O Jemesa Kei Na Tukutuku Vinaka
Transcrição
Lesoni Ni Wilivola Vakasigatabu OKOTOVA - TISEBA 2014 AI VOLA I JEMESA Vola: CLINTON WAHLEN Lotu Kavitu Lesu Vakarua Mai AI VOLA I JEMESA [Ulutaga Ni Veimacawa] 1 Ulutaga Ni Veimacawa 1 2 3 4 5 6 7 8 9 10 11 12 13 * O Jemesa, Na Taci Jisu Seviteba 27–Okotova 35 .....................................................5 link Me Vinaka Sara Na Noda Vakabauta Okotova 4–10 ...................................................................12 link Vosota Na Veitemaki Okotova 11–17 ..................................................................19 link Noda Bula Kei Na Ka E da Cakava Okotova 18–24 .................................................................26 link Na Loloma Kei Na Vunau Okotova 25–31 .................................................................33 link Na Vakabauta E Cakacaka Noveba 1–7 .......................................................................40 link Vakamanoataki Na Yameda Noveba 8–14 .....................................................................47 link Na Yalomalumalumu Ni Taukeni Na Vuku Vakalomalagi Noveba 15-21 ...................................................................54 link Dua Ga Na Daubulilawa Kei Na Turaganilewa Noveba 22–28 ...................................................................61 link Tagi Ka Qoqolou! Noveba 29–Tiseba 5 .........................................................68 link Vakarau Ki Na Tatamusuki Tiseba 6–12.......................................................................75 link Masu, Vakabulai, Vakasukai Tale Tiseba 13–19.....................................................................82 link Na Tukutuku Vinaka E Sega Ni Oti Rawa Tiseba 20–26.....................................................................89 link Wili Vola Tabu Vakayabaki, Vakatawa Ni Mataka Dromu Ni Siga Kei Na Wiligusu Ni AY ..........................96 link AI VOLA I JEMESA [Ulutaga Ni Veimacawa] 2 Kena i Kau Ai “Vola Beka Vaka Na Vu Ni Sila Madu”? Na i Vola e vola o Jemesa e dua nai vola e sega ni matata vakaoti ka dau vakadewataki cala mai vei ira kece nai vola e volai e na Vola Tabu. E na Veitarotarogi Mai Leipzig e na yabaki 1519, E a vakayagataka o Johann Eck, e dua na Daunivolatabu e na Lotu vaka Roma me bolea ka vakacala kina, na i le nei Martin Luther ni da vakadonui na tamata e na vakabauta taudua ga, ka nona i le o Johann Eck ni dodonu me wili kina na cakacaka. Sa vakavuna kina na nona cakitaka o Luther na kena ceguvi vakalomalagi nai vola i Jemesa, e na vuku ni vakavuvuli cala ni tokona na noda vakadonui e na vuku ni cakacaka. E na i kau ni nona vakadewataka na Veiyalayalati Vou e na vosa vaka Jamani e na yabaki 1522, e vakaraitaka kina o Luther na nona taleitaka nai vola e vola o Joni, 1 Joni, Roma, Kalatia, Efeso, kei na 1 Pita, ka ra vakatakilai Karisito ka vakatavulica “na veika e yaga ka veivakalougatataki . . . me da kila.” Na nona vakamacala me baleta nai vola i Jemesa e sega so ni vinaka. E vakatoka o Luther me “i vola vaka na vu ni sila madu” baleta ni “sega kina nai tukutuku vinaka.” Dina ga ni sega ni biuta laivi o Luther nai vola i Jemesa mai na Vola Tabu, e vakatikitikitaka o koya mai vei ira kece na vo ni vola e ra volai. Na nona vakabibitaka o Luther na i vola nei Paula, me vaka nai vola vei ira na kai Roma kei Kalatia, kei na nona biliraka nai vola i Jemesa, me vaqa ga vakayalo, sa vakavuna me lewe vuqa na Lotu va-Karisito me ra ciqoma na rai nei Luther. O cei sara mada o Jemesa? E dua beka e muria na matanivola ni vunau, me saqata na vakavuvuli nei Paula, noda vakadonui e na vakabauta, nona kaya ni da vakadonui e na cakacaka? E vakaraitaka tiko beka o Jemesa e dua na rai e duidui e na ulutaga oqo, me vaka ga na duidui ni rai me baleta na vakavuvuli i Jisu e da kunea e na Tukutuku Vinaka? E rawa ni da kaya, ni o Jemesa e wili ki nai karua ni kumukumu. Sega ni o ira kece na Vakavuna Na Veisau e ra tokona na nona raici Jemesa sobu o Luther. O Melanchthon, na nona i tokani voleka o Luther, e vakabauta ni sega ni veisaqasaqa nai vola nei Paula kei nai vola i Jemesa. O Jemesa e veikilai vakavoleka sara kei Jisu. E rawa ni da kaya, ni nona i vola e dua e volai duadua e liu, ka nona i vola e seraka vakavoleka na vei vakavuvuli i Jisu e kune e na Tukutuku Vinaka. E vakataka na vosa vakaibalebale nei Jisu, ni tiko kina nai yaloyalo ni dauteitei kei na vuravura ni bula vakailavo. Okati talega kina e so na yavu bibi me vaka na vuku, masu kei na vakabauta. AI VOLA I JEMESA [Ulutaga Ni Veimacawa] 3 E kilai tani o Jemesa e na so tale na ka, ka dolava vei keda e dua na katuba leka me da siqema rawa e so na dredre e ra sotava na Lotu va-Karisito taumada. Sa curu mai e na loma ni lotu na vei vuvutaki, veiqati kei na bula vaka vuravura, ka laurai ni dre ni bula vakaisoqosoqo kei nai tovo vakavanua sa vaka me yaco kina na duidui e na kedra maliwa na Lotu va-Karisito vutuniyau kei ira e ra dravudravua. E da raica talega na kena matanataki na veiraravui levu, e na nona dusia vakadodonu o Jemesa na vakabauta kei na vuku e sega ni va-Kalou ka veivakacalai. E ka bibi vei keda na Lotu kavitu Lesu Vakarua Mai, ni vola i Jemesa e laveta na veivakadeitaki e na vuku ni lesu mai nei Jisu; e vakaraitaka e so na rai bibi me baleta na vunau, na veilewai, kei na Lesu Vakarua Mai. E bau vakaraitaki talega mai o Ilaija, me i vakarau, me da vakadamurimuria. Oqo e vakaibalebale vakalevu vei keda na Lotu Kavitu Lesu Vakarua Mai, ka ni tataunaki vei keda nai tavi me da vakarautaka na sala ki na Nona lesu vakarua mai o Karisito. E da na raica, ni noda lakolako ni vuli e na vula tolu oqo e kovuta na veitabagauna kece ni Lotu va-Karisito, ka wili kina e so na vunau makawa sara, kei na rai me baleta nai otioti ni gauna. O Clinton Wahlen, PhD, e daireketa veivuke ni Biblical Research Institute e na General Conference. E kena dau o koya e na Veiyalayalati Vou kei na kena veiwekani kei na Lotu makawa vaka Jiu. E turaga ni Amerika, ia e bula ka cakacaka mai Rusia, Niusiladi, Peritania kei na Philippines. Na watina o Gina, e cakacaka e na Adventist Review, ka rua na luvedrau, o Daniel kei Heather. AI VOLA I JEMESA [Ulutaga Ni Veimacawa] 4 LESONI 1 Seviteba 27–Okotova 3 O JEMESA, NA TACI JISU YAKAVI NI SIGATABU Wilika Me Vulici E Na Macawa Oqo: Joni 7:2–5; 1Koronica 15:5–7; Jemesa 1:3; 2:5; 1 Pita 2:9, 10; Maciu 7:24–27. Wiligusu: “Dou sa wekaqu, kevaka dou sa kitaka na ka kecega kau sa vakarota vei kemudou.” (Joni 15:14). O keda nikua sa yawa sara mai e na gauna e tekivu kina na Lotu va-Karisito, e na vakasama ni dede ni gauna kei na kena i tovo. Ka da sega ni siqema rawa se vakacava tu na veika e ra sotava o ira na lewe ni Lotu va-Karisito se qai tauyavu vou, ka vuqa e ra sota ka lotu e na veivale, ka levu vei ira e ra Jiu, e ra vakacacani mai vei ira na kai nodra, na Isireli. Nai vola i Jemesa e solia vei keda e dua na rai taumada ni Lotu vaKarisito vaka Jiu, ni bera ni yali yani e na kabu ni veiraravui ni Lotu va-Karisito vaka Jiu, ka bera na nodra vakaduiduitaki na Jiu mai na Lotu nodra na Kai Matanitu E Sau e na karua ni senitiuri me lako yani. E sega ni yaco e dua na leqa se dua na gagadre tubu koso me vakavuna na kena volai nai vola nei Jemesa oqo. Ia e volai vei ira na lewe ni Lotu va-Karisito “e ra sa duiveiseyaki.” (Jemesa 1:1). Ni bera ni da lade yani me da vulica nai vola i Jemesa, e na macawa oqo, e na daumaka me da vulica na veika me baleti koya e volavola. E so na taro e da na tovolea me da sauma o ya: o cei sara mada o Jemesa? Na veika me baleta na nona cakacaka? Na cava na nona sema ni veiwekani kei Jisu? Ka cava na nonai tutu se lesilesi e na loma ni soqosoqo lotu? *Vulica na lesoni oqo ka mo vakarau e na Sigatabu, Okotova 4. AI VOLA I JEMESA [Ulutaga Ni Veimacawa] 5 SADE Seviteba 28 O Jemesa Na Taci Jisu O koya e vola nai vola oqo, e rairai kilai levu e na loma ni soqosoqo lotu baleta ni sega ni dua tale na vakamacala me baleti koya, na kena ga e volai e na Jemesa 1:1: “Koi au ko Jemesa, nai talatala ni Kalou kei na Turaga ko Jisu Karisito sa loloma yani vei ira na yavusa e tinikarua era sa Duiveiseyaki.” Kena i balebale ni rawa vei keda me da biuta vata na ka e kilai me baleti koya. E lewe va e na Veiyalayalati Vou e ra vakatokai e na yaca Jemesa: e lewe rua e rau tisaipeli i Jisu ka wili e na lewe tinikarua (Marika 3:17, 18); sa qai tiko na tamai Jutasa (dua vei iratou na tisaipeli, ia sega ni o Jutasa Isikarioti, Luke 6:16) ka dua e taci Jisu (Marika 6:3). Mai vei iratou na lewe va oqo, o koya ga na taci Jisu e bula balavu ka kilai e na loma ni soqosoqo lotu me rawa vua me vola nai vola oqo. Oqo na vuna e da vakabauta kina ni o Jemesa na taci Jisu e a vola nai vola oqo ka tiki ni Veiyalayalati Vou. Ni luve ni matai (Maciu 13:55), o Jemesa e na levu cake na nona madigi me vuli mai vei ira na gone dravudravua. E na Veiyalayalati Vou, na nona i vola e kilai tani e na vuku ni totoka ni vosa vaka Kiriki e vakayagataki kina. Na sautu ni vosa e vakayagataki, totoka ni vakamacala kei na kilai vinaka ni Veiyalayalati Makawa, e uasivi cake ga vakalailai nai vola vei ira na kai Iperiu. E rairai ulumatua nei Josefa o Jemesa baleta ni volai e liu na yacana, ni volai na yacadratou na taci Jisu. Ia, e na vuku ni Nona tataunaki tinana o Jisu vei Joni, na tisaipeli sa daulomana (Joni 19:26, 27), e vakaraitaka ni oratou na taci Jisu eratou sega ni luvei Meri kece, ia e ratou luvei Josefa mai na watina e liu. Wilika na tikina oqo, ka vakasamataka na veiqaravi nei Jisu: “Ia ni ratou sa rogoca ko iratou na wekana, eratou sa lako mai me ratou tauri koya: ni ratou sa kaya, Sa lialia ko koya.” (Marika 3:21, Joni 7:2–5). Na cava e tukuna vei keda na veitikina oqo me baleta na nodratou rai na lewe ni matavuvale nei Jisu? Na lesoni cava e rawa ni da dreta mai me noda, ke yaco me cala na nodra rai me baleti keda o ira e da lomani ira? “Na nodratou sega ni kila vinaka na nona cakacaka na Mesaia, kei na lailai ni nodratou vakabauta nai tovo vakalomalagi nei Jisu, e vakavuna na nodratou cikevi Koya me vakaraitaki Koya vei ira na tamata e na Solevu ni Vale Vakacevaceva.” Ellen G. White, The Desire of Ages, pp. 485, 486. AI VOLA I JEMESA [Ulutaga Ni Veimacawa] 6 MONITI Seviteba 29 O Jemesa, Na Tamata Vakabauta Wilika na 1 Koronica 15:5–7 kei na Cakacaka 1:14. Na cava e tukuna vei keda me baleta na veisau e yaco vei Jemesa? O Jisu E a rairai vei ira e lewe vuqa e na Nona tucake tale mai na mate ka wili kina o Pita kei iratou “na Tinikarua” (sega ni wili e ke o Jutasa Isikarioti). E rairai vei ira e 500 vakacaca na tamata e na dua ga na gauna. O Jemesa e rairai sega ni wilivata kei ira na lima na drau na tamata, ia o Jisu e rairai vua, ka yaco me dua na sota e talei, baleta ni volai me kilai. E sega ni vakaraitaka na Vola Tabu na ka e yaco e na sota o ya. E tara na bula nei Jemesa na nodrau sota kei Jisu, baleta ni yaco o koya me dua na tisaipeli e muri Jisu e na yalodina ka yaco talega me dua na liuliu ni soqosoqo lotu e kilai. Na cava tale e da kila me baleti Jemesa? Cakacaka 12:16, 17; 15:13, 14, 19; cakacaka 21:17–19; Kalatia 1:18, 19; 2:9. Sega ni bera na nona sa cabeta cake o Jemesa nai tutu ni veiliutaki e na soqosoqo lotu e Jerusalemi. Ni oti na nona sereki Pita mai na valeniveivesu na agilosi (A.D. 44), e vinakata o koya me kila o Jemesa na ka e yaco vua (Cakacaka 12:17). Ni oti e lima na yabaki, sa dabe o Jemesa me liutaka na Matabose e Jerusalemi, ka vakarogotaka talega na vakatulewa ni Matabose. Ni vakaraitaka o Paula na yacadra na “duru ni lotu” e Jerusalemi (Kalatia 2:9) e cavuti Jemesa e liu, ni bera ni cavuta na yaca i Pita kei Joni. Ni oti e vica tale na yabaki (A.D. 58), e na gauna e kumuna mai kina o Paula nai solisoli mai na vei soqosoqo lotu me baleti ira na dravudravua e Jerusalemi, o ira kece na mata mai na vei soqosoqo lotu e ra mai biuta e na yava i Jemesa nai solisoli kecega (Ellen G. White, Sketches From the Life of Paul, pp. 208, 209). E laurai ni ra dokai Jemesa ka raici koya cake na lewe ni lotu e na vica tale na yabaki ni oti na nodratou sa mate ka takali yani na i apositolo. E da kila, ni levu na ka e tukuni me baleta na lotu dina nei Jemesa, ka dua na yaca e kilai tani kina na “Jemesa na Yalododonu.”Dina ga ni tekivu o Jemesa e na nona vakatitiqataka Jisu, ia e yaco me dua na tuwawa vakayalo e na soqosoqo lotu taumada. AI VOLA I JEMESA [Ulutaga Ni Veimacawa] 7 TUSITI Seviteba 30 O Jemesa Kei Na Tukutuku Vinaka E ka ni rarawa, baleta beka nai le nei Luther, e vuqa na Lotu va-Karisito e ra sega ni raica rawa na levu ni tukutuku bibi e tiko e nai vola i Jemesa. E da sega ni vakalailaitaka na veika e cau kina o Luther ki na soqosoqo lotu e na nona gauna, ia me da kakua ni guilecava “ni Veivakavoui e sega . . . ni mai tini vei Luther. E na vakuri tiko me yacova ni sa na sogo na vola tukutuku kei vuravura, ” baleta e so na “cala levu” e ra vakatavulica o ira na Veivakavoui ka vuqa na dina bibi e se bera ni vakatakilai mai.”—Ellen G. White, The Story of Redemption, p. 353. Oqo na vuna e yaco kina na Veivakayadrati Levu e na cakacaka nei Jonathan Edwards, George Whitefield—Jone Wesele kei tacina, ka sucu kina na Lotu Wesele kei na kena vakabibitaki nai vakarau savasava e na bula ni tamata Lotu va-Karisito. Na cakacaka ni veivakavoui e tomani e na basika mai ni Karua Ni Veivakayadrati, ka vakatubura kina na Kalou na Lotu Kavitu Lesu Vakarua Mai me kacivaka “nai tukutuku ni katolu ni agilosi.” Na kacikacivaki oqo i vuravura taucoko e na basika kina nodra vakadinadina o ira e ra vakasinaiti e na Yalo Tabu “e ra talairawarawa ki na vunau ni Kalou, ka ra taura tikoga na vakabauti Jisu.” (Vakatakila 14:12). Wilika na Jemesa 1:3; 2:5, 22, 23; 5:15. Cava na cakacaka ni vakabauta e na veitikina oqo? Na cava e tukuna vei keda me i balebale ni bula e na vakabauta? E vakaraitaka vakacava vei keda ni vakabauta e sega walega ni da vaka io e na noda vakasama me baleta na vei dina e tukuni vei keda? E na ka vakidacala vei keda, ni o Jemesa e vakayagataka na vakasama ni vakadinata kei na vakabauta vaka 19 e na nona I vola lekaleka oqo, ka levu cake mai na kena soqoni vata na vakasama ni cakacaka kei na veivakadonui! E da raica na kena bibi na vakabauta, ni vakoti sara ga e na matai ni wase ni vola, ni semati tiko kei na veika dredre e sotavi kei na kena kerei na loma vuku (tikina 3, 6). Oqo e vakaraitaka ni sega walega ni volavola tiko o Jemesa vei ira na tamata vakabauta, ia e gadreva me tiko vei ira e dua na vakarau ni vakabauta. E da na raica, ni noda vakadinata, ni tu vakataki koya, e sega ni yaga; na vakabauta dina e tiko kina e so na vakadinadina e da rawa ni raica. Ni dua sa vakadinata, sa na kune e nona bula kei nai tovo na vakabauta dina. Na cava o cakava e na veisiga, ka vakaraitaka na vakatagedegede kei na dina ni nomu vakabauta? O na vakaraitaka vakacava na dina ni nomu vakabauta e na “ka lalai? AI VOLA I JEMESA [Ulutaga Ni Veimacawa] 8 VUKELULU Okotova 1 Ki Na Yavusa Tinikarua Sa Duiveisebayaki Wilika na Jemesa 1:1; Cakacaka 11:19–21; kei na 1 Pita 2:9, 10. O cei o ira na “yavusa tinikarua,” ka cava e vakavuna na nodra Duiveisebayaki? Me vaka e da sa raica, o Jemesa e volavola vei ira na vakabauta. Ni tekivu, e vagolei na cakacaka ni kacivaki ni tukutuku vinaka e Jerusalemi (Luke 24:47); ia ni yaco na veivakacacani, sa qai levu cake ni oti na vakaviriki nei Sitiveni, e ra duiveisebayaki na tamata vakabauta, ka vakavuna na kena teivaki na sore ni tukutuku vinaka e na vei koro lelevu kei na vei vanua e kovuta na Matanitu o Roma. E na Cakacaka 11, e vakaraitaka, ni tukutuku vinaka e vunautaki ka ciqomi totolo vei ira na Kai Matanitu i Sau, me tekivu e Anitioki; kena i balebale, “na yavusa tinikarua” e vagolei raraba tiko vei ira kece na Lotu va-Karisito. E sega ni laurai na duidui ni lotu vakamatatamata, ka dua na vuna e vakatulewa kina na Matabose e Jerusalemi, se me ra cilivi na Kai Matanitu i Sau e ra sa vakabauta, me ra wili vaka Jiu (Cakacaka 15:1–6) me yaco rawa me ra Lotu va-Karisito. Wilika na Cakacaka 15:13–21. E walia vakacava o Jemesa na leqa e ra sotava tiko na lotu taumada? Na Vosa ni Kalou e i wali me maroroya ka vakaduavatataka na soqosoqo lotu: o Jemesa e vakayagataka na parofisai nei Emosi, nona vakaraitaka ni nona vakalesui tale mai ka tete yani o Isireli, e ra na wili kina o ira na Kai Matanitu i Sau (Cakacaka 15:16, 17), ka dua na lewa e yavutaki e na lawa i Mosese ka kovuti ira era sa mai tiko vakavulagi (VSoro 18–20). O Jemesa e kacivi ira era wilika na nonai vola me ra “yavusa tinikarua” me vakananumi ira e na nodra kilai tani, ni ra taukei ni vosaniyalayala e yalataki vei Eparama. O Pita e tiko talega vua na vakasama talega oqo, e na nona vakaraitaka ni o ira na Lotu va-Karisito e ra “matanitu savasava” (1 Pita 2:9, Exod. 19:5, 6),ka vosa talega vei ira e ra sa “duiveisebayaki” (1 Pita 1:1). Na vosa vaka Kiriki e vakayagataki e na tikina ruarua na diaspora se duiveisebayaki, ka dau vagolei vei ira na Jiu e ra vakaitikotiko e na taudaku ni yalayala ni vanua o Isireli (raica na Joni 7:35). E dua na soqosoqo lotu e duiveisebayaki? Sa vakataki keda na Lotu Kavitu Lesu Vakarua Mai. Dina ga ni tiko na duidui levu vakamatatamata, tovo vakavanua, kei na duidui ni bula veimaliwai, na cava e vakaduavatataki keda na Lotu Kavitu Lesu Vakarua Mai e na vuku i Karisito, me dua nai kumukumu Ribatani mai na vakavuvuli cala, ka da kilai tani? AI VOLA I JEMESA [Ulutaga Ni Veimacawa] 9 LOTULEVU Okotova 2 O Jemesa Kei Jisu O Jemesa e kalougata ni rawa vua me sarava na bula nei Jisu e na Nona gonelailai, cauravou ka qase cake mai. Ka sa yaco na gauna me sega walega ni vakabauta o Jemesa ni o Jisu na Mesaia, ia e yaco me dua talega na liuliu vei ira na Lotu va-Karisito e Jerusalemi. Ia e da raica, ni o Jemesa e sega ni kacivi Jisu me tacina, ia me “tamata cakacaka” (Jemesa 1:1), nei Jisu. Sa matata e ke, ni o Jemesa sa vulica na yalomalumalumu kei na vuku dina. Ka sega ni ka ni kurabui, ni oqo e tiki ni ulutaga e na vosa kina e na nonai vola oqo (raica na Jemesa 1:9–11, 21; 3:13–18; 4:6–10). Wilika ka dikeva na veitikina oqo ka vola na ka e ra tautauvata kina: Jemesa 1:22 kei na Maciu. 7:24–27 _____________________________________ __________________________________________________________________ Jemesa 3:12 kei na Maciu 7:16 ________________________________________ __________________________________________________________________ Jemesa 4:12kei na Maciu 7:1 __________________________________________ __________________________________________________________________ Sa ciqomi ka kilai raraba na veiwekani voleka e kune e na i vola i Jemesa kei na vakavuvuli nei Jisu, vakabibi na Vunau mai na Ulunivanua. “Na vakavuvuli raraba kece nei Jisu e umani tu e na veika e vakatavulica o Jemesa.”—Peter H. Davids, The Epistle of James (Grand Rapids, Mich.: Eerdmans Publishing Co., 1982), p. 50. Ni da dikeva vakavoleka nai vola i Jemesa kei na Kosipeli e va, e laurai ni sega ni vakararavi o Jemesa e na dua vei iratou. Ia, o Jemesa e volavola e na vuku ni nodrau veiwekani voleka ka veimositi kei Jisu kei na Nona vakavuvuli, E na Nona dau vakauqeti ira na vakarorogo me ra vakabauta ka bolei ira me ra cakacakataka. Ni da vulica nai vola i Jemesa e na vula tolu oqo, e da na raica na salavata e dau veivakavulici kina o Jisu. O Jemesa e sega ni vinakata na vakabauta e malumalumu, sega ni vua, se lomalomarua. E da na raica e na macawa ka tu mai, ni vakabauta e vakasinaita na matai ni wasewase ni vola, ka vakaraitaka o Jemesa ni tovo bibi oqo e yavu bula ni veiwekani kei Karisito. Vakasamataka nai vakarau kei na dina ni nomu vakabauta. E vakacava na kena dina? E vakacava na kena titobu? E vukei iko vakacava mo bulataka na bula va-Karisito? Na cava o rawa ni cakava se digitaka, me vukea nai vakarau kei na titobu ni nomu vakabauta? AI VOLA I JEMESA [Ulutaga Ni Veimacawa] 10 VAKARAU Okotova 3 Kuri Ni Vuli: “O ratou na tacina, e ratou dau kauta cake mai na nodra vakavuvuli na Farisi, ka sa vaka tu nai sulu madra e na kena makawa, ka ratou nanuma me ratou vakavulici Koya E kila na dina taucoko, ka matata tu Vua na veika vuni kece ga. Eratou vosa vakacacana e na galala, na veika kece e sega ni ratou siqema rawa. Na nodratou vosa ni veivakacacani E tara na yalona, ka yaco me lomabibi ka nuiqawaqawa na Yalona. Eratou vakabauta na Kalou, ka ratou nanuma ni ratou vakamarautaki Koya, ia eratou sega ni kila, ni Kalou sa Liatamata ka tiko vata kei iratou. “Na veika oqo e vakavuna me veico vakavotona na sala E lakova o Koya. E mosi dina vei Karisito na vakavuvuli kei na vakadewa cala me baleti Koya e na loma ni Nona matavuvale, ka sa yaco me dua na vakacegu Vua me lako e na vanua e sega kina.”—Ellen G. White, The Desire of Ages, p. 326. Taro Ni Veiwasei: 1. Nai vola i Jemesa e vola dusidusi ni bula va-Karisito. E rawa ni matai ni vola e volai e na Veiyalayalati Vou (lomanibai ni A.D. 44 ki na 49). E sega walega ni vakavulici keda me baleta na Kalou, e tukuna talega vei keda na sala me da bulataka rawa kina na bula va-Karisito. Na cava e bibi kina na noda bulataka na ka e da vakabauta, mai na noda vakabauta walega? Se bibi cake na ka e da vakabauta mai na noda bulataka na vakabauta o ya? O cei e vinaka cake: e dua e vakatabuya vakaoti na Siga Sade se dua e sega ni maroroya vinaka na Siga ni Vakacecegu e na kavitu ni siga ka sega ni okata me ka bibi? 2. Me vaka e da sa raica oti e na Siga Moniti, o Jemesa e taci Jisu. E rawa ni da kaya, ni dina ga ni Kalou o Jisu, E bulia na ka kecega, ka sa mai liatamata, me wili me dua vei keda, ka tu talega o ira na tacina. E vukei keda vakacava na vakasama veivakurabuitaki oqo, e na noda kila rawa na sala sa mai semati kina na vuravura sa bale oqo kei lomalagi? Na cava e tukuna vei keda me baleta na sala e bolea me muria na Kalou me rawa ni vakabulai keda? E vukei keda vakacava me rawa ni da qaqa mai na valavala ca, na Nona sa mai liatamata o Karisito? E vakadeitaka vakacava vei keda, ni kila vinaka na Kalou na veika dredre e da lako curuma, na liatamata nei Karisito? 3. E na macawa oqo e da rogoca ni yalomalumalumu e dua na ulutaga e nai vola i Jemesa. Na cava e sa rui bibi kina na yalomalumalumu e na bula va-Karisito? Mai na rarama e cilavi keda mai na Kauveilatai kei na veika e yaco kina, e rawa vakacava me kune vei keda na vakarau ni vakasama ni bula dokadoka kei na nanumi koya vakaikoya, vakabibi e na veika vakayalo? AI VOLA I JEMESA [Ulutaga Ni Veimacawa] 11 LESONI 2 Okotova 4–10 ME VINAKA SARA NA NODA VAKABAUTA YAKAVI NI SIGATABU Wilika Me Vulici E Na Macawa Oqo: Jemesa 1:2, 3; 1 Pita 1:6, 7; Filipai 3:12– 15; Jemesa 1:19–21; Luke 17:5, 6; Luke 12:16–21. Wiligusu: “Ka me da vakaraici Jisu, o koya sa vakatekivuna ena vaka vinakataka sara na noda vakabauta; o koya, e na vuku ni marau sa viritu e matana, sa vosota na kauveilatai, ka sa sega ni madua ni sa vakalialiai kina, a sa qai tiko sobu ko koya e na liga i matau ni tikotiko-vakaturaga ni Kalou.” (Iperiu 12:2, NIV 1984). E vakamacalataka e dua na daucakabati sui na vuna e savasava ka kaukauwa vinaka tu ga kina na bati e bulia. “Au sega ni vakataki ira tale e so na dauveicavubati, e sega ni dau leqa na batisui au bulia ni dau lesu mai e na kena vale ni buli batisui. Ni’u bulia na batisui e vinaka sara, e na lesu ga mai na batisui e vinaka sara.” Na daucakabati oqo e sega ni leqataka na bati e sa caka oti. E vagolea na nona kila kei na maqosa ni nona cakacaka e na nona tekivuna na kena buli na batisui. Sa vakakina o keda na Lotu va-Karisito, e sega ni dodonu me da lomaleqataka se na vinaka beka se sega, na nodai tovo ni mai cava na bula. Oqori na cakacaka ni Kalou. Na nodai tavi me da “ia ga nai valu vinaka ni vakabauta” (1 Timoci 6:12) e na noda vakaraici Jisu matua, “o Koya e vakatekivuna ka na vakavinakataka sara na noda vakabauta.” Na mataqali vakabauti Karisito vakaoqo, e vakavuna me rawa Vua me cakacaka e lomada, “me vaka na nona lewa vinaka, mo dou nakita ka kitaka talega” (Filipai 2:13) ka me vakaotia na cakacaka vinaka sa tekivuna (Filipai 1:6). Ni sega na vakabauta, sa rawa ni da vakadrukai rawa tu baleta ni da na nuitaki keda ga ka sega ni nuitaki Koya. O Jisu E kaya, “Sai koya oqo na cakacaka sa vinaka vua na Kalou, mo dou vakabauti koya sa tala mai o Koya” (Joni 6:29). O Jemesa, e na vukei keda me da kila na dina bibi vakayalo oqo. * Vulica na lesoni oqo, ka mo vakarau e na Sigatabu, Okotova 11. AI VOLA I JEMESA [Ulutaga Ni Veimacawa] 12 SADE Okotova 5 Na Vakabauta E Tudei Wilika na Jemesa 1:2, 3; 1 Pita 1:6, 7; 4:12, 13. Na cava na vakarau ni vakasama nei Jemesa kei Pita ni sotavi na veika dredre? E rawa vakacava me da bulataka nai vakasala vaka Vola Tabu oqo? Sega ni dua vei keda e taleitaka me kune rarawa; ke rawa, e da na saga me da levea. Na vosa vaka Kiriki e na tikina 3, me baleta na kena vakatovolei na noda vakabauta na dokimion. E kena i balebale, na kena vakatovolei na ka dina ni dua na ka. O Pita e vakatautauvatataka na vakatovolei oqo ni noda vakabauta kei na kena vakasavasavataki na koula e na bukawaqa; dina ga ni da na sega ni marautaka, na Kalou e nuitaka ni na vinaka na ka e na basika kina. Na veika dredre e da sotava e sega ni dodonu me vakayalolailaitaki keda; baleta ke da yalodina tiko, e da na “qai lako mai me vaka na koula” (Jope 23:10, Vakaibalebale 17:3). O koya gona me da reki ni basika mai na veika dredre, vakabibi ke vakatovolei kina na noda vakabauta, ni kaya o Jisu:“dou reki, ka marau vakalevu: ni sa levu na kenai sau vei kemudou mai lomalagi” (Maciu 5:12). Kenai kuri, na veika dredre e da sotava, e vakatitobutaka na noda vakavinavinakataka na levu mai vosota o Karisito e na vukuda. Na 1 Pita 4:13 e kaya ni vukei keda me da vakaivotavota e na veika rarawa e sotava o Jisu. Kena vakalekaleka, e dodonu me da rai basikata na veika dredre kece e da sotava ka raitayaloyalotaka nai tinitini ni ka e vinakata na Kalou me yaco vei keda. Oqo na vanua e curu mai kina na vakabauta. E dodonu me da vakadinata na Tamada dauloloma, vakararavi E na Nona vuku, ka cakava na ka E kaya na Nona Vosa. Sa rawa vei keda me da vakararavitaka na noda veisiga ni mataka Vua (Roma 8:28). Me matata vei keda, e na vakabauta duaduaga, e na noda kila vakaikeda na loloma ni Kalou, kei na noda bulataka na noda vakabauta e na rarama ni loloma o ya, e na vakavuna me rawa ni da reki, ni da curuma na veika dredre. E na Jemesa 1:3, na ka me taukeni e na vuku ni vakatovolei ni noda vakabauta na “dauvosota.” Na vosa vaka Kiriki na hypomonē, e rawa ni vakadewataki me “vosota vakadede” se “tabu soro.” Na vosa na hypomonē e vagolei ki na ka e tudei mai vei ira na ka kece, baleta ni vakacegu tu e na nuinui ni Nona otioti ni veisereki na Kalou (raica na Luke 21:19). Sa dua mada ga na ka me da yalodina Vua na Kalou ka tatakube tiko Vua e na gauna ni dredre. Ia e tukuni me da “reki” ni da curuma na dredre. Sa rui sivia beka na ka e kerei tiko e ke vei keda? E da na vulica rawa vakacava me da reki, ni reki nai otioti ni ka e tu ena noda vakasama ni sotavi na veika dredre? AI VOLA I JEMESA [Ulutaga Ni Veimacawa] 13 MONITI Okotova 6 Vinaka Sara Wilika na Jemesa 1:2–4. Raica na kena kabakaba: vakabauta, vakatovolei, dauvosota, vinaka sara. O Jemesa e tekivu e na vakabauta baleta ni oqo na yavu ni bula dina va-Karisito. Qai vakuria nona kaya ni gadrevi na veivakatovolei me laurai kina na dina ni noda vakabauta. Tinia o koya nona kaya ni veika dredre e vakavulici keda me da vosota vakadede, ka me da kakua ni vakidacalataki se rawai keda ke yaco tale. Na Nona i naki na Kalou “mo dou vinaka taucoko sara kina, me kakua na ka e yali” (Jemesa1:4). Sa cecere dina na tukutuku oqo. Na vosa vinaka sara (teleios), e kenai balebale na matua vakayalo, na vosa taucoko (holokleros) e vagolei ki na dua na ka e taucoko e na veiyasana kecega. Sa dina sara, ni rawa ni da vakaikuritaki mai Vua na Turaga, ke da vakamatea na au ka vakatarai Koya me cakacaka e lomada “me vaka na Nona lewa vinaka, mo dou nakita ka kitaka talega” (Filipai 2:13). Wilika na Efeso 4:13 kei na Filipai 3:12–15. Na vakarau ni vakasama cava me baleta na “vinaka sara” e vakauqeti vei keda na Lotu va-Karisito me da taukena? Me vakataki Paula, o ira e ra muri Karisito e ra tovolea me ra vakadamurimuria na bula sega ni nanumi koya vakaikoya, kei na loloma veisorovaki e kune vua na nodra i Liuliu. Ia e na sega vakadua ni basika mai na vakasama “ni da sa rawata” se e da sa “vinaka sara.” Mo raica talega e na veitikina oqo, na kena vakabibitaki kina na veisiga ni mataka. O Paula e dusia tiko na ka sa tu mai e liu ka yalataki vua mai Vua na Kalou e na vuku ni vakabauti Jisu. E na sega vakadua ni dua na gauna e na noda bula vaKarisito me da rawa ni kaya, “au sa vinaka sara,” vakabibi e na noda i tovo. (O sa bau dikeva, ni o ira era kaya ni ra sa “vinaka sara” e ra dau vakadonui ira ka dredre na veimaliwai kei ira?) O keda e vaka e dua na droini; e rawa ni vakavinakataki, ka sa yalataka na Kalou ni na cakava vakakina, ke da gumatua tiko e na vakabauta, ka da sorovaka noda bula ka vakararavi ka talairawarawa Vua e na veisiga. Ke o mate e na gauna saraga oqo, o sa vinaka tu mo na vakabulai? Se, ke o a mate e na macawa rua sa oti e na gauna o ciqomi Jisu kina, o sa na bau vinaka tu mo na vakabulai? O kila ni loma ni vula ono e tu mai e liu, o sa na vinaka cake kina? Na cava e tukuna vei iko nai sau ni nomu taro me baleta na nomu gadreva na sulu ni yalododonu e vinaka sara nei Karisito, se vakacava nai tuvaki ni “vinaka sara” o sa rawata? AI VOLA I JEMESA [Ulutaga Ni Veimacawa] 14 TUSITI Okotova 7 Kerekere E Na Vakabauta Wilika na Jemesa 1:5, 6. E duidui vakacava na vuku mai na kila ka? Nai sema cava e cakava o Jemesa me baleta na vuku kei na vakabauta? E vaka me veicalati na ka e tukuna o Jemesa, “Ke dua vei kemudou e lailai vua na vuku.” E dua beka vei keda e kila ni sinai tu e na vuku? O Solomoni vakaikoya, e na nona kila na ka e gadreva, e kerea “na yalo sa vuku…me’u kila na ka vinaka kei na ka ca?” (1Tui 3:9). Qai vola e muri: “A rerevaki Jiova na vu ni vuku” (Vakaibalebale 9:10). E da dau nanuma ni vuku sai koya na ka e da kila. E vakaraitaka vakacava na veitikina oqo na yasana kadua ni vuku dina? Jemesa 1:19–21; 2:15, 16; 3:13. Na Vosa Vakaibalebale kei Jemesa e rau vakamacalataka ni vuku e dua na ka e laurai: e sega ni ka e da kila ia nai vakarau ni noda bula. Dua na kena i vakaraitaki, na noda “kusarawa yadua me vakarorogo, mo dou berabera ga ni vosa” (Jemesa 1:19). O Plato e kaya, “E ra vosa na tamata vuku ni tiko na ka e ra via tukuna; o ira na lialia, baleta ni ra via kaya e dua na ka.” E rawa ni da kaya, ni rawa vei keda me da taukena kece na kila ka e solia o vuravura, ia e na lailai vei keda na vuku dina. Sa dodonu, baleta ni Kalou na vu ni vuku dina kecega, ka da taukena na vuku e na noda vakarorogo Vua—wilika na Nona Vosa ka da taura na gauna me da vakananuma na bula i Karisito, “ o koya sa cakava na Kalou me vu ni vuku vei keda” (1Koronica 1:30). Noda vulica me da seraka na i tovo i Karisito e na noda bula, e da sa bulataka na dina e kune vei Jisu. Oqo na vuku dina. Wilika tale mada na Jemesa 1:6. E dodonu me da kerekere e na vakabauta ka me kua na vakatitiqa. E dredre beka e na so na gauna? O cei vei keda e sega ni dau vakatitiqa e na so na gauna? Ni yaco oqo vei keda, sa ka bibi me da masu ka dabe na noda vakasama e na vei yavu kece e da teivaka tu kina na noda vakabauta: na talanoa me baleti Jisu, na vei parofisai e na Vola Tabu, kei na veika sa yaco oti vei keda. E na vukei keda vakacava na ka oqo me rawa ni vakamalumalumutaka na vakatitiqa e basika cake mai? AI VOLA I JEMESA [Ulutaga Ni Veimacawa] 15 VUKELULU Okotova 8 Na Yasana Kadua Ni Vakabauta Wilika na Jemesa 1:6–8. Na cava e tukuna tiko o koya vei keda e ke? Na vosa e vakadewataki me “vakatitiqa” e vagolei vua e dua e wase rua tu na lomana: oqo e vukei keda me da kila na kena sema ki na vosa na lomalomarua. E da raica na kena vakaraitaki mai Ketesa-Parinea. Sa tu vei Isireli na digidigi e kea: me ra toso i liu e na vakabauta se ra vukitani mai Vua na Turaga. Ka ni kurabui, ni ra digitaka na vuki tani ka ra vinakata me ra lesu tale ki na bobula i Ijipita. Ni takoso mai na Kalou ka vosa vei Mosese ni ra na mate e lomaniveikau, sa ra qai “vakadinata” o ira na tamata! E ra kaya, “keimami na lako cake ki na vanua ka yalataka ko Jiova: ni keimami sa kitaka na ka ca.” (TVLekutu 14:40). “Sa vaka me ra veivutunitaka dina na nodra valavala ca; ia e ra rarawa baleta nai sau ni nodra valavala ca ka sega e na vuku ni nodra sega ni vakavinavinaka kei na talaidredre. Ni ra sa kunea ni sega ni veisautaka na Turaga na Nona lewa, sa tubu tale na nodra vakatulewa e loma, ka ra vakaraitaka ni ra na sega ni lesu tale ki na lomaniveikau. Na Nona vakasalataki ira me ra lakotani mai na nodra vanua na nodra meca, na Kalou e vakatovolei ira e na nodra mai soro Vua, ka vakadinadinataka ni sega ni ka dina.”—Ellen G. White, Patriarchs and Prophets, p. 391. Wilika na Luke 17:5, 6. Na cava e tukuna tiko vei keda o Jisu me baleta na vakabauta? O Jisu E kaya ni vakabauta e vaka na sore ni mosita e ka levu, e na gauna e ratou kerei Koya kina na tisaipeli me vakalevutaki na nodratou vakabauta. Na ka e bibi, se sa bula ka tubu tiko na noda vakabauta, ka na rawa me na yaco duadua ga e na noda vakayagataka na noda vakabauta e na noda tatara yani ka vakararavi Vua na Kalou e na veigauna kece. Ia na vakatitiqa e dau vakalatilati e na so na gauna. Na vuravura oqo e vakacuruosotaki keda e na levu ni vakatitiqa kei na tawa vakabauta; ka sega ni dua e galala kina. Na ka eda rawa ni cakava, o ya me da masu me rawa ni da lako curuma, ka da nanuma na Nona yalodina na Kalou e na veigauna sa oti, ka da vakararavi Vua e na veisiga ni mataka. Na cava so na ka o vakila ka vakavuna na nomu bula e na vakabauta na Kalou, nomu vakararavi Vua kei na Nona vosaniyalayala? Vakasamataka, tugana e yalomu, ka na tubu na nomu vakabauta. AI VOLA I JEMESA [Ulutaga Ni Veimacawa] 16 LOTULEVU Okotova 9 O Ira Na Vutuniyau Kei Na Dravudravua E nai vola lekaleka oqo, e vakaraitaka o Jemesa na nona kauwaitaki ira vakalevu na tamata dravudravua; ka so e ra nanuma ni oqo na ulutaga levu e na nona i vola. Ia e na daligadra na bula nikua, na ka e tukuna me baleti ira na vutuniyau kei na nona tokoni ira na dravudravua, e vaka me sivia ka da kurabui kina. E na gauna vata o ya, o Jemesa e sega ni duidui na ka e kaya, mai na vosa e vosataka o Jisu. Vakatautauvatataka na: Jemesa 1:9–11 kei na Luke 8:14; na Jemesa 1:27 kei na Maciu 25:37–40; na Jemesa 2:15, 16 kei na Luke 10:29–37; na Jemesa 5:1–4 kei na Luke 12:16–21. Na cava na tukutuku e tiko kina me noda? Na vakasala kei na vei tataunaki cava e rawa ni da taura me noda, mai na veika e vakaraitaki vakamatata e ke? O Jemesa e sega ni sogota na katuba ni matanitu ni Kalou vei ira kece na tamata vutuniyau. Ia me vakataki Jisu, E kila vinaka na veitemaki kaukauwa e tu e na i yau. Se da vutuniyau se dravudravua, e dodonu me da coba tiko na matada ki na i cocovi dina. Na leqa levu e tiko e nai lavo, sai koya ni dau vakacalai keda me da vakanamata ki na veika e sega ni tudei ka da calata na ka e tawamudu (2Koronica 4:18). E sega ni vakataratutu, na kena rawati nai yau, na vuli torocake, se na veimaliwai kei ira na vakaicaqe e dau tawasea na tamata mai vei ira e ra “sega so ni rawa ka.” Ia na soqosoqo lotu taumada e vakaduavatataka na kalasi e rua e na nodra vukica vakatoboicu na veika e okati me bibi vakavuravura. O koya e taura nai tutu duadua e ra, na bula ni yalomalumalumu, sai koya na tamata e dodonu me lagilagi na nona vakacaucautaki. “Na balavu ga ni nodra tiko e na vuravura ni Kalou o ira na viakana me ra vakani, o ira na luvawale me ra vakasulumi, kei na yalo e ra vakarusai e na nodra vinaka tu na madrai kei na wai ni veivakabulai, na vakayagataki ka e sega ni yaga, na vei vuabale ni lavo e rawati, e vakamamasu me ra sotavi na dravudravua kei na luvawale.”—Ellen G. White, Welfare Ministry, p. 269. Vakacava o iko? Se o vutuniyau se dravudravua, e sega ni ka bibi; na ka bibi na nomu veiwekani kei nai lavo. Na cava sara mada na ka me baleta nai lavo e ka vakarerevaki ki na yaloda? AI VOLA I JEMESA [Ulutaga Ni Veimacawa] 17 VAKARAU Okotova 10 Kuri Ni Vuli: “Na Kalou e vinakata vei ira na Nona tamata me ra kila ka dikeva na nodra dui bula. Me rawa vei ira me ra vakila nai tuvaki dina ni lomadra, E vakatara me yaco vei ira na bukawaqa ni veivakatovolei, me rawa ni ra vakasavasavataki. Na dredre e sotavi e na veisiga, sa yaco me Nona tamata cakacaka na Kalou me savata na dukadukali, malumalumu, kei na voravora mai na noda i tovo ni bula, me rawa ni da vakarautaki me veimaliwai kei ira na savasava, na agilosi serau mai lomalagi. E na gauna e da sa lako curuma kina na veika dredre, ka sa lutumi keda na bukawaqa ni veivakatovolei; sa dodonu beka me vakaraica matua na ka e tawa kune, e na veika tawamudu e da na taukena, na bula e sega ni vakaicavacava, na ka e uasivita na veika kece e kilai rawa? Ia ni da vakayacora na ka oqo, e na sega ni vakarusai keda na bukawaqa, ia e na kauta laivi na veika e tawa yaga, ka da na lako mai ni da sa vakasavasavataki vakavitu, ka laurai vei keda nai tovo Vakalomalagi.”—Ellen G. White, The Advent Review and Sabbath Herald, April 10, 1894. Taro Ni Veiwasei: 1. O cei so e ra volai e na Vola Tabu e vakauqeti iko ni o sotava na veika rarawa? O sa vulica mo reki tiko ni o sotava na veika dredre? Ke io, wasea vei ira na lewe ni nomu kalasi na ka e vukei iko mo rawata. E na gauna vata o ya, ke o sega tiko ni rawa ni reki e na gauna ni rarawa, wasea talega e na nomu kalasi (ke rawa vei iko mo wasea). 2. Dabe mada e na vakasama ni vuku dina e sega walega ni kila ka e na noda vakasama, ia na ka e da cakava e na vukui Karisito e na vakabauta. E na gauna vata o ya, cava na vuna e sega ni kena i balebale oqo ni sega ni ka bibi na kila ka ni vakasama? Rawa vakacava me vakaleqa na noda lako vata kei na Turaga ke cala nai vakavuvuli e da vakabauta? 3. E dua na cauravou e tiko e dua na nonai tokani ka curuma vakalevu na veika dredre. Dina ga ni ka mosimosi vua na nona sarava tiko na veika dredre e curuma tiko na nonai tokani, e raica rawa ni sa tekivu me tubu cake na nonai tokani e na loloma. Ni oti na veika dredre, sa veisau vakaoti na nonai tokanime vinaka cake! Na cava o vulica mai na veika dredre o sotava ka sa vukei iko vakayalo? Tarogi iko mada, e rawa beka ni dua tale na sala me vakavulici au? 4. Na cava o rawa ni tukuna vua e dua e vaka me dina tu e na nona vakabauta, ia e vakatusa, ni so na gauna e vesuki koya na vakatitiqa? O na vukei koya rawa vakacava? AI VOLA I JEMESA [Ulutaga Ni Veimacawa] 18 LESONI 3 Okotova 11–17 VOSOTA NA VEITEMAKI YAKAVI NI SIGATABU Wilika Me Vulici E Na Macawa Oqo: Jemesa 1:12–21,Same 119:11, Vakatekivu 3:1–6, Taito 3:5–7, Roma 13:12, Efeso 4:22. Wiligusu: “Sa kalougata na tamata sa vosota ni sa vakatovolei, io, ni sa vakatovolei oti, ena rawata nai sala ni bula o koya sa yalataka na Turaga kivei ira sa lomani koya.” (Jemesa 1:12). E da sa tovolea kece. E da yalataka ni da na sega ni bale ki na veitemaki, ia e na katakata ni veiraravui, sa waicala na noda vakatulewa—ka da cudruvi ka maduataki keda —noda sa bale ki na valavala ca. So na gauna e vaka ni levu ga ni noda vakanamata me da kakua ni valavala ca, na levu ni noda vakila ni sega vei keda na kaukauwa me da qaqa mai na veitemaki, ka vaka me sega na noda nuinui. E da taroga se da sa vakabulai se sega. E vuqa vei keda na Lotu va-Karisito e da dau vakasamataka na noda vakabulai, vakabibi ni da dau bale ki nai valavala ca. Me da kua ni yalolailai, baleta ni rawa ni noda na qaqa e na veitemaki kece e dau coriti keda vakarawarawa. Sega ni dua vei keda, se vakacava na levu ni valavala ca e da bikai tu kina, e sega na nonai nuinui, baleta ni o Koya na “Tama ni rarama” (Jemesa 1:17) e levu cake mai na noda malele ki nai valavala ca, ka E na Vukuna duaduaga kei na Nona Vosa e rawa kina vei keda me da qaqa. Oqori na i tukutuku mai na veitikina e da na vulica e na macawa oqo. Na veitemaki e ka dina, e ka dina talega nai valavala ca, kei na kena valuti na au e ka dina. Ia na Kalou E ka dina talega, ka E na Vukuna sa rawa vei keda me da qaqa mai na veitemaki e bucini mai lomada, ka tu vakarau me vakaqiqici keda. * Vulica na lesoni oqo, ka mo vakarau e na Sigatabu, Okotova 18. AI VOLA I JEMESA [Ulutaga Ni Veimacawa] 19 SADE Okotova 12 Na Wakatu Ni Veitemaki Wilika na Jemesa 1:13, 14. Na cava e ka bibi kina Vua na Kalou me kakua ni temaka e dua na tamata? E vu mai vei na veitemaki, ka vukei keda vakacava na noda kila na vanua e vu mai kina, e na noda veiraravui kei na valavala ca? O Jemesa e tukia vakabibi na vakasama ni veitemaki. Na Kalou E sega ni vu ni ca, ka sega talega ni vu ni veitemaki. Na ca vakaikoya e vu ni veitemaki. Na tikina oqo e vakamatatataka ni leqa e bucini e lomada, ka oqo na vuna e dredre me vorati. Sa da raica eke, ni kena valuti nai valavala ca e tekivu e na vakasama. E levu vei keda e da na sega ni via rogoca, ia na ka dina, ni o keda ga e da digitaka me da valavala ca. E sega ni dua e vakasaurarataki keda (Roma 6:16–18). Na gagano ca, na veika e da malele kina kei na ka e dreti keda e vesuka na noda vakasama. O Jemesa e vakayagataka na vakasama ni dauvakasasa kei na dausiwa e na Jemesa 1:14, me vakamacalataka nai dre ni lomada. Na noda garogaro ca e vecei ka bacani keda, ka gauna e da vakalaiva me rawai keda, e da sa tacori e na kena batinisiwa. Wilika na Efeso 6:17, Same 119:11, kei na Luke 4:8. Na vakasama cava e da raica e na veitikina taucoko, ka veiwekani vakacava kei na sala e rawa ni da qaqa kina mai na veitemaki? E na veitikina e nai vola i Jemesa, e matata kina nona tawasea na valavala ca mai na veitemaki. Na noda temaki mai loma e sega ni valavala ca. O Jisu vakaiKoya E a temaki. Na leqa e sega ni tiko e na veitemaki vakaikoya, ia e na sala e da sotava kina. Na noda taukena na yago e sa bale tu e nai valavala ca, e sega ni valavala ca vakaikoya; ia na noda vakatara ga na yago sa bale oqo, me lewa na noda vakasama ka vakatulewa e na noda digidigi. Oqo na vuna e da gadreva kina na vosaniyalayala e kune e na Vosa ni Kalou, ka solia vei keda na veivakadeitaki ni qaqa, ke da okata ka taura me noda ka tatakube kina e na vakabauta. Dabe e na vakasama ni valavala ca e noda digidigi. (Ke sega ni noda na digidigi, ia qai rawa vakacava me da beitaki ni da vakayacora? Na cava e so na ka eda rawa ni cakava e na veisiga, me vukei keda me da kakua ni digidigi cala? AI VOLA I JEMESA [Ulutaga Ni Veimacawa] 20 MONITI Okotova 13 Ni Kunekune Na Garogaro Ca Wilika tale mada na Jemesa 1:13–15. Na gauna cava sa qai yaco kina me valavala ca na veitemaki? E vuqa na vosa vaka Kiriki e vakayagataki e na veitikina oqo me vakamacalataka na kena kunekunetaki na valavala ca, ka ra sema kece ki na vakasama ni vakasucu. Ni karoni tiko e dua na gagadre ca, sa “kunekunetaki” na i valavala ca, me vaka ga e dua na gonelailai e na kete i tinana. “ Na valavala ca, ni sa tubu me taucoko, sa vakasucuma na mate”(Jemesa 1:15, na nona vakadewa o koya e vola na lesoni oqo). Na yaloyalo oqo e veicalati. Na cakacaka e dodonu me basika kina na bula sa yaco kina na mate (raica na Roma 7:10–13). Na valavala va, me vaka na kenisa, e taura na lewa ka vakarusai koya e susuga. E da kila kece na veitalanoa oqo, ka ni o keda kece e da sa sotava na vakacaca ni valavala ca. Na yaloda e sinai tu e na ca, ka da sega ni rawa ni veisautaka. Wilika na Vakatekivu 3:1–6. Na ka e sotava o Ivi e vakaraitaki vakacaca ni veiraravui kei na valavala ca. Cava so na kabakaba e liutaki koya me valavala ca? E na kena wakatu, na valavala ca e tekivu e na noda sega ni vakadinata na Kalou. O Setani, e vakayagataka na sala vata ga e vakacalai ira kina e dua nai katolu na agilosi (Vakatakila 12:4, 7–9), e na nona teivaka e na vakasama nei Ivi na vakatitiqa me baleta nai tovo ni Kalou (Vakatekivu 3:1–5). Na nona toso voleka yani ki na vunikau vakatabui e sega ni valavala ca, ia na nona betia ka kania e valavala ca. Na vakasama cala sa vaka me liu taumada ni bera vakayacora na valavala ca (Vakatekivu 3:6). Sa ciqoma me nona na vakatutu nei Setani. Na valavala ca e dau tekivu kece e na vakasama. Me vakataki Ivi, e na rawa ni da vakasamataka na “veika vinaka” e da na rawata kina. Sa tekivu me veiliutaki na noda vakanananu kei na noda gagadre. Sa da kania na baca ka da yaviti e na valavala ca. Sa vakavuqa na noda dau kidroa se yaco vakacava. E rawarawa na kena i sau: o keda ga e da vakatara me yaco. E sega ni dua e suguraka vei keda me da valavala ca. “Na masu mai na vu ni yaloda kei na vakabauta e bula, e na rawa kina vei keda me da vorata na gasau vidi nei Setani, ka maroroi na yaloda me savasava. “Na veitemaki levu duadua e sega ni ulubale ni valavala ca. Se vakacava na levu ni veitemaki me colata na yaloda, na talaidredre e noda vakatulewa. E sega ni kaukauwa nei vuravura se eli me biligi keda me da valavala ca. Na lewa e loma e dodonu me vaka io, ka me tokona na yaloda, baleta ni ka o taleitaka e na sega ni uabaleta na vakatulewa ni nomu vakasama, se na valavala ca me qaqa vua na yalododonu.”—Ellen G. White, “Christian Privileges and Duties,” Signs of the Times, October 4, 1883. AI VOLA I JEMESA [Ulutaga Ni Veimacawa] 21 TUSITI Okotova 14 Nai Solisoli Yaga Ka Vinaka Sara “Dou kakua ni cala, oi kemudou na wekaqu lomani. Sa lako maicake nai solisoli vinaka kecega kei nai solisoli kecega e yaga sara, a sa lako sobu mai vua na Tama ni rarama, a sa sega vua na veivukiyaki, se yaloyalo ni veigoleyaki.” (Jemesa 1:16, 17). Dina ga ni vakasucuma na mate na valavala ca, na Kalou na i vurevure ni bula. O Koya na “Tama ni rarama” (Jemesa 1:17), ka vagolea na noda rai ki na Veibuli (Vakatekivu1:14–18). Na Kalou e solia vei keda na sucu vou, ka oqo e dua nai solisoli levu e noda “mai cake” ( Jemesa1:17kei na Joni 3:3). Me vakataki Paula, nona vakatoka na veivakabulai me rawati e na vuku ni loloma ni Kalou (Roma 3:23, 24; Efeso 2:8; 2 Timoci 1:9), o Jemesa e na Jemesa 1:17 e vakatoka na veivakabulai me i “solisoli.” E da raica, ni tikina e tarava e vakamatatataka o koya ni veivakabulai, na sucu vou, e yaco e na vuku ni Nona i naki kei na Nona lewa e loma vei keda: “Sa vakatuburi keda ko koya e na nona lewa ga e na Vosa ni dina”(Jemesa 1:18). Kena i balebale, ni Kalou e vinakata me da vakabulai. E Nona lewa e loma, ni bera mada ga ni buli na tamata, me noda na veivakabulai kei na bula vou E na Vukuna, e na siga nikua kei na veigauna tawamudu. E vakatautauvatataki vakacava na vakamacala nei Jemesa me baleta na sucu vou, kei na vakamacala nei Paula kei Pita? Raica na Taito 3:5–7, 1 Pita 1:23. O Jisu, Paula, Pita kei Jemesa eratou sema na vakasama ni veivakabulai kei na sucu vou. Na Nona i naki na Kalou E na Nona tuvatuva ni veivoli lesu, me semata lesu na tamata sa yali ka buturaki e na valavala ca kei lomalagi. Na tawase e yaco, e titobu ka rabailevu ka sega ni dua na ka e rawa ni cakava na tamata me semata lesu. Na Vosa duaduaga ni Kalou sa mai liatamata, o Jisu, E rawa ni semati lomalagi tale kei vuravura. Na Vosa sa ceguvi vakalomalagi (2 Timoci 3:16) e rawa ni ceguva na bula vakayalo vei ira e ra dolava na yalodra me ciqoma na i solisoli. Kena vakalekaleka, na “Tama ni rarama” e lomani keda vakalevu, ka dina ga ni sega ni dodonu me da lomani, E solia vei keda “nai solisoli yaga ka vinaka sara” (Jemesa 1:17), ka solisoli vinaka duadua o Jisu kei na sucu vou E solia. Na solisoli cava e soli vei iko mai cake? Cava e bibi kina na noda vakasamataka vakabibi? Cava e na yaco ke da sega ni taura vakabibi? AI VOLA I JEMESA [Ulutaga Ni Veimacawa] 22 VUKELULU Okotova 15 Berabera Ni Vosa Wilika na Jemesa1:19, 20. Na tikina bibi cava e vakaraitaki e ke? E kaukauwa na Vosa ni Kalou. Ia, e vakatalega kina na vosa ni tamata. Sa vakavica na noda tauca tu e so na vosa ka da qai veivutunitaka e muri? E ka ni rarawa, ni noda kila na mosimosi ni vosa e dau tau, kei na kena rerevaki ni dua e cudru, e sega ni vukei keda me rawa ni lewai keda vakavinaka. Ni da biu tu ga vakaikeda, e na sega dina ga ni rawa ni da veisau. Oqo na vuna e dodonu kina me da vakarorogo vakalevu Vua na Kalou ka laivi Koya me cakacaka e lomada. “Ni sa galu na veidomo kecega, ka da vakagagalu e na noda waraki Koya, na vakagagalu ni yaloda e na makaresese mai kina na domo ni Kalou. E vakananumi keda, “Mo tu vakadua, ka mo kila ni o Au na Kalou.”—Ellen G. White, The Ministry of Healing, p. 58. Ni da dikeva, e dau yaco na leqa ni da sega ni vakarorogo Vua na Kalou ka da sega ni rogoci ira e ra vakasalataki keda. Se da tiko e vale, vanua ni cakacaka, se valenilotu, e dau basika na veiba ni sa leqa na vakarorogo. Ni yaco ka na oqo, sa na kaukauwa vakalailai na veitalanoa ka sa tekivu me tubu cake mai na cudru. Na qakilo sisisi ni veivosaki ca vakaoqo, me vaka ga garogaro ca ni yaloda e na Jemesa 1:14, 15, e na sega ni rawa ni kune kina na yalododonu ni Kalou. Oqo na vuna e biuti rau vata kina na yalododonu ni Kalou kei na cudru ni tamata o Jemesa. Na levu ga ni noda vakararavi ki na veika e vure cake mai e na noda bula ni tamata valavala ca oqo, sa vakavuna me tasogo na kaukauwa ni veibuli ni Vosa ni Kalou e na noda bula, ka na basika ga mai na vosa e sega ni veivukei ka veivakamavoataki. Sa qai matata e ke, ni oti ga na nona vakaraitaka o Jemesa na ka kece e cakava na “Tama ni rarama” e na vuku ni solisoli ni bula vou, e da vakananumi tarava me da qarauna na vosa e da cavuta. Na cava e vakatavulica na veitikina oqo me baleta na vosa? Vakaibalebale 15:1, Aisea 50:4, Efeso 4:29, 5:4, Kolosa 4:6. Vakasamataka nai otioti ni gauna e vakamavoataki iko kina e dua e na vosa e cavuta. Na titobu ni kena tarai iko sa dodonu me vakaraitaka vei iko na kaukauwa e tiko e na vosa, me yaco kina na vinaka se ca. Na cava o rawa ni cakava, mo lewa vinaka tiko kina na vosa o cavuta? Cava sa rui ka bibi kina me da vakasama vinaka ni bera ni da vosa? AI VOLA I JEMESA [Ulutaga Ni Veimacawa] 23 LOTULEVU Okotova 16 Vakabulai E Na Noda Ciqoma Wilika na Jemesa1:21. Na cava e tukuna tiko e ke o Jemesa ni nona i tavi na “vosa?” Na tikina oqo e soqoni ni veika kece e tukuni tiko me baleta na vakabauta kei na veivakabulai. E vakamasuti keda me da biuta tani kece na ka dukadukali ka tawasei keda mai na ca. Nai vakaro “biuta tani” e vakayagataki vaka vitu e na Veiyalayalati Vou, ka kenai balebale me da kakua ni semati keda ki nai tovo ca e sega ni dodonu me kune e na bula sa sorovaki Vei Karisito (Roma 13:12; Efeso 4:22, 25; Kolosa 3:8; Iperiu 12:1; 1 Pita 2:1). E rawa talega vakayagataki ni luva e dua nai sulu (Cakacaka 7:58), ka basika kina na kena luva tani na noda i “sulu qeleqelewa” ni valavala ca (Aisea 64:6). Na vosa qeleqelewa e vakayagataka o Jemesa me vakatoka kina na nodra i “sulu qeleqelewa” na tamata dravudravua, ni vakatautauvatataka na nodra i sulu savasava vinaka na tamata vutuniyau (Jemesa 2:2). Me vakataki Jisu, o Jemesa e vatonaka nai tovo vakatamata, na noda kauwai vakalevu e na rairai e taudaku, baleta ni Kalou, E kauwaitaka vakabibi duadua nai tuvaki ni yaloda. E na vakadewa vaka Kiriki ni Veiyalayalati Makawa, na vosa qeleqelewa (ryparos) e vakayagataki e na dua ga na tikina: Sakaraia 3:3, 4, ka laurai kina o Josua na bete levu ni matataka na nodra valacala ca na Isireli. Na Kalou sa qai kauta laivi na nona i sulu qeleqelewa na bete levu, ka vakaisulutaki koya e na i sulu savasava, ka vakatakarakarataka na nodra sa vosoti ka vakasavasavataki na Isireli. Nai yaloyalo oqo e duidui vakalevu mai na vakavuvuli kei nai yaloyalo e na loma ni Lotu va-Karisito, ka da raici Jisu ni daramaka vua e dua na i sulu savasava, ia e sega ni luva tani na i sulu qeleqelewa. O cei vei keda e dau cakava nai vakarau vakaoqo? E sega ni dua vei keda e daramaka nai sulu savasava, ia e sega ni luvata na sulu duka e dara tu. Me vakakina, e na Sakaraia, e luva tani na sulu qeleqelewa ni bera ni daramaki nai sulu savasava. Oqo e sega ni kenai balebale me da tawacala, qai rawa me da daramaka nai sulu ni yalododonu i Karisito. Ke dina na vakasama oqori, o cei vei keda e na vakabulai? E sega ni kenai balebale talega, ni da na vakayalia na noda vakabulai ke da bale ki nai valavala ca, ni oti na noda ciqomi Jisu. Ia e kenai balebale, ni dodonu me da sorovaki keda vakaoti Vua, digitaka me da vakamatea e na veisiga na noda tamata makawa, ka vakatarai Koya me buli keda me da vei ucui kei Koya. E na ubi keda Nona sulu ni yalododonu o Jisu. Wilika tale na Jemesa1:21. E vakacava na titobu ni nomu vinakata mo muria na veika e da veitalanoataka tiko e ke? Na cava nai balebale ni kena “tei” na Vosa e na yalomu, ka rawa vakacava mo cakava vakakina? AI VOLA I JEMESA [Ulutaga Ni Veimacawa] 24 VAKARAU Okotova 17 Kuri Ni Vuli: “Nai naki ni veivoli lesu me rawa ni vakabulai keda vakaoti mai na kaukauwa i Setani. O Karisito E dau tawasei ira tani mai na yalo yadua e veivutuni, mai na valavala ca. E lako mai me vakarusa na cakacaka ni tevoro, ka sa tu na Nona veivakarautaki me soli vei ira na vei yalo yadua e veivutuni na Yalo Tabu, me vukei ira me ra kakua ni valavala ca.”—Ellen G. White, The Desire of Ages, p. 311. “Ke o sa ciqomi Karisito me nomu iVakabula, mo guilecavi iko, ka tovolea mo vukei ira na tani. Talanoataka na loloma i Karisito, wasea na Nona vinaka. Cakava na vei tavi kece e basika mai. Colata nai colacola ni yalo e na lomamu, ka vakayagataka na sala kece e tu e na nomu kaukauwa mo vakasaqara ka vakabulai ira na yali. Ni o ciqoma Yalo i Karisito—na Yalo ni sega ni nanumi koya vakaikoya kei na cakacaka e na vukudra na tani—o na tubu ka vua. Na loloma e na vuku ni cakacaka ni Yalo Tabu e na nomu bula e na vakamatuataka na nomu i tovo. E na tubu na nomu vakabauta, ka na titobu na nomu dinata na Kalou, ka na yaco me vinaka sara na nomu loloma. Sa na tubu cake tikoga na kena seraki tiko e na nomu bula nai tovo i Karisito e na veika kece e savasava, vakaturaga ka totoka.”—Ellen G. White, Christ’s Object Lessons, pp. 67, 68. Taro Ni Veiwasei: 1. Vakasamataka na dina me baleta na kaukauwa e tu e na vosa. Cava e sa rui kaukauwa kina? Rawa vakacava me vakayagataki cala na vosa? E bibi cake nai vakarau se tautau ni noda vosa, se bibi cake na ka e da tukuna? 2. Mai na solisoli kece e soli vei iko “mai cake,” na kena cava e bibi duadua ka cava na vuna? 3. Wilika na Jemesa1:12–21. Na cava na uto ni tukutuku e tiko eke? Na i nuinui cava kei na vosaniyalayala cava e tiko kina me noda? 4. Na garogaro ca e basika kina na valavala ca, ka valavala ca e basika kina na mate. E na vuku ni veivakarautaki ni Kalou e na vukuda, na cava na vuna e da sega tiko kina ni taukena na qaqa e dodonu me noda? Cava so na sala e da dau vakamamadataka kina na valavala ca, ka cava e sa rui rerevaki kina na mataqali qito ni vakasama vakaoqo? 5. Wilika nai tukutuku nei Ellen G. White e cake. Na vakasala bibi cava e tiko kina, vakabibi vei ira e ra malumalumu tiko na nodra vakabauta? AI VOLA I JEMESA [Ulutaga Ni Veimacawa] 25 LESONI 4 Okotova 18–24 NODA BULA KEI NA KA EDA CAKAVA YAKAVI NI SIGATABU Wilika Me Vulici E Na Macawa Oqo: Jemesa 1:23, 24; Maciu19:16–22; Luke 6:27–38; Roma 8:2–4; 12:9–18; 2 Pita1:4. Wiligusu: “Ia dou muria na vosa ka kakua ni rogoca walega, ka vakaisini kemudou kina vakai kemudou” (Jemesa 1:22). O William Niblo, ka kilai e na yaca buli “The Great Blondin,” e rogo ka kilai levu e na nona taubale takosova na Niagara Falls e na dua na dali. E na vula o Seviteba 1860, e a saravi Blondin na Ravouvou kei Bolatagane nona baci takosova na savu levu oqo, ia oqo e vava toka e dakuna e dua na nona i vukevuke. Ni sa takosova oti, sa vuki o Blondin vua na Ravouvou ni Bolatagane ka sureti koya me vava mai dakuna me rau takosova vata na savu levu oqo. Dina ga ni sa rogoca na Ravouvou na veika me baleti Blondin, ka sa mai vakadinadinataka e matana na ka e rawa ni cakava, ia e se sega ni via biuta na nona bula e na liga i Blondin. Na vakasama e tiko e na talanoa oqo, na noda veiwekani kei na Kalou e sega walega ni ka ni noda rogoca se raica. E rawa vei keda me da ciqoma e na noda vakasama ni tiko e dua na Kalou, na dina ni tukutuku vinaka, kei na Lesu Vakarua Mai. Sa rawa vei keda me da raica na dina ni Nona loloma kei na veikaroni na Kalou. Na veika kece e yaco, e da na sega ga ni tu vakarau me da sorovaka na noda bula ki na liga ni Kalou, ka na vakadinadinataki e na cakacaka e da na cakava. Oqo na vuna e vakabibitaka kina o Jemesa me da cakava na ka, ka me da kakua walega ni rogoca na Vosa ni Kalou. E na macawa oqo, e da na dikeva se cava sara mada na cakava na Vosa, e na nodra bula na tamata vakabulai e na loloma. * Vulica na lesoni ni macawa oqo, ka mo vakarau e na Sigatabu, Okotova 25. AI VOLA I JEMESA [Ulutaga Ni Veimacawa] 26 SADE Okotova 19 Mo Kila Na Nomu Meca E dua na tamata e vakamacalataka na nona meca nona kaya: “Au raici koya e na veisiga—e na gauna au torotoro kina.” Oqo dina na ka e vinakata o Jemesa me da siqema: ni noda meca levu duadua o keda ga vakaikeda. Na noda vakabulai e tekivu e na noda raici keda ka kilai keda, sega ni noda vakanananu se o cei e da vinakata me o keda. Wilika na Jemesa 1:23, 24. O cei e vakamacalataki e ke, ka cava na leqa? Dina ga ni sega ni ca na noda samaki keda me da rairai totoka, e vuqa na tamata e ra vakayagataka e dua na gauna levu kei na i lavo levu me ra vakavinakataka na kedra i rairai. Ia, e dodonu me da qarauna me da kakua ni vakacalai keda. O Jemesa e kaya ni dodonu me da dikevi keda vakavinaka, veitalia ga ke da sega ni taleitaka na ka e da raica. Wilika na Maciu 19:16–22 kei na 26:33–35, 69–75. Na cava na kedrau i rairai na turaga e rua oqo ni vakatautauvatataki kei na nodrau tuvaki dina? Na cava e vakaraitaka me baleta na nodrau bula, e na gauna e rau rogoca kina na vosa nei Jisu? O koya na cauravou vutuniyau e nanuma ni sa maroroya vinaka tiko na vunau. E vakasauri na nona sa bolei me muria e dua na talairawarawa e duidui, ka sega ni bau vakasamataka tu, na talairawarawa e titobu cake mai na muri lawa kei na vakaro e taudaku (Raica na Roma 7:7.) O Pita, me vaka ga na cauravou oqo, e tu talega vua nai yaloyalo e veivakacalai me baleti koya. E na nona nuitaki koya, e yalataka ke ra bale ka yali o iratou na kena vo, e na yalodina tiko——veitalia ke vakayalia na nona bula. Ia e rau sega ni siqema rawa na kaukauwa ni vesu ni valavala ca e na nodrau bula. E rau vakacalai ruarua vakairau. Ia o Pita, e yaco me saumaki ka veisau. Na ka e da kila, ni sega ni veivutuni me veisau o koya na cauravou vutuniyau. Sa rui rawarawa na noda raica na nodra cala kei na malumalumu na tamata, ia e da sega ni dau raica na noda leqa. Ni da dikevi keda vinaka, e da kila vinaka tu na noda leqa, ia e da sega ni via vakatusa. Dikeva ka sarava vinaka na yalomu. Na cava e kaya vei iko na ka o raica e na nomu bula, kei na nomu gadreva na i Vakabula, ke sega o na vakarusai tawamudu? AI VOLA I JEMESA [Ulutaga Ni Veimacawa] 27 MONITI Okotova 20 Mo Dau Cakava Wilika tale na Jemesa 1:22. Na vakadewa vaka Kiriki e kaya “me da dau cakava” na Vosa. E na duidui vakacava na i tukutuku, ke a tukuna o Jemesa, “Mo cakava na vosa”? O Jemesa e semata na noda bula kei na cakava. E sega ni tawasei rau, se vakabibitaka e dua mai na kena karua. E rau vaka ga na yasa ruarua ni lavo, e sega ni rawa ne tawasei. O keda me da dau cakava se muria na Vosa. Me kena i kuri, na vakasama e laveta na vakadewa vaka Kiriki, sai koya na bula ni talairawarawa e na veisiga, ka namaki vei keda nikua, ka sega me qai yaco e na dua na gauna mai muri. Na vakasama bibi e ke, ni dodonu me da yaco me da tamata vou Vua na Turaga, ka vua ni veisau oqo, e da na cakava na ka e vinakata na Kalou me da cakava. Oqo e duidui mai na noda muri vunau walega (na leqa e kune e na nona bula na cauravou vutuniyau, ka da raica e na lesoni e nanoa). Wilika na Luke 6:27–38. Na cava e so na ka me da cakava? “Lomani ira na nomudou meca,” ia mo solia vei ira kecega sa mai kerekere vei iko.” “O koya mo dou qai yalololoma, me vaka sa yalololoma na Tamamudou” (Luke 6:27, 30, 36). E rogorogo dredre beka? Io, e dredre e na noda kaukauwa. Na mataqali loloma vakaoqo e sega ni da taukena na tamata valavala ca. Oqo na vuna e vosa kina o Jisu me baleta e rua na vunikau duidui kei na vuana e rau vuataka (Luke 6:43–45). Sa vakakina na Kalatia 5, nona vakatautauvatataka o Paula na cakacaka ni bula vakayago (Kalatia 5:19–21) kei na vua ni Yalo Tabu (Kalatia 5:22, 23). E vaka me levu ga ni noda vakanamata ki na ka me da cakava, na luluqa sobu ni vakarau ni noda bula; ia, ni liutaki keda na Yalo Tabu, e kune e duatani na vuana—na loloma kei na talairawarawa. Vakasamataka e dua na gauna o cakava kina e dua na ka, baleta ni dodonu ga mo cakava, se dua na lawa e dodonu mo muria. Vakatautauvatataka ki na gauna o cakava kina e dua na ka o vinakata mo cakava, e dua na ka o cakava ka vaka me vure ga mai e lomamu na nomu via cakava, e na vuku i Karisito sa bula e lomamu. E vukei keda vakacava na vakatautauvata e rua oqo, me da kila na uto ni vakasama ni lesoni nikua? AI VOLA I JEMESA [Ulutaga Ni Veimacawa] 28 TUSITI Okotova 21 Na Vunau Ni Veisereki Wilika na Jemesa 1:25. Na cava e tukuna me baleta nai tavi ni vunau? O Jemesa e vaka voqataka na Same e na nona vakatoka na vunau me “vinaka sara” (Same 19:7) ka sala ni veivakagalalataki (Same 119:45). Ia me matata, ni vunau e nai vola i Jemesa e sega ni rawa ni vakabulai keda ka sega ni rawa ni vakasavasavataki keda. E vakaraitaka vei keda na Nona vakatagedegede na Kalou, ia e sega ni rawa me vakaukauwataki ke da me da muria, me vaka ga ni sega ni rawa vei keda me da cakava na ka e cakava e dua na dau qito rogolevu e na noda saravi koya. E na gadrevi na kaukauwa i Karisito e na noda bula, me rawa vei keda me da cakava na Nona vakatagedegede na Kalou, Wilika na Roma 8:2, 4 kei na 2 Koronica 3:17, 18. Na cava e kauta mai na duidui, na kena yaco na vunau me yaragi ni mate se dua na ka e vakaraitaka na sala ni veisereki kei na bula? O Paula e vakadeitaka “ni ra sa sega ni dodonu e na mata ni Kalou ko ira era sa rogoca walega na vunau, o ira ga era sa muria na vunau era na vakadonui” (Roma 2:13). Me vaka na ka e tukuna, e rawa walega ni da cakava e na vuku ni cakacaka ni Yalo Tabu, e na Nona vola na vunau e lomada. Sa na yaco na vunau me ka ni veisereki, ke da muria na vunau mai na vu ni yaloda. E da raica ni leqa e sega ni tiko e na vunau, vei keda ga. E da guilecava nai tuvaki ni noda bula: tamata valavala e gadreva na i Vakabula. E na taudaku i Karisito, e da na rogoca ga na veibeitaki ni vunau. Ia ni da tu vata kei Karisito, sa da yaco me da turaga se marama vou (2 Koronica 5:17) ka da sa sereki e na vuku i Jisu (Joni 8:36). E da rogoca Nona wasea na vunau vei keda, “Mo dou veilomani, me vaka kau sa lomani kemudou” (Joni 15:12). E na vukui Karisito, e da vakila na veisereki ni da sa yaco me da luve ni Kalou sa vakabulai e na loloma, ka sa sega ni vinakata me sisi lesu ki na bula ni veicudruvi kei na bobula ni valavala ca e da vesuki tu mai kina. Ni da tu vata kei Karisito, e sega walega ni bokoci na noda valavala ca, e da sa taukena na bula vou, na bula e rawa vei keda me da talairawarawa ki na vunau. E da muria vakakina, sega me vakabulai keda, ia mai na galala e na noda kila ni da sa vakabulai oti, ka sa sega ni qai beitaki keda na vunau. Vakasamataka, e na vuku ni bula e da taukena, se na vakacava tu beka na noda sasaga me da muria na vunau me vakabulai keda? E na vakavuna vakacava me vei vakabobulataki na vunau? E sereki keda vakacava o Jisu mai na vei vakabobulataki oqo, ka gauna vata o ya, E vakaroti keda me muria na vunau? AI VOLA I JEMESA [Ulutaga Ni Veimacawa] 29 VUKELULU Okotova 22 Yaga Se Sega Ni Yaga? Wilika na Jemesa 1:26, 27 ka vakatautauvatataka kei na Maciu 25:35, 36, 40 kei na Roma 12:9–18. Mai na rarama ni veitikina oqo, o na vakamacalataka vakacava na lotu dina va-Karisito? Ke dua na ka e vakabibitaka o Jisu, Jemesa kei Paula, o ya na bibi ni noda yaco me da tamata yaga e na noda bula ni Lotu va-Karisito. Noda lomana “e dua sa lailai vei ira na wekaqu oqo” (Maciu 25:40), noda taura na gauna me da sikovi ira e ra sega ni dau kauwaitaki, nona ciqomi ira e ra lako mai noda vale—na vei sala oqo kei na vuqa tale—e da vakatakila na loloma i Jisu ka da yaco me da dewadewa ni Nona loloma. “Na tamata Lotu va-Karisito e dauloloma ka daulomani, e vakadinadina kaukauwa duadua me tokona na i tukutuku vinaka.”—Ellen G. White, The Ministry of Healing, p. 470. E vakuria o Ellen White na nona vakamacala: “me rawa vei keda me da bulataka na bula vakaoqo, me kune nai dre oqo e na noda bula, e na gadrevi me da cavukalawa e na bula ni sorovaki keda kei na bula vakaivakarau.”—Page 470. E sega ni basika ga mai vakaikoya. E sega ni yaga, ke noda bula vakalotu e ka ga ni noda vakadeitaka na noda yavu ni vakabauta kei na rogo vunau. O Jemesa e vakamacalataka na “bula vakalotu” e na tikina e 26, 27 e na vosa e kena i balebale na tamata lotu vakaidina. Na mataqali vakarau ni lotu vakaoqo, e laurai levu ka ra na vakila na tamata na kena duidui. E dua na veisau levu e yaco sai koya na veisau ni vosa e da cavuta. Sa na sega na vosa vakaveitalia kei na quraqura ni rorogo ni domo kei na vosa kaukauwa, ia e da na qarauna na noda vosa me kakua ni mavoa kina e dua. Sa na “vakaivaraele” na yameda, me kakua ni cici tu e liu me vakacaca e na kaukauwa ni dua na ose kila. O Jemesa e dusia vei keda me da lomani ka karoni ira na luveniyali kei na yada, ni ra gadreva vakalevu na noda veivuke. Mai na rai vakavuravura, e veicalati na vakaro oqo, baleta ni sega ni yaga na noda vakalusia na noda i yaubula vei ira e sega ni dua na ka era na cau lesu mai kina. Ia, mai na Nona rai na Kalou, sai koya saraga oqo na sala me da veiqaravi kina vei ira e ra biliraki ka sega ni kauwaitaki e vuravura, ka na laurai kina o ira na tisaipeli dina i Karisito: e na noda solia vakadinau nai lavo vei ira e ra sega ni rawa ni sauma lesu; sureti ira me ra mai vakayakavi o ira era sega ni rawa ni veisureti lesu; se noda vakalougatataki ka masulaki ira e ra vakacacani keda (Luke 6:35, 14:12–14, Maciu 5:44). Me vaka e dusia o Paula, “sa caka me da tu vata kei Karisito Jisu me ia nai valavala vinaka”(Efeso 2:10). E vica na nomu gauna kei na kaukauwa o vakayagataka mo vukei ira e ra gadreva tu na veivuke? Na cava e kaya vei iko na nomu saunitaro me baleta na “yaga” ni nomu vakabauta? AI VOLA I JEMESA [Ulutaga Ni Veimacawa] 30 LOTULEVU Okotova 23 Sega Ni Vakataki Ira Na Kai Vuravura Na cava na kenai balebale me “kakua ni tauvi keda na duka ni veika vakavuravura?” (Jemesa 1:27). E yaco rawa vakacava na ka oqo? (1 Joni 2:15, 16; 2 Pita 1:4). E so na tamata e ra nanuma ni vinaka me ra toki yani vakayawa mai na vuravura, me rawa ni ra yawa mai na kena veitemaki. Dina ga ni da tokona na vakasama oqo, ka dodonu me da vorata na veitemaki e dredre vei keda me da vorata, e laurai ni noda leqa kei na malumalumu e muri keda e na veivanua kece eda lako kina. Na leqa ni valavala ca e sega ni tiko e taudaku, dina ga ni vakaitavi kina, ia e tiko e lomada. Oqo na vanua e tubu tiko kina nai valu, ka dodonu me da na vala tiko, se veitalia na vanua e da via toki kina. E talei ni da raica, ni gauna e da walia rawa kina e dua na leqa, e ra na basika tale mai eso tale. Ni da samaka na noda rumu, e na rairai duka na vo ni loma ni vale. Sa vakakina na noda bula vakayalo: “na nona toro voleka vei Jisu, na nomu raica na levu ni leqa e tu e na nomu bula; ni sa savasava na nomu rai, ka o na raica na vakamatata na nomu bula e sega ni vinaka sara, ni vakatautauvatataki kei na Nona bula e vinaka sara.”—Ellen G. White, Steps to Christ, p. 64. Me da qarauna me da kakua ni vakadewataka cala na ka e tukuna tiko eke o Ellen White. E sega ni kaya tiko eke, ni noda toro voleka vei Jisu, sa qai levu ga na noda ca. E vakuria: “Na levu ni noda vakila na noda gadrevi Jisu kei na Vosa ni Kalou, na levu ni noda raica na cecere ni Nona i tovo, kei na noda sa tekivu me da seraka na bula vei ucui kei Koya.” Steps to Christ, p. 65. Na lotu dina e na liutaka na tamata me “viakania ka viagunuva” na veikilai titobu (Maciu 5:6). Me rawa vei Jisu me kila na loma i Tamana, E dau tiko na Nona gauna taudua kei Koya na Tamana vakalomalagi. Ia, E sega ni sogoti Koya tani mai vei ira na tamata. E lako e na vanua e ra tu kina na tamata. Na kena “kakana” me dodoliga yani vei ira na vakaleqai, talaraka na bai ni vei vakaduiduitaki, ka wasea nai tukutuku vinaka ni bula tawamudu (Joni 4:28–35). Dina ga ni o Jisu kei ira na Nona lewenilotu va-Karisito taumada, e duidui na kakana e ra kania kei na vakarau ni nodra bula, mai vei ira na kai Matanitu E Sau e wavoliti ira, ia e sega ni tarova na nodra veiqaravi kei na wasei ni nodra vakabauta. E ra lako e na veivanua kece, ka vunautaki ka tete ka teivaki na tukutuku vinaka e na veimatanitu, wili kina na vanua e levu kina na veivakaqumi kei na vakarau ca me vakataki Roma. AI VOLA I JEMESA [Ulutaga Ni Veimacawa] 31 VAKARAU Okotova 24 Kuri Ni Vuli: “Na vunau sa Nona iloilo ni vakadodorairai ni vinaka kei na ca na Kalou. Na tamata sa dodonu me vakatautauvatataka na nona vosa, na yalona, kei na ka e cakava kei na Vosa ni Kalou.”-Ellen G. White Comments, The SDA Bible Commentary, vol. 7, p. 935. “Na vakabauta, ka vakabauta duadua, e vakavuna me rawa vei keda me da vakaivotavota e na loloma i Karisito, ka vukei keda me da talairawarawa ka sega ni vakagalalataki keda mai na talairawarawa. “Na Kalou e vinakata vei ira e ra muri Jisu, me ra tautauvata kei Koya e na Nona bula vakatamata. Me da bulataka na bula savasava ka vakaturaga me vaka na Nona bula na i Vakabula, e na kaukauwa ni Kalou.”— Ellen G. White, Our Father Cares, p. 69. Taro Ni Veiwasei: 1. Dina ga ni da vakasalataki (ke rawa) me da toki tani mai e na vanua vakavuravura, na cava na vuna e sega kina ni walia na leqa ni valavala ca kei na veitemaki? E na vakacava na yawa ni vanua me da toki kina mai na veitemaki kece ga? Na cava na i wali duadua ni valavala ca kei na veitemaki, veitalia ga na vanua e da bula kina? 2. E ra biuta na ovisa e so na misini ni vakarorogo butako e na dua na valenivolavola, ka ra nanuma ni ra cakacaka tiko kina e so na daubasulawa. Na leqa e tiko, ni ra yadrava wavoki tu na lomanibai e tuba na koli daukata. O ira na ovisa e ra sa qai vakania na koli e na veibogi e na hamburger. Ni se qai tekivu, e ra viritaka yani e lima se ono na hamburger ki na lomanibai. Sega ni dede, sa ra tekivu kana na koli daukata oqo e na ligadratou na ovisa, ka ra bau dramica talega na ligadratou e na gauna sa ra mamau kina. Ni sa manoa o ira na yadra, sa rawa vei ira na ovisa me ra curuma yani na valenivolavola ka biuta na misini ni vakarorogo butako. Na lesoni cava e noda e na talanoa oqo, me baleta na ka e rawa ni yaco, ke da sega ni qaqarauni ka sa tekivu me lutu na noda sasabai? 3. Dikeva na vakasama me baleta na noda cakava na Vosa ni vakatautauvatataki kei na noda vakabauta walega na Vosa. Na cava dina na duidui e na kedrau maliwa? 4. Na cava o na kaya vei ira era vakabauta ni loloma i Karisito, e sa sereki ira mai na vunau? Na cava sara mada na kenai balebale vei ira, ka o na sauma vakacava? AI VOLA I JEMESA [Ulutaga Ni Veimacawa] 32 LESONI 5 Okotova 25–31 NA LOLOMA KEI NA VUNAU YAKAVI NI SIGATABU Wilika Me Vulici E Na Macawa Oqo: Jemesa 2:1–13; Marika 2:16; VSoro 19:17, 18; Roma 13:8–10; Joni 12:48. Memory Text: “Ni na lewai ka sega ni lomani, ko koya sa sega ni ia na loloma; ia na dauloloma sa rawa na veilewai.”(Jemesa 2:13). E da kila vinaka nai talanoa; na taro ga me tarogi, E katoni se sega? Mai na gaunisala e Jerusalemi ki Jeriko, e a davo tu kina e dua na tamata sa mavoa tu vakaca, qai liu yani kina e dua na bete, ni bera ni muria yani e dua na Livai. E rau se qai vakaotia ga mai na nodrau veiqaravi vakalotu, ka sega ni dua vei rau e semata rawa na nodrau i tavi vakalotu kei na veiqaravi vua na yalo e sa mavoa tu, ka rau lako sivia. Sa qai lako mai e dua na kai Samaria, lotu pekani vakaveimama, e lomani koya na tamata mavoa, vadretitaka na nona mavoa, ka sauma na i sau ni cili e na bure ni vulagi, me vaka bulabula kina. E yalataka vua na taukei ni bure ni na sauma na veiqaravi kece e na vakayacori (Luke 10:30–37). O Jisu e talanoataka na talanoa buli oqo e na Nona sauma na taro mai vua e dua na vu ni lawa me baleta na bula tawamudu. Sega ni tukuna o Jisu vua me “sasaga vakaukauwa” se “cakava e levu na ka vinaka!”—E boroya o Jisu vua e dua nai yaloyalo ni loloma e bulataki. O ya, me da loloma veitalia ga ke rerevaki se sega ni vinaka na veika e yaco, ka me da lomani ira e da sega ni taleitaki ira. Dina ga ni sega ni rawarawa, ka dau veisaqasaqa kei na noda i tovo, na loloma dina e tiko kina na ririko ka kacivi keda me da basuraka sobu na bai e tawasei keda, e taudaku ka vakabibi e na loma ni lotu. E na macawa oqo, e da na raica na ka e tukuna o Jemesa me baleta na dina bibi oqo. * Vulica na lesoni oqo, ka mo vakarau e na Sigatabu, Noveba 1. AI VOLA I JEMESA [Ulutaga Ni Veimacawa] 33 SADE Okotova 26 Na Tamata Vaka Mama Koula Wilika na Jemesa 2:1–4. Oqo e dua na lesoni ni vakatautauvata. E dua na tamata e vutuniyau, vakaisulu vinaka, ka kilai, ka dua e dravudravua, e madra na nonai sulu, ka sega ni kilai. E dua e ciqomi e na yalo ni vei vakaturagataki, ka dua e sega ni kauwaitaki. E dua e soli vua me dabe e na i dabedabe dakoba mai liu, ka dua e tukuni vua me tucake tu ga mai muri se dabe e na buturara. Na vakamacala oqo e sega ni rairai vinaka, baleta ni vaka me yaco tiko e na gauna ni so-Kalou! Na vosa vaka Kiriki ni vosa e vakadewataki me “vale ni lotu” e na tikina e 2 na synagōgē, ka vosa tiko me baleta e dua na nodra soqoni e na Siga ni Vakacecegu o ira na Jiu e ra Lotu va-Karisito, ka vuqa na gauna e dau vakayacori e na nodra dui veivale (Cakacaka 18:7, 8). E na matai ni senitiuri, e bibi na nodra i tutu kei na nodra raici cake mai vei ira na lewenivanua o ira na kai Kiriki kei ira na kai Roma. O ira e tu vei ira na i yau, vuli vinaka se tu vei ira nai dre vakapolitiki, e ra dau vakayagataka na veika kece oqo me tosoya cake kina na nona rogo, ka me yaga ki na veika e baleti koya. Ni dua nai solisoli levu e soli me yaga ki na vei vakatorocaketaki raraba se ki na lotu, o ira era ciqoma e ra dinau tu vei koya e solia, ka dodonu me ra na vakasaqara e dua na sala me ra vakavinavinaka kina. Na yalovinaka e saumi lesu e na vakarokoroko kei na veidokai mai vei ira na lewenivanua. O ira na lewe vica na tamata vakaicaqe vakaoqo, e ra namaka me ra qaravi vakaturaga e na gauna e ra curu yani kina e na soqoni ni lotu va-Karisito. Ni sega ni kauwaitaki na ka e namaki oqo, e na kauta mai na madua ki na soqosoqo lotu. Ni sega ni vakayacori nai vakarau oqo se ni vakatikitikitaki e so na ka e da okata me ka bibi, sa yaco me vu ni veibeitaki ka basika kina na tawase. Wilika na Marika 2:16 kei na Luke 11:43. Na cava e namaki e ke? E veisaqasaqa vakacava kei na yavu ni tukutuku vinaka? E sega ni valavala ca ke da dravudravua se vutuniyau, ia e dua na vakarau ni draki e na noda bula va-Karisito, nai vakarau e da bulataka vei ira e da sega ni taba vata, na vutuniyau, vuli vinaka, se duidui noda vakabauta vakalotu. E vaka me da rokovi ira e da raica ni “cecere cake” mai vei keda, ka sega so na veidokai vei ira e ra “lailai sobu” mai vei keda. Me da nanuma vinaka, ni rawarawa na noda dreti me da muria nai vakarau ni vakasama vakaoqo, dina ga ni kacivi keda na Kalou me da duidui (Roma 12:2). E na sega beka ni laurai levu me vaka na ka e vakaraitaka o Jemesa, ia e sega li ni da dau digitaka e so tamata e da taleitaka? E da na raica rawa vakacava na leqa oqo e na noda bula ka vakavinakataka? AI VOLA I JEMESA [Ulutaga Ni Veimacawa] 34 MONITI Okotova 27 Na Dredre Vaka Mata Kalasi O ira na dauvolitaki vola e ra kila vinaka, ni o ira e lailai vei ira na ka, e ra bolea me ra vakacaboisoro me rawa ni ra volia nai vola vakalotu. O ira e ra vakaitikotiko e na yasa ni vanua nodra na tamata vutuniyau, e dau dredre kina na volitaki vola, baleta ni ra sa mamau tu e na ka e ra taukena ka ra sega ni gadreva na Kalou, me vakataki ira e lailai na ka era taukena. Na vakasama oqo e laurai e na tubu ni soqosoqo lotu: na vanua e sotava na draki ni bula dredre kei na leqa ni bula veimaliwai, e kunei ni tubu totolo kina na lotu. Ni da vakasamataka, e sega li ni dolavi na lomadra o ira era sotava na leqa lelevu ki nai nuinui e kune e na talanoa kei Jisu, ka sega so o ira e ra nanuma ni vinaka tu na ka kece e na nodra bula? Wilika na Jemesa 2:5, 6. E vakarabailevutaka vakacava o koya e ke na ka e vola e na va na tikina sa oti? Ni da raica na tikina oqo, e da rawa ni siqema ni tiko e so na duidui e na loma ni lotu, e na kedra maliwa na dravudravua kei na vutuniyau. Na Kalou e digitaki ira na dravudravua, dina ga ni ra biliraki e vuravura, e ra “vutuniyau e na vakabauta,” ia o ira na vutuniyau e ra vakayagataka na nodrai yau me ra “tabonaki” ira sobu na dravudravua. Na leqa oqo, nodra vakayagataki na dravudravua me ra vakaiyau kina na vutuniyau, e dua na vakarau ni bula e na gauna o ya. Qai leqa levu, ni nodra lawa na kai Roma e vakatara na nodra vakaduiduitaki na dravudravua me vinaka vei ira na vutuniyau. “O ira e ra okati me ra kalasi ni tamata e ra, ka ra nanuma me cakava e so na ka me rawa ni vakatorocaketaka kina na nodra bula, e sega ni rawa ni veibeitaki vua e dua e tiko e na kalasi ni tamata e cecere cake, ni nodra lawa e vakatauca vakalevu na totogi vei ira na tamata kalasi e ra, ke ra beitaki ka vakadinadinataki, ka sega so vei ira na tamata kalasi e cecere cake.”—Craig S. Keener, The IVP Bible Background Commentary: New Testament (Downers Grove, Ill.: InterVarsity Press, 1993), p. 694. Wilika na Jemesa 2:7. Na vakasama bibi cava e dusia e ke me baleta na tatara ni tovo ca oqo? Na nodra vakarau ca e vosavakacacataka “na yaca vinaka” i Jisu. Na vakarau ca, ni vakayacora o ira e ra vakatusa tiko na yaca i Jisu, e ca vakalevu. Ka ca vakalevu o ira era vakayagataka na nodra i yau se kaukauwa e na yaca i Jisu me ra rawa ka kina e na loma ni lotu, ka dau basika kina na veiba kei na tawase. Sa dodonu kina me da qarauna na noda vosa kei na valavala, me salavata kei na “yaca vinaka” e da veitokani kaya. AI VOLA I JEMESA [Ulutaga Ni Veimacawa] 35 TUSITI Okotova 28 Lomani Ira Na Kai Nomu Wilika na Jemesa 2:8, 9, Vunau Ni Soro 19:17, 18 kei na Maciu 5:43–45. Na i tukutuku bibi cava e soli vei keda e ke? O Jemesa e vakatoka na vunau ni Kalou me “vunau vakaturaga” (Jemesa 2:8) baleta ni Nona vunau na “NODRA TUI NA TUI” (Vakatakila 19:16). Na vunau me baleta na Nona matanitu e vakamatailalaitaki e na Vunau mai na Ulunivanua (Maciu 5–7), ka wili kina na matai ni ciwa ni vakasama e na Veiyalayalati Vou me baleta na noda lomani ira na kai nomu. Na vosa nei Jisu e na Maciu 5:43 e vakaraitaka nai vakarau ni nodra vakadewataka ka kila na i balebale ni tikina e kune e na Vunau ni Soro 19:18. E da raica ni vakaraitaka na tikina e 17: mo kakua ni cata na “tacimu,” kei na tikina e 18: mo kakua ni nakita se naki ca vua e dua tale na Isireli, ka vakasama oqo e vagolei talega vua na kai nomu. Sa yaco kina me vakadewataki cala na tikina oqo, ni tara mo cudruva se cata e dua e sega ni Isireli, baleta ni sega ni sega ni volai vakamatata e ke na vanua e ra lako mai kina. Ka ni ra okati o ira e ra sega ni Isireli me ra kedra meca. E da kila nikua ni vakarau ni vakasama oqo e bula vinaka tu vei ira nai kumukumu mai Qumran, e dua nai lawalawa Jiu, e ra sa tawasei ira tani mai ka kaukauwa sara na nodra vakabauta vakalotu. E ra vakavulici me ra cata na “gone e ra luve ni butobuto” kei ira na “tamata e ra na vakarusai tawamudu” (The Community Rule 1QS 1:10; 9:21, 22), ka sega walega ni ra okati e ke o ira na kai tani, ia o ira talega na Isireli e ra sa biliraka tani na nodra vakavuvuli. “Na ca levu duadua nai valavala ca, ka sa noda i tavi me da lomani ka vukei ira e ra valavala ca. E ra lewe vuqa e ra cala ka ra vakila na nodra madua kei na lialia ni cala e ra cakava. E ra vinakata tu na vosa ni vei vakayaloqaqataki. E ra raica na nodra cala kei na leqa, ka ra sa biligi me ra vakasaqara na bula. Me da kakua ni vakawaletaki ira na vei yalo vakaoqo. Ke da Lotu va-Karisito, e da na sega ni vakatikitiki tani, me da yawaki ira e ra gadreva tu vakabibi na noda veivuke. Ni da raici ira na tamata ni ra nuiqawaqawa, e na vuku ni veika dredre se valavala ca, e da na sega ni kaya, E sega ni noqu leqa oqo.”—Ellen G. White, The Desire of Ages, p. 504. Na bula nei Jisu e vakaraitaki cecere duadua ni loloma e sega ni nanumi Koya vakaikoya e na vukudra na tamata e sega ni dodonu me ra lomani se rawa ni ra dolea lesu. Rawa vakacava me da vakaraitaka na mataqali loloma vakaoqo, vei ira e da okata me ra sega ni dodonu me ra lomani se me ra na lomani keda lesu mai. Cava na vuna, ni kena i sau duadua ga, me da sa sorovaki keda vakaoti ka me vakamatei na au e na noda bula? AI VOLA I JEMESA [Ulutaga Ni Veimacawa] 36 VUKELULU Okotova 29 Na Vunau Taucoko Wilika na Jemesa 2:10, 11. Qai wilika na veitikina e volai e ra, ka toqa se vakabibitaka na “vunau taucoko,” se na “vunau ni loloma” se ruarua. Vunau Taucoko Vunau Ni Loloma Maciu 5:18, 19 Maciu 22:36–40 Roma 13:8–10 Kalatia 3:10 Kalatia 5:3 Kalatia 5:14 E dredre vei keda me da siqema rawa na titobu ni Nona vakavuvuli o Jisu me baleta na vunau. Vei ira na duru kaukauwa ni lotu vaka Jiu (wili kina o keda nikua), e sega ni rawa ni da kaya ni da muria na i vunau ke sega ni da maroroya taucoko na vunau e kune e nai vola i Mosese. E laurai e 613 kece na i vunau (e 248 na vunau e veilaveti ka 365 na vunau e veivatonaki). Na taro e tarogi vei Jisu me baleta na vunau levu duadua (Maciu 22:36), e tarogi me bacani Koya. Ia, dina ga ni vakadeitaka o Jisu na vei “tikina lalai sara” (na tikina lailai e na matanivola vaka Iperiu; Maciu 5:18) ni bibi, E vakatavulica ni loloma Vua na Kalou kei na nodra lomani na kai noda e vunau levu duadua baleta ni oqo nai soqoni kece ni vunau. O Jisu e vakatavulica ni talairawarawa e sega ni tu taudua. E ka ni veiwekani, ke sega e na sega ni vakaibalebale. E sega ni ka ni veiwekani, ke’u vakasuka na noqu katini baleta ni dodonu ga me’u solia se au rerevaka ni’u na sega ni rawata na bula. E na yasana kadua, ke’u vakasuka na noqu katini e na vuku ni noqu vakavinavinaka Vua na Kalou e na Nona vakalougatataki au, na ka au cakava e yavutaki e na noqu veiwekani kei Koya. O Jisu e vosa talega e na “veika bibi e na vunau,” na “veilewai, loloma kei na vakadinata” (Maciu 23:23). Oqo e ra vauca kece talega na veiwekani—Vua na Kalou kei ira na tamata. O Jemesa e sega ni tukuna tiko e dua na ka e duidui mai na ka e tukuna o Jisu se o Paula: na noda voroka na vunau ni Kalou e vakacacana vakatikina na noda veiwekani kei na Kalou kei ira na tamata. E sega ni gadrevi kina me levu na ka vinaka me da cakava me ubia na ka ca e da cakava. Oqori na talairawarawa e tu taudua, ka da nanuma ni ka kece e wavoliti keda duadua ga. Ia ni da sa kilai Jisu, sa tekivu me da vagolea tani na rai mai vei keda, ki na noda qarava na Kalou kei na veiqaravi vei ira na tani. E vica na nomu loloma e yavutaki e na nomu lomana na Kalou kei ira na tamata, ka vica e na vuku ni oqo e dua ga nai tavi? E cala beka ke da veiqaravi baleta ni oqo e dua ga nai tavi? E rawa ni o sega ni lomana e dua, ia o vukea baleta ni dodonu ga vei iko mo vukea. Na cava o nanuma ni cala e na vakasama oqo? AI VOLA I JEMESA [Ulutaga Ni Veimacawa] 37 LOTULEVU Okotova 30 Lewai E Na Vunau Wilika na Jemesa 2:12, 13. (Raica na Joni 12:48; Roma 2:12, 13; 2 Koronica 5:10; Vakatakila 20:12, 13.) Na cava e vakatavulica na veitikina oqo me baleta na veilewai? E matata vinaka tu na vakavuvuli ni da na lewai e na vunau e na vuku ni ka e da cakava, se vinaka se ca. E na gauna vata o ya, e matata tu nai Vola Tabu, ni o ira kece e ra vakabauti Jisu e ra ubi e na Nona yalododonu. E rua na ka e okati e nai sulu ni yalododonu oqo: veivosoti (vakadonui) kei na talairawarawa (veivakatabui). “Ia ni dou sa vakabauti Karisito Jisu na Turaga, mo dou ia tiko nai valavala sa vinaka Vua” (Kolosa 2:6); and “Ni sai Karisito dou sa vakasulumi kemudou kina, oi kemudou yadua sa papitaisotaki vei Karisito” (Kalatia 3:27). Sa dau tukuni wasoma ni da na lewai e na ka e da cakava kei na ka e da sega ni cakava. Dina ga ni dina na vakasama oqo, ia e levu e ra cala na nodra vakanananu. E sega ni ka ni levu na ka me da cakava. Oqori nai cori ni yalolailai kei na bula druka. Dikeva nona vakamacalataka o Jemesa e na matai ni yatuvosa e na tikina 13: “Ni na lewai ka sega ni lomani, ko koya sa sega ni ia na loloma” E da raica tale e ke na “cakacaka” e veiwekani. Ke da na vakasamataka vakabalavu na veilewai, sa rawa ni ca na uluda ka da yacovi keda na yalolailai. Ia oqo e sega ni balebale ni vosa me da “rerevaka na Kalou . . .ni sa yaco na Nona gauna me lewa” (Vakatakila 14:7)! Sa dodonu me da vakararavi tikoga e na yalododonu i Karisito, ka veika sa cakava oti o Koya sa noda i nuinui e na veilewai. Na noda lomana na Kalou ni vakabulai keda e na Nona yalododonu, sa vakayavalati keda me da cakava na ka kece E kacivi keda me da cakava. E na gauna vata o ya, na veivakasala kece e na Vola Tabu me baleta na veilewai e volai me vukei keda, me da kakua ni vakacalai e na noda nanuma ni sa vinaka tu na noda bula. O Jemesa e vakaraitaka, “Ia na dauloloma sa rawa na veilewai” (Jemesa 2:13). Me da kakua ni guilecava na nona vosa, vakabibi ni da veimaliwai kei ira e ra sa bale ki nai valavala ca lelevu. O sa bau cakava e so na vakatulewa cala ka dodonu mo vatonaki ka lewai kina, ia qai vuki na uto ka soli vei iko na loloma, yalololoma kei na veivosoti? Na cava e yaco vei iko? O na qarauna vakacava mo kakua ni guilecava, kevaka o sotava e dua e yaco talega vua na vakatulewa cala o cakava? AI VOLA I JEMESA [Ulutaga Ni Veimacawa] 38 VAKARAU Okotova 31 Kuri Ni Vuli: “Na Kalou e sa ciqomi iko e na matadra na tamata kei ira na agilosi ni o sa luvena; mo masulaka mo kakua ni vakatawayagataka “ na yaca vakarokoroko dou sa vakatokai kina” Jemesa 2:7. Na Kalou e talai iko yani ki vuravura mo Nona mata. E na veika o cakava e vuravura, mo matanataka na yaca ni Kalou . . . Oqo e na rawa duadua ga ni o sa ciqoma na loloma kei na yalododonu i Karisito.”—Ellen G. White, Thoughts From the Mount of Blessing, p. 107. “E na vuku i Karisito, sa rawa na veivosoti e na vuku ni lewa dodonu, ka sega ni kauta tani e dua na tiki ni kena savasava cecere.”— Ellen G. White Comments, The SDA Bible Commentary, vol. 7, p. 936. Taro Ni Veiwasei: 1. O Ghandi e vakaraitaka na nodra vakanananu e lewe vuqa, e na nona kaya, Au taleitaka na nomu Karisito, ia au sega ni taleitaki ira na nomu Lotu vaKarisito. O ira na nomu Lotu va-Karisito e sega ni vakataka na nomu Karisito.” Cava na vuna e sega kina ni dredre vei Ghandi me tauca na vosa vakaoqo? E dina ni rawarawa na noda vakaraica na ka e ra cakava na tamata e na yaca i Karisito, cava sa rui bibi kina na noda raici keda kei na veika e da cakava e na yaca i Jisu? E vakacava na noda vakaraitaki Koya ki na vuravura e wavoliti keda? 2. Sa yaco tiko beka na nomu soqosoqo lotu me vanua e ra vakila na lewena ni ra yaga ka dokai se vakacava na duidui ni vanua e ra gole mai kina, tutu e na bula vakaveimaliwai, se vakarau ni bula e ra duidui kina? Ke sega, na cava o rawa ni cakava me kunei kina na veisau? 3. Na cava e so nai tovo vakavanua se nai vakarau ni bula ni veimaliwai e na nomu vanua, e veisaqasaqa kei na yavu ni vakabauta vaka Vola Tabu? Na cava so e laurai levu ka cava e sega ni laurai levu? Ni o sa kila, o na vulica rawa vakacava mo bulataka na bula e uasivita na vei tovo oqo, mo vakaraitaka na yavu ni kosipeli vei ira na tamata, ni solia tu vei keda o Jisu e dua nai vakarau ni bula e uasivi cake? 4. E rawarawa na lomana na kai nomu, ia na cava nai balebale ni noda lomana na Kalou? Veitalanoataka e na nomu kalasi nai balebale me da lomana na Kalou, cava na vuna me da lomani Koya, kei na noda vakaraitaka vakacava na loloma o ya. 5. “Ia na dauloloma sa rawa na veilewai.” Na cava na kena i balebale e na bula ni veisiga, ni da vakatulewa me baleti ira e ra caka cala? Nai vakarau vakacava e gadrevi eke, me kakua ni vakabi e na dua na yasana? AI VOLA I JEMESA [Ulutaga Ni Veimacawa] 39 LESONI 6 Noveba 1–7 NA VAKABAUTA E CAKACAKA YAKAVI NI SIGATABU Wilika Me Vulici E Na Macawa Oqo: Jemesa 2:14–26; Roma 3:27, 28; Taito 2:14; 2 Koronica 4:2; Roma 4:1–5; Josua. 2:1–21. Wiligusu: “Me vaka sa mate na yago ni sa takali na yalo, sa mate vakakina na vakabauta ni sa takali na cakacaka.” (Jemesa 2:26). O koya e dua na vuniwai kilai levu e na vanua e veiqaravi kina ka talatala soqosoqo lotu e na dua na soqosoqo lotu e lewena e vica vata na drau na lewenilotu. E dua vei ira e dau soli ka vakalevu e na nodra dau kumuni lavo e na vuku ni vei tuvatuva lelevu ni soqosoqo lotu, ka nona daulomasoli e vakauqeti ira na lewenilotu me ra dausoli ka talega. E turaga dau vunau talega o vuniwai. Ni dau yali o talatala, dau vunau o vuniwai ka dau marautaki nai tukutuku e dau wasea ni titobu, e dau veitarai ka vakayalo. E na dua na siga, sa basika kina na dina. Na nona yali o vuniwai e na Sigatabu sa oti, e a sega ni lako tu vaka gade me vaka na ka e ra nanuma. E a kune ni davo matemate koto e na nona bure vakagalala ka tiko e baravi, ni a sivia vua na wainimate dauveivakamatenitaki. E kunei e na nona rumu ni moce e vica vata na daseni na i vola kei na i yaloyalo ca. E tara na nodra bula na lewenilotu vakabibi o ira na tabagone, ni ra dau raici koya cake tu me dua nai vakaraitaki vinaka me ra vakadamurimuria. Dina ga ni dodonu me da laiva Vua na liga ni Kalou na veilewai, na ka e cakava o vuniwai e vakaraitaka na dina ni nona vakabauta. Na cava e via tukuni tiko e ke? Dina ga ni da vakabulai e na vakabauta, e sega ni rawa me da tawasei rau na vakabauta kei na cakacaka e na bula ni tamata Lotu vaKarisito, e dua na dina bibi ka dau vakadewataki cala, ia e vakamacalataki vinaka e nai vola i Jemesa. * Vulica na tikina oqo, ka mo vakarau e na Sigatabu, Noveba 8. AI VOLA I JEMESA [Ulutaga Ni Veimacawa] 40 SADE Noveba 2 Vakabauta E Mate “Ena yaga vakacava, oi kemudou na wekaqu, kevaka sa kaya e dua ni sa tu vua na vakabauta, kevaka sa sega vua na cakacaka? E na vakabulai koya beka na vakabauta?” (Jemesa 2:14). E da vakamacalataka vakacava na tikina oqo, e na vakasama ni da vakabulai e na vuku ni vakabauta taudua ga? Wilika na Jemesa 2:15–17; dikeva vata kei na Roma 3:27, 28; Efeso 2:8, 9. Na vakabauta e sega ni cakacaka. O Jemesa e solia e dua na vakamacala ni mataqali vakabauta lasu vakaoqo (Jemesa 2:15, 16). Me vaka e da sa raica oti, na talairawarawa e na i vola nei Jemesa e veiwekani. Me qai vakacava na noda sotavi ira na tacida e na loma ni lotu e ra gadreva tu na veivuke? Na vosa walega ga e sega ni yaga. E sega ni rawa me da kaya walega, “Lako e na vakacegu, na Kalou e na vakarautaka,” ke sa vakarautaka vei keda na Kalou na veika me rawa ni da veivuke kina. Sa dina, ni veika e gadrevi e levu ka sega ni rawa me da na sotava kece. Ia e tiko e dua na yavu ka vakatokai na “kaukauwa ni dua.” O keda na liga kei na yava i Jisu, ka rawa vei keda me da vukei ira me dua na tamata e na dua na gauna. Ke da dikeva, oqo na ka e cakava o Jisu. E na Marika 5:22–34, e mai vakamamasu vei Jisu e dua na tamanigone ni sa voleka ni mate o luvena yalewa. E na gaunisala, e lako mai dakuna e dua na marama ka tara na bele ni Nona i sulu. Ni sa vakabulai na marama oqo, sa rawa vei Jisu me lako ga, ka lako e na marau na marama vakabulai. Ia E kila o Jisu ni sega walega ni gadreva na marama oqo na bula vakayago. E mani tu vakadua ka taura na gauna me rawa ni vulica na marama oqo me yaco me dauvakadinadina i Jisu, me wasea ni sa ciqoma. Oti sa qai tukuni vua na vosa e volai e na Jemesa 2:16: “Lako e na vakacegu” (Marika 5:34). Ia na kena duidui ga, ni vakaibalebale cake na vosa e tauca o Jisu! Ni da raica na leqa, da qai sega ni cakava kina e dua na ka, e da sa calata tiko e dua na gauna me bulataki kina na noda vakabauta. Sa na malumu na noda vakabauta ka tekivu mate vakamalua. Ni vakabauta e sega ni cakacaka e na mate. O Jemesa e kaya: sa mate rawa tu na vakabauta. Ke a bula tu, e na tu kina na cakacaka. Ke sega, na cava na kena yaga? E taroga o Jemesa na taro me baleta na mataqali vakabauta tawa yaga ka sega ni cakacaka vakaoqo, e na mua ni tikina e 14. E na vosa vaka Kiriki e kaukauwa sara; “E sega ni rawa ni vakabulai koya na mataqali vakabauta vakaoqo?” O Jemesa e namaka me da sauma vakamatata ni “sega” ni rawa. E da na vulica vakacava me da vakaraitaka vakavinaka na noda vakabauta e na noda cakacaka, ka gauna vata o ya me da taqomaki keda mai na veivakacalai ni rawa ni vakabulai keda na noda cakacaka? AI VOLA I JEMESA [Ulutaga Ni Veimacawa] 41 MONITI Noveba 3 Vakabauta E Veivakabulai Wilika na Jemesa 2:18. Na cava na vakasama levu e dusimaka tiko o Jemesa? E da vakaraitaka vakacava na noda vakabauta e na noda cakacaka? O Jemesa e vakayagataka e dua na sala ni veivosaki me rawa vei koya e veisaqa me basika cavu kalawa mai e liu. E na kisi oqo, o koya e veisaqa e saga me curumaka e dua nai sele gata e na maliwa ni vakabauta kei na cakacaka, e nona vakatututaka ni vinaka ka sega ni leqa ke dua e tu ena yasana oqo, se na yasana kadua. Ia na tikina bibi e via tukuna tiko o Jemesa ni sega ni rawa vua na tamata Lotu va-Karisito e nuitaka tiko me vakabulai e na vakabauta, ke sega ni salavata kei na cakacaka: “Mo vakatakila mai vei au na nomu vakabauta ni sa sega ga na nomu cakacaka, ia ka’u na vakatakila vei iko na noqu vakabauta e na noqu cakacaka.” (Tikina 18). Na tikina bibi ni sega ni vakabauta kece e veivakabulai. Na vakabauta dina, na vakabauta e veivakabulai, e kilai tani e na vuku ni cakacaka vinaka. Sa vakakina, ni cakacaka e na cakacaka vinaka ke buroro cake mai e na vakabauta. Na vakabauta kei na cakacaka e sega ni rau veitawasei rawa. Me vaka na yasana e rua ni lavo, e na sega ni vakabau e dua ke yali na yasana kadua. E dua na yasana e uluna ka buina na yasana kadua. E na liu mai na vakabauta, ka na liutaka na sala ki na cakacaka vinaka. Vakasamataka na vakarau ni vakasama nei Paula me baleta na cakacaka e na Efeso 2:10, 1 Cesalonaika 1:3, 1 Timoci 5:25, kei na Taito 2:14. Na cava e bibi kina na cakacaka vinaka? O Paula e sega ni saqata na cakacaka vinaka. E saqata na cakacaka vinaka me sala ni veivakabulai (Kalatia 2:16). E vakamatatataka o Paula ni o ira era vakararavi e na cakacaka ni vunau me rawa ni vakabulai ira e ra vakarurugi e na veivatonaki, baleta ni sega ni dua e saga me vakabulai e na nona muria na vunau e sa bau rawata me muria vakaoti (Kalatia 3:10). Na solisoli duadua ni Yalo Tabu e na rawati vinaka kina na talairawarawa. “E sega ni rawa vua na tamata me rawata na bula e na nona cakacaka vinaka, ia sa rawa duadua ga e na loloma, e na gauna sa ciqomi ka vakabauti Jisu kina na tamata valavala ca. E solisoli wale. Na veivakadonui e na vakabauta sa sega ni qai ka ni veiba. E na vakaotia e levu na veiba, ke sa na matata vua na tamata sa bale, ni nona cakacaka vinaka e na sega ni rawa ni vakabulai koya. ”— Ellen G. White, Faith and Works, p. 20. Na cava e dodonu me vakauqeti keda kina na tukutuku vinaka ni sega ni rawa ni da cakacakataka na noda sala ki lomalagi, me da cakava na cakacaka vinaka e da rawa ni da cakava, e na vuku ni noda lomana na Kalou? AI VOLA I JEMESA [Ulutaga Ni Veimacawa] 42 TUSITI Noveba 4 Nodra “Vakabauta” Na Tevoro Ke yali na cakacaka, e dua ga na sala e rawa ni “vakadinadinataki” kina na dina ni nona vakabauta e dua: nona taura matua na yavu e vakabauti. Ke’u vakadinata na ka e dodonu, kena i balebale ni sa tu vei au na vakabauta, e dina beka? Wilika na 2 Koronica 4:2; 1 Timoci 2:4; Jemesa 5:19, 20; 1 Pita 1:22; kei na 1 Joni 3:18, 19. Na cava e tukuna vei keda na veitikina oqo me baleta na bibi ni kena kilai na dina? E da sega ni vakabekataka ni tiko e dua na tikina bibi me baleta na kena kilai vaka vakasama na dina. Ia, na kila ka vaka vakasama oqori, e sega ni se rauta me vakadinadina ni sa tiko vua na vakabauta e veivakabulai. E na Jemesa 2:19, na vakasala cava e soli kina me baleta na vakadewa cala ni vakabauta dina? Na yavu ni vakabauta e na Veiyalayalati Makawa e kune e na Vakarua 6:4, “Mo ni rogoca, na Isireli: O Jiova na noda Kalou ko Jiova sa dua bau!” Na tikina oqo e vakatokai e na yaca na Shema (baleta ni oqo na vosa vaka Iperiu e tekivu kina), ka soqona na tikina oqo na vakadinata ni dua ga na Kalou. Na vei vakavuvuli kece vaka Vola Tabu e drodro mai na dina levu oqo. Ia o ira talega na tevoro e ra vakadinata na dina oqo. E ra kila vinaka! Na cava e cakava vei ira? E ra sautanini e na mata ni Kalou, me vaka ga na nodra sa vakaroti mai vei Jisu me ra lakotani mai vei ira na tamata e ra curumi ira tu (Marika 3:11, 5:7). Na vakabauta e ka ni vakasama walega ka sega ni veisautaka nai vakarau ni bula e tawa yaga; e rawa ni da kaya, ni tautauvata kei na vakabauta e ra taukena na tevoro, ka ra cakacaka tiko vakaukauwa me ra vakacalai keda e na lasu kei na vakavuvuli cala. Me vakataki ira na Isireli e na gauna i Jisu, o ira na tevoro e ra na vakauqeti ira na tamata me ra vakadinata na nodra veivakacalai ka yavutaki e na nodra gagadre na tamata me ra taura matua na i tovo tawa savasava ka sega ni dodonu: “Ia sa tukuna vakamacala na Yalo Tabu ni na vuki tani eso mai na vakabauta e na gauna emuri, ni ra vakarogoca eso na yalo e dauveivakacalai kei na nodra i vakavuvuli na tevoro” (1 Timoci 4:1). Na vakabauta e dodonu me vakavotukana e na noda bula, ke sega, e sega ni vakabauta e veivakabulai; e “vakabauta nodra na tevoro,” ka vakabauta vakaoqo e sega ni vakabulai keda ka sega talega ni vakabulai ira. AI VOLA I JEMESA [Ulutaga Ni Veimacawa] 43 VUKELULU Noveba 5 Na Vakabauta Nei Eparama Wilika na Jemesa 2:21–24 qai vakatautauvatataka kei na Roma 4:1–5, 22–24. E vakamacalataki vakacava na vakabauta nei Eparama e na tikina oqo, ka yavutaki e na cava na veivakadonui? E talei ni o Jemesa kei Paula e rau vakayagataka na Vakatekivu 15:6, ia e vaka e veibasai na vanua e rau dui tini kina. O Jemesa e vakaraitaka ni o Eparama e vakadonui e na cakacaka, ia o Paula, e na Roma 4:2, e vaka me vakacala na vakasama oqo (raica na tikina 24). Na vakasama e vosa kina na Roma 4, na taro: e gadrevi e dua me cilivi me rawa ni vakadonui; o ya me ra vuki na kai Matanitu E Sau me ra Jiu me rawa ni ra vakabulai (Roma 3:28–30). O Paula e vakaraitaka ni vakabauta nei Eparama, sega ni nona “cakacaka” e na nona cilivi, e yavu ni nona vakadonui, baleta ni a vakadinata o Eparama ni bera ni qai cilivi. O Eparama qai cilivi e muri, me vakatakilakila e taudaku ni nona vakabauta mai loma (Roma 4:9–11). Ia na cakacaka vakaikoya, vakakina na cili, e sega ni da vakadonui kina, baleta ni o ira ga “e ra sa muria talega nai vakarau ni vakabauta ko ya sa nei Eparaama” (Roma 4:12) e ra na vakadonui. E duidui beka na vakasama oqo nei Paula kei na vakamacala nei Jemesa? O Paula e vakuria nona vakamacala e na nona vakayagataka na “vakadinadina” me baleta na vakabauta i Eparama, ka vakayagataka talega o Jemesa (Roma 4:17–21).O Eparama e vakadinata ni rawa Vua na Kalou me vakaturi Aisake tale mai na mate, baleta ni “o Koya sa vakabulai ira tale na mate, a sa kaciva na veika sa segai me vaka era sa tu” (Tikina 17; Iperiu 11:17–19). O Paula e kaya ni vakabauta e veivakabulai e “vakadinata sara, ni sa rawarawa vei Koya, me vakayacora na ka sa yalataka” (Roma 4:21). Na vakabauta e veivakabulai sai koya na vakabauta e vakararavi Vua na Kalou me vakayacora na Nona vosaniyalayala ka muria e na talairawarawa na Nona vosa. Na cakacaka oqo e sega ni “cakacaka e na muri vunau” ia e “cakacaka ni vakabauta.” O Jemesa e kaya: “O sa raica beka ni sa veivuke na vakabauta kei na nona cakacaka, a sa taucoko sara mai na vakabauta e na vuku ni cakacaka?” (2:22). Na vakabibitaki na vakabauta kei na cakacaka, sa rawa me kune kina na tawase. Na vakabauta dina, “na vakabauta sa daucakacaka yaco e na loloma” (Kalatia 5:6). Na cakacaka vinaka e sega walega ni vakatakilakila ni vakabauta e taudaku; e cakacaka ni bulataki na vakabauta. O Eparama e talairawarawa ka cabora na luvena e duabau o Aisake, e na nona vakabauta ni Kalou E a bulia na veikabula kece. O Jemesa e vakaraitaka ni yaco me vinaka sara na vakabauta e na talairawarawa. E tara vakacava na nomu vakabauta na nomu cakacaka (se na sega ni cakacaka)? AI VOLA I JEMESA [Ulutaga Ni Veimacawa] 44 LOTULEVU Noveba 6 Na Vakabauta Nei Reapi “Sa vaka talega kina ko Reapi na yalewa ka dautagane, sa sega li ni vakadonui e na vuku ni cakacaka, ni sa vakacegui rau nai talaki, ka vakatala yani e na sala tani?” (Jemesa 2:25). Wilika na Josua 2:1–21. E da na kila vakacava nai vakaraitaki oqo, e na vakasama ni da vakabulai e na vuku duadua ni vakabauta? Na Iperiu 11:31 e vakaraitaka ni ra sega ni vakadinata o ira na lewenivanua e Jeriko. Levu na vakadewa ni Vola Tabu nikua e vakatokai ira me ra “talaidredre.” O ira na vakaitikotiko e Jeriko e ra kila vinaka na nodra sa qaqa na Isireli vei ira na kai Mitiani kei ira na Amoraiti, ka ra kila vinaka na kaukauwa ni nodra Kalou na Isireli. Na Nona veicudruvi na Kalou vei ira na Isireli mai Peali-peori e vakavulica vei ira na tiko e Jeriko na Nona savasava ka vakakina na Nona cata na nodra qaravi kalou matakau kei na valavala tawa dodonu: “E ra kila na tiko e Jeriko na veika kece e yaco oqo, ka vuqa vei ira e ra e tu vei ira na vakadinata e tu vei Reapi, ia e ra sega ni muria.”—Ellen G. White, Patriarchs and Prophets, p. 492. E sega ni vakabulai o Reapi e na vuku ni nona lasu ia na kena veibasai. E vakabauta o koya na Kalou dina, ka cakacaka e na vakabauta o ya me taqomaki ira na yamata vuni e ra talai mai vei Josua. E tiko na veika e gadrevi taumada: e muria na vakasala me vakaliliga e dua na dali damudamu e na nona katuba leka. Ka vakatakarakarataka na dra e boro kina na katuba e na nodra vale na Isireli, e na Lakosivia gauna e ra a sereki kina mai Ijipita (lako Yani 12:21–24). Dina ga ni sega ni se vinaka sara na vakabauta nei Reapi, na nona bula e vakaraitaki ni vakabauta e vakaraitaka na dina ni veivosoti ni Kalou kei na loloma vei ira kece era digitaka me ra cavukalawa e na vakabauta ka vakararavi Vua na Kalou e na ka e na yaco. Wilika na Jemesa 2:26. E soqona vakacava na tikina oqo na veiwekani e tiko e na vakabauta kei na cakacaka? Me vaka ga ni yago ni mate, e yago walega ka sega tu kina nai cegu ni bula, sa vakakina ni vakabauta e sega na cakacaka e mate. Kenai kuri, na “talairawarawa” e da tovolea me da cakava, e na tautauvata ga kei na “cakacaka e mate”, ke sega na vakabauta dina.” (Iperiu 6:1, 9:14), ka sega ni vakaibalebale e na mata ni Kalou. Sa vakabulai e na vakabauta e dua na yalewa dautagane? Ke oqo nai vakaraitaki duadua ni veivakabulai e na vakabauta e tu vei keda, na vakadewa cala cava e rawa ni basika kina? Nai nuinui cava o rawa ni taura me nomu mai na kena talanoa? AI VOLA I JEMESA [Ulutaga Ni Veimacawa] 45 VAKARAU Noveba 7 Kuri Ni Vuli: “Sa na rawa mo taukena e dua na veiwekani vou ka vutuniyau, ke o tekiduru e na ruku ni kauveilatai, ka raica na vinaka sara i Karisito, o na raica na levu ni leqa e tu e na nomu bula ka o na vakatikitikitaka tani na au, ni o sa siqema rawa na kena tawa yaga. “E na nodra rai na Nona tamata, O Karisito e na laurai ka okati me totoka ka vinaka sara; ka Kena yaloyalo oqo e na katoni e na vakasama kei na yalodra, ka na laurai e na nodra i tovo. Na drega mai lomalagi e dodonu me dregata na yalo, ka matanataki e na bula. Kauta mai vei Jisu na nomu i colacola, masu e na vakabauta e bula, taura matua na liga kaukauwa mai lomalagi, vakadinata, mo vakadinata dina, o na qai raica na veivakabulai ni Kalou. Ke gadrevi mo vakavulici, na Kalou e na vakavulici iko; ke gadrevi mo liutaki, E na liutaki iko ki na vurevure ni wai bula.”— Ellen G. White, Testimonies to Southern Africa, p. 26. Taro Ni Veiwasei: 1. Wilika na Jemesa 2 e na dua ga na gauna. Nai tukutuku cava e tiko kina e nodra o ira e ra vakararavi ki na yalododonu i Karisito e na nodra vakabulai? 2. E so e ra kaya ni o Jemesa e sega ni rogoci Paula e na nona vosa me baleta na vakabauta kei na cakacaka, ka dodonu me da vakadewataka ni oqo na nona rai ga o koya. Na cava na leqa e na mataqali vakasama vakaoqo? Na cava e sa rui ka bibi kina na noda vulica ka kila na veika e ra kaya na veitikina tale eso me baleta na vakabauta kei na cakacaka? E na gauna ni Veivakavoui kei na Ribatani ni Lotu, o ira na tutaka na Lotu vaka Roma e ra dau cici ki nai vola i Jemesa me tokona na nodra vakavuvuli. Na cava e vakatavulica vei keda, ni sa ka bibi me da tara cake na noda yavu ni vakabauta e na veitikina kece e volai e na Vosa ni Kalou? 3. E dau tukuni ni dodonu me “tiko e na veimama” ka me kakua ni vakabi e na dua na yasana na vakabauta kei na cakacaka. E na rarama ni lesoni oqo, o duavata kei na vakasama oqo? Veitalanoataka na nomu saunitaro e na nomu kalasi. 4. Na cava e sega ni basika kina e na vola i Jemesa (se na Veiyalayalati Vou) na leqa ni vakabauta nei Eparama e na vukui Isimeli se na lasu nei Reapi? Na cava e vakatavulica vei keda na dina oqo me baleta na usutu ni noda ubi e na yalododonu i Karisito? AI VOLA I JEMESA [Ulutaga Ni Veimacawa] 46 LESONI 7 Noveba 8–14 VAKAMANOATAKI NA YAMEDA YAKAVI NI SIGATABU Wilika Me Vulici E Na Macawa Oqo: Jemesa 3:1–12; Vakarua 6:6, 7; Luke 9:51– 56; Vakaibalebale 16:27; Maciu 7:16–18. Wiligusu: “Ni ko na vakadonui e na vuku ni nomu vosa, ka ko na cudruvi e na vuku ni nomu vosa ” (Maciu12:37). Na vosa e tiko kina e dua na kaukauwa levu. “Na vosa e vosataki taudonu” (Vakaibalebale 25:11)—vosa veilaveti, serekali, kei na talanoa e rawa ni bulia na bula ni tamata e na so na sala veivakurabuitaki. Na ka e da tukuna e rawa ni ologa tu na vakasama me vaka siga se vaka vula se vakayabaki. O ira na gonelalai e ra ciqoma na vosa me vaka e dua na misini ni katokatoni. Oqo na vuna e na taladrodro mai vei ira na vosa e ra rogoca tiko e na gauna e ra tubu cake tiko kina. Oqo talega na vuna, ni tukutuku e ra rogoca me baleti ira e rawa ni vakadavora na nodra rawa ka e na veigauna sa tu mai liu se e na vakavuna me ra sega ni rawa ka. Nai tautau ni vosa mai vei rau na tubutubu ni gone e na kune na kena matanataki mai vei ira na gone, se vinaka se ca. Na vosa e volai e kaukauwa talega, ka rawa ni balavu na gauna na kena nanumi. Na Vosa ni Kalou e kaukauwa taudua. Vakasamataka mada: “Na Nomuni vosa na cina ki na yavaqu ka rarama ki na noqu sala” (Same119:105); kei na “Nomuni vosa au sa tugana e lomaqu, me’u kakua ni cala vei kemuni” (Same 119:11). O Jisu e vagolea tani na nodratou rai na tisaipeli mai na ka ni veivakalougatataki e sega ni tudei, ki na dua na ka e bibi cake: “A vosa kau vosataka vei kemudou sa vakayalo, ka sa vu-nibula.” (Joni 6:63). Na vosa e rawa ni kauta mai na vakacegu kei na veivakadeitaki se veivakagagai kei na vei vakacacani. Sa vakavica na nomu tukuna e so na vosa o qai diva me rawa ni o vakasuka tale mai? E na macawa oqo, e da na vulica e so na ka e tukuna o Jemesa me baleta na vosa. * Vulica na lesoni oqo, ka mo vakarau e na Sigatabu, Noveba 15 AI VOLA I JEMESA [Ulutaga Ni Veimacawa] 47 SADE Noveba 9 O Na Saumi Taro Wilika na Jemesa 3:1. Na tukutuku bibi cava e tukuni e ke me baleta na noda na saumi taro? O ira na qasenivuli e na loma ni soqosoqo lotu kei na koronivuli ni Lotu vaKarisito e ra taukena e dua na i tavi bibi, baleta ni ra na muloca na yalo kei na vakasama e na sala e vuqa, me katoni tu e na vica vata na yabaki. Na veivakavulici oqo, e wili kina na kena dewa yani na revurevu ni veika katoni tu vei ira e na taudaku ni lomanibai ni veikilai. Na levu ni ka e da kila, na kena vakataqari vei keda nai colacola me da wasea yani na ka e da kila. E na matamata ni Tyndale House library e Cambridge, Igiladi, e tu kina e dua na vatu ni vakananumi ka vakananumi ira kece na gonevuli: “A rerevaki Jiova na vu ni vuku” (VBalebale 9:10). Na Kalou na i vakarau ni veika kece, sega ni tamata; ka yavu ni vuli dina, E tekivu ka tini Vua. E ka ni rarawa, ni toso cake na kila ka, sa vakavuna me lailai sobu na noda vakararavi Vua na Kalou. Sa bulataki ka vakavuvulitaki tiko ni veika e kilai e na vakadidike, e cici e na taudaku ni Nona vakatulewa na Kalou. E so na qasenivuli ni Vola Tabu, e na nodra vinakata me ra rogo ka kilai, e ra dau vakayagataka e so na sala e vakalailaitaka se kauta tani na vakabauta. E vakavuna me sa yali yani vakamalua na vakabauta e na nodra vakasama kei na yalodra o ira na gonevuli kei ira na qasenivuli. Ia na vuli e na ka talei ka veivakauqeti vei ira na qasenivuli kei na gonevuli, ke veika e vulici e vakarautaka na tamata ki na bula tawamudu ka sega walega ni bula e na vuravura oqo. O Paula talega e kila deivaki tu na i tavi oqo e na nona vakavulici ka tabaki ira nai liuliu e na veisoqosoqo lotu e tea ka tubera cake (Caka. 14:23, Taito 1:5). E vakasalataki Timoci me qarauna ka taqomaki ira na sipi ni Kalou mai vei ira na vakatawa e ra sega ni loma vuku ka ra se gone e na veiqaravi (1Timoci 1:3–7; 3:2–6; 6:2–5; 2 Timoci 2:14, 15), ka nona vakasala ni so “era sa dauvakatavulici tiko, ka sega ni rawata me ra kila na ka dina” (2 Tim. 3:7). O ira na i tubutubu e nodra i tavi bibi me ra vakavulica na luvedra, ni o ira e ra na matanataka vei ira na tani. O keda kece, e da rawa ni tara na nodra bula na tamata mai na vakarau ni bula e da bulataka. Sa rui bibi kina na noda kerea na vuku mai Vua na Kalou, sa yalataka oti tu (Jemesa 1:5), me rawa ni da bulataka na Nona sala ka seraka na i tovo va-Kalou. Ni noda bula e rawa ni dewadewa ni vinaka se ca vei ira na tamata. Vakasamataki ira era tara na nomu bula e na yasana vinaka. Na cava e ra cakava? E ra tara vakacava na nomu bula? Ka rawa vakacava vei iko mo cakava na ka vata o ya vei ira na tani? AI VOLA I JEMESA [Ulutaga Ni Veimacawa] 48 MONITI Noveba 10 Kaukauwa Ni Vosa “Ni da sa cala kecega e na ka e vuqa” (Jemesa 3:2). Sa dua dina na vakatutusa vinaka, vakabibi na nona dikeva tiko o Jemesa na i vakarau ni bula ni tamata! Ia na noda vakila na noda gagadre “dina,’ me kakua ni buwawa na noda vakabauta na Kalou kei na Nona i vakarau cecere, me da yaco me da matataki Koya e vuravura. “Kevaka sa sega ni cala e dua e na vosa, sa tamata uasivi sara ko koya, a sa rawarawa vua me tarova na yagona taucoko” (Tikina 2). Na vakasama e na vakadewa vaka Kiriki e kaya tiko ni rawa vei keda me da kakua ni tarabe e na vosa. Na vosa e dua dina na ka bibi. Na vakasama e basika kina na vosa, ka basika kina na ka e da cakava. Na vosa e vakadeitaka na ka e tu e na noda vakasama. Oqo na vuna, e sega walega ni tara na veika e da cakava, ia na veika e ra cakava na tani. E da veisemati tu e na vuku ni vosa e da veivosaki kina. Na tikina e na macawa oqo e tiko kina e vica nai vakaraitaki ni kaukauwa e tiko e na yameda. Na matai ni tolu e vakaraitaka ni dua na ka lailai e rawa ni cakava e dua na ka levu: na varaele e na gusu ni ose e rawa ni vagolea na ose, na i velovelo e rawa ni vagolea na waqa lelevu, kei na bukawaqa lailai e rawa ni vakaudreva na veikau levu. Na mataqali “kaukauwa ni vosa” cava e da kunea e na Vola Tabu? Raica na Vakarua 6:6, 7; 23:23;Same 40:3;VBalebale 10:20, 21; 12:25; Malakai 2:6, 7; Luke 4:22; Roma 10:6–8. O ira na gonelalai e ra totolo ni ciqociqo, ia e ra vaka na vunikau e na nodra tubu cake me kaukauwa ka tudei, ka laurai ni ra na saqata na veisau o ira na gone e na nodra qase cake mai. E na dua na vakasama, o keda e da qasenivuli kece, mai vale se na soqosoqo lotu. E na vuku ni kena tiko e na noda vosa na kaukauwa levu, sa ka bibi kina me da vakasilima na noda vakasama e na Vosa ni Kalou e na veimataka lailai kece. Na cava e vakania tiko na nomu vakasama kei na vosa: na Yalo ni Kalou se dua tale na ka? Me da kakua ni vakawaletaka na veisau levu e rawa ni cakava na Vosa ni Kalou (Same 33:6, 2 Koro. 4:6), ka duidui mai na veivurevure ni kakana tale e so. Na vosa e ka kaukauwa, ni vica walega na mala ni vosa, o rawa ni vorolaka nona bula e dua, me yacova saraga na mate. E na yasana kadua, na vosa vinaka e rawa ni laveta cake na tamata, me yacova talega na mate. Ke tiko e ligamu na dainimati, e na vakacava na nomu qaqarauni? Na cava e tukuna vei iko na nomu saunitaro me baleta na nomu qaqarauni vinaka me baleta e dua na ka e kaukauwa cake mai na dainimati? AI VOLA I JEMESA [Ulutaga Ni Veimacawa] 49 TUSITI Noveba 11 E Ra Ka Levu “Na Ka Lalai” Wilika na Jemesa 3:3–5. Na cava e rau tautauvata kina na i vakaraitaki e rua, ka rau veiwekani vakacava kei na yame? Na varaele e na gusu ni ose kei nai velovelo ni waqa e rau ka lailai ruarua ni vakatautauvatataki kei na ka e vakatulewataka. Ni toso ga vakalailai na liga, na ose se waqa sa mua e na matanicagi o vinakata. E na vakasama vata oqo, “Sa vaka talega kina na yameda ni sa tikida lailai ga, ka ra ka vakaitamera na waqa” (Tikina 5). Rawa ni da kaya, ni vosa se rairai ni matada e ka lailai wale ga, ia e rawa ni veisautaka na nomu tokani me kemu meca se vukica e dua na tutu ni leqa me vinaka. “A vosa vakayalovinaka sai vakamalumu ni cudru: Ia na vosa vakararawa sa vakatubura na cudru.” (VBalebale 15:1). Vakasamataka e dua na ose kei na waqa e rau gutugutuwa tu, ia e sala se matanicagi cala e rau mua tu kina. Na totolo ni kena cici e dua na ka, na yawa ni vanua e tu kina mai na vanua dina e dodonu me yaco kina. Sa dodonu me tu vakadua ka saumaki e na gauna totolo duadua. E dina talega na vakasama oqo me baleta na noda vosa. Ke sa viavia tau vakatani na veivosaki, na totolo ga ni noda tinia koso na kena vinaka. Wilika na Luke 9:51–56. Na cava na saunitaro nei Jisu e na vakatutu nodratou na tisaipeli? Na cava qai yaco, ka lesoni cava e da rawa ni da vulica e na talanoa oqo? O Jisu e sega ni ciqoma na vakatutu, dina ga ni yavutaki tu vaka Vola Tabu na nodratou vakatutu na tisaipeli (2 Tui 1:10, 12). Na Nona vosa ni veivatonaki e veisautaka na i tuvaki ni ka e yaco. Mai tini na talanoa oqo ni “ratou gole ki na dua tale na koro” (Luke 9:56). O Jisu e vulica na nodratou biliraki mai na dua na nodra koro na kai Samaria me ka ni vuli vei iratou na muri Koya. Ni tuburi keda na yalo katakata, ka da vinakata me da sabai keda, me da nanuma na i vakaraitaki nei Jisu oqo, ka toso “ki na dua tale na koro.” “Me vaka ni turu lalai ni wai e basika kina na uciwai, na veika lalai e tara cake na bula. Na bula e vaka na uciwai, e maravu, vakacegu ka marautaki, se vaka na uciwai seuseuwa, ka basika cake mai kina qele lolobo kei na duka.”—Ellen G. White, That I May Know Him, p. 209. Na cava e so na “ka lalai” e na nomu bula, ka gauna o dikeva ka vakasamataka vakabibi, o kunea ni sega ni “ka lailai” dina. AI VOLA I JEMESA [Ulutaga Ni Veimacawa] 50 VUKELULU Noveba 12 Tataqomaki Ni Vakacaca Sa da sotava oti keda. E dua na ka eda a tukuna sa laki vakalevutaki, vakuri me yacova ni sa duidui kei na ka o a tukuna. Kaya o Jemesa, “Raica na kena vakamai e dua na veikau levu e na dua na bukawaqa lailai” (Jemesa3:5). Wilika vakavinaka ka masulaka na Jemesa 3:6. Na cava e kaya tiko me baleta na kaukauwa ni yameda, na noda vosa, me “vakaduka” na veika kece baleti keda? E vakavuna vakacava na tikina oqo me da sautanini ni bera ni da vosa? Na bukawaqa, e vakatakarakara ni veivakasavasavataki (Aisea 4:4, Sakaraia 13:9), ka vakatakarakara talega na veivakarusai (Josua 6:24; 11:9, 11; 1Samuela 30:3; Maciu7:19), wili kina na vakacaca ni vosa e sega ni vakasamataki vinaka (VBalebale 16:27, 26:21). Sega walega ni tekivu e dua na kama levu mai na dua walega na lidi ni buka, e rawa ni totolo na kena ravuravu ka veivakarusai. Oqo talega na sala, e vakarusa kina na vosa na veitokani, vakawati kei na keda rogorogo. E rawa ni dabe e na nona vakasama e dua na gone ka vakacacana na nona rai me baleti koya kei na nona vakatorocaketaki e na veigauna sa tu mai liu. Na valavala ca e tekivu e vuravura mai na dua na taro ni lecaika (Vakatekivu 3:1). Na sala vata ga e a tekivu kina mai lomalagi. O Lusefa e “tekivu me teivaka na vakatitiqa me baleta na vunau e vauci ira na lewe i lomalagi.”—Ellen G. White, Patriarchs and Prophets, p. 37. E rawa ni da kaya deivaki ni yameda “sa vakacaudreva o eli” (Jemesa3:6). Dina ga ni vosa e da sa cavuta oti e sega ni rawa ni vakasukai lesu mai, e dodonu me da vakadodonutaka na ka e rawa ni vakadodonutaki ka cakava na ka me lailai kina na vakacaca e vakayacori. Na noda vakadodonutaka na cala, e na vukei keda me da kakua ni cakava tale na cala o ya. Dua na kena vakaraitaki o Necani na parofita, nona lesu tale vei Tevita me vakadodonutaka e dua na ka e a tukuna, ni oti na Nona vakaraitaka na Kalou vua (2 Samuela 7:1–17). O Pita e tagi e na vuku ni nona cakitaki Karisito, ka vakaraitaka e na matana levu na dina ni nona sa veivutuni (Joni 21:15–17). Dina ga ni “sega ni dua na tamata e rawa vakamanoataka na yame” (3:8), e da vakasalataki me da “Tarova na yamemu mai na ca, kei na tebenigusumu me kakua ni vosataka na ka lasu.” (Same 34:13). Na Yalo ni Kalou e rawa ni vukei keda me da qarauna na vosa e da cavuta (Efeso4:29– 32). Wilika na Jemesa 3:6–8. Mai na vakasama e na tikina oqo, na cava na vuna e dodonu me da qarauna kina na vosa e da cavuta? Rawa vakacava me da vulica ka kila deivaki ni gusuda e tiko kina na kaukauwa e rawa ni yaco kina na vinaka se ca? AI VOLA I JEMESA [Ulutaga Ni Veimacawa] 51 LOTULEVU Noveba 13 Veivakalougatataki Kei Na Veirukaki Wilika na Jemesa 3:9–12. Na dina cava e vakaraitaka o Jemesa ka vakayagataka kina na vurevure ni wai, na vuni lolo, kei na vu ni vaini? E sega ni vakarau vinaka na vakasama me basika ruarua na veivakalougatataki kei na veirukaki mai na gusuna e dua na Lotu va-Karisito. Vakacava na noda sarava na yaloyalo yavala e sinai kina na vosavosa ca ka da laki lotu e na Siga ni Vakacecegu me da rogoca na Vosa ni Kalou? Vakacava e dua e vosataka na dina kei na vosa talei nei Jisu, ka qai talanoataka e so na talanoa lasa e vakasisila? Na yaloyalo oqo e sega ni vinaka vakayalo baleta ni da kila ni sega ni dodonu. Na gusu vata ga e vakalagilagia na Kalou qai wasea e dua na talanoa vakasisila? Na cava e cala kina na i vakarau oqo? O Jemesa e vakayagataka na yaloyalo me baleta na vurevure ni wai. Na vinaka ni wai e na vakatau e na vanua e vure mai kina, kei na wakana e na basika kina na vuana (Maciu 7:16–18). Sa vakakina, ke sa teivaki e na noda bula na Vosa ni Kalou, na kena revurevu sa dodonu me kune e na noda bula. Na noda kila na dina oqo e sereki keda mai na colacola ni noda “vakadinadinataka” na noda vakabauta. Na lotu savasava dina e vakawakana tu e na vakabauta, ka vakadinadinataki koya, me vaka ga e dua na mata ni wai savasava e sega tale ni gadreva me vakadinadinataki koya, ni da raica na wai makare to tovure mai vua. E na gauna vata o ya, e rawa ni da taroga, “Ke da taura e dua na “i taba,” nodra bula e so na tamata ni Kalou e na gauna e tu kina e ra nodra bula vakalotu (Mosese vakamatea e dua na kai Ijipita, Tevita kei Pacisepa etc), e da sega li ni taroga na nodra bula vakalotu?” Na Nona lewa e loma na Kalou me da kakua ni valavala ca (1 Joni 2:1). Ia, mai na gauna e Bale kina o Atama kei Ivi, na Kalou sa vakarautaka na sala ni noda vosoti ke da valavala ca, ka yavutaki e na noda vakabauta na i Soro e yalataki (Same 32:1, 2). Sa dodonu me matata tiko, ni valavala ca e kauta mai na rarawa ka talairawarawa e kauta mai na veivakalougatataki. O Mosese e taura e 40 na yabaki nona vakatawa sipi me takali vua na vuli e vakavuna na nona laba, kei Tevita e kune rarawa e na mate nei luvena ka vakasucuma o Pacisepa, ka tawase na nona matavuvale ka yavalata tu na nona veiliutaki e na matanitu o Isireli me yacova na nona mate. Sa dina ni sa bokoci na noda valavala ca e na gauna e da vakatusa kina, ia na leqa, na revurevu ni valavala ca e na tu, ka dau vakatubu leqa, sega walega vei keda, vei ira talega na tani. Sa dodonu kina me levu na noda tekiduru ka kerea na kaukauwa me da qaqa, mai na noda kerea na veivosoti e muri ka masulaka me tarovi na kena revurevu. AI VOLA I JEMESA [Ulutaga Ni Veimacawa] 52 VAKARAU Noveba 14 Kuri Ni Vuli: “Ni da tu e na maliwa ni veitalanoa vakalialia, sa noda i tavi, ke rawa, me da veisautaka na ulutaga ni veitalanoa. E na veivuke ni loloma ni Kalou, me da vaka lutuka yani vakamalua na vosa se dolava e dua na ulutaga ka rawa ni vukica na veitalanoa e na dua na ka e yaga. . . “Sa dodonu me vakalevutaki na noda wasea na veika vinaka e da dau sotava e na noda bula. Me da talanoataka na yalololoma kei na loloma titobu ni Kalou, na titobu ni Nona loloma na i Vakabula. Na noda vosa me vosa ni vei vakalagilagi kei na vakavinavinaka. Ke sa vakasinaiti tu na vakasama kei na yalo e na loloma ni Kalou, e na kunei votu ka vakatakilai e na veitalanoa. E na sega ni dredre ni wasei na veika sa curuma na noda bula vakayalo. Na vei vakasama cecere, na vei sasaga vinaka, na kena siqemi vakamatata na dina, na vei nakinaki e sega ni nanumi koya vakaikoya, na gagadre me lotu vinaka ka savasava, e na vuataki mai na nona vosa e dua sa kunei vua na i tovo nei Koya nai yau talei duadua e na noda bula. Ni sa vakatakilai o Karisito e na noda vosa, e na tiko kina na kaukauwa me rawa na yalo ki Vua.”—Ellen G. White, Christ’s Object Lessons, pp. 337, 338. Taro Ni Veiwasei: 1. Na leqa e na noda vosa, o ya ni dau rawarawa na kena sikalutu mai. Vuqa na gauna, e dau liu mai i tuba ni bera ni da vakasamataka na ka eda tukuna. E da vulica rawa vakacava, e na vuku ni dina ni vakasama oqo, me da vulica me da vakasamataka vakavinaka na vosa e da cavuta ni bera ni da dolava na gusuda? 2. Vakasamataka na kaukauwa e tiko e na nomu vosa, vei iko mada ga. Vakayacora mada oqo: wasea vei ira na tamata na veika sa cakava e na nomu bula na Kalou, na sala E vakalougatataki iko kina, na sala E vukei iko kina e na gauna ni dradra, kei na vuqa tale. Cakava oqo e na dua se rua na siga, qai tarogi iko e na taro, E tara cake vakacava na noqu vakabauta na noqu wasea na vinaka ni Kalou vei ira na tamata? 3. Na cava o nanuma e vakaraitaka na nomu vosa vei ira era rogoca me baleta na veika e yaco tiko e na yalomu? Era na vakaraitaka beka e dua na tukutuku e levu cake mai na kena o namaka? Ke o katona na vosa kece o cavuta e na dua na siga ka qai dolavi mo rogoca lesu, na cava e na vakatakila me baleti iko? AI VOLA I JEMESA [Ulutaga Ni Veimacawa] 53 LESONI 8 Noveba 15–21 NA YALOMALUMALUMU NI VUKU VAKALOMALAGI YAKAVI NI SIGATABU Wilika Me Vulici E Na Macawa Oqo: Jemesa 3:13–4:10; Vakarua 4:6;Kalatia 5:17; Jeremaia 3:6–10, 20; Cakacaka 19:13–16; Same 24:3–6. Wiligusu: “Dou vakamalumalumutaki kemudou e na mata ni Turaga, ka na laveti kemudou cake o Koya” (Jemesa 4:10). E na vuqa na bisinisi lelevu kei na kena e veimama, e dau kune kina nai vakarau ni vakasama vaka “manidia e tu e na loma donu.” Nai vakarau ni vakasama vakaoqo e yaco e na nodra nanuma na tamata cakacaka ni dodonu me soli vei ira eso na ka e dodonu me nodra: me ra rokovi vakalevu cake, toso cake nai sau, toso cake nai tutu, kei na vuqa tale. Nai vakarau ni vakasama oqo e taura na gauna na kena bucini cake, e na nona sasaga e dua me sa toso i liu. E dau basika va kena vakatakilakila ka wili kina na vosa muri me baleta na vakatulewa e tau mai cake kei na nodra vosa becitaki o ira e ra cakacaka vata, ka veiwaki tu kina na yalo ni veiqati ni nanumi koya vakaikoya. E na gauna e yacova kina e dua na kabani ni vakau tukutuku nai tutu ni naba dua, ka sega ni dua e vakarusai me rawati kina nai tutu oqo, e vakaraitaka e dua na kenai vakailesilesi: “E sega ni dua e vakamatei me rawati nai tutu oqo.” Sa na dua dina na ka vinaka ke rawa ni da kaya ni galala na soqosoqo lotu e na veiqati kocokoco vakaoqo, ka kune ga e na bisinisi kei na vei soqosoqo vakavuravura. E ka ni rarawa, ni vakaraitaka nai Vola Tabu, ni vuqa na gauna, e cakacaka tu e na kedra maliwa na tamata vakabauta na “vuku” vakavuravura. E na macawa oqo, me da raica mada se cava e kaya na Vosa ni Kalou me baleta nai tukutuku dina oqo. * Vulica na lesoni oqo, ka mo vakarau e na Sigatabu, Noveba 22. AI VOLA I JEMESA [Ulutaga Ni Veimacawa] 54 SADE Noveba 16 Na Vuku Sa Yalomalua “O cei vei kemudou sa vuku ka yalomatua? Me vakatakila e nai valavala vinaka na nona cakacaka e na vuku sa yalomatua” (Jemesa 3:13). “Na vuku sa yalomatua?” Na cava na kena i balebale? E so na daunivakamacala e na i Vola Tabu e ra nanuma ni wase tolu ni vola nei Jemesa, e vosa me baleta na ka e gadrevi me kune vei ira na qasenivuli se dau veivakatavulici. O ira na “vuku kei na yalomatua” e ra digidigi donu me ra qasenivuli, ia e laurai ni tikina oqo e rabailevu ka kovuti ira kece na lewe ni soqosoqo lotu. Na vuku e vakamacalataka tiko e ke o Jemesa, e sega ni mataqali vuku e ra laveta cake na kai Kirisi kei na lewe ni veimatanitu lelevu nikua. Ia, na vuku e laurai e nai tuvaki kei nai vakarau ni bula, ka vakaraitaka na vosa vaka Kiriki na anastrophe, ka vakadewataki me “vakarau” (vakayagataki e na 1 Timoci 4:12, Iperiu 13:7, 1 Pita 1:15, 2:12). Na noda i vakarau kei na ka e da cakava e vakadinadina ni vuku e da taukena. O Jisu e vakatavulica na ka vata oqo, Nona kaya, “sa vakadonuya na vuku o ira na luvena.” (Maciu11:19). E talei, ni vanua duadua e na Veiyalayalati Makawa e kune kina na vosa ka vakadewataki me “vuku kei na yalomatua” e kune e na vosa nei Mosese nona vakasalataki ira na Isireli me ra muria na vunau kece E vakarota na Kalou: “Ia mo ni vakabauta ka muria; kemuni na vuku kina ka yalomatua kina e matadra na veimatanitu, era na rogoca nai lesilesi kecega oqo, a ra na kaya, E dina era sa tamata vuku ka yalomatua na matanitu levu oqo” (Vakarua 4:6). Ni da vakatautauvatataka, na “wai gaga” e tukuni e na Jemesa 3:11 e kauta mai na “dauvuvu e gaga kei na nanumi koya vakaikoya” e na loma ni lotu(tikina 14). Nai tovo e muri mai oqo e vakadewataki mai na vosa vaka Kiriki na eritheia, na kena i balebale “na kena sasagataki na ka me baleti au taudua ga.”—Ceslas Spicq, Theological Lexicon of the New Testament (Hendrickson Publishers), vol. 2, p. 70. Oqo nai vakarau ni vakasama e tautauvata kei Setani mai lomalagi ka sega ni dodonu me kune vei keda na Lotu va-Karisito e vuravura. Kevaka e da sega ni digitaka me vakamatei na au ka sorovaki na noda lewa e loma Vua na Turaga, e na rawa ni laurai vei keda kece nai tovo e vakasalataki keda tiko kina o Jemesa e na tikina oqo. Dabe mada ka vakasamataka vakabibi na vosa “na vuku sa yalomalua.”E na gauna sara ga oqo, na cava e so na ka o sotava tiko, ka rawa ni vukei iko kina na mataqali vuku vakaoqo? AI VOLA I JEMESA [Ulutaga Ni Veimacawa] 55 MONITI Noveba 17 Rua Na Mataqali Vuku Wilika na Jemesa 3:15, 16. Na cava na nona vakamacala me baleta na vuku vakavuravura? Na sala cava so e da dau raica kina na mataqali “vuku” vakaoqo e vuravura kei na loma ni soqosoqo lotu? Na vuku e da taukena vakayago e “vakavuravura” se “vakatevoro”, ka yali kina na Yalo Tabu. Sega ni dodonu me da kidroa e na ka oqo. O Solomone e vakaraitaka “na sala sa rairai dodonu vua na tamata” e “sala ga ni mate” (VBalebale 14:12, 16:25). Na vuku oqo e veivakarusai. Ke teivaki ka vakaraitaki na bula ni vuvu kei na nanumi koya vakaikoya, e na basika ga na kasere kei na veisei, me vaka na ka e yaco e Koronica (raica na 2 Koronica 12:20, ka vakayagataki talega eke na vosa vata ga oqo). Wilika na Jemesa 3:17, 18; Joni 3:3–7; Kolosa 3:1, 2. Ni soqoni vata, na cava e tukuna me baleta na vuku “vakalomalagi.” Dina ga ni sega ni cavuta vakadodonu e ke o Jemesa na Yalo Tabu, e laurai kina na vakasama ni sucu vou. O Jemesa e vakayagataka na vosa vakatautauvata me baleta na kena teivaki ka vua na ka e tei, ka rairai sema e na vosa vakaibalebale nei Jisu e na kena “teivaki” na vosa ni Kalou e na yalodra na tamata e na gauna e ra rogoca kina na tukutuku vinaka (raica na Maciu 13:3–9, 18–23). Na vuku vakalomalagi e “sinai e na loloma” ka wili kina na “vua vinaka.” Me vaka e da sa raica oti, dina ga ni vakabibitaka o Jemesa na talairawarawa kei na cakacaka vinaka me vua ni vakabauta, na loloma e qaqa e na veilewai (Jemesa 2:13). E rawa ni da kaya, o ira na vuku dina e ra na sega walega ni yalo malumalumu ka yalo vakarokoroko me vakataki Jisu, ia e ra na bulataka na veimaliwai vinaka, yalomalua, yalololoma, ka dau veivosoti, ka ra na sega ni raica na nodra cala na tamata, se vosa muri, se vakalelewa kina. Sa rawarawa dina na noda sikalutu ki na vakarau ni bula se sala vakavuravura. Dikevi iko mada: e cava na levu ni kena tara na nomu bula na vuku vakavuravura, ni vakatautauvatataki kei na vuku vakalomalagi? AI VOLA I JEMESA [Ulutaga Ni Veimacawa] 56 TUSITI Noveba 18 Na Vu Ni Veivala Kei Na Veiba “Sa vu maivei na veiba kei na veivala vei kemudou? sa sega li ni vuna na nomudou gagadre ca sa veivala e na veitiki ni yagomudou?” (Jemesa 4:1, raica talega na Kalatia 5:17.) Na veiraravui cava e vakamacalataka na tikina ruarua oqo? Ni dolavi na Jemesa 4, e laurai ni o ira na tamata vakabauta e ra tawase tu e na vuku ni nodra veisei vakaira. E tiko e dua na vuna mai loma ka vakavuna me basika mai taudaku na veiba e na loma ni lotu: na kusima taki ni marau vakayago (na vosa vaka Kiriki e basika kina na vosa vaka Peritania na hedonism). Na gagano ni valavala ca vakayago oqo, ka vakatoka o Paula me “tovo vakayago,” e veivala kei na veivakauqeti cecere vakayalo e na noda bula. Na bula va-Karisito e okati kina e dua nai valu balavu, ke sega ni veiliutaki kina na “vuku mai cake” (Jemesa 3:17), e na tasova yani ki na soqosoqo lotu ka vakavuna na mavoa vakayalo e na kedra maliwa na tamata vakabauta. Wilika na Jemesa 4:2, 3. Na gagano ni valavala ca cava e vakaraitaki eke, ka vakaleqa vakacava na soqosoqo lotu? Na tikina oqo e cavuta na vosa e vakayagataki e na Vunau E Tini: “Dou sa kocokoco, ka sega ni rawata: dou sa ravuravu, ka daugagadre, ka sega ni taura rawa me nomudou” (Jemesa 4:2). Na kena cavuti tale na leqa ni vei vuvutaki, yalo kocokoco, kei na kusima se gagano (vakatautauvatataka kei na Jemesa 3:14, 16) e vakaraitaka na rai ka tautauvata kei nai tukutuku E wasea o Jisu e na Vunau Mai Na Ulunivanua, ni ka bibi na veivakauqeti mai loma, sega ni kena ga e taudaku, me na laurai. Kena i balebale, ni cavuti na laba, e na okati talega kina na cudru. E ra na sega beka ni veivakamatei vakaira na lewe ni soqosoqo lotu taumada. Ia, e na yasana kadua, e da vulica e na i Vola ni Cakacaka, ni so na gauna, vakabibi e Jerusalemi, na soqosoqo lotu nei Jemesa, ni yaco kina na vei liumuritaki, ka rawa ni yaco kina na vesu kei na nodra vakamatei na lewenilotu. “Na tiko yavavala e dau vu mai na noda lomani keda ga vakaikeda. Ni da sa sucu vou mai cake, e da na taukena na yalo i Karisito, na yalo vata ga e vakayalomalumalumutaki Koya me rawa ni da vakabulai. Sa na sega kina ni da na vakasaqara na vanua cecere. E da na gadreva me da dabe e na ruku ni yava i Jisu, ka me da vuli mai Vua.”—Ellen G. White, The Desire of Ages, pp. 330, 331. AI VOLA I JEMESA [Ulutaga Ni Veimacawa] 57 VUKELULU Noveba 19 Veiwekani Kei Vuravura Wilika na Jemesa 4:2–4. Na cava na vuna e vakatokai ira kina o Jemesa, me ra “dautagane se dauyalewa” o ira era wilika na nonai vola”? Raica na Jeremaia 3:6–10, 20; Aisea 54:5; Jeremaia 2:2; Luke 16:13. O Jemesa e vakayagataka na vakasama vaka Vola Tabu ni o Isireli na yalewa vakawati, ka vakatoka me ra dautagane vakayalo e na nodra sa muria na i tovo vakavanua kei na i vakarau ni vakasama vakavuravura o ira na tamata vakabauta. Era sa digitaka tiko e dua tale na i liuliu kei na turaga. E sega ni rawarawa na noda kila vakavinaka na tikina e tarava, na Jemesa 4:5. E so e ra vakatoka me tikina dredre duadua e na Veiyalayalati Vou. Na duidui ni kena rawa ni vakadewataki na vosa vaka Kiriki e volai kina, e kunei votu e na duidui ni vakadewa vaka Peritania. E so e ra vakadewataka na “yalo” me Yalo Tabu (“na Yalo. . .sa tiko e lomada sa gadreva vakavuvu,” E vuvutaka nona gadreva na Yalo. . . ”). E so e ra vakadewataka me yalo ga ni tamata (“Na Kalou e vinakata e na yalo vuvu me vakaitikotiko e lomada na yalo E a bulia”; “E na yalo vuvu e vinakata me vakaitikotiko e lomada na yalo E vakavuna o Koya”). Nai otioti ni vakadewa oqo e sema vakavinaka kei na veika e vakamacalataki tiko mai e na wase ni vola oqo, ia e sega ga ni matata sara nai balebale ni tikina oqo. Ni vulici vakavinaka na tikina 5 kei na 6, kei na kena semati mai na veitikina mai cake, e rawa ni vakadewataki me: “Dou sa vakasama beka ni sa sega ni yaga na vosa ni Vola Tabu me baleta na vuvu? Na yalo sa vakavuna o Koya me vakaitikotiko e lomada e gadreva, ia E solia vakalevu vei keda na loloma. O Koya sa kaya kina, na Kalou sa vorati ira sa viavialevu, ia sa solia na loloma vei ira era sa yalomalumalumu.” Na tikina 1–4 e vakamatatataka ni yaloda e sinai kina na gagadre, e sega beka ni ca, ia e rawa ni moica na valavala ca me basika kina na sala ni ca. Na loloma duadua ga e i wali ni noda leqa. O ira na dokadoka, e ra sa biuti ira e na dua na vanua, e dredre kina vei ira me ra ciqoma na loloma. E dua e kaya, ni da rawata na loloma me vakataki ira na daukerekere e ra dulaki yani na nodra bilo kava e na ruku ni dua na savu levu. O ira ga e ra yalomalumalumu, yalomalua, ka ra vakila na nodra gagadre kei na vakararavi, e ra tadola me ciqoma na loloma, e soli wale vei ira e sega ni dodonu me soli vei ira. O Ellen G. White e vola, “Na noda gagadre levu sai koya na noda vinakata me noda na loloma ni Kalou”—The Desire of Ages, p. 317. Dikevi iko mada. Na cava e tu vei iko e dodonu mo vakabulai kina? E vukei iko vakacava na nomu saunitaro na nomu vakila ni o gadreva vakalevu na loloma ni Kalou e na nomu bula? E walia vakacava na nomu gagadre na Kauveilatai, ka kauveilatai taudua ga? AI VOLA I JEMESA [Ulutaga Ni Veimacawa] 58 LOTULEVU Noveba 20 Sorovaki Na Bula Vua Na Kalou “O koya mo dou qai vakamalumalumutaki kemudou vua na Kalou. Vorata na tevoro, ena dro tani kina vei kemudou ko koya.” (Jemesa 4:7). Dikeva vinaka na i vakaro oqo. Ke da vinakata me da vorata na tevoro e na noda kaukauwa ga, e na rawa beka ni noda na qaqa? E na gauna eratou tovolea kina e lewe vitu na Jiu me ratou sereka e dua na curumi tevoro e na nodratou cavuta na yaca i Jisu kei Paula, me yaca mana ni vakasevi tevoro, eratou drotaki bula e na nodratou mavoa ka luvaiwale ni sa vakacicivi iratou o koya e curumi tevoro (Cakacaka19:13–16). Sa dodonu kina me da sorovaki keda Vua na Kalou kei na Nona lewa E loma, me rawa ni da vorata kina na tevoro. Ni da sorovaki keda Vua na Kalou, sa da vorata sara tu ga na tevoro. E na gauna vata o ya, me da kakua ni nanuma ni o ira e vagolei tiko vei ira nai vola oqo nei Jemesa e ra se sega vakadua ni se bau sorovaka nodra bula Vua na Kalou. O Jemesa e volavola tiko vei ira na tamata vakabauta. Sa dodonu kina me da vakasamataka vakalevu na bibi ni noda sorovaki keda Vua na Kalou e na veisiga, ka vorata na tevoro e na gauna e da temaki kina. Wilika na Jemesa 4:8–10. Nai vakaro cava e solia o Jemesa, ka rau veiwekani vakacava? E sema vakacava kei na bula sorovaki? Na vakamamasu me yaco na veisau e na tikina oqo e soqoni ni veika kece a tukuna tiko mai o Jemesa mai na Wase 3:13. E da vulica e na macawa oqo ni tiko na vakatautauvata ni vuku vakalomalagi kei na vuku vakatevoro, kei ira na dokadoka e ra laveti ira cake me vakataki Setani (Aisea 14:12–14) kei ira na dauveiqaravi e ra sorovaka nodra bula Vua na Kalou e na yalo malumalumu. E ra beitaki ni ra voroka na nodra veiyalayalati kei na Kalou nodra voroka na vosaniyalayala ni vakamau (Jemesa 4:4), kei na vakaruataki ni veibeitaki ni lomalomarua (Jemesa 4:8,1:8). Na kaci me da sorovaka na noda bula, e sega walega ni vakasala me baleta na ka vinaka kei na ca; e kaci vei ira na valavala ca me ra veivutuni, me vaka ga na kaci nei Jisu (Luke 5:32). E da veivutuni vakacava? O Jemesa e solia na kena kabakaba ka yavutaki mai na Same 24:3–6): (1) toro voleka Vua na Kalou, E na toro voleka vei iko; (2) me vuluvulu na ligamu ka vakasavasavataki na yalomu (nomu vakasama kei na ka o cakava); (3) tagicaka na veika o leqa kina Vua na Kalou, ni o kila ni nomu gagadre sai koya na ka duadua o rawa ni dulaka Vua me nomu kina na Nona loloma. “Dou vakamalumalumutaki kemudou e na mata ni Turaga, ka na laveti kemudou cake ko koya” (Jemesa 4:10). Na cava na kenai balebale? O vulica vakacava mo yalomalumalumu? E da vulica vakacava me da bulataka na yalomalumalumu e kune vei Jisu? AI VOLA I JEMESA [Ulutaga Ni Veimacawa] 59 VAKARAU Noveba 21 Kuri Ni Vuli: “E lewe vuqa e mosi na yalodra e na bibi ni nodra colacola, baleta ni ra saga me ra yacova nai vakarau cecere ni bula vakavuravura. Era sa digitaka na kena veiqaravi, ciqoma na kena veilecayaki, bulataka na kena vei vakarau. Sa yaco me leqa na nodra i tovo, ka vodo na bula ni lomaocaoca. Nodra sasaga me sotavi na nodra tatadra kei na gagadre vakavuravura, sa mavoa kina nodra lewa e loma, ka ra vakuria vei ira nai colacola ni rarawa. Na bula vinaka e na tekivu me yavu mai ni vakaikuritaki vei keda na lomaocaoca. Na noda Turaga E vinakata me da luvata tani na i vua oqo ni bobula. . .Ka sureti ira me ra vakasaqara taumada na matanitu ni Kalou kei na Nona yalododonu, ka Nona vosaniyalayala ni na vakarautaka vei ira na veika kece e na yaga vei ira e na bula oqo.”— Ellen G. White, The Desire of Ages, p. 330. Taro Ni Veiwasei: 1. Vakasamataka na rua na vuku e da vulica e na Siga Moniti, ka vola na vakasama e kune kina. Vakasamataka na vei vakatulewa bibi se ka o cakava e na macawa oqo. Na vuku cava o vakayagataka kina? 2. E da raica na Siga Sade ni Kalou E yalataka vei ira na Isireli ni ra na qoroi mai na veimatanitu tani me ra “tamata vuku e na yalomatua” ke ra muria na Nona i vakaro. Ia, e sega li ni yaco me ra dokadoka kina na Isireli? Oqo e veisaqasaqa kei na vuku vakalomalagi ni basika kina na yalomalumalumu. Na cava e yaco vei ira, ka rawa vakacava me da vuli mai na nodra leqa? Rawa vakacava me yaco na nodra kila nai balebale dina ni veiqaravi e na valetabu me vukea ka taqomaki ira mai na yalo dokadoka? Rawa vakacava me taqomaki keda na Kauveilatai mai na dokadoka? 3. Wilika na ka e vola o Ellen G. White mai cake. E vica nai vakarau vakavuravura e da sasagataka me da rawata? E donu se cala na vei vakarau oqori? Sa vakavuqa noda wilika ni so na tamata e tu vei ira na ka kece vakavuravura, ia na nodra bula e kavoro. Cava e tukuna vei keda me baleta na veivakacalai ni veika e via solia o vuravura? Ka bibi duadua, e rawa vakacava me da vulica me da vorata na vuravura ka vukei ira na luveda, me ra kakua ni coko e na dai oqo kei na yalayala lasu kei vuravura? 4. Dabe mada e na vakasama ni yalomalumalumu. Cava sa rui bibi kina e na bula ni tamata Lotu va-Karisito? Cava sa rui rerevaki kina na dokadoka e na nodra bula o ira e ra via muri Jisu? AI VOLA I JEMESA [Ulutaga Ni Veimacawa] 60 LESONI 9 Noveba 22-28 DUA GA NA DAUBULILAWA KEI NA TURAGANILEWA YAKAVI NI SIGATABU Wilika Me Vulici E Na Macawa Oqo: Jemesa 4:11–17; Cakacaka 17:11; Iperiu 4:15, 16; Luke 12:13–21; Dauvunau 2:15–19; Taito 2:14. Wiligusu: “Sa dua bauga sa vakatura na vunau, ko koya sa rawata na veivakabulai, kei na veivakarusai: o cei ko iko mo lewa na tani?” (Jemesa 4:12). Nai vakarau ni noda vakasama me baleta na vunau, noda okata me vunau ni Kalou se sega, e tara nai vakarau ni noda veimaliwai kei ira na tamata kei na Kalou talega. O sa bau kila ni so vei ira na tamata rogo ka vutuniyau e ra nanuma ni ra cecere cake mai na lawa? E so vei ira era daubulilawa, se o ira e ra tutaka na kena muri na lawa, e ra dau vakasaqara e so na sala me vukici na lawa me yaga vei ira. Na lawa e vauca na bula ni veimaliwai, ia ni sega ni rokovi na lawa e na vakavuna na kena sega ni rokovi na bula veimaliwai kei ira na tamata. E na gauna vata o ya, o ira e tu vei ira nai vakarau ni vakasama me ra muria vakamatailalai na vakadodonu na lawa, e na dredre na nodra veimaliwai kei ira na tamata. Ni da rai vakatitobu e loma, na noda rai me baleta na lawa e na vakatau e na noda rokova na vuku nodra na daubulilawa kei na vinaka ni lawa e buli. Na lesoni ni macawa oqo e tekivu e na noda dikeva na vunau, ia e na liutaki keda ki na so na vosa bibi me baleta na vakarau ni vakamuri lomana kei na bula ni tu vakaikoya, ka da sega tu ni vakila, ia e da vakasalataki ni valavala ca, ni sa voroka tiko na vunau ni Kalou. E rawa ni da kaya, ni o Jemesa e dolava vei keda e dua na sala ni noda raica nai valavala ca. * Vulica na lesoni oqo, ka mo vakarau e na Sigatabu, Noveba 29. AI VOLA I JEMESA [Ulutaga Ni Veimacawa] 61 SADE Noveba 23 Veilewai Se Yalo Ni Kila Ka? “Kakua ni dou veikaseti, na veiwekani. O koya sa kaseta na wekana, ka lewai koya na wekana, sa kaseta na vunau talega, ka sa lewa na vunau: ia kevaka ko sa lewa na vunau, ko sa qai sega ni muria na vunau, ko sa lewa ga” (Jemesa 4:11). Na cava e okati kina me turaganilewa e dua e vakalewa e dua tale na tamata? Na vosa e vakayagataki e na tikina 11 ka vakadewataki “kaseta” e wili kina e so tale nai valacala ca e na vosa, wili kina na vosa ca, vakadinadina vakailasu, kei na vosa ni cudru (raica na VSoro19:15–18). E na dua na yasana, e vaka me madada na vosa e vakayagataka e ke o Jemesa ni vakatautauvatataki kei na Wase 3; ia e vakaraitaka ni dua e vosa saqata e dua tale e sa rui cala bibi, ka ni vaka me taroga na lawa vakataki koya. Ni da biuti keda e na dabedabe ni turaganilewa, e da sa cakitaka na noda malumalumu (raica na Maciu 7:1–3) ka da vakanamata ki na nona cala e dua tale na tamata, me vaka saraga ni da tu e na taudaku se cecere cake mai na lawa. Na rai vakaoqo, e yali kina na noda lomani ira na kai noda me vaka na nona lomani keda (VSoro19:18). E da sa sega kina ni muria na lawa. E na gauna vata o ya, dina ga ni sega ni dodonu me da lewai ira na tamata, me da vulica me da taukena na kila ka vakayalo. Tovolea mo raica na gagadre ni kila ka vakayalo e na veitikina oqo: Cakacaka 17:11, 1 Koronica 6:1–5, 2 Koronica13:5,Filipai 1:9, 1 Joni 4:1, Kalatia 6:1. Me da dikeva se kune e na Vosa ni Kalou na ka e ra vakatavulica ka vunautaka na tamata. Sa dodonu me da vakauqeti ira na lewenilotu me ra walia na nodra duidui vakaira, baleta ni kau e na mataveilewai, e da sega ni kila se liutaka se sega na bula nei turaganilewa na Vosa ni Kalou. E ka bibi, me da dikevi keda e na vuku ni bulabula vinaka ni noda veiwekani e na vakabauta, ka da taroga se da yavutaki tu e na veika vinaka ka veilaveti se na veika e na vakaleqa na noda bula va-Karisito. Sa rui ka rawarawa na noda vosataka ka vakalewai ira na tani, vakabibi ni ra cakava na ka e da sega ni taleitaka. E da vulica rawa vakacava ke da sa takosova na laini, mai na yalo ni kila ka ki na dabedabe ni turaganilewa ni vunau ni Kalou? AI VOLA I JEMESA [Ulutaga Ni Veimacawa] 62 MONITI Noveba 24 E Turaganilewa O Daubulilawa O Jisu e solia kece na vunau e na Veiyalayalati Makawa. E vakatokai e na so na gauna me lawa i Mosese baleta ni a soli mai vua (2Veigauna 33:8, Nemaia 10:29), ia o Jisu E a liutaki ira na Isireli e na loma ni veikau ka vosataka na Vunau E tini mai na Ulunivanua o Saineai (1Koronica 10:1–4). E na Vunau mai na Ulunivanua, E vakamatatataka ka vakarabailevutaka kina o Jisu na vunau. O Koya na “Vosa…sa mai tamata” (Joni 1:14), ka sa Nona Vosa e da na lewai kina (Joni 12:48). “Sa dua bauga sa vakatura na vunau ka turaganilewa, ko koya sa rawata na veivakabulai kei na veivakarusai. O cei ko iko mo lewa na tani?” (Jemesa 4:12). Na cava e tukuna vei keda na veitikina oqo me baleti Jisu na noda Turaganilewa? Aisea 33:22; 11:1–5; Iperiu 4:15, 16; Vakatakila 19:11–16. O koya ga e kila vinaka na lawa sa rawa ni digitaki me turaganilewa ka vakasala me baleta na kena sa voroki se sega e dua na lawa. O ira na vunilawa e ra vulica na lawa e na vica na yabaki ni bera ni ra dabeca na kena veitarogi me kilai kina ke ra sa rawa ni ra tekivu veiqaravi. O ira na vunivola e na gauna nei Jisu (vuqa vei ira era Farisi), e ra vulica talega na lawa i Mosese kei na nodra vakavuvuli na qase. E basika na veisaqasaqa e na kedra maliwa na liuliu ni lotu kei Jisu baleta ni sega ni duavata kei na vuqa na nodra vakavuvuli na qase. Ia, o Koya ga E a solia na vunau, ka sai Koya ga E tu Vua na dodonu me vakamacalataka na kenai balebale ka vakatulewa se sa voroki se sega. Ni gauna E sa na lesu mai kina, a sa tu ga Vua na ka, me solia vei ira na tamata yadua me vaka na nodra i valavala (Vakatakila 22:12). Me kena i kuri, sa rawa vei Jisu me vakabulai keda mai na valavala ca, E na Nona liatamata, bula tawacala, mate me sosomitaki keda, ka vakaturi e na qaqa mai na valavala ca kei na mate. “Na Kalou sa lesia na veilewai Vua na Luvena, ka ni o Koya na Kalou sa mai liatamata. “Na Kalou sa nakita me turaganilewa ni vuravura oqo na Ravouvou dau kila ka rarawa. O Koya e lako mai e na mataveilewai mai lomalagi me vakabula na tamata mai na mate tawamudu; . . . O Koya E vakatara me tucake ka beitaki e na mataveilewai vakavuravura, ka vakararawataki e na mate beci e na kauveilatai—O Koya duadua ga e na kacivaka na vakatulewa ni noda tauri cocovi se cudruvi.”— Ellen G. White, Maranatha, p. 341. O Karisito E Dodonu ga me noda Turaganilewa baleta ni Dausolilawa ka noda iVakabula. Cocovi se cudruvi, e dua ga vei rau e na noda. Cava na noda nuinui duadua ni vakaicocovi? AI VOLA I JEMESA [Ulutaga Ni Veimacawa] 63 TUSITI Noveba 25 Nakinaki Taumada Wilika na Jemesa 4:13. (Raica talega na Luke 12:13–21.) E da na vakaveiwekanitaki rau vakacava na noda nakinaki ka tuvalaka na veika ni veisiga ni mataka kei na noda bulataka e na veisiga na Nona voleka niu lesu mai o Karisito? E da na levea vakacava nai cori me da tara ka vakalevutaki nai lololo”? E ka vinaka dina me da tuvana na noda i nakinaki me baleta na yabaki vou e tu e na matada. O ira na vei bisinisi e dau tu na nodra tuvatuva leleka, balavu sara kei na kena e veimama. Na matavuvale kei na tamata yadua e dodonu me vakabulailavo e na vuku ni veisiga nimataka kei na kena sotavi na vei ogaoga tubukoso. E na yasana kadua, e da vakabauta ni sa voleka ni lesu mai o Jisu, ka na vakarusai kece ena bukawaqa na veika vakavuravura eda taukena (2Pita 3:10–12). E rau sega ni veisaqasaqa na rai se vakasama e rua oqo. E dua e kaya, “Tuvalaka na nomu tuvatuva me vaka ni na berabera na lesu vakarua mai nei Karisito, ia mo bulataka na veisiga me vaka ga ni na basika mai nimataka.” E vinaka na i nakinaki vakaoqo, dina ga ni tuvatuva vakabalavu vakaoqo e dau vakadredretaka na noda cavukalawa e na veisiga yadua. Vuqa vei ira e ra rogoca na talanoa nei Jisu (keda talega na Lotu va-Karisito nikua) e da na kaya ni o koya na tamata vutuniyau oqo e vakalougatataki koya na Kalou, ka sa via vakalevutaka na nona lololo. Ia o Jisu e vakatakila vei keda na vakanananu vuni ni lomana: “Yaloqu, sa levu na nomu i yau sa bini tu ena rauta na yabaki e vuqa; mo vakacegu mada, mo kana, mo gunu, mo marau tiko” (Luke 12:19). Na nona gagadre dina me binia na i yau e na vukuna ga vakaikoya. Sa rui ka bibi ni da tuvatuva ka, “Ia oqo mo dou kaya, Kevaka sa vinaka vua na Turaga, eda na bula, ka kitaka na ka oqo, se na ka ko ya”(Jemesa 4:15). Oqo e uasivia na noda vola na vosa “ke lewa na Kalou” ni mai cava na ka e da tuvalaka. E kena i balebale ni dodonu me da sorovaka na noda i nakinaki se tuvatuva kece Vua na Kalou. Me da masu ka kaya: “Kemuni na Kalou, au kila na Nomuni lewa. Ke o ni sega ni marautaka nai tuvatuva oqo, ni vakaraitaka mai vei au.” Na Kalou e na vakaraitaka vei keda ke sega ni vinaka na noda i nakinaki—ke da yadrava tiko ka tu vakarau me da vakadodonutaka se veisautaka sara ga vakadua. Wilika tale na Jemesa 4:13. Dina ga ni vaka me sega ni cala na ka e tukuni, e tiko dina e dua na leqa—sega e na ka era via cakava ia e na vakarau ni nodra vakasama. Rawa vakacava me da qarauna me da kakua ni coriti e na mataqali vakarau ni vakasama vakaoqo? AI VOLA I JEMESA [Ulutaga Ni Veimacawa] 64 VUKELULU Noveba 26 Na Kabu Walega Wilika na Jemesa 4:14. Na tikina bibi cava e vakaraitaki e ke? E sega ni ka tudei na bula. Na veigauna kece e da ceguva na cagi e solisoli. Na Jemesa 4:14 e vakayagataka e dua na vosa vaka Kiriki makawa sara na atmis, ka vakadewataki me “cawa” se “kabu.” E tautauvata ke na vosa vaka Iperiu na hebel (“cegu, cawa”), ka basika vaka 38 e na Dauvunau ka vakadewataki me “tawa yaga,” ni vosa me baleta na lekaleka walega ni bula. Ni da qase cake mai, e da kurabui e na toso totolo kei na lekaleka ni bula. Ni sa vakalairoro sobu na bula nei Billy Graham, na dauvunau rogo levu, e kaya, “Au sega ni kila ni bula e totolo wale tu ga na kena cici.” E rawa ni da kaya, ni voleka tu ga e na noda matanikatuba o mate. E dua ga na tuki ni uto e tawasei kece mai vua. Sa rawa vei keda, e na dua ga na tiki ni gauna, kei na vuna e vuqa, me da mate vakasauri. Sa dodonu vakavinaka kina na ka e tukuna o Jemesa, “ia dou sa sega ni kila na ka sa na yaco e na mataka” (4:14), wili kina na mate. “Au na sega ni vosa e ke me baleta na lekaleka kei na veilecayaki ni bula; ia e tiko e dua na leqa rerevaki—e dua na leqa rerevaki e da sega ni siqema rawa tiko—noda vakaberabera tiko ni malele ki na domo ni vakamamasu ni Yalo Tabu ni Kalou, ka da digitaka me da bula valavala ca, ka sai koya oqo na vu ni noda wawa vakabalavu.”— Ellen G. White, Steps to Christ, p. 32. Kena i kuri ni sega walega ni lekaleka na bula ia e rawa talega ni sega ni vakacegui keda. Wilika na Dauvunau 2:15–19; 4:4; 5:10; 9:11, 12. E tokona vakacava na tukutuku nei Jemesa o Solomoni e na veitikina oqo? E da raica e levu na vakatulewa e sega ni dodonu, levu na ka e sega ni vakarautaki vakatautauvata, ka levu na ka e sega ni vakaibalebale e na bula oqo. Sa vakavuna me da gadreva na vosaniyalayala ni bula tawamudu e yalataka o Jisu ki vei keda. Ke sega o ya, o keda e da vaka ga e dua na kabu, e da na seavu yani ka guilecavi vakadua. Dikeva vakabibi na nomu bula: na cava se vica na ka e tu e na vuravura oqo e vesuka tu na nomu bula? Rawa vakacava me tudei tiko e na nomu vakasama ni bula oqo e ka lekaleka walega? AI VOLA I JEMESA [Ulutaga Ni Veimacawa] 65 LOTULEVU Noveba 27 Kila Ka Cakava Na Ka E Vinaka Wilika na Jemesa 4:15–17 ni semati kei na tukutuku e na veitikina mai cake. Na tikina bibi cava e tukuni tiko eke? O Jemesa e vosa tiko e ke e na vakarau ni vakasama ni tu vakaikoya. E vakatoka na vakarau ni vakasama oqo me “vakilakila,” kei na vosa e vosataki e na “dokadoka,” e kaya ni “ca.” Oqo e vakaraitaka na bibi ni nodra taukena na Lotu va-Karisito na i vakarau ni vakasama donu ka vinaka. Wilika na tikina 17. Na Vola Tabu e vakamacalataka nai valavala ca e na rua na sala: (1) caka cala; (2) sega ni cakava na ka dodonu. Na matai ni vakamacala e vakaraitaka o Joni: “nai valavala ca na talaidredre ki na vunau” (1 John 3:4). Vuqa na vakadewa vou nikua e kaya ni “valavala ca na basulawa,” ia na vosa vaka Kiriki na anomia e vagolei ki na voroki e dua na lawa ka sega ni vakarau ni bula sega ni kauwaitaka na lawa (raica na kena vakayagataki e na Roma 4:7, Taito 2:14,Iperiu 10:17). Na karua ni vakamacala e kune e na Jemesa 4:17: “O koya sa ca kina vua sa kila me caka vinaka, ka sega ni kitaka.” E sega ni da cala ni da vorata na veitemaki, na gauna ga e da sa laiva me rawati keda. E da sa kacivi me da “luve ni rarama” (Efeso 5:8) ka “me caudre vakakina na “noda” rarama e na matadra na tamata, me ra raica na “noda” valavala vinaka, ka vakarokorokotaka na Tamada sa tiko mai lomalagi ” (Maciu 5:16). Sa rawa ni da na yalolailai, baleta ni sega ni dua vei keda e rawa ni cakava tiko na veika vinaka e na veisiga kece. Ia, e sega ni leqa oqori. Na bula mada ga nei Jisu e sega ni sa cakacaka tu ga ka sega ni cegu. E tiko na gauna E vakagalalataki Koya me laki masu se me vakacegu (Luke 5:16, Marika 6:31). Ia e bibi duadua, ni vinakata me yaco duadua na loma ni Kalou e na veika kece E cakava (Joni 5:30). O Jisu e vakatautauvatataka na muri ni loma ni Kalou kei na kana: “A qau kakana meu kitaka na loma i koya sa talai au mai; ka meu vakaotia na nona cakacaka” (Joni 4:34). Me vaka ga ni vakaiyalayala na ka eda rawa ni kania e na dua na gauna ni kana, sa vakaiyalayala talega na ka eda rawa ni cakava. Oqo na vuna e kaya kina o Jisu ni so e ra teitei ka so e ra tatamusuki, ia e rau “marau vata” (tikina 36–38). Ni da cakacaka Vua na Turaga, e da na vakauqeti me da cakacaka vakalevu, ka da masulaka me rawa ni da vakayagataki e na veisala ni veiqaravi kecega. E vukei keda vakacava na masu me mate na au, ka taukeni na vakarau ni vakasama e sorovaki ki na loma ni Kalou? Se vakacava na nomu i nakinaki, o vulica rawa vakacava mo sorovaka Vua na Turaga? AI VOLA I JEMESA [Ulutaga Ni Veimacawa] 66 VAKARAU Noveba 28 Kuri Ni Vuli: “Me kakua ni dua vei kemudou e dokadokai koya nona tutaka na dina, nona kaya ni yalo oqo (nona kila rawa na loma ca e na nodra bula na tamata), e sau ni nona veiqaravi e na yalodina vei ira na caka cala kei na nona tu me taqomaka na dina. E levu e ra taleitaka na mataqali vuku vakaoqo, ia e veivakacalai ka rerevaki. E sega ni lako mai cake, ia e vua ni yalo e sega ni se vakavoui. E vu mai vei Setani na vuku vakaoqo. Me kakua ni dua e dau beitaki ira na tani me kaya ni tiko vua na yalo ni kila na ka e tu e lomadra na tani, baleta ni nona veibeitaki, e sa vakasuluma nai tovo nei Setani e na sulu ni yalododonu.”—Ellen G. White Comments, The SDA Bible Commentary, vol. 7, pp. 936, 937. “O koya e tarai na lomana ni sa cala, e matai ni tamata e vakila ni cala na ka e cakava. Nona beitaka tale e dua sa vakaraitaki ni nona vunitaka se vakaulubale e na vuku ni ca e tiko e lomana. Na valavala ca e basika kina vua na tamata me kila na ca; gauna ga e rau digitaka kina na vuda me rau valavala ca, e rau sa tekivu veibeitaki; ka sai koya oqo na ka e na cakava na tamata ni sega ni veiliutaki kina na loloma i Karisito.”—Ellen G. White, Thoughts From the Mount of Blessing, p. 126. Taro Ni Veiwasei: 1. Dikeva tale na vakamacala nei Ellen G. White mai cake. Rawa vakacava me da taqomaki keda mai na leqa vata oqo: noda lewai ka beitaki ira na tamata, ka ubia na noda leqa ka vakalomavinakataki keda me da nanuma ni da vinaka cake? 2. Dabe mada e na dina baleta na kena cici totolo na noda bula na tamata. Na cava e tukuna vei keda me baleta na veika bibi me da vakayacora taumada? E ra kaya na daunivakadidike ni gauna e rawa ni veisau, ka vakatau e na totolo ni noda toso e na loma ni dua na gauna. Ia, e dua na ka e matata: se vakacava na totolo, se berabera ni noda toso, ni toso o gauna, e sa gole vakadua. E vakayadrati keda vakacava na vakasama oqo, e na vuku ni noda vakayagataka na gauna? 3. E da na vakatulewa vakacava e na vukudra o ira e ra sa valavala ca, ka da qarauna me da kakua ni sikalutu e na i cori e vakasalataki keda kina o Jemesa? AI VOLA I JEMESA [Ulutaga Ni Veimacawa] 67 Lesoni 10 Noveba 29–Tiseba 5 TAGI KA QOQOLOU! YAKAVI NI SIGATABU Wilika Me Vulici E Na Macawa Oqo: Jemesa 5:1–6, Same 73:3–19, 1 Samuela 25:2–11, VSoro 19:13, Luke 16:19–31, Maciu 5:39. Wiligusu: “Ni na tiko talega na yalomudou e na yasana sa tiko kina na nomudou i yau.” (Maciu 6:21). Na kena taleitaki na parokaramu e na retio yaloyalo na “Who Wants to Be a Millionaire?” (O Cei E Vinakata Me Milionea) e vakaraitaka ni vuqa na tamata e tatadrataka tu me rawa ni lade mai na bula dravudravua ki na vutuniyau e na dua na siga. Ia nai yau e sega ni ka taucoko e na bula oqo. E dua na vakadidike e vakatututaka ni levu cake nai lavo e rawati e muria mai na lawa ni vakalailaitaki na ka e suka mai: e na taudaku ni kena vukea na tamata me bula e na vakarau ni bula vutuniyau, na levu ni ka e taukeni e sega ni kauta mai na bula marau. E levu cake na marau e kauta mai vei keda na veiwekani e vakaibalebale, nomu taleitaka na nomu cakacaka, kei na bula e vakaibalebale, ni vakatautauvatataki kei na levu ni yau e da taukena. Na veika vinaka e dau sega ni saumi na kena soli, na vosa tau e na loloma, na mata dredredre, na daliga dau vakarorogo, cakacaka ka ni loloma, veiciqomi, veidokai, na liga e tatara me veivakacegui, kei na veitokani dina. Sa ka talei cake na vei solisoli e solia na Kalou: vakabauta, vuku, vosota vakadede, loloma, loma vinaka, kei na vuqa tale na veivakalougatataki e gole mai Vua na Yalo Tabu e na noda bula. Levu vei keda na Lotu va-Karisito e da duavata kei na vakasama oqo, ia e ka ni rarawa, ni noda bula e na veisiga e vakaraitaka ni kaukauwa tiko vei keda na yalo kocokoco ni nanumi koya vakaikoya. E da na vulica e na macawa oqo, ni dua na bula cala na kocokoco, ka tiko vata na kena i samu ni dawa e vakadomobula. * Vulica na lesoni oqo, ka mo vakarau e na Sigatabu, Tiseba 6. AI VOLA I JEMESA [Ulutaga Ni Veimacawa] 68 SADE Noveba 30 E Na Vakayacori Na Lewa Dodonu! Na wase 5 ni vola nei Jemesa e tekivu e na kacabote: “Dou lako mai, oi kemudou na tamata vutuniyau, dou tagi ka qoqolou e na vuku ni nomudou ka rarawa ena yaco mai!” (Jemesa 5:1). E sega ni da vakabekataka, ni oqo e dreta sara ga na nodra vakasama o ira era wilika. E na Jemesa 1:10, 11, e vakananumi ira na vutuniyau na kena sega ni tudei na i yau. E na wase 5 oqo, e bolei ira e ra tatakube matua toka e na nodra i yau me ra “tagi ka qoqolou.” E vaka me sa tekivu tau vei ira na kedra i totogi. E matata na kedra i vakamacala e na veitikina e da na vulica e na macawa oqo, ka vakavotuya e na noda vakasama na veisausaumi vakalomalagi e na tau vei ira na tamata ca, ni bera na Nona lesu mai o Karisito (raica na Luke 17:27–29; 2 Timoci 3:1, 2;Vakatakila18:3, 7). Na vakarau ni vakasama vata oqo e curuma tale tu ga na lotu ni Kalou e nai otioti ni gauna (Vakatakila 3:17). E talei, ni vosa vaka Kiriki ka vakadewataki me “miseries” (ka rarawa) e na Jemesa 5:1 e kau mai e na vosa vata ga e vakamacalataki kina o Leotisea me “wretched” (yali vua na marau) e na Vakatakila 3:17. Sa levu e vuravura na kena sa yali na lewa dodonu, vakabibi na kena yali na lewa dodonu e na bula vakailavo. So na gauna e dredre me da siqema rawa se cava na vuna e ra vutuniyau kina e so na tamata e na nodra butakoci ira na tamata dravudravua, ka vaka me sega ni tarai ira na lawa! Wilika na Same 73:3–19. Nai nuinui cava e kune e na veitikina oqo me baleta na leqa makawa oqo? E na loma ni Veiyalayalati Makawa, e da kunea kina na kena tagici na lewa dodonu kei na vosaniyalayala ni Kalou ni na vakadodonutaka. Ia na i nuinui ni veivakadeitaki oqo, e sega ni vakarawarawataka na gauna ni kena waraki na Nona curu takoso mai na Kalou. Dua na kena vakaraitaki, o Apakuki na parofita e a vakataroga vakadodonu na Kalou, e na gauna sa levu tiko kina na nodra vukitani na tamata ni Kalou, ka sa dokadoka cake kina o Papiloni ka marautaka na nona kaukauwa kei na vutuniyau (raica na Apakuki 1:2– 4, 13, 14). Na Kalou E sauma ga vakalekaleka me vakararavi Vua, ka wawa vakalailai tale (Apakuki 2:2–4). E vakayacora vakakina na parofita (Apakuki 3:17, 18). Na lewa cala cava e vakavuna me buebue e lomamu na cudru? (Ka levu na ka e yaco tu o sega ni kila!) Dina ga ni dodonu me da cakava na ka e rawa ni da cakava me vakagalalataki na lewa cala, e da vulica rawa vakacava me da vakacegu e na vosaniyalayala, ni na tauca na Nona lewa dodonu na Kalou? AI VOLA I JEMESA [Ulutaga Ni Veimacawa] 69 MONITI Tiseba 1 Sa Sega Ni Yaga Nai Yau Wilika na Jemesa 5:2, 3. Na vakasala cava e kaya tiko e ke o Jemesa? Dina ni vaka me kaukauwa na nona vosa, na mataqali yau vakacava e tukuna tiko? Na cava na uto ni nona tukutuku? Sa vuca mai nai yau, kania nai sulu na sarasara, ka sa veveka mai na koula kei na siliva—oqo eso nai yaloyalo me da vakasamataka, ni toso tiko na cawiri totolo kei vuravura, ka mua tiko ki na kena vakarusai. Na bula vakailavo e vuravura e vaka me oti ga e dua na leqa ni bula vakailavo, sa basika tale mai e dua tale na leqa; na “gauna vinaka” dau yaco, e sega ni tu vakadede, ka dau muria mai e dua tale na leqa. Nai rairai kece ni bula sautu vakailavo kei na rairai maravu ni makete ni veivoli e vuravura, e ka ga ni vakasama ka lekaleka walega. Na bula ni tawa lomavinaka kei na yavavala e tubu cake ni sa kai vei yawaki ga na bula e na kedra maliwa na vutuniyau kei na dravudravua. Oqo na ka e yaco tiko e na gauna e volavola tiko kina o Jemesa, na nodra sa vakasaqara na bula vakayago na dravudravua ka ra sega ni kauwaitaka na vutuniyau na nodra tagi. Vakasamataki iratou na lewe tolu oqo ka vakamacalataka na revurevu ni yau (se na kena sega nai yau) e na nodratou bula: 1. Nepali (1 Samuela 25:2–11) 2. Esekaia (2 Tui 20:12–19) 3. Pita (Cakacaka 3:1–10) E na yaco na gauna, sa na sega ni qai malele na tamata ki nai yau kece vakavuravura. E da vulica na kena vakaiyalayala kei na kena yasana butobuto. Nai lavo e tu na vanua me dabe kina; na leqa vei keda ni da dau vakadaberi koya e na dabedabe se vanua cala. O Jemesa e kaya ni yau e na vakadinadina ni veibeitaki” vei ira era sega ni vakayagataka vakadodonu (Jemesa 5:3). Dina ga ni soli tiko na vakasala oqo e na rai ni veika e na yaco e nai otioti ni gauna, me matata vei keda: ni ka bibi na noda vakayagataka nai yau. Nai tukutuku ni na kania na lewedra me vaka na bukawaqa, e tau me vakayadrati keda ki na bibi ni noda digidigi me baleta na kena vakayagataki nai yau. E da sa binia tiko nai yau ka na yaco me vakamai, se da maroroya me yaga ki na bula tawamudu? ( Luke 12:33, 34.) Vakasamataka vakabibi nai vakarau ni nomu vakasama me baleta nai yau kei na kena tara na nomu bula ni veiwekani. Na cava e tukuna vei iko me baleta na nomu vakayagataka? AI VOLA I JEMESA [Ulutaga Ni Veimacawa] 70 TUSITI Tiseba 2 Nodra Tagi Na Dravudravua Ni da wilika nai vola i Jemesa, e da raica ni vica nai wasewase ni tamata vutuniyau e cavuti kina, wili kina na o ira na dauveivoli vutuniyau, ka ra na musuki sobu e na maliwa ni nodra sasaga (James 1:11), o ira na tamata vakabisinisi ka ra kauta ki na mataveilewai na nodra kisi me taqomaki na nodra vakatubuilavo (Jemesa 2:6), kei ira na dauteitei taukei ni qele e na nodra sega ni saumi ira vinaka na nodra tamata cakacaka (Jemesa 5:4). Na veitikina oqo e vakaraitaka na veika era cakava e na gauna sa oti o ira na vutuniyau, na vakarau ni nodra vakasama nikua, kei na totogi e na tau vei ira. O ira oqo e ra “binia nai yau” (Jemesa 5:3) e na nodra vakayagataki ka saumi vakaca na tamata dravudravua. “Raica, sa tagi na kedrai voli na tamata daucakacaka, era sa tamusuka na nomudou veiwere, o koya dou sa bureitaka” (Jemesa 5:4). Raica na VSoro 19:13; Vakarua 24:14, 15; Jeremaia 22:13. Na yavu bibi cava e laurai eke, sega walega e na veika e yaco tiko e na gauna nei Jemesa, ka wili kina na noda veimaliwai vakararaba kei ira na tamata? Vei ira na Isireli e na gauna vaka Vola Tabu, ni dau vakayacori na veisaumi, e vuqa vei ira era dau vakayagataka na kedra i sau me ra volia kina na kakana me bula kina na matavuvale. Ni sega ni caka na veisaumi, sa na yaco na via kana e na matavuvale. Me da raica na bibi ni ka e via tukuna tiko e ke o Jemesa. Sa rauta me vosa vakaukauwa o Jemesa me baleti ira e ra sega ni saumi ira na nodra tamata cakacaka. E tovo ca ke dabui e dua na tamata e na dua na ka, ia e okati me valavala ca, sega walega vei ira na dravudravua, ia e lomalagi talega, ke dua na tamata vutuniyau me binia nona i yau e na nona butakoci ira na dravudravua. Ka vakaraitaka o Jemesa ni na tau vei ira nai samu ni dawa e na kena gauna dodonu! “Na i yau e salavata mai kei na i tavi levu. Ni taukeni nai yau e na sala cala, ni sivia nai sau lavaki e na veivoli, nodra vakasaurarataki na yada kei na luveniyali, se na kena bini na i yau ka sega ni kauwaitaki me sotavi na nodra leqa na dravudravua, e na yaco kina na veisaumi e vakaraitaka na apositolo e na veivakauqeti ni Yalo Tabu: ‘Dou lako sara, oi kemudou na tamata vutuniyau, dou tagi ka qoqolou e na vuku ni veika rarawa e na yaco vei kemudou.”—Ellen White, Testimonies for the Church, vol. 2, p. 682. Vakacava na nomu veiwekani kei ira na tamata me baleta nai lavo? Na cava e vakaraitaka na veiwekani oqori me baleta nomu Lotu va-Karisito kei na nomu seraka nai tovo i Karisito? AI VOLA I JEMESA [Ulutaga Ni Veimacawa] 71 VUKELULU Tiseba 3 Levulevu Ka Marau (E Na Gauna Oqo) “Dou a marau tikoga e vuravura, dou a daukana tiko; dou a dauvakania na lomamudou, e na siga sa ia kina na dauveivakamatei.” (Jemesa 5:5, Isikeli 16:49, Emosi 4:1).Na cava e sema na tikina oqo me baleta na bula vutuniyau? E na vuravura makawa, e tiko na vakasama ni yau e tiko ga na kena i yalayala, ka kena i balebale, ni sa levu cake na nodra i yau eso na tamata, sa na lailai sobu na nodra i yau na vo ni tamata. E rawa ni da kaya, ni o ira na vutuniyau e rawa duadua ni vakalevutaki na nodra i yau e na nodra vakadravudravuataki na dravudravua. E vakasama vou na “vakatubu i yau” ka me sega ni tosoya sobu na nodra i yau na vo ni tamata. E so era kaya ni nodra sa vutuniyau cake na vutuniyau, sa na rawa vei ira me ra vukei ira na dravudravua me ra vutuniyau talega. E na yasana kadua, ni da raica na veisisivi ni kena vakayagataki nai yau bula ka sa tekivu me lailai mai e na kedra maliwa na matanitu torocake kei na matanitu se qai tekivu me vakatorocaketaki, sa na vakaiyalayala kina na vakasama ni vakatubu i yau. Sa da sarava tu kina nikua na duidui se sega ni votai vakatautauvata ni yau. Na talanoa vakaibalebale me baleti Lasarusa kei na tamata vutuniyau e dua na talanoa kilai levu e talanoataka o Jisu me baleta na leqa ni bula ni sega ni vei votai vakatautauvata (Luke 16:19–31). E na gauna nei Jisu, e vuqa na tamata e ra kalougata ke rua na nodrai sulu, ka ra marau ke ra kana magiti vakadua e na dua na yabaki. E na talanoa, o koya na vutuniyau e vakaisulu e “nai sulu lokaloka kei na lineni matailalai” (nai sulu sau levu) “ka kana magiti e na veisiga” (tikina 19). Dina ga ni laveti yani o Lasarusa na tamata dravudravua ki na matamata ni vale nei koya na tamata vutuniyau, e kerekere me bau soli vua e so na meme ni kakana me bula kina. Me matata vei keda, ni usutu ni talanoa oqo e baleta tiko na bula oqo, sega ni bula se bera mai. Nai lavelave taumada ni vosa vaka Kiriki e sega kina na vosa “lomalagi” se “eli.” E rau tini ruarua e na dua vata na vanua (tikina 23)—nai bulubulu (etesi). Na i keli titobu e tawasei rau e vakatakarakarataka na dina, ni sa mate na tamata, sa macala na vanua e na tini kina. Nai vakarau e da vakarautaka vei ira na tamata e na bula oqo (ka vakamacalataki e nai vola i Mosese kei ira na parofita,” tikina 29, 31) e sa rui ka bibi. E sega ni tiko tale e dua na bula e na taudaku ni bula oqo me da vakavinakataka kina na cala e da cakava e na bula oqo: kevaka sa sega ni lomana na wekana sa raica tiko ko koya, ena lomana vakaevei na Kalou ni sa sega ni raica?” (1 Joni 4:20). Na cava e so na ka o veivutuni ni o cakava, ka dina ga ni rawa ni o “vakadodonutaka” nikua, ia e na sega ni rawa ni vakadodonutaka e na veisiga mai muri? AI VOLA I JEMESA [Ulutaga Ni Veimacawa] 72 LOTULEVU Tiseba 4 Beitaki O Koya E Vakaleqai Ni dua e cakava e dua na ka e cala, sa dau kena i vakarau me da tovolea me da levea na kena samu ni dawa. Eda dau beitaka tale e dua —wili kina o koya e yaco vua na leqa. O ira e ra laba, e ra dau kaya ni yaco na leqa e na nodra a taqomaki ira se ra beitaka na leqa ni nodra susugi cake mai. O ira e ra kucu se vakayacora nai vakarau kaukauwa vei ira na yalewa, e ra beitaki koya e vakaleqai, e na nodra kaya ni ra a bacani. O ira na vakawati e ra dau veibeitaki vakaira ni dau yaco na kasere ni vakamau. O ira e ra beitaki ni ra vakamatei ira na Lotu va-Karisito taumada, era beitaki ira na Lotu va-Karisito ni ra vakatavuvulitaka nai vakavuvuli lasu. O Jisu sa vakasala oti vei ira tou na tisaipeli, “ni na yaco na gauna, era na nanuma kina ko ira yadua sa vakamatei kemudou ni ra sa qarava kina na Kalou” (Joni 16:2). E da vakabauta ni o Jemesa e a mate talega e na vuku ni nona vakabauta. Mai na rarama oqo, sa rui bibi kina na Jemesa 5:6: “Dou a lewai koya sa yalododonu, dou a vakamatea; sa sega ni vorati kemudou ko koya.” Sa vakavica na nomu beitaki ira na tani, ka qai kila e muri ni dodonu mo beitaki e na cala o ya? Vakasamataka vakabibi nai otioti ni yatu vosa e na tikina oqo. Kena i balebale oqo me da laivi ira na tamata me ra vakaveitaliataki keda? E na yasana kadua, e vica beka na veiba o okati kina sa rawa me tarovi ke o sega ni via sabaya? Na cava e balebale ni vosa nei Jisu me da “solia na baluda kadua”? (Maciu 5:39). Rawa vakacava me da cakava vakakina (se da okata me yaco e dua na ka, ka sega dina ga ni dodonu me dua na ka)? E da raica ni levu na ka e vosa kina o Jemesa me baleti ira na vutuniyau kei na dravudravua. Me matata tiko vei keda, ni sega ni vatonaki ira na tamata vutuniyau o Jemesa baleta ni ra vutuniyau. E kauwai o lomalagi e na vakarau ni nodra vakasama kei na ka era cakava. Sa vakatalega kina, na noda bula dravudravua e sega ni kenai balebale ni lomani keda vakalevu cake na Kalou. O ira na “dravudravua vakayalo” ka “vutuniyau e na vakabauta” e na “nodra na matanitu vakalomalagi” (Maciu 5:3, Jemesa 2:5). Na bula e loma vakaoqo, e na sega beka ni tautauvata kei na bula vakailavo e taudaku. Ia e rawa talega ni tautauvata. O ira era “vutuniyau ka levu na ka era taukena” (Vakatakila 3:17) e rawa ni ra dravudravua tu vakayalo. Na Kalou sa vakasalataki ira na Isireli me ra qarauna, ni na rawa me ra na guilecava ni veika vinaka kece era sa mai marautaka kei na bula sautu e lako mai Vua, wili kina na “kaukauwa me rawati kina nai yau” (Vakarua 8:11–18). AI VOLA I JEMESA [Ulutaga Ni Veimacawa] 73 VAKARAU Tiseba 5 Kuri Ni Vuli: “E ka yaga nai lavo, baleta ni rawa ni cakava e so na ka vinaka. Ni tiko e na ligadra na luve ni Kalou, e kakana vei ira na viakana, wainigunu vei ira na karamaca, ka isulu vei ira na luvawale. E tataqomaki vei ira era vakasaurarataki, ka sala ni veivuke vei ira na tauvimate. Ia nai lavo e sega ni levu cake na kena yaga mai na nuku, ke sega ni vakayagataki me sotava na gagadre ni bula ni veisiga, me vakalougatataki ira na tamata, ka tosoya na cakacaka i Karisito. “Na i yau e burogi na kena maroroi, e sega walega ni sega na kena yaga, e kauta mai na veivatonaki. Sa yaco me i cori e na bula oqo, ka dreta tani na malele mai na i yau vakalomalagi. . . . “O koya e vakila ni nona i yau e solisoli mai Vua na Kalou, e na vakayagataka vakavuku, ka na okata me nona i tavi me vakabula i lavo me rawa ni solia.”—Ellen G. White, Christ’s Object Lessons, pp. 351, 352. Taro Ni Veiwasei: 1. Vakasamataka na vei yatuvosa oqo: “O koya sa vutuniyau sa lewai ira na dravudravua, a sa veiqaravi ko koya sa kere ka vua sa soli ka vua” (VBalebale 22:7). “Vuqa na matavuvale e ra dravudravua baleta ni ra vakayagataka na nodrai lavo e na gauna ga e ra taura kina. . . “Ni dua sa vesuki e na dinau, sa tu o koya e na dua na i cori nei Setani, ka vakadavora tu me coriti keda.”—Ellen G.White, The Adventist Home, p. 392. E tiki beka ni kena vunautaki na kosipeli vei ira na dravudravua, na nodra vukei o ira na tamata me ra sereki mai na bula dinau, se me ra kakua ni dinau”? (Luke 4:18). O duavata beka? 2. O na kila vakacava se qaravi keda nai yau se o qarava nai yau? Luke 16:10– 13. 3. Na duidui ni noda bula vakailavo e tara na veimatanitu kecega. So na tamata e 2, 3, se 4 tu na nodra vale vinaka, ka vuqa e ra marau ni sa tuki vata e so na kau me ra vakarurugi kina. Vakacava o ira sa levulevu sivia mai e na levu ni kakana e ra sosomaka e ketedra, ia e dua nai wase levu ni gonelalai e vuravura era moce e naviakana e na veibogi? E so era kaya ni noda kauta tani mai na ka vei ira na vutuniyau, sa rawa kina ni da solia vakalevu vei ira na dravudravua. E so era kaya ni nodra vutuniyau vakalevu na vutuniyau, e rawa ni ra veivuke me vueti ira cake na dravudravua mai na bula dravudravua. Na cava e rawa ni da cakava na Lotu va-Karisito me vukei ira e ra dravudravua sara vakalevu? Na cava me da cakava me da veivuke kina, ka cava me da kakua ni cakava? AI VOLA I JEMESA [Ulutaga Ni Veimacawa] 74 LESONI 11 Tiseba 6–12 VAKARAU KI NA TATAMUSUKI YAKAVI NI SIGATABU Wilika Me Vulici E Na Macawa Oqo: Jemesa 5:7–12, Roma 13:11, 1Koronica 3:13, Luke 7:39–50, Kolosa 4:6. Wiligusu: “Dou wawa talega koi kemudou; vakataudeitaka na yalomudou: ni sa roro mai na nona lako mai na Turaga.” (Jemesa 5:8). E na nodra gauna na kai Kirisi-Roma (ka se kune tiko e na so na vanua nikua), e ra dau maqusa na lewenivanua me ra vakavakarau ni vakarau tadu mai e dua na nodra vulagi dokai. E vakagalalataki na gaunisala, qua vinaka na iloilo, tei na senikau, ka yadravi na vinaka na vanua me kua na basu lawa. E soli kece na i gu me rawa ni rairai totoka vakaoti na vanua, ni bera ni yaco mai na i vakailesilesi dokai. Na vosa va-Kiriki na parousia, e vakayagataki e na Veiyalayalati Vou me vakaraitaka na Nona “lako mai” o Karisito, me vaka e vakaraitaki e na Jemesa 5:7, 8, ka vakayagataki ni vakarau tadu mai na tui se dua e vakaitutu cecere. Ke sa rawa me da vakavakarau vakaoqo e na vukudra nai liuliu ni matanitu e vuravura, sega li ni dodonu me da vakarautaka vakaoti na yaloda, ni sa vakarau lako mai na noda Turaga ka iVakabula? Ia e rawa vakacava me da vakarau, ke da sega ni kila “na tiki ni siga se aua? (Maciu 24:36)? Na cava nai balebale me da “vosota” ka “vakataudeitaka” na yalomudou? E veiwekani vakacava na vakasama e rua oqo kei na “uca taumada kei na uca taumuri” Jemesa 5:7)? Dina ga ni veitikina oqo e vosa tiko me baleta nai vakataotioti ni gauna, na uto ni tukutuku e ganiti keda kece e na veitabagauna. E na volatukutuku ni veitabagauna sa oti, o ira na parofita ka wili kina o keda e da bula nikua, e da na sotava na veika dredre kei na rarawa, ia e kacivi ka vakananumi keda me da tudei tiko e na vakabauta. * Vulica na lesoni oqo, ka mo vakarau e na Sigatabu, Tiseba 13. AI VOLA I JEMESA [Ulutaga Ni Veimacawa] 75 SADE Tiseba 7 Waraki Na “Uca” O ira na dauteitei e ra vakararavi ki na uca me rawati kina na nodra bula ni veisiga. Ke sivia na kaukauwa ni cila ni siga se sivia na tau ni uca, sivia na katakata se sivia na batabata, e na vakaleqa na nodra i tei. E na vanua katakata ka mamaca vakataki Isireli, sa rui bibi kina na kena tau e na kena gauna donu na uca. Veitalia ga se teivaki nai tei e na dua na i teitei lailai ga se dua na were levu, na matua ni tei kei na kena vuavua vinaka e na vakatau e na uca. Na uca taumada, ka dau tau e na vula o Okotova – Noveba, e vakasuasuataka ka vakarautaka na qele me rawa ni teivaki ka buroro mai na sore ni ka e tei. Na uca taumuri e na vula o Maji se Epereli, e vakamatuataka na i tei me rawa ni tamusuki. Wilika na Jemesa 5:7. (Vakarua 11:14, Jeremaia 5:24, 14:22, Joeli 2:23.) Na vakasama cava e vakaraitaka na Veiyalayalati Makawa me baleta na uca? Cava na vuna e vakayagataka kina o Jemesa nai yaloyalo oqo me semata kei na Nona lako mai na Turaga? (Osea 6:1– 3; Joeli 2:28, 29). “E na yaloyalo ni uca taumada kei na uca taumuri, ka dau tau e na vanua vaka Tokalau e na gauna ni teitei kei na tatamusuki, sa ra parofisaitaka rawa tu mai o ira na parofita ka ra Iperiu talega na kena sovaraki vakayauyau na loloma vakayalo ni Kalou E na Nona lotu. Na sovaki ni Yalo Tabu e na nodratou gauna na apositolo e tekivu ni uca taumada, ka lagilagi na veika e vakayacori kina. ..Ia ni voleka na gauna me tamusuki kina o vuravura, e sa yalataki tu ni na sovaraki tale vakadua na loloma vakayalo me vakarautaka na lotu ki na Nona tadu mai na Luve ni Tamata. Na sovaraki oqo ni Yalo Tabu e vakatautauvatataki kei na tau ni uca taumuri; ka sa dodonu kina vua na Lotu va-Karisito me vagolea na nona kerekere Vua na Turaga ni tatamusuki “e na gauna ni uca taumuri,” na kaukauwa e vakaikuritaki oqo.” —Ellen G. White, Our Father Cares, p. 212. O Jisu e dusia tiko na “tatamusuki” e na “vakataotioti kei vuravura” (Maciu 13:39). Na Marika 4:26–29 e vakaraitaka e dua na i yaloyalo e tautauvata kei na Jemesa 5:7. E na waraka na dauteitei me matua na itei: “sa liu mada na buroro, sa tarava na sola, a sa qai muri na vuana e matua e na sola. Ia ni sa matua mai na vuana, sa qai vakacuruma ko koya nai sele takelo, ni sa cava na yabaki” (tikina 28, 29). E na qai kilai ga witi kei na co ca ni sa vakayacori na tatamusuki (Maciu 13:28–30; dikeva vata kei na Malakai 3:17, 18). Na cava e tukuna vei keda na kena kilai ga na duidui ni witi kei na co ca e na gauna ni tatamusuki, ka dodonu kina vei keda me da bulataka na noda vakabauta nikua, ni bera na tatamusuki? AI VOLA I JEMESA [Ulutaga Ni Veimacawa] 76 MONITI Tiseba 8 Cava Na Voleka Ni Voleka? Na Jemesa 5:8 e vakadeitaka ni Nona lako mai o Karisito e sa “roro mai” se “voleka.” Ia, sa oti oqo e rua na udolu na yabaki; me da na vakadewataka vakacava na i balebale ni vosaniyalayala oqo? O Jisu e vakamacalataka na matanitu sa voleka mai (Maciu 4:17, 10:7, 24:33) E na Nona talanoataka na vosa vakaibalebale me vakatavulica na veika e sega ni matata “vakalomalagi” e na veika e da kila. Ni vulici vakavoleka na vosa vakaibalebale oqo, e da raica ni rua na ka e kune e na matanitu : e dua na ka dina vakayalo e na gauna oqo, kei na kena e lagilagi ka dina e na tadu mai. O ira kece na apositolo e ra vakanamata ki nai nuinui ni lesu totolo mai nei Jisu (Roma 13:11, Iperiu10:25, Jemesa 5:9), ia e ra sega ni kila deivaki sara na gauna e na yaco kina. Me vakataki keda, era via kila na gauna cava, ia o Jisu E kaya vei iratou ni tukutuku oqo e vinaka cake me ratou kakua ni kila (Cakacaka 1:6, 7). E na vakacava na nodratou lomakatakata ni kauta na tukutuku vinaka i vuravura, ke ratou kila ni cakacaka oqo e na sega ni se oti ni oti oqo e 2,000 na yabaki—ka da se wili yabaki tikoga? Cava nai balebale ni vosa nei Jemesa nona kaya me “vakataudeitaka na yalomudou” (Jemesa 5:8) ka cava e vakatokai kina o ira na vua ni were e waraki me ra “talei” (timios; tikina 7)? (1Cesalonaika 3:13, 2 Cesalonaika 3:3, 1 Pita 1:19, 1 Koronica 3:12.) Na vosa vakataudeitaka (stērizō), e kena i balebale me “tuki dei,” se “vakaukauwataki.” Na yaloda me sema vakaoti Vua na Turaga, ka me sega ni rawa ni yavalati, veitalia ga na levu ni veika dredre e sotavi. Na noda yavutaki dei e na vakabauta (2 Pita 1:12), noda vorata na veitemaki, kei na noda vosota na veika dredre kei na rarawa e na vuku ni noda vakabauta (Cakacaka 14:22), e ra veivuke kece e na cakacaka oqo. Na tubu vakayalo e sega ni ka rawarawa ia e basika kina na “vua talei.” O ira na tamata vakabauta e ra voli “e na dra talei (timios) i Karisito”(1 Pita 1:19), e ra ka vakamareqeti Vua na “Dauteitei” vakalomalagi. Na vosa na timios e vakayagataki talega me vakamacalataka na “vatu talei” ka vakatakarakarataki ira na tamata vakabauta e ra sa “tara cake” vei Karisito, na “yavu” ni Nona valenisoro vakayalo na Kalou, na soqosoqo lotu (1Koronica 3:11, 12). O Paula e vakatautauvatataki ira na tamata vakabauta yamekemeke ki na kau, co malai kei na vu ni sila, ka na sega ni tudei, ka na vakamai ni sa lako mai o Karisito (1Koronica 3:12–15). Sa ka bibi kina me da tarogi keda, se da vakagolea tiko na kaukauwa ki na veika e bibi vei keda, kei Koya e talei duadua vei keda! Wilika na 1Koronica 3:13. Dikeva na nomu bula. Mataqali cakacaka cava o raica kina? AI VOLA I JEMESA [Ulutaga Ni Veimacawa] 77 TUSITI Tiseba 9 Kudru, Vutugu, Kei Na Tubu Gauna cava e na yaco kina na Lesu Vakarua Mai? Cava na vuna e da se tiko ga kina e vuravura? Sega kina ni da kurabui ni sa levu mai na tamata vakatitiqa kei na tawa vakabauta nikua. Sega ni ka vou oqo e na tukutuku ni veigauna me baleta na lotu. Na veibolei rerevaki e yaco vei Isireli e na veitabagauna sa oti, e sega ni yaco mai vei ira na meca, ia mai na kedra maliwa kei na dui yalodra. Sa vakakina ni roro mai na lesu mai ni Turaga, “e da na rerevaka vakalevu na ka e na yaco e loma ka lailai mai taudaku . . .Na bula ni tawavakabauta, vakaraitaki na vakatitiqa, nakaroni ni butobuto e lomada, vakauqeti na nodra curu mai na agilosi yalo ca, kei na kena dolavi na sala me vakayacora o Setani na nona cakacaka.”—Ellen G. White, Last Day Events, p. 156. E vakasalataki keda na Jemesa 5:9, “Dou kakua ni dui veikudruvi, na veiwekani, de dou cudruvi: raica, sa tu e na mata ni katuba na Turaga-ni-lewa.” Na cava o dau kudruvaka vei ira na tamata, kei na soqosoqo lotu (so na gauna e na tiko beka e dua na vuna vinaka)? Na taro, “E vakacava na i vakarau ni nomu walia? E na yalo malumalumu, lokomi, kei na veivosoti, me vaka na nomu sa vosoti mai Vua na Kalou (raica na Luke 7:39–50) se e na i vakarau vakavuravura? Mo dina na nomu sauma! Mai na veika e da sa wilika ka vulica oti, e laurai ni tiko e so na ka era bolei kina na tamata vakabauta, wili kina na nodra digitaki ira na tamata (Jemesa 2:1, 9), vakasama ca (2:4), na veirukaki (3:10, 4:11), dauvuvu (3:14), veiba (4:1), vakavuravura (4:4, 13, 14). O Jemesa e vakasalataki keda e na i wali ni leqa: vakabauta (Jemesa 1:3, 6), “na vosa sa tei e lomada” (Jemesa 1:21), vakaraica matua na “vunau ni veisereki” (Jemesa 1:25, 2:12), yalo matua kei na vuku maicake (Jemesa 3:13, 17), loloma (Jemesa 4:6), na liga kei na yalo e savasava (Jemesa 4:8). E vakauqeta me kune e taudaku na cakacaka sa cakava e loma na Kalou (Jemesa 2:14– 26), wili kina nodra sikovi na tauvimate kei na guilecavi (Jemesa 1:27), dauloloma (Jemesa 2:13), ka teivaki na bula ni veisaututaki ka sega na tiko yavavala (Jemesa 3:18). E da na saumi taro kece Vua na Kalou; Vua na Turaga ka noda Turaganilewa talega, ka na vakatau e na noda cakacaka na keda i sau. Ni da waraka na lesu mai ni Turaga, na cava eso na sala o rawa ni vakauqeti ka laveti ira cake kina na tamata? Cava e bibi kina na nomu vakayacora vakakina? AI VOLA I JEMESA [Ulutaga Ni Veimacawa] 78 VUKELULU Tiseba 10 Vakaraitaki Ni Vosota Vakadede Wilika na Jemesa 5:10, 11. Na cava e tautauvata kina o Jope kei ira na parofita? Na cava e cavuti kina nai vakaraitaki oqo? E na loma ni veika dredre e da sotava, na lesoni cava e rawa ni da taura me noda mai na talanoa e cavuti eke? O ira na parofita e Isireli e ra yalodina e na vunautaki ni vosa ni Turaga ka ra sega ni veisautaka se vakaisosomitaka. Na i vola vei ira na Iperiu, ni laveta cake nodra yalodina Vua na Kalou, e boroya e dua na yaloyalo matata: “E ra sa tabonaka na gusu ni laioni (Taniela), era sa bokoca na bukawaqa rerevaki (Setareki, Mesake kei Apeteniko, era sa bula mai nai seleiwau (Ilaija kei Ilaisa)… kei na biu ki na vale ni veivesu(Jeremaia kei Mikaia); lauviri e na vatu (Sakaraia, luve i Jioiata), varomusuki rua (Aisea),… era sa vakamatei e nai seleiwau [1Tui 19:10]” (Iperiu 11:33–37). Na nona kune rarawa o Jope e kilai levu, kei na nona vosota vakadede, dina ga ni vosataki mai vua na watina kei na veivakavulici mai vei iratou na nona tokani voleka. Na cava e kilai tani kina o ira na tuwawa ni vakabauta vakaoqo, mai vei ira na vo ni tamata vakabauta? O Jemesa e cavuta e so na i vakarau: vosota, tudei, ka levu duadua, nuitaka ka vakararavi Vua na Kalou. Dua na i vakarau na “vosota” (makrothymias), ka vakadewataki me “vosota vakadede” se “colata vakadede.” Ka vagolei ki na noda rawa ni tucake tiko ni sotavi na veikadredre, me vorata na veika kece e viriki keda mai kina na bula e veisiga se na tevoro. O ira na parofita e ra vosota ka tudei tiko ni ra vakararawataki e na vuku ni vosa ni Kalou (Jemesa 5:10). Na vosa oqo e vakayagataki vakalevu e na Veiyalayalati Vou, wili kina na wawa e na “vosota” o Eparama, e na nona waraka tiko na Kalou me vakayacora na Nona vosaniyalayala, me solia vua e dua na luvena tagane (Iperiu 6:12, 15). E vakamacalataki Jisu talega, Nona vosota na veivakararawataki e lako curuma kei na mate e na kauveilatai (2 Pita 3:15). Na tudei e na vosota (hypomonē), e vakanamata ki na ka e gadrevi me rawati, ni yacovi nai tinitini ni lakolako. O Jope e dau vakaraitaki me sabolo ni vakarau ni bula vakaoqo. Dina ga ni sotava na rarawa levu, o Jope e rai matua tikoga ki nai otioti ni veivakagalalataki e namaka me na tau vua (Jope 14:13–15, 19:23–27). Na dredre cava o sotava tiko nikua? Na cava o sa masulaka ia se sega ni saumi mai? Sa vakavica na nomu vakila ni yali na nuinui? Vakasamataka e so na dredre e ra curuma o ira era volai mai cake, vakasamataka na nodra vakila ni vaka me yali nai nuinui e na so na gauna. Na cava o rawa ni taura mai na veika dredre e yaco vei ira, me vukei iko mo tudei e na dredre o curuma tiko? AI VOLA I JEMESA [Ulutaga Ni Veimacawa] 79 LOTULEVU Tiseba 11 Rai Basikati Vaka Na Rarama-ni-siga Wilika na Jemesa 5:12. O ira na daunivakamacala e na Vola Tabu e ra kurabui se cava e vakabibitaka tiko kina o Jemesa na ka me baleta na vosa bubului. Ke kena i naki me vakatabuya na vosa bubului kecega, na cava e okata kina o koya me “bibi duadua” e na nona vakamacala e na wase ni vola oqo se e na nona i vola taucoko? E ka bibi dina? Me tiko e na noda vakasama na ka eda sa vulica oti, ni o Jemesa e sega ni dabe e na vakabauta e vovodea wale tu ga, dina ga ni rawa ni da tauri koya vakamamada. O Jemesa e ologi koya tu na tukutuku vinaka, ka vakadabera na i vakarau cecere ka rawa ga ni yacovi e na kaukauwa ni Nona veivosoti kei na veivakaukauwataki loloma ni Kalou. Na noda vosa e vakaraitaka na ka e tu e lomada: “ni sa vosataka na gusuda na ka sa oso vakalevu kina na lomada” (Maciu 12:34). Na vakavuvuli nei Jemesa e sinai tu e na vakasama nei Jisu, Nona vakarotai keda: “Dou kakua sara ni bubului: kakua, ki lomalagi; ni sai tikotiko vakaturaga ni Kalou: kakua, ki vuravura; ni sai tutu-ni-yavana: kakua, ki Jerusalemi; ni sa nona koro na Tui levu” (Maciu 5:34, 35). E so era bubului ki na drauniuludra me vakadeitaka na nodra bubului (tikina 36). Ia o Jisu e kaya ni ca kece oqo: “Me “Io” na “Io,” kei na nomu “Sega,” me “Sega”(Maciu 5:37). Na ka kece e Nona na Kalou, wili kina na drauniulu kece e na ulumu, “ka sega ni tu vei keda na dodonu me da bubuluitaka e dua, me vaka sara ga e nomu, me rawa ni vakayacori kina na nomu vosa. . . . “Na ka kece e cakava na tamata Lotu va-Karisito e dodonu me rai basikati me vaka na rarama-ni-siga. Sa mai Vua na Kalou na dina; na veivakacalai, e na kena veisala kece, sa mai vei Setani.”—Ellen G. White, Thoughts From the Mount of Blessing, pp. 66, 68. Me matata, ni o Karisito E sega ni vakatabuya na vosa bubului e na mataveilewai, baleta ni o Koya vakataki Koya, e na gauna e lewai kina ka vakatarogi kina mai vua na Bete Levu, E sauma na taro, ka sega ni vatonaka nai valavala ni veilewai, dina ga ni a sega ni muri vakadodonu e na siga o ya (Maciu 26:63, 64). E so na ka me tiko e na noda vakasama ni da vosataka na dina, matai, me da kila ni da sega ni kila taucoko na dina, me baleti keda sara mada ga, ka sa dodonu kina me da yalo malumalumu. Kena i karua, ni da vosataka na dina, me tau e na dela ni loloma ka me vakatatakicake o ira era rogoca. Wilika na Efeso 4:15, 29 kei na Kolosa 4:6. Dabe ka masulaka nai tukutuku kaukauwa e tiko e na tikina oqo. Vakasamataka na duidui (kei na vinaka!) e na nomu bula, ke o muria na vakasala oqo e na kaukauwa ni loloma ni Kalou? AI VOLA I JEMESA [Ulutaga Ni Veimacawa] 80 VAKARAU Tiseba 12 Kuri Ni Vuli: “Na lesoni e dodonu me ra vulica o ira nai liuliu e na cakacaka ni Kalou, sai koya me ra wawa e na vosota, ka tudei tiko na nodra vakararavi, veitalia ke sa butobuto vakalevu na ka kece. O lomalagi e na tu e yasadra ni yaco na veika dredre. Na yalo e vakila nona tawayaga ka vakararavi vakaoti Vua na Kalou, e rairai malumalumu ka sega nona i nuinui, ia e taukena na kaukauwa levu e tawakune... “E na basika mai na veika dredre, ia mo toso tikoga ki liu. Na ka oqo e na vakaukauwataka na nomu vakabauta ka vakarautaki iko ki na veiqaravi. E sega ni volai tu e na Vola Tabu na veika e yaco e na veitabagauna sa oti, me wiliki walega ka da qoroqoro kina, ia me rawa ni cakacaka vei keda na vakabauta vata ga e kune e na nodra bula na tamata cakacaka ni Kalou taumada.”— Ellen G. White, Prophets and Kings, pp. 174, 175. Taro Ni Veiwasei: 1. E da kila kece na talanoa me baleta na witi kei na co ca, nodrau bula vata me yacova na tatamusuki (Maciu 13). Ia na cava na kena i balebale e na vakasama ni veivakavulici e na soqosoqo lotu? Na cava na kena i balebale ni yaco na vukitani e na keda maliwa? Me da dabe ga, ka kua ni cakava e dua na ka, ka kaya ni na walia na Turaga Nona lesu mai? Au sega ni vakabauta. Ni da raica na vosa vakaibalebale oqo, kei na rarama ni veivakavulici e vakayacori e na soqosoqo lotu mai Koronica kei Kalatia—me da cavuraki ira ga na co ca, era kidomoki ira tiko na witi? 2. Na veitemaki kei na veikadredre e sotavi keda kece. Na vosaniyalayala cava mai na Vola Tabu kei na i vola nei Ellen G. White, e kauta mai vei iko na vakacegu ka vukei iko mo tudei ka toso tikoga ki liu e na vakabauta? O cei so era volai e na Vola Tabu e ra vukei iko e na veikadredre o curuma, se nomu vakanamata e na veika sa tu mai liu? 3. O Jemesa e vakasalataki keda me da “kakua ni vei kudruvi” (5:9). Ia, o ira na tamata, wili kina o ira na Lotu va-Karisito e ra cakava na ka e vakasagai ka vakacudrui keda. Rawa vakacava me da vulica me da loloma, me da veivosoti, me da tudei ka da bula me cecere cake mai na veika “lalai” e na bula oqo, ka dau vakavuna me dau veisau totolo na yaloda, votivoti na noda bula, ka yaco me da sega ni tamata Lotu va-Karisito vakadinadina vinaka? AI VOLA I JEMESA [Ulutaga Ni Veimacawa] 81 LESONI 12 Tiseba 13–19 MASU, VAKABULAI, VAKASUKAI TALE YAKAVI NI SIGATABU Wilika Me Vulici E Na Macawa oqo: Jemesa 5:13–20; 1 Joni 5:14; 1 Koronica 15:54; Iperiu 12:12, 13; Joni 8:43–45; VBalebale 10:12. Memory Text: “Dou dui veivakatusa na nomudou i valavala ca, ka veimasulaki, mo dou vakabulai kina. Sa yaga vakalevu na nona masu gumatua na tamata yalododonu” (Jemesa 5:16). O keda na tamata e dau dreta na noda vakasama ni yaco na cakamana se na veika veivakurabuitaki. E dreti keda me vakayadrata e lomada na yalo ni via sarava se via kila na kena dina. O Jisu E sega ni vinakata me cakava e dua na cakamana me ka ga ni veivakamarautaki (Luke 23:8, 9) se me vakadinadinataka ni Mesaia (Maciu 12:38–41) se me sotava e dua na Nona gagadre (Maciu 4:2–4). Na Yalo, ka vakavuna me vunau ka veivakavulici o Jisu e na lewa ka yaco kina na cakacaka mana, e sega ni kaukauwa me da vakayagataka; o keda me da yaragi ni cakacaka E na ligana. Na Kalou e rawa ni vakabulai ira kece na tauvimate, ia E vinakata na veivakabulai e dei ka dede. E na vakasama oqo, e da na dikeva e so na taro bibi: na cava e da rawa ni kila me baleta na vosa nei Jemesa me baleti ira na nodra vakabulai na tauvimate? E tiko na veiwekani e na kedrau maliwa na veivakabulai kei na veivosoti me rawa ni saumi na masu? O Ilaija e laurai me dua nai vakaraitaki vinaka me baleta na bula ni tamata daumasu e na gauna ni vukitani. Na cava e rawa ni da vulica mai na nona bula ni masu kei na cakacaka me kacivi ira na Isireli lesu mai Vua na Kalou kei na so-Kalou dina? * Vulica na lesoni oqo, ka mo vakarau e na Sigatabu, Tiseba 20. AI VOLA I JEMESA [Ulutaga Ni Veimacawa] 82 SADE Tiseba 14 Yaragi Me Tiko Vua Na Lotu va-Karisito Wilika na Jemesa 5:13. Na cava e vakatautauvatataka tiko e ke o koya? E da vakayagataka vakacava na vakasala oqo e na veika eda sotava? Dina ga ni rua na ka duidui e vakatautauvatataki (vakararawataki, marau), o Jemesa e semai rau ki na masu kei na sere: masu ni sotavi na veika rarawa, sere ni o marau. E sega ni duidui sara o rau na rua oqo, ni levu na same e na Vola Tabu e masu talega, ka tekivuna o Jemesa na nonai vola e na nona vakauqeti ira na wilika me ra “dou nanuma me ka ni reki sara”, ni dou sa lutu ki na ka e vuqa sa dauveivakatovolei; “ni dou sa kila sa vakatubura na dauvosota na vakatovolei ni nomudou vakabauta” (Jemesa 1:2, 3). E rawa ni rau veicurumaki na gauna ni masu kei na gauna ni sere. Na vosa “vakararawataki” e na Jemesa 5:13 e basika mai e na yavu ni vosa vata ga e vakayagataki me vakamacalataka na veivakararawataki e ra sotava na parofita (Jemesa 5:10). E wili ruarua eke na veivakararawataki vakayago kei na vakararawataki ni vakasama—“matai ka liu duadua na rerevaki kei na revurevu ni valu” (Ceslas Spicq, Theological Lexicon of the New Testament, vol. 2, p. 239), kei na vakayagataki ni kaukauwa taucoko e na cakacaka saumi. E vakayagataki talega e na 2 Timoci 2:9 kei na 4:5, me vakamacalataka na “nodra cakacaka vakaukauwa na apositolo ka sega ni vakalailaitaka na veikadredre se veivakararawataki”— Theological Lexicon of the New Testament, vol. 2, p. 240. Ni dau yaco mai na leqa, e da dau gole Vua na Kalou o keda na Lotu va-Karisito. Na masu e ka yaga ni yaco na veikadredre, ia na lagasere se rogoci nai vakatagi vakalotu (na vosa vakayagataki eke na psalletō, ka rau wili ruarua kina) e yaga talega. “Na lagasere e tiki talega ni so-Kalou me vaka ga na masu. Sa dina sara, ni levu na sere e qaqa ni masu.”—E G. White, Education, p. 168. Lewe vica vei keda, ni dau yalobibi se galili, qai dau votu mai vua e dua na qaqa ni sere ka laveta cake na yalona? Vuqa vei keda e da kune rarawa se da gadreva na veivakauqeti, qai dau vakamarautaki keda na veisiko e sinai e na masumasu kei na sere. “Dou reki vata kei ira era sa reki, ka tagi vata kei ira era sa tagi” (Roma 12:15). E rawa ni laveta na yaloda ke sega ni dua tale na ka e rawata. Na i vola ni Same e dua na valeniyau ni masu kei na sere, ka rawa ni ceguvi, veivakauqeti, vakayaloqaqataki keda ka dusia na sala ke da sega ni kila na vanua me da vukei mai kina. E da kila kece ni rawa ni dreti keda voleka Vua na Turaga ni da kune rarawa ka biligi keda me da masu. Na cava na leqa rerevaki vakayalo e rawa ni yaco ni vinaka tu na bula? Cava e ka e bibi kina na sere e na gauna vakaoqo? Na cava e vukei keda, me da kakua ni guilecava? AI VOLA I JEMESA [Ulutaga Ni Veimacawa] 83 MONITI Tiseba 15 Masulaki Na Tauvimate Wilika na Jemesa 5:14, 15. Na cava e kaya o Jemesa ni gadrevi e na nodra lumuti na tauvimate, ka veika bibi vakayalo cava e kunei e na tikina oqo? Na dina, nona kacivi iratou na qase ni lotu o koya na tamata tauvimate me ratou lumuti koya “e na waiwai e na yaca ni Turaga” ka masulaki koya, e vakaraitaka na nona gagadre vakayalo o koya e tauvimate kei na nodra duavata e na vakabauta ni gadrevi na veivakabulai vakalomalagi (Marika 6:13). Na kena cavuti na vosoti ni valavala ca, e vakaraitaka ni Kalou E na sega ni vakabula vakayago e dua na tamata ke sega ni gadreva me vakabulai vakayalo. “Vei ira kece era gadreva na masu me vakasukai tale mai na bulavinaka, e dodonu me matata vei ira ni kena voroki na vunau ni Kalou, vakayago se vakayalo, e okati me valavala ca, ka sala duadua me rawa vei ira me ra ciqoma na Nona veivakalougatataki sai koya me vakatusai ka vosoti na i valavala ca.”—Ellen G. White, The Ministry of Healing, p. 228. Na kerei ni veivakabulai vakalomalagi kei na nodra kacivi na qase ni lotu, e vakaraitaka ni o koya e tauvimate e sa davo bibi, ka sega ni rawa ni waraka na na gauna ni soqoni vata vakalotu. E rua na vosa duidui va-Kiriki e vakayagataki e ke: na matai na astheneō e na tikina 14, e vakayagataki me vakamacalataki Tokasa “nona tauvimate ka ciba”(Cakacaka 9:37); na kena karua na kamnō e na tikina 15, e vagolei vei koya e tauvimate, ia e wili kina o ira sa voleka ni mate, se o ira era sa tekivu yavu mai vakayago. Se na yaco na veivakabulai se sega, na cakamana ni veivakabulai e rawa ni yaco me sau ni “masu e na vakabauta,” ka vakaraitaka ni sa muri na loma ni Kalou (1 Joni 5:14). Ia, ni cavuti na “vakabulai” kei na “vakaturi” ni tauvimate (sa vakabula…mai na mate e na Jemesa 5:20) e dusia na tucake tale mai na mate, ka ni oqo duadua e na yaco kina na veivakabulai e taucoko, e na gauna “sa vakaisulu oti na yago vuca oqo me kakua tale ni vuca rawa, ka sa vakaisulu oti na yago mate oqo me kakua tale ni mate rawa” (1Koronica 15:54). Vuqa vei keda e da kila na soqoni ni veilumuti, se da vakaitavi kina, ka yaco me mate o koya e lumuti ka sega ni vakabulai. Cava na vuna, e noda nuinui dina ga na tucake tale mai na mate, me vaka e basika tiko e na tikina oqo? AI VOLA I JEMESA [Ulutaga Ni Veimacawa] 84 TUSITI Tiseba 16 Vakabulai Na Yalo E bibi cake mai na kena vakabulai na yago sai koya na vakabulai ni yalo. Na noda i naki o ya me ra vagolei na tamata valavala ca ki na bula tawamudu E kunei vei Jisu, ka sega me ra tamata valavala ca bulavinaka. De dua, oqo na vuna e tikina duadua e vosa me baleta na veivakabulai e na lesoni ni macawa oqo, e kunei e na wiligusu (tikina 16), ka toso tani mai e na vakanananu e so e kune e na tikina 13–15. Na vosa e vakayagataki me “veivakabulai” e na tikina oqo na iaomai, e okati kina na veivakabulai e lako sivita na veivakabulai vakayago (raica na Maciu 13:15). Sa vakacilava cake mai o Jemesa e na tikina 15 na vakasama raraba ni veivakabulai (na tucake tale mai na mate), ia oqo, sa biuta mai na i sema e tiko e na tauvimate kei na valavala ca, ka sai valavala ca na vu ni noda leqa kece na tamata—na tauvimate e tauvi keda e sega ni kena i balebale ni dua na valavala ca e da a cakava, ia na tauvimate kei na mate e vua ni o keda kece e da tamata i valavala ca. Wilika na Marika 2:1–12 (raica talega na Iperiu 12:12, 13; 1 Pita 2:24, 25). Na mataqali veivakabulai vakacava e tukuni e ke, ka cava na yavu ni veivakabulai? Na vakabauti Jisu e kauta mai vei keda na veivakabulai mai na valavala ca kei na malumalumu vakayalo. Ni da vakasamataka, na veivakabulai kece e cakava o Jisu e tukutuku me rawa ni dreta na tamata ki na nona vakila vakatitobu ni ra gadreva me ra vakabulai vakayalo. Na kisi me baleta na tamata paralasi e na Marika 2, e da raica ni gadreva vakalevu o koya na veivakabulai vakayalo, ka oqo na vuna E vakadeitaka vua o Jisu ni sa bokoci na nona i valavala ca. “E sega ni veivakabulai vakayago e gadreva vakalevu o koya, ia na veivakacegui ni colacola bibi ni valavala ca. Ke rawa walega ni raici Jisu, ka ciqoma mai Vua na veivakadeitaki ni veivosoti kei na veivakadonui nei Lomalagi, sa na yalovakacegu me bula se mate, me yaco ga na loma ni Kalou.”—Ellen G. White, The Desire of Ages, p. 267. Dina ga ni dodonu vei ira na Nona dauveiveivakabulai na Kalou nikua me ra vakayagataka na veiqaravi vakavuniwai, sa dodonu me segati na veivakabulai ni tamata taucoko, sega e na bula ga oqo, ia e na bula sa bera mai. Na veivakabulai e wili kina na vakabulai ni veiwekani, ka oqo na vuna e da vakasalataki kina me da “duivakatusa na noda i valavala ca”(Jemesa 5:16), vei ira e da cala vei ira (Maciu 18:15, 21, 22). Ke o cala se vakamavoataka na lomana e dua, mo vakatusai iko vua. Na vakatutusa e okati kina na noda vakamatea na au, sa na qai nomu na Nona veivakalougatataki na Kalou, ka bulataki o Karisito e lomamu. AI VOLA I JEMESA [Ulutaga Ni Veimacawa] 85 VUKELULU Tiseba 17 Vakaraitaki Vinaka Ni Masu Wilika na Jemesa 5:17, 18. Na cava e da vulica me baleta na masu e na vakaraitaki nei Ilaija? E sema vakacava kei na veivakabulai, veivosoti, kei na veivakasukai? Na tikina oqo e vakaraitaka na veivakadeitaki e soli e na Jemesa 5:16 “sa yaga vakalevu na nona masu gumatua na tamata yalododonu.” O Ilaija e sega ni tamata kaukauwa sara vakayago, ia e tamata “yalododonu” ka kau bulabula ki lomalagi. E tu vua nai vakarau ni bula kei na gagadre e tu vei keda. Na dina ni rogoca na Kalou na nona masu, e dodonu me vakauqeti keda ni na rogoci talega na noda masu. O Jemesa e kaya ni o Ilaija e “masu vagumatua” me kakua ni tau na uca (e sega ni vakamatatataki e na Veiyalayalati Makawa), ka kerea me yaco na Vakarua 11:13–17 (ka dusimaki tiko e na Jemesa 5:18). Na parofisai e na Vakarua, e bolei ira na Isireli, ni ra sa tekivu cuva ka qaravi Peali, na kalou ni draki ca kei na livaliva. Dina ga ni da sega ni kila na levu ni siga e masu kina o Ilaija, nib era ni rogoci, na nona vakatakekere e yavutaki e na nona vulica ka vakasamataka vakabibi na Vosa ni Kalou, kei na gauna e bula donuya. De a cavuta o koya e na nona masu na parofisai e na Vakarua, me vaka ga na nona masu o Taniela me baleti Jerusalemi, e a yavutaki e na nona vulica na parofisai nei Jeremaia (Taniela 9:2, 3). Na noda masu talega, e na mana vakalevu ke yavutaki e na noda vakasamataka na veika e yaco vei keda kei na rarama ni Vosa ni Kalou. Na tolu veimama na yabaki me kakua ni tau kina na uca cavuti talega e na Luke 4:25) e gauna kilai tani e na Vola Tabu me gauna kerei ni veivutuni (tautauvata kei na gauna vakaparofisai e “veimama ni macawa,” se tolu veimama na yabaki ni veiqaravi nei Jisu e na Taniela 9:27, kei na “tolu kei na veimama ni gauna” ni vukitani nodra na Lotu va-Karisitova e na Taniela 7:25 kei na Vakatakila 12:14). Ni mai oti na gauna oqo, na Kalou e vakayagataki Ilaija me tekivuna na cakacaka ni veivakabulabulataki kei na veivakavoui, me vakayadrati ira na Isireli me ra vakila na titobu ni nodra vukutani. Na cakacaka e vakatakarakarataka na cakacaka nei Joni na Dauveipapitaisotaki e Isireli, e na matai ni senitiuri me vakarautaka na Nona lako mai o Karisito e na matai ni gauna, kei na cakacaka sa tataunaka na Kalou ki na Nona lotu kenavo nikua, me vakarautaka e dua na kumukumu tamata ki na Lesu Vakarua Mai (Malakai 4:5, 6; Maciu 11:13, 14). E da sa vakasaqara tiko na veivakabulabulataki kei na veivakavoui vakasoqosoqo lotu? E dodonu me tekivu taumada vei keda vakayadudua, noda bula e na veisiga. Na digidigi cava e rawa duaduaga ni o cakava, ka na vakatau kina na sala o na muria kei na vanua o na cava kina na nomu bula? AI VOLA I JEMESA [Ulutaga Ni Veimacawa] 86 LOTULEVU Tiseba 18 Veivosoti Kei Na Veivakasukai Na Yalo ni Kalou e cakacaka vei Ilaija me vakasuka lesu na veiwekani e na kedrau maliwa o Isireli kei na Kalou. Ia, e levu na cakacaka nei Ilaija e vakayacori e na taudaku ni Ulunivanua o Kameli. Mai Kameli e kena tekivu walega! E tosoya o koya na nona veiqaravi ni veivakabulabulataki kei na veivakavoui ki na veikoro lalai kei na veivale kei na nona vakarautaki ira na liuliu vakayalo e na nodra koronivuli na parofita. Wilika na Jemesa 5:19, 20. E vakatautauvatataki vakacava na cakacaka e vakamacalataki e ke kei na cakacaka e cakava o Ilaija, Joni na Dauveipapitaisotaki, kei ira tale eso? Luke 1:16, 17; Cakacaka 3:19. Vuqa vei keda eda guilecava na cakacaka malumu e na dela ni vosota e cakava o Ilaija e na veiyabaki. Na cakacaka talega nei Joni na Dauveipapitaisotaki e vakanamata ki na nodra vakasukai lesu mai ki na dina, vakauqeti ira ki na veivutuni kei na papitaiso vakatamata yadua. O Jisu E vakamacalataka na Nona cakacaka vakakina: Nona tuberi ira na tamata me ra lakotani mai na vakavuvuli cala ki na dina (Joni 8:43–45). Na vakasama e laveti e na Jemesa 5:19, 20, e vakayagataka e dua na i tuvatuva ni yatuvosa vaka Kiriki, me vakamatatataka ni vukitani e sega walega ni nanumi ni na yaco, ia e rawa ni yaco. Ni dua e sega ni muria na dina, e sa vukitani, sega walega e nai vakavuvuli, e na i vakarau talega ni bula, ka matai ni kalawa, e muria yani na kena i karua. Sa na tekivu na vakasama ni vakatitiqa e na vuku ni yavu ni noda vakabauta, basika kina nai vakarau ni bula lomalomarua, ni bera ni matanataki na vukitani. Na nona “vakasukai lesu mai na tamata valavala ca mai na nona lakosese, e na vakabula na yalona mai na mate” (Jemesa 5:20). Sa mai soqona kece na veika e sa vosa oti kina o Jemesa, ka vakamamasu vei ira na lewenilotu me ra cakava na cakacaka e cakava o Ilaija, e na nona tuberi ira lesu na tamata Vua na Kalou. Na cakacaka oqo e gadrevi kina na vosota, yalololoma, yalo ni veikaroni, kei na yalo malumalumu: “Oi kemudou na veiwekani, kevaka sa vakidacalataki e dua na tamata mei valavala ca, mo dou vakavinakataki koya e na yalo malumalumu, oi kemudou sa vakayalo; ka mo vakaraici iko, de ko sa dauveretaki talega.” (Kalatia. 6:1). O Ilaija e vakagolea na yalo ni tamata Vua na Kalou ka sega ni vakagolei ira tani. Vuqa na tamata e ra kila tu na nodra valavala ca ka sega ni ra gadreva me dusimaki vei ira. E gadrevi kina na veivosoti e bulataka o Jisu ka vakarautaka e na Nona mate. E rawa ga ni vakabulai na yalo mai na mate, ke sa “ubi” na nodra valavala ca, e na kena bulataki na tukutuku vinaka e na noda bula, ka da yaco me da yaragi ni cakacaka ni loloma (VBalebale 10:12). Ke dua e cakava e dua na cala, ka sa kila tale ga. Na cava o rawa ni cakava se tukuna, mo vukei koya me vakasukai lesu mai Vua na Turaga? AI VOLA I JEMESA [Ulutaga Ni Veimacawa] 87 VAKARAU Tiseba 19 Kuri Ni Vuli: “O Karisito . . . e sureti keda me da duavata kei Koya e na nodra vakabulai na kai vuravura. ‘Dou a rawata walega, mo dou solia walega’ Maciu 10:8. Na i valavala ca e cala rerevaki duadua, ka sa gadrevi kina vei keda na yalololoma me da vukea na tamata valavala ca. E ra lewe vuqa e ra cala ka vakila na nodra maduakei na lialia. E ra via rogoca na vosa ni veivakayaloqaqataki. Era raica na nodra cala kei na malumalumu ka ra tu e nai tutu ni vakasaqara na bula. Me da veiqaravi vei ira na vei yalo oqo. . . “Vosataka na vosa ni vakabauta kei na veivakayaloqaqataki ka me waiwai ni kena vakamavotaki na bula sa drakusi ka mavoa.”— Ellen G. White, The Desire of Ages, p. 504. Taro Ni Veiwasei: 1. Vakasamataka e na vuku ni nomu valavala ca ni o a digidigi cala, nomu vakaleqa e vuqa na ka; o vakamavoataki iko kei ira na tani, kei na Turaga. E vakacava na nomu rai me baleti ira na tamata, dina ga ni ira sega ni marautaka na ka o cakava, ia e ra sasaga me ra vakauqeti ka laveti iko cake? Na cava o nanuma rawa me baleta na veivuke vakaoqo vei iko, ka rawa vakacava na vakanananu oqori, me vukei iko mo vakayacora na veitalevi kei na vei vakayaloqaqataki vua e dua, e a digidigi cala talega? 2. Masulaka ka wilika vakavinaka na Jemesa 5:16. Na lesoni bibi cava vakayalo e tiko kina me noda? Na cava e tukuna oqo vei iko me baleta na kaukauwa ni masu kei na kena bibi e na noda bula vakayalo? Dina ga ni masu e ka ni tamata yadua, veitalanoataka e na nomu kalasi na ka sa vakayacora vei iko na masu, na nomu sa raica na sau ni masu, kei na nomu sa vulica mo vakararavi tikoga Vua na Turaga, ke sega ni saumi na nomu masu me vaka na nomu gagadre. Na cava o rawa ni kaya ni ka bibi ka yaga duadua e basika ni vakayacori na “masu gumatua”? AI VOLA I JEMESA [Ulutaga Ni Veimacawa] 88 LESONI 13 Tiseba 20–26 NA TUKUTUKU VINAKA E SEGA NI OTI RAWA YAKAVI NI SIGATABU Wilka Me Vulici E Na Macawa Oqo: Iperiu 4:2; Same 130:3, 4; Luke 15:11–32; Roma 3:24–26; Iperiu 10:1–4; Vakatakila 14:12. Wiligusu: “Sa rairai eliu vei au ko Jiova ka kaya; Io, ka’u sa lomani iko e na loloma sa sega ni mudu: o koya oqo ka’u sa vakadedetaka kina na loloma vei iko” (Jeremaia 31:3). E na noda vulica tiko na i vola nei Jemesa, e da raica e so na leqa e sema tiko e na tukutuku vinaka ka da vakatautauvatataka kei na ka e ra vola e so tale e ra volavola e na Vola Tabu. E sega ni ka rawarawa me da kila vakamatata se sema vakacava na ka e tukuna o Jemesa kei na veika e volai e na Vola Tabu, vakabibi kei na tukutuku vinaka, ia e da sa raica rawa, ni vakakina. E ka bibi dina, baleta ni kosipeli e yavu ni veiqaravi e da kacivi kina e nai otioti ni gauna oqo, me da “vunautaka na tukutuku vinaka e sega ni oti rawa . . . ki na vei matanitu, kei na veimataqali kei na duidui vosa kei na tamata” (Vakatakila 14:6). E na i otioti ni macawa oqo, e da na vakanamata e na veitaro e kovuti e na “tukutuku vinaka e sega ni oti rawa,” ka dua na yavu e vakavulici e na Vola Tabu taucoko, wili kina o Jemesa, sai koya na noda vakabulai e na vuku ni vakabauta. Na tikina bibi me da nanuma, ni Vola Tabu e sega ni veisaqasaqa vakaikoya, vakabibi e na vakavuvuli rawarawa me vaka na veivakabulai. Na noda mai tinia na vulatolu oqo e na noda raica na kena rairai mai e na Vola Tabu na tukutuku vinaka, sa na vinaka cake kina na noda raica na nona sema o Jemesa nai yaloyalo levu ni Nona nakinaki ni veivolilesu na Kalou. * Vulica na lesoni oqo, ka mo vakarau e na Sigatabu, Tiseba 27. AI VOLA I JEMESA [Ulutaga Ni Veimacawa] 89 SADE Tiseba 21 Na Tukutuku Vinaka E na Veiyalayalati Makawa “Ni sa tukuni mai vei keda e dua na ka vinaka, me vaka talega vei ira: ia ka sega ni yaga vei ira na vosa era sa rogoca, ni ra sa sega ni dua vata e na vakabauta kei ira era sa vakarogoca. ” (Iperiu 4:2). Na tikina oqo e vakurabuitaki keda e na veika e rawa ni siqemi mai kina. Matai, ni kosipeli, e sega walega ni “tukutuku vinaka” ia na i tukutuku vinaka, e a vunautaki e na Veiyalayalati Makawa. Kena i karua, ni a vunautaki talega e na Veiyalayalati Vou. E sega ni dua na kena vakaraitaki ni sa veisau e dua na ka mai na tukutuku vinaka. Na leqa, e sega ni tiko e na i tukutuku, ia mai na kena rogoci. Sa rawa talega vei keda nikua me dua ga na i tukutuku vinaka, ia e duidui na ka era rogoca na duidui tamata. Sa rui ka bibi kina na noda sorovaki keda vakaoti e na vakabauta ki na vakavuvuli e na Vosa ni Kalou, me rawa vei keda me da rogoca vakadodonu e na gauna e vunautaki kina. Wilika ka dikeva na veitikina oqo, ka vola na tukutuku vinaka e tiko kina: Vakatekivu 3:15 ____________________________________________________ Lako Yani 19:4–6 ___________________________________________________ Same 130:3, 4; Same 32:1–5 __________________________________________ Aisea 53:4–11 ______________________________________________________ Jeremaia 31:31–34 _________________________________________________ O bau raica e dua na ka e ra tautauvata kece kina? Na Kalou e curu takoso me vakabulai keda; E vosota na noda valavala ca ka biuta e lomada na yalo ni “veimecaki”kei na valavala ca, me rawa ni da “yalo rawarawa ka talairawarawa” (Aisea 1:19). E dua (Jisu) E a mate e na vukuda, colata na noda i valavala ca, ka vakadonui ira na tamata e sega ni dodonu me ra kauwaitaki. Na veiyalayalati vou e duidui mai na veiyalayalati makawa, baleta ni vunau e volai e lomada, ka sega ni qai “nanumi na i valavala ca” (Iperiu 8:12). Na veivosoti kei na sucu vou e dua nai oloolo: veivakadonui kei na veivakatabui e matataka na I wali ni Kalou me baleta na valavala ca. E rawa ni vakalevutaki na veitikina oqo, ka ni tautauvata na i tukutuku e na Vola Tabu taucoko: dina ga ni da valavala ca, na Kalou e lomani keda, ka sa cakava na ka taucoko me rawa ni vakabulai keda mai na ca. E rawa vakacava vei keda, na i kumukumu e da tutaka na vunau ni Kalou,me da taqomaki keda mai na cala ni vakabauta ni noda muri vunau e vakadonui keda?Na cava e dredre kina vei keda? AI VOLA I JEMESA [Ulutaga Ni Veimacawa] 90 MONITI Tiseba 22 Sa Liatamata Na Tukutuku Vinaka E so e dredre vei ira me ra raica rawa na tukutuku vinaka e na Tukutuku Vinaka! Sa rawa ni yaco me vaka na muri matanivola na vakavuvuli nei Jisu ke da sega ni rogoca vakaoti na i kuri ni Nona talanoa. Vuqa vei ira na Isireli e na gauna nei Jisu e ra okati ira me vinaka tu na kedra i tuvaki e na mata ni Kalou. Era tokona na veiqaravi e na valenisoro, e na nodra solia na kena vakacavacava ka vakacabora na nodra i soro. E ra sega ni kania na kakana e tawasavasava, e ra cilivi ira na luvedra tagane, e ra maroroya na veisiga ni solevu kei na Siga ni Vakacecegu, ka ra muria nai vunau me vaka e ra vakatavuliaca na nodra liuliu ni lotu. Basika mai o Joni ka kacivaka, “Dou veivutuni,” ka papitaisotaki. Me kenai kuri, o Jisu E vakaraitaka ni gadrevi na sucu vou (Joni 3:3, 5) ka “kevaka sa sega ni uasivi cake na nomudou i valavala dodonu e na nodra na vunivola kei ira na Farisi, dou na sega sara ni curu ki na matanitu vakalomalagi” (Maciu 5:20). Rawa ni da tukuna ni kaya tiko o Jisu, “O gadreva na ka e sega ni tiko vei iko. E sega ni rauta na nomu cakacaka vinaka.” Wilika na Luke 15:11–32, 18:9–17. E vakaraitaka vakacava na tukutuku vinaka na vosa vakaibalebale oqo? E na talanoa ni gone cidroi, e sega ni kila o gone ni yali tu. Sa qai yaco me raica na loloma nei tamana e na dua na rai vou ka vinakata me lesu i vale. Sa yali na nona dokadoka. Nona nuitaka me na ciqomi vaka e dua na tamata cakacaka, e kurabui ni laveti e na rokovi mai vei tamana. E sega walega ni vakasukai lesu mai na veiwekani. E vakavoui. Na i karua ni talanoa e kune talega kina na kena veisautaki na ka e namaki. Na Farisi “yalododonu” e sega ni rogoci, ia na Kalou e ciqoma na daukumuni vakacavacava valavala ca, ka suka o koya e na nona sa vakadonui, vosoti ka galala mai na veibeitaki ni cala. Na talanoa ruarua e vukei keda me raica vakamatata na Kalou, ni Tamada ka Vakadonui ira na tamata cala. Na gauna e vakamacalataka kina o Jisu na bilo e Sinai tu kina na vaini sa lobaki oti na kena wai me “Oqo na noqu dra ni veiyalayalati vou sa liviraki e na vukudra e lewe vuqa, me bokoci nai valavala ca,” sa mai tau vei Jisu na rarawa kei na mate e dodonu me noda, me Noda Lami ni Lako Sivia (Maciu 26:28, Marika10:45). Na veivakabulai e soli wale vei keda, ni sa mai sauma na kenai sau taucoko o Jisu. Na i nuinui cava o rawa ni kauta me nomu mai na vosa vakaibalebale oqo? Na sala cava o veiwekani kina kei ira eso era talanoataki, ka cava e vakaraitaka na nomu saunitaro, me baleta na ka e dodonu me veisau e na nomu bula vakayalo? AI VOLA I JEMESA [Ulutaga Ni Veimacawa] 91 TUSITI Tiseba 23 Na Tukutuku Vinaka E Vakaraitaka O Paula Me vakataki ira na kainona, o Paula e nanuma ni vinaka tu na nona bula vakayalo. Ia, e na gauna e raici Jisu me “Luve ni Kalou, o koya ka lomani au, ka soli koya e na vukuqu” (Kalatia 2:20). Vakasauri na nona raica koya ni se sega ni vakabulai, e yali tu; e sega ni tamata cakacaka ni Kalou, ia e meca ni Kalou; e sega ni yalododonu, ia e nodra turaga na tamata valavala ca. Na nona wilika na Veiyalayalati Makawa, sa tekivu me lutu laivi na ka e buwawa tu kina na matana. Na Kalou E veisautaka na bula nei Paula ka vakavouia na yalona, E na Nona vakatakilai Koya kei na nona vulica na Vosa ni Kalou. E da na sega ni kila vinaka nai vola nei Paula me yacova ni da raica rawa e so na tukutuku lalai vakaoqo. Wilika na 2 Koronica 3:14–16 e na rarama oqo, qai wilika na tikina 2–6. Na kalawa bibi cava e vakaraitaka e ke o Paula? Na i balebale ni veiyalayalati makawa e na matata “ke da saumaki oqo Vua na Turaga” (tikina 16). O Jisu duadua na sala ni veivakabulai. E tekivu Vua, ka tini Vua. O Isireli—e na nodra vakararavi ki na nodra talairawarawa, me vaka ga na ka e cakava tu o Paula ni se bera ni saumaki—e ra vakila na veiyalayalati makawa me minisita ni mate. Cava na vuna? Baleta ni da tamata “valavala ca kece” (Rom 3:23), wili kina o ira na Isireli, ka beitaki ira talega nai vunau (2 Koronica 3:7). Ni da vakatautauvatataka, o ira na tamata vakabauta mai Koronica “sai vola i Karisito… sa sega ni volai e na wai ni volavola, sa volai ga e na Yalo ni Kalou bula; sa sega ga e na dela ni vatu, ia e na dela ni yalomudou sa malumu” (tikina 3). Wilika na Roma 1:16, 17; 3:24–26. E vakamacalataka vakacava o Paula na tukutuku vinaka? Na cava e noda ni da ciqomi Karisito e na vakabauta? Na kosipeli sai koya na kaukauwa ni Kalou me veivakabulai ira kece e ra vakabauta. Na yalododonu e yavutaki e na ka E sa cakava oti o Karisito E na vukuda, ka da okata me noda e na vakabauta, ka sega ni yavutaki e na ka eda cakava. Na vakabauta e tubu mai na “vakabauta ki na vakabauta”(Roma 1:17). Nai balebale ni ka e tukuna e ke o Paula e sereka e na vo ni vola vei ira na kai Roma, ka uto ni tukutuku e kune e na mua ni wase 3. E na vuku i Karisito, e da sa volilesu (Na Kalou sa voli keda lesu Nona sa sauma na nodai valavala ca), vakadonui (e da sa vakagalalataki mai na veibeitaki ni cala ka vakasavasavataki e na loloma), ka vosoti (Sa ciqomi keda lesu na Kalou ka “guilecava” na noda valavala ca sa oti). E na vakacaboisoro nei Karisito, sa vakadinadinataka na Kalou ni lewa dodonu e na Nona veivakadonui vei ira na tamata cala, e ra sa vakabauti Jisu. AI VOLA I JEMESA [Ulutaga Ni Veimacawa] 92 VUKELULU Tiseba 24 Na Veiyalayalati “Vou” Nai vola vei ira na Iperiu e vakamacalataka ni veiyalayalati vou e “vinaka cake” mai na veiyalayalati makawa (Iperiu 8:1, 2, 6). Na taro levu e da na taroga, “Na cava e caka kina na veiyalayalati makawa ke leqa tu? Na leqa e sega ni tiko e na veiyalayalati, ia vei ira na tamata e ra vosa bubului kina. Wilika na Iperiu7:19, 8:9, 10:1–4. Na leqa cava so e na veiyalayalati e cavuti kina? O ira na tamata e ra “sega ni yalodina ki na veiyalayalati” (Iperiu 8:9), ia e ra talaidredre ka vukitani. Me kena i kuri, ni manumanu e vakacabori e na veiyalayalati makawa e sega ni rawa ni bokoca na i valavala ca (Iperiu 10:4), ka kena i balebale ni tu ga na i valavala ca. Na i “soro duadua ga ni yago i Jisu Karisito” E rawa ni bokoca nai valavala ca, wili kina na kena e vakayacori e na veiyalayalati makawa (Iperiu10:10; 9:15). Oqo baleta ni “ni sa sega ni vinaka sara e dua na ka e na vuku ni vunau, ia sa kenai liuliu ni nuinui sa vinaka cake, o koya eda sa toro voleka kina vua na Kalou” (Iperiu7:19) e na vuku ni vosaniyalayala ni veiyalayalati vou. E na dua na vakasama, e sega ni ka vou na veiyalayalati vou, baleta —mai na gauna e tau kina na vosaniyalayala e Iteni ni na o koya na kawa ni yalewa e na butu qaqia na ulu ni gata—nai naki ni veivakabulai na Kalou e dusia tiko mai na mate nei Karisito, :na lami e vakamatei mai na vakatekivu kei vuravura” (Vakatakila 13:8; Jeremaia32:40;Iperiu 13:20, 21; Joni13:34). “Na veiyalayalati ni loloma e sega ni dina vou, ka ni a sa bucini makawa tu e na vakasama ni Kalou mai na gauna tawamudu. Oqo na vuna e vakatokai kina me veiyalayalati e sega ni oti rawa.”— The Faith I Live By, p. 77. Ena yasana kadua, e yaco e dua na ka talei e na gauna e da gole kina Vua na Turaga, me vaka e da sa raica vei Paula. Sa yalataka tu na Kalou e na veiyalayalati vou, “Au na tugana ga ki na lomadra na rerevaki au, me ra kakua ni vuki tani vei Au” (Jeremaia 32:40). Ni sega na vakabauta, na vakacaboisoro e vaka ga na laki saumi dinau ni valavala ca. Me da vakaraici Jisu matua , Nona “vosota na kauveilatai, ka sa sega ni madua ni sa vakalialiai kina”ka “vosota ni sa vosavakacacataki Koya vakalevu ko ira na tamata ca” (Iperiu 12:2, 3) e vakaraitaka na sau levu ni valavala ca kei na tukutuku vinaka ni Dua sa sauma “e na vuku ni dra ni veiyalayalati tawamudu”(13:20). Na veiyalayalati “vou” oqo e veisautaka na noda raica na ka kecega, me vaka na vunau me da veilomani. E sega dina ni vunau vou (VSoro 19:18) ia me da kakua walega ni lomani ira na kainoda me vakataki keda, ia me vaka Au sa lomani kemudou” (Joni 13:34). Rawa vakacava me da lomani ira na tani me vaka Nona lomani keda o Jisu? AI VOLA I JEMESA [Ulutaga Ni Veimacawa] 93 LOTULEVU Tiseba 25 Na Usutu Ni Tukutuku Vinaka “Ia e na gauna ni domo i koya nai kavitu ni agilose, ni sa vakatekivu ko koya me uvuca, ena vakaoti vinaka na ka vuni ni Kalou, me vaka na nona vosa vinaka vei ira na nonai talatala na parofita” (Vakatakila 10:7). Na Vakatakila 10:7 e dua tale na qavu ni tikina e na vola ni Vakatakila (taudaku ni Vakatakila 14:6) me vosa me baleta na vunautaki ni tukutuku vinaka (na vosa vaKiriki e vakadewataki me “vunautaki” na euangelizō, “me kacivakai na tukutuku vinaka”). Na wase ni vola e rua oqo e talei vei ira na Lotu Kavitu Lesu Vakarua Mai, baleta ni da kunea kina na noda kacivi kei na talai. E rawa ni da kaya ni Kalou e kacivi keda vakatikitiki mai vei ira na kena vo, ka talai keda me da vunautaka na “tukutuku vinaka e sega ni oti rawa.” Me vaka e da sa raica oti, na kosipeli e tautauvata mai na i Vakatekivu ki na Vakatakila. E tautauvata na vunau, ka tautauvata na veiyalayalati. O Jisu, Paula kei Jemesa eratou vakadeitaka ni tukutuku vinaka e tautauvata kei na kena e vakabauta o Eparama (Joni 8:56, Roma 4:13, Jemesa 2:21–23). E so e dredre me ra ciqoma na vakasama oqo, baleta ni qiqo na nodra rai me baleta na tukutuku vinaka ni vakatautauvatataki kei na Vola Tabu. Na vakabauta kei na talairawarawa nei Eparama e yavutaki e na nona raica rawa vakayawa na vakacaboisoro nei Jisu. E sega ni gadrevi me da vakarautaka e na noda bula na vakabauta kei na cakacaka me rawa ni da vakabulai kina. Na vakabauta vakaikoya duaduaga sa rauti keda, e dodonu me vakabauta e cakacaka, ia me kua ni mataqali vakabauta ga e na vakasama ka tiko vei ira na tevoro, se na vakabauta e taura me nona na vosaniyalayala ni Kalou, ia e sega ni muria na veika me vakayacori taumada e na vuku ni veivakabulai. Ni vulici na tukutuku vinaka e sega ni oti rawa, na cava e bibi kina na vakasala e kune e na Vakatakila12:17 kei na Vakatakila 14:12, me muri na i vunau, kei na vakabauta nei Jisu? Na taro levu duadua e na basika e na otioti ni gauna: o cei o na vakarokoroko kina ka muria? Na Kalou E “bulia na lomalagi, na vuravura, na waitui kei na veivurevure ni wai”? (14:7). Se na manumanu kei na nona matakau? O ira era na yalodina me yacova na vakataotioti, e ra na talairawarawa ki na vunau kei na Siga ni Vakacecegu, e na vuku ni vakabauti Jisu. Na lotu dina e gadrevi ruarua kina na vakabauta kei na talairawarawa. “Dina ga ni dau yaco na veisaqa kei na veivakararawataki, e toso tiko na kena kacivaki na tudei ni vunau ni Kalou kei na kena vakatabui na Siga ni Vakacecegu mai na veibuli.“Na dina oqo, me vaka e kune e na Vakatakila 14 ka sema ki na “tukutuku vinaka e sega ni oti rawa,” e na kilai tani kina na Lotu i Karisito E na otioti ni gauna. ”—Ellen G. White, The Great Controversy, pp. 453, 454. AI VOLA I JEMESA [Ulutaga Ni Veimacawa] 94 VAKARAU Tiseba 26 Kuri Ni Vuli: “E dodonu me da lako cake ki na vakatagedegede e cecere cake, ka toso ki liu ka vakayacora na noda veikacivi cecere. Me da lakovata kei na Kalou e na yalo malumalumu, kakua ni sakitaka ni sa vinaka sara na nomu i tovo, ia e na vakabauta mo okata me nomu na vei vosaniyalayala kece e na Vosa ni Kalou; ka ni soli tu vei ira na talairawarawa, sega ni o ira e ra talaidredre e na vunau ni Kalou. Me da vakabauta na vosa ni Kalou, ka vakararavi vakaoti Vua, ka na kautani kina na yalo dokadoka kei na vakalagilagi koya. E da vakabulai dina e na vakabauta, sega e na vakabauta e moce, ia na vakabauta e cakacaka e na loloma, ka vakasavasavataka na yalo. Na liga i Karisito e rawa ni yacova yani na tamata valavala ca kecega, ka kauti koya lesu mai na talaidredre ki na talairawarawa; ia e sega ni dua na Lotu vaKarisito e cecere me sa uabaleta tale na veika e vakasala kina na vunau savasava ni Kalou. O ira oqo sa na sega ni vukea rawa o Karisito, ka ni sa tu e na taudaku ni Nona vakavuvuli kei na i vakarau; ni a kaya, “Au sa talairawarawa e na vunau nei Tamaqu, ka tiko ga e na Nona loloma,”ka o ira kece e ra muri Karisito e ra na talairawarawa ki na Nona vunau savasava na Kalou.”—Ellen G. White, Signs of the Times, March 31, 1890. Taro Ni Veiwasei: 1. Veitalanoataka na veiyasana kece ni tukutuku vinaka e na vakavuvuli nei Jisu, Jemesa kei Paula, wili kina na duidui kei na veika eratou tautauvata kina. E vukei keda vakacava ke da biuta vata kece ka raica nai yaloyalo levu, me na taqomaki keda mai na noda lade e na yasana ni muria na mata ni vola se na yasana kadua ni loloma sau rawarawa? 2. Ni o dau yalolailai e na vuku ni nomu tuvaki ni bula vakayalo, na vosaniyalayala cava ni tukutuku vinaka o dau taura me nomu, me vukei iko mo kakua ni yalolailai? Na cava na vuna me da kakua ni soro kina, veitalia ga ke sa butobuto na nomu vuravura, ka cava e vukei keda kina na vosaniyalayala me baleta na yalododonu i Karisito, ni soli vakailoloma vei ira na tamata valavala ca, e sega ni dodonu me lomani? 3. Na tukutuku ni agilosi lewe tolu e sema na Veibuli kei na noda volilesu kei na vakabulai. Vakakina na Joni 1:1–14. Na cava e veiwekani voleka kina na vei ulutaga oqo? Na cava e vakaraitaka na veiwekani oqo e na vuku ni kena yaco na Siga ni Vakacecegu me dua na tikina bibi e na vunau ni Kalou? E vukei keda vakacava na veiwekani voleka oqo e na noda kila na bibi ni Siga ni Vakacecegu e nai otioti ni veiraravui ni bera ni mai oti na vuravura oqo? AI VOLA I JEMESA [Ulutaga Ni Veimacawa] 95 2014 WILI VOLA TABU VAKAYABAKI OKOTOVA 1: Malakai 2: Maciu 1-4 3: Maciu 5-6 4: Maciu 7-8 5: Maciu 9-10 6: Maciu 11-12 7: Maciu 13-14 8: Maciu 15-17 9: Maciu 18-19 10: Maciu 20-21 11: Maciu 22-23 12: Maciu 24-25 13: Maciu 26 14: Maciu 27-28 15: Marika1-3 16: Marika 4-5 17: Marika 6-7 18: Marika 8-9 19: Marika10-11 20: Marika 12-13 21: Marika 14 22: Marika 15-16 23: Luke 1 24: Luke 2-3 25: Luke 4-5 26: Luke 6-7 27: Luke 8-9 28: Luke 10-11 29: Luke 12-13 30: Luke 14-16 31: Luke 17-18 AI VOLA I JEMESA NOVEBA 1: Luke 19-20 2: Luke 21-22 3: Luke 23-24 4: Joni 1-2 5: Joni 3-4 6: Joni 5-6 7: John 7-8 8: Joni 9-10 9: Joni 11-12 10: Joni 13-15 11: Joni 16-18 12: Joni 19-21 13: Caka 1-3 14: Caka 4-6 15: Caka 7-8 16: Caka 9-10 17: Caka 11-13 18: Caka 14-15 19: Caka 16-17 20: Caka 18-20 21: Caka 21-23 22: Caka 24-26 23: Caka 27-28 24: Roma 1-3 25: Roma 4-7 26: Roma 8-10 27: Roma 11-13 28: Roma 14-16 29: 1Koro 1-4 30: 1Koro 5-8 [Ulutaga Ni Veimacawa] TISEBA 1: 1Koro 9-11 2: 1Koro 12-14 3: 1Koro 15-16 4: 2Koro 1-4 5: 2Koro 5-9 6: 2Koro 10-13 7: Kalatia 1-3 8: Kalatia 4-6 9: Efeso 1-3 10: Efeso 4-6 11: Filipai 12: Kolosa 13: 1Cesalonaika 14: 2Cesalonaika 15: 1Timoci 16: 2Timoci 17: Taito-Filimoni 18: Iperiu 1-6 19: Iperiu 7-10 20: Iperiu 11-13 21: Jemesa 22: 1Pita 23: 2Pita 24: 1Joni 25: 2Joni-Juta 26: Vtakila1-3 27: Vtakila 4-8 28: Vtakila 9-12 29: Vtakila 13-16 30: Vtakila 17-19 31: Vtakila 20-22 96 VAKATAWA NI MATAKA Okotova 2014 YALO DINA 1. 2. 3. 4. 5. 6. 7. 8. 9. 10. 11. 12. 13. 14. 15. 16. 17. 18. 19. 20. 21. 22. 23. 24. 25. 26. 27. 28. 29. 30. 31. Yalodina o Jisu Yalodina o Jisu me veivosoti Jisu na dauvakadinadina yalodina E bete levu yalodina Vakaisulu e na yalodina na Mesaia Levu na Nona yalodina na Kalou Tara na lomalagi Nona yalodina Tudei Nona yalodina na Kalou Tevita kacivaka na yalodina ni Kalou Tevita vakamamasu ki na Nona yalodina na Kalou Tevita e seretaka na loloma kei na yalodina ni Kalou Vosa ni Kalou e dina ka yalodina Na Turaga e solia nai cocovi vei ira na yalodina Yalataka na Kalou na yalodina vei ira na tamata Mosese dua na dauveiqaravi yalodina Yalodina o Taniela e Papiloni Vua ni Yalo Tabu na yalodina Yalataka na Kalou na kalougata vei ira na yalodina Karisito vakauqeta na yalodina Dautukutuku yalodina vakabulabulataka na yalo Dautukutuku yalodina sega ni dau lasu Yalodina Nona vakaro na Kalou Yalodina nona mavoa nomu i tokani Liuliu yalodina o Nemaia O Tikiko e talatala yalodina Kalou maroroi ira na yalodina Onisimo e dua na tacida yalodina Yalodina e na ka lalai-yalodina e na ka levu Jisu na Tui E yalodina ka dina Yalodina me yacova na mate Tikovata kei Karisito ira na yalodina AI VOLA I JEMESA [Ulutaga Ni Veimacawa] Iperiu 10:22,23 1 Joni 1:9 Vakatakila 1:4,5 Iperiu 2:17,18 Aisea 11:4,5 L.Jeremaia 3:22,23 Same 36:5 Same 119:90 Same 89:1,2 Same 143:1,2 Same 92:1,2 Vakatakila 21:5 1 Samuela 26:23 Osea 2:19,20 Iperiu 3:2,5 Taniela 6:4,5 Kalatia 5:22,23 Vakarua 11:12-15 Maciu 25:21 Vbalebale 25:13 Vbalebale 14:5 Same 119:137,138 Vbalebale 27:6 Nemaia 13:11-14 Efeso 6:21,22 Same 31:23,24 Kolosa 4:7-9 Luke 16:10-12 Vakatakila 19:11-13 Vakatakila 2:10 Vakatakila 17:14 97 VAKATAWA NI MATAKA Noveba 2014 YALODODONU 1. 2. 3. 4. 5. 6. 7. 8. 9. 10. 11. 12. 13. 14. 15. 16. 17. 18. 19. 20. 21. 22. 23. 24. 25. 26. 27. 28. 29. 30. O Jisu e taleitaka na yalododonu Iperiu 1:8,9 Jisu noda vuku kei na yalododonu 1 Koronica 1:29-31 E da nona yalododonu na Kalou e na vukui Jisu 2 Koronica 5:20,21 Na Turaga noda yalododonu Jeremaia 23:5,6 Sega ni vakabulai keda noda cakacaka ni yalododonu Taito 3:4,5 Noda yalododonu e vaka na sulu qeleqelewa Aisea 64:6 Na yalododonu sega ni rawa e na muri vunau Kalatia 2:20,21 Nai solisoli ni yalododonu Roma 5:17, 18 Wili vei keda na Nona yalododonu na Kalou Roma 4:6-8 Yalododonu e na vuku ni vakabauta Roma 9:30-32 Yalododonu e na vuku ni vakabauti Karisito Roma 3:21-23 Yalo Tabu e vakaraitaka na yalodododnu Joni 16:7,8 Kalougata o ira e ra viakania na yalododonu Maciu 5:6 Vakaqara na yalododonu Sefanaia 2:3 Ubi e na i sulu ni yalododonu Aisea61: 10,11 Qarai na yalododonu kauta mai na kalougata Vbalebale 21:21 Sinai e na vua ni yalododonu Filipai 1:10,11 Na yalododonu e laveta cake na matanitu Vbalebale 14:34 Tatamusuki ni yalododonu Jemesa 3:17,18 Yaragi ni yalododonu 2 Koronica 6:6,7,11 Sasabai ni lomasereda ni yalododonu Efeso 6:13-15 Matanitu ni Kalou na yalododonu kei na vakacegu Roma 14:17,18 Bobula ni yalododonu Roma 6:17,18 Vakasucumi mai Vua na Kalou na tamata yalododonu 1 Joni 2:29 Vunautaka o Noa na yalododonu 2 Pita 2:5 Paula e na nona nai sala ni yalododonu 2 Timoci 4:6-8 Buli vou na tamata e na yalododonu Efeso 4:22-24 Yalododonu ni Kalou e tawamudu Same 112:2-4 Yalododonu e na vakaitikotiko e na vuravura vou 2 Pita 3:13 Vukea na tamata me yalododonu- o vaka na kalokalo Taniela 12:3 AI VOLA I JEMESA [Ulutaga Ni Veimacawa] 98 VAKATAWA NI MATAKA Tiseba 2014 ME VAKALIUCI 1. 2. 3. 4. 5. 6. 7. 8. 9. 10. 11. 12. 13. 14. 15. 16. 17. 18. 19. 20. 21. 22. 23. 24. 25. 26. 27. 28. 29. 30. 31. Vakasaqara taumada na matanitu ni Kalou Vakararavi Vua na Kalou Digitaka na bula Vakadeitaka nomu kacivi kei na digitaki Kerea na Yalo Tabu Lomani ira me vaka Nona lomani iko Qaravi ira vinaka na tamata Qarava na Turaga Digitaka na sala ni dina Vulica ka vakadewataka vakadodonu Talairawarawa e kauta mai na kalougata Bulataka na guilecavi iko Masu tikoga Mo vakavinavinaka ka vakalagilagi Koya Vakayagataka vinaka na veikatuba e tadola Digitaka vakavuku nomu vosa Kua ni lomaocaoca Kua ni vakatulewa e na ka e na rairai i tuba Muria na lewa dodonu Kakua ni cudru Biuta nomu colacola Vua na Turaga Veivakayaloqaqataki vakaikemudou Bulataka na veiciqomi e vale Kana mo vakalagilagia na Kalou Tiko vakasoqonivata Kua ni vakaraitaka nomu veivakaduiduitaki Soli ka vakalevu Nai tavi taucoko ni tamata Bulataka na lotu dina Rai tikoga vei Jisu Tudei tiko e na vakabauta AI VOLA I JEMESA [Ulutaga Ni Veimacawa] Maciu 6:33 1 Timoci 4:10 Vakarua 30:19,20 2 Pita 1:10,11 Luke 11:10-13 Joni 15:12,13,17 Roma 12:9-11 Josua 24:15,21 Same 119:30,31 2 Timoci 2:15 Vakarua 11:26-28 Maciu 16: 24-26 1 Cesalonaika 5:16-18 Same 50:14,15,23 Efeso 5:15,16 Vbalebale 25: 11 Luke 12: 22,25,26 Joni 7:24 Vakarua 16: 18,19 Same 37;8,9 1 Pita 5:7 Iperiu 3:13 Roma 12:13 1 Koronica 10:31 Iperiu 10:25 Jemesa 2:1-4 Luke 6:38 Dauvunau 12:13,14 Jemesa 1:27 Iperiu 12:1-3 1 Koronica 16:13,14 99 Tiki Ni Siga Dromu Ni Siga Wiligusu Ni A.Y. Okotova 4 6.04 pm Marika 16:15 Okotova 11 6.06 pm Aisea 43:10 Okotova 18 6.08 pm Marika 5:19 Okotova 25 6.10 pm Isikeli 3:17 Noveba 1 7.13 pm Maciu 9: 37,38 Noveba 8 7.16 pm 1Koronica 3:9 Noveba 15 7.20 pm Same 126:6 Noveba 22 7.24 pm Maciu 4:19,20 Noveba 29 7.28 pm Taniela 12:3 Tiseba 6 7.32 pm 1Pita 3:15 Tiseba 13 7.36 pm Maciu 5:16 Tiseba 20 7.40 pm - Tiseba 27 7.44 pm - AI VOLA I JEMESA [Ulutaga Ni Veimacawa] 100
Documentos relacionados
Now - A Voice in the Wilderness
Adventist Theological Seminary, e na Andrews University. O Doukhan e turaga ni Varanise (sucu mai Algeria), ka tiko vua na koroi ni vuku na doctorate e na vosa vaka-Iperiu mai na University of Stra...
Leia maisText Only
76. Se tu ga e vuravura edaidai na Ekelesia oya? Io, se tu e vuravura edaidai na Ekelesia oya,na yacana na Lotu Katolika. 77. Eda kila vakacava? Eda kila ni tu vua na Lotu Katolika na ivakatakilaki...
Leia maisVuli ni Ekelesia
Nona cakacaka me dusimaka vei keda na sala i Lomalagi, dolava tale ga vei keda. 59. A dolavi Lomalagi vakacava o Jisu? A dolava e na nona vakatotogani kei na nona bale e na kauveilatai me sorovaki ...
Leia mais2 - Akamaihd.net
lokuci. Ena sega ni dua na ka e vakalatilati ni kaukaua duadua ga o koya. (Aisea 55:11) Sa voleka sara qo ni vakaotia na Kalou na veika ca e vakavuna na noda talaidredre vua, sa na qai vakayacori t...
Leia maisPresentación de PowerPoint
Kalou, e bilitaki koya o Setani ena matadra na agilosi ena mata ni Kalou ni sega ni yacova na yavu ni veiyalayalati, ka sega ni dodonu me nona na kena veivakalougatataki. Na Kalou e gadreva me vaka...
Leia maisna ivolatabu - Akamaihd.net
E vakarairai na nodra “yalododonu.” E kaya o Jisu vei ira na vakarogoci koya tiko: “Qarauna mo dou kua ni dau yalododonu e matadra na tamata mera raici kemudou kina . . . me vaka era cakava . . . n...
Leia maismaroroi kadavu kei na kena yaubula
E rauta ni 46 taucoko na veimataqali manumanu vuka ka rawa ni kunei e Kadavu ia e va (4) vei ira oqo e kunei duadua sara ga e Kadavu ka sega tale ni dua na vanua e vuravura. E sa laurai ni na rawa ...
Leia mais