Kunprindu Vizon di Prefeitu pa Famílias di Boston

Cape Verdean/OO
Kunprindu Vizon di Prefeitu pa Famílias di Boston
INSKRISON NA BOSTON - MATRÍKULA UNIFIKADU
Prefeitu Martin J. Walsh Boston stá ta dezafia idukadores y famílias pa trabadja en konjuntu pa midjora prusesu di
matríkula na Boston pa tudu famílias y kria un sistema unifikadu, sistema di matríkula sinples, ekitativu pa tudu skolas
públikas.
Ku matríkulas unifikadu, famílias di Boston ta ba ten asesu mas fásil pa skolas di alta kualidadi pertu di kasa. É ku un
aplikason, un prazu y un sistema unifikadu.
Porkê kria un sistema di matríkula unifikadu?
Famílias ki sta atrás di txeu opsons di skola públika, atualmenti ten ki partisipa na un prosesu di txeu etapas ki ta envolvi
nãu só Sistema di Kulokason Baziadu na Kasa di BPS, ma tanbén txeu aplikason di skolas charter ku prazus y prosesus
difrenti. Kel li é desnesesariamenti demoradu pa famílias. Un sistema di matríkula unifikada ta:
■ Kria un sistema mas ekitativu di matríkula na Boston pa famílias, asegurandu ki ten un variedadi konpletu di opsons pa
nhos kriansa na skola públika.
■ Oferesi famílias un prusesu klaru y sinples di matríkula skular ku un sistema di un-aplikason, un-prazu, ki ta sta
prontamenti dispunível na papel y online, y fornesi mas informason sobri variedidadi di skolas públikas, distrital y
charter di alta kualidadi, dispunível pa nhos kriansas.
■ Permiti mas famílias pa envolvi na komunidadi di skola k’es skodji, através di kriason di salas di aula y vizinhansas mas
stavél.
■ Reforsa kapasidade di tudu skolas - distritu y charter - pa apoia alunus ku nivel di nesesidadi mas altu.
Modi ki podi funsiona?
Un sistema unifikadu ta sinplesmenti inklui skolas charter na inskrison di sistema di kulokason baziadu na kaza pa oferesi
un aplikason y un prazu pa tudu skolas públiku.
■ Famílias ta resebi un lista di skolas charter lukal y di ses skolas di distritu.
■ Famílias ta selesiona y klasifika ses skolas distrital y charter di akordu a ses preferênsia na un úniku aplikason y
somenti un prazu pa inskrevi.
■ Famílias ta resebi un kulokason na skola, ku atenson estra tomadu pa garanti ki alunus ku defisiênsia y alunus ki sta ta
prendi língua Inglés stá prontu pa prospera na sala di aula inkluzivu.
Involvendu Famílias di Boston pa Faze-l di Forma Kuretu
Na se dezafiu pa nós, Prefeitu Walsh dexa ben klaru ki el kre pa komunidade molda es prosesu. Nu ta plania involvi
famílias y menbrus di komunidadi na es diskuson. *
Lideransa di skolas públikus, tantu di distritu y charter, ta konkorda na un anplu konjuntu di prinsípius fundamental ki ta
gía kriason di un sistema unifikadu di inskrison, ma nhos kontributu é esensial pa ki podi trabadja.
Involvimentu di famílias, idukadores y parserus di komunidadi ta ser fundamental pa garanti susesu di un aplikason, un
prazu y un sistema di matríkula unifikadu y sinplifikadu pa tudu famílias. Nu ten intenson di konvoka un série di reúnion
ku komunidadi, konvidandu pa opinion y diskuson tantu online asin komu pesualmenti antis di un pruposta detalhadu é
konsideradu pa Kumitê Skular y konselhu di skolas charter.
* Pur favor, konsulta pájina di trás pa datas di reunion di komunidade pertu di nhos.
Cape Verdean/OO
Pa sabi mas, vizita-nu online na www.BostonCompact.org.
Pur favor djuda-nu molda es sistema di inskrison melhoradu pa satisfazi midjor nesesidadis di famílias y di skolas di
Boston, asistindu un diskuson públiku na nhos vizinhansa, na nhos skola, ô online.
Reúnion Komunitariu di Sidadi Interu di Boston Compact
Data
8 di Outubru
Lukal
Enderesu
Kroc Center
Enderesu: 650 Dudley St, Boston, MA 02125
Biblioteka Públiku di
East Boston
Enderesu: 365 Bremen Street, East Boston, MA 02128
Biblioteka Públiku di
Mattapan
Enderesu: 1350 Blue Hill Avenue, Mattapan, MA 02126
Condon Community
Center
Enderesu: 200 D Street, South Boston, MA 02127
Sentru Komunitariu di
Grove Hall
Enderesu: 51 Geneva Ave, Boston, MA 02121
1st Church of Jamaica
Plain
Enderesu: Eskina di Elliot y South Street, Jamaica Plain
Boys and Girls Club di
West End
Enderesu: 105 Allston St, Allston, MA 02134
5:30 – 8:00 pm
20 di Outubru
5:30 – 8:00 pm
21 di Outubru
5:30-8:00p
27 di Outubru
6:30-9:00p
5 di Nuvenbru
5:30 – 8:00 pm
12 di Nuvenbru
6:30 – 9:00 pm
17 di Nuvenbru
5:30 – 8:00 pm
Logu após kes seis reúnion, nu ta konpartilha kuzê ki nu obi y
kuzê ki nu fazi ku kuzas ki nu fladu. Data y Ora ta ser anunsiadu.