Uusgoob vom Septämber 2015

1
.
Wettstai-Blatt
Uusgoob vom Septämber 2015
Nummere 15
Email: [email protected]
Redaggtion: Andy Refer, Adrian Plachesi
S Kääsblettli vo dr Wettstai-Clique
Glygge Grimpeli 2015
_MG_8582-2.jpg
Editorial
Liebi Lääserinne und Lääser
Diggi Boscht,
Wettstai Boscht.
s‘
isch
Fertig bädeled und chillt am
Rhy. Dr Herbsch het yzug
ghalte und s Thermometer
mag nümm richtig glättere.
D Summerpause in dr Super
League isch verby, dr FCB
schuttet wider und isch in
dr Quali für d Champions
League das Joor uff dr
Strecki blibe und dörf sich in
dr Europa League profiliere.
Das wird em Aine oder
Andere nit so passe……
Finde d Spiil vo dr Europa
League doch jewyle am e
Donnschtig statt. Trotzdäm
uff e hoffentligg gueti
Bsuechszahl an de
Iebigsstunde dä Herbscht.
Redaggtion - Andy
Glaibasler Wälle...
Bim Lotti fangi aa und nimm
e Bier,
im Volkshuus denne Stange
drei und vier,
im Schoofegg eins über d
Gass,
im Schluuch zwei Schnäps,
das isch e Spass,
im Adler duet mir e Grappa
wohl,
im Klingeli hani denne ein
im Gool.
I kei zur Düüre-n-us, hol mr
none Prellig,
abr i kumm grad no
rächtzyttig,
zur TattooNomidaagsvorstellig.
-dr Schnuuderi
Ich hatte schon fast aufgegeben, doch nach
mehreren Stunden in der prallen Sonne wurde
mein Warten vor dem Festzelt belohnt. Sichtlich
angeschlagen kam mir ein gefallener Star
entgegen und ich konnte ihn für ein kurzes
Interview gewinnen.
Katthias Meller, vom Sportteil des Wettstai
Blatt, darf ich ihnen ein paar Fragen stellen?
Matthias Keller: Ich weiss genau wär Sie sind, Sie
mien gar nid so due! Also guet lege Sie los!
Katthias Meller: Letzte Saison noch
Leistungsträger und Identifikationsfigur beim
grossen FC Basel, heute nur noch
Ergänzungsspieler bei den Wettstai Puma und
das an einem „Grimpeli“. Ein paar Worte dazu?
Matthias Keller: Also lose Sie emoll, das isch
erschtens nid ainfach so e „Grimpeli“ sondern
DAS Glygge-Grimpeli! Hän Sie dä Pokal gseh? Dä
seht glich us wie dä vo dr Champions League!
Und zweitens sind mir beachtliche Dritte worde!
Und als Letschts: Au als Ergänzigsspieler hets
immer no für e baar Goal glängt, sogar im glaine
Final! So viel han ych no nie gschosse an däm
Turnier.
KM: Ach gut dass Sie die Tore ansprechen. Die
meisten, und auch die sehenswerteren, hat da
wohl ihr jüngerer Bruder Simon Keller
geschossen. Ohne ihn wären Sie wohl nie bis in
den Halbfinal gekommen!
MK: Paperlapp, das dr Simeli besser isch mag
scho si, do ka ich drüber hinwäg gseh. Viel mehr
mien mir unsere Fraue im Team dangge. Ohni d
Nora, Nadine, Yael hätte mir gar nid dörfe spiile
bi de Gmischte.
Und nid vergässe d Melina wo e starks erschts
Tunier gspielt het. Aber au dr Yannick, Dominik
und die beide Pascal händ e richtig guets Tunier
gspielt. Sunscht hätte mirs nie uff e dritte Platz
gschafft.
KM: Im Halbfinal im Penaltyschiessen
ausgeschieden. Haben die Wettstai Puma ein
Torwart-Problem?
MK: Also langsam gön Sie mir uff e Gaist. Hän Sie
eigentlich au e Ahnig vo Fuessball oder überhaupt
e Spiil vo uns gluegt an däm Turnier? Denn hätte
Sie nämlig gseh was dr Christoph für e Rückhalt
isch für unser Team. Jetzt scho im zweite Joor, het
är mit sine Glanzparadene regelmässig Stürmer
zum Verzwyfle brocht!
KM: Jaja nur nicht wütend werden, ich kann Sie
schon verstehen. Aber auch Sie werden diesen
tiefen Fall überstehen. Dieses Jahr hatten sie mit
Andy Refer zum ersten Mal einen Trainer an der
Seitenlinie. Wie hat er seinen Job gemacht?
MK: Ich weiss gar nid wieso ich überhaupt no mit
Ihne rede due. Aber wenn ich ehrlig bi... (redet
ganz leise) ...taugt dr Andy als Trainer nüt! Ich bi
froh wenn är nach synere Verletzig näggscht Joor
wider ka spiile, do hilft är meh. Aber das dörfe Sie
jetzt nid in Zytig drugge!
KM: Nein, dass würde ich niemals machen *hust,
hust* Journalistenehrenwort! Danke viel Mal für
die Antworten und viel erfolg bei der Jobsuche,
bei den Wettstai Puma verdienen Sie wohl sicher
nichts mehr!
MK: Bitte, Sie arrogante Ar…!
Matthias Keller
2
Die Junge.
Wettstai Blatt
Glygge Grimpeli 2015
Ändi Juni het uff dr Schützematte widr s Glygge Grimpeli stattgfunde. Mir sin das Joor mit einere BinggisMannschaft, de Wettstai United, aaträtte. Under dr haisse Juni-Sunne hän d Knorzi am Samschtig in dr
Vorrundi alles gäh und hän sich mit 17:0 Goal-Differänz für die näggschti Rundi qualifiziert. Das heisst am
Sunntig nomol Aatanze und nomol Ysatz zeige. D Knorzi hän sich denn in 3 Match mit jewiils zweimol
Penalty-Schiesse uf dr 3. Platz gspiilt und somit e neue Pokal heimegholt.
Dangge unserem Trainer Michel und allne Knorzi wo do während däne zwei Däg gschwitzt hän.
Obfrau Knorzi – Nora Oertli
3
Knorzi Summerstamm
Bi schönem Wätter hän mir uns bim Yysweiher zum Knorzistamm ygfunde. Leider het denn s Wätter schnäll
umgschlage bis au die Letschte yne gflüchtet sin. E baar ganz Muetigi hän sich denn aber doch em Räge gstellt und
hän wie all Joor e Mätschli (haha Wortspiil) gmacht, während die andere lieber dinne no e Cola oder e Bierli
zämme gnosse hän. Zum Glügg hets denn abr doch wider uffghört rägne und me het könne trogge deheime aakoo.
Yael Oertli
Meanwhile in Thailand, Koh Tao
D Knorzi-Obfraue hän leider dr Summerstamm verpasst. Mir sin denn grad no chli in Thailand bim
ehemalige Vice-Obmaa am Tauche gsi.
4
Knorzi-Weekend in Hochwald
Au das Joor sin mir mit de Knorzi uff Hochwald ins Knorzi-Weekend. Mir hän uns wie immer am Mittag am Bahnhof troffe,
hän unserem Transport-Team s Gepäck chönne ins Auto due und sin mit Zug, Bus und z Fuess uff Hochwald uffe ko. Wie
immer sin e paar Knorzi nach em Bus dr Hügel fascht uffegrennt, nur zum zerscht bim Huus z sy und s beschte Zimmer z
ergattere. Nach regem Matratze-Transport vom ainte Zimmer ins andere, hän alli Knorzi und zum Glück au alli Begleiter e
Bettli gha. Nach em Yrichte hän mir bald scho mit em Piccolo spiile und drummle aagfange. Bi de Pfyffer sin d Caroline und d
Obfrau als Ersatz für d Instruktorinne, wo leider alli nid hän chönne mitcho, ygsprunge. D Tamboure hän sich in ihri Grüppli
bim Pius, Michel, Fabian und Kevin verteilt und hän ihri Drummelschläger gschwunge. Zwüsche em Iebe hets vo dr Tatjana
und em Beat e Zvieri-Zwüscheverpflägig gäh. Oder d Knorzi hän Ziit zum dr Fuessball, d Frisbee oder d Pingpong-Schläger
usszpagge gha, so isch es denn au wyter gange bis ca. am 6i Zobe. Zum Znacht hets vo unserem Kuchi-Team feini Frigadelle
und Nüdeli gäh (s hätt au feine Salat gäh, aber dä hän gwüssi Knorzi glaub gar nid gseh...). Nach em Znacht hän mir mit de
Knorzi d Sujet-Wahl gmacht. Nach em Idee sammle hän sich in dr erschte Rundi 4 gueti Sujets zeigt, wo in Grüppli nomol
überdängt und vorgstellt worde sin. Und in dr zweite Rundi isch denn mit überraschender Mehrheit unser Sujet festgstande.
Scho traditionell hän mir no e Lagerfüür gmacht und e paar Würschtli und Marshmellows brötlet.
Am Sunntig hän mir nach eme Hotel-ähnlige Zmorge mit Zopf und Nutella nomol d Instrumänt füregno und nomol e bitzeli
Märsch giebt (mit dr Yael als Ersatz für d Pfyffer-Instruktorinne). Denn alles uffruume, zämmepagge, putze und s Füür parat
mache für d Eltere wo uff dr Mittag zum Grilliere uffe ko sin. Zwar het dr Petrus wider emol nid mitgspiilt und hets lo rägne,
aber s Füür het trotzdäm brennt und alli hän ihr Fleisch oder ihri Würschtli könne brötle und sin halt im Schärme no
zämmeghoggt.
Dangge vylmol Tatjana und Beat für eyre Ysatz in dr Kuchi. Dagge vylmol de Instruktore Pius, Michel, Kevin und Fabian für
eure Ysatz mit de Tamboure. Dangge vylmol dr Caroline und dr Yael fürs instruiere bi de Pfyffer. Und dangge allne Knorzi wo e
schöns Weekend druss gmacht hän.
Nora Oertli
!! Infos !!
Uff dr neue Website under knorzi.wettstai.ch finde dir no meh Bilder und Informatione
Dr neu Knorzi-Pulli kam e bald bstelle!! – Infos finde dir denn uff dr Website und folge au per Email
5
Dr Stamm.
Wettstai Blatt
Dr Obmaa sait!
Liebi Wettstai Familie
Mir hän wohl dr scheenschti Summer syt langem hinter ys. Fyr s’Glyggelääbe isch me gnaigt, dass die Zyt au immer e Zyt isch, wo nyt lauft.
Aber das isch jo gar nit so. D’Fasnacht isch halt aifach no wyt wäg und mir läbe jo praggtisch nur fir d‘Fasnacht. Aber mir hän d’GV ka, zwor
e Normali, aber glyggevereinstechnisch gse aigentlig dr wichtigscht Aaloss. Es het nur uff dr Materialverwaltersyte Wäggsel gä, sunscht
duet die alti Fierig im Stamm und de Knorzi wytermache. Au die Alte blyybe bi dr alte Mannschaft. Mr hän mit neyem Elan die neye
Iebigschtunde bsuecht. Au das mit unsere altbewährte Inschtruggter. Mir hän ys neyi Zyl fyr das Joor gfasst. E neye Marsch lehre, mehr in
d’Proobe und vermehrt an Stamm ko. Und de kasch nie e sovyl Aalöss bsueche, wie im Summer. Die ganze Summerstämm, wo wie immer
toll organisiert gsi sin. E wyters Juubelständeli – e Jungfrau und e Skorpion hän yglade – und natirlig s’Tattoo. Do het unsere Beizer Peter
mit sim OK e riise Sach ufff d’Bei gschtellt. E huffe Hälfer uss eure Reihe hän zue däm grosse Erfolg bydrait. E grosses Danggerscheen an
alli. Und jetzt - wenn das Blettli do uusekunnt, isch dr Herbschtbummel scho yber d‘Bihni gange und d’Sujetsitzig stoht vor dr Dyyre. Me
darf gschpannt si, uff em Ralph si zweite Wurf. Wobi do natirlig die ganzi Sujetkommission hart dra schafft.
Ich lueg also gschpannt, was ys dr Alt-Wyber Summer no alles bringt und wynsch allne e gueti Zyt.
Eure Obmaa – Pius Keller
Baizedekoriere Fasnacht 2015
Wils firs letschte Blettli nit glänggt het….
Am Sunntig Moorge, e Wuche vor dr Fasnacht, hän mer ys am Mittag im Stadtkäller troffe um zem zwaite Mool unseri Stammbaiz nach
unserem Gschmagg z dekoriere.
Dr Alain, Ralph, Bruno, Grösse, d Pascale, dr Fabian, dr Tobi und dr Kevin R. hän sich also dra gmacht die Baiz richtig scheen zgstallte.
Mit ettlige Balleen, Fasnachtsbändeli, Laarve und Ladäärnedaili hän mer dr Stadtkäller gschmiggt.
Zem zaige, ass es unseri Stammbaiz isch, hän mer e glungeni „Wettstai-Larve-Wand“ gmacht am Gleesergstell und hän Fäänli uffghänggt mit
emne Gruess an unseri Kollege vo den Ammedysli und allne andere Gescht.
Damit die Hobby-Innearchiteggte nit verhungere het dr Kevin no Waldfescht und Kääs mitbrocht, was nadirlig danggend gnosse worden isch.
Zwische vier und fimf Stund het das Prozeedere duurt, bis denn alles ghangen isch und mer aagfange hän d Räschte am Boode uffzbutze,
damit mer zem aaschliessende Znachtässe im Gifthittli hän kenne go.
Miteme Dreygänger sin d Hälfer nach dr Fasnacht denn vom Stadtkäller verdanggt und yyglaade worde. Merci an däre Stell an Stadtkäller
und sy Tyym!!
Denn mecht y mi ganz härzlig bi de Dekoratöre fir ihre Yysatz bedangge und hoff doch, ass sie e wyters Mool drby sind!
Es gRUESST wien allewyyl dr „Drummelhundbizwienejunggardischt“
6
Basel Tattoo 2015 – D Wettstai im Ysatz….
Ciao zäme, nach einem tollen Start….
Herrlich! Wie es regnet? Auch!....
Jetz kunnt dä!! scho wieder. Ja „är“ !!!
IMMER DIE JUNGEN!! FRUEHER WAR ALLES ANDERS!! Aber heute binde ich unseren Jungen von der Wettstai ein Kränzchen, bzw.
ich „lüpfe“ den Hut.…….
DAS PUTZEN IST DES BAIZERS LUST
EINE BAIZ – EIN TEAM
STÖRFAKTOR BAIZER – REGEN DEIN FREUND
TOUR DE TATTOO, Seit neun Tagen
ALLES NUR EIN TRAUM ?
Settigi Schlaagweerter und anderi Gschichtli het me in dr dääglige Tattoo Morgeposcht vom Peter Schenk, em Hobby- und
Chefbaizer vo dr Wettstai-Tattoo-Baiz kenne lääse.
Jedoch feen mer ganz am Aafang aa…
S Baize-OK het mit vyll Flyss, Zämmenarbet und ihrne Erfahrige, e tolli Baiz und e gueti Organisation uff d Bai gstellt.
Mit rund 85 Hälfer in sällne zwai Wuche, het sich au e rächti Grubbe zer Unterstitzig vo däm Projäggt zämmegfunde. Die ainte
mehrmols, die andere weniger, aber sie sind do gsi und hän s OK somit bi dr Dräggsarbet greschtedails kennen entlaschte.
Vo z haisse Dääg, bis zum Rääge het ys dr Petrus au do e abwäggsligsryychs Programm botte.
Als glains Byspyl fir das wo mer verkauft hän do d Zahle vo dr Dernière:
21 Fässer Bier = ca 1050 Bächer
300 Guttere Mineral/Siessgeträngg
34kg Brot zu de 400 Wirscht
500 Schnitzelbrot
Vom Nomidaag aa bis Zoobe spoot hän mir d Baiz fir d Effentligkait offe gha.
Frinde vo nooch und färn sin zuen ys in d Baiz ghoggt und händ d Stimmig als au s kulinarisch Aagebot gnosse. Mit em
Traditionelle „Wettstai-Hochland-Eintopf“ hän mer die leere Määge kenne stopfe und durschtig fir no meh Bier kenne mache. Au
wenn s Bier in däm Joor wider guet gflossen isch, isch es vom „ai Mool Mineral mit“ dytlig iberdroffe worde. Sogar sowyt, ass s
Mineral zem Dail usverkauft gsi isch im Zentrallager.
Zoobe hän mer wäge de Aawooner, leider d Baiz miesse pinggtlig zuemache und die gmietlige Lytt miesse zem Dail sogar
verdryybe - schad… jä nu.. Schloofstadt Basel halt.. aber dr Aint oder Ander isch sicher froh gsi, het är kenne haim go pfuse, will
me jo au no privat het miesse schaffe.
Nach zää Dääg Tattoo Geduudel, Grillsmog und Bierfahne im Wind, hän mer am 03.59 Sunntig Moorge s letschte Bier zapft und
afo abbaue. Alli sind scho e Biz uff dr Schnuure gsi, hän aber ihri letschte Kräft zämmegno um die Sach abzschliesse. Es het ebbis
vo Fasnachts-Ändstraich gha..
7
Im Grosse und Ganze kenne mer uff e erfolgryychs Tattoo-Baize Joor zrugg luege und kenne scho jetz d Auge uff
näggschd Joor richte.
Im Namme vo dr Glygge mecht y em OK firs Organisiere und allne Hälfer firs Hälfe dangge!
Es gRUESST wien allewyyl dr „Drummelhundbizwienejunggardischt“
No zem Abschluss:
THE FINAL COUNTDOWN
(ADAPTION VOM SONG DER GRUPPER EUROP) BY PYYTR ES
Wir brechen heute nochmals zusammen auf
Aber noch heißt es nicht "Adie zäme"
Und vielleicht werden wir zurückkommen
Aber sicher erst am kommenden TATTOO
Und werden wir dann wieder dieselben sein?
Es ist der letzte Tattoo -Tag
Der letzte Countdown
Wir halten Kurs auf Sonntag früh
Und wir stehen immer noch, vielleicht nicht mehr so stramm
Weil es doch langsam in die Knochen fährt
Heute heissen wir aber nochmals alle willkommen
Und freuen uns zusammen auf die Zeit die vergeht
Es waren gute, tolle und erlebnisreiche Tage
Ich weiss nicht ob wir Alle sie so vermissen werden...
Es ist der letzte Countdown
Der letzte Countdown
Der letzte Countdown
Es ist der letzte Countdown
Wir brechen zusammen auf
Der letzte Countdown
Wir werden vielleicht alles so vermissen
Es ist der letzte Countdown
Der letzte Countdown
Är isch halt nit nur Baizer….
8
E Hampfle Impressione vom Jubilarestamm 2015
Terminkaländer
01. Oggtober 2015
Prob im Wettstaischuelhuus / Stamm Restaurant Rheinfelderhof
22. Oggtober 2015
Prob im Wettstaischuelhuus / Stamm Restaurant Rheinfelderhof
21. Novämber 2015
Probetag im Top Secret Lokal / Details folge
9
Die Alte.
Wettstai Blatt
Wettstai Alti Garde Summerstamm vom 06. Auguscht 2015
Ab de halber siibeni Zoobe het me sich by dr Harmonie uff dr Lyss droffe. Es isch e erfreuligi Bedailigung gsi. 29 vom Wettstai
Stamm, 22 Altgardischte, e baar Rum-pler und 1 Glieebiire mit Aahang sinn dr Yylaadig vom Passyvbysitzer Peter Kraus gfolgt.
Punggt Siibeni het dr Peter dr Summerstamm eröffnet und em Peter Habicht s Wort zer Stadtfierig zem Thema „Spaale und
Spaledoor“ übergää. Wie allewyl het dr Peter Habicht mit groosser Gestik und Enthusiasmus vom Rosshoof dur d Spaale, s
Vesalgässli, zem Stachel-Schützebrunne, dr Spalegraabe uff zem/in oder uff s Spaledoor gfiert.
Anhand vo syne historische Gschichte hänn mir u.a. erfaare, dass z.B. bym Rosshofneibau die rooti Muure, entlang em
Petersgraabe, die inneri Stadtmuure darstelle duet. Uusgangs Spalebäärg by dr CS, em ehemoolige Standort vom Spaleschwibbooge, het dr Peter Habicht eppis über d Entwigglig vo dr innere Stadt und wie d Spalevorstadt entstande isch, verzellt.
Friener isch d Spalevorstadt d Siidlig gsi, wo sich dusse vor dr Stadtmuure, um s erschte Basler Barfüessergloschter (hitte stoot
deert die alti Gwäärbschuel) umme und dr Landstrooss ins Elsass, bildet het. Im 14. Joorhundert isch die üssere Stadtmuure
und s no erhaltene Spaledoor baut woorde. Dur das isch me in d Spaale yyne ko. Ze dääne scho erwäänte Baute, aber au zem
Lützelhoof, zem Huus zer Kräije, dr glyychnaamige Vorstadtgsellschafft, zem Eerggerhuus, zem Holbaibrunne, zem Mueshuus,
ze de Stachel-Schütze und zem Spaledoor het uns dr Peter Habicht e Yybligg in e Dail vo unserer Stadtgschicht gä. Es isch e
interessanti und leerrychi Fierig gsi. Em OK und vorallem em Peter Habicht e häärzligs Danggerscheen. Die wo sich no
verdiefter mit dr Spaale und em Spaledoor wänn befasse, däne isch s Buech, wo u.a dr Peter Habicht sy historisch Wisse
yybrocht het, empfoole.
Zer Überraschig vo däne wo no im Spaledoor in d Kräijestuube uffe sinn, isch me no im e Zircheruurgestai uus dr Neizyt mit
em FCB-Staff begegnet.
Zem Abschluss vo däm wättermässig haisse Oobe, hänn mr in dr Rumpelstuube gmietlig by Wienerli oder / und Kääskiechli dr
Durscht gstillt und d Kameradschaft pflägt.
E digge Pfyffer
10
Schlyffer-Daag in dr Rumpelstuube
Samschtig, 8. Auguscht: Mir hänn dä Schlyfferdaag under dr Laitig vom Christian Wildi leerryych überstande! Am Morge het
är uns Noteleer verabraicht. Es isch interesant gsi und het au dur e Alain Chambovay e Yybligg in die verschiidene
Noteschrifte vo de Dambuure gä. Drotz dr Wärmi het die Ufffrischig guet do.
Am Noomidaag hänn d Dambuure under dr Laitig vom Alain Chambovay im Parterre d Böggli beaarbaitet.
D Pfyffer sinn vom Christian Wildi im Käller instruiert woorde. Zerscht hänn mir dr Tango yygiebt oder uffgfrüscht. Das het
scho ganz grangschiert deent. No dr Pause sinn mr hinder d Sambre et Meuse. E süffige französisch-belgische Marsch. Dä
steggt zwar no in de Kinderschue, wiird aber scho glyy e Ooregriibler syy.
Zoobe hänn is die baide Instruggtoore im Rumplerhööfli e wunderbari Grillade mit verschiidene Saläät aanezauberet.
Christian und Alain vyyle Dangg für Eure Grampf. Es isch e dolle Daag gsi.
E digge Pfyffer
11
Neyi Wettstai Hompage Knorzi, Stamm und Alti Garde
Wie kumm y uff die neyi Hompage?
Aigentlig wie bishär mit dr Domäne www.wettstai.ch!
Hesch daas gwäält den gseesch immer no s bekannti Startbild.
Jetzt muesch aifach deert dä rooti Pfyyl > > >
aagligge! Denn kunnsch uff d Startsyte vom Stamm.
Deert faarsch mit em Curser uff em graue Balgge uff s Wort Wettstai. Derno machts e grien sänggrächts Fänschter uff.
Zunderscht by däm Fänschter duesch Alti aagligge. Scho bisch uff dr Startsyte vo dr Alte Garde.
Die wytere Fänschter wie Termin, Chronik/Archiv, Infos und Intern kasch wiider uff em graue Balgge bediene. Bym Aagligge vo
jedem Titel machts e Fänschter als griene Untertitel uff.
Wisse muesch no, dass d Haupttitel Termin und Chronik/Archiv mitenander verbunde sinn. Isch e Termin datummässig verbyy,
denn verschiebt äär sich automatisch ze Chronik/Archiv!
Ze de ainzelne Terminfänschter isch no feschtzhalte, dass wenn me iiber dä Aaloss mee wott wisse, me in Titel oder in d
Überschrift zem öffne muess gligge!
Die neyi Hompage het dr Vordail, dass sii uff eme Smartphon besser lääsbar isch!
Y hoff es isch no alles glaar!
E digge Pfyffer
12
Terminkaländer
Daag
Datum
Aaloss
Sa/So
26./27.9.2015
Mä
28.09.2015
gmainsaami Sujetfindigsitzig im Rumpelhuus
Mä
26.10.2015
Sujetpräsentazioon im Rumpelhuus
Zy
17.11.2015
Mir schaffe wider im Larvenatelier in Schönebuech.
Arbetsdate gemäss Plan vom Peter Kraus
(mit dr letschte Boscht an alli Aggtive verschiggt)
Do
17.12.2015
Wiehnachtsstamm
Winzerfescht in Lutry