Autorizason di Pais/Enkaregadu di Idukason

Boston Summer Learning Community
Piskiza: Autorizason di Pais/Enkaregadu di Idukason
Kiridu Pai/Mai o Enkaregadu di Idukason:
Alguns mininu ki sta na prugrama di veron sa ta pididu pa es partisipa nun piskiza. Nu kre sabe
módi ki prugramas di veron pode ser imusionanti (divirtidu) y interesanti pa mininus. Ki sta faze
kel piskiza li ê Northern Illinois University y American Institutes for Research (AIR), djuntu ku
Boston After School and Beyond.
Kuze ki Nu Sta Pidi Bu Fidju pa Faze?
 Kel piskiza ta fazedu so na oráriu di prugrama. Ka meste faze nada la na kaza pa
kontribui pa kel piskiza.
 Bu fidju ta pididu pa el risponde alguns purgunta la na prugrama. Kes purgunta ê sobri
kuzas ki es gosta, ses ideia sobri aprendizaji, y kuzas ki es ta faze y ki es ta kre faze. Kes
purgunta la ta leba serka di 20 minutu pa risponde.
 Bu fidju ta pididu pa el risponde purguntas rápidu dos dia na kada simana. Es ta risponde
purguntas na un telefoni móvel (selular) ki nu ta dá-s duranti oráriu di prugrama. Es ka ta
konsigi uza kel telefoni móvel (selular) la pa txoma ningen. El ta toka kuatu bes duranti
un dia y el ta faze un purgunta sima: “Módi ki bu sta gosta di kel kuza ki bu sta faze gósi
li?” Risponde kes purgunta la ka ta prijudika otus atividadi.
 Bu ta pididu pa bu prenxe un pájina di purguntas di piskiza. Kes purgunta ta ben djuntu
ku kel furmuláriu li.
Nu sta tenta odja kuze ki prufesoris ta faze pa prugrama di veron fika sábi pa mininus. Pur isu,
nu ta bai obizerva pa nu odja kuze ki prufesoris sa ta faze. Nu ta filma prufesoris na kes dia ki
mininus ta uza kes telefoni móvel (selular). Nu ka ta filma mininus. As ves mininus pode pasa
frenti di kámara di filma. Nu ka ta mostra ningen ki ka sta na ekipa di piskiza kel vídiu. (Nu ka ta
mostra es vidiu pa ningen ki ka sta na ekipa di piskiza). Nu ka ta filma ninhun konversa ku
mininus. Nu ka ta skrebe nomi di ninhun mininu ki pasa frenti di kámara di filma pur akazu.
Binifísius y Riskus di Partisipa na Kel Piskiza li. Na kel piskiza, bu fidju ta ten oportunidadi di
pensa sobri se aprendizaji. Normalmenti mininus ta gosta txeu di risponde nos purguntas. Ora ki
el partisipa na kel piskiza li, bu fidju ta djudá-nu odja módi ki nu pode midjora prugramas di
veron na Bóston. Kel piskiza li pode djuda pa midjora prugramas di veron na Merka interu.
Partisipason na kel piskiza li ka ten ninhun risku ki ka ta kontisi na dia-dia.
Bu Privasidadi. Nomi di bu fidju ka ta parse na kel piskiza li. Ningen di prugrama, di skola di
bu fidju, o di públiku ka ta sabe kuze ki bu fidju flá-nu.
Partisipason na kel piskiza li ê vuluntáriu. Bu disizon pa dexa bu fidju partisipa o nau na kel
piskiza li ka ta prijudika nen bo nen bu fidju. Ka ten ninhun prublema si bu ka kre pa bu fidju
partisipa na kel piskiza li. Si bu konkorda pa bu fidju partisipa na kel piskiza li, nu ta purgunta bu
Direitus di Autor © 2015 American Institutes for Research.
Tudu direitus rizervadu.
Autorizason di Pais —1
1719_03/15
fidju tanbe si el kre partisipa na piskiza. Bu fidju pode sai di piskiza ora ki el kre sen prublema, y
el ta kontinua na prugrama sime.
Si bu tene algun purgunta sobri kel piskiza, bu pode fala ku prugrama o kes piskizador li
pisualmenti o pa e-mail: Lee Shumow, 815-753-8445 o [email protected]; Jennifer A. Schmidt,
815-753-8425 o [email protected]; o Deborah Moroney, 312-288-7609 o [email protected].
Si bu tene algun dúvida o purgunta sobri bus direitu di partisipanti na kel piskiza, kontákita
Konselhu di Rivizon Institusional (Institutional Review Board) di AIR (ki ten risponsabilidadi di
pruteje partisipantis di prujetu) na [email protected], di grasa pa númeru 800-634-0797, o Attn.: IRB,
American Institutes for Research, 1000 Thomas Jefferson Street NW, Washington, DC 20007.
Pur favor indika si bu ta konkorda:
 Sin, N ta konkorda dexa nha fidju partisipa na kel piskiza li. N dadu un kópia di kel
furmuláriu di autorizason li.
Nomi di Mininu (Pur favor skrebe klaru y ku letra grandi)
______________________________________________________________________________
Pais/Enkaregadu di Idukason, pur favor SKREBE bu nomi KU LETRA GRANDI li sin.
______________________________________________________________________________
Sinatura di Pais/Enkaregadu di Idukason __________________________________ Data______
American Institutes for Research
Autorizason di Pais—2