Nom du document - Banque Centrale de Madagascar
Transcrição
Nom du document - Banque Centrale de Madagascar
FITSIPIKA 1- Ny Mpikarakara sy ny lohahevitry ny fifaninanana Ny Banky Foiben’i Madagasikara dia mikarakara fifaninanana sary famantarana. Ny sary famantarana dia tokony hahitana ny asa sy andraikitry ny Banky Foibe ary hahitana fa izy no mpanatonta ny vola ampiasaina eto Madagasikara no sady mamolavola sy mampihatra ny politikan’ny vola. Ny sary famantarana voafantina dia lasa fananan’ny Banky Foiben’i Madagasikara ary azon’ny Banky ampiasaina amin’ny zavatra rehetra izay hitany ilana izany. 2- Ny mpifaninana Ny fifaninana sary famantarana ny Banky Foiben’i Madagasikara dia misokatra ho an’ny be sy ny maro. 3- Ny fandefasana ny sary famantarana - Sary famantarana iray isaky ny mpifaninana iray ; - Atao anaty taratasy A4 mirefy 21 sm x 29,7 sm ; - Ny sary famantarana atolotry ny mpifaninana miaraka amin’ny fanazavana fohy dia tokony atao anaty valopy A4 mirefy 22 sm x 32 sm tsy miforitra, miaraka amin’ny soratra hoe “Fifaninanana Sary Famantarana - Banky Foiben’i Madagasikara 2008 – Tena izy” ; - Ny dika mitovy amin’ny sary famantarana sy ny momba momba ny mpamorona ny sary (anarana, fanampin’anarana, adiresy mazava, telefaonina, sonia) dia atao anaty valopy kely mihidy mirefy 11,5 sm x 16 sm misy ny soratra hoe “Fifaninanana Sary Famantarana Banky Foiben’i Madagasikara 2008 – Dika mitovy” ; - Ireo valopy roa ireo dia atao anaty valopy lehibe iray mihidy misy ny soratra hoe : “Fifaninanana Sary Famantarana BFM 2008”, ary alefa any amin’ny “Sampandraharaha eo anivon'ny Fitondrana Foibe” - Banky Foiben’i Madagasikara, BP 550, 101 Antananarivo, Madagasikara ; na aterina mivantana eny amin’ireo masoivohon’ ny Banky Foiben’i Madagasikara eran’ny Madagasikara (Antsiranana, Nosy-Be, Mahajanga, Sambava, Toamasina, Morondava, Fianarantsoa, Manakara, Toliara et Taolagnaro). 4- Fizotran’ny fifaninanana Ny fifaninanana dia manomboka ny Alarobia 01 Oktobra 2008. Ny sary famantarana dia tsy maintsy tonga alohan’ny Zoma 31 Oktobra 2008 amin’ny 12ora alina (Ny fitomboky ny paositra no manamarina izany). Ny filazana ny valin’ny fifaninana dia hatao ny Zoma 28 Novambra 2008, ary ho hita ihany koa ao amin’ny tranokalam-pifandrainan’ny Banky Foibe. 5- Ny fepetran’ny fifaninanana Ny fepetra handraisana sy hisafidianana ny sangan’asa dia : - ny fanarahana ny lohahevitra, fanehoana ny Banky Foiben’i Madagasikara amin’ny alalan’ny famantarana sy amin’ny fomba miavaka, - ny hatsaran’ny sary famantarana (loko, ny haben’ny soratra) sy ny fisehoany amin’ny haino aman-jery, - ny lafy tsara hampitaina sy ho hita amin’ny sary famantarana. 1 Ny Banky Foiben’i Madagasikara dia afaka tsy mifidy amin’ireo sary famantarana natolotrin’ny mpifaninana, ary afaka mitady hevitra hafa hamoronana ny “sary famantarana”. 6- Fitsipika mifehy Ny mpandray anjara rehetra dia tompon’andraikitra tanteraka amin’ny sary famantarana hifaninana ary miantoka fa tena sangan’asany tokoa izany. Tsy tompon’antoka ny Banky foibe ny amin’izay mety ho fitarainana na fitoriana any aoriana. Ny fandraisana anjara amin’ny fifaninana dia midika fahalalana tanteraka ny fitsipika rehetra, ary mitaky fanajana sy fanekena ny fepetra rehetra voalaza ao anatiny. Ireo mpifaninana voafantina dia hangatahina sary famantarana anaty kapila manjelatra, atao JPEG na PDF. Ireo sary famantarana rehetra alefan’ny mpandray anjara aty amin’ny Banky Foibe dia lasa fananan’ny banky, ary tsy averina amin’ny tompony intsony aorian’ny fifantenana. Ny Banky Foibe dia afaka mampiasa malalaka azy ireo. Ny fampiasana izany amin’ny lafiny arabarotra kosa dia hanaovana fifanarahana manokana eo amin’ny Banky Foibe sy ny tompon’ny sangan’asa. Ireo mpandray anjara rehetra mandefa sary famantarana hifaninana dia manome antoka fa izy no tompon’ny sangan’asa. Ny sary famantarana dia tsy mahazo mitondra loko politika, na antokom-pivavahana, ary tsy manakihana ny zon’ny mpamorona. Ny Banky Foibe dia tsy tompon’andraikitra amin’ny fahaverezan’ny sangan’asa, na ny fahataran’ny fahatongavan’izany aty amin’ny banky na izay mety ho fahasimbana. Ny Banky Foibe dia tsy mamerina ny vola lany tamin’ny fanamboarana sy fandefasana ny sary famantarana. 7- Ny Mpitsara Ny mpitsara izay tarihin’Andriamatoa Tale Jeneraly ny Banky Foiben’ny Madagasikara dia hahitana solontena avy amin’ny Direction des Affaires Juridiques, Direction des Ressources Humaines, Direction de l’Administration Générale ary ny Cellule de Communication (mety afaka hotronin’ireo olona manam-pahaizana manokana momba ny sary famantarana). Ny fanampahankevitry ny mpitsara dia tsy azo kihanina rehefa avy nahazo ny fankatoavan’ny tompon’andraikitra mahefa ato amin’ny Banky Foibe. Ny mpanaramaso manokana ny lalao fifaninanana dia manatrika manomboka amin’ny fanokafana ireo valopy voarain’ny Banky Foiben’i Madagasikara ka hatramin’ny fivoahan’ny valin’ny fifaninanana amin’ny fomba ofisialy. 8- Loka hozaraina Ny sary famantarana telo voalohany dia mahazo loka mitsinjara toy izao : - loka voalohany : Ariary Iray tapitrisa, - loka faharoa : Ariary Dimy hetsy, - loka fahatelo : Ariary Dimy alina sy roa hetsy. 2
Documentos relacionados
RABESAHALA Marie Gisèle Aimée
Extrait du Madagascar-Tribune.com
http://madagascar-tribune.com/RABESAHALA-Marie-Gisele-Aimee,16085.html
famintinana ireo vaovao nisongadina nandritra ny
mikasika ny Fanavaozana ny Sehatry ny Filaminana, izay natao tao amin’ny CCI Ivato Antananarivo
ny 14 hatramin’ny 17 oktobra farany teo, natrehin’ny Filoham-pirenena. “Tsy misy ny
fampandrosoana ra...
How to make a boomerang
6. Apetraho amin’ny toerana fisaka ilay boomerang ary raha toa ka
miforitra dia ahitsio.
7. Makà fitsipika dia apetraho eo amin’ny tsipika tapatapaka. Soraty tsara
matevina in-droa na in-telo amin’...
famintinana ireo vaovao nisongadina nandritra ny
ifanaovana amin’ny Fanjakana ao Antsiranana. Ny filohan’io fitsarana io dia nilaza mazava fa