O LE FAAMASINOGA MAUALUGA A LE LAGI

Lesona 26
O LE FAAMASINOGA MAUALUGA A LE
LAGI
O le Itula o le Faamasinoga o le Tagata
“Aua tou te faamasino atu, ina ne’i faamasinoina outou. Auā o le
faamasinoga tou te faamasinoina atu ai, e faamasinoina ai outou; o le fua
foi tou te fuaina atu ai, e toe fuaina mai ai ia te outou.” – Mataio 7:1, 2.
O le Fa’amasinoga, o se taimi lea o le talatalaina atu e le tagata o mea na ia faia
i lona olaga. O mea lelei uma lava na faia, e lē puipuia ai pe ta’uamiotonuina ai
se loto leaga poo le lē gaua’i foi i tulafono o le laueleele.
Na faapeī o tatou manatu e faatatau i gaioiga sa’o? Na faapeī o tatou uiga na
faia e le tasi i le tasi? O fa’apefea ona tatou fesoota’i atu i tulafono faalenatura
o le ola maloloina ma le fesoota’iga loto gatasi o le tasi ma le tasi? Ua i ai ea se
nofoaga o le tulafono amiotonu o Poloaiga e Sefulu a le Atua i totonu o o tatou
loto? Ae e sili atu ai ona taua, o fea o i ai le Atua i o tatou olaga?
Ua fafauina e tapuaiga faaKerisiano ni manatu e faatatau i le tulaga o le tagata
pe a mavae lona oti (e faapei ona su’esu’eina i le Lesona e 18), peitai e ui lava i
manatu eseese, ua fetalai mai le Atua, a mavae le tuugamau, e tatau ona fetaia’i
tagata uma ma le faamasinoga a le lagi.
“…ua tofia foi mo tagata ia tasi lo latou oti, ae mulimuli ane o le
faamasinoga:” – Eperu 9:27.
O tagata uma lava, lelei pe leaga foi, e tatau ona tulai i luma o le faamasinoga
faalelagi ina ia latou maua le taui o a latou amio. O tagata feoti ma tagata feola,
o le a faamasinoina e ala i o latou faamaumauga o loo tusia i tusi a le lagi.
E leai se mea sese e tasi i le faamasinoga faalelagi. O tagata e faamaonia lo
latou agasala, o le a lē faasa’olotoina i latou, o le a lē faasalaina foi tagata
amiotonu. O le faamasinoga, o le a faia i le amiotonu ma le faamaoni. O le fua
lea a le lagi e fuaina ai amio.
“Ia e faafofoga mai i le lagi, ma ia e faia le faamasinoga i au auauna, e
faasala i lē ua amioleaga, ia tauia lana amio ia te ia lava; e ta’u amiotonuina
foi lē ua amiotonu, ia foa’iina atu ia te ia e tusa ma lana amiotonu.” – 1
Tupu 8:32.
1
O LE FAAMASINOGA SILI ONA MAUALUGA O LE
TULAFONO
O le faamasinoga sili a le lagi, e i ai lana faatulagaga faaletulafono e faia i le
amiotonu. E lē mafai ona faia ni faamatalaga sese e faatatau i se tagata poo le
taufaasese foi.
“A’o Ieova, e tietie lava ia e faavavau; ua saunia e ia lona nofoalii e
faamasino ai. O ia lava na te faamasinoina le atu laulau ma le tonu; na te
faatonuina ma le sa’o finauga a nuu.” – Salamo 9:7, 8.
“Na ou vaavaai ina seia tuu mai o nofoalii, ua tietie mai foi Lē ua mai
anamuā ona aso, ua sinasina lona ofu e pei o le kiona, ma ona lauao e pei o
le fulufulu mamoe e lelei; o lona nofoalii o le afi mumū ia, ua se afi ua mu
ana mea e taavalevale a’i. Ua tafe mai le afi ua alu atu nai ona luma; ua afe
ni afe o e auauna ia te ia, e mano ni mano o e laulaututū i ona luma; ua
nofoia le faamasinoga, ma ua fofola tusi.” – Tanielu 7:9, 10.
FA’ATULAGAGA O LE FAAMASINOGA FAALELAGI
O le faia o se faatulagaga faaletulafono, tatou te manaomia ai ina ia faatuina se
faamasinoga faatasi ai ma lē ua molia ma lana loia o loo puipuia o ia, o lē na
faia le moliaga ma lana tagata o loo taumafai e faamaonia le agasala a lē ua
moliaina, o le faamasino, o tagata latou te filifilia le i’uga o lē ua moliaina, ma
le tulafono a le malo lea o le a faamasinoina ai lē ua moliaina. I le tele lava o
faamasinoga, e faatagaina ai tagata faalogologo i totonu o le potu faamasino. E
faapena foi le faamasinoga a le lagi.
A)
O le Fa’amasino o le Atua lea
“A’o le Atua na te faamasinoina; o ia na te faamaulaloina le tasi, o ia
foi na te faaeaina i luga le tasi.” – Salamo 75:7.
“E ta’ua foi e le lagi lana amiotonu; auā o le Atua o ia lava le faamasino.
Selā.” – Salamo 50:6.
“…ma le Atua o le faamasino o tagata uma,…” – Eperu 12:23.
E)
O le vaega o tagata latou te filifilia le i’uga o lē ua molia, o loo
fausiaina i toea’i’ina e 24
“Ua siosioina foi le nofoalii e nofoalii e luafulu ma le fa; na ou iloa foi o
toeaina e toaluafulu ma le toafa o tietie i ia nofoalii, ua oofu i ofu sisina; ua i
o latou ulu foi o pale auro.” – Fa’aaliga 4:4.
“Ua fa’apaū toeaina e to’aluafulu ma le to’afa, ma mea ola e fa, ma ua ifo i
le Atua o lē tietie i le nofoalii, ua faapea atu, Amene; Aleluia.” – Fa’aaliga
19:4.
2
I)
O i latou ua molia, o le aigā tagata lea
“Fa’apei ona tusia, E leai sē amiotonu, e leai lava se tasi:””Auā ua agasala
tagata uma lava, ma ua lē o’o i le viiga o le Atua;” – Roma 3:10, 23.
“O lenei, faapei ona o’o mai o le agasala i le lalolagi i le tagata e toatasi, o le
oti foi ona o le agasala, ona o’o mai ai lea o le oti i tagata uma lava, auā ua
agasala uma lava;” – Roma 5:12.
“Ua ou toe iloa foi i lalo o le la le mea e faamasino ai, ua i ai le amio leaga;
ma le nofoaga o le amiotonu, ua i ai le amio leaga.” – Failauga 3:16.
“O lenei, o le a taitasi i tatou ma tala i lana amio i le Atua.” – Roma 14:12.
“E sili i fautuaga, e silisili foi i au galuega; auā ua silasila ou fofoga i ala
uma o tagata; e tuuina atu i tagata taitasi e tusa ma ona ala, e tusa foi ma le
fua o ana amioga;” – Ieremia 32:19.
O)
O le Puluvaga, o Iesu Keriso lea
“Si a’u fanau e, ou te tusi atu nei mea ia te outou, ina ne’i agasala outou; pe
afai foi e agasala se tasi, o ia te i tatou le fautua i luma o le Tamā, o Iesu
Keriso lea, o lē amiotonu.” – 1 Ioane 2:1.
“O ai se na te faasalaina mai? O Keriso o ia na maliu, a ua toe tu mai lava o
ia; o loo i le itu taumatau foi o le Atua, o loo fautua foi o ia mo i tatou.” –
Roma 8:34.
“O le mea foi lea e mafai ai ia te ia ona faaola pea lava i ē faalatalata atu i le
Atua ona o ia, auā o loo soifua pea ia e fautua mo i latou.” – Eperu 7:25.
U)
O lē o loo tu’uaia ma faia le moliaga, o le Tiapolo lea
“Ua lafo foi le tarako tele, o le gata tuai lea, ua igoa i le tiapolo, i le ma
Satani, o lē faasese i le lalolagi uma; ua lafo ifo i le lalolagi, ua lafo foi ana
agelu faatasi ma ia. Na ou faalogo foi i le leo tele i le lagi, ua faapea, O ona
po nei ua o’o mai ai le olataga, ma le mana, ma le malo o lo tatou Atua, ma
le pule a lona Keriso; auā ua lafo i lalo lē na molia o tatou uso, o lē na molia
i latou i luma o lo tatou Atua i le ao ma le po.” – Fa’aaliga 12:9, 10.
“Ua ia fa’aali mai foi ia te a’u o Iosua le faitaulaga sili, o loo tu i luma o le
agelu a Ieova; o Satani foi, o loo tu o ia i lona itu taumatau e tete’e atu ia te
ia.” – Sakaria 3:1.
“Ia outou faautauta, ia outou mataala, ona o lē ua fai outou mona fili, o le
tiapolo lea, o loo fealualua’i o ia e pei o se leona tagi, ua saili se tasi e ‘aina e
ia:” – 1 Peteru 5:8.
3
F)
O i latou o loo faatasi ai, o ‘Au ia o Agelu e lē mafaitaulia
“A ua o’o outou i le mauga o Siona, ma le aai o le Atua soifua, o Ierusalema
faalelagi, ma agelu e manomanō,” – Eperu 12:22.
“Na a’u iloa atu foi, ma ou faalogo i le leo o agelu e toatele, o e ua
faataaliolio i le nofoalii, ma le leo o mea ola e fa atoa ma le au toeaina; o lo
latou faitau aofai ua sefulu afe ni sefulu afe, ma afe ni afe;” – Fa’aaliga
5:11.
G)
O Tulafono o le Malo o le Lagi
“Se’i tatou faalogo ia i le iuga o ia mea uma, Ia e mata’u i le Atua, ma ē
anaana i ana poloaiga; auā o mea ia e tatau i tagata uma. Auā e
faamasinoina e le Atua galuega uma, atoa ma mea lilo uma lava, o mea lelei
atoa ma mea leaga.” – Failauga 12:13, 14.
“Ia faapea ona outou tautala, ia faapea foi ona outou faia, pei o ē a
faamasinoina i le tulafono o le sa’olotoga.” - Iakopo 2:12.
O LE FA’ASOLOGA O LE FAIGA O LE FAAMASINOGA
O loo i ai ni tusi o faamaumauga i le lagi. O a tatou gaioiga uma lava, upu ma
manatunatuga, pe lelei pe e leaga foi, o loo faamaumauina ma le faamaoni i
totonu o ia tusi. O tusi eseese la nei:
A)
O le Tusi o le Ola
O igoa o i latou uma lava na ulufale atu i le auaunaga i le Atua, o loo tusia i
totonu o le Tusi o le Ola. O i latou nei ua taliaina i totonu o Lana ekalesia.
“…o ona po foi ia e lavea’iina ai ou tagata, o i latou uma o e ua tusia i le
tusi.” – Tanielu 12:1.
“…na o lenei tou te olioli ai, ina ua tusia o outou igoa i le lagi.” – Luka
10:20.
“…soo se mea foi e te fusifusia i le lalolagi, e fusifusia foi lea i le lagi; soo se
mea foi e te tālā i le lalolagi, e tatalaina foi lea i le lagi.” – Mataio 16:19.
“Ai se tasi ua iloa ua lē tusia i le tusi o le ola, ua lafoina lea i le lepa afi.” –
Fa’aaliga 20:15.
E)
O le Tusi Fa’amanatu
O le tusi fa’amanatu, o loo i ai galuega ma amioga lelei uma lava, o manumalo
taitasi uma lava na manumaloina, ma faaosoosoga taitasi uma lava na
faatoilaloina. O mea uma lava na faafiafiaina ai le finagalo o le Atua, na
faamaumauina uma lava ma le faamaoni e agelu o loo faia faamaumauga.
4
“Ona fetautalatala’i lea o ē na matata’u ia Ieova; ua liliu mai foi e Ieova ona
fofoga, ma ua faafofoga mai; ona tusia lea o le tusi e faamanatu i ona luma,
mo ē matata’u ia Ieova, ma mafaufau i lona suafa.” – Malaki 3:16.
“Ua ē faitauina lava lo’u fesolasolata’i; ia ē utu o’u loimata i lau fagu; e lē
oi ai ea i lāu tusi?” – Salamo 56:8.
“Lo’u Atua e, ia e manatu mai ia te a’u ona o lenei mea, aua foi ne’i
soloiesea lo’u alofa ua faia e a’u mo le fale o lo’u Atua, ma ana sauniga.” –
Neemia 13:14.
I)
O le Tusi o le Oti
“Fa’auta, ua tusia le upu i o’u luma:…O a outou amio leaga, faatasi ai ma
le amio leaga a o outou tamā, ua fetalai mai ai Ieova…” – Isaia 65:6, 7.
“A ou te fai atu ia te outou, o upu faatauvaa uma e faia e tagata , latou te
talatala atu ai le tala i le aso faamasino. Auā o au upu e ta’uamiotonuina ai
oe, o au upu foi e faasalaina ai oe.” – Mataio 12:36, 37.
O tagata taitasi uma lava, e i ai lana agelu o loo ta’ito’aluaina o ia. O agelu,
latou te maitauina uma lava a tatou gaioiga, o a tatou upu ma o tatou
manatunatuga, ma faamaumauina ma le faamaoni nei mea uma i totonu o nei
tusi. O Satani na te avea a tatou agasala ma tu’ua’i ai i tatou i luma o le Atua. O
Iesu la tatou Faitaulaga Sili ma lo tatou Puluvaga, o loo sauni o Ia e fautua mo i
tatou. O agasala uma lava tatou te fa’aaliina ma lafoa’ia, o le a soloiesea mai i
le tusi o le oti, o le a tusia pea o tatou igoa i le tusi o le ola, a’o a tatou galuega
lelei ma amioga lelei, o loo faamaumauina lea i totonu o le tusi faamanatu. Afai
e lē salamoina le agasala, ona soloiesea loa lea o o tatou igoa mai i le tusi o le
ola, ma faatumauina ai pea loa le fa’amaumauina o a tatou agasala i totonu o le
tusi o le oti. O lenei mataupu e tatau ona matuā sili ona taua ia i tatou ma ia
una’iina ai i tatou ina ia tatou filifili ina ia tatou o mai i le nofoalii o le alofa
tunoa manū o i ai pea Iesu i le faamasinoga e aioi mo i tatou. O le aso lenei, ua
ia i tatou le avanoa e tu’u atu ai la tatou faamasinoga i lo tatou Puluvaga o Iesu.
Auā a aunoa ma se Puluvaga, atonu o le a tapunia lo tatou avanoa e aunoa ma
le fa’ailoaina atu i luma o le Fa’amasino, e aunoa foi ma se aioiga.
O loo alu nei lava le faamasinoga i le lagi, ma o loo faaigoaina o le
faamasinoga su’esu’e, auā o loo vailiiliina ai olaga ma amioga a tagata
taitoatasi uma lava i le faamasinoga i le lagi. O le fa’ataunuuina o le fa’asalaga,
e faia pe a uma ona aumai le moliaga ma faia le fa’amasinoga. E muamua lava
ona toe vailiili e le faamasinoga-su’esu’e, olaga o so’o uma lava o le Atua, e
amata i ē ua oti.
5
“Auā o ona po nei e amata ai le faamasinoga i le aiga o le Atua; afai foi e
muamua ia i tatou, pe se a le gataaga o ē faalogogata i le tala lelei a le
Atua?” – 1 Peteru 4:17.
“Na a’u iloa foi o ē na oti, o tagata nuu atoa ma alii, o tutū i luma o le Atua,
ona fofola lea o tusi; ua fofola foi ma le tasi tusi, o le tusi lea o le ola; ona
faamasinoina ai lea o ē na oti i mea ua tusia i tusi, e tusa ma a latou amio.” –
Fa’aaliga 20:12.
Ina ua tatalaina tusi ma ua tuuina atu o tatou igoa i le Fa’amasino, o le a tatou
manaomia se Loia e silisili lava ona maualuga e puipuia i tatou. Afai tatou te
aioi atu ma fa’aali atu a tatou agasala ia Iesu, o le a sili atu ona Ia naunau e
tula’i mo i tatou. Peitai e tatau ona tatou fa’aalia a tatou agasala a’o le’i
valaauina o tatou igoa i le fa’amasinoga: “Afai tatou te fa’aali a tatou agasala,
e faamaoni o ia ma amiotonu e faamagalo ai a tatou agasala, ma fa’amamā
mai ia i tatou i amiolētonu uma lava.” – 1 Ioane 1:9.
“O lē manumalo, e fa’aofuina o ia i ofu papa’e; ou te lē soloiesea foi lona
igoa i le tusi o le ola, ae ou te ta’u atu lona igoa i luma o lo’u Tamā, ma luma
o ana agelu.” – Fa’aaliga 3:5.
“O lenei, ai se na te ta’uta’u a’u i luma o tagata, o a’u foi ou te ta’uta’uina o
ia i luma o lo’u Tamā oi le lagi.” – Mataio 10:32.
Afai tatou te faatalale i le avanoa tatou te fa’aaogaina ai auaunaga ofofuaina
mai a le Puluvaga atoatoa ona lelei, o le iuga o le a tula’i mai, o lenei: “Ai sē
faafiti foi ia te a’u i luma o tagata, ou te faafitia foi o ia i luma o lo’u Tamā
oi le lagi.” – Mataio 10:33.
“Aua ne’i faaseseina outou, e lē ulagia le Atua, auā o le mea e lulūina e le
tagata, o le mea lava lea e seleseleina mai ai e ia. O sē lulu i la lona tino, e
selesele mai ai e ia i la le tino le mea e pala; a’o sē lulu i la le Agaga, e
selesele mai ai e ia i la le Agaga le ola e faavavau.” – Kalatia 6:7, 8.
FA’ATAUNUUINA O LE FA’ASALAGA
A uma loa le galuega a la tatou Loia o le fautua mo tagata agasala, ona Ia
faailoaina mai loa lea o le fa’ai’uga o Lana galuega fa’apuluvaga a’o Ia le’i
tuua le malumalu i le lagi: “O lē amioletonu ia amioletonu pea o ia, o lē
eleelea ia eleelea pea o ia, o lē amiotonu ia amiotonu pea o ia, o lē paia ia
paia pea o ia.” – Fa’aaliga 22:11.
O le taimi lava e tuua ai e Iesu le malumalu, ona amata loa lea ona pa’ū mai
fa’asalaga ia sa ulua’i lapatai’a mai ai i tatou e le Atua, i luga o le tagata amio
leaga i le liligiina mai o mala e fitu. O isi a tatou lesona o le a auiliiliina ai nei
mea tutupu mulimuli fa’avaloaga. A uma loa mala mulimuli e fitu, ona afio mai
6
loa lea o Iesu e avatu tagata amiotonu ma tauia loa i latou taitoatasi e tusa ai ma
a latou galuega ma amioga. O le fa’ataunuuina o le fa’asalaga mulimuli o
tagata amio leaga, o le a faia pe a uma le afe tausaga o le Fa’aaliga e 20, o
lenei mataupu o le a su’esu’eina i le tasi o lesona o loo mulimuli mai.
A tapunia loa le alofa tunoa poo le taimi o le nofovaavaaia, o le a lē toe i ai loa
se Fautua e aioi mo i tatou. O Iesu ua na o Ia lava le Puluvaga poo le Fautua,
peitai a uma loa le Fa’amasinoga, o Ia lava o le a faia le Fa’asalaga. Fai mai le
mau lenei: “Auā tatou te tutū atu uma lava i luma o le nofoa faamasino o
Keriso e tatau ai; ina ia taitasi ma talitali i mea na faia i le tino, e pei o mea
na faia, pe lelei pe leaga.” – 2 Korinito 5:10.
“Auā ua faatuina e ia le aso e faamasinoina ai le lalolagi ma le tonu, e le
tagata ua tofia e ia; o loo faamaoni mai ai e ia i tagata uma lava i lona toe
faatu mai ia te ia i e ua oti.” – Galuega 17:31.
O LO TATOU TIUTE
O lo tatou iloaina la, o i tatou taitoatasi e tatau ona tutula’i uma atu i le
faamasinoga, o lo tatou avanoa taua lava ma lo tatou tiute lo tatou o mai i le
nofoalii o le alofa tunoa. O le aso lenei, e tatau ai ona tatou liliu ese mai i le ala
o le agasala ma le lē usitai: “O le agaga e agasala, e oti lava ia. E lē tauia le
agasala a le tamā i le atalii, e lē tauia foi le agasala a le atalii i le tamā; o le
amiotonu a lē ua amiotonu e i ona luga lava lea, o le amio leaga foi a lē ua
amio leaga e i ona luga lava lea.” – Esekielu 18:20.
“O le mea lea ia tatou faalatalata atu ai ma le faamalosi i le nofoalii o le
alofa tunoa, ina ia alofaina ai o i tatou, ia maua ai foi le alofa tunoa e
fesoasoani mai i ona aso e tatau ai.” – Eperu 4:16.
“Auā afai tatou te fa’aali a tatou agasala, e faamaoni o Ia ma le amiotonu e
fa’amagalo ai i a tatou agasala, ma fa’amamā mai ia i tatou i amiolētonu
uma lava.” – 1 Ioane 1:9.
“Auā ua faapea lava ona alofa mai o le Atua i le lalolagi, ua Ia aumai ai o
Lona Alo e to’atasi na fanaua e Ia, ina ia lē fano se tasi e fa’atuatua ia te Ia,
a ia maua e ia le ola e faavavau.” – Ioane 3:16.
Lomia e le: Upu Moni Mo Le Taimi Lenei
PO Box 6458 Apia WESTERN SAMOA
7
O LE FAAMASINOGA MAUALUGA A LE LAGI
O le Itula o le Faamasinoga o le Tagata
1.
E faia ea e le Atua se fa’amasinoga?
______________________________________
______________________________________
2.
Ta’u mai tagata eseese i le fa’amasinoga a le lagi.
Fa’amasino __________________________________
O lē o loo faia le moliaga __________________________
O lē o loo tula’i mo lē ua moliaina _____________________
O lē ua moliaina ______________________________________
O i latou e filifilia le i’uga o lē ua moliaina
____________________
O i latou o loo faatasi ai i le fa’amasinoga ________________
3.
Mai i tusi e tolu o loo ta’ua i lenei lesona, o le fea o nei
tusi e te manatu e sili lona taua, ma aisea foi?
______________________________________
______________________________________
______________________________________
4.
O le a le mea ua folafola mai e Iesu na te faia ia i latou
uma lava e manumalo?
______________________________________
______________________________________
______________________________________
5.
O le Fa’amasinoga Su’esu’e…
(Fa’ailoa mai i se togi  poo le fea fa’ai’uga e sili ona fetaui i
lenei fuaiupu).
..... o le a amata i le taimi tonu lava e tuua ai e Iesu le malumalu.
..... o le a amata pe a toe afio mai Iesu.
..... ua leva ona amataina ma o le a uma i le fa’amutaina o le
galuega fa’afautua a Iesu.
..... ua leva ona amataina ma o le a muta pe a uma tausaga e afe.
6.
E mafai ea ona tatou suia fa’amaumauga o o tatou olaga i
le taimi tatou te tutūla’i ai i luma o le Fa’amasino?
______________________________________
______________________________________
8
Auala & Numera ______________________
Nuu/Taulaga/Aai______________________
Setete _______ Numera Itumalō ________
Atunuu _____________________________
Faamolemole faafo’i lenei Ta’iala Toe Iloiloina i le Tuatusi lenei:
SU’ESU’EGA FETUSIA’I o le UPU MONI MO LE TAIMI LENEI
P O Box 6458, Apia, Western Samoa
TA’IALA TOE ILOILOINA - LESONA 26
9