Key Feeding Message (Tetun-language), Timor-Leste

Key Feeding Message (Tetun-language), Timor-Leste

Maneira atu fó-hahan ba bebe no labarik ki’ik sira
Atu nune’e sira bele isin sae no dezenvolve ho diak
1. Fó kedas susubeen inan wainhira bebe moris
TANBASÁ? Tanba kontaktu kulit entre inan ho oan iha oras primeiru: bele prevene bebe
husi malirin, no atu ajuda hahu produs susubeen sai lalais kedas; no mos hametin relasaun
domin entre inan no oan; no ajuda kontrasaun oan fatin hodi hamenus ran sai barak.
2. Labele hois ka soe tiha susubeen primeiru (kolustrum), ne’ebé kór kinur
maibé husik bebe susu susubeen kinur ne’e.
TANBASÁ? Tanba inan nia susubeen primeiro riku ho vitamina oioin, ne’ebé proteje bebe
sira husi moras no ajuda sira atu isin aumenta ho diak.
3. Fó de’it susubeen inan ba ita boot nia bebe, to’o bebe halo fulan neen (6).
TANBASÁ? Tanba susubeen inan de’it maka, ai-han ne’ebé bebe presiza iha idade ida ne’e.
Se fo ai-han seluk, ka be midar, bele estraga bebe nia estomagu.
4. Fó-susu bebeik tuir bebe nia hakarak, iha loron no kalan.
TANBASÁ? Tanba wainhira bebe susu bebeik, inan nia susun sei produs susubeen sai barak
liu tan, tuir bebe nia nesesidade. No wainhira fo susu halo bebe tenki susu iha inan nia susu
metan atu nune’e, susubeen suli ho diak.
5. Labele fo bibiron ho susubeen husi loja ka hemun seluk ka xupeta ba bebe no
labarik ki’ik sira.
TANBASÁ? Tanba susubeen husi loja la hanesan susubeen inan; susubeen husi loja ne’e
karun, bibiron no xupeta bele lori kutun moras, nebe bele halo bebe sira kabun moras ka
te’e-been (diareia).
6. Hahu fó ai-han oioin ba bebe, wainhira bebe to’o ona fulan neen (6) no kontinua fó
susubeen inan nian, to’o bebe halo tinan rua (2) ka liu tan
TANBASÁ? Tanba wainhira bebe halo ona fulan 6, susubeen inan de’it la natoon atu bebe
dezenvolve ho diak.
7. Ho pasensia hanorin labarik ki’ik sira, oinsá atu han mesak iha tempu ne’ebé sira
kontente no la kolen.
TANBASÁ? Tanba labarik ki’ik sira seidauk hatene han mesak no sira presiza ajuda atu
aprende oinsá han mesak.
8. Sempre fase liman ho sabaun no bee mos, antes prepara hahan no depois de ba
sintina, no fase labarik sira nia liman molok sira atu han.
TANBASÁ? Tamba fase liman, sei ajuda hadook (prevene) labarik sira husi te’e-been
(diareia) no moras seluk tan.
2
9. Wainhira prepara hahan ba bebe, halo bebe nia hahan mamar no grosu, no hahan
labele been liu. Ita boot bele aumenta mos mina uitoan ba hahan, atu nune’e bele
aumenta enerjia iha hahan.
TANBASÁ? Se hahan been liu, sei lato’o atu aumenta nia todan, no nia todan sei la-sae no nia
kresimentu sei la-di’ak.
10.Fó ai-han oioin ba bebe ne’ebé halo ona fulan 6 no labarik ki’ik sira. Hanesan hudi,
ai-dila tasak, lakeru, has, etu, sasoro, fehuk-ropa deut, koto, naan, manu, ikan,
manu-tolun, batar, koto no modo tahan kor matak.
TANBASÁ? Tanba labarik ki’ik presiza hahan oioin atu nune’e bele haburas sira nia saude.
11.Labele haluhan tau masin uitoan nebe iha iodu ba labarik ki’ik sira nia hahan.
TANBASÁ? Tanba Iodu importante ba haburas saude no dezenvolve mental no fiziku labarik
nian no mós importante ba inan isin-rua sira.
12.Fó-han bebeik ba labarik ki’ik sira durante loron tomak (loron no kalan), wainhira
labarik sira hakarak han.
TANBASÁ? Tanba labarik dezenvolve lais liu no nia estomagu sei ki’ik. Atu nia buras no
dezenvolve, nia presiza han bebeik hahan no merenda durante loron tomak (loron no kalan).
Tuir mai ne’e tabela mata dalan oinsa atu fo hahan ba labarik ki’ik sira.
Idade
Oinsa prepara hahan
Dala hira iha loron ida
Kanura ka kopu
hira
Fulan 6
Sasoro kahur ho lakeru,
fehuk, hudi no ai-dila
tasak, manu tolun kinur, no
tahu nebe tein halo dodok
Han dala 2,
no fó-susubeen inan
bebeik
Kanuru ki’ik
nakonu 6 - 9
+ Aifuan tasak
Fulan 7-8
Sasoro kahur ho lakeru,
modo tahan, manu tolun
kinur, tempe, tahu, naan,
ka ikan (la-ho ruin), nebe
tein halo dodok
+ Aifuan tasak
Han dala 3 , no fósusubeen inan bebeik
Aumenta han
neineik to’o kopu
balun tan
Fulan 9-11
Hahan mamar ka kua
kikoan no hahan nebe
maka bebe sira bele foti
rasik
Han dala 3,
aumenta ho merenda
(snek) entre matabixu no
han meiudia, no entre han
meiudia no han kalan, no
aumenta ho fó-susubeen
inan nafatin
Hahan kopu ida
maisoumenus
3
Fulan 12-24
Hahan ne’ebé familia sira
han, se bele karik deut
rahun ka kua kiikoan: etu
mamar ho naan/ikan (la-ho
ruin)/manu tolun/modo
koto no modo tahan sira
seluk tan
+ Aifuan
Han dala 3,
aumenta ho merenda
(snek) entre matabixu no
han meiudia, no han
meiudia no han kalan, no
fo-susubeen inan nafatin
Kopu ida nakonu
ka liu kada hahan
13.Kontinua fó-susu nafatin ba bebe sira nebe fulan 6 mai kraik wainhira moras. Ba
labarik sira nebe liu ona fulan 6, ajuda sira atu han ka hemu nafatin no fo hahan
barak liu wainhira sira diak fali husi moras.
TANBASÁ? Se labarik la-han nia isin sei tuun, sai fraku no sei fasil liu atu hetan moras fali.
Importante labele haluha atu lori bebe no labarik sira ba facilidade saude
minimu fulan ida dala ida atu tetu todan, simu vacina, no vitamina A, no
ai-moruk lumbriga no mos assistensia saude seluk tan !