Tokaut October 2015 - Catholic Diocese of Mendi
Transcrição
†OKAUT Tokaut Nius Leta Ol ivens i kamap long peris o autstesin, o yu gat sampela toktok o toksave, o yu gat sampela komens long dispela nius leta salim i kam long Fr. Isaiah Timba long Mendi o email:timbaisaiah014@g Tokaut bai mail.com kam aut long yupela bihain long olgeta tupela mun. Long Kumin eria mipela bai salim long 50 toea. Husait i gat “facebook” yupela mas opim “Tokaut Catholic Diocese of Mendi” na ritim na wokim komens na postim piksa tu. INSAIT Blesing Bilong Haus 2 Pata long Hulia Tupela Wik Kos 2 bilong Ol Westen Hela Dinari Katikis Sista long Daiosis i Bung 2 long Ritrit long Kumin, Sanguma Konferens i 3 Kamap long DPC, Ritrit bilong Ol 3 Papa long Kuare CATHOLIC DIOCESE OF MENDI BI-MONTHLY NEWS OKTOBA 2015, ISSUE NO. 16. BISOP i TOK... Bikpela Kibung i bin kamap long DPC Mendi long de 28 Oktoba 2015, bilong tokaut long pasin Sanguma i brukim lo bilong God, human raits lo na lo bilong PNG. Bisop Don i mekim dispela tok. Bilipim na wokim sanguma pasin i stap strong yet tude. Dispela i soim olsem bilip long Jisas Krais Em i Bikpela na i God na Sevia bilong yumi i no go insait stret long bel na tingting bilong ol pipol bilong SHP na HP. Tru tumas, bilip na wokim sanguma i no bihainim Gut Nius bilong Jisas Krais na tu prêt na kranki tingting i save kalabusim ol. Moa yet, kilim na mekim nogut long ol lain yumi ting olsem ol i wokim sanguma tu, i no bihainim Gut Nius bilong Jisas Krais. Dispela pasin i wok long kamap i no long pasin tambaran tasol, em i kamap bikos sapos yu mekim nogut long ol lain yu ting i wokim sanguma o yu sanap na lukluk i stap, i tambu long yu kisim Holi Komunio. Mi tok strong long yupela ol pris, relijis, katikis na ol Katolik long no ken pasim maus na stap. Helpim ol lain i kisim bagarap na tok pait wantaim ol lain i mekim nogut long ol. Ripot long polis na ol lo manmeri bai ol i ken stopim na putim ol rong man long kot na kalabus. Sapos yumi no helpim ol, yumi bai i gat kot wantaim God. Taim ol pikinini bilong God i karim hevi, ol wokmanmeri bilong God i mas helpim ol. Tru tumas, Sanguma em i bilip nogut bilong tumbuna taim na em i no fit long taim bilong yumi NAU. Stap wanbel wantaim Sios. Gutpela Greduesen Seremoni long Santu Josep Sekondari Santu Josep Sekondari Skul (TSS) long Tari i amamas long lukim 42nd Gret 10 na 15th Gret 12 Greduesen long Fraide 18th Septemba 2015. Dispela seremoni i kamap insait long haus. Skul Saplin Fr George Ripot i Kam Long Katolik 3 Edukesen Opis “pasin Sanguma i brukim lo bilong God, human raits lo na lo bilong PNG.” ol i jeles, bel hat na gridi. Husait manmeri i wok long kilim na bagarapim ol lain yumi ting i wokim Sanguma, i wokim bikpela sin na sol bilong ol i stap long bikpela trabel. Na tu, long dispela pasin ol i brukim lo bilong PNG na lo bilong God tu, na i soim klia olsem Seten i wok strong nau. Sori tru olsem sampela Pris na ol wok manmeri bilong Sios i sanap pasim maus na lukluk i stap. Ol i no mekim wanpela samting long dispela pasin nogut, bikos ol i prêt o ol i gat arapela as. Sampela wik i go pinis, wanpela viles klostu long Mendi taun i bagarapim na mekim nogut long sampela manmeri ol i ting i mekim sanguma. Dispela em i bikpela rong. Ol manmeri i no mekim toktok o i no mekim wanpela samting, ol tu i mekim bikpela rong. Mi tokim yupela ol Katolik manmeri olsem: Makaija i bin i go pas long Misa. Fr Pol Patlo na Diken Harry Mawoi i helpim em long Misa. Namba olsem 191 gret 10 na 414 gret 12 sumatin (Bisop Don, long taim i kisim luksave pepa na prais Bikpela Kibung i bin bilong gutpela skul wok. Ol papa kamap long DPC Mendi mama na prens bilong ol i amamas long de 28 Oktoba 2015) na paitim han bilong ol. Namel long ol em i Memba bilong Tari/Pori na Minista bilong moni, Hon. James Marabe. Arapela bikman meri i bin kam bung em: Hela Dairekta bilong Edukesen—Mrs Joan Puname, ACES Hela Mr Thomas Kopari, BOG Siaman Fr Nicholas Yambu, Mausmanmeri bilong Oil Search and Exxon Mobile Kampani, PPC Hela Mr Mark Yangken, na Mr Allan Kaiabe, Imbongu Distrik Administreta na papa graun bilong TSS graun. Katolik Edukesen Opis lain long Mendi, Mr Mark Mawoi na Mr Daniel Beli i bin go na amamas tru long lukim seremoni. 2015 em i hatpela yia bilong TSS tasol ol tisa na administresen lain i wok bung gut na daunim ol hevi. Mr Allan Kaiabe i amamas tru long tokaut na givim Kaiabe Awad (prais) i go long Sumatin i wokim gut tru long stadi. Em i luksave tu long wanbel na wok bung pasin bilong ol papagraun long lukautim skul. Hela Polis bosman i gat bikpela laik long wok klostu wantaim ol na skul edministresen, bai skul i no ken bungim hevi bihain taim. Mr Yemini husait i prinsipel i wok gut dispela yia, maski ol kainkain nem nogut em i kisim. BOG tu i wok hariap long rausim ol sumatin i bikhet long skul. Ol tisa, long laik bilong ol yet, i wok long givim moa klas long fri o holide taim bilong ol. Mr Yemini i askim ol Gret 10 na 12 sumatin long kam bek long tem tri holide na kisim moa skul save. Dispela i kamap bikos ol i bin lusim planti lessen long taim bilong hevi, na ol i ken redim ol yet gut tru long wokim exam long Oktoba 12-16th (Gret 10) na Oktoba 19-30th (Gret 12) long dispela yia (2015). Mipela i gat strongpela tingting olsem ol sumatin bai wokim gut tru na winim spes long kolis na univesiti. Mr Daniel Beli-CES, i raitim. †OKAUT CATHOLIC DIOCESE OF MENDI BI-MONTHLY NEWS OKTOBA 2016, ISSUE NO. 16. PG 2 Blesing Bilong Santu Rose bilong Lima Haus Pata long Hulia Peris Bikpela lain Katolik manmeri long Hulia na Hela i kam bung long Dabaraba long de 1 i go inap long de 3 Oktoba 2015 bilong blesim nupela haus pata. Haus em i narapela stail na i bihainim akitek bilong ol Indonesia. Ol kapenta long Indonesia yet i kam na wokim. Em i kostim moa long K200,000.00 na ol manmeri long Hulia yet i bungim kain mani olsem na sanapim dispela haus. Ol i bihainim tru selp-rilaiens polisi bilong daiosis. Long dispela 3-pela de, ol Hulia Katolik i singsing, kilim pik, na bilas bilong soim hatwok bilong ol. Long de 2 Oktoba Memba bilong Komo Margarima Francis Potabe i kam na givim toktok long ol. Long de 3 Oktoba Bisop Don i go pas long Misa na blesim Haus Pata. Peris pris Pata Pol Patlo i amamas tru na tenkim ol kain kain manmeri husait i helpim ol long kirapim dispela haus pata. Bilong soim amamas bilong ol tu, ol pata olsem Robert G, John W, Neil B, Celestine, Elijah E, Isaiah T, Diken Harry, Diken Allen na Diken Pita i stap wantaim ol Huila Pipol. God i ken blesim Pata Pol na ol Hulia Pipol. Tupela Wik Kos bilong Ol Westen Hela Dinari Katikis i bin kamap long DPC, Mendi. Ol Katikis husait i no bin kam skul long Mendi Katikis Trening Senta (KTS) ol i kam kisim kos long DPC. Ol i bilong ol peris na pastoral eria olsem Magarima, Hulia, Kupari, Paijaka-Habiako, HungiGambe, Koroba, Hedemari, Pureni, Irawi na Komo. Kopiako tasol em long we tru na ol i no kam. Ol 46-pela man na meri katikis i kisim kain skul olsem *Introdaksen long Nupela Testamen, PNG Sios Histori, Sios i wanem samting, prea, evanjelaisesen, homiletiks, helt na lukautim gut bodi, famili laip, strongim bilip, stretpela we bilong lida na minista, wok bilong katikis, na sakramen.* Planti bilong ol i tren long Erave na sampela ol i no bin tren. Olgeta i no bin kisim reneuol kos longpela taim tru. Olsem na ol i amamas tru long kisim dispela kos. Em ol Hela Katekis i stap long poto Ol Sista long Daiosis i Bung long Ritrit long Kumin, Mendi. Fr Manis bilong Pureni i givim dispela ritrit long de 21 i go inap long 25 Septemba 2015. Fr Manis i givim strongpela tok long stap strongpela relijis sista long dispela taim bilong yumi. Nau planti samting i wok long senis na planti i lukim olsem relijis laip i olsem stap long kalabus. Planti i wok long lusim relijis laip bikos ol i lukim long rong we. I gutpela yumi sanap strong long lo na pasin bilong wan wan kongrekesen na mekim wok bilong Bikpela. Planti ol sista grup olsem: FSM, FMI, AD, Swiss, MC, FCC na MSC i kam long dispela ritrit. Ol i amamas tru long holim bung ritrit olsem. Ol i laik mekim olsem long olgeta yia bikos dispela i strongim relijis vokesen bilong ol long harim na bihainim singaut bilong God olgeta de. Narapela Nius, Issue No. 17. bai kam long Desemba 2015 Long Taim Sevis Long wan wan peris na autstesin bilong yumi, i gat sampela man na meri i holim strong bilip Katolik long gutpela taim na taim nogut tu. Anna GambeKuli i bilong Irawi Peris long Hela Provins. Wantaim man bilong em, tupela i baptais long Hiwanda Autstesin long 1968. Tupela i karim 7-pela pikinini na olgeta i kisim baptais long Katolik Sios. Stat long yangpela taim yet Anna i save i go pas long wok Sios. Man bilong em i dai long 1986 na em i no marit gen. Na long dispela taim em i stat wok Komunio Minista i kam inap long 2005. Ples bilong Anna em i 10 kilomita longwe long Irawi Peris, tasol Anna i save wokabout 3 aua long olgeta Sande, Fraide na bikpela pestode. Maski ren o san, pait o tudak, sik o hevi long famili, Anna i save kam long Irawi olgeta taim. Anna i lapun na i lukim 6-pela generesen o lain tumbuna bilong em. Em i winim 90 Krimas. Tasol em i strong na i wokabout yet long kam Misa o lotu long Sande na bikpela pestode. Anna i strongpela bilip meri na i soim yumi gutpela eksampel bilong bihainim Krais olgeta taim long laip bilong yumi hia long graun. †OKAUT CATHOLIC DIOCESE OF MENDI Ripot i Kam Long Katolik Edukesen Opis Mr. Daniel Beli i Raitim. Ol Katolik het tisa bilong praimeri skul long SHP i holim miting bilong ol hia long Kumin long de 3 Septemba 2015. Em hia ol sampela toktok ol i paitim long en. *Stat nau olgeta skul i kisim pinis 30% TFF moni na 70% bai kam long tem tri. *Mr Ian Apeit long Karitas Opis i givim gutpela toktok long Sanguma na Lukautim Pikininini Act. Ol tisa mas klia long dispela tupela hevi. *Mr Mark Mawoi i givim ripot olsem: namel 20-pela skul, 12-pela skul i save givim RE skul, 3-pela skul i holim skul ritrit, 7-pela i mekim wok marimari. Namel long 250 Katolik tisa, moa long 100 i no blesim marit long Sios. Ol peris pris na katekis nid long helpim ol. *Petty Cash Moni, bilong abrusim hevi kisim dinau, ol het tisa bilong praimeri skul bai holim K1000 long wan wan tem na elementary TIC bai holim K500 long wan wan tem. *Skul Projek, peris pris na tisa wantaim tok orait bilong BOM mas redim projek pepa na givim long Konsalta bilong Bisop bilong kisim tok orait bilong ol. *Skul Infomesen, wan wan skul mas redim trupela infomesen bilong skul na givim kopi i go long CES. *Tisa appointmen, i wok long stat nau. Sampela ol nupela tisa tu bai kam kisim ples bilong ol skul nogat tisa long en. *Komunikesen na wokbung namel long het tisa, deputi het tisa, ol tisa, ol sumatin, ol komuniti, papamama, na peris pris mas kamap gut. Sapos dispela i no stap, planti samting bilong skul bai i bagarap. *Taim ol i oganisim woksop o ritrit o miting...toksave mas go hariap long ol. Bikos ol het tisa o tisa i nidim moa taim long redim ripot, moni na ol samting bilong bung. *Ol Skul ripot, moni ripot, RE ripot, tisa ripot, mas printim na potokopim gut na salim wanpela kopi i kam long CES. Ol skul nogat masin mas toktok wantaim het tisa bilong Kumin Praimeri bai ol i sasim yu liklik moni tasol. *Opis bilong stretim pe bilong ol tisa bai kamap long Mendi na dispela bai helpim gut tru ol hevi bilong tisa. Em tasol ripot bilong skul. BI-MONTHLY NEWS OKTOBA 2015, ISSUE NO. 16. PG 3 Ritrit bilong Ol Papa long Kuare Peris Mark Kolandi i raitim. Long de 17 i go inap long 18 Septemba, olgeta papa bilong 14pela autstesin i kam bung long wan na hap de ritrit long Kuare Peris. Insait long en i gat 44 papa i bin mekim dispela ritrit. Fr. Robert i bin stat na i bin wokim wanpela longpela haus man insait long peris we em i ken bung wantaim ol papa na diskas na pasim tok long mekim ol kainkain wok bilong peris. Ol i bin amamas tru bikos Fr. Robert i opim dispela haus man wantaimbikpela prea na mumu. Haus man em i bilong ol papa tasol. Na ol bai i bung bilong mekim prea na miting long mekim wok bilong peris. Ol papa i wok long lukluk insait long ol yet olsem: wanem wok bilong ol papa? Papa em i het bilong family olsem wanem? God i bin singautim ol papa long mekim wok lida insait long family, kominiti na Sios. Ol lain papa i amamas tru na tok bikpela tenkyu long Fr Robert long kirapim dispela papa grup insait long peris bilong ol. Na tu ol i tok tenkyu i go long Famili Laip Kodineta, Mark Kolandi i soim ol papa olsem God i singautim ol long mekim wok insait long Famili, Komuniti na long Peris olgeta. Ol lain mama na pikinini bilong peris i amamas tru long lukautim ol papa i kam bung long namba wan taim long peris. Poto hia Mark i toktok Sanguma Konferens i Kamap long DPC, Mendi Bagarapim na kilim ol manmeri long nem bilong sanguma, masalai, glasman o wis meri bai no inap helpim kantri i gro long gutpela we.. Bilipim na wokim sanguma i soim mak olsem ol manmeri i no kisim skul save gut yet. Dispela tok i kam long Embaseda Walta Not bilong USA Embasi. Em i kam long Mendi na mekim dispela toktok. Sampela ol biknem spika olsem: Fr Pilif Gibbs, Ms Miranda Fortsyth, na Pilif Maso i givim toktok long dispela Konferens. Fr Pilif i tok, pasin sanguma i wok long bagarapim laip na gutpela sindaun bilong ol pipol long ples. Planti meri i nogat asua long sanguma i wok long kisim nem nogut, o kisim bagarap o dai long han bilong ol man. Dispela pasin em i no gutpela pasin na em i no Kristen na em i brukim lo. Ms Miranda i tok, lo i klia olsem husait man o meri i wok long tok nogut, o bagarapim o kilim narapela em i ting i gat sanguma, dispela man o meri i brukim lo na bai i gat bikpela sas. Pilif Maso i serim laip ekspirens bilong en long Enga we ol i wok long bagarapim ol man o meri ol ting i gat sanguma. Long grup diskasen na panel toktok, planti i kamapim toktok olsem sanguma pasin i bikpela hevi long provins bilong yumi na yumi mas kamapim eksen plen komiti bilong daunim dispela hevi. Samting olsem 11-pela manmeri ol i makim bilong dispela komiti, na ol bai i sindaun gen long kamapim ol eksen plen. Dispela Konferens bilong Sanguma em i nambawan taim i kamap SHP na HP. Planti maus manmeri bilong kain grup olsem: polis, helt, edukesen, bisines grup, Oxfam, Melanesian Peace Foundation, na komiti lida long ples tu i bin kam. Ol arapela lotu olsem Luteran, United, Nasarin, ECPNG, Pentekostol na SDA i bin kam stap. Ol nius manmeri olsem: EMTV, Pos Koria, Nesenel na Katolik ripota i bin kam kisim ripot. Bihain long bung, Bisop Don i tenkim ol lain husait i go pas long kamapim dispela de i nais tru. †OKAUT CATHOLIC CATHOLIC DIOCESE DIOCESE OF OF MENDI MENDI YIA BILONG KONSEKRETET LAIP Kongregesen bilong ol Misinari bilong Holi Famili Kongregesen bilong ol Misinari bilong Holi Famili i kamap long yia 1895 long Yurop long kantri Holand long liklik ples ol i kolim Grave. Pater husat i bin kirapim dispela lain, em Pater John Berthier. Stori i go olsem: Long kantri Frans, long de 19 bilong Septemba long yia 1846, Mama Maria i bin soim em yet long tupela liklik pikinini: Maksimilian (11 krismas) na Melani (14 krismas). Tupela i bin lukautim ol sipsip antap long maunten ol i kolim La Salette. Bihain, long taim tupela i tok save long ol manmeri long ol samting i bin kamap antap long maunten, tupela i tok: Mitupela i bin lukim “naispela meri.” Em i bin werim longpela naispela klos na antap long nek em i bin putim wanpela kruse na bikpela lait i bin kamap long dispela kruse. Em i bin krai na aiwara i pundaun long ai bilong em, na em i bin askim mitupela long pre bai ol sin manmeri i ken tanim bel na kam klostu long Jisas pikinini bilong em. Stori bilong tupela i mekim, na planti manmeri i go antap long maunten La Salette long lukim dispela ples. i no long taim, ol i bin sanapim wanpela haus lotu long hap na bisop i putim sampela daiosisen pater long lukautim dispela haus lotu na helpim ol man meri husat i kam long hap bilong singautim helpim bilong Mama Maria. Maunten La Salette i kamap ples we planti manmeri i mekim gutpela konfesio na tanim bel. Pastaim ol daiosisen pater i bin lukautim dispela ples, tasol bihain, wantaim helpim bilong bisop, ol i bin kamap olsem relijis lain yumi kolim “Ol Misinari bilong Mama Maria i Krai bilong La Salette” (Long sotpela nem yumi kolim ol Saletain). Wanpela, husat i bin joinim ol Saletain Pater em John Betheir. Mama i karim John Berthier long yia 1840 long ples Chatonnay klostu tru long maunten La Salette. Long taim em i gat 6 krismas, bubu bilong em i bin stori long ol samting i bin kamap antap long maunten La Salette na hau Maksimilian na Melani i bin lukim Mama Maria. Dispela stori i bin makim laip bilong em. Long yia 1862, long taim John i gat 22 krismas tasol, em i bin kamap Pater bilong ol lain Saletain. Pata John i kamap gutpela tisa na gutpela pater bilong harim konfesio na helpim ol manmeri long tanim bel. Planti taim em i bin go long ol peris nabaut bilong givim ritrit o homili long pasin na krai bilong Mama Maria bilong La Salette. Em i bin raitim planti buk bilong strongim Kristen laip na pasin. Long taim em i visitim sampela peris, em i lukim sampela man husat i laik kamap pater tasol ol i no gat mani o ol i no pinisim gutpela skul o ol i winim pinis 25 o 30 krismas, olsem na ol seminari i no inap kisim ol long kamap pater bikos ol i tok: yupela i lapun pinis. Dispela sam- ting i bin kirapim tingting bilong Pater John long helpim ol dispela lain man long kamap pater. Em i bin askim pastaim ol bikbrata bilong lain bilong em yet OKTOBA 2015, ISSUE NO. 16. SOTPELA NIUS Go Holide: Sr Rani Maria, FCC i go holide long India na bai kam bek long neks yia Janueri. Fr Allen, peris pris bilong Pangia: visa bilong en I ekspaia pinis na I go bek long USA. Kam Bek: Fr. Sten, MSF., long Ialibu Peris i kam bek pinis na stap yet long Ialibu. Haus Sik: Bisop Don i blesim nupela wad bilong ol mama long Det Haus Sik long de 19 Septemba 2015. Williame: Bisop Don raun long Las Wiru na blesim sampela haus lotu long de 16 i go inap long 20 Oktoba 2015. Skul: Yebi Praimeri Skul i opim nupela haus bilong het tisa long 24 Oktoba. Minista bilong Wok, Fransis Awesa i opim. Swiss Sista Supria: Het sista, Sr Zita i kam lukim ol sista bilong em long Mendi. Em kam long de 13 Septemba na stap sampela de long Mendi na go bek long Swissalan. Kalan Sevis: ol i holim wanpela woksop bilong ol stat long 17 na pinis long 23 Oktoba hia long Mendi. Ol Toksave Novemba 3-5, 2015: Pris Senate Miting bai kamap long Mendi. Olgeta pris long Mendi Daiosis bai bung. Novemba 4, 2015: Opening bilong Jubili bilong Daiosis na Yia bilong Marimari long Kumin, Mendi. Wanwan peris o pastoral eria mas salim 5-pela manmeri tasol kam antap. Desemba 7-12, 2015: Ol Kapusin brata long PNG bai holim Esembili bilong ol long DPC, Mendi. Janueri 15, 2016: Diken Harry Mawoi bai kisim ordo bilong pris long Kumin. Yumi mas pre long em. Janueri 21-24, 2016: Daiosisen Pastoral Kaunsil Miting bai kamap long DPC, Mendi. Janueri 26-31, 2016: Ol 2015 KTS Katekis bai ritrit na holim greduesen bilong ol long Mendi. VOCATION PROMOTION Long Kisim Moa Toktok SAPOS GOD i SINGAUTIM YU LONG KAMAP PRIS… ol Saletain, long helpim ol dispela man long kamap pater, tasol ol i tokim em olsem ol i no inap. Pata John i no laik lusim dispela tingting olsem na long yia 1894 em i bin raitim pas long Pop Leo 13 na em i bin askim Pop sapos em i ken kirapim wanpela nupela kongregesin bilong helpim ol man husat i no gat planti mani, o ol i no pinisim bikpela skul o husat i winim 25 – 30 krismas pinis na ol i laik kamap pater. Pop Leo i amamas long tingting na laik bilong Pater John na em i tok orait. Bihain ol lain Saletain i tokim pater John bai ol i helpim em tu. Olsem na long yia 1895 nupela kongregesin i bin kamap na Pater John i bin givim nem Misinari bilong Holi Famili long ol bai ol i ken autim gutnius long ol narapela manmeri. Long yia 1895 long ples Grave long kantri Holand, Pater John i bin baim wanpela bikpela haus ol soldia i bin yusim bipo. Dispela em i namba wan haus bilong nupela lain Holi Famili. Ten krismas bihain long yia 1905 tripela namba wan pris bilong Holi Famili i bin kisim ordinesen. Dispela de em i de bilong bikpela amamas bilong pater John Berthier. Bihain ol nupela haus bilong lain Holi Famili i bin kamap long ol narapela kantri bilong Yurop. Pater John Berthier i dai long de 19 Oktoba 1908 na ol i planim em antap long maunten La Salette we matmat bilong em i stap inap long tude. Tude kongregesin bilong Misinari bilong Holi Famili i wok long planti kantri bilong graun. Namba bilong ol memba (olpris na brata) em i samting olsem 800. Namba wan wok bilong ol em i wok misin. Ol tu i wok long lukautim sampela peris long kantribilong ol yet. Bikos ol i gat nem “Holi Famili” olsem na ol i gat wok tu long kainkain ministri bilong strongim famili laip. Namba wan grup bilong Misinari bilong Holi Famili (5 pater bilong Poland) i kam long Papua Niugini long yia 1989 na ol i kisim wok long Daiosis bilong Goroka. Bihain sampela Holi Famili pater bilong kantri Indonesia i kam long Asdaiosis bilong Madang. Long yia 1996 ol i kisim wok long QUARTERLY NEWS BI-MONTHLY NEWS Rait i Go Long: Fr. Nelson Matthew Vocation Director P. O. Box 69, MENDI SHP Papua New Guinea Ph.72061749/ 73741073. Fax. 549 1169 E-mail: [email protected] Long Hela Provins, Rait i Go Long: Fr. George Makaja St. Francis Catholic Church Yu kam … P. O. Box 14 na Kamap TARI Hela Province. daiosis bilong yumi long Mendi. Tude yumi gat 5-pela pater i stap long Mendi Pris Daiosis: Pater Sten long Ialibu, Pater Damian long Muli, Pater Chris long Ph: 72591272 Komakul, Pater Robert long Kuare, Pater Sam long Erave.
Documentos relacionados
Tokaut June 2015 - Catholic Diocese of Mendi
olsem mama na susa bilong yumi na i litimapim nem bilong God. Long dispela pas Pop Fransis i tok aut olsem graun em i ples tru bilong yumi olgeta manmeri. Ol samting olsem diwai, wara, ston, graun,...
Leia mais2007 Spesel Pastoral Pas long famili 101 Askim na bekim
Tok i go pas Dia ol bratasusa, Long Novemba 2007 Daiosis bai i pinisim “Faivpela Yia Daiosisen Pastoral Plen long Famili”. Daiosis i bin statim dispela 5-yia plen long yia 2003. Insait long dispel...
Leia maisPresentación de PowerPoint
ni luve ni yalayala kina leqa ni vuravura taucoko ena maliwa ni vinaka kei na ca? Baleta ni o Eparama e a vakaraitaka na lailai ni nona vakabauta na yalayala ni Kalou, e bilitaki koya o Setani ena ...
Leia maisNiuguini Luteran April 2015
VANSELIKOL LUTERAN SIOS bilong Papua Niugini i gat hanwok olsem Sosel Sevis Dipatmen. Aninit long dispela divisen bilong wok, sios i gat Edukesen Sevis, Helt Sevis na Developmen Sevis. Long nau sio...
Leia mais