Presentación de PowerPoint
Transcrição
Lesoni 3 ni Janueri 16, 2016 Na ivola ni Vakatekivu e talanoataka na vei talanoa eso ni veivakacalai kei ne kavoro ni veiwekani mai na gauna ni matai ni valavala ca. Ena gauna oya, na leqa sa tekivu roboti vuravura. Na ivalavala ca nei Keni . Na nodra bula ivalavala ca ni bera na Waluvu Na bula nei Eparama Na leqa nei Jekope Na vatavatairalago nei Josefa. A sa kaya vei Keni ko Jiova, Sa evei na tacimu ko Epeli? A sa kaya ko koya, Au sa sega ni kila: koi au beka nai vakatawa i taciqu?(Vakatekivu 4:9) Ni sa sucu o Keni, e sa nanuma o Ivi ni sa ikoya na Mesaia yalataki ka na vakabulai iratou. Ia e mani sega. Na isoro nei Keni e a sega ni ciqomi, ia e ciqomi na nei Epeli. E cudruvi Epeli o Keni ka sega ni vakasamataka na vuna e sega ni ciqomi kina na nona isoro. Na tama ni lasu e vakavuna me laba. E labati tacina o Keni ka lasu me vunitaka kina na nona ivalavala ca (“Au sega ni kila.”) O Keni e sauma na Kalou ena gaunisala ni bese, ka sega ni vakaraitaka na veivutuni. Na sucu nei Seci e kauta lesu mai na nuinui, baleta na Mesaia yalataki ena nona kawa. A sa raica ko Jiova ni sa ka levu nai valavala ca ni tamata e vuravura, io sa ca walega e na veisiga kecega nai naki kecega kei na nanuma ni lomana.(Vakatekivu 6:5) O ira na kawa nei Keni e totolo na nodra kuitaki ena ivalavala ca. O ira na kawa nei Seci era dina vua na Kalou ena dua na tiki ni gauna, ia na kawa tamata taucoko e a qai ivalavala ca ka saqata na Kalou. E mani nakita na Kalou me tarova na veisaqasaqa oqo, ka vukica lesu na Vuravura kina kena ituvaki taumada; “A sa sega ni vakacokotaki ko vuravura a sa lala tu.” (Vakatekivu 1:2). “Ia, o Noa sa kune loloma ena mata ni Kalou Oya e a itekitekivu vou, ia e tubu cake tale na leqa eso. E mateni o Noa ka veivakamaduataki na ivalavala nei Ame. Ia, e tu ga na inuinui ka ra vakavinavinakataki kina na kawa nei Semi. A sa ta cake ko Eparaama, ka rai voli, ka raica, sa tiko mai dakuna e dua na sipi tagane sa tacori e na kau na kenai leu; a sa la’ki taura mai na sipi tagane ko Eparaama, ka vakacabora mei soro kama mei sosomi kei luvena.(Vakatekivu 22:13) Na Kalou e yalataka vei Eparama e dua na gona; mai na nona kawa era vakalougatataki kina na kai vuravura taucoko (Vakatekivu 22;18). E vakadeitaka na Kalou na yalayala vei Aisake (Vakatekivu 26:4) kei Jekope (Vakatekivu 28:14). E veisemai vakacava na vakamatei ni luve ni yalayala kina leqa ni vuravura taucoko ena maliwa ni vinaka kei na ca? Baleta ni o Eparama e a vakaraitaka na lailai ni nona vakabauta na yalayala ni Kalou, e bilitaki koya o Setani ena matadra na agilosi ena mata ni Kalou ni sega ni yacova na yavu ni veiyalayalati, ka sega ni dodonu me nona na kena veivakalougatataki. Na Kalou e gadreva me vakadinadinataka na nona dina na Nona tamata ena matai lomalagi taucoko, me vakaaitaka ni sega ni dua na ka e lailai ma na talairawarawa taucoko e rawa ni ciqomi, ka dolava taucoko e matadra na ituvatuva ni veivakabulai.” E.G.W. (Patriarchs and Prophets, cp. 13, pg. 154) Ka, raica, ka’u na tiko vata kei iko, ka vakabulai iko e na nomu i lakolako kecega, au na vakalesui iko talega ki na vanua oqo; ni’u na sega ni biuti iko, ka me’u cakava mada vei iko na ka ka’u a vosa kina vei iko.(Vakatekivu 28:15) O Jekope e vakaukauwataki tuakana me volitaka vua na nona itutu. Sa qai lasutaki tamana me butakoca na veivakalougatataki nei Iso. Na inaki nei Iso e dei: ena vakamatei tacina. O Repeka e vakauti Jekope vakayawa mai vale me vakabulai koya. Na Kalou e sotavi koya ka vakalougatataki koya ena loma ni nona nuiqawaqawa. Dina ga ni levu na nona cala, na Kalou e sega ni raici koya me o Jekope-na dauveivakacalai-ia, me o Isireli ka na kukube matua vua na Kalou. au masuti kemuni, mo ni vakabulai au mada mai na liga i Iso na tuakaqu: ni’u sa rerevaki koya, de sa lako mai ko koya ka mokuti au, kei ira vata na gone kei na tinadra (Vakatekivu 32:11) O Jekope e digitaka me lesu ki vale ni oti na nona vakacalai mai vei vugona tagane ena 20 na yabaki. E a cemuri mai vei Lepani ka vagalalataki koya na Kalou (Vakatekivu 31:29). E qai vakarerei koya vakadua ni lakovi koya mai o tuakana kei na 400 na tagane vakaiyaragi. E masu ena bogi taucoko ka veibo vata kei na Kalou ka kukuvi Koya. E mani lokiloki kina ka malumalumu ni oti na veibo oya. Ni raici Jekope ni vaka oya tu o Iso, e nanuma ni sa sega ni qai rerevaki, ka mani digitaka me vosoti koya. Kevaka eda vinakata me da rawata na leqa oqo, me da kukuvi Koya matua na Kalou me vakataki Jekope. Ena rawati Setani ka na liutaki keda o Koya ki na Vanua Yalataki. ia oqo, mo dou kakua ni rarawa, se veicudruvi vakai kemudou, ni dou a volitaki au ki ke: ni sa talai au na Kalou me’u liutaki kemudou, me ia na veivakabulai:(Vakatekivu 45:5) E dua na kote dui roka, rua na tadra kei na dua na tama ka tala na luvena gone duadua me laki raici iratou na tuakana. Oya e dua na italanoa vakaloloma. O Josefa e rau veiyalayalati kei na Kalou; e digitaka me raqavi Koya veitalia ga na cava e yaco ena nona bula. Ka dredre na nona bula ena vuqa na yabaki. O Josefa e mai karua ni liuliu e Ijipita, ka rawa ni sauma lesu na ca e ratou cakava na tuakana. Ia, e sega ni vakaraica na nodratou leqa, ena nona veiliutaki ga na Kalou ena nona bula, nona matavuvale kei na tamata kece e Vuravura. Eda gadreva na vatavatairalago nei Josefa. Me da rai basikata na tamata kei na veika e volita na noda bula. Me da raica na Kalou ni liutaka na noda bula, ka vakayacora na nona inaki e vuravura, ena noda matavuvale, kei keda yadua. “E vaka oya na inaki ni Kalou ena nona kacivi ira na Nona tamata, mai vei Eparama ena buca mai Mesopotamia kivei keda ena gauna oqo, me na yacova na kena icavacava. E kaya, ‘Au na vakalougatataki iko, … ka oni na vuni veivakalougatataki.’ Vakatekivu 12:2. Na vosa nei Karisito ena vukudra na parofita ni kosipeli, ka vakarogoi lesu mai ena Vunau mai na Ulunivanua, e baleti keda na itaba oqo: Mo tu cake, mo rarama mai; ni sa yaco mai na nomu rarama, ia na serau i Jiova sa cadra mai vei iko. Aisea 60:1. Kevaka ena yalomu ena cere kina na lagilagi ni Kalou, kevaka o sa raica na Nona lagilagi o Koya e ‘iliuliu vua na tini na udolu’ kei Koya e ‘taucoko na kena irairai’, kevaka e cinava na yalomu na nomu tiko ena Nona lagilagi, sa rogo vei iko na vosa qo mai vua na Qasenivuli. “O sa duri oti li vata kei Karisito ena ulunivanua ni veivakamataliataki? Ena buca era tu kina na yalo e vesuki ira tu o Setani; era waraka tu na vosa ni vakabauta kei na masu me vakagalalataki ira.”” E.G.W. (Thoughts from the Mount of Blessing, cp. 2, pg. 43)
Documentos relacionados
Vuli ni Ekelesia
58. A cava na nona cakacaka? Nona cakacaka me dusimaka vei keda na sala i Lomalagi, dolava tale ga vei keda. 59. A dolavi Lomalagi vakacava o Jisu? A dolava e na nona vakatotogani kei na nona bale ...
Leia maisNow - A Voice in the Wilderness
Wilika Me Vulici E Na Macawa Oqo: VBale. 1–3, Vakatekivu 1:1, Lako Yani 19:16, 20:20, VBale. 11:30, 13:12, 15:4. Wiligusu: “Na rerevaki Jiova sa vu ni lomavuku: Ia ko ira na lialia era sa cata na v...
Leia mais2 - Akamaihd.net
Ni oti ga nodrau talaidredre na imatai ni veiwatini, e yalataka sara na Kalou ni na vakayacora tale nona inaki taumada me baleta na vuravura ena dua na gauna lokuci. Ena sega ni dua na ka e vakalat...
Leia maisText Only
76. Se tu ga e vuravura edaidai na Ekelesia oya? Io, se tu e vuravura edaidai na Ekelesia oya,na yacana na Lotu Katolika. 77. Eda kila vakacava? Eda kila ni tu vua na Lotu Katolika na ivakatakilaki...
Leia maisO Jemesa Kei Na Tukutuku Vinaka
veitikina oqo? Na cava e tukuna vei keda me i balebale ni bula e na vakabauta? E vakaraitaka vakacava vei keda ni vakabauta e sega walega ni da vaka io e na noda vakasama me baleta na vei dina e tu...
Leia maismaroroi kadavu kei na kena yaubula
E rauta ni 46 taucoko na veimataqali manumanu vuka ka rawa ni kunei e Kadavu ia e va (4) vei ira oqo e kunei duadua sara ga e Kadavu ka sega tale ni dua na vanua e vuravura. E sa laurai ni na rawa ...
Leia mais