Nr. 40 Sommer 2015
Transcrição
Nr. 40 Sommer 2015
Nr. 40 Sommer 2015 Fasnacht 2015: „Mir basse in kai Schublaade“ Impressum Gugge-Adrässe Guggemuusig Sonate-Schlyffer Postfach 4000 Basel Homepage www.sonate-schlyffer.ch Vorstand Präsident Iseli Ralph [email protected] Vizepräsident Anderegg Jasmin [email protected] Kassier Grassi Dana [email protected] Aktuar & Passivbetreuer Zimmermann Claudia [email protected] Beisitzer Di Gorolamo Adi [email protected] Musik-Chef Anderegg Jasmin [email protected] Major Di Girolamo Adi [email protected] Web-Master Dijkman Désirée / Iseli Ralph [email protected] Anfragen für Auftritte Di Girolamo Adi [email protected] Redaggtion Fräss-Zeedel Raisigl Andrea Romana [email protected] Grieder Daniela [email protected] Kosten für zwei Ausgaben betragen: 1 ½ Seite Seite CHF. 80.CHF. 50.- Liebi Fräss-Zeedel Läser und Läserinne Fir d’Beriggsichtigung vo unsere Inseränte dien mir eych härzligg dangge. D’Redaggtion Inhalt Inhalt Vorfasnacht Freiburg i.B. Marschprob Vorfasnacht Schwellheim Waage-Yweyig „Chegelwaggis“ Klaini Reed Basler Fasnacht Mäntig Basler Fasnacht Zischtig Basler Fasnacht Bilder Bummel Steggbrief Negro-Fescht 2015 Aggduells Wichtigs Syte Syte Syte Syte Syte Syte Syte Syte Syte Syte Syte Syte Syte Mir sage all unsere Passive, Gönner und Fründe DANKE für euri treui Unterstützig. Tableau d’affichage Schlyffer-Shop: CD 2011 „Ton-Figuren“ Schlüsselband Patch Erhälltlig bi jedem Aggtyyvmitgliid vo de Sonate 4-5 6-7 8-9 10 11 12 13 14-15 17-18 21-26 27 30-32 33 Vorfasnacht Freiburg i.B. 31.01/01.02.2015 Vorfasnacht St. Georgen, 31.01.2015 – 01.02.2015 so hetts dr neui Major gseh…und erläbt Inhalt Samschtig, Parkplatz Zihlacker-Rhynach, d Schlyffer träffe sich um 15.45 Uhr fürs Abentüür – Freiburg. D Stimmig isch genial, alli sind guet druff, z Trinke hets au scho, es fehlt an nüd. Oooh doch, do fehlt Öppis wo mi scho s erschti Mol e bitzeli nervös macht. Es ganzes Schlaagzüüg mit Maa. Riiiingrrring…..s Telefon lütet... uf, er chunnt no. So, i ha mi wieder Beruhigt und stieg au in Bus. Es sind alli doo, alles drbie, inkl. em Schlyffer Huustier-Kroko. D Stimmig stiegt, mir häns luschtig. Ich blick so in d Rundi und bi mir sicher, dass wird e hammer Weekend. Nach ca. 1.15 Std. fahre, sin mir am Ziel. Hotelzimmer Bezug im „Hotel Hirschegarte“…. Denkste, mis Einzelzimmer het e Wasserschaade und nid nur mins, wie sichs usestellt. Sara und d Dana trifft s gliiche Schicksal. Aber was sells, jetzt teile mir uns halt es Apparte-ment mit Wohnzimmer, Chuchi, 2 Schloofzimmer und emne riese Bad. Hmm, scho 2 Sache hän nid so klappt. Ganz ehrlich, ich bi jetzt no chli nervöser. Alli Zimmer sin Bezooge, um 17.45 Uhr gohts ab go Ässe, in d Pizzeria zur „Schneeburg“. Wow, für so wenig Gäld, so guet Gässe! Danke an dere Stell an d Organisatoore. D Stimmig, ach d Schlyffer, sind halt eifach Guet. Klopf, klopf, klopf, nö es isch niemer an dr Türe, dass isch mini Pumpi. Denn mir bräche uf, richtig Halle und jetzt isch es us mit minere lockere Vortrabsfunktion - jetzt bini Major! Mir stöhn vor dr Halle und warte bis d Gruppe vor uns fertig isch. Ich probier mi zberuhige mit em Gedanke „Adi, du hesch die beschti Gugge hinter dir“ JETZT GOHTS LOOS, mir sin dra. Obwohl gwohnti Lüt hinter mir laufe, es e gwohnte Rhythmus isch und ich s Koschtüm kenn, isch es doch e ungwohnti Situation gsi. Mis Härz pocht, i glaub s Publikum hört das. D Schlyffer stöhn in de kleine Formation, wo aber die Grossi isch uf dr Bühni, soo jetzt s erschte Stückli azeige und es lauft nach gwohnter Schlyffermanier. So Adi, jetzt chersch di s erschti Mol richtig Publikum, abgseh drvo, dass ich dr Nadine und dr Claudia fascht d Posuune us de Händ gschlage ha, hani es wow Erläbniss ka. Das Bild vergissi nie me! D‘Lüt wo durch unsere Sound zum Tanze animiert worde sind, mit de Schlyffer im Rugge, wo mi seeeehr beruhige durch ihres sälbständige Spiele. Danke euch allne, für dä super schöni Momänt. Jetzt laufts fascht vo elleige, mir spiele ei Stückli nach em andere. Erscht bim Uuszug realisier ich, i bi baaach Nass, aber uuuu stolz. Das hani de au dusse de Schlyffer no persöhnlich gseit. Soo, und jetzt hän mir das Fescht so richtig afo gniesse. D Party isch loos gange, so richtig „Schlyffer Style“. Irgend wenn, es isch immer no Dunkel gsi, isch dr Räschte - inklusive mir, mit em Taxi richtig Hotel zrug. Dusse hän d‘ Raucher no eins welle rauche, bis e zarti Stimm unseri Näme rüeft, „hee, do hett öpper Geburtsdaag“ mir hän ihn zwar nit kennt. Hotel oder fremde Geburtsdaag……..ich glaub, ihr wüsset was Entschiede worde isch. Irgend wenn het mi den d Müedikeit igholt, wie au d Stimm verloo und ich bi denn richtig Bettli. Tschüss mit enander, denn Dusse isches bereits scho wieder Hell worde. Am nöggschte Morge, also am gliiche Daag wo ich is Bett bi, hän mi am Zmoorgetisch scho e hufe strahlendi Schlyffer Empfange. Aber mini Stimm, boooh immer noni umme. Nach em feine Zmorge, hän mir Paggt, alles in Car do und sin de richtig Umzug, zur nöggschte Premiere- die grossi Larve. Mir hän wiit müesse laufe bis zum Start. Klar, Larvetraage muess au güebt si. Dört acho, hets au scho öppis z Trinke gäh und mir hän für unseri zwei Geburtsdaagschinder es Ständeli gspielt. 14.00 Uhr, dr Umzug got loos, poch, poch, jetzt fangt das wieder a. Pfiff, Schlaag und Sound, jetzt hörts au scho uf mit Poche, mir meischtere de Umzug und sind scho am Ziiel. I bi nuudel Fertig, heiss hani denn d Larve het Aghängt. Jetzt nur no mit emne chleine Verpflegigs-zwüschestopp zrug zum Car. Alli istiege und Bruummm, richtig Rhynach. Es isch nümmi soo Lut gsi, wie bi de Hifahrt. Au ich nid, bi richtig erledigt gsi. In Rhynach acho, schwupps isch es schnäll gange. Tschüss, Tschau und weg! Wo ich den Dähei gsi bi, hani s Weekend nomol Revue passiere lo. Und wüssed dir was? Ich ha mir s erscht Mol gseit, ich freu mi riiesig uf d Fasnacht! Ich wet mi bi allne Beteiligte bedanke. Bim OK für d Organisation, wie bi allne Schlyffer. Ihr händ mir immer Muet gmacht und nid zletscht dr Jasmin, wos nid immer Eifach gha het mit mine Frooge. Danke au für s Duureheebe, bis ich mi zumene klare „JO“ als eure Major entschiede ha. Ich bi Stolz, dr Major vo sonere Gugge zsi!! Liebi Griess, eure Major Adi Grosse Küchen- und Apparate- Ausstellung hesch e Steamer wo nümm will gaare e Tömbler, wo kei Strom duet spaare möchtsch ebbe ökologisch wäsche oder bruchsch e Wyykiehler für dini Fläsche hängge Kuchimöbel duure und dr Kiehlschrank duet ludd suure muesch e Monteur oder e Berootig haa denn lüt doch em Baumann aa Die mit de rote Auto Marschprobe 08.02.2015 Marschprob in dr Lange Erle Am 8. Februar isch es aso sowitt gsi….. dr Marschproob in dr Lange Erle hett uff is gwartet…. Bi grad 0°C Grad und trockenem Wätter hänn mer uns troffe und als erschts hett denne e Jedi und e Jede vom Adi (unserem neye Major) si’s Plätzli in dr Schlyffer-Formation zuegwiise bichoh…. Denn sinn mer aso losmarschiert….d.h. losgsegglet wär wohl dr korräkteri Usdrugg, denn irgendwie sinn mer immer wie schnäller worde…… Obwohl doch e paar Schlyffer am Stadtlauf z Basel mitmache, isch es derno rächt intensiv gsi…. Wo mer denn so am jogge gsi sinn dur d Lange, hänn mer so drum au gar nit bemerkt, as mer scho fascht z Rieche am Zoll gstande sinn…… Derte hänn mer denn e glai Verschnuufpäuseli bichoh….derno hett is denn dr Adi meh oder weniger erfolglos welle bibringe, wie d Schlyffer bi de Konzärtstiggli selle am beschte stooh…. Und das dr Breit und dr Schmal Wäg…..spöteschtens noch em 1. oder 2. Cüpli hett denn das immer wie besser klappt…. Z‘mindescht us unserer Sicht…… Marschprobe 08.02.2015 Und so sinn mer denn au wiider im gliiche Tempo retour joggt, immer spiielend natyrlig und das im Minute-Taggt…..Asträngend isch es gsi…. Intensiv isch es gsi….. aber Superguet isch es gsi, luschtig derzue und mir hänn so natyrlig die 0°C kei bitzeli gspyyrt. Wo mer denn wiider am „Startplatz“ gsi sinn, hänn’s Andrea und de Marco alässlig vo ihrem runde Geburri e Hammergueti Suppe, Würschtli und Getränk offeriert. Daaaaaaaaaaangge vielmool…Fein isch es gsi……¨ Und so sinn denn alli meh oder weniger uff de Wegge heimgschliiche, grossi Gümp hett a däm Obe e glaub keine meh gmacht….. Aber zfrride und glügglig sinn denn sicher d Schlyffer in e siesse Schlyffer-Traum entruggt und hänn vo Konzärtformatione träumt……. Vorfasnacht Schwellheim 15.02.2015 Wenn d’Schwellemer Fasnacht afoht herrscht doppleti Freud bi mir. Denn stoht nämlig au unseri Basler Fasnacht vor dr Türe und wenn me so wie ich in Allschwil wohnt, isch dass denn au grad bitz wie e „Heimspiel“. Drum ha ich mi guetgluunt uff e Wäg zum Dräffpunggt gmacht. E sin scho anderi guetgluunti Schlyffer umme gsi und me hett sich härzlich begriesst. Circa fuff-zäh-e-halb Schritt vo uns e wäg isch grad no e Verpflegigisstand uffgmacht worde, wo denn grad chli in Beschlag gnoh worde isch. Nachere schier ändlose Warterei sin mir denn Richtig Dorf igstande und au grad losmarschiert. Findi megacool, dass mir spielend ins Dorf laufe….hani so für mi dänggt. Doch dä Idrugg hett nit gstumme. Denn kuum igstande sin mir nach wenige Meter linggs in Ströösli zum e Hinterhof abboge. Spielend hän mir is denn zue-ne-re Platzuffstellig formiert. Also dr Wille isch uff jedefall do gsi… Nach em spiele isch au für mi dr Grund ersichtlich gsi worum mir do aane sin und nit witter Richtig Dorf. Unseri Fründe vo dr Guggemuusig KanniBâle hänn is do erwartet und für uns e super-feine-süffige-schlemmerige Apero offeriert. An däre Stell nomol e grosses Danggerscheen. So schön ka e Fasnacht aafoh…. Irgendwenn simmer denn au unsere Uffstellplatz go uffsueche. Mit däre ziemli hoche Startnummere isch mir klar gsi, dass es no e weeneli goht bis mir könne loslegge. Aber au die Zyt isch mit e me feine Schlüggli irgendwas vo irgendwo logger überbrüggt worde. Langsam aber sicher hett unsere Major aber ärnscht gmacht und mir hän d’Larve über Kopf zoge und sin in Umzug igfädlet. Jo Richtig glääse…do in Allschwil seit me dr Umzug. In Basel isch das natürlig e No-Go. Nach einere Rundi hett dr Major erbarme gha mit uns und mir hän dörfe e wohlverdienti Pause mache bevor mr uff e zweiti Runde gange sin. Bim zweite Rundgang hetts denn e kurze Stopp gäh bim Comité. Do hetts denn Bliemli und e Blaggedde gäh. Und so hänn mir dörfe gli druff aabe die zweiti Pause in Agriff näh. Vorfasnacht Schwellheim 15.02.2015 Langsam hett sich denn au dr Hunger igstellt und dr Wäg ins Jägerstübli isch jo au nümm witt gsi. Im Saal oobe hänn mir unser feins Nachtässe übercho und dr gselligi gmietligi Deil isch voll am laufe gsi. Doch uns hett jo no e offizeille Deil erwartet. Nämlig uff dr Stäge go spiele. Sottigi Uffdritt hänn jo immer irgendöbbis spannend an sich. Wie stöhmer? Wo stand ich? Was spiele mr? Wieviel Stüggli spiele mr? Was passiert an unvorhärgsehes? Bim aabe laufe uff dr Stäge isch Vorsicht bote, dass isch jedem klar gsi wo die Stäge kennt. Aber irgendöbbis hani denn doch no ghöre schäppere….smile. Alles halb so wild au dä Uffdritt hämer hinter is brocht. Und do dr mit isch au dr offizielli Deil beändet worde. E paar Schlyffer hän sich denn au uff e Heimwäg gmacht…..i glaub fasch si hän miesse schaffe am andere Daag.. Es sin aber no etlichi Schlyffer blibe und drum ha ich uff mim „Rundgang“ immer mol wieder e Schlyffer adroffe. No-dis-no sins aber immer weniger worde, also nit nur Schlyffer au anderi…. Eigentlig seit me jo, ass dr letscht soll s’Liecht abmache. Dass hett öbber gründlich missverstande. Wo ich uss em Waage ussecho bi hett nämlig ein s’Liecht aagmacht hösch! Mmmmhhhh….jo denn halt… So hani au dr Heimwäg sicher gfunde und mi nit im Dunggle verlaufe chönne……smile. Brigitte Waage-Yweyig „Chegelwaggis“ 22.02.2015 Nachdäm die meiste s Depot im Lamm bezoge hänn, isch erstmol Aperöle im Schiefe agseit gsi. Nach em Spaziegang über d Wettstaibrugg hämmer uns am offizielle Träffpunkt versammlet. Wo alli idruddlet sinn, simmer speielend zue de Chegelwaggis gloffe, wo mir scho erwartet worde sinn. E paar fätzigi Stüggli und scho hett’s widder öbbis gege dr Durst gä, mir hänn uns mit feine Sache dörfe verpfläge. Nach dr Asproch und dr Vorstellig vo de Aktive hämmer no e paar Stüggli zum beste gä. Mir hänn uns verabschiedet, um in dr Stadt s Ypfiffe vo de Ladäerno go gniesse. Sim + Maya „Klaini-Reed“ 23.02.2015 Liebi Schlyffer Was für e verruggts Johr hänn mir hinter is. Ich due d’Fasnacht nit gärn mitem Fuessbal vergliiche. No viel weniger möcht ich d’Sonate-Schlyffer miteme FC vergliche und trotzdämm sind mr immer wieder Gedangge drzue im Kopf umme gschwirrt. Nach dr letschtjährige GV sind mr ohni Käpten, ohni Sturm und ohni Trainingsplatz do gstande… Dr Kopf hänn mr wäge dämm nit hänge loh. Verhandlige sind beräits im Gang gsi. E super Nättsfescht hänn mr hinter is brocht mit viel Laufe und Stress… aber au mit viel Lache und Freud. Neui Motivation hänn mr in unserer Spielpause gsuecht und au gfunde. Trotz allem het is denn im Septämber au no unsere Trainier verloh. Aber au das het is vo unserem Kurs nit abbringe loh. Denn wie säit me so schön… die äinte gönn und anderi kömme. Äi Türli goht zue, e anders drfü uff. Mr hänn äinigi „neui“ Gsichter bi uns in de Räihe… mr hänn e neus Proobelokal… e neue Sturm und e neue Käpten. E Johr, mit viel Änderige… aber zum Glück nit nur änderige… Es isch unglaublig aber Wohr, d’Sonate-Schlyffer git’s jetzt beräits sit 25 Johr. Liebe Andi, Liebe Buddy, Liebe Ralph Ganz härzlig möchte mir Euch Dangge sage, dass Ihr d’Schlyffer vor 25 Johr gründet hänn und au hüt immer no Schlyffer sind. Immer wieder loose mr Eurne Anektode gärn zue, wie ihr im erschte Johr mit drei Stüggli Fasnacht gmacht hänn. Ohni Euch wür’s dä Huufe nit gäh, wo aktuell 38 aktivi Naase zellt. Merci viel Mol! Euri Jasmin Basler Fasnachts - Mäntig 23.02.2015 Ändlig isch es wieder sowyyt, es isch Mändig Morge am vieri, die drei scheenschte Daag in Basel fange aa. Noch vylne Probe, e paar Diskussione und bym einte oder andere au emole eme Tief, kemme jetzt die Daag und Stunde, wofür mr das alles e Joor lang uff uns nämme und wo mir uns alli au e Joor lang druff freue, d’Basler Fasnacht. Für d’Schlyyfer isch’s denn am zwölfi sowyyt, denn goht’s au by uns los. E jede und e jedi zieht si Goschdyym aa, paggt sini siebe Sache, und goht in d’Stadt. Mr trifft sich bym Depot im Alterszentrum Lamm. Es isch e spezielli Fasnacht, d’Sonate Schlyyfer hän Jubiläum, syyt 25 Joor begeischtere si in Basel an denen drei Daag d’Lüt am Stroosserand. Speziell isch die Fasnacht vorallem aber au für drei Schlyffer, si sin nämlig syyt em Aafang drby, dr Andy, dr Ralph und dr Buddy mache zem 25. mol Fasnacht mit de Sonate Schlyffer. Uss däm Grund git’s denn au zerscht emol e glaine Apéro, noch ere glaine Ehrig vo dene drei Herre übergit denn dr Präsi in siynere Aasprooch d’Fasancht unserem neue Major, em Adi. Ohni jetzt scho welle vorwäg z’griffe, darf me trotzdäm saage, er wird sini Sach in de näggschte drei Daag sehr guet mache. Mr lauft gärn hinter ihm. Leider isch s’Wätter an däm Daag nid grad so super, es könnt aber au schlimmer si und au das wird sich no zeige, es wird als wie besser. So zieht denn dr eint oder die ander au e Rägeschutz über si sälbergmachts Lumpegoschdyym. Gstärggt und voller Vorfreund goht’s denn am zwei richtig los, mr starte dr Cortège uff dr innere Route. Ob’s am Wätter liegt oder au nid, mr kemme zügig und ohni Proble voraa, so längt’s denn au immer wieder emol für e glaini oder grösseri Pause. D’Stimmig isch super und au s’Wätter wird au besser, spöötischtens bym Nachtässe im Basilik ka denn au dr letsch si Rägeschutz abzieh, er wird en die räschtlige Daag nümme bruuche. Noch eme feine Ässe goht’s denn ab uff d’Gass, jetzt könne mr ändlig au no a paar Platzkonzärt gäh und die ganz tolle Stüggli spiele, was natürlig nid heiss, dass es am Cortège nid au scho guet tönt het. Es sind das jetzt die scheenschte Stunde an dr Fasnacht, mr muess nümme, me darf und vorallem ka me’s eifach gniesse. Und scho bald isch dr erscht Daag denn au verby, noch em Abträte und em Versorge vo de Instrumänt im Depot zieht’s die meischte no vor e Schiefe, dert no s’eint oder ander Fröschli, e Luz oder e Bier für e Durscht und irgendwenn sin denn wohl alli emol hei, zemindiescht gang y emol drvo uss, denn am Zyschtig isch kein meh im Lumpegoschdyym ufftaucht, zem Umzieh het’s also sicher glängt. Stephan Basler Fasnachts - Zischtig 24.02.2015 Fasnachtszyschtig 24. Februar 16:00 D Schlyffer besammle sich im Hof vom Lamm zum dr tradizionelli Apero musikalisch z eröffne. Numme ei Neo-Schlyffer sitzt in Olte und luegt uff Telebasel wie d Graffiti Spugger über dr Märtplatz schränze. Dr Apero isch in vollem Gang s wird g'ässe, drunke und flissig pläuderlet. Zwüscheihne chömme denn d Schlangefänger cho musikalisch gratuliere. Denn macht me sich langsam uf e Weg richtig Messegländ dass me denn parat isch für dr Sternmarsch. Dr einsami Schlyffer z Olte sitzt mittlerwyle uf emene Sessel im Kontaktlinse-Praggtikum. Circa am halb sibny heisst uf em Mässeplatz:"Sonate Schlyffer ihstoh für e Sternmarsch!" Denn „flaniert“ meh ei mol quer dur d Stadt. Zur glyche Zyt isch in Olte dr Unterricht verbi und dr Jonas B* (name der Redaktion bekannt) macht sich uf e Wäg uf Aesch. Mir Sonate Schlyffer hän das Johr d Ehr kha uf em Seibi z zeige das mir e Supergugge sin. Hän mir denn au gmacht! Und die wo nonig ganz überzüggt gsi sin vo uns odr eifach nonig gnueg kha hän, hän jo denn am zwanzig vor zähni nomol e Glägeheit kka uf em märtplatz. Zwanzig VOR zähni! luegt dr Jonas gschoggt uf dr Fasnachtsplan. Bis jetzt hets immer zähni gheisse. Er schlyfft schnell in sys Kostüm schnappt sich sis Törtli (das wo er amigs druffhaut) und rennt ufs Tram. Diversi Utensillie (Stückli-liste, Händsche, Blagette) hän an däm Obe dr Wäg in d Stadt nit gfunde.... Im Tram chunnt er ins schwitze, telefoniert mit em adimajor und luegt wie er am schnellste und nöggschte zum märtplatz chunnt. Am 20 ab nüni stresst er d Freie drab rennt fast am Schlüssel verbi, wo er vo de rästliche Schlyffer freudig begrüesst wird. Denn no schnell ins Rothuus (worum au immer) und denn ENDLICH dr gross Uftritt uf dr Heimbühni. Wers verpasst het cha en uf Youtube oder uf dr Sonate Schlyffer Facebook-Fanpage nochluege. Nochdäm dr holländischi Jimmy crazy worde isch, simmer ihn Hahnedropfe-Chäller "Spaghetti mit vielen bunten Saucen" go esse. Es sin denn penne gsi. Und es het 2 Sauce geh. D Improvisante hän uns denn mit ihrerer Show vertröstet. Am halb 1 simmer denn ab uf d Gass dr Guggezyschtig so richtig uskoste. Wo mer denn in dr Yisegass richtig Mittleri Brugg gloffe sin isch e chleins mysli dur d reihe vo de marschierende Schlyffer gflitzt. Dr Jonas B het e Hechtsprung gmacht. Leider ohni Erfolg. Er und s Mysli sin zum Glügg unverletzt blybe. Das wärs gsy vom Guggezyschtig. Moral vo dr Gschicht: Es isch nit uf dr ganze Welt Fasnacht, während de drey scheenste Dääg. Aber in Basel isch d Fasnacht diä ganzi Wält Jonas Bergamo Basler Fasnacht 25.02.2015 Basler Fasnacht 25.02.2015 Bummel 08.03.2015 My 1. Bummel mit dä Sonate-Schlyffer …… ….. und das erst no als Aktivmitglied … was ha ich mich druf gfreud Ich ka euch sage, es isch e wunderschöne Daag gsi für mich! Punkt 10.00 Uhr het me sich bim Restaurant Wulggegratzer (Hochhus) in Basel zumene „Früehschoppe“ troffe. Vo allne Sitte sind d Schlyffer sowie Fründe und Aghörigi ume Egge ko z däppele und hän sich guet gluunt und wie immer härzlig begriesst. Es isch nid lang gange, do ha auch ich min erste „Münzelutz“ in dä Händ ka. An dere Stell möcht ich dr Ursi und em Thierry härzligg Dangge, wo dä Apero alässlig ihrem 10-jöörige Schlyffer-Jubiläum gsponseret hän! Irgendwenn, frooget mi joooo nümmi nach dr genaue Zyt (smile), simmer denn miteme öffentligge aber für uns private BLT (oder BVB? Öööööööhm) nach Leyme ins Frooonkreich gfahre und hän uns dört im Restaurant La Couronne d’Or kulinarisch lo verweehne. Mir hän uns regelrächt d Ränzli vollghaue mitere Uswahl us feiner Antipasti inkl. Gänseläbere (hätt nid dänkt, dass mir das schmegge duet) zur Vorspiis, leggeri Fleischgricht mit Byylage zur Hauptspiis sowie emene siesse/käsige Dessertbuffet Do dr Petrus jo bekanntlig e Basler isch, het s Sünneli kräftig für uns gstrahlt. Und so het me immer wieder mol zwüsche dä Gäng könne use go Luft schnäpperle und dr Buuch go stregge ;) Natürlig het’s au musikalischi Daarbietige gä Zum eine het uns dr „Spitzbueb zwüsche Vorspiis und Hauptgang mit sim Schnitzelbangg unterhalte … Ich muess gestoh, ich bi jo nid sone enorm grosse Schnitzelbangg Fan, aber dr Spitzbueb het mir doch dr eint oder ander Lacher entloggt ;) … Und denn hän natüüüüürlig mir Schlyffer no s eint oder ander Stüggli für unseri Passive und Fründe im Hinterhöfli vom Restaurant zum Beschte gä Do mir drnoch e weeneli unter Zytdrugg stande sind, hän mir s Dessert, woni bereits e paar Ziile wtter obe erwähnt ha, zimlig schnäll hinteregschlunge, d Servierdüüse ummeghetzt (Frööööööööööilein zaaaaaahle bitteeeee), unseri siebe Sache packt und hän uns ufe Wäg zur Trämmlistation für nach Basel gmacht. Also do möcht ich jo scho erwähne, dass ich sehr dankbar bi, simer dä Wäg nid spielend gloffe …. Keuuuuch – steiler gohts nimmer (Danke Nati fürs uffezieh – me wird älter). In Basel wohlbehalte ako, hets im Irish Pup an dr Heuwoog denn dr nächsti Apero gä und d Guggemuusig Ohregribler (Öribööri) sind uns zum Geburtstag e Ständeli ko spiele. Denn isches ändlig loosgange mitem Musiziere dur unser gliebts Basel Am Anfang no sehr gemeechlig… denn e bizi schnäller und irgendwenn bini mit mine kurze Stampferbei kuum me nocheko ;) …. S het scho bald gstäubbt an dä Sohle/Absätz ;)) Unseri musikalisch Route durch Basel (natürlig mit em eint oder ander Päusli ): Abmarsch Heuwoog - Barfi Caffi Huguenin (Ständeli uf dr Stääge) – Richtig Steinebärg – natüürlig in d Freie Stroos – ohni Stau Richtig Märtplatz in d Iiiisegass bim Globus (Ständeli) – zrugg ume Märtplatz in d Gärbergass (Ständeli Höchi Coop City) – denn witter/zrugg zum Barfi Caffi Huguenin mitem Schlussständeli uf dr heissbegehrte Stääge PUNKT 10i zobe hän mir dr letschti Ton gspiilt. …… Bummel 08.03.2015 E härzliggs Danggeschöööön an Vorstand, wo dä Bummel organisiert het und an alli, wo in irgend ere Form drzue byydrait hän, dass ich sone schöne Daag ha deerfe verbringe! Es isch schön e Schlyffer zsi! Euri Claudi PS: es goht nümmi so lang wie au scho – denn heisst‘s wieder „yyyystoooooo“ Steggbrief 2015 Roth Marco Spitzname: Sternzeichen: Instrument: Wie lange mach ich schon Fasnacht: Mege Jungfrau Trompete 40 Joor Wie bin ich auf die Sonaten aufmerksam geworden? Web Was habe ich sonst noch für Hobbies? Bike, Deffahre, Hind Was ist meine Lieblingsfigur an der Fasnacht? Waggis Lieblings Essen: Curry rot&grien Lieblings Getränk: Bier Was ich mag: Sunneschyn Was ich nicht mag: Räge Meine positiven Eigenschaften: frindlig, lustig, Hilfsberait Was sind meine Ziele für das Jahr 2037: Fasnacht z mache Steggbrief 2015 Weber Beatrice Spitzname: Sternzeichen: Instrument: Wie lange mach ich schon Fasnacht: „Frau Wäber“ Waage Trompete „Ewig’s und 3 Däg“, sit Kindheit Wie bin ich auf die Sonaten aufmerksam geworden? Iber d’FG Was habe ich sonst noch für Hobbies? Tier + Siessigkaite nasche Was ist meine Lieblingsfigur an der Fasnacht? E liebe Clown Lieblings Essen: Härdepfel Lieblings Getränk: Wasser Was ich mag: Beschaidehait und Humor Nergeler, Intoleranz Was ich nicht mag: Meine positiven Eigenschaften: Humor, ka iber mi sälber lache Was sind meine Ziele für das Jahr 2037: Ich wurd’s gärn erläbe in gueter Gsundhait Steggbrief 2015 Weikard Stephanie Spitzname: Sternzeichen: Instrument: Wie lange mach ich schon Fasnacht: Steffi Widder Trompete 16 Joor Wie bin ich auf die Sonaten aufmerksam geworden? Iber d’FG. Ganz klar, Stamm und Musigstil Was habe ich sonst noch für Hobbies? Jogge, Rite, Ässe Was ist meine Lieblingsfigur an der Fasnacht? Waggis Lieblings Essen: Curry-Ris Lieblings Getränk: Gspritzte Wysse siess Was ich mag: D Natur, e guets Glas Wyy, Spontanität Ungrächtigkait, Hunger bodeständig, verlässlig, „maischtens“ gut glunt Vyyli tolli Erfahrige gsammlet z ha. Dass mini Liebschte und ich gsund und glyygglig si Was ich nicht mag: Meine positiven Eigenschaften: Was sind meine Ziele für das Jahr 2037: Steggbrief 2015 Bergamo Jonas Spitzname: Sternzeichen: Instrument: Wie lange mach ich schon Fasnacht: Bergi, Jöni Jungfrau Schlagzyg Sit 2010 Wie bin ich auf die Sonaten aufmerksam geworden? Daniela Grieder „Ushilf“ 2011, 2012 und 2014 Was habe ich sonst noch für Hobbies? Was ist meine Lieblingsfigur an der Fasnacht? Musig in verschiedene Formatione, game, Frinde Dr Waggis + dr Schlyffer! Lieblings Essen: Aelpler Maggrone Lieblings Getränk: Jacky, Cola, Wasser Was ich mag: Musig mache, loose, fyhle, erläbe… Pessimischte Was ich nicht mag: Meine positiven Eigenschaften: geduldig, optimistisch, sunnigs Gmiet Was sind meine Ziele für das Jahr 2037: My Huus, my Auto, myni Frau, myni Kinder… Steggbrief 2015 Simone Marioni Spitzname: Sternzeichen: Instrument: Wie lange mach ich schon Fasnacht: Sim Kräbs Trompete Fascht 30 Joor Wie bin ich auf die Sonaten aufmerksam geworden? Sind gschlosse vo de Rhyschwalbe dur d Steffi Weikard zu de Schlyffer gstoose Was habe ich sonst noch für Hobbies? Was ist meine Lieblingsfigur an der Fasnacht? Spaziere und läse Lieblings Essen: Grillade Lieblings Getränk: Was ich nicht mag: Kaffi und an dr Fasnacht griene Frosch Gselligkait, Musicals, Thailand liege, Stau Meine positiven Eigenschaften: hilfsberaid Was sind meine Ziele für das Jahr 2037: D Pension gniesse Was ich mag: Alti Dante Steggbrief 2015 Jonas Utinger Spitzname: Sternzeichen: Instrument: Wie lange mach ich schon Fasnacht: -Leu Pauke Öbbe 6 Joor Wie bin ich auf die Sonaten aufmerksam geworden? Durch d‘Fasnacht Was habe ich sonst noch für Hobbies? Ferie, Familie und Partys Was ist meine Lieblingsfigur an der Fasnacht? Dr Frosch Lieblings Essen: Fondue Lieblings Getränk: Bier Was ich mag: Fascht alles Was ich nicht mag: Fryye ufstoo Meine positiven Eigenschaften: -- Was sind meine Ziele für das Jahr 2037: Gsund sy Dr nägscht Fräss-Zeedel kunnt im Januar 2016 uuse. Redaggtionsschluss derfyr isch de 30. November 2015. Ihr derfet uns aber eyri Byyträg au laufend schigge, denn kenne mir mit de nägschte Uusgoob scho afoo. Bis zem nägschte Mool, eury Schrybfädere Andrea & Daniela. Mir winsche allne Aktive e scheene Summer 2015 Aggduells 2015 Hallo liebi Fräss-Zeedel-Läser, ich bi de Luan Utinger Geburtsdatum: 17.03.2015 Gewicht: 3370 Gramm Grössi: 52 cm Mir alli gratuliere unserem Pauke-Jonas und de Noemi Leu zu ihrem Sohn. Aggduells 2015 Nomol hallo liebi Fräss-Zeedel-Läser, ich bi d‘ Lili Emma Geburtsdatum: 30.06.2015 Gewicht: 2910 Gramm Grössi: 50 cm Mir alli gratuliere au unserer Nadine und em Rolli Buess zu ihrer Tochter. Aggduells Mir sueche wyterhin no dringend Versterggig in folgende Register: Trompete Saxophon Wenn de Inträsse hesch, mäld di doch eifach diräggt bi unserem Vorstand. (D‘Adrässe findsch uf Syte 2) Mir freye uns uff di Wichtigs fyr Passivi, Gönner und Frinde Schlyffer on Tour im 2015/2016: Datum: Zeit: Anlass: Wo: Fr.+Sa. 14.08.+15.08.2015 Negrofest Basel Mo. 17.08.2015 1. Offizielle Probe Guggekäller Sa. 03.10.2015 FG Jubelanlass 50 J. Basel Sa.+So. 17.+18.10.2015 Probeweekend Feldberg / DE Sa.+So. 09.+10.01.2016 Vorfasnacht Ettenheim / DE Sa. 23.01.2016 Probetrag & Auftitt Birsfelden Sa. 06.02.2016 Vorfasnacht Noch offen Mo. – Mi. 15.-17.02.2016 Die drey scheenschte Dääg Basel (Umzug ca. 16.00 Uhr) Top-Aggduells findsch nadyyrlig wie immer auf uf unserer neue Hompage unter : www.sonate-schlyffer.ch Inserat Druckerei Anmeldung für Passiv-Mitgliedschaft oder Gönner bei den Sonate-Schlyffer Passiv-Jahresbeitrag: 30.- Franken / Paare 50.- Franken Gönnerbeitrag: ab 100.- Franken Herzlichen Dank für das Interesse und wir freuen uns, Dich/ Euch bei uns zu begrüssen. Anmeldung mit dem unten stehenden Talon oder via Formulardownload unter www.sonate-schlyffer.ch -------------------------------------------------------------------------------------------------------Passiv: □ Gönner: □ Name: ________________________________________________________ Vorname: ________________________________________________________ Adresse: ________________________________________________________ Telefon / Natel: ________________________________________________________ Mailadresse: ________________________________________________________ P.P CH - 4153 Reinach, BL Bitte ausreichend frankieren. Guggemuusig Sonate-Schlyffer Postfach 4000 Basel