
□□ Yu bin i gat belhat na tubel long wanem kain rot, o we, o pasin
ol i save lotu long en
□□ Ol i mekim yu belhat na tubel taim
□□ Ol narapela as tingting na yu bin lusim:
288
Ol Toktok Bilong Kisim Lotu
De 10
Sapos belhat na tubel i mekim na yu wok long senisim
sios, orait em i olsem yu wok long karim gris bilong
Satan, na raun wantaim long wanpela ples i go long
narapela ples, na yu wok long planim ol nogut sit
kaikai, na spirit laip bilong yu i nogat wanpela gutpela
kaikai bilong en, long wanem hap yu go long en.
Ritim dispela ol Baibel ves, na raitim i go daun, wanem samting ol i
toktok long en, long sait bilong rilesensip namel long lo bilong God,
pasin bilong belhat na tubel, gro bilong spirit, na pasin bilong karim
prut o kaikai insait long spirit.
Buk Song o Sam 1:1-3
Buk Song o Sam 119:165
Mak 4:16-17
289
De 10
Ol Toktok Bilong Kisim Lotu
Raitim i go daun, faivpela gutpela samting, we i helpim yu, taim
yu tok nogat long pasin bilong belhat na tubel, na stap tasol long
wanpela sios o felosip.
1.
2.
3.
4.
5.
RAITIM WANPELA PREA…
Tok tenkyu long God long wanem sios em i planim yu long en, na
askim em long mekim yu kamap bikpela na strongpela insait long
spirit, na long Em i ken mekim wok bilong yu i go moa yet insait long
dispela sios yu stap long en.
290
Ol Toktok Bilong Kisim Lotu
DE 11
HAIT LONG SAMTING I TRU
Ol dispela meri i save laikim tumas long kisim skul,
tasol ol i no inap kisim save long tok
tru bilong God.—2 Timoti 3:7
[Ritim pes 57-60]
lanti taim ol lain i save askim mi olsem, olsem wanem na mi save
olsem em i rait taim bilong lusim wanpela sios o ministri tim. Na
mi save bekim na askim ol gen olsem, “Husat i salim yu i kam long
dispela sios yu stap long en, nau?”
Planti ol lain i save bekim, na i tok, “God i mekim.” Na mi save
kirap, na tokim ol olsem, sapos God i salim yu i kam long dispela hap,
orait God yet, bai larim yu i go na yu yet, i no ken traim long i go long
laik bilong yu yet. Taim God i tokim yu long i go, bai yu i go wantaim
bel isi, na bai yu i no inap wari tumas long ministri em i stap olsem
wanem, taim yu lusim na i go (Aisaia 55:12).
P
Stori long wanpela taim, we God i bin larim yu long lusim wanpela
sios, na i go, na em i bin larim yu long gat gutpela rilesensip wantaim
dispela sios, long taim yu bin lusim dispela sios, i kam inap long nau.
Insait long dispela buk, mi bin toktok long tupela tok long tok Grik
teknon (“ol bebi o pikinini husat i nogat strong yet”) na huois (“ol
291
De 11
Ol Toktok Bilong Kisim Lotu
pikinini man husat i kamap strong pinis”). Rom 8:14 i save toktok long
ol pikinini man husat i gat strongpela tingting: “Olgeta manmeri i larim
Spirit bilong God i stiaim wokabaut bilong ol, dispela ol manmeri i
stap pikinini [huois] bilong God.” God i save mekim yumi ol pikinini
bilong em i kamap strong, olsem wanem? Long save gut long wanem
kain rot long kamap strong insait long spirit, yumi ken lukim dispela
gutpela piksa bilong Jisas Krais—Pikinini bilong God, husat i gat strong
insait long spirit.
Pasin bilong belhat na tubel i save pasim rot
bilong gro insait long spirit. Tasol pasin bilong
karim hevi na harim tok, i save kisim yumi i go
long wanpela kain strongpela rilesensip wantaim
Bikpela bilong yumi, na tu wantaim ol arapela.
Jisas i kamap bikpela na strongpela insait long pasin bilong harim
tok na karim hevi.
Yu lainim wanem kain samting insait long sios we yu stap long en
nau, long sait bilong harim tok, na karim hevi? Yu gro olsem wanem
insait long pasin na tingting bilong yu, na hau yu pilim long taim yu
abrusim belhat na tubel, wantaim ol arapela, o wantaim God, taim
yu karim hevi, o long taim yu harim tok na bihainim?
Yumi mas save olsem, pasin bilong belhat na tubel i save pasim rot
bilong gro insait long spirit. Tasol pasin bilong karim hevi, na harim
tok, i save kisim yumi i go long wanpela kain strongpela rilesensip
wantaim Bikpela bilong yumi, na tu wantaim ol arapela.
292
Ol Toktok Bilong Kisim Lotu
De 11
Pinisim dispela ol sentens o hap tok:
Taim mi save karim hevi, mi save mekim olsem
Taim mi save harim tok, pasin bilong mi em i olsem
RAITIM WANPELA PREA…
Lusim olgeta samting na givim yu yet olgeta i go long God, long pasin
bilong harim tok bilong Em. Olsem wanpela wokman husat i amamas
long karim hevi, long nem bilong Krais.
293
Ol Toktok Bilong Kisim Lotu
DE 12
PASIN BILONG BANISIM YU YET
Na olgeta man i stap hia bai i lukim olsem, Bikpela i save
kisim bek ol manmeri bilong en long strong bilong em yet.
Em i no save wari long ol man i holim spia na bainat. Nogat.
Bikpela yet bai i winim dispela pait na em bai i givim
yupela olgeta long han bilong mipela.—1 Samuel 17:47
[Ritim pes 60-65]
anpela eskus, o as tingting, we ol lain i save yusim olgeta taim
bilong banisim ol yet insait long pasin bilong sakim tok, em
long pasin bilong i gat belhat na tubel. Taim wanpela man i gat belhat
na tubel, dispela i save givim em wanpela kain giaman tingting long
pilim olsem, em i lukautim, o banisim em yet. Em bai i pasim ai
bilong yu long lukim stret, wanem kain rong, o asua yu gat long en,
bilong wanem, yu sutim olgeta tok i go long ol arapela. Yu no inap
long lukim stret dispela ol kranki pasin bilong yu, o ol sin yu mekim
long en, bilong wanem, yu lukim rong o asua bilong ol arapela husat
i mekim rong long yu tasol. Olsem na laik bilong God long kamapim
gutpela pasin insait long yu, em bai i no inap kamap. Dispela lain
husat i gat belhat na tubel, bai traim long abrusim as tru tru bilong
dispela belhat na tubel, na i no inap stap, em bai ranawe na kamap
olsem wanpela tarangu man insait long spirit bilong em.
Buk Baibel i gat planti samting long toktok long sait bilong jasim,
na sutim pinga long ol arapela.
W
294
Ol Toktok Bilong Kisim Lotu
De 12
Ritim dispela ol ves na raitim i go daun, wanem samting ol dispela
ves i toktok long yu long en, long pasin bilong jasim, na sutim tok
long ol arapela.
Matyu 7:1-5
Matyu 5:21-26
Luk 6:36-37
Rom 2:1-2
Rom 12:17-21
Rom 14:10-13
295
De 12
Ol Toktok Bilong Kisim Lotu
Jems 4:11-12
Jisas i tok olsem insait long Jon 20:23, “Sapos yupela i lusim sin
bilong ol man, orait sin bilong ol bai i lus. Sapos yupela i no lusim sin
bilong ol man, orait sin bilong ol bai i stap yet.”
Pasin bilong laikim i save lusim tingting long ol rong,
o asua, na dispela i save mekim, na i gat hop
bilong bihain taim.
Yumi holim sin bilong ol narapela manmeri, taim yumi kisim belhat
na tubel, na holimpasim dispela bel hevi. Ki samting em, yu mas
traim long i no ken ranawe long dispela ol hevi, tasol, traim long
pesim dispela ol lain husat i mekim yu belhat na tubel, na kamapim
wanbel wantaim ol. Bilong wanem bai yu mekim olsem? Taim yumi
les long pesim dispela ol belhat na tubel bilong yumi, em bai no inap
long larim yumi go fri. As bilong dispela ol hevi em i stap yet, yumi
no stretim dispela hevi. Planti taim, plen bilong God i save mekim
yumi long pesim ol pen na hevi, na ol pasin we yumi no laik pesim
long en. Dispela ol belhat na tubel we yumi traim long ranawe long
en, bai givim strong long yumi.
Tingim: Pasin bilong laikim i save lusim tingting long ol rong o asua,
na dispela i save mekim, na i gat hop bilong bihain taim. Sapos yumi
tru tru abrusim pasin bilong belhat na tubel, orait dispela bai mekim
na bai yumi laik tru long painim bel isi. Ating nau yet, em i no rait
taim, tasol insait long bel bilong yumi, bai yumi wet na lukluk long
wanpela sans long kamapim wanbel.
296
Ol Toktok Bilong Kisim Lotu
De 12
RAITIM WANPELA PREA…
Askim God long helpim yu long pesim ol belhat na tubel, na i no
ranawe long ol.
297
Ol Toktok Bilong Kisim Lotu
DE 13
DISPELA TRUPELA NA
STRONGPELA SAMTING
Tasol God, Bikpela i tok olsem, “Harim. Mi makim pinis
wanpela nambawan ston tru bilong strongim banis
bilong haus. Em i gutpela na strongpela ston tru. Na bai
mi putim em i stap long maunten Saion. Ol man i bilip
long em, ol bai i no inap pret na guria.—Aisaia 28:16
­­­­­­­­­­­­­­­­­­­[Ritim pes 67-72]
usat man i bilip long Em, ol bai i no inap pret na guria. Wanpela
man o meri husat i save pret na guria hariap, i olsem wanpela man,
husat i nogat gutpela tingting long mekim wanpela gutpela samting,
bilong wanem, ol eksen bilong em i nogat strongpela pos o ston aninit
long en, bilong em i ken sindaun antap long en. Dispela man o meri,
bai isi tru long pret na guria, taim ol hevi na traim i kamap long em.
Tok bilong God tasol, em dispela trupela na strongpela samting
o pos, insait long taim bilong hevi na traim. Taim mi save autim tok
bilong God, planti taim mi save tokim ol kongrigesen na ol wan wan
manmeri long harim nek bilong God insait long tok mi autim long en.
Taim yumi harim wanpela minista o pasto husat i pulap wantaim Holi
Spirit i autim tok, o taim yumi ritim wanpela buk, yumi mas traim
long painim ol tok we i sutim spirit man bilong yumi stret. Dispela
tok tasol, em God i laik soim yu long en. Dispela tok bai soim lait na
kliaim tingting bilong yumi long ol samting bilong spirit bilong God.
H
298
Ol Toktok Bilong Kisim Lotu
De 13
Dispela man bilong raitim song husat i raitim Buk Song i tok olsem,
“Sapos wanpela man i helpim narapela man long save long as bilong
tok bilong yu, orait em i kisim lait long bel bilong en. Na dispela tok i
givim tingting long man i no gat planti save” (Buk Song o Sam 119:130).
Em i dua bilong Tok bilong Em insait long bel bilong yumi, na i no long
tingting bilong yumi we i save givim lait na gutpela tingting.
Long wan wan wik, Tok bilong God i save givim lait long laip bilong
yu long wanem kain rot stret? Makim o putim tik √ long wan wan rot
we yu save harim nek bilong God long laip bilong yu.
□□ Baibel stadi
□□ Singim Tok bilong God
□□ Skul tok ol lain i tisim yu
□□ Harim song i toktok long Tok bilong God
□□ Ritim Baibel
□□ Autim Tok bilong God
□□ Ritim ol Kristen buk
□□ Ol arapela
Wanem samting God i soim insait long Spirit bilong Em, em
nogat man bai inap long rausim long yumi. Yumi mekim na
strongim ol tok, o ol disisen bilong yumi antap long Tok bilong
God. Sapos Tok bilong God i no stap olsem pos bilong yumi, em
yumi bai isi tru long kisim belhat na tubel, taim ol traim na hevi
i kamap, long taim we yumi no tingim olsem, ol bai kamap long
en. Taim Tok bilong God i no stap strong insait long yumi, em
bai yumi kisim kwiktaim wantaim amamas tasol bihain liklik
bai yumi kisim belhat na tubel hariap (Mak 4:16-17).
Sapos Tok bilong God i no stap olsem pos bilong
yumi, em yumi bai isi tru long kisim belhat na
tubel, taim ol traim na hevi i kamap, long taim
yumi no tingim olsem, ol bai kamap long en.
299
De 13
Ol Toktok Bilong Kisim Lotu
Taim yu harim wanpela hap Tok bilong God na em i no go stret
wantaim tingting o pasin bilong yu, yu save mekim wanem stret?
Makim long hia, long wanem samting yu save mekim olgeta taim (1)
i go long ol samting we yu save mekim, long wan wan taim tasol (7).
Mi save belhat.
Mi save paul.
Mi pilim bel hevi na wari.
Mi tanim bel.
Mi save amamas long wanem samting God i toktok long en.
Mi save belhat na tubel.
Mi save poinim pinga long ol arapela o long God.
Ol arapela samting.
Taim yumi stap insait long Tok bilong God na Spirit bilong Em i
soim lait long yumi, orait dispela em bai helpim yumi long harim tok
tru long God na long ol arapela, na bai yumi no inap long belhat na
tubel long dispela.
RAITIM WANPELA PREA...
Tok tenkyu long God long Tok bilong Em, na long ol planti rot, we Em
i save yusim, long soim lait, insait long laip bilong yumi.
300
Ol Toktok Bilong Kisim Lotu
DE 14
YU NOGAT NARAPELA
ROT OLSEM NA…
Bikpela i olsem wanpela ston i gat laip, na yupela i mas i
kam long em. Ol manmeri i bin lukim em olsem samting
nogut, na ol i bin rausim em. Tasol God i makim em pinis
na i lukim em i gutpela tru. Yupela tu i olsem ol ston i gat
laip, na long strong bilong Holi Spirit God i laik mekim
yupela i kamap haus bilong em yet. Olsem bai yupela i
ken i stap lain pris God i makim bilong em yet, na long
nem bilong Jisas Krais yupela i ken givim laip bilong
yupela long God olsem ofa em i laikim tru.—1 Pita 2:4-5
[Ritim pes 72-77]
ispela Tok bilong God we i kamap ples klia long yumi, em i olsem
wanpela ston i gat laip, yumi nid long wokim ministri na putim laip
bilong yumi antap long en. Ol toktok na lo bilong en, em i no bilong
yu long makim, tasol, em bilong yu long mekim. Yumi nogat rait long
sakim tok, o belhat na tubel, bikos, tok o lo bilong God i mekim yumi
long belhat na tubel. Wanpela samting we yumi inap long mekim em
long harim Tok bilong God, na bihainim tasol.
D
Raitim wanpela liklik stori bilong yu long wanpela taim insait long laip
bilong yu, we, yu bin belhat na tubel long Tok bilong God, na sakim
Tok bilong Em. Wanem kain hevi, o samting i bin kamap?
301
De 14
Ol Toktok Bilong Kisim Lotu
Insait long ol traim na hevi, yumi save painim olsem yumi yet i
kamap olsem ol ston—ol liklik ston we i kamapim haus bilong God
insait long spirit, kain olsem Pita. Pita (Petra) em i olsem wanpela
ston, husat i bin tokaut olsem, Jisas Krais em i pikinini bilong dispela
God i gat laip.
Insait long taim bilong hevi na traim, em i save soim stret yu
wanem kain man o meri insait long spirit. Em i save soim stret, trupela
pasin i stap insait long bel bilong yu.
Baibel i save toktok long wanpela haus we ol i wokim antap long
wesan (Matyu 7:26-27). Dispela kain haus ating i gat faivpela level
na em i luk nais nogut tru na i bikpela tru. Na long taim bilong san,
em i luk olsem wanpela ples we i gat strongpela banis na i luk nais
nogut tru i stap. Klostu long dispela haus ating, i gat narapela haus i
stap, na dispela haus i nogat planti level i go antap. Nogat. Em i gat
wanpela level tasol, na nogat man i bisi long lukluk long en, bikos
em i no wanpela kain gutpela haus, bai yu mangalim long en. Tasol
dispela haus, ol i wokim antap long wanpela samting yu no inap long
lukim—em ston.
Insait long taim bilong hevi na traim, em i save soim
stret, yu wanem kain man o meri insait long spirit.
Taim i nogat win na bikpela ren, dispela faivpela level haus i luk
nais na i stap. Tasol, taim bikpela ren na win i kam, dispela haus
bai pundaun na bagarap olgeta. Ol Kristen i olsem dispela ol liklik
ston we i gat laip long en, na ol i mekim haus bilong ol antap long
dispela bikpela ston, husat em i Jisas Krais yet. Taim bikpela ren na
win i kam, ol i no save ranawe, o kisim belhat na tubel, o sutim tok o
poinim pinga long ol arapela. Nogat. Ol i save sanap strong tru, taim
ol bikpela ren na win bilong laip i kamap.
302
Ol Toktok Bilong Kisim Lotu
De 14
Yu bin traim long mekim haus bilong yu antap long wesan olsem ol
samting bilong dispela graun tu, a? Makim wantaim tik √, arere long
wanem samting i stap long lista, wanem ol samting bilong dispela
graun, yu bin laik mekim. Long hap i gat lain long en, raitim liklik stori
bilong yu, long wanem samting i bin kamap:
□□ Moni:
□□ Kamap long mak yu laik kamap long en:
□□ Pawa:
□□ Kago samting:
□□ Sekuriti:
□□ Manmeri:
□□ Ol arapela samting:
Yu mas putim laip bilong yu antap long Tok bilong God, na i no
antap long wanem samting ol arapela i mekim, o toktok long en. Yu
mas traim long painim Bikpela, na harim nek bilong Em, taim Em i
toktok long bel bilong yu. No ken traim long mekim samting, o toktok
bilong mekim ol lain i amamas tasol. Painim Bikpela na traim long
sanap antap long lait bilong En, insait long bel bilong yu!
303
De 14
Ol Toktok Bilong Kisim Lotu
RAITIM WANPELA PREA…
Askim Spirit bilong God long soim Tok bilong Em long yu, na long
helpim yu long putim laip bilong yu antap long dispela ston, husat
em i Krais.
304
Ol Toktok Bilong Kisim Lotu
DE 15
OLGETA SAMTING WE EM INAP
LONG GURIA NA SEKSEK, EM BAI
GURIA NA SEKSEK
Bipo maus bilong God i mekim graun i guria. Tasol
nau em i tokim yumi pinis olsem, “Wanpela taim moa
bai mi mekim graun i guria moa yet. Na i no graun
tasol. Bai mi mekim graun na skai wantaim i guria.”
Em i tok long wanpela taim moa tasol, olsem na yumi
save, taim God i mekim graun na skai i guria, em bai
i rausim ol dispela samting em i bin wokim na ol bai
i no i stap moa. Na ol samting em i no inap mekim
ol i guria, ol tasol bai i stap.—Hibru 12:26-27
[Ritim pes 79-88]
aimon Pita i bin kisim dispela nem olsem “Ston”, na i bin tokaut
olsem, Jisas em i Pikinini bilong dispela God husat i stap laip, tasol
klostu long pinis bilong ministri bilong Jisas long dispela graun, Pita i
luksave olsem, em i no wokabaut yet insait long pasin i tru na pasin
bilong daunim em yet, wankain olsem Krais i mekim long en. Em i
wok long wokim o putim laip na ministri bilong em antap long ol
bipo samting we em i wokim nem na kisim biknem long en. Pol i
givim gutpela tok long yumi long wokim haus bilong yumi, antap
long strongpela pos, em i Krais, na yumi mas harim gut na bihainim:
S
305
De 15
Ol Toktok Bilong Kisim Lotu
Long marimari bilong God mi kamap olsem kamda i gat gutpela
save tru bilong wokim haus, na mi lainim ol ston bilong wokim
haus antap long en. Na narapela man i wokim haus antap long
ol dispela ston mi bin lainim. Orait olgeta man i mas lukaut
gut long pasin ol i wokim haus long en. Yupela i save, i nogat
wanpela man inap long putim narapela ston bilong wokim
haus long en. Nogat. Jisas Krais wanpela tasol i stap, em God
i putim pinis olsem namba wan ston bilong haus.
—1 Korin 3:10-11
Taim wanpela hap bilong laip bilong yumi i pas wantaim ol samting
bilong dispela graun, dispela hap, em Krais bai sekim sekim.
Ritim 1 Jon 2:15-17. Daunbilo em wanpela lista bilong ol samting
bilong dispela graun we God bai sekim sekim insait long laip bilong
yumi. Makim wantaim X long dispela lain, we i soim long wanem
hap yu stap long en.
Pasin bilong laikim tru ol samting bilong bodi
EM I GURIA NA SEKSEK PINIS EM I NID LONG GURIA NA SEKSEK
Pasin bilong aigris o mangal
EM I GURIA NA SEKSEK PINIS EM I NID LONG GURIA NA SEKSEK
Pasin bilong i gat biknem
EM I GURIA NA SEKSEK PINIS EM I NID LONG GURIA NA SEKSEK
Bikos long dispela pasin bilong apim nem em i stap wantaim Pita,
klostu long pinis bilong ministri bilong Jisas, Jisas i tokim em olsem,
“Saimon, Saimon, harim. Satan i tok pinis long em bai i traim bilip
bilong yupela, olsem ol man i save sakim wit bilong rausim ol pipia
long en” (Luk 22:31).
306
Ol Toktok Bilong Kisim Lotu
De 15
Jesus i no beten olsem Saimon Pita bai i ranawe long
dispela strongpela guria—Em i beten olsem bilip
bilong Pita bai no inap lus insait long dispela taim.
Pasin bilong i gat biknem i opim dua long birua long kam insait na
sakim Saimon Pita. Nau sapos Jisas i gat dispela kain tingting we planti
ol lain insait long sios tude i save gat long en. Em bai i inap long tok,
“Ol lain, yumi beten na pasim dispela wok bilong man nogut. Yumi bai
no inap larim Satan long mekim dispela kain pasin long brata bilong
yumi Saimon!” Tasol lukim wanem samting Em i tok: “Tasol mi beten
pinis bilong helpim yu, bai bilip bilong yu i no ken pundaun. Na taim
yu tanim na yu kam bek, orait yu mas strongim ol brata bilong yu”
(Luk 22:32).
Jisas i no beten olsem Saimon Pita bai ranawe long dispela
strongpela na bikpela guria—Em i beten olsem bilip bilong Pita bai
no ken pundaun insait long dispela traim. Jisas i save olsem bihain
long dispela traim, em nupela pasin bai Saimon Pita i gat, na em bai
nidim dispela long kamapim stret wok bilong em, na strongim ol
brata bilong em.
Satan i bin askim na kisim tok orait long sekim sekim Saimon Pita,
bai em i ken lusim bilip bilong em. As tingting bilong birua em long
bagarapim dispela man husat i gat bikpela strong na i bin kisim planti
ol Tok hait bilong God. Tasol God i gat narapela as tingting bilong
larim dispela guria na seksek i kamap long laip bilong Saimon Pita.
Na olsem olgeta taim i save kamap, God i go pas long man nogut.
God inap long mekim guria na sekim sekim laip bilong yumi long
wanpela bilong dispela ol as tingting. Sapos em i sekim sekim laip
bilong yu, wanem bilong dispela ol as tingting, em i as tingting Em i
307
De 15
Ol Toktok Bilong Kisim Lotu
gat long yu? (Makim wantaim tik √, long dispela ol as tingting we yu
ting, olsem em bilong yu.)
□□ Long kisim laip bilong yu i kam klostu long dispela strongpela
pos bilong Em.
□□ Long rausim wanem samting i dai pinis insait long laip bilong yu,
kain olsem pasin bilong kisim biknem.
□□ Long kamautim wanem kaikai insait long laip bilong yu em i
mau pinis.
□□ Long kirapim gen wanem samting em slip i stap long spirit laip
bilong yu
□□ Long strongim laip bilong yu, olsem bai trupela samting insait
long spirit man bilong yu bai no inap stap longwe long sol na
bodi bilong yu.
Ol wanem kain tingting, o ol samting i stap long bel bilong yu, we
i pas wantaim pasin bilong tingim yu yet o gat biknem, olgeta bai
guria na seksek na raus i kamaut long laip bilong yu.
RAITIM WANPELA PREA…
Askim God long sakim na rausim pasin bilong i gat biknem, tingim
yu yet tasol, na pasin bilong laikim tru ol samting bilong bodi long
laip bilong yu.
308
Ol Toktok Bilong Kisim Lotu
DE 16
PASIN BILONG MARIMARI I SAVE
GO LONG OL LAIN HUSAT I GAT
DAUN PASIN
Olsem tasol yupela yangpela man i mas aninit long ol
hetman. Na yupela olgeta i mas bihainim pasin bilong
daunim yupela yet na i stap aninit long ol arapela
manmeri bilong God. Yumi save, “God i save daunim ol
man i apim nem bilong ol yet, tasol em i save marimari
na mekim gut long ol man i daunim ol yet.”—1 Pita 5:5
[Ritim pes 88-92]
l hevi na traim bilong dispela laip bai soim ples klia wanem
samting i stap insait long bel bilong yu—maski sapos dispela
belhat na tubel, em long God, o long ol arapela. Ol traim i save mekim
yu kros na belhat long God, na long ol poroman bilong yu, o i save
mekim yu i kamap strong moa. Sapos yu abrusim dispela traim bilong
kamapim daun pasin, em bai yu kamap strong olgeta bihain taim.
Sapos yu pundaun, bai yu gat pasin bilong belhat na tubel, na dispela
i ken bringim bagarap, na bai yu belhat nogut tru.
Saimon Pita i bin go insait long dispela guria na seksek we i bin
sakim em nogut tru, i go long mak we em i no inap long apim nem
bilong em yet na tok olsem, em i bikman moa. Em i lusim dispela
pasin bilong gat strongpela tingting long em yet. Em i lukim ples klia
nau olsem i nogat as bilong dispela ol tingting bilong em yet. Em i
O
309
De 16
Ol Toktok Bilong Kisim Lotu
kisim daun pasin olsem na nau em i kamap man husat inap long stap
insait long marimari bilong God. God i save givim marimari bilong
Em i go long ol lain husat i gat daun pasin. Daun pasin i mas i stap,
pastaim, long ol arapela samting i ken kamap.
I gat wanpela taim long laip bilong yu we, yu bin tok olsem long
Krais, “Bikpela, mi bin wokim wok bilong yu, na i bin lusim planti
samting long bihainim Yu, na bilong wanem na dispela hevi o nogut
samting i kamap long mi?”
Ol traim i save mekim yu kros na belhat long God na ol
poroman bilong yu, o i save mekim yu i kamap strong moa.
Ol Kristen husat i save go insait long dispela kain hevi na i save
pilim nogut planti taim i save gat belhat na tubel long Bikpela, bikos
ol i save ting olsem, God i mas helpim ol, bilong wanem, ol i save
mekim wok bilong Em.
Ol i mekim wok bilong Em wantaim ol rong tingting. Yumi noken
mekim wok bilong Bikpela long wanem samting Em inap long mekim
long yumi, tasol long wanem samting Em i mekim pinis bilong yumi na
tu bikos long Em i husat. Ol dispela lain husat i save belhat na tubel,
i no luksave long bikpela dinau Em i bin baim pinis bilong mekim ol
i go fri. Ol i save lusim tingting long wanem kain pasin bilong dai ol i
bin kamaut long en. Ol i wok long lukluk long ai bilong dispela graun,
na i no long ai bilong spirit.
Yu mekim wok bilong God wantaim pasin bilong kisim biknem,
bikos bai yu i gat strongpela tingting long yu yet yu inap, o i gat hop
olsem Em bai baim bek yu long wanem wok yu mekim wantaim ol
samting bilong dispela graun, o bai yu gat wanpela isipela laip, a?
310
Ol Toktok Bilong Kisim Lotu
De 16
Pinisim dispela ol sentens o hap tok:
As tingting bilong mi long mekim wok bilong Krais em long
Strongpela tingting bilong mi i stap long
Dispela pe mi ting Em bai givim long mi em
Yumi yet i no inap long mekim wanpela samting long kisim pe, we
bai i stap oltaim, oltaim insait long strong na tingting bilong yumi yet.
RAITIM WANPELA PREA…
Askim Bikpela long klinim bel bilong yu, na long rausim olgeta
strongpela tingting yu gat long yu yet, long sait bilong bodi.
311
Ol Toktok Bilong Kisim Lotu
DE 17
DISPELA STON BILONG BELHAT
NA TUBEL
Buk bilong God i gat Tok long dispela olsem, “Harim. Mi
makim pinis wanpela ston bilong kamap namba wan ston
bilong strongim haus. Em i gutpela na strongpela ston tru.
Nau mi putim em i stap antap long maunten Sion. Ol man
i bilip long em, ol bai i no inap kisim sem.” Olsem na long
yupela ol man i bilip, Krais em i olsem gutpela ston tru.
Tasol long ol man i no bilip, “Dispela ston ol kamda i ting
em i nogut na rausim, nau em i kamap nambawan ston
bilong strongim banis bilong haus,” na “em i kamap olsem
ston i stap long rot bilong ol, na planti bilong ol bai i sutim
lek na pundaun na bagarap.” Ol i save sakim tok bilong
God, olsem na ol i sutim lek bilong ol na ol i pundaun. Bipo
God i tok pinis long ol bai i mekim olsem.—1 Pita 2:6-8
[Ritim pes 95-108]
ining bilong bilip long tude em i lus pinis. Long ai bilong planti,
em i kamap olsem wanpela rot bilong soim olsem wanpela
samting em i tru. Na long planti, ol i ting olsem, em i no toktok long
pasin bilong harim tok. Tasol long Tok bilong God i stap long ves
antap, dispela tok bilip na pasin bilong sakim tok i stap olsem tupela
narapela samting olgeta.
M
312
Ol Toktok Bilong Kisim Lotu
De 17
Tok i stap long buk bilong God i toktok strong olsem “husat i bilip
long Em (Jisas Krais) bai no inap long lus tasol bai kisim laip i stap
oltaim oltaim” (John 3:16).
Bikos tingting bilong planti long dispela tok bilip em i kranki, ol
i save ting olsem, ol i nid long bilip tasol olsem Jisas Em i stap laip,
na i bin dai long Kalvari, sapos ol i laik kamap stretpela lain long ai
bilong God. Sapos tru tru, dispela em wanpela rot tasol, ating ol spirit
nogut tu, bai kamap stretpela long ai bilong God bilong wanem, Tok
bilong God i tok, ‘Yu save bilip olsem, “Wanpela God tasol i stap.” Em
i gutpela. Ol spirit nogut ol tu i save bilip olsem, na ol i guria nogut’
(Jems 2:19). Tasol dispela ol spirit nogut i nogat salvesen o we bilong
God i kisim ol bek, kain olsem yumi i gat.
Pinisim dispela ol sentens o hap tok:
Long mi, bilip em
Long mi, pasin bilong harim tok na bihainim em
Sapos mi tok olsem mi bilip tasol mi no harim tok na bihainim, orait
Insait long Tok bilong God, dispela tok bilip i gat bikpela mining,
na i no toktok tasol olsem wanpela samting em i stap, o i tru. Lukluk
i go bek long wanem samting Tok bilong God i toktok long ves i stap
antap, yumi ken tok olsem, bikpela samting insait long tok bilip em,
pasin bilong harim tok na bihainim. Yumi ken ritim long dispela rot:
“Olsem na long yupela husat i save harim tok na bihainim, Em i kamap
olsem samting i dia tumas; tasol long ol lain husat i save sakim tok,
‘Dispela ston ol kamda i ting em i nogut na rausim, nau em i kamap
313
De 17
Ol Toktok Bilong Kisim Lotu
nambawan ston bilong strongim banis bilong haus,’ na ‘ston bilong
sakim lek bilong ol na mekim ol i belhat na tubel.’ ”
Pasin bilong laikim em i as bilong dispela rilesensip
bilong yumi wantaim Bikpela—i no laikim bilong ol
lo, tasol dispela laikim bilong Jisas olsem Em Man.
Em i no hat long harim tok na bihainim sapos yu save long pasin
bilong husat yu wok long bihainim, na aninit long en, na yu laikim
em. Pasin bilong laikim em i as bilong dispela rilesensip bilong yumi
wantaim Bikpela—i no laikim bilong ol lo, tasol dispela laikim bilong
Jisas olsem Em Man. Sapos dispela laikim em i no strong, orait bai
yumi isi tru long pundaun long pasin bilong belhat na tubel.
Taim yu stap insait long pasin bilong harim tok na bihainim laik
bilong God, bai yu i no inap long bihainim laik na tingting bilong ol
man. Long dispela as, bai yu kisim pen na hevi long sait bilong bodi.
Bikpela pen na hevi Jisas i bin karim, i bin kam long ol lida bilong
sios. Ol lain husat i save bihainim ol lo bilong lotu i bilip olsem God
i save wok tasol insait long mak we ol i stap long en. Sapos Bikpela
i bin mekim ol lain husat i save bihainim ol lo bilong lotu long kisim
belhat na tubel, taim Holi Spirit i stap wantaim Em, tu tausen yia i go
pinis, orait ol lain husat i bihainim Em tude, bai mekim ol lain bilong
bihainim lo bilong lotu tude tu, i belhat na tubel.
Tingim, bekim bilong yu em bai makim wanem kain laip bilong yu
bihain taim. Pinisim dispela ol sentens o ol hap tok:
Taim ol arapela i gat belhat na tubel long mi stap na wokabaut
wantaim Krais, bai mi
Pol i raitim: “Dispela tok olsem diwai kros em i wanpela rot tasol
bilong God i ken kisim bek ol man i save mekim ol lain i belhat na
314
Ol Toktok Bilong Kisim Lotu
De 17
tubel, tasol dispela em i tok tru na i nogat narapela rot bai mi autim
tok long en!” (Lukim Galesia 5:11.)
Sapos sampela lain i salensim dispela tok tru bilong Tok bilong
God, orait em i taim bilong sanap na toktok strong na i nogat tok sori.
Insait long bel bilong yumi, yumi mas gat strongpela tingting olsem,
yumi bai harim tok bilong Spirit bilong God olgeta taim, maski long
wanem kain pe o hevi bai kamap long dispela disisen yumi mekim.
RAITIM WANPELA PREA…
Tokim Krais olsem yu bai trastim, laikim, harim tok, na bihainim Em.
315
Ol Toktok Bilong Kisim Lotu
DE 18
NOGUT YUMI I MEKIM OL I
BELHAT NA TUBEL
Olsem na yumi mas lusim pasin bilong skelim pasin
bilong ol arapela brata na tingting nogut long
ol. Yumi mas bihainim narapela tingting, em long
yumi no ken mekim wanpela samting bilong mekim
brata i pundaun na mekim sin.—Rom 14:13
[Ritim pes 111-116]
aski planti manmeri i bin gat belhat na tubel long Jisas, Em i no
bin mekim ol i belhat na tubel long kamapim laik na tingting
bilong Em yet. Nogat. Jisas i tok strong olsem, “Man i daunim em yet
na i kamap olsem dispela liklik pikinini, dispela man bai i gat biknem
tru long kingdom bilong heven” (Matyu 18:4). Ki tok long hia em,
“Husat man i daunim em yet.” Bihain liklik Jisas i tok moa long dispela:
M
Tasol dispela pasin i no ken i stap namel long yupela. Nogat.
Man i laik i stap bikman namel long yupela, em i mas i stap
wokman bilong yupela. Na man i laik i stap namba wan bilong
yupela, em i mas i stap olsem wokboi nating bilong yupela.
Olsem tasol PIkinini bilong Man i no bin i kam bilong ol man
i ken mekim wok bilong helpim em. Nogat. Em i kam bilong
helpim ol, na bilong givim laip bilong em bilong baim bek planti
manmeri.
—Matyu 20:26-28
316
Ol Toktok Bilong Kisim Lotu
De 18
Narapela kain toktok stret! Jisas i no kam bilong ol man long
helpim Em, tasol bilong Em long helpim ol. Em i Pikinini Man bilong
God na Em i fri man. Em i nogat wanpela dinau long wanpela lain, na
i no nid long stap aninit long wanpela man. Nogat. Tasol Em mekim
wok bilong ol arapela nating.
Jisas yet maski Em i stap fri, Em i laik long
mekim wok bilong ol arapela.
Ritim dispela ol Baibel ves, na raitim i go daun, wanem samting dispela
ol Baibel ves i skulim long en, long sait bilong mekim wok bilong ol
arapela, na kamap olsem wokboi.
Luk 16:13
Luk 22:26
Jon 12:26
Rom 7:6
Galesia 5:13
317
De 18
Ol Toktok Bilong Kisim Lotu
Filipai 2:5-11
Lukim gut dispela hap we Pol i toktok insait long Galesia 5:13
olsem, yumi bin kisim dispela sans long mekim wok bilong ol arapela.
Yumi noken yusim dispela sans, na pasin bilong stap fri olsem yumi
pikinini bilong God, long mekim wok bilong yumi yet. Yumi mas yusim
pasin bilong i stap fri, long mekim wok bilong ol arapela. I gat pasin
bilong stap fri long sait bilong mekim wok bilong ol arapela, na pasin
bilong stap long kalabus na mekim wok bilong ol arapela. Slev em i
man husat i mas mekim wok bilong ol arapela bikos em i no fri man,
na wokboi em man husat i fri man tasol em i stap bilong mekim wok
bilong ol arapela.
Mi bin lukim planti ol Kristen i bin mekim wok bilong ol arapela
wantaim pasin bilong belhat. Ol i save givim wantaim tubel, na toktok
kros, na toktok planti, taim ol i baim takis bilong ol. Ol i stap olsem
ol slev aninit long lo, taim tru tru ol i bin stap fri pinis long en. Tasol,
long bel bilong ol, em ol i stap olsem ol slev yet.
RAITIM PREA…
Kamaut long pasin bilong stap olsem slev long ol samting bilong
dispela graun, na givim yu yet i go long Krais olsem wokman bilong Em.
318
Ol Toktok Bilong Kisim Lotu
DE 19
PUTIM I GO DAUN DISPELA RAIT
BILONG YUMI
Tasol yupela i mas lukaut. Yupela i save olsem, yupela inap
long kaikai wanem samting yupela i laikim. Tasol nogut
dispela pasin bilong yupela i mekim, na ol man tingting
bilong ol i no klia, ol i pundaun long sin.—1 Korin 8:9
[Ritim pes 116-119]
umi i bin kisim pasin bilong stap fri, long yumi ken lusim laip bilong
yumi, long mekim wok bilong ol arapela. Yumi mas kamapim
samting na i no ken bagarapim, stretim samting long kamap gut na i
no long brukim i go daun. Yumi no kisim dispela pasin bilong stap fri
long bungim na kamapim ol samting bilong yumi yet. Bikos yumi i bin
yusim pasin bilong stap fri long helpim yumi yet, planti ol manmeri
tude, i gat belhat na tubel long wanem kain laip ol Kristen i wok long
stap long en. Yumi ken gat pasin bilong stap fri insait long Krais long
mekim planti samting, tasol, sapos wanpela samting yumi mekim,
em bai mekim narapela man i belhat na tubel, orait yumi mas traim
long tingting gut na stop long mekim dispela pasin, na dispela bai
mekim isi long yumi ken kamap olsem gutpela witnis long ol arapela.
Y
Ol dispela samting mi save mekim, em
bilong helpim mi yet, o ol arapela?
319
De 19
Ol Toktok Bilong Kisim Lotu
Mekim wanpela lista daunbilo long ol samting we yu bin stop long
mekim bilong wanem yu no laik mekim ol arapela i belhat na tubel
o pundaun long sin.
Mi bin stop long mekim dispela:
Mi mas stop long mekim
dispela bai mi noken mekim
belhat na tubel i kamap long
(husat):
Long wanem kain rot, bai yumi save, wanem kain rait o pasin
bilong stap fri, yumi mas lusim long sait pastaim, bilong helpim ol
arapela i kam luksave long Krais? Mi ting olsem, em i gutpela sapos
yumi yusim dispela tes mi save kolim “edification test” Na askim
yumi yet pastaim, “Ol dispela ol samting mi save mekim, em bilong
helpim mi yet, o ol arapela?” na dispela i ken helpim yumi long save,
wanem samting long lusim, bilong helpim ol narapela i ken kam
luksave long Krais.
Long pas Aposel Pol i bin raitim i go long ol lain Rom, em i bin
bungim olgeta toktok i stap long bel bilong God long dispela samting,
na i tok olsem: “Olsem na yumi mas bihainim olgeta pasin i save
mekim yumi i stap wanbel, na olgeta pasin i save strongim bilip bilong
ol arapela” (Rom 14:19).
Wanem samting yumi mekim, ating em orait long Tok bilong God,
tasol askim yu yet: Em bai helpim ol arapela, o em bai helpim mi yet
tasol?
320
Ol Toktok Bilong Kisim Lotu
De 19
Ritim dispela Baibel ves i stap daunbilo, isi isi na putim lain aninit
long wanem tok em i hat long yu, long mekim. Raunim o sekolim, ol
dispela hap we yu ting yu mas stat long mekim, nau yet.
“Olgeta samting i orait long yumi mekim,” tasol i no olgeta
samting i save helpim yumi long i stap gut. “Olgeta samting i
orait long yumi mekim,” tasol i no olgeta samting i save mekim
yumi i kamap strongpela Kristen. Yumi no ken ting long helpim
yumi yet. Nogat. Yumi mas ting long helpim ol arapela…Olsem
na sapos yupela i kaikai na dring o yupela i mekim narapela
samting, yupela i mas mekim dispela olgeta samting bilong
givim biknem long God. Yupela i mas ting long ol Juda na ol
Grik na ol manmeri bilong sios bilong God, na yupela i no ken
mekim ol kain pasin inap long mekim ol i pundaun long sin. Mi
tu, mi save mekim olgeta samting inap long olgeta man i ken
laikim olgeta pasin mi mekim. Mi no save wok long helpim mi
yet. Mi wok long helpim ol arapela manmeri, bai God i ken
kisim bek ol.
—1 Korin 10:23-24, 31-33
Larim Holi spirit i sekim olgeta hap long laip bilong yu, insait long
dispela ol ves i stap antap. Larim Em i soim yu sapos yu gat sampela
hait tingting, o samting bilong helpim yu yet na i no bilong helpim
ol arapela. Noken wari long wanem kain laip yu stap long en, kisim
dispela salens bilong Em long stap, olsem wokman bilong ol arapela.
RAITIM WANPELA PREA…
Askim Bikpela long soim yu, wanem samting i stap insait long laip
bilong yu, we i ken mekim ol arapela i pundaun long sin, na traim
long rausim ol.
321
Ol Toktok Bilong Kisim Lotu
DE 20
PASIN BILONG LUSIM RONG: SAPOS
YU I NO GIVIM—BAI YU NO INAP
KISIM
Na sapos yupela i mekim prea na i beten long kisim
wanpela samting, na sapos yupela i bilip tru olsem,
yupela bai i kisim dispela samting, orait mi tokim
yupela, dispela samting bai i kamap olsem yupela i
tok. Taim yupela i sanap na mekim prea, na yupela i
tingim wanpela rong wanpela man i bin mekim long
yupela, orait yupela i mas lusim rong bilong dispela
man. Olsem na Papa bilong yupela i stap long heven
em bai i lusim rong bilong yupela.—Mak 11:24-26
[Ritim pes 121-126]
umi putim olgeta tingting bilong yumi i go bek long wanem
samting bai kamap, sapos yumi no laik long lusim pasin bilong
belhat na tubel i go. Hau bai yumi stap fri long pasin bilong belhat
na tubel? Jisas i minim wanem samting taim Em i tok: “Sapos yu i no
lusim rong bilong ol arapela, orait olsem tasol, Papa bilong yu i stap
long heven Em bai no inap long lusim rong bilong yu.”
Yumi stap long wanpela kain taim na kalsa we, yumi no save minim
stret wanem samting yumi tok long en, na long wankain rot tu, yumi
no save bilip olsem ol arapela i minim wanem samting ol i tok long
Y
322
Ol Toktok Bilong Kisim Lotu
De 20
yumi. Ol man i no save bisi tumas long toktok bilong ol arapela, bikos
ol i ting olsem ol i no minim.
Em i save stat taim yumi i pikinini yet. Papamama i save tokim
pikinini olsem, “Sapos yu mekim olsem gen, bai mi paitim yu.” Dispela
pikinini i save mekim gen, na planti moa taim, bihain gen. Insait long
dispela olgeta taim, em i mekim dispela wankain pasin, papamama i
save mekim wankain tok long em. Planti taim, nogat wanpela eksen
bilong stretim pikinini i save kamap. Sapos papamama i stretim
pikinini, orait em bai i paitim pikinini isi tru na i no long mak bilong
wanem samting em i toktok long dispela pikinini o em bai i paitim
pikinini nogut tru bilong wanem, em i belhat pinis.
Yu i save lusim rong bilong ol arapela bikos yu
laikim ol long lusim rong bilong yu, a?
Tasol taim Jisas i toktok, Em i laikim yumi long bilipim tok bilong
Em. Yumi no inap long lukim wanem samting Jisas i tok long en, long
wankain rot, olsem yumi save lukim ol lain husat i go pas long yumi,
o ol lain yumi gat rilensip wantaim long laip bilong yumi. Taim Jisas
i toktok long wanpela samting, Em i save minim na i tok. Em i save
stap tru long taim yumi no save stap tru wantaim Em. Level, o mak
Jisas i save wokabaut insait long tok tru, em i winim level, o mak
bilong kalsa, o sosaiti bilong yumi. Olsem na taim Jisas i tok, “Sapos
yu no lusim rong bilong ol arapela, orait olsem tasol Papa bilong yu
i stap long heven, Em bai no inap long lusim rong bilong yu,” Em i
minim stret na i tok.
Raitim i go daun wanem samting Jisas i tok long en, long pasin bilong
lusim rong bilong ol arapela, insait long Tok bilong God.
Matyu 6:14-15
323
De 20
Ol Toktok Bilong Kisim Lotu
Luk 6:37
Matyu 6:12
Tru tru yu kisim tok bilong Jisas, a? Yu save lusim rong bilong ol
arapela bikos yu laikim ol long lusim rong bilong yu, a? Taim bel bilong
yu i pulap wantaim pasin bilong i no lusim rong bilong ol arapela,
orait bel bilong yu i nogat rum, o spes long kisim pasin God i givim
bilong lusim rong.
RAITIM WANPELA PREA…
Askim God long helpim yu long lusim rong bilong ol manmeri, husat,
i bin mekim yu belhat na tubel, na bai God i lusim rong bilong yu, tu.
324
Ol Toktok Bilong Kisim Lotu
DE 21
DISPELA WOKMAN HUSAT I NO
INAP LONG LUSIM RONG BILONG
OL ARAPELA
Long dispela taim Pita i kam long Jisas na i askim em olsem,
“Bikpela, hamas taim brata bilong mi i ken mekim rong long
mi, na mi mas lusim rong bilong en? Ating inap long 7-pela
taim?” Na Jisas i tokim em olsem, “Mi no tok long yu mas
lusim rong bilong en inap 7-pela taim tasol. Nogat. Mi tok,
yu mas lusim inap 70 taims 7-pela taim.”—Matyu 18:21-22
[Ritim pes 126-132]
asin bilong God long lusim rong bilong ol arapela i nogat pinis
bilong en, long dispela tok i stap antap, Jisas i tisim Pita wantaim
ol arapela disaipel long pasin bilong lusim rong bilong ol arapela
long pasin bilong God. Long mekim dispela tok bilong Em i klia, Jisas
i givim dispela tok piksa, bilong wokman husat i no bin lusim rong
bilong arapela.
P
Ritim gen dispela stori insait long buk bilong Matyu 18:23-35 na bihain,
pinisim dispela ol sentens, o hap tok i stap daunbilo:
Long mi, as tingting bilong dispela tok piksa o stori em,
.
325
De 21
Ol Toktok Bilong Kisim Lotu
Wanem samting mi harim God i toktok long mi insait long dispela
tok piksa, o stori em
.
Dispela belhat na tubel yumi holim long ol arapela, em i no
wankain olsem dispela olgeta sin yumi save mekim long God. Sapos
yumi traim long makim dispela olgeta sin, na belhat na tubel, bilong
yumi, em bai i kain olsem, et tausen bilien kina wantaim nain tausen
bilien kina. Ating em i tru olsem ol arapela i no bin mekim gut long
yumi, tasol dispela i no inap kamap long wankain mak olsem sin yumi
mekim long God. Taim yumi luksave olsem Jisas i bin rausim yumi
long pasin bilong kisim bagarap, na dai oltaim oltaim, bai yumi inap
long lusim rong bilong ol arapela isi tru.
Makim long sait bilong wan wan sentens daubilo, wanem samting
em i hat tru (1) i go long, wanem samting em i no hat tumas (7) long
lusim rong bilong ol arapela.
Tok baksait long mi
Sampela lain husat i bagarapim bodi, bilong mi, o tingting
na bel bilong mi
Sampela lain husat i bagarapim bodi o tingting na bel bilong
sampela lain, mi save laikim long en
Sampela lain i mekim tok giaman long mi
Sampela lain i wok long mekim stil pasin long mi
Sampela lain i wok long bosim mi tumas
Ol arapela samting
326
Ol Toktok Bilong Kisim Lotu
De 21
RAITIM WANPELA PREA…
Askim God long rausim wanem samting i stap insait long bel bilong yu,
we i wok long pasim rot bilong yu long lusim rong bilong ol arapela.
Beten long wanwan bilong dispela ol lain husat i bin mekim yu belhat
na tubel, na bikos long dispela tubel bilong yu, em i wok long pasim
rot bilong yu i stap.
327
Ol Toktok Bilong Kisim Lotu
DE 22
PASIN BILONG BEKIM BEK:
DISPELA TRAP
Sapos ol i mekim pasin nogut long yupela, orait
yupela i no ken bekim pasin nogut long ol. Nogat.
Oltaim yupela i mas tingting long mekim pasin i
gutpela long ai bilong olgeta man.—Rom 12:17
[Ritim pes 135-139]
olim pasin bilong i no lusim rong bilong ol arapela husat i mekim
yu belhat na tubel, em i wankain olsem holim dinau bilong ol
narapela. Taim wanpela man o meri i mekim rong long narapela, orait
dispela man, o meri i save bilip olsem dispela lain husat i mekim rong
long em, i gat dinau wantaim em. Em i save wetim sampela kain pe
olsem moni, o sampela narapela samting, tasol em i wet long ol lain
husat i bin mekim rong long em, long kam na givim. Tasol em i no
gutpela long yumi ol pikinini bilong God, long mekim kain pasin olsem.
H
Ritim ol dispela Baibel ves na bihain, bungim dispela ol tingting bilong
yu wantaim, long wanem samting ol dispela Baibel ves i tisim yu long
pasin bilong bekim bek. Na raitim wanpela o sampela sentens long
toktok long dispela.
Rom 12:19
328
Ol Toktok Bilong Kisim Lotu
De 22
Jems 4:12; 5:9
Matyu 5:38-42
Jisas i rausim pinis olgeta rot bilong i gat bel hevi, o tubel, o bel
nogut. Tru tru, em i tok olsem, pasin bilong yumi i mas i stap longwe
tru long pasin bilong bekim rong ol arapela i mekim long yumi. Na
long dispela rot, yumi ken larim ol arapela i mekim yet rong long
yumi, na yumi i no inap traim long bekim rong bilong ol, maski taim
ol i bagarapim yumi nogut tru.
Yumi kisim gutpela tok bilong stap strong
insait long laikim bilong Bikpela.
Jisas i mekim tok bokis long bel bilong yumi i olsem graun na yumi
i mas stap insait long laikim bilong God, olsem sit kaikai bilong Tok
bilong God. Na dispela sit kaikai i ken gro na karim kaikai insait long
laip bilong yumi, na bai yumi ken wokabaut insait long stretpela pasin
oltaim. Dispela pikinini kaikai em i kaikai bilong mekim ol gutpela
pasin olsem, pasin bilong laikim tru ol arapela, na pasin bilong
amamas, na pasin bilong i stap bel isi, na pasin bilong i no belhat
kwik, na pasin bilong helpim ol man na mekim gutpela pasin long ol,
na pasin bilong wokabaut stret oltaim, na pasin bilong i stap bel isi,
na pasin bilong daunim laik bilong olpela bel. (Lukim Galesia 5:22-23.)
Graun inap tasol long kamapim wanem samting yu planim insait
long em. Sapos yumi planim sit bilong dinau, i no lusim rong bilong
ol arapela, o belhat na tubel, orait narapela kain pikinini diwai bai i
329
De 22
Ol Toktok Bilong Kisim Lotu
kamap, na kisim ples bilong laikim bilong God. Dispela diwai em bai
i karim kaikai i gat ‘pait’ long en (Hibru 12:14-15). Strongpela kain
belhat bilong yu, o long Inglis ol i kolim Bitterness, i no inap lusim
rong bilong yu. Em i wankain olsem, as bilong dispela kaikai bilong
diwai we, i gat pait bilong en. Sapos yu lukautim gut na givim wara
na kaikai na banisim dispela sit bilong kaikai nogut, orait em bai i
kamap bikpela na strong olgeta. Sapos yu i no rausim em hariap,
orait as bilong em bai i go daun olgeta long graun, na bai yu painim
hat tru long kamautim em. Na strong bilong pasin bilong belhat na
tubel bai i gro i go bikpela olgeta. I no long taim, yumi ting olsem
bai yumi rausim kaikai bilong stretpela pasin, tasol nogat, bai yumi
lukim kaikai bilong belhat, tubel, bel hevi, kros na pait, jeles o ting
nogut, bel nogut na nogat wanbel i kamap. Jisas i kolim dispela kain
kaikai olsem kaikai nogut. (Lukim Matyu 7:19-20.)
RAITIM WANPELA PREA…
Tok tenkyu long God olsem bel isi bilong Em, i kamap pinis long laip
bilong yu, bikos yu bin lusim pasin bilong belhat na tubel, we i bin
pasim bel bilong yu.
330
Ol Toktok Bilong Kisim Lotu
DE 23
MAN HUSAT I KEN KAMAP KING I
KISIM BAGARAP
Na Apsalom tu i belhat long Amnon na i no laikim em
tru, long wanem, Amnon i bin mekim pasin nogut long
susa bilong en, Tamar. Olsem na Apsalom i no toktok moa
wantaim Amnon long wanpela samting.—2 Samuel 13:22
[Ritim pes 139-143]
psalom i kilim i dai Amnon long bekim bek wanem pasin nogut
Amnon i bin mekim long Tamar susa bilong em. Na tu, Apsalom
i gat bikpela bel hevi long Devit bilong wanem, Devit i no mekim
save long hap brata bilong em, Amnon, husat i mekim nogut pasin,
na slip wantaim susa bilong em. Apsalom i wok long tingting nogut,
na kisim bel hevi moa yet. Bikos long dispela, Apsalom i kamap fit
man stret long skelim ol rong na asua bilong Devit, tasol insait long
bel na tingting bilong em, em i wetim papa bilong em long singautim
em. Tasol taim Devit i no mekim olsem, dispela i mekim Apsalom i
belhat olgeta.
Insait long dispela pasin bilong em long belhat na tubel, em i stat
long pulim ol lain husat i gat wari na tubel insait long laip bilong ol
i kam long en. Em i wok long givim taim bilong em i go long ol lain
Israel, long harim ol i autim bel hevi bilong ol long em. Na mekim ol
tok sori long ol na tokim ol olsem, sapos em i stap olsem king, bai ol
samting i narakain. Em i wok long kamap olsem jas bilong ol, bilong
A
331
De 23
Ol Toktok Bilong Kisim Lotu
wanem, i luk olsem king i nogat taim long mekim dispela wok. Ating
Apsalom i mekim dispela wok olsem jas bilong wanem, em i pilim
olsem, nogat man i bin harim gut hevi bilong em, na helpim em.
I luk olsem em i wok long wari tumas long ol manmeri. Baibel i
tok olsem, Apsalom i stilim bel bilong ol lain Israel long papa bilong
em Devit. Tasol tru tru, em i wari long ol, o em i wok long painim rot
bilong rausim papa bilong em, Devit long sia king bilong em, bikos
em i bin mekim em i belhat na tubel?
Holi Spirit i save soim ples klia olsem wanpela
lain i mekim rong, o asua taim Em i toktok long
bel na tingting bilong dispela man o meri.
Planti taim ol lain husat i save wok aninit long ol lida bilong sios, i
save belhat na tubel long dispela ol lida, ol i wok aninit long en. Na ol
i save kamap ol lain husat i save skelim gut olgeta pasin bilong ol lida
bilong ol, na traim, long painim olgeta asua ol i mekim, o traim long
painim asua bilong husat ol arapela we ol lida bilong ol i bin makim
long mekim sampela ol wok. Ol i save traim long painim asua insait
long olgeta samting ol lida i laik mekim. Ol i save belhat na tubel, na
ol i no inap lukim gut ol samting wantaim spirit ai bilong ol. Ol i save
lukim ol samting long narapela sait stret na i no long rot we God i
lukim ol samting long en.
Pinisim dispela ol sentens o hap tok:
Taim ol manmeri i kam long mi wantaim
ol tingting na bel nogut long ol sios lida, mi
.
Taim mi gat tingting nogut long ol sios lida, mi
.
332
Ol Toktok Bilong Kisim Lotu
De 23
Gutpela rot bilong stretim belhat na
tubel insait long bodi bilong Krais em
.
Mekim wanpela lista long olgeta manmeri na olgeta lida insait long
sios, husat i bin mekim yu belhat na tubel. Raitim nem bilong ol i go
daun, na bihain raitim i go daun wanem taim bai yu go long ol, na
askim ol long lusim rong bilong yu, long gat belhat na tubel long ol.
Taim, yu bai askim ol long lusim
rong bilong yu
Nem
Sampela taim, lukluk bilong yu long asua o rong bilong ol sios lida
em i tru. Ating Devit inap long mekim save long Amnon. Ating wanpela
lida i gat sampela hap long laip bilong em, we i gat asua i stap. Tasol
husat em i jas—yu o Bikpela? Tingim, sapos yu planim pasin bilong
bel nogut na belhat, orait bai yu kamautim wankain samting.
Holi Spirit i save soim olsem, wanpela i mekim rong o asua taim
Holi Spirit i toktok long bel na tingting bilong dispela man o meri.
Yumi mas no ken abrusim wanem samting Holi Spirit i kotim bel na
tingting bilong yumi long en, o traim long kilim i dai, o daunim nek
bilong Em insait long bel na tingting bilong yumi. Sapos yu bin mekim
olsem, orait yu mas kam long God na tanim bel na opim bel bilong
yu long wanem kain rot, Em i laik stretim yu.
333
De 23
Ol Toktok Bilong Kisim Lotu
RAITIM WANPELA PREA…
Askim God long rausim dispela spirit bilong skelim ol asua na rong
bilong ol arapela i go longwe yu.
334
Ol Toktok Bilong Kisim Lotu
DE 24
RANAWE LONG DISPELA TRAP
Olsem na long olgeta taim mi strong long bel bilong mi
i mas i stap stret na i no gat rong, long ai bilong God na
long ai bilong ol manmeri wantaim.—Aposel 24:16
[Ritim pes 145-149]
m i save kisim planti strong long stap fri long pasin bilong belhat
na tubel. Pol i makim dispela wantaim pasin bilong eksasais. Taim
yumi eksasaisim bodi bilong yumi, yumi i no inap long kisim bagarap
hariap. Taim yumi eksasaisim pasin bilong lusim rong bilong ol arapela,
na les long kisim belhat na tubel, em yumi save mekim bel na tingting
bilong yumi long stap stret.
E
Yu nid long gat planti strong long stap fri
long pasin bilong belhat na tubel.
Sampela taim ol arapela lain i save mekim yumi belhat na tubel
na em i no hat long lusim rong bilong ol. Yumi wok long eksasaisim
bel bilong yumi olsem na em inap long kisim dispela belhat na tubel;
long dispela as, nogat wanpela bikpela bagarap i kamap long yumi.
Tasol sampela pasin bilong belhat na tubel bai i hat nogut tru na i
no wankain olsem ol dispela we yumi bin kisim trening long en. Na
dispela i ken kamapim sua o bagarap insait long bel bilong yumi, na
yumi bai nid long mekim planti eksasais long spirit bilong kamap
fri na tu, long kisim orait bilong yumi gen. Pe bilong dispela em bai
335
De 24
Ol Toktok Bilong Kisim Lotu
gutpela stret. Yu pesim sampela pen na hevi we i bikpela tru, a?
Dispela eksasais yu nid long kisim long oraitim yu, em i stap long
lista daunbilo.
Bihain long yu ritim wan wan rot, raitim i go daun, wanem kain bekim
bai yu mekim, bilong kisim orait bilong yu.
1. Luksave olsem yu bin kisim pen na hevi.
Mi bin kisim pen na hevi long
.
2. Tokaut long dispela pen na hevi bilong yu i go long Bikpela.
Bikpela, mi tokaut olsem mi bin kisim pen na hevi taim
.
3. Yu mas opim bel na tingting bilong yu long wanem kain rot Em i
laik stretim yu, na wanem rot, Em i laikim yu long kisim.
Bikpela, mi save olsem Yu laikim mi long
.
4. Las tru, yumi mas lusim rong bilong dispela ol lain husat i givim
pen na hevi long yumi.
Jisas, Mi lusim rong bilong
.
Long
.
Bihain long mekim dispela ol foapela eksasais bilong lusim rong
bilong arapela, bai yumi traim long abrusim pasin bilong i go bek gen
na tingim dispela ol pen na hevi. Sampela taim dispela ol tingting we
yumi bin i gat bipo taim yumi no lusim rong bilong dispela man o
meri yet, bai i kam bek long tingting bilong yumi. Rot bilong abrusim
dispela kain samting em long yumi long tingim long prea ol dispela
man o meri. Dispela ol Baibel ves bai helpim na soim yu long wanem
kain rot bilong beten.
336
Ol Toktok Bilong Kisim Lotu
De 24
Ritim wanwan bilong dispela ol Baibel ves, na raitim i go daun wanem
kain pasin God i laikim yumi long gat insait long bel na tingting bilong
yumi, long dispela ol lain husat i bin givim pen na hevi long yumi.
Matyu 5:44
Buk Song 35:11-14
2 Korin 10:5
RAITIM WANPELA PREA…
Beten long ol bikpela nid dispela man o meri husat i bin givim yu pen
na hevi, i gat long en.
337
Ol Toktok Bilong Kisim Lotu
DE 25
KISIM ORAIT LONG STRETIM TOK
NA TOKAUT STRET LONG PES
BILONG ARAPELA
Yupela i mas holim strong pasin bilong laikim tru ol
arapela manmeri bilong God, long wanem, pasin bilong
laikim tru ol arapela, em i save karamapim planti
sin na i winim olgeta arapela pasin.—1 Pita 4:8
[Ritim pes 149-152]
gat sampela taim we i gat wanpela rot tasol bilong kisim orait na em
long go na toktok stret wantaim dispela ol lain. Em isi tru long laikim
ol lain husat i no mekim wanpela rong long ai bilong mipela—dispela
em i kain olsem tupela marit i laikim tupela yet long namba wan taim.
Em i narapela kain samting, long laikim narapela long taim yumi ken
lukim ol rong ol i mekim long en, o long yumi.
Yumi bai i go insait long planti ol hatpela taim na kainkain salens
tu bai kam, taim yumi wokabaut wantaim Bikpela. Yumi no inap long
ranawe long ol, tasol yumi nid long go insait long dispela kain ol hevi
bilong wanem, dispela em i olsem rot bilong kamap stretpela insait
long Bikpela. Sapos yu tingting long ranawe long ol, tru tru bai yu
pasim gro bilong yu insait long spirit.
Taim yu abrusim ol kainkain birua, bai yu kamap strong moa na
bel isi na gutpela pasin bai pulap long yu. Bai yu laikim Jisas moa
moa yet. Tasol, sapos yu bin kamaut long hatpela taim na yu i no
I
338
Ol Toktok Bilong Kisim Lotu
De 25
pilim olsem, ating yu no kisim orait bilong yu yet long pasin bilong
belhat na tubel, yu bin i gat long en. Yu mas makim dispela rot bilong
kisim orait bilong yu. Sampela manmeri i save kisim bagarap na ol i
no save kamap orait gen bikos ol yet i no makim dispela rot bilong
kisim orait bilong ol.
• Sapos yu gat pen na hevi yet long ol belhat na tubel bilong bipo,
orait dispela em bikos yu yet yu makim dispela rot bilong gat
pen na hevi.
• Wanpela rot tasol bilong kisim orait bilong yu, em yu mas lusim
rong bilong ol arapela. Lusim dispela pasin bilong belhat na
tubel wantaim dispela ol lain husat i mekim yu belhat na tubel i
go long God.
• Taim yumi no soim ol gutpela pasin na pasin bilong bel isi long
ol arapela, em i soim olsem yumi no laik lusim rong bilong ol
arapela.
• Gro bilong spirit bilong yu, em i stap long han bilong yu yet,
long taim yu wanbel long pesim dispela ol hevi, lusim rong
bilong ol arapela, na lusim tingting long dispela ol belhat na
tubel bilong bipo.
Jisas i bin lainim pasin bilong harim tok, long taim em i go insait
long ol pen na hevi. Pita i bin lainim pasin bilong harim tok, long taim
em i go insait long pen na hevi. Pol i bin lainim pasin bilong harim
tok, long taim em tu, i go insait long pen na hevi.
Gro bilong spirit bilong yu, em i stap long han bilong
yu yet, long taim yu wanbel long pesim dispela ol
hevi, lusim rong bilong ol arapela, na lusim tingting
long dispela ol belhat na tubel bilong bipo.
Na olsem wanem long yu? Yu lainim tu sampela ol samting o
nogat? Bikos long ol belhat na tubel bilong bipo, nau yu pilim olsem
wanem?
339
De 25
Ol Toktok Bilong Kisim Lotu
Makim wantaim tik √ long wanwan bilong dispela ol bokis daunbilo,
long wanem samting yu pilim nau yet long en.
PILIM ORAIT
PILIM PEN NA HEVI
□□ Fri ¨
□ Pilim hevi
□□ Lusim rong bilong
□ I no lusim rong bilong ol
ol arapela arapela
□□ Pasin bilong laikim
□ Tingting long bekim bek
□□ Soim gutpela pasin
□ Bel i strong olgeta wantaim
nogut
□□ Pasin bilong bel sori
□ Pasin bilong jasim na skelim
ol arapela
□□ Wanbel na kisim
□ Pasin bilong les na rausim
□□ Daun pasin
□ Pasin bilong i gat biknem
□□ Gutpela bel
□ Nogat wanbel pasin
□□ I gat bel isi
□ Pasin bilong kros na belhat
□□ Pasin bilong amamas
□ Pasin bilong wari na sori
□□ Kisim orait
□ I no kisim orait
□□ Kamap nupela gen
□ Pasin bilong belhat nogut tru
Sapos yu lukim olsem yu makim planti tik √ long ol boks i stap
aninit long pilim pen na hevi na i no long pilim orait, orait dispela
em i soim olsem, rot bilong yu long kisim orait em i bin stop; yu bai
i no inap long harim tok bilong God na bihainim Em na tu bai yu no
inap long gro insait long spirit.
Pasin bilong gro na kamap bikpela em i no isipela samting. Sapos
em i wanpela isipela samting, ating olgeta lain bai inap long kisim
dispela pinis. Wanwan tasol i save kamap long dispela mak long laip
bilong ol, bilong wanem, planti ol i bungim birua long laip bilong ol na
i no inap long go het yet. I gat birua i stap bikos dispela graun yumi
stap long en, em i no gat gutpela tasol. Nogat. Em i gat nogut bilong
en tu. Dispela graun i pulap wantaim “hetman bilong ol spirit nogut i
stap long skai” (Efesus 2:2). Olsem na long go insait long pasin bilong
340
Ol Toktok Bilong Kisim Lotu
De 25
Krais, long kamap strong na bikpela, i mas gat hatpela taim bilong yu
ken sanap strong na pait wantaim nogut pasin taim em i laik kamap.
Tingim, taim yumi lusim laip bilong yumi long nem bilong Jisas,
bai yumi painim laip insait long Em. Traim long lainim tingting bilong
yu, na lukluk long wanem samting bai i kamap bihain, na i no lukluk
long ol hevi na wari yu wok long go insait long en, long nau. (Lukim
1 Pita 4:12-13.)
RAITIM WANPELA PREA…
Tok tenkyu long God long ol traim na hevi yu bin i go insait long en.
Tok tenkyu long Em long wanem samting i bin kamap insait long laip
bilong yu, bihain long taim yu bin go insait long dispela ol traim na
hevi.
341
Ol Toktok Bilong Kisim Lotu
DE 26
AS TINGTING: WANBEL NA
KAMAPIM GUTPELA SINDAUN
Jisas i tok moa olsem, “Yupela i harim pinis dispela tok ol
tumbuna i bin kisim, ‘Yupela i noken kilim i dai ol arapela
manmeri. Na sapos wanpela man i kilim man i dai, em i
mas i kamap long kot.’ Tasol mi tokim yupela olsem, man
i kros nogut wantaim brata bilong en, em i mas kamap
long kot. Na man i tok nogut long brata bilong en, em
i mas kamap long namba wan kaunsil. Na man i tokim
narapela man olsem, ‘Yu longlong man tru,’ em i mas i
go long paia bilong hel… orait yu mas lusim ofa bilong yu
i stap klostu long alta. Na yu go pastaim na stretim tok
wantaim brata bilong yu. Stretim pinis, orait yu ken i go
na givim ofa bilong yu long God.—Matyu 5:21-22,24
[Ritim pes 155-157]
nsait long tok we Jisas i bin autim antap long maunten, pastaim
Jisas i toktok long ol lo, we i save makim ol pasin bilong yumi long
autsait. Bihain em i soim wanem samting bai i kamap taim em i
bringim i kam insait long bel bilong yumi. (Lukim Matyu 5:21‑22, 24.)
Olsem na long ai bilong God, man husat i save kilim i dai narapela
man i wankain olsem man husat i save belhat na tok nogut long brata
bilong em. Wanem samting yu gat long bel bilong yu i save soim yu
wanem kain man, tru tru!
I
342
Ol Toktok Bilong Kisim Lotu
De 26
Jisas i mekim tok klia long pe bilong gat belhat na tubel insait
long tok em i autim long en. Em i soim rot we bikpela bagarap bai i
kamap, sapos yumi holim belhat na tubel insait long laip bilong yumi.
Sapos wanpela man i belhat nating long brata bilong em, na i nogat
as bilong dispela kros, orait em i stap long dispela mak nogut bilong
kamap olsem jas. Jisas i wok long soim ol olsem, sapos ol i no rausim
dispela pasin bilong belhat, em i ken kamap bikpela na ol i ken go
long hel sapos ol i no was gut. Jisas i toktok strong long ol lain husat
i wok long bihainim Em olsem, ol i mas traim long kamapim wanbel
na wanpela tingting na dispela em i mas bikpela samting stret oltaim
ol i mas mekim taim ol i laik bekim pasin bilong belhat na tubel.
Yumi mas traim hariap long kamapim wanbel na wanpela tingting,
i no bilong helpim yumi yet, tasol bilong helpim dispela brata bilong
yumi. Yumi ken kamap olsem dispela samting bilong helpim, long
helpim dispela brata long senis na kamaut long dispela pasin bilong
belhat na tubel. Dispela laikim bilong God insait long yumi, i no inap
larim yumi, long larim em long stap insait long belhat na tubel. Nogat.
Em bai i mekim yumi long helpim em long kamaut long dispela pasin
bilong belhat na tubel na kisim em i go bek long dispela mak we em
i bin stap pastaim wantaim Bikpela long en. Yumi ken tok olsem
yumi i no bin mekim wanpela rong, tasol dispela pasin bilong mekim
samting i rait o rong, em i nogat as bilong em. Namba wan samting
em, yumi i mas helpim dispela brata husat i laik pundaun long en, na
i no traim long soim olsem yumi rait na em i rong.
Planti taim yumi save jasim yumi yet long wanem
as tingting bilong yumi, tasol ol arapela lain
yumi i save jasim ol long ol pasin bilong ol.
343
De 26
Ol Toktok Bilong Kisim Lotu
Mekim wanpela lista bilong olgeta lain we yu bin i gat belhat na tubel
long en. Klostu long wanwan nem, raitim dispela de na taim we yu
bai go long dispela man o meri, na traim long kamapim wanbel na
wanpela tingting wantaim em
Nem
Deit
Taim
Planti taim, yumi save jasim yumi yet long wanem as tingting bilong
yumi, tasol ol arapela lain, yumi i save jasim ol long ol pasin bilong ol.
Em i isi tru long yumi ken tingting long wanpela samting tasol taim yumi
toktok tru tru long narapela samting olgeta long wanem samting yumi
tingting long en. Sampela taim, ol tru tru as tingting bilong yumi em
i hait tru na i hat long yumi yet tu i ken save long en. Yumi i save laik
bilip olsem ol as tingting bilong yumi em i stret, tasol taim yumi skelim
dispela ol as tingting bilong yumi, wantaim Tok bilong God, bai yumi
lukim olsem em i narakain olgeta. Sapos yu nid long kamapim wanbel
na wanpela tingting, gutpela as tingting bilong mekim ol samting bai
no inap long helpim yu. Em i taim bilong yu long go stret na kamapim
wanbel na wanpela tingting. Bai yu go, a?
RAITIM WANPELA PREA…
Askim God long helpim na strongim yu wantaim laikim na strong
bilong Em, long yu ken i go, na kamapim wanbel na wanpela tingting
wantaim dispela lain we yu bin gat belhat na tubel long en.
344
Ol Toktok Bilong Kisim Lotu
DE 27
ASKIM MAN HUSAT I KISIM
BELHAT NA TUBEL LONG LUSIM
RONG BILONG YU
Olsem na yumi mas bihainim olgeta pasin i save
mekim yumi i stap wanbel, na olgeta pasin i save
strongim bilip bilong ol arapela.—Rom 14:19
[Ritim pes 157-158]
om 14:19 i soim yumi long wanem kain rot yumi i mas bihainim
long i go long dispela ol lain husat i gat belhat na tubel i stap.
Sapos yumi go wantaim pasin bilong belhat na kros, em bai yumi no
inap long kamapim pasin bilong wanbel na bel isi. Bai yumi mekim
hat stret long dispela ol lain husat i bin kisim belhat na tubel. Yumi
i mas traim long kamapim pasin bilong bel isi na stap wanbel insait
long pasin bilong daunim yumi yet, maski sapos dispela bai bagarapim
nem bilong yumi yet. Dispela em i wanpela rot tasol bilong yumi i
ken lukim trupela pasin bilong wanbel i kamap.
Long sampela taim i go pinis, mi bin i go toktok long ol lain husat
mi bin bagarapim bel bilong ol, o husat i bin gat belhat na tubel
wantaim mi na ol i bin kros long mi. Sampela i bin tokim mi olsem,
mi save tingim mi yet tasol na i no tingim ol arapela, apim nem bilong
mi yet, tok nogut na mekim ol kain kain ol nogut pasin.
Planti taim, mi save laik long bekim na i tok olsem, “Nogat, mi no
save mekim dispela kain ol samting. Yupela i no save gut long mi!”
R
345
De 27
Ol Toktok Bilong Kisim Lotu
Tasol, taim mi save traim long strongim sait bilong mi yet, dispela i
save mekim belhat na kros bilong ol i go moa yet, na dispela em i no
inap long bringim wanbel pasin long kamap. Taim yumi traim long
sanap na strongim sait bilong yumi yet, olsem yumi rait, dispela bai
no inap long bringim bel isi.
Tasol mi bin lainim wanpela gutpela pasin, em pasin bilong pasim
maus bilong mi, na harim wanem samting ol i laik toktok long en, o
ol i nid long tok long en. Sapos mi no wanbel long wanem samting ol
i toktok long en, orait mi save tok klia long ol olsem, mi rispektim ol
long wanem samting ol i toktok long en na bai mi traim long sekim bel
na tingting bilong mi yet long luksave long asua mi bin mekim long ol.
Gutpela save i kam long God, em i save karim
gutpela kaikai, kain olsem long gat laik long
givim bel bilong yu long ol narapela na harim
wanem samting ol i laik toktok long en
Sampela taim ol i save mekim stretpela toktok long ol pasin bilong
mi na mi save tokaut stret long ol olsem, “Yupela tok stret. Mi askim
yupela long lusim rong bilong mi.”
Tingting i go bek long wanpela taim we yu bin askim sampela lain
long lusim rong bilong yu. Tingim na raitim sotpela stori long wanem
kain rot yu bin yusim long go toktok wantaim ol. Raunim o sekolim
ol hap bilong stori bilong yu, we i soim ol samting yu bin mekim o
toktok we i bin kam wantaim pasin bilong apim nem bilong yu yet.
Taim yumi traim long daunim yumi yet, em Baibai bai i helpim long
kamapim pasin bilong wanbel i go antap moa. Pasin bilong apim nem
bilong yumi yet i save traim long banisim yumi long daunim yumi
346
Ol Toktok Bilong Kisim Lotu
De 27
yet. Daun pasin i save wanbel na i tok, “Yu tok stret. Mi bin mekim
dispela kain pasin. Plis lusim rong bilong mi.”
Ritim Jems 3:17 na raitim gen aninit toktok bilong yu yet long dispela
ves, em i tok wanem long yu.
Gutpela save i kam long God, em i save karim gutpela kaikai kain
olsem, long gat laik long givim bel bilong yu long ol narapela, na harim
wanem samting ol i laik toktok long en. Gutpela save bilong God em
i no save traim long strongim sait bilong em yet o les long tokaut
stret olsem em i mekim rong, taim em i gat kros na belhat wantaim
ol arapela lain. Man husat i gat gutpela save i kam long God, em i
no save pret long harim toktok, o bihainim tingting bilong ol arapela
man sapos em i save olsem dispela tingting o toktok bilong dispela
lain i no haitim o karamapim tok tru.
RAITIM WANPELA PREA…
Askim God long kamapim ples klia ol pasin bilong belhat na tubel we
i stap insait long bel bilong yu, na long givim yu gutpela tingting long
i go long dispela ol lain husat i bin mekim yu belhat na tubel.
347
Ol Toktok Bilong Kisim Lotu
DE 28
GO TOKTOK LONG MAN HUSAT I
BIN MEKIM YU BELHAT NA TUBEL
Jisas i tok moa olsem, “Sapos brata bilong yu em i
mekim rong long yu, orait yu go lukim em, na taim
yutupela tasol i stap, yu mas traim stretim tok
wantaim em. Sapos em i harim tok bilong yu, orait
bai yu kisim bek brata bilong yu.”—Matyu 18:15
[Ritim pes 158-161]
lanti ol lain i save bihainim dispela ves Matyu 18:15 wantaim
narapela kain tingting i no wankain olsem dispela tingting Jisas
i bin gat, taim em i toktok long en. Sapos ol i bin kisim pen na hevi
orait, ol bai i go stret long pes bilong dispela ol lain husat i bin mekim
ol i belhat na tubel, na toktok long ol wantaim spirit bilong belhat na
bekim bek. Ol i save yusim dispela ves long soim olsem, ol i gat rait
long bagarapim ol arapela husat i bin mekim nogut long ol. Tasol ol
i abrusim dispela as tingting bilong Jisas long tokim yumi long i go
na toktok long wanpela arapela. Em i no bilong i go long bagarapim
narapela tasol, em bilong kamapim bel isi na wanbel. Jisas i no laikim
yumi long i go tokim narapela brata bilong yumi olsem, em i bin
mekim rabis pasin stret long yumi. Nogat. Em i laikim yumi long
rausim dispela baret i bin kamap namel long yumi na ol na kamapim
bel isi na wanbel long rilesensip bilong yumi, na bai yumi i gat gutpela
rilesensip olsem yumi i bin gat bipo.
P
348
Ol Toktok Bilong Kisim Lotu
De 28
Dispela em i pasin bilong God long bringim yumi i go bek long Em
yet. Maski yumi bin mekim sin long God, Em “i soim dispela laikim
bilong em long yumi insait long taim yumi bin stap insait long sin
yet, Krais i bin dai long yumi” (Rom 5:8). Tru tru, yumi redi long lusim
pasin bilong strongim sait, banisim yumi yet, na pasin bilong apim
nem bilong yumi yet na traim long kamapim bel isi na wanbel namel
long yumi na ol lain husat i mekim yumi belhat na tubel, a? God i
kisim yumi bek bipo, long yumi yet i kam long Em na askim Em long
lusim rong bilong yumi. Jisas i bin pasim tingting pinis long lusim rong
bilong yumi bipo long yumi luksave na tokaut stret long wanem kain
belhat na tubel yumi bin mekim o i gat long en.
Ritim gut Rom 5:6-11, na bihain bekim dispela ol tok i stap daunbilo:
Bel bilong mi i bin stap olsem wanem, taim God i kisim bek mi em
Taim God i kisim bek mi, em i soim mi
As tingting bilong Em long kisim bek mi em
Wanem samting God i wokim taim God i kisim bek mi em
Em i tru olsem Jisas i lusim rong bilong yumi pas, tasol yumi no
inap long stap wanbel wantaim Papa i go inap long taim yumi yet i
kisim Tok bilong Em bilong kamapim wanbel.
349
De 28
Ol Toktok Bilong Kisim Lotu
Yumi mas rausim dispela baret i bin kamap
namel long yumi na kamapim bel isi na wanbel
long rilesensip bilong yumi na bai yumi i gat
gutpela rilesensip olsem yumi i bin gat bipo.
Insait long Nupela Testamen, ol disaipel i bin autim tok olsem, ol
manmeri i bin mekim sin long ai bilong God. Tasol bilong wanem na
ol i tokim ol manmeri olsem ol i bin mekim sin? Long bagarapim ol,
a? God i no save bagarapim ol lain bilong en. “God i no salim Pikinini
bilong en i kam long graun bilong skelim pasin bilong ol manmeri
bilong graun olsem jas. Nogat. Em i salim em i kam bilong kisim bek
ol” (Jon 3:17). Nogat. Em bilong bringim ol i go long wanpela hap we
ol i ken luksave long wanem kain bel ol i gat long en, na tanim bel
long ol sin ol i gat long en, na askim God long lusim rong bilong ol.
RAITIM WANPELA PREA…
Tanim bel na askim God long helpim yu long kamapim wanbel na
wanpela tingting, wantaim dispela ol lain we yu bin mekim ol i belhat
na tubel, o ol lain husat i bin mekim yu belhat na tubel.
350
Ol Toktok Bilong Kisim Lotu
DE 29
AS TINGTING
Yupela yet i no ken tingting long kros na pait.
Oltaim yupela i mas painim rot bilong i stap
wanbel wantaim olgeta man.—Rom 12:18
[Ritim pes 162–163]
apos yumi holim laikim bilong God olsem bikpela tingting baksait
long ol samting yumi mekim, bai yumi no inap long go kranki.
Taim yumi laikim ol narapela olsem Jisas i laikim yumi, bai yumi stap
fri, maski sapos dispela narapela man o meri i no laik long kamapim
wanbel namel long em na yumi.
Jisas i tok ‘sapos em inap,’ bilong wanem na sampela taim bai ol
narapela i no inap laik long kamapim pasin bilong bel isi namel long
ol na yumi. O, sampela bai strong long yumi mas bihainim tingting
bilong ol long kamapim wanbel na dispela i ken bagarapim rilensip
bilong yumi wantaim Bikpela, taim tingting bilong ol i no bihainim
laik bilong Bikpela. Long tupela kain rot wantaim, em i hat long pasin
bilong kamapim wanbel long kamap.
God i tok “….oltaim yupela i mas painim rot”. Yumi mas traim long
painim olgeta rot yumi inap long painim, long stretim dispela hevi na
kamapim wanbel wantaim dispela narapela man o meri, tasol yumi
mas traim long i stap insait yet long tok tru bilong God. Sampela
taim yumi save les hariap long stretim ol dispela rilensip na dispela
i no save helpim tumas.
S
351
De 29
Ol Toktok Bilong Kisim Lotu
Jisas i tok, “Ol manmeri i save mekim dai ol kros na pait, em ol i
ken amamas. Bai ol i kolim ol pikinini bilong God.” (Mat 5:9). Em i no
bin tok, “Ol manmeri i save stopim kros na pait tasol i ken amamas”.
Man i save stopim kros na pait tasol, em i save traim long kamapim
bel isi na i no save bisi sapos, em i no bihainim tok tru long stopim
hevi. Nogat. Em bai mekim tasol long stopim hevi na i no inap long
kamapim bel isi. Long dispela as, dispela bel isi, em i traim long
kamapim, em i no trupela kain bel isi.
Pasin bilong laikim i no inap long lus, i no
inap dai, na i no gat pinis bilong en.
Man bilong mekim i dai kros na pait, em bai sutim het yet long
stretim ol hevi wantaim pasin bilong laikim na tok tru inap long
gutpela, wanbel pasin i ken kamap. Em bai i no inap long giaman na
mekim wanbel bilong nau tasol. Nogat. Bikpela laik bilong em, em
long olgeta samting i ken kamaut ples klia insait long tok tru na long
pasin bilong laikim. Em i no save laik long giaman na smail taim belhat
na tubel i stap. Em i save painim we bilong kamapim bel isi wantaim
trupela pasin bilong laikim we i no inap long pinis.
Long wanem kain rot yu inap long kamapim wanbel na bel isi?
Daunbilo i gat sampela ol pasin bilong ol lain husat i save kamapim
wanbel na bel isi. Makim yu yet i stap long wanem lain na putim X.
Ol lain bilong kamapim wanbel na bel isi em ol lain husat i save:
Laikim ol narapela
□□ Mi save mekim olsem
Hariap long harim tok ol
narapela i mekim
□ Mi mas traim
□ Mi save mekim □ Mi mas traim long
long mekim olsem
olsem
352
mekim olsem
Ol Toktok Bilong Kisim Lotu
De 29
Pasin bilong stap isi
□□ Mi save mekim olsem
Pasin bilong i no belhat kwik
□ Mi mas traim
□ Mi save long mekim olsem
mekim olsem
Pasin bilong lusim rong
□□ Mi save mekim olsem
□ Mi mas traim
□ Mi save
long mekim olsem
mekim olsem
□ Mi mas traim
mekim olsem
□ Mi mas traim
mekim olsem
Pasin bilong tok tru
□□ Mi save
mekim olsem
mekim olsem
□ Mi mas traim long
mekim olsem
Pasin bilong harim nek
bilong God
□ Mi save
long mekim olsem
□ Mi mas traim long
Pasin bilong harim tok
□ Mi save
long mekim olsem
Pasin bilong isi tru long ol narapela
i bagarapim/daunim yu
□□ Mi save mekim olsem
mekim olsem
Pasin bilong i no bekim tok hariap
Pasin bilong larim tingting bilong yu
op long harim tok bilong narapela
□□ Mi save
mekim olsem
□ Mi mas traim long
□ Mi mas traim long
mekim olsem
Pasin bilong daunim yu yet
□ Mi mas traim
□ Mi save
long mekim olsem
mekim olsem
□ Mi mas traim long
mekim olsem
Jisas i bin mekim olgeta dispela pasin. Taim Spirit bilong God i stap
insait long yumi, bai yumi gat strong long gat dispela olgeta pasin
insait long yumi. Jisas i no laik bai wanpela bilong yumi bai lus.Tasol,
Em i no save laik long daunim tok tru bilong kamapim gutpela rilensip.
Nogat. Em i save painim we bilong kamapim trupela bel isi wantaim
tok tru. Na dispela i save kamapim, wanpela kain strongpela laikim
we pasin nogut i no inap long daunim. Em i bin lusim laip bilong en
long yumi na yumi tu, i ken mekim wankain pasin long ol narapela.
353
De 29
Ol Toktok Bilong Kisim Lotu
Pasin bilong laikim i no inap long lus, i no inap dai na i no gat pinis
bilong en. Em i no save traim long bihainim laik bilong em yet. Na i
no save belhat hariap. (Lukim 1 Korin 13)
RAITIM WANPELA BETEN…
Askim God long pulamapim yu wantaim laikim bilong en long laikim
ol narapela—bikpela tru em, long ol birua bilong yu, na ol lain husat
bai mekim yu belhat na tubel.
354
Ol Toktok Bilong Kisim Lotu
DE 30
MEKIM EKSEN
Tingim gut. Sapos yu save pinis long wanpela
gutpela pasin yu mas mekim, tasol yu no
mekim, orait yu mekim sin.—Jems 4:17
[Ritim pes 165-167]
au em i taim bilong mekim eksen. Askim Bikpela long bringim i
kam bek long tingting bilong yu, ol pasin bilong belhat na tubel
yu bin haitim, lusim tingting, o yu bin giamanim yu yet long tingting
olsem yu i no bin mekim. Askim Holi Spirit long helpim yu long bringim
ol dispela samting yu bin mekim bipo i kam ples klia, na tu long
bringim ol lain, yu bin gat belhat na tubel long en.
N
Taim yu save olsem bel bilong yu em i kamap klin pinis
long pasin bilong belhat na tubel na i kamap strong na
i nogat wanpela samting inap long mekim yu guria o
pundaun gen. Orait, yu bai inap long sanap strong na
sakim ol giaman trap bilong Satan we bai i kam bihain taim.
Olgeta taim, yu mas redi long beten na askim God long lusim
rong bilong yu. Yu mas redi long go long ol narapela husat yu gat
belhat na tubel wantaim, daunim yu yet na askim ol long lusim rong
bilong yu na kamapim pasin bilong wanbel namel long yutupela. Yu
ken yusim dispela prea i stap long pes 166 bilong dispela buk long
helpim yu long beten.
355
De 30
Ol Toktok Bilong Kisim Lotu
Taim yu wok long redi long beten, raitim i go daun long wanpela pepa/
buk, ol bekim bilong yu long dispela ol toktok:
Insait long dispela tetipela de bilong kisim gutpela save, insait long ol
toktok bilong kisim lotu. Wanpela bikpela samting mi lainim, em long
Taim Satan i traim mi long trap bilong en, mi bai
Narapela samting mi yet i mas mekim long pasim o stopim pasin
bilong belhat na tubel long ol narapela em
Wanpela man we mi mas i go na askim em long lusim rong bilong
mi, em
Wanpela as na mi mas gat wanpela buk bilong raitim wokabaut
bilong mi insait long Krais em
Long sait bilong pasin bilong belhat na tubel, mi mas beten olgeta
de olsem,
356
Ol Toktok Bilong Kisim Lotu
De 30
Taim yu save olsem bel bilong yu em i kamap klin pinis long pasin
bilong belhat na tubel na i kamap strong na i nogat wanpela samting
inap long mekim yu i guria o pundaun gen. Orait, yu bai inap long
sanap strong na sakim ol giaman trap bilong Satan long bihain taim.
Ritim Efesus 6:10-18 we i toktok long klos pait bilong God. Yu bai i
kamap win man na winim birua!
RAITIM WANPELA BETEN…
Tok tenkyu long God long olgeta wanwan rot we, em i save banisim
yu wantaim ol klos pait bilong Spirit bilong Em, Em yet i bin givim yu.
357