Beziehungskisten Tour
Transcrição
Beziehungskisten Tour
Beziehungskisten Tour 001 Franzi (2:45) 002 Die Anhalterin 003 I hob di gern (3:08) (4:15) 004 Behördenblues (4:12) 005 Sie steht auf Spaghetti 006 Vertragn ma uns 007 Penner (3:45) (1:34) (2:36) 008 Der 18. Geburtstag 009 Für mei Freindin (3:03) (3:30) 010 Ballade von Ibn Asl (3:58) 011 Oamoi unt'oamoi obn 012 Modernes Märchen 013 Lass wieas is (4:05) (3:14) (3:32) 014 Irgendwann wars Liebe 015 Rosa Lena (3:30) (3:34) 016 Rollerfahrer (3:03) 017 Vorigs Jahr im Sommer (3:57) 018 Sonntagfruah-Bahnhofsblues 019 Buck di ned 020 Persönlich (4:03) (3:07) 021 Dankschön (2:57) (3:26) Franzi Da Franzi der war in da Schui a selten bläder Hund sei Lehr de hoat er g’schmissn dafür geht er na zum Bund Selbst doa hamsn ned braucha kenne - so a Sauerei Heit is da Franzi bei der Streifenpolizei. Er tragt an scheena Anzug und er macht a was her gibst am Deppen a Uniform dann is er plötzlich wer Jetzt konn ers eana endlich zoang de na immer ausglacht ham er nimmt a glei an Radler fest - der is freihändig gfahrn Und no zwoa Buam, de ham im G’schäft an Kaugummi gstoin dazua muaß er - du glaabst as ned - sei Dienstwaffe hoin So hat ers glernt de Vorschrift de muaßt scho befoing weil de Kids - des san de Kriminellen von moing De oide Lene geht auf d’Nacht spaziern auf da Strass da Franzi hoits auf und verlangt von ihr an Pass De Frau de na scho kindst hat wiea er im Kinderwagl gleng er schaut ihr tieaf in d’Augn und dann sagt er ganz streng: In eanam Oiter liegt ma um so a Zeit scho lang im Nest jetzt schleichans eana hoam sonst nimm i eana fest Frau Hintermoser gei des wissens fei schon was sie doa treibn des nennan mir Prostitution Früher wars da Dorfdepp und heit hoaßt er Polizei beim kleansten Vergehen, geht er unerbittlich rei Er steht für Recht und Ordnung und doa drauf doa is er stoiz vorm Kopf doa tragt da Franzi a Brettl aus Hoiz Des macht aber nix weil Beamte müassn sei Finanzamt, Arbeitsamt und bei da Polizei de statt am Hirn an Zettl ham wo draufsteht doa sois sei. Warums de Weit dascheissn hoab i bis heit no net daron I tat mi gar ned wundern wenns ses alle amoi daschlagn De dumma Hund, de Kakerlaken - mog i nimmer ertragn... Zurück zur Titelübersicht Die Anhalterin Auf da Fahrt nach Minga siegh es an da Straßn steh Füaß bis zum Hois a Madl wirklich schee De winkt und lacht i hoab a Voibremsung g'macht weil sowas laß i mir net entgeh A rots Kostüm und blonde Haar dann einen Rahmen wiea a Star Sie lispelt bittschön derf i mit I stottert logisch warum net. I federt aus m Wagn und reiß die Tür ihr auf Ui, diese Grazie beim Eisteign Dann gib i Gas und laß am Schicksal sein Lauf De geht leicht her doa Wett i d'rauf Gottlob bin i a Reißertyp was bei mir eisteigt nimm i mit Koane konn mir leicht wiedersteh des müaßat wirklich saubläd geh Kurz drauf hoab i beim Schoitn zufällig nüber glangt Mei lieaber Freind de hoat an Schlag d'rauf Weil ohne zögern hoab i a Watschn g'fang de hoat dagebn de hoat ma g'langt Sie grinst mi o mei G'sicht tuat weh I sag ihr daß i auf sie steh Sie beigt se rüber auf mi nauf und macht ma D'Hemadknepfe auf. I kimm schee staad ins Schleidern I brauch de ganze Straß Sie sagt jetzt müaßats dann boid aussteign Was is denn des du bist ja ganz schee blaß Jetzt bleib scho steh und laß mi raus Und wiea ma stehn am Straßenrand sagts hundert Mark und richt ihr G'wand No ganz dadaddert hoab es zoit I bin a Depp jetzt hoab i's g'schnoit Zurück zur Titelübersicht I hob di gern I hoabs gern wenn du bei mir bist weil dei Herz mir Wärme schenkt Und du wiea di Frühlingssonn' bist die den letzten Schnee verbrennt I fuih mi woih in deiner Nähe wenn du mi olachst werds mir warm Für di gang i glatt durch die Hölle Des woit i dir scho lang amoi sagn Des kloane Lied soi di liebkosen du bist as Wert geliebt zu wern So zart empfindsam wiea a Rosn - bist du Und i hoff du woaßt - I hoab di gern Oft konn i nächtelang ned schlafa weil i vor Sehnsucht fast verbrenn Dann siehgst mi durch die Straßn laafa weil i mi seiba nimmer kenn Wie gern mächt i daß mir z'sammbleibn niemois mächt i di verliern Ois was mir bleibt is: dir des Liead schreiben des dir sagt: I hoab di gern Des kloane Lied soi di liebkosen... Zurück zur Titelübersicht Behördenblues I muass am Montag auf a Behörde geh Des is da Horror ois andre ois wiea schee I sieghn hocka an Kaffee schlucka er inspiziert mi dann ignoriert mi da Herr im Anzug weil ers ganz wichtig hoat Dann froag i leise freindlicher Weise konn i an Stempe ham Des war net richtig da Herr Scheißwichtig quält mi mit seine Fragen Jetzt geht er nüber dann kimmt er rüber mit zwoa- drei Formular De fuins jetzt aus und dazua gengans naus Und wiea i z'ruck kimm glaab i daß i spinn packt er sei Brotzeit aus Er sagt jetzt neda kemmans doch später doa rast i aus Jetzt werd i zwieder glang zu eam nüber I stürz mi auf eam drauf I nimm de Blattl und sag de frißt jetzt auf I mächat gern Beamter wern dann hätt es a so schee Doa kannt i schlafa und müaßt nix schaffa I tat ma gwiss net weh I tat mi drucka net amoi bucka I war de faulste Sau I tat eich krieang und eich dann schikaniern Zurück zur Titelübersicht Sie steht auf Spaghetti Gestern auf'd Nacht hoab i sie gfragt obs auf mi steht obs vielleicht a mit mir geht Drauf sagt sie mir klar: geh weiter geh erstens bist a Lutscher und zwoatens a net schee weil.. Sie steht auf Spaghetti warum soi mas ned sagn Auf dürre und auf fette auf kurz oder lang Hauptsach er konn vuie Amore bringa und er is a schener a scheener Italiener Plötzlich steht er neben ihr da scheene Adonis und glücklich is und froh is daß er endlich doa is Jetzt kenn i a den Typ der is net nur schee der is a sehr beschäftigt da Arbeit aus dem Weg zu geh aberrr... Sie steht auf Spaghetti warum soid mas net sagn... Dann hoab is g'seing de zwoa hinterm Baam hams gnackelt Ganz wichtig ham ses g'habt Da ganze Baam hoat gwackelt Grad pfiffa hoats und quietscht wiea a kloans Schweindl Eam hör i leise sagn: Du Facke - die pack i aberr... Sie steht auf Spaghetti... Ganz eng hengans beinand ananada festgsaugt dann gengans Hand in Hand bläd hoab i hinterher g'schaut Doa langts mir doch doa geh i Doa gibts koan Preis zu g'winna de konn mir doch g'stoin bleim G'spinnade laßt ma spinna… Zurück zur Titelübersicht Vertragn ma uns Wenn mia zwoa an Ärger ham fuih i mi miserabel mir tuats weh wenn du traurig bist Dann denk i dro wiea schee des is wenn mir zwoa uns dann wieder vertragn I hoit di dann ganz fest hoab di so vermisst I zoag dir wiea gern i di hoab und wiea gern i dir des sag Gei du magst mi a so gern mir woin nie wieder streiten Meistens gehts doch eh um nix nur um Kloanigkeiten Hauptsach mir bleim beinand I hoit di dann ganz fest hoab di so vermisst I zoag dir wiea gern i di hoab und wiea gern i dir des sag Zurück zur Titelübersicht Penner Du lebst in da Gossn, du lebst auf da Strass du lebst aus der Tonne und die Lebn laaft ziemlich grass Du bist a Penner, du bist a Penner De Gsellschaft is dir einerlei Hauptsach du bist frei Du bist a Penner Du hast koan Fernseher und du hast a koa Radio hast ned amoi a Wohnung du fragst was soid i damit toa I bin a Penner I bin a Penner Des geht mir ois am Arsch vorbei die Hauptsach i bin frei I bin a Penner Du lebst ohne Arbeit verkaafst di ned für a paar Mark sovuie wieas’d brauchst hast oiwei und des find i furchtbar stark Du bist a Penner du bist a Penner De Gsellschaft is dir einerlei Hauptsach du bist frei Du bist a Penner Für gar nix und für neamads gabst du dei Freiheit her laafst lieber dreckert umanand und stinkst wiea a Bär Du bist a Penner du bist a Penner und du ertragst so mancherlei die Hauptsach du bist frei Du bist a Penner Zurück zur Titelübersicht Der 18. Geburtstag Da Nachbarsbua is 18 worn endlich is ma wer Scho immer hamsn recht verzogn jetzt muaß a Auto her Koan oidn Karrn wieas üblich war damit ma s'Fahrn erst lernt An Flitzer muaß da Spritzer fahrn weil se des so g'hört. Da große Tag war endlich doa und vor da Tür doa steht a Wagei Herrschaft doa schaug hi a roter GTI Glei steigt er ei sagt nix dazua weils selbstverständlich is As Bubi braucht jetzt voi sei Ruah weil Action o'gsagt is Vater Muatter Oma Opa stengan um eam rum Er laßtn o - und is davo De Landschaft nauf und hinten oabe durch kloane Dörferl durch Wo Kinder spuin da Weg sich gobet fetzt er mit hundertfufzge durch Auf oamoi tuats an großn Kracher fast wiea a Explosion Mei lieaber Freind s'is nix zum lacha und es vibriert da Bodn An gschäldn Baam an Haufn Trümmer is des End vom Lied a oide Frau zwoa kloane Kinder nimmt er a no mit Vater Muatter Oma Opa warten auf'n Buam Vielleicht daß er an Umweg nimmt weil er nimmer kimmt Zurück zur Titelübersicht Für mei Freindin Immer wenn i einsam bin nimm i di in mein Arm I druck di dann ganz fest an mi dann werds ma richtig warm Sanft leg i meine Händ auf di damits di ja net friert I spür dein Körper der leise vibriert Na stimm ma uns gemeinsam ei I lass di nimma los Wui ganz alloa mit dir jetzt sei Hoit fest di auf meim Schoß Dann fang i di zum streicheln o dein schlanken Hois entlang und i lausch dem wunderscheena Klang Des Liead is nur für di Text und Melodie Für Jahre de ma net vergisst weilst mei beste Freindin bist Ganz zärtlich streichelt i di jetzt des foit ma gar net schwar Weil niemois hoast du mi versetzt warst immer für mi doa Mit Liebe und voi Zärtlichkeit wachs ma langsam z'samm Groad deswegn hoit i di in meim Arm Scho früher san ma z'samma bliebn mitnand in Harmonie Vuie Songs ham mir scho z'samma gschriebn du und i Mir zwoa mir san fürwahr a ideales Paar I und mei Freindin - mei Gitarr' Des Liead is nur für di... Zurück zur Titelübersicht Ballade von Ibn Asl Ibn Asl's Karawane schleicht durch d'Wüste Wind und Sturm Er hoat Datteln Feign Banane und so manche Haremsdame Plötzlich seings an Neger sitzen Ibn Asl zückt sei Schwert Doch da Neger woitn blitzn schwingt sich schnell auf Ibens Pferd Der Versuch den Scheich zu fliehen auf des edlen Mannes Pferd ging in d'Hos was wird ihm blühen des Negers Leben is nix mehr wert Und schon kreist der krumme Säbel um des schwarzen Mannes Haupt Doch der Streich der ging daneben haut an Sand nei daß es staubt Salem aleikum Allah ist groß Salem aleikum Allah unsern Himmevater graust Großer Sahib laß mi laafa und du werst as net bereun Du konnst Haremsweiber kaafa große fette lange G'waffa Ibn Asl hört des gerne der er war a oide Sau und sein Blick schweift in die Ferne viel zu gern hat er die Frau'n Logisch - i laß Gnade walten denn de Weiberts müassn her freilich 40 Grad im Schatten wer soid doa net gamsig wern Und so lief der gute Ibn in die Fall' der schwarzen Mannen Ein Stich ein Schrei dann war er drüben überm Jordan bei den Ahnen Salem aleikum Allah ist groß Salem aleikum Allah unsern Himmevater graust. Und so lassts zur Lehr euch dienen was dem großen Scheich geschah er war hoaß auf dufte Bienen großen Arsch vorm G'sicht Gardinen Und so mußt' die Lust er büßen mit dem Leben er bezahl'n Er lebt' auf zu großen Füßen hoat sei Hirn in da Hosn trogn Zurück zur Titelübersicht Oamoi unt’ – oamoi obn Manchesmoi bin i voi mit verruckte Ideen Moi mit Verstand dann mit G'fui I bin net sicher was i wui Oamoi unt oamoi obn foist an Dreck muaßt wieder aufsteh Doch bleibst liegn hast verlorn Es gibt koan ausser dir der des konn Denk i recht werds ma schlecht was i ois scho probiert hab Mit dem Krampf werds Leben zum Kampf Host a Zuie is Lebn a Spuie Oamoi unt oamoi obn... Heit is heit hab ja Zeit und scho fang i was neis o Mir werd klar und des is g'wiss daß a mei Lebn aus Zeit g'macht is Oamoi unt oamoi obn... Fangst was o bleib a dro nur a so konnst as schaffa Dann vergiß was g'wesen is gehst nach vorn werst nei geborn Zurück zur Titelübersicht Modernes Märchen Sie schaut ganz gern beim Tanzen zua und geht in d'Discothek Von Samstag abend bis Sonntag fruah bleibt sie dann meistens weg Bloß seiba kimmts zum Tanzen net de Burschen lassens steh Weil alle sagn: de is doch bläd und ausserdem net schee Lassens einfach steh - lassens einfach steh Sie schminkt se und sie richt se her weil sie de Sehnsucht plagt vielleicht kimmt er heit - irgendwer - Vielleicht klappts derer Nacht Dann geht sie in die Discothek umsonst war wieder amoi da Weg der Märchenprinz kimmt wieder net und a koa guate Fee Lassens einfach steh - lassens einfach steh Auf oamoi geht se auf de Tür schee groß und schlank steht er vor ihr Mit stählerm Blick aus blaue Augn sagt er zu ihr: GEH MIT MIR! Dann geht sie mit dem fremden Mo aus der Discotheke Ihr könnts mi amoi - denkt sie sich no und dann sans beide weg Verschwunden wars seit derer Zeit konn tanzen bis in d'Ewigkeit a so a Freid - an Kopf no in da Schling lasst er's einfach liegn - lasst er's einfach liegn Zurück zur Titelübersicht Lass wieas is Du sagst es is vorbei mit unsrer Weit hörst as net wieas schreit unterm Druck unsrer Zeit Unser Natur werd oiwei kleana de Kranken oiwei mehr de Schwachköpf oiwei gräßer und de Denker oiwei weniger Du rennst auf jede Demo weil dann ois ganz anders wird versuachst mit G'woit zu nehma woas da sowieso net g'hört Doch G'woit schafft wieder G'woit des is doch klar und so werst as a net ändern und es bleibt ois a so wieas war Drum sag i lass wieas is des werd na scho. Wenns di a no so furchtbar stört Wuist d'Weit verändern fang bei dir seiba o. Dann werds vielleicht für di a so wieas g'hört Du hoast scho recht wennst sagst da Krieag is a Schmarrn Und mir s'Sach vernichten wenn andre hungern tan Doch tat des Ganze nur woas bringa wenn a jeder denka tat Aber bis a jeder denkt is mit Sicherheit mit Sicherheit scho z'spat Schau hi de Luft is dreckat fertig is da Woid De Müllberg wachsen a scho bis zum Himme boid Und trotzdem fahrst a riesen Auto und ißt dein Dosenfisch tragst a Synthetik - G'wand und hoast an plastik Big Mäc auf deim Tisch Drum sag i lass wieas is des werd na scho... Korrupte Politik Minister vorbestraft und unser bißl Freiheit werd schee langsam ausverkaaft Christlich - sozial so hoaßt des Schlagwort des ma benutzt zum lieang und stein Wers hoat krieagt oiwei mehrer alle andern kennan schaugn wos bleim Zurück zur Titelübersicht Irgendwann wars Liebe Du sagst ma es is aus mir ham nix mehr mitnand I schau bloß bläd - was soid i sagn? Des Beste wars sagst dann mir gengan auseinand Du lachst - und mir hoats de Füaß wegzogn Mit uns zwoa sagst gangs niea mir wars ois hätt ichs g'spürt weil mir zwoa zu unterschiedlich san Des Beste wars i geh und ausserdem bin i liiert Dann drahst de um - und i brich z'samm Aber irgendwann wars Liebe und irgendwann hoats passt und irgendwann warn mir zwoa oans Mir warn a Herz a Seele zu am Ganzen z'sammagschwoaßt Doch irgendwie ham mir an Zug verpaßt Manchmoi wach i auf dann glang i neben mi Doch da Platz danebn is laar I konn mi einfach net dro gwohna an a Leben ohne di und es is ois ob i nur de Hälfte war Zurück zur Titelübersicht Rosa Lena Eigentlich hoaßts Rosa Lena doch des is scho länger her Eines Tages kam a scheener eleganter junger Herr Der hoat ihr de Weit versprocha du bist mei Modell hoat a g'logn D'Rosa hoat den Bratn net g'rocha. Sie war verliebt und woit nach obn Da scheene Mo hoat d'Rosa gheirat doch glei drauf is d' Maskn gfoin Er hoat s'Dirndl kräftig g'meiert. Heit hoaßts Milli und laßt se zoin. Sie geht aufn Strich Sie arbat wiea a Viech weil sei Luxus kost a Geid Hoats net gnuag beinand laßt ers umanand So hat sie sich de Ehe net vorgsteid Nacht für Nacht an da Kreizung a jeder Suffkopf tatschelts o Und wenn er den Preis na zoin konn dann kimmt er dro Wach bleibn konns bloß mit Tabletten zwischendrinn a Kann Kaffee Zwoa- drei Schachteln Zigaretten verlebt und krank des tuat weh Oft sitzts doa total daschundn was is bloß aus mir worn Bin i wirklich soweit druntn dabei woit i doch nach obn Sie geht aufn Strich... Tja sie mog den Typ no immer und woas tuat tuats nur für eam Doch er behandelts so wiea immer längst hoat ses aufgebn sich zu wehrn Immer tieafa wern de Foitn immer dicker des Make up Nur mit G'woit konn sie sich hoitn daß net plötzlich z'sammaklappt Eines Tages ham ses gfundn mit da Spritzn in da Hand Geid und Handtaschn verschwundn - am Straßenrand Zurück zur Titelübersicht Rollerfahrer Neilich fahr i nei in d'Stadt es war no ziemlich früah am Tag eigentlich wars mitten in da Nacht De erste Ampe schoit auf rot grad daß is no dahoitn hoab De Reifen quietschen - Brems de raacht I sitz am Steier plötzlich sig i rechts von mir im Nebeschleier an Rollerfahrer übern Gehsteig fahrn Der scheißt se nix der freche Hund und steid se direkt vor mein Karrn. Er steht vor mir und spuit mim Gas i denk mir hint des werd a Spaß Paß auf - die stei i d'Hosenträger ein Den schieab i glei a bißl o damit er schneller starten koo auf hundert war i sowieso Bevor ichs richtig mitkrieagn koo is der Kerl a scho davo er schieaßt nach vorn direkt am andern drauf De Spreissl flieagn da Roller a und für mi war wieder amoi klar: Rollerfahren - des is herrlich Rollerfahren - ist gefährlich Rollerfahrer san wiea die Pest Die Seuche hat an neien Nama: obercooler Rollerfahrer Rollerfahrer gebn mir den Rest Bei Rot fahrns über d'Ampe drüber springan übern Gehsteig nüber fetzen zwischen de Fußgänger durch Schee langsam hoab es wirklich satt am lieabstn mach i Rollerfahrer platt I hoab nimmer bremsn kenna und bin übern Roller drüber Der hoat jetzt bloß no Kofferformat Mei Hintermann war a ned zwieder und is glei übern Fahrer drüber und plötzlich wars ganz staad Blech und Scherbn de Straß voi Bluat haßerfüllte G'sichter - Wuat is des Resultat Und i woaß des klingt gemein aber so an flachen Rollerfahrer hoab i no ned gseign.. Zurück zur Titelübersicht Vorigs Jahr im Sommer Vorigs Jahr du und i am See rieachst as Gras as Wasser warm und schee A leichter Wind streichelt deine Haar und i woaß ganz g'wiss daß Sommer war De Sonna brennt auf dei braune Haut dann hast tieaf mir in d'Augn nei gschaut Und mir ham eineglebt an Tag dann hoab i dir g'sagt daß i di mog Sommer Sommer vorigs Jahr war so schee wiea's niemois war I hoab echte Liebe g'spürt und mei Seele hoat de Ewigkeit berührt Unser Sehnsucht hat uns z'samma bracht I spür dei Nähe der Duft auf deiner Haut so exotisch fremd und doch so vertraut Sommer Sommer vorigs Jahr... I nimm die Umweit nimmer wahr I hoit di fest und uns is völlig klar Mir san froh daß mir zwoa uns ham Langs hoats braucht jetzt bleima z'samm Sommer Sommer vorigs Jahr... Zurück zur Titelübersicht Sonntagfruah-Bahnhofsblues Am Sonntag in da Fruah sitz i im Bahnhof drin Es is saukoit mi frierts weil i net nüachtern bin Jetzt wart i aufn Bus aber i hoab an Blues Grad kimmt a Puppe rei und setzt se zu mir hi I schau belämmert drei und gaff nur neben mi As Röckerl zieagts ihr nauf doa steh i drauf A elegantes Girl mit scheene blaue Augn dagegn san mir bloß Gschwerl mei meine Freind tan schaugn Offen an Reißverschluss vielleicht fahrts a mim Bus Sie schaut mi o und lacht i trau mi nix mehr sagn weil des was jetzat macht des macht ma Angst und Bang Sie setzt se auf mein Schoß und dann legts los Na lachts mi wieder o weil i ganz rot worn bin jetzt siegh es ihrer o sie hoat a Menge drin Madame is prall wiea d'Sau wiea a Veilchen so blau Zurück zur Titelübersicht Buck di ned Vor kurzem hoab i in da Kneipn oan kennaglernt mir warn ganz schnei miteinand vertraut Er hoat von allem, was i gern mog a so gschwärmt von scheene Frauen und guadm Sound. Für Samstag drauf ladt er mi zu seiner Party ei ich hab Geburtstag, komm auf ein Bier Viel schöne Frauen sind auch mit dabei und plötzlich sagt a Stimm in mir: Buck di ned, duck di ned wo a warmer Bruader steht geh ned krumm, sei net dumm weil sonst hoastn hinten drom I hoab tatsächlich auf die Party gschaut aber Frauen hoab i koane gseign und was doa glaafa is, war a ned mei Sound siegh nur zwoa Typn des miteinander treibn De zwoa ham brüderlich Couch und Bett sich teilt zuerst no mit, dann ohne G'wand. Dann hoat da oa den andern niedergfeilt I hör de Stimm wieder, de mi warnt Buck di ned... Oa Mo hoaßt Otto, da ander Hildegard und i hoab denkt mir brennt da Huat Hilde is glattrasiert und Otto hoat an Bart. Mir war zum Kotzn und is bis heit no net guat. Mei Freind, der Rosa hoaßt, setzt se her zu mir und hat versuacht, mich anzubohrn Wiea a geölter Blitz bin i naus zur Tür I sags ganz ehrlich, mir is ganz anders worn I lach verlegen mächt schnei aus dem Tuntenbau mim Hinterteil zur Wand, jetzt hob is satt Dann siegh es no de drei, und i meine Augn ned trau Er kimmt in d'Mittn weil er Geburtstag hat Zurück zur Titelübersicht Persönlich I steh im Leben i steh mitten drin und obwoi i scho über vierzge bin Bin i no lang koa oida Mo As Leben is a Schau und doa glaab i dro A ausgwaschne Jeans a unbügelts Hemd bin net reich woas ma so Reichtum nennt I bin lustig fit g'sund sowieso As Leben is a Schau und doa glaab i dro I spui in da Band de Sologitarr und i fiedelt wiea wann i zwanzge war Steh auf zornigen Sound recht laut mog is scho As Leben is a Schau und doa glaab i dro I steh auf die Liebe wenns ehrlich is steh auf Zärtlichkeit und Sex ganz g'wiss mog mei Mädel gern de gfreit mi a so As Leben is a Schau und doa glaab i dro I mächt nix versaama recht oid mächt i wern Wenns mi dann z'ruckpfeifan dann mächt i hörn: Der hoats richtig g'macht irgendwo Hoat g'lebt wiea ers woit wer macht des scho Zurück zur Titelübersicht Dankschön Mir zwoa san scho was b’sonders und mir zwoa g’hörn z’samm neben dir gibts neamads anders der sich mit dir vergleichen konn Du und i mir meng uns gern mit dir z’samm mächt i oid wern I mächt di auf Händen tragn und dir endlich mit dem Liead dankschön sagn Du bist Geliebte Frau und Freindin des Licht des Dunkelheit vertreibt Mir lachan vuie, mir machan Blödsinn Du bleibst bei mir wenn neamd mehr bleibt Unsre Herzen schlagn synchron wo mir zwoa san doa is vorn Bist du bei mir werd mir de Zeit niea lang und dafür mächt i dir heit endlich dankschön sagn Lieg i a oft am Boden bin i wieder amoi schlecht drauf zieagst mi wieder nach oben hebst mi wieder auf Du bist für mi da Sonnenschein ohne di gang i glatt ei dann schaugst mi o mit deine großen Augn dafür mächt i dir heit endlich moi dankschön sagn Zurück zur Titelübersicht