komunikadu rezultadu monitorizasaun cpd-rdtl

komunikadu rezultadu monitorizasaun cpd-rdtl

REPUBLIKADEMOCRATICA DE TIMOR LESTE
PROVEDORIA DOS DIREITUS HUMANUS E JUSTIÇA
Estrada de Caicoli Dili, Timor Leste
Dili, 25 Agostu 2014
Komunikadu Imprensa
PDHJ Hato’o Relatóriu Monitorizasaun ba Rezolusaun Parlamentar no
Governu
Provedoria dos Direitos Humanos e Justiça (PDHJ) entrega ona relatoriu kona-ba
rezultadu monitorizasaun ba Rezolusaun Parlamentu Nú. 4/2014, Rezolusaun
Governu Nú.8/2014 no Rezolusaun Governu Nú.13/2014 ne’ebe fo knaar ba
Komando Operasaun Konjunta (PNTL no F-FDTL) ba grupu CPD -RDTL no grupu
Konsellu Revolusaun Maubere ne’ebé hala’o iha fulan Marsu to’o fulan Juñu 2014.
Dr. Sebastião Dias Ximenes, Provedor hateten bainhira governu deside hodi halo
operasaun ba grupu CPD -RDTL no grupu Konsellu Revolusaun Maubere ne’ebé
hala’o iha fulan Marsu to’o fulan Juñu 2014 tanba grupu ne’e uza atributu militar no
hala’o atividade iha komunidade nia leet hodi hamosu disturbius no inseguransa ba
komunidade sira. Ho razaun ida ne’e Estadu Timor-Leste hamosu Komandu
Opaerasaun Konjunta hodi hapara grupu sira ne’e nia atividade no movimentu hodi
nune’e komunidade bele sente hakmatek hala’o sira nia atividade lor-loron.
Equipa monitorizasaun PDHJ, nian halao monitorizasaun durante operasaun
konjunta, entre membru F-FDTL-PNTL hodi monitoriza operasaun ne’e la’o duni
tuir Lei ka lae, karik iha violasaun ba regras no hamosu violasaun ba ema nia direito.
Provedor mos hatutan katak, durante operasaun ne’e membros PNTL sira halo
persiguisaun no buska no passa revista iha komunidade sira hela fatin no uma laran,
karik la tuir regras Kódigu Penál no Kódigu Prosesu Penál; tanba atu tama no halo
buska ba komunidade nia uma tenki haktuir Konstituisaun Republika Demokratika
Timr-Leste (KRDTL) no mos Kodigu Prosesu Penal. Hahalok sira hanesan ne’e bele
hamosu tratamentu a’at (TAKLU) iha tempu buska. Polísia mos tenki respeita
limitasaun tempu bainhira sira tau ema iha detensaun. Detidu nebe Polísia kaptura
iha operasaun ne’e hetan asesu ba advogadu no hetan assistensia legal ka lae.
Tanba ne maka equipa monitorizasaun nia servisu hodi haré ba hahalok membros
PNTL-F-FDTL lao duni tuir regras sira ne ka lae, tanba Timor-Leste ne Estado de
Direito, no knar PDHJ nian atu promove no proteje direito cidadaun sira nian hasoru
aktuasaun no violasaun nebe kontra direitos humanos husi autoridades públikus.
Durante operasaun forsas conjuntas ne,e, PDHJ mos simu queixas husi cidadaun
sira nebe sai vitima ba aktuasaun ne’ebé viola sira nia direitos humanos husi
membros PNTL balun.
Provedor hateten katak Relatório final rezultadu monitorizasaun PDHJ nian ne’e
entrega ba Sr. Presidente Parlamento Nacional no órgauns competentes balun, iha
relatório final ne,e inklui faktus ne’ebe hetan, análise legal no rekomendasaun ba
órgauns competentes, oinsa bele hadiak buat ruma nebe naksalak ou lao lalos husi
aktuasaun membros forsa konjunta nian durante operasaun ne’e.
Presiza Informasaun Kontaktu
Lady Ximenes, 77304260 ou Jose Tefa 333 10701
Deparmentu Relasaun Públika PDHJ